|
تكرار خيانة زوجي وارغب بالطلاق
مرحبا اخواني واخواتي
اشكر صراحه اصحاب المنتدى الرائع ماشاء الله تفاعل ومساعده وحلول ويارب يجعلها في ميزان حسناتكم ... ماراح اكثر كلام انا مريت مع زوجي الاف المرات من الخيانه خاني كثير بدون مقابلات الي واضح ليه والان فيه امور رجعت مثل ماهي الغريبه يعشقني بشكل جنوني انا عن نفسي مليت ومفكره بالانفصال مكالمات اشياء اباحيه كلام ----- ماراح يحس فيني غير الي مجرب اتمنى منكم التفاعل هو مايقصر معايه الفلوس يعطيني بالهبل الفراش مو مقصر هذي الاشياء تشفع له بنسكن فبيت جديد ملك كل شي ابيه صلحه ليه رغم المبالغ غاليه عمله اربعه وعشرين باربعه وعشرين سته بسته مايقدر ينزل يقول يوم استلامي بجلس انام بمكاني قلت اوكيه حبيبي ولا يهمك تعب وو ..الخ.طبعا يبعد عنا خمسين ك..وما احس انه بعيد ممكن ينزل عارفين اخرتها ايش يقول اصلا انا اقفل على نفسي واخذ راحتي يبي يشكك قهرته قلت فديتك لاحد منهم اقصد اصحابه يزعجك مااعطيته على جوه لانه خمس سنوات وانا معاه يحب يزرع الشك انسان مايتوب اهله جدا محترمين عائله كبيره ماشاء الله غير هو عكس اخوانه.ماعندهم هذي الخرابيط مليت الف مرا رحت لاهلي اخر مرا جبت ابوي قلت ياتعدل ياكلن يشوف طريقه حلف اديان وبعياله انه ماصار شي اتمنى القى الحل من الطرفين خاصه الرجال انتم تفهمون بعض كلامه دائما يحاول يشكك خمس سنوات يخون تعبت معاه..حتى يقول لاخوانه اتحدى واحد فيكم زوجته تجي ذره من زوجتي --وشياكه يمدحني ويحب الناس تمدحني..ولما زعلت اهر مرا قال لاهله انا مابي غيرها بحياتي !؟انسان غريب صراحه ويمدح نظافتي لاني جدا دقيقه بنفسي وبالصغار عندي اثنين حبايبي ربي يخليهم عمري25 عمره 33..تكفون انا الطلاق براسي يروح ويجي ابي حل وانا متأكده انه يحبني الحمدلله الفراش يوم بعد يوم يعني مو مقصر وانا نفس الشي بس ليه الاستغفال؟؟ طبعا فيه اشياء ماذكرتها واذا فيه اسئله مهمه بحاول اجاوبكم عليها ربي يخليكم ابي حل يريحني لاني طابت نفسي منه والله اجامله مجامله احيانا احس ماله قيمه عندي حتى بعيد الفطر بس لي الحالي ثلاثه الف اعطاني اقول بقلبي شكل ضميره يأنبه!! ساحموني اذا فيه اخطاء من جوالي اكتب بس صراحه شخص عجيب غريب لدرجة ماحس ان فيه حل انا ماحب احد يستخف فيني ونسيت اقول عنده اثنين رايحين فيها من اصحابه من يوم ماعرفهم الرجال خرب مرا وحده؟ |
رد: تكرار خيانة زوجي وارغب بالطلاق
سبب مشكلتك باخر سطر
الصاحب ساحب حبيبتي |
رد: تكرار خيانة زوجي وارغب بالطلاق
والله دعيت عليهم لين قلت امين
انا لي يومين ماابي اشوفه قدامي اجامله وهو حاس اني متغيره لي فتره اسوي نفسي مادري تقريبا شهرين ساكته بس لمتى؟واليوم شياطين الدنيا قدامي لو غلطه منه بنفجر ياشيخه ندمانه اني زوجته |
رد: تكرار خيانة زوجي وارغب بالطلاق
بما ان زوجك يحبك فخياناته طيش ولعب وصحبه سيئه
