|
انسان عزيز علي يتهمني
السلام عليكم ورحمه الله وبركاته
كيفكم ابي حل ورايكم بها المشكله مع ابن اختي اولا مره سويت له مقلب بسييط وعادي جدا بالفيس وثاني مقلب برقم جوالي اول ما اخذتو واعترف له بعدها بايام من انا المهم علاقتي به قويه وكنت اعزه وهو يعزني وعتبره صديق او اخ لانه اصغر مني بسنه المهم له فتره متغير علي وزعلان ومايكلمني ولما اكلمه مايعبر بعدين قالي كنت اضايقه قبل فتره بالفيس واتصل عليه من ارقام وراسله بالواتس وانه يشوف رقمي ورقم الي يضايقه ينفتح بنفس الفتره ونفس اسلوبي وكلامي والله مصدوومه حلفت له ان مو انا ومامعي. ارقام ثانيه بالواتس الا هذا ومامعي اي رقم ثاني يرجع يحلف انه انا ويصارخ علي وقال اني كنت ارسل صور بالغلط انا هنا جنيييت جد لانه حسيت ان ها الصور اكيد اشياء مب اوكيه حاولت ابرر له اكثر من مره بس مارضى يسمع لي وانا والله الي قاهرني اني اعزه ووقف معي بعده موووور بحياتي مصدووومه لانه شك فيني ومقهوووره لانه له فتره لها الموضوع وللان مو مصدق انه مش انا اخذت رقم الي يضايقه قلت بتصل به سواء كان بنت او ولد قدام حد من اهلي وعلشان يتاكد انه مش رقمي وبطلع الي بقلبي ع ها الانسان او الانسانه من ما كان يكون وبدعي عليه من قلبي لانه والله حااارق قلبي الموضوع ومضايقني بقوه والله ابي اعرف اذا حد بمكاني ويش بيسوي بها الموقف شخص تعزه يتهمك بشيء ونت والله مالك دخل فيه بتبرر له ولا تطنش وهل بتسوي نفس الي بالي الان وش تنصحوني |
رد: انسان عزيز علي يتهمني
ارسلي له رساله
واحلفي انه مو انتي وما في اقوى من الحلف البينه على المدعي والحلف على من انكر وارسلي انك بتتركي الكلام لضميره وان الي عليك سويته وانك تعزينه لكن ما باليد حيله وهذي المقالب ومايجي وراها الا وجع الراس درس وتعلمتيه |
رد: انسان عزيز علي يتهمني
مامقدار المعزه بينك وبين ولد اختك ...!
وكم عمرك وعمره...! ، اختي الكريمه والله اني أخشى ان تذهب بك معزة ابن اختك الى امور تخالف الدين ...! سامحيني لوضوحي ، والله اني ناصح لك امين ...! لابد ان يكون علاقتك مع محارمك لها حدود ...! وواضحه ورسميه ...! إقرئي بمواضيع العلاقات بين المحارم حتى تتأكدي ....! انا لا أسيئ بكِ الظن ابداً انا ابيَّن لك وأوضح خطورة الامر والله من وراء القصد ....! |
رد: انسان عزيز علي يتهمني
وعليكم السلام ورحمة الله وبركاته
أشوف انه ما ينلام بصراحه .. ما احط اللوم عليك أبد لكن..! كوني بمحله وشوفي وشلون بيكون تفكيرك أكيد نفس الشئ مستحيل تصدقين .. لا تخسرين أبن أختك ولا تملين حاولي مره ومرتين معه حتى يقتنع .. خليه يراسل الطرف الثاني وانتي موجوده .. أو يبحث عن أسم صاحب الرقم بالبرامج الخاصّة بكشف الأرقام .، وتنحل إن شاء الله بالتوفيق |
رد: انسان عزيز علي يتهمني
اقتباس:
|
رد: انسان عزيز علي يتهمني
اختي السائله صراحة معه حق يشك بك لانك مرتين سويتي له مقلب بنفس الطريقه فأكيد بيشك فيك مالج حل غير طريقة الاخ راسي علشان تثبتين براءتك
|
رد: انسان عزيز علي يتهمني
اقتباس:
ولاننسى انهم متقاربين بالسن ...! |
رد: انسان عزيز علي يتهمني
هو زعلان بسبب المقاطع ربما اعتقد انك انتي الي ارسلتيها
وبعدين ليه ماسويتي الي قلتي عليه اعطي الرقم أمه هي تكلمه وتقول لولدها انك مظلومه انا خالي دايم يسوي فيني مقالب وفهمت أسلوبه لو يكتب حرف بس اعرف انه هو😅 |
رد: انسان عزيز علي يتهمني
