|
كرهت زوجي بسبب عدم اهتمامه بمرضي
السلام عليكم ورحمة الله وبركاته...
كنا انا وزوجي ماشيه حياتنا مثل العسل ... فجأه تغير تغير ... لما طحت مريضه شفت الخوف بعيونه ووداني الطبيب ...وبعد الفحوصات لما قالوا لي شاكين عندي ورم ..خفف علي وحاول يواسيني وبعدها وداني عند امي قال عشان ترتاحين عندها ... ومن يومها ولا يسال عني وإذا راسلته يقول مشغول واحيانا مايرد علي ... هو ماقصر معي في البداية ووقف بجنبي .. بس رجع تغير ومو عارفه وش سبب تغييره علي ... نا مقهوره اكثر اني سلفته فوق 70 او 80 الف وماوعيت الا بعد مارماني بيت اهلي ولا صار يسأل عني .. ولما قلت له انهم مقررين لي عمليه... قال انا تحملت مرضك وتعبت ... الحين عندي أشغال ومو فاضي للمستشفيات ... ذبحني رده ... . للحين ماقلت له اني مارح اسوي العمليه واني خلاص ماحتاجها ولا قلت له اني سافرت جده ولا قلت له شي ... ولا حتى هو سألني... واذا شفت رساله منه افرح واستانس وبالاخير افتح رسالته الاقيه كاتب ... اخبار يامن ومرح ؟ ااااه بموووت كل شوي ادور وين اسمي وين اسم سمر .!! انا المريضه ليه مايسأل عني ؟؟ قهررني قهرني ... ودي اقوله وين الفلوس اللي متسلفها مني ... بس اخلاقي وتربيتي ماتسمح لي اسويها .. ... خايفه من المستقبل ... كرهته واقول بنفسي ماني راجعه له .. بس اضحك على نفسي انا ولا وش ؟ اصلا هو مايبيني كيف اقول ماني راجعه له؟ حسبي الله ونعم الوكيل مو قادره ادعي عليه لي اسبوع في بيت اهلي ومايدري عني بشي ... في البداية حاولت اتواصل معاه لمدة يومين بس لما شفت صده وجفا منه توقفت عن الرسايل والاتصال ... كنت لما اتصل عليه يحط لي مشغول ويرجع بعد ساعه او ساعتين يرسل رساله .. دقيتي !؟ .. ارد عليه بس حبيت اتطمن عليك ... مين المفروض يتطمن عالثاني انا ولا هو ؟ ... بعدها توقفت تماما على المراسلة والاتصال .. الفلوس كان يطلب مني سلف باليوم مره 20 واليوم الثاني يطلب 10 ومره يطلب 5 وهكذا الين صاروا فوق 70 ... وكل هذا عشان مشروعه على حسب كلامه ..وانا لحد الان مافاتحته بالموضوع هذا ابدا ولا حابه اساسا اني افاتحه به .. وامس تواصلت مع زين وطرحت علي اني اسوي له اخر رساله .. مضمونها كانت ... صباح الخير ... كيفك ... اشتقت لك ... صار موعد عمليتي اليوم وانت ماسألت عني من وقت مانزلتني بيت اهلي ... انا زعلتك بشي ؟ اذا زعلتك فأنا اسفه ... بس حابه اعرف وش فيك ... محتاجه تكون جنبي هالايام .. الرساله أرسلتها بالفجر ... ورد علي بس " لا مو زعلان " هذا كان رده ... اهله كانو يدقوا علي وعلى امي واخوي ... خبرتهم ان مايقولوا لهم انها انلغت العمليه ... بس قبل ساعتين خبرتهم بنفسي ... وماقلت لهم شي عن زوجي ولا سألت عنه ... ماكنت حابه اخباري توصل له من غير مايسأل عني ... هو مجافيني حيل اول مره كذا ... حاولت اتذكر اذا انا فعلا زعلته ولا لا ... بس ماتذكر شي ... وهذا احنا رجعنا رياض ولا فكر يدق علي عالاقل يتطمن علي بعد العمليه لانه مايدري انها انلغت ويدري انها كانت اليوم.. بس ودي اعرف ليييه كل هذا ؟ أخيراً اشكر زين ابيها على وقفتها معي ... جزاها الله الف خير ... ويارب يرد لها زوجها باقرب وقت .. تم تعديل العنوان ليتناسب مع المضمون |
رد: لماذا ؟
سموره حبيبتي الحمد لله ع سلامتك ،،