زوجك يبيله ضربه على راْسه تصحبه وصدقيني اذا ماوقفتيه عند حد الان ماراح تقدرين بعدين الا اذا ربي هداه لازم يكون لك موقف قوي تحسسينه فيه انه بيفقدك ولا لك رجعه وماعندك استعداد تكملين حياتك وانتي في وحلّه واهم شرط لك مقاطعا اصحاب السوء |
رد: تكرار خيانة زوجي وارغب بالطلاق
تسلمون حبيباتي على الرد
طيب اخر مرا قالهم اذا رجعت تقول اني اكلم راح انهي كل شي !! واذا طلعت ماراح يرجعني!؟ ربي يصلحه بس والله علشان الاثنين ماسكه نفسي ....عرفتي ومرا دموعه بعينه بانت قدام ابوي لانه حلف انه ماعنده هذي الخرابيط اقوله حرام تحلف كذاب يقول لا ماني كذاب وحلف بالقران وكان متوضيئ!!!! عسى الله بهديه كل الادله معايه انكرها..اخذ سنه يقول انتي مسامحتني ولا لا قلت على ايش!! قال اي شي يمكن نزعلك وانا مدري قلت لا ماني زعلانه بس ماقلت مسامحتك ابيه يحس.. وانا لما اخلص من صلاة الوتر يقولي انتي بايش تدعين؟؟؟؟ قلت اكثر شي على الناس الظالمه قال لا ماينفع سامحي لوجه الله حتى يتكلم من قلبه ومنفعل ويقول لا مايجوز قلت ربي حلل انا ندعي على الظالم ومرا انقهرر جلس يفتي هههههه شكله خاف اذكر مرا كنت مو طايقته عندي (ياربي تهديه) المهم انفجرت عليه لاني مو ناسيه وقام عصب عليه عارف هو ليه انا اعصب من خيانته قال ايوا انتي شكاكه وانتي واتتي وتحطين حرتك فيني شكله وقتها يقطع القلب كسر قلبي منظره رحت مسحت عاى راسه قلت بحطلك العشاء تعوذ من الشيطان وجلس يبكي.. هذي المشكله اتردد بالمواجهه لانه على طول دمعته جاهزه!!!! وينفعل ويكسر كل شي من القهر ويدعي عليه بعدين القاه قدامي يضحك مايحب يشوفني معصبه ينفعل معايه القاه حالته حاله ومنفس يعيش الجو معاي كيف اتصرف لاحولا ولاقوة الا بالله .. |
رد: تكرار خيانة زوجي وارغب بالطلاق
اني بس افكر بالانفصال بس بشكل جدي لا مستبعدته تماما...
ابي نصائح للتعامل معاه مثل كيف اخليه يهتم بالصلاه مثلا كيف اخوفه بالكلام من غير مايحس بعقوبة الحرام زي كذا مو عارفه كيف ابدا وخايفه يقول رجعت تشك وينقلب الوضع سوء ..لاكن عموما الطلاق ان شاء الله مايحصل اصبر علشان الاثنين يارب فهمتو عليه.... |
رد: تكرار خيانة زوجي وارغب بالطلاق
حبيبتي صاحبة الموضوع .. زوجك مصيره يعقل بس حافظي على بيتك
وطنشي هذي التفاهات .. |
رد: تكرار خيانة زوجي وارغب بالطلاق
اقتباس:
في العنوان كاتبه أرغب في الطلاق وفي المشاركة السابقه عالجتي الوضع بنفسك وتقولي مستحيل يحصل الطلاق طيب يا بنت الحلال لاعد تفاولي على نفسك بالطلاق الطلاق كلمه سهله تنقال .. بس وضع صعب ينعاش وخصوصاً معاك عيال ومو موظفه .. مشكلتك جداً عاديه .. لا تكبرينها .. |
رد: تكرار خيانة زوجي وارغب بالطلاق
مرحباً أختي
ماهي الخيانات ..؟؟ بارك الله فيك |
رد: تكرار خيانة زوجي وارغب بالطلاق
اخوي الرسمي
