تنصحوني اتطلق من زوجي ؟!!
 

بختصار قاعدة افكر ذي اليومين بفكرة الطلاق ..
انا عمري 22 وعندي ثلاثه اطفال و السنه الجايه بأذن الله راح ادخل الجامعه ..
افكر اذا جاء خبر إسقاط الولاية اكمل دراستي برا واعيش حياتي من اول وجديد
احذف الماضي ورا ظهري وأكمل طريقي ...

فكرة الزواج بنساها بعيش حياتي سنقل ..
انا انظلمت من ابويه فوق انه زوجني غصبا علي و ماخلاني اختار شريك حياتي واتخذ القرار !!!
كنت ابغى اكمل الجامعه بعدين اتزوج لكنه ضربني وسفل فيني عشان اتزوج انسان م ابغاه ..

احزن ع نفسي ودي لو اني انقذت نفسي من الماضي ؟!!!
ودي لو ارجع بالماضي ورا وأغير كل اللي صار بس خلاص ماعاد فيه مفر من الواقع ....


خلاص بتوظف و استقل بحياتي ..
انا صح أسوي نفسي متماسكة وعادي الوضع عندي وماهمني سواء عند اهلي او عندكم لكن من داخلي أتألم وأبكي بصمت .....

المهم انصحوني انا صح ؟ تفكيري صح ولا انا متهورة وتفكيري غلط ومتسرعة ؟!!!

رد: تنصحوني اتطلق من زوجي ؟!!
 

انا مابغى احد يقول اصبري اصبري والسبب لانه مايبغى يخببني ؟!! لا رجاءً لو ان الطلاق في ذي الحالات تخبيب ماكان الله من الأساس شرعه ..

رد: تنصحوني اتطلق من زوجي ؟!!
 

صراحه مالقيت منه شيء لا حب ولا اهتمام ..
انا رومانسية مرا و احب الهدايا أذوب عند الكلام الحلو وذا الشيء مالقيته عنده
ماعمره جاب لي هديه الا اول سنه زواج وبعدها خلااااااص ...
مايجلس ويسولف معايا ، طول الوقت جالسه لحالي

احس مالي قيمة اساسا عنده ، انا بس للفراش وللتنظيف و الاهتمام بالاطفال وتنظيف البيت ..

لا طلعات لا مصروف ولا حاجه اللهم يعطيني فلوس بالأعياد ...

ارضي بذي الحياة ؟!!!
ماعاد ابغى حب زي كذا والله مابغى .....

رد: تنصحوني اتطلق من زوجي ؟!!
 

انتي مسكينة ومريضة دام تفكيرك مثل تفكير الي بتويتر وسقاط الولاية
تنصلتي عن مسؤلياتك بيت وزوج واطفال

رد: تنصحوني اتطلق من زوجي ؟!!
 

م اقول ان ماعنده ايجابيات لا عنده لكن سلبياته اكثر لدرجة غطت ع كل إيجابياته
وانا قلبي ماعاد يتحمل كل ذا ... خلاص تعبت

رد: تنصحوني اتطلق من زوجي ؟!!
 

شاطى الراحة اصلا إسقاط الولاية مو من الشرع ؟!!! فيه فرق بين إسقاط الولاية وبين القوامه ..
اذا اسقطوا الولاية معناته أموري في الدوائر الحكومية تمشي بدون ولي امر وتعقيد زايد ..
وشكراً ع الكلام الحِلو ...

رد: تنصحوني اتطلق من زوجي ؟!!
 

احنا مانصبرك ..بس قاعدين نفكر معك بصوت مسموع

وهل والدك بيرضى ؟
بيضيق عليك وبيكرهك باليوم اللي تطلقتي منه ..

رد: تنصحوني اتطلق من زوجي ؟!!
 

الظاهر انك مع الخيل ياشقرى
ببغاء يردد مايقولة الناس
من انشئ هشتاق اسقاط الولاية
ومن يدعمة وماهي اهدافة؟
عطينا الجواب يالفاهمة

رد: تنصحوني اتطلق من زوجي ؟!!
 