نصيحتي لك وقفي عطاء وفلوسك حطيها في حساب مستقل بدون بطاقة بحيث انك م تقدري تسحبي منه ولا ريال قبل سنتين من الان ،، |
رد: لماذا ؟
ليش اعطيتيه الفلوس سمورة ؟
مو حذرناكي كم مرة ؟ |
رد: لماذا ؟
اقتباس:
اللله يسلمك حوراء.. 🌸 هو طلب سلف .. وثقت فيه .. مو هامني والله بس ليه كذا تركني بوقت كنت بحاجته .. الحين لو طلب مابعطيه ... كان يتسلف مني الصباح ويرجعه اخر الليل .. خلاني اثق فيه ... بس الفتره الاخيره صار ياخذ ومايرجع ... وانا مع تعبي ماصرت انتبه كم اخذ .. كان شاغل بالي مرضي والعمليه ... |
رد: لماذا ؟
اقتباس:
مثل ماقلت لحوراء ياروح ... كان ياخذ مني الصبح ويرجعه اخر الليل ... لين وثقت فيه ... بس الحين ليه اهملني !؟ هذا السؤال اللي ذبحني ليه مايسال عني ليه ؟!! |
رد: لماذا ؟
بهالسهوله يتركني !؟
ليه مانتظر عالاقل الين ماتشافى ؟ |
رد: لماذا ؟
كأنك تعيدين قصة أختي الكبيره ...
وسبق كتبتها لك بالمختصر في موضوعك حق الميراث ... نصحتني اختي قبل بهالنصيحه ولا سمعت لها وقلت لها الرجال يختلفون وطحت بالمطب وعرفت انه هالنصيحه المفترض تعمم وبالذات انت المفترض تطبقينها بحذافيرها لانك من يوم ذكرتي موقف زوجك بعد وفاه والدك و شدة تعامله معك وتغيرت طبعا معاملته بعد ما عرف ميراثك نصيحتي لك ياعسل ( لاتعطين زوجك ريال واحد ..سواء محتاج او لا) هو المسؤؤل عنك وعن نفقتك انت مو مسؤؤله عنه ابدا ثانيا ما في احد ياقمر بيسأل عنك ويخاف عليك كثر الوالدين هم راس مالنا وهم تاج روسنا وغيرهم لهم حقوقهم وبس |
رد: لماذا ؟
.
. الله يكشف همك ويعينك 😥 |
رد: لماذا ؟
اقتباس:
انا ماعطيته ياريماس .. هو متسلفها مني .. قالها لي هذا سلف ... يعني افهم من كلامك انه كذب علي ؟ ماختلفنا ان الوالدين هما اللي يخافوا علينا ويسألوا عنا ... بس وين راح كلامه وين وين .. ليه سوى فيني كذا ... حاولت اطنش الموضوع وأقول اللي يبيعك بيعيه .. بس للحين بقلبي نااار شابه ... اقعد مع امي واختي واخواني اضحك واسولف بس والله مو قادره انساه ولا قادره اشيله من بالي ... كل شوي اخذ جوالي واقول بسأل عنه ... واتذكر كيف يطنش رسايلي ومكالماتي ولا يسأل عني بوقت مرضي وحاجتي له ... اقول لنفسي يكفي اهانه لك وين كرامتك عامليه مثل مايعاملك ... أحاول اشغل نفسي بأي شي بس صعب كل تفكيري هو ليه ماسأل عني وين خوفه علي وين وين !!! كل شي راح بلمح البصر ؟ معقول في ناس كذا يبيعوا العشره ؟ |
رد: لماذا ؟
اقتباس:
اقتباس:
|
رد: لماذا ؟
سمورة حبيبتي
صحيح موقفه يزعل لكن اهم شئ صحتك كنت داخلة عملية والله نجاك منها افرحي وتصدقي وهذه المواقف هي دروس نكتشف بها عدة اشياء |
رد: لماذا ؟
هل زوجك مشغول جدا لدرجه مايقدر يسال عنك ..فيه شي شاغل ذهنه؟
يمكن هالمشروع اخذ قلبه وعقله يمكن قال طالما هي ببيت اهلها اكيد هم بيهتمون فيها ويدارونها انا معك افكر بصوت عالي اجابه لسؤالك .. |
رد: لماذا ؟
اقتباس:
الحمدلله ياوفا .. بس كان ودي الفرحه تكون كامله |
رد: لماذا ؟
اقتباس:
طيب اذا مشغول ليه يسال عن عياله ومايسأل عني ؟ يعني دامه متعني وكاتب رساله يسال عنهم ليه مايسال عني معهم ؟ عاذرته اذا ماجا اذا هو مشغول طيب ليه مايتصل او يرسل ؟ حتى لو مشغول انا ! زوجته داخله عمليه كيف يتركها مايسال عنها ! طيب مو لازم يتصل علي .. ليه مايدق على امي او اخواني يتطمن علي ؟ |
رد: كرهت زوجي بسبب عدم اهتمامه بمرضي
الله يفرج همك..