وعليكم السلام ورحمة الله
غَلَطتِ اختي المقالب هذه آخرتها لكن بماانك حلفتي ولم يصدق طنشيه لا تظلي وراه ومصير الحق يبان |
رد: انسان عزيز علي يتهمني
اقتباس:
|
رد: انسان عزيز علي يتهمني
اقتباس:
قال انت اخر وحده تذكر اسم الله وتحلفين واجهته وكلمته واخر شي قال والله لو سويتي ما سويتي مايتغير شي وقلت له اذا ما عزك وربي ما بتنازل علشان ها الموضوع وماعلي منك بس ماهو راضي يفهم |
رد: انسان عزيز علي يتهمني
اقتباس:
وهو19 اقولك الولد زعلان مني لانه الرقم شكله تخطى حدوده معاه تقول علاقتنا مدري وشو مابينا غير كل احترام ومعزه فقط ماااابينا اي شي اخر وقف معي لما كنت مريضه ووقف معي بامور ماديه كمان ومستحيه من الموضوع ذا ان ها الرقم نخطى حدوده ويحسبه انا حتى لما يناظرني احس بعيونه غصب كان وده يصفعني والله مالي دخل وربي |
رد: انسان عزيز علي يتهمني
اقتباس:
انه حلفت له وقلت له ماني قليله ادب طالعني بنظره احتقااار حسستني اني انسانه حقيره قهرتني وربي |
رد: انسان عزيز علي يتهمني
اقتباس:
|
رد: انسان عزيز علي يتهمني
اقتباس:
|
رد: انسان عزيز علي يتهمني
اقتباس:
ومابي اخسر انسان غالي ع قلبي ومستحيه منه لانه مدري ويش صار بالضبط مع الانسان الخبيث الي كلمه وفوق ذا كله استحي منه يوم يشوف منظري انا قدامه بمكان ذاك الشخص الي الله اعلم ويش صار بينهم الله يصبرني بس كل مره اطيح بمصيبه حسبي الله ونعم الوكيل |
رد: انسان عزيز علي يتهمني
انتي لاتضغطين نفسك هو صح
ماقصر بس خلي لك كرامه حلفتي وضليتي وراه ومعذبه نفسك على ايش!!!!؟؟؟؟ وبعدين العاقل مايفكر نفس تفكير خالك!! ايش الي تركضين وراه لين يرضى لو كلمك ردي وقولي له بالرساله كل شي وان الرقم مو لك صدق اهلا وسهلا ماصدق الله ينظر العباده اعوذ بالله الناس ايش جايه حتى الضحك والمقالب صار فيها نكد!!! ماشوف انك غلطتي خلاص ارسلي واسكتي الي يزعل من الهوى يرضيه الغبار لاتركضين وراه هذا خالك ادرى فيك من غيره وضحي له وخلاص مصيره يرجع يكلمك صدقيني وراح يندم اذا شفتيه سلمي عليه ارسل ردي بس تركضين وتحلفين لا وسوي الي قالو لك خليه يتصل قدامك اهم شي لاتسمحين لاي انسان يهين كرامتك مهما كان هو شافك ضاغطه على نفسك وتلحين عليه خير!! خلي نفسك عزيزه ياحبيبتي وهو بيعرف خطاءه ولا تقاطعينه راح يكلمك.... والله يصلح عاجل حالكم ويهديه باذن الله ولار سلتي اكتبي تعوذ من الشيطان ماحد ماخذ غير اعماله اتمنى ماتظلمني لاني مرضاها مهما كان لنفسي انت غالي وخالي وعزيز لاكن تظلمنى والله مارضى |
رد: انسان عزيز علي يتهمني
أختي العزيزة
علاقتك بابن أختك من حيث القوة مثل علاقتي بأحد أقربائي علاقة قوية و محترمة لو مررت بنفس موقفك بالطبع سأبرر لنفسي و أحاول بكل الطرق لرفع التهمة عن نفسي لكن إن وجدت الصد في كل مرة و عدم التصديق منه سأنسحب بهدوء, نعم سأنسحب ولن أحتك به نهائيا وفي قلبي ألم و سأدعي ربي أن يظهر براءتي وستظهر ! أنا لن ألومه على شكه فيني في البداية لكن سألومه ألف مرة على استمرار شكه رغم كل تبريراتي ومحاولاتي و لأنه من المفترض أن يعرف من أنا و ماهي أخلاقي . تأكدي سيأتي يوم و يعرف أنكِ بريئة و أنه اتهمك ظلما , فالله قادر على كشف كل الحقائق فلا تقلقي وتوقفي عن تبريراتك و محاولاتك , هي مسألة وقت وستظهر براءتك. |
| الساعة الآن 10:41 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©