صعبه جدا تديرين حياتك بدون ولي امر
اللي كان زوج بيكون ضدك والاب ضدك ..

والمراه محتاجه لسند يدعمها

رد: تنصحوني اتطلق من زوجي ؟!!
 

مشكلة الوحده تنجب ضحايا وبعدين تستوعب انه الحياه الي عاشتها غلط

انصحي صحباتك اذا تزوجو غصب عنهم يستخدمو حبوب منع الحمل

رد: تنصحوني اتطلق من زوجي ؟!!
 

ريماس الان قراري بيدي وحياتي بيدي انا ..
محد له شغل بحيااااتي انا أقرر وش ابي محد يجي ويقرر عني ..
رضى ولا مارضى ماعاد اهتم ..

رد: تنصحوني اتطلق من زوجي ؟!!
 

شاطى الراحة انت اللي ماتعرف تفرق بين ولاية وقوامة اقرأ واتثقف اكثثثر عشان تعرف 😊💜

رد: تنصحوني اتطلق من زوجي ؟!!
 

متفائلة عن حبوب منع الحمل والله كنت صغيرة وماعرف شيء وكنت احب زوجي اما الحين عرفت اني كنت مخدوعه فيه ..

ايه الحين استوعبت وافقت وصرت اشوف الوضع قدامي مو تمام يعني خلاص عشان ثلاث اطفال اقتل نفسي مع انسان مايفهمني ؟!!!!!

رد: تنصحوني اتطلق من زوجي ؟!!
 

ثلاث اطفال و بسن 22!

ضعي النقاط على الحروف
قولي له تغير اسلوبك و طريقتك

رد: تنصحوني اتطلق من زوجي ؟!!
 

النوعيه هذي من الشخصيات
الجدل معاها ماينفع
انتي جايه ومقرره وملعوب براسك
بأفكار خارجيه أوروبيه
ف ماله داعي تستشيرين

رد: تنصحوني اتطلق من زوجي ؟!!
 

ايضا مختلفه قليلاقليلاpghgjgf

رد: تنصحوني اتطلق من زوجي ؟!!
 

اول تقولي ابوك زوجك غصب و ما كنت ي راضية
و الرد فوق تقولي حبيتيه و انخدعتي فيه
تزوجتيه غصب ثم حبيتيه ثم اتضح انك مخدوعة فيه
كيف انخدعتي
وش عملتي حتى تحسني علاقتك به
هل حاولتي اصلا

رد: تنصحوني اتطلق من زوجي ؟!!
 

ما هكذا تورد الإبل يارجل

أليس من سمات الرجل السري للصبر والحكمة والاناة

البنت ياية تفكر معانا بصوت عالي ماله داعي كل هالكلام


رب كلمة قالت لصاحبها دعني

رد: تنصحوني اتطلق من زوجي ؟!!
 

عطينا إيجابيات زوجك وسلبياته ؟
علشان نقدر ننصح

رد: تنصحوني اتطلق من زوجي ؟!!
 

اختي مختلفة قليلا

من خلال تجربتي في معيشتي لحالي والمقدرة على التصرف بكل جوانب الحياة بروحي مع ان الكويت واااااااايد سهلة العيشة فيها

بس بصراحة مو كل وحدة اقدر تتحمل ، يعني حاولي تتخيلين انج تعيشين حياتج بكاااااااااااملها بالزين والشين بروحج

هل راح تقدرين؟؟ خصوصا بوجود 3 اطفال ربي يحفظهم لج

او انج بتعيشين بره السعودية

اذا هذي فكرتج ترى وربي الغربة كربة ... ووين بتروحين؟؟ ديرة اجنبية ؟؟؟ لا امان ولا اسلام ولا اذان ولا اي معلم من معالم الاسلام

نصيحتي لج فكرررررري مليون و600 مرة وحولي تحطين الايجابيات والسلبيات للموضوع وابتعدي عن العاطفة

ربي يوفقج ويكتب لج كل خير

رد: تنصحوني اتطلق من زوجي ؟!!
 