بقولك شغلة.. الانسان الي على نياتو مثلك.. الله دائما يعطيه اشارات من غير مايتعب نفسه،، المفروض مانغفل عنها.. اهم شي حاليا.. فلووووسك. لاتخسري زوجك ومالك ويصير القهر قهرين.. ماعليك شر الله يشفيك.. |
رد: لماذا ؟
اقتباس:
الله لا يحوجنا لاحد |
رد: كرهت زوجي بسبب عدم اهتمامه بمرضي
الف سلامة عليك سمورة و الحمد لله انك صرتي احسن
ياما و ياما و ياما مر علي مثل هيك موقف لحتى صار عندي تبلد |
رد: كرهت زوجي بسبب عدم اهتمامه بمرضي
سلامتك حبيبتي سمورة ألف سلامة وماتشوفي شر .. والله ألزم ماعليك صحتك وأطفالك لاتفكري في شيء ثاني غيرهم .. وفلوسك شيليها للزمن تنفعك ..
|
رد: كرهت زوجي بسبب عدم اهتمامه بمرضي
اقتباس:
احيانا اقول اخسر مالي ولا اخسر زوجي .. مو زعلانه على الفلوس... زعلانه من معاملته لي ... اول مره يامسك كذل يعاملني... والله لو كنت رايحه بيت اهلي كذا بس من غير مرض ولا شي ماكنت زعلت .. بقول انا بخير بيسأل عني ليه ؟ بس هنا الوضع يختلف ... حاسه شي بداخلي بينفجر . |
رد: كرهت زوجي بسبب عدم اهتمامه بمرضي
فيه نوعية من الرجال تكره مرض المراة
يمكن هو منهم بصراحة ما لقيت له مبرر اللهم الاعضاء الرجال هنا ممكن يعطونا سبب ،هم اعلم ببني جنسهم و مستقبلا اياك ثم اياك تعطيه هللة لما ترجعي بيتك و طلب منك قولي عطيت الفلوس لعمي يستثمرها لي و ما تزيدي حرف . ارجعوا تعيشوا مثلما كنتم عايشين قبل ميراثك لو مكانك كنت انتظر يجي و اساله مباشرة ليش يا فلان متغير و ما سالت عني و شوفي ردة فعله انتي اعلم به ،اذا يكذب اكيد رح تعرفي |
رد: كرهت زوجي بسبب عدم اهتمامه بمرضي
اقتباس:
اقتباس:
اقتباس:
ربي يسلمك .. شكراً لك ... الحمد لله على نعمة الصحه ... الفلوس وش بتسوي لي يالست |
رد: كرهت زوجي بسبب عدم اهتمامه بمرضي
اقتباس:
|
رد: كرهت زوجي بسبب عدم اهتمامه بمرضي
ياخووووووفي
يجي و يقول لك كنت مهموم و مشغول بالي و متورط و ديون وووو الخ عشان تحزني عليه و تعطيه باقي فلوسك اخونا ( نيت مان ) مو حذرك اكثر من مرة في قسم ساعدني !!!!!!!! |
رد: كرهت زوجي بسبب عدم اهتمامه بمرضي
اقتباس:
لكن تخسري فلوسك و لا تخسري اخوانك ليش تعب ابوكي يروح لزوجك !؟ ما تبغي فلوسك .. كنت تركتيه لإخوانك عالاقل |
رد: كرهت زوجي بسبب عدم اهتمامه بمرضي
الف الحمد لله على السلامة طهورا لا بأس عليك ان شاء الله
اما عن زوجك فبصراحة ما راح اتكلم لان يا ما نصحناك امسكي فلوسك ولا تعطيه( لا تعطيه يعني لا تسلفيه) ما ينفع معك فعقلك براسك تعرفي خلاصك هي فلوسك مو عند اخوه شلون قدر يوصل لها ؟؟؟؟ |
رد: كرهت زوجي بسبب عدم اهتمامه بمرضي
بكل بساطة انتي من بنى سقف توقعات عالي جدا من ناحية زوجك لدرجة ما شفتي سلبياته ، هذه الحياة و يجب ان نتعلم ان لا نثق ثقة عمياء في الشريك ( كثير من الأمان غفلة ) فحاولي تكوني متزنة في توقعاتك و عطائك
تعلمي الدرس جيدا انه اهم شيء هو صحتك و خلي فلوسك ممكن تحتاجينها ( ممرضة تهتم فيكي بما انه زوجك لا يقوم بالأمر ، شغالة تهتم بالبيت و مشاويره ووووووووو.....يعني خليها حتى توفري الراحة لألك لو خانتك الصحة لا قدر الله ) الف الف الف سلامة عليكي حبيبتي ، طمنيني كيف حالك ، شو نوع الورم ؟ هل شفيتي ام تحتاجي علاج و هل بيطول ؟ يا ريت انتي من يدلع نفسه من نسمة الهواء و لا تنتضري شفقة احدا ، الأشياء هاذي تخرج بطيبة نفس و بحب و خوف على شريكته و ليس بالغصب فعلا الموقف مألم لكن الحمد الله أمك و اهلك جنبك و هو خليه براحته و لا تنسي ولا حدا ضامن نفسه و صحته |
رد: كرهت زوجي بسبب عدم اهتمامه بمرضي
قبل كل شي اسأل الله العظيم رب العرش العظيم ان يشفيك و يعافيك ياسمر
الله يحفظك و يخليك لأولادك بالنسبه لزوجك ماله اي عذر مايسأل عنك يارب لو مسج يتطمن فيها عليك اقل شي يسويه لذلك اسأليه انت زوجي ونصفي الثاني المفروض اول من يوقف معاي انت .. تخليت عني ليش ؟؟ افهمي منه يمكن عنده شي مع ان تطنيشه غير مبرر . نجي لفلوسك ، انا مع كلام روح الطير ياخوفي يرجع لك حتى يتمكن و ترجعين تعطينه من ورثك اللي حاربتي اخوانك عليه ،، نصحنا قلنا لك ماينفع تعطينه ريال واحد من ورثك بالاخير مشيتي على شورك و هذه النتائج وانتي لسى ماسويتي عمليه ولا احتجتيها ! لا ترفعين سقف توقعاتك وانتي عارفه زوجك زين . الله يشفيك و يلبسك لباس الصحه والعافيه |
رد: كرهت زوجي بسبب عدم اهتمامه بمرضي
مرحباً أختي
ماني عارف إيش علاقة إنك تذكري إنك سلفتي زوجك 80 ألف وبين إنك مريضة وماسأل عنك ..!! موضوع فلوسك ياتطالبيه وتقولي رجع لي السلف يا تسكتي ألين يرجعها من نفسه .. وزوجك سوف يكون بين أمرين : إما يرجع لك فلوسك ويشكرك على السلف وإما يماطل ومايرجع وأشبه إنه سرقك .. هذا بإختصار موضوع فلوسك أما موضوع مرضك فلكِ الحق أن تعاتبيه وتتكلمي معه وتسأليه لماذا فعل ذلك وما كنتِ متوقعة إنه يطنشك وماهو مهتم بك وهو يعرف إنه عندك عملية .. وبدل ما تكتبي هنا في المنتدى وتستشيري .. أتصلي على زوجك وتكلمي معه وأنهي الموضوع وطلعي كل إللي في قلبك أخيراً أقول لكِ كيف تسمحين أن ُتطال زوجك الإتهامات والتحذيرات والتخويف من زوجك بدون بينة أو دليل واضح على زوجك .. هل عندما تكتبين في المنتدى مشكلتك تعتقدين أنك لن تتأثري ولن يتم شحنك ضد زوجك خصوصاً في موضوع الفلوس أعانك الله |
رد: كرهت زوجي بسبب عدم اهتمامه بمرضي
سموره الحمدلله على سلامتك حبيبتي
وان شاء الله وضعك الصحي كويس احمدي الله كثير وتصدقي مافي شي بالدنيا اهم من الصحة وفعلا وقت الشدة تبين معادن البشر بقول لك قصتي قبل سنتين جاني مرض غريب عطاني الدكتور كورس كورتيزون وقال لي ماتحملي 6 شهور وكنت قلقه ومهمومه على وضعي طلعنا من الطبيب ركبنا السياره لقيت زوجي صار شيطاااان معصصصصب ويصرررررخ يقول ابي عياااااال ابي عيااااال ويذكرني انه بالثلاثينات وانو كبير وانو ماعنده استعداد يتحمل ((لاحظي كل هذا وانا عندي بنت)) بس كان قبلها يزن علي بالحمل كان موقف صددددمه بالنسبه لي بكيت بصمت ولا عاتبته ابدا لان المشاعر ماتتشحذ بس صراحة انكسر داخلي شي كبير المهم بعدها باسبوع اشتري