رد: تنصحوني اتطلق من زوجي ؟!!
 

شكلك تعبانة كتير 22 سنة وثلاث أطفال!!

مشكلتك الحقيقية:

اعتقد انك تطمحين للعيش والاستمتاع مثل البنات الي بعمرك بلا مسؤوليات بلا تعب لكنك تعرفين ان التخلي عن أولادك لا يمكن فبتفكري انك على الاقل تتخلصي من قيد الزواج.. وبذلك تنطلقين في الحياة الي المفروض وحدة بعمرك بتعيشها..

اريد ان انبهك ان مسؤوليتك العظمى هم الاولاد، حتى لو تطلقتي مافي لا انطلاقة ولا استمتاع زي ما بتفكري، أي دراسة و أي راحة وأولادك صغار؟ القيد الكبير هم أولادك هم الي يصحونك متى ما أرادو وما تقدري تطلعي بسببهم ويمرضو وتسهري وياهم و تقابليهم طول اليوم هاد بدو هاي وهاد بدو هاي وهاد بيحب ياكل هاي وهاد لازمو اكل ثاني..

التخلص من زوجك ماراح يرجعك مثل قريناتك الي بعمرك افهمي! خاصة ان البلد الي انت فيه ماتقدري تعتمدي على نفسك.. اشوفك تتكلمي عن اسقاط الولاية مافهمت شنو الشغلة بس امبين صعبة من عنوانها..

تمرين بأزمة في هذا العمر وتحسين انك ضعتي في أحلى الايام قريناتك سارحين مارحين وانتي من ولد لولد ومن المطبخ للغسيل افهمك جيدا.. انت تعبانة من توالي المسؤوليات الاكبر منك.. اصبري فترة معينه وسترجعين للتوازن صدقيني.. اجلي فكرة الطلاق.

لانك مهما فعلتي قيدك الحقيقي لن تكسريه الا اذا رميتي أولادك..

رد: تنصحوني اتطلق من زوجي ؟!!
 

سعد / قد قلت له مرا اني مقدر اعيش كل حياتي كذا ؟!! انا احب انك تجلس معايا وتعطيني ساعه من وقتك و وووو لكن ماشفت منه شيء ..
وكذا مرا اشتكيت له و قلت له كذا مانقدر نكمل مع بعض قال هذا انا فلان اتقبليني زي م انا مو عاجبك الوضع روحي عند ابوك وخلي ابوك بنفسه يقول انك تبغي الطلاق
صراحه مدري ليش يبغاني اكلم ابويه ؟!! يمكن لانه عارف ان ابويه راح يرفض ؟!

انت الوحيد اللي فهمتني أشكرك 💜💜

رد: تنصحوني اتطلق من زوجي ؟!!
 

طيب تزوجتي بالغصب
النتيجة الان انتي متزوجة وأم لثلاثة اطفال

راح نتعامل معك بناء على هذه النتيجة

لذلك بنقولك وشفيه زوجك عشان تطلبين منه الطلاق

الرومانسية نعم معروف انها اول سنه ثم تعود الحياة لروتينها خاصة مع وجود الاطفال

لكن هذا مايمنع انك تبادرين في خلق أجواء جميلة

تعاملي مع زوجك كانه بوي فرند
طلعي اللي بخاطرك معاه
وخليك رومنسية

رد: تنصحوني اتطلق من زوجي ؟!!
 

هذا مربط الفرس يا اخت ابتسامة
فعلا ملعوب براسها وتبي احد الاعضاء يقولها اوكية
صاحبة الموضوع يطغى عليها الجهل
وربما تميل للمراهقة المتأخرة اكثر
واعتقد الحبل على الغارب لامن زوج ولا من اهل

رد: تنصحوني اتطلق من زوجي ؟!!
 