لي طقم ذهب وكانت اول مره يشتري لي طقم من بعد زواجنا.. يعني حدث غير اعتيادي وفهمت انه اعتذار (بس بعد ايش!) والحمدلله بعدها ب8 شهور تقريبا حملت وجبت ولد.. صار عندي بنت وولد ومن ذاك اليوم ماعمري فاتحته بالموضوع اذكر قلق اهلي علي (الله يحفظهم) وتعلمت امور كثيره من هالدرس سموره مافي شي يصير عبث ربي يرسل لنا رسائل في كل ابتلاء والذكي اللي ينتبه ويفهم الرساله وانتي اقدر منا على هالشي -------- |
رد: كرهت زوجي بسبب عدم اهتمامه بمرضي
ليس منا من خبب امرأة على زوجها
حديث نبوي شريف ...! وين احسان الظن...! وين المسامحه ....! الرجل يقول لك مشغول ....! ليه هذا التمنن على زوجك يعني لما يكون متواصل معاك ويسأل عنك ماراح تذكرين الفلوس بس انشغل او تشاغل صرتي تذكرين الفلوس واتمننين فيها ...! ثلاثه لاينظر الله اليهم ولايكلمهم ولايزكيهم ولهم عذاب اليم ومنهم( المنان) اتقِ الله بزوجك وين الصبر وين الاحتساب ...! انا اعلم علم اليقين لو يزورك زوجك ويهديك هديه ويطيب خاطرك ويتعذر لك راح يذهب كل الي بصدرك ....! |
رد: كرهت زوجي بسبب عدم اهتمامه بمرضي
على أي اساس صار زوجها انتهازي ؟
ليش دايركت اطلقتوا الاحكام ؟!!! مو شرط انه باقها... يجوز يرجعهم عقب فترة .. ليش الاحكام الاستباقية ! نصيحة لوجه الله لمن وحدة او واحد ينزلون موضوع عن شريك حياتهم وهو غلطان ما له داعي نتلفظ بلفظ قد يكون جارح لصاحب الموضوع في النهاية هذا شريك حياته لو مروا بأزمات عاصفة .. مو معناته ان " نشتر " فيه |
رد: كرهت زوجي بسبب عدم اهتمامه بمرضي
الزوجة الي تعتقد ان مالها وجمالها
بوابة لدخول قلب زوجها تعتبر زوجة فاشلة بجميع المقايس.. |
رد: كرهت زوجي بسبب عدم اهتمامه بمرضي
اولا الحمدلله على السلامه وما تشوفين شر ..
ثانيا .. افصلي المبلغ المالي اللي اعطيتيه سلف وموضوع الاهتمام .. من متى كان اذا اعطيت زوجي فلوس راح يهتم فيني !! الموضوعين مالهم علاقه .. ثالثا .. الرجل باله مب وسيع نفس الزوجه .. للمعلوميه .. يعني ماعرف عن طبيعة مرضك .. بس اذا الموضوع مطول وله بالاشهر تاكدي ان الاهتمام راح يقل .. رابعا .. انتي في بيت اهلك .. والزوجه لما تكون في بيت اهلها الزوج يكون متطمن عليها حتى من غير لا يسال .. وسؤاله عن اولادك هو سؤال عنك .. خامسا .. ما ابرر له موقفه يوم انه ما كان جنبك وقت كان بيدخلونك العمليه .. ولا اعلم ما السبب .. انتي الوحيده التي تعرفين السبب .. يا أنه في نقطه صايره بينكم وما بينتيها في الموضوع من قصد او من غير قصد .. لانه مستحيل زوج زوجته داخله على عمليه وما سال عنها .. انا مو متابع مواضيعك السابقه بتمعن .. يعني مريت عليها مرور .. اللي هي موضوع الورث والسلف .. بس انا متاكد انه في شي بينكم ما ذكرتيه .. مابطلق على زوجك الاتهامات لاني ما سمعت منه .. سمعنا من طرف واحد .. وعلى كلن مستحيل زوجه تعطي زوجها مبلغ وقدره 80 الف وهي تدري انه مو مهتم فيها وكل اللي يبيه فلوسها وبس .. اسف بس مافي زوجه ممكن تسويها .. ارجو ان ما نكون فاهمين زووجك غلط من خلال كتاباتك .. |
رد: كرهت زوجي بسبب عدم اهتمامه بمرضي
متى بترجعين بيتج يا سمورة؟
|
رد: كرهت زوجي بسبب عدم اهتمامه بمرضي
نظامك مع زوجك انك تشترين مشاعره وتصرفاته بفلوسك
وهذا غلط يا انك تعطينه بقناعتك والا لاتعطين دامك بتحسبين تصرفاته نظام بعطيه فلوس عشان يسأل عني ماهكذا تورد الإبل وبعدين الحين تقولين انا عطيته 80 الف اذا انتي مو واثقه فيه ليه تعطينه ؟؟!! تعطينه فلوس بعدين تحاسبينه على تصرفاته ماسأل عني مدري ايش كل شي نقدر نشتريه بفلوس الا المشاعر المره الجايه دوري لك تصريفه اذا ماتبين تعطينه وبعدين 80 الف مبلغ كبير كيف بيعطيك اياها في اقل من سنه في ناس يخذوناها قرض ويقعدون كم سنه يسددونها وانتي تبين زوجك يرجعاها لك بعا السرعه وراتبه على حسب علمي 4000 الالاف على مااظن وصححي لي اذا كنت غلطانه وانتو الله يهديكم يابعض الردود بتخلونها تكرهه زوجها زياده وبقولك كلمه اخيره كثرت العطاء تخلي الواحد مايحس بقيمة الشي انا مااقصد الفلوس حتى المشاعر |
رد: كرهت زوجي بسبب عدم اهتمامه بمرضي
اقتباس:
اقتباس:
اقتباس:
|
رد: كرهت زوجي بسبب عدم اهتمامه بمرضي
اقتباس:
اقتباس:
انا سألته... اذا هو زعلان ولا لا ... قال لي لا اقتباس:
|
رد: كرهت زوجي بسبب عدم اهتمامه بمرضي
اقتباس:
اقتباس:
اقتباس:
ربي يسلمك انا ماقلت اذا اعطيه فلوس عشان يهتم فيني .. طبيعة مرضي مو مطول بس حسيته انه تغير بعد ماذكروا المضاعفات اللي بتصير اذا مانجحت العمليه وذكروا منها فقد البصر والذاكره ... حاسه انه تخلى عني بسبب هالشي ماعرف ليه .. حتى لو كنت ببيت اهلي كان يسال عني .. طيب مابغاه يسال عني ... بس ليه اذا راسلته او اتصلت عليه مايرد علي واذا رد يكون من دون نفس انا واثقه فيه وماعطيته الا ثقتي فيه كانت عاليه ... وعطيته لأنه ماكان مقصر معي لا ماديا ولا معنويا ... بس الحين انقلب الحال |
رد: كرهت زوجي بسبب عدم اهتمامه بمرضي
اقتباس:
اقتباس:
انا ماببغاه يرجعه الحين ولا اني بحاجته .. |
رد: كرهت زوجي بسبب عدم اهتمامه بمرضي
سمورة ممكن مايدري اصلا انت زعلانه فردي لبيتج وعاتبيه هناك حتى ما تزيد الفجوة .... ثانيا لا عاد تشترين مشاعره بفلوسك لانك راح تدفعين كثير وتلاقين قليل وتنقهرين زيادة اشتري بكل فلوسك عقار وخل يجيك دخل شهري وافتكي من هل مشكله
وحطي افتراض ولو واحد من عشرة ان زوجك له ظروف تمنعه من الاتصال بك مثلا مرض الم به او مسجون او متورط بمشروعه ولانك مريضه يخاف يزيدك الما فأثر الابتعاد .... دموعه حين عرف بمرضك شفيعه له ودلاله على حبه لك ...سؤاله عن اولادك فيا اختي معزة العيال من معزة امهم واكيد اهله قالوله مافي عمليه وعرف وممكن هو محتاجك جدا وماخذ على خاطره انك ما بلغتي .... خل نحط حسن الظن بدل سوء الظن وراح تهدأ اعصابك جدا قومي يا سمورة واتصلي على حبيبك واقصري الشر ( كفايه دلع) ومثل ما سامحتي اخوانك ( ولو ان موقفهم اكبر بكثير من زوجك) سامحي زوجك |
| الساعة الآن 09:24 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©