موهبة الكويت ي قلبي انتِ ❤❤
صراحه جلست وفكرت كثير مع حالي حسيت ان
الحياة ماراح نعيشها الا مرا وحده ...
ف ليش نعيشها بألم وحزن وتعب ..
ابغى اعيش حياتي زي ما احب بدون منغصات ...

رد: تنصحوني اتطلق من زوجي ؟!!
 

طبعا لا أنصحك بالطلاق ..والحال لا يدوم على وتيرة واحدة لا بد من الصبر حتى تتنفسي الصعداء ..أكيد في ظل وجود اطفال ثلاثة صغار لا يوجد وقت للرومانسية الا القليل هذا عدا الضغط النفسي الكبير في خدمتهم وقد جربت وضعك وكان متعبا جدا مع الوظيفة..انتظري قليلا وحاولي انت ايجاد هذا الواقع الرومانسي..الحب يحتاج الى رعاية ومواقف ..في رأيي تقع مسؤلية كبيرة في ايجاد بيئة هادئة وملائمة للزوج حتى تأسره في حبها ..اهم شي ان تقتنعي بهذه الفكرة..سيتغير زوجك للأفضل ان تغيرتي..ومع الاستغفار والدعاء تصبح امورك طيبة بإذن اللهjyh

رد: تنصحوني اتطلق من زوجي ؟!!
 

سنديان صح عليك ... انا اول ماتزوجته ماكنت احبه .. بالعكس كنت أكرهه وماخليته يقربني شهرين ..
وبعد تقريبا سبعه شهور زواج حبيته لانه كان يعاملني
ب "احترام "كان يجيب لي هدايا و يسمعني كلام حلو و يهتم فيني
وكل ذا راح .. لدرجة مريت بمواقف كنت احتاجه فيه ومالقيته جنبي ....
قصة اني مخدوعه فيه .. قصة ثانيه مابغى افتحها ..

رد: تنصحوني اتطلق من زوجي ؟!!
 

طيب ليه ما تشتغلي و تكملي جامعه و تبقي متزوجه ؟ انت كذا ولا كذا راح تستقل فلما الطلاق ، بعدها تندمي ، يعني ما راح يقدم لك شي .

رد: تنصحوني اتطلق من زوجي ؟!!
 

لا طبعا ماانصحك ابد

بل انصحك بالصبر لأجل نفسك ولأجل أطفالك وزوجك وحاولي قد ماتقدري تصلحي من عيوبك وعيوب زوجك لتسير المركب
ومايمنع انك تستقدمي خادمه وتكملي تعليمك وتوقفي حمل لمده معينه ليخف الضغط النفسي عليك وكل فتره تسافري مع زوجك لحالكم تجديد للحب والمشاعر 🌹

رد: تنصحوني اتطلق من زوجي ؟!!
 

طبعا انا ضد الطلاق
الرجال ما اهانك ولا جرحك
ولا ضربك ولا شتمك
ولا عنفك ولا اساء لك

عشان هدايا ورومانسيه قلتي طلاق!!
حبيبتي الحياه ماتجي على الكيف
ووضعك افضل من مليون وحده

......
....
.....
دام زوجك رجل صالح تمسكي فيه

اعرضي عليه تروحوا بعثه دراسيه
ويكون هو مرافق لك
سافري معه اذا ماعنده مشكله
والا قدمي بجامعه بالبلد وخلاص

رد: تنصحوني اتطلق من زوجي ؟!!
 

اسقاط الولايه تحسبينه سهل!
وابناءك لمن تتركينهم!

رد: تنصحوني اتطلق من زوجي ؟!!
 

مشكلة مو الرومانسية قريت مواضيعك عندك مشاكل اكبر
زوجك مو ملتزم بحياتكم الزوجية ويسافر بالشهر والشهرين واعتقد الان مخليك عند اهلك وعايش مع امه كانه عزوبي ما اتزوج هو نفسه هارب من المسؤلية
هذي مشكلتكم ع ما اعتقد لا انتي ملتزمة بهذا الزواج ولا هو ملتزم

رد: تنصحوني اتطلق من زوجي ؟!!
 

مخلي مسؤلية ابناء ع والدك ويتصل عليه ويقله استاجرلهم بيت قريب منك وانا اجيهم جمعه وسبت و والدك يقوله ابشر هذا وضع طبيعي انتي راضية بكذا !

رد: تنصحوني اتطلق من زوجي ؟!!
 

الحياة ليست وردية يابطة ياحلوة انتي

وصك الطلاق مش صك السعادة اللي بينهي التعب والجهد بالدنيا

ماراح تتطلقين دايركت وتهجين من البلد وتركضين بين المروج الخضراء وبستان الورد بدون هم وتلتقين بفارس الاحلام

وين بتروحين؟ وعلى اساس؟ وعيالك وين بتودينهم؟ بتشحذين من الشارع؟

عيشي حياتك حسب معطياتك وظروفك واللي عندك.. لايجي يوم ماتحصلين لا اللي بعيد ولا اللي كان عندك وتطلعين من كل هذا بولا شي

بتطلعين من البلد عشان زوجك ماقال لك كلام حلو؟ سيريسلي؟

ولو اني احس شووووي ان الموضوع سواليف بس شوووي 😬

رد: تنصحوني اتطلق من زوجي ؟!!
 

أنا أفهمك يامختلفة
لكن صدقيني الطلاق مش حل.. البنات اللي حاليا عايشين حياتهم وتبغي تصيري مثلهم حيتزوجوا قريب ويتجنبوك لأنك مطلقة
انت لسا صغيره وماجربتي العيشة بدون رجل من عرفتي الدنيا تزوجتي
لكن المرأة فطريا تحتاج الرجل
تبيه بحياتها حتى لو ماجاء على كيفها
تبي بيت مستقر عماده موجود رجل تداريه وتراعيه، المشكله إنك صغيره على كل هذا وزوجك مو محتوي عمرك أخاف هو بعد صغير

مختلفه تتخيلي نفسك بعد عمر طويل وانت بالاربعينات أو الخمسينات كيف وضعك؟
خلصتي شبابك وانبسطتي وتزوجوا عيالك وأنت؟
وحيدة؟ وإلا زوجة ثانية؟

عيالك وش نظرتهم لك؟

لو صبرتِ يامختلفه حتكبري وتفهمي زوجك حبه حبه ويفهمك وتنضج أفكاركم ويكبروا أولادكم وأنتم لسا صغار
يقولون الأزواج اللي عرفوا بعض صغار وصبروا على جهل بعضهم هم اللي يتعلقون ببعض كبار ويعوضون حياتهم الصعبة

مختلفة إهدي وريحي مخك ورتبي مشكلتك ووكلي أمرك لله
حياتك حلوة والمشكلة اللي أنت فيها بسيطه لكن تشوفينها كبيره

رد: تنصحوني اتطلق من زوجي ؟!!
 

يابنتي هذي ارزاق مقسمه
اللي بعمرك ويدرسن يعني ايش
بيحصلن عليه ممكن وممكن بيتخرجن
ومايحصلن على وظايف انتي شايفه
ايش كثر الخريجات بعدين تقدرين
تسجلي بجامعه وتختاري قسم حلو
واستعملي مانع الحمل الى ان تتخرجي دام معك 3اطفال وانتي لسى صغيرة
مالومك لانك فعلا صغيرة
بس ان شاء الله انك تقدري توفقي بين دراستك ورعاية ابناءك اذا ظروفكم الماديه كويسه جيبي شغاله مع مساعدة والدتك اذا قريبه منك

رد: تنصحوني اتطلق من زوجي ؟!!
 

واضح جدا انك تعيشين حالة اكتئاب اختي الكريمة


فبين حياة زوجية غير مستقرة ووالد فير متفهم لمعنى الاستقرار - كما فهمت من التعقيبات - و3 اطفال بهذا العمر الصغير ،، كلها امور فوق الطاقة ،،



اهدأي قليلا لتعودي الى اجمل مافيه حياتك اطفالك ،، اصبري عامان ليكبرو قليلا اذا اصبح الكبار في مرحلة الروضة فسترتاحين قليلا وستكون حياتك أهدأ ،،


اعانك الله

رد: تنصحوني اتطلق من زوجي ؟!!
 

عزيزتي اي ابتعاث وبرنامج خادم الحرمين سكروه ؟ الا اذا بتبتعثين بفلوسك هذي حكاية ثانية :)
الشيء الثاني ما اعتقد مسموح تبتعثين بدون موافقة ولي الامر :)
ثالث شيء طيب وتطلقتي وابتعثتي مستوعبة بتصيرين لوحدة مع ثلاث اطفال !!! اي متعة واي وناسة واي انبساط تتكلمين عنه مستحيل ياعزيزتي المسؤولية بتصير دبل ثلاث مرات .

باختصار ماتقدرين تسوين شيء لحد ما تستقلين ماديا ومارح تستقرين ماديا حتى تتوظفين ولا رح تتوظفين حتى تدرسي جامعة بتخصص ( كويس ) بعدها تقدرين تستقلين بحياتك .

اعتقد المشكلة انك استوعبتي انك ماعشتي حياتك .. شفتي اللي حولك صديقاتك واهلك والبنات بانستغرام عايشين حياة غير اللي عايشتها وحسيتي انك محرومة من شبابك ولا استمتعتي ..

ولا رح تستمتعين بهالطريقة زي ماقالت مسك صك الطباق مارح يبعث لك السعادة نهائي ، منطقيًا حتى لو تطلقتي فانتي بترجعين لنفس البيت اللي تكرهينه ..
مارح يتقدم لك شخص كويس لان معك 3 اطفال وزي مازوجك ابوك وانتي صغيرة بيزوجك عصب وانتي بهالعمر :)

لو أنا بمكانك بعيش حياتي بالمعطيات اللي معي .. بحاول استمتع بعمري ..
اول شيء مبسكن ببيت قريب من اهل زوجي حتى يتدبس فعلاً :)
الشيء الثاني بخلق لي بيئة مريحة .. اتعرف ع ناس .. ادرس بدار تحفيظ او اي شيء اختلط مع الناس .. اتابع لي مسلسلات حتى اشبع ..
اكتشف ايش هي هواياتي !
نعم غلطت وحملت ورا بعض وجبتهم وانا صغيرة .. لكني بحط هدف تربيتهم بقائمة اهدافي .. بعتبر هالشيء مشروعي الاول بالحياة ..
بالوقت الحالي اولادي صغار ومحتاجين لي ..
بربيهم كويس وبقرا عن التربية .. اسوي لهم روتين مريح لي مثلا من 9 ينامون ويبدا وقتي الخاص .. بقرا القصص والكتب اللي احب .. بشوف افلام وبتابع مسلسلات ..
بسوي لي رياضة تضبط لي جسمي بعد الحمل والولادة .. واذا احتاج مثلا تقويم اسنان بسويه .. اذا احتاج علاج لبشرتي مارح ابخل ع نفسي :)
بهتم بنفسي اكثر وبحب نفسي وبدلعها لان ماعندي احد يهتم فيني :)
بدرس بالجامعة وبهتم بدراستي وبحاول اشد حيلي واتخرج بمعدل حلوو حتى احصل لي وظيفة احلى
بحاول احسن علاقتي مع زوجي .. لاني انا المستفيدة .


هذي بتكون خطة الخمس سنوات القادمة .. بعدها بحط لي خطة ثانية اذا صار عمري 28 بشوف ايش اولوياتي


هذا لو انا بمكانك :)

رد: تنصحوني اتطلق من زوجي ؟!!
 

الله يهديك ويصلح حالك ..
22 سنه و 3 أولاد ومو عاجبك حالك .،
ركزي على تربي أولادك وليكن هدفك تربيتهم وتنميه شخصيتهم .. وليكن تحقيق حلمك عن طريقهم ..
هذا رائي