مكالمات طبعا عن طريق الواتس كشفته كم مرا والاتصالات اكثر بعد وافلام اباحيه حاليا شهرين يتابعها علشان كذا ماواجهته قلت ابي رايكم كيف اتعامل معاه بالنصيحه.. ومرا قال لي انا معاي جوال بالسياره ورقم ماتعرفينه!!! قلت انت عاقل قال لا احس انك تشكين!!؟ يعني علشاني ساكته ومعاملتي اوكيه معاه يبي يشكك! لاحولا ولاقوة الا بالله والله الف مرا قلت له لاعاد تكلم بهذي الخرابيط فبيتي رجع بعدها اعتذر طبعا انا الي ناقشته وخاف لاني قلت له قبل لما بلغت اهله واهلي لو كررتها ماراح يحصل خير خمس سنين كذا الفاظه وخيانته يعني الي مثله يحترم نفسه يتغير مويزيد...!!!؟؟؟ |
رد: تكرار خيانة زوجي وارغب بالطلاق
اقتباس:
|
رد: تكرار خيانة زوجي وارغب بالطلاق
اختي zoTA
هو خمس سنوات يخوني صح بدون مقابلات بس انا لي طاقه ومتبت كلمة طلاق لاني فعلا متنرفزه منه ليه مايعيش عادي مكتفي فيني!؟ ليه لازم حرام !!اكتب طلاق وافكر فيه كثير لاكن ماتمناه بس علشان الصغار مو علشانه عدم تقصيره معاي ممكن يانبه ضميره فقط... انا احاول اصلحه لاكن من جواتي ماله قيمه عندي صراحه واضحك معاه واسولف بس بمشي الحياه لاكن يعلم ربي انا منقهره على وضعي معاه ...اكره كل شي اذا بس ذكرني لاني خايفه انه مستمر وانا غافله عنه لاني شفته يتابع افلام اباحيه !!! ربك يصلح بس ومراح اخذ براي الانفصال ان شاء الله بس بعد ماانكر اني بس افكر فيه غصب عني افكر يمكن من كثرة المواقف المتراكمه بدون اعترف منه واستمراره خلاني اتساهل بالكلمه زي ماهو اتساهل بارتكاب الذنب وهو رجل محصن..الانكار بحاله والحلف بالمصحف جريمه بحد ذاتها ويتقن الكذب لما شكيت لاهله واهلي لاني انتهت من عندي الحلول حلف واديان!وانه مايشوف غيري وانه يخاف علي وخواته وايش استفدت قال اني شكاكه! والادله انكرها كلها! دعيت صراحه قلت يارب اني اشكيه عندك لانه كان يفتعل المشاكل طيب انا ايش ذنبي؟؟؟؟؟؟ ومع هذا كله ابي اصلاحه علشان لو حصل شي يكون بالي مرتاح واقول ماقصرت معاه..... |
رد: تكرار خيانة زوجي وارغب بالطلاق
حبيبتي أنا طالعه الدوام الحين
بس أفضى أرد عليك .. الله يصلح أحوالك وأحوال زوجك .. |
رد: تكرار خيانة زوجي وارغب بالطلاق
ام عمر الله كريم نسأل الله ان يثبت
قلوبنا على دينه جزاك الله خير فعلا انا طبقت هذا الشي |
رد: تكرار خيانة زوجي وارغب بالطلاق
مع الأسف الافلام الاباحيه داء العصر
الغالبيه يشاهدوها الا من رحم ربي حبيبتي اشغلي نفسك عن متابعته ترى فيه ملكين عن يمينه وعن يساره هم اللي يسجلوا اعماله وفيه رب فوق يراقبه ويحاسبه اسوأ شي ان الزوجة تتحول لمعلم او موجه او مصلح اجتماعي نصيحه ونصحتيه.. خلاص كثر خيرك هل ياترى لو كان مقصر بصلاته كان شعرتي بنفس الحرقه هذي؟ ما اعتقد ! استمتعي بحياتك وابعدي عن النكد واللوم والمشاكل ترى ماتجيب الا النفور والامراض والتجاعيد |
رد: تكرار خيانة زوجي وارغب بالطلاق
حبيبتي ZoTA
جزاك الله خير ربي ييسر لك موفقه خير الله معاك |
رد: تكرار خيانة زوجي وارغب بالطلاق
السلام عليكم
شوفي حبيبتي .. والله لو خياناته جسديه أو يضربك كان قلت لك تطلقي من الحين وانتهى .. لكن دام الشغله مكالمات الوضع أهون شوي شوفي يا قمر أغلب المتزوجات وفي كافة الأعمار سواء صغيرة والا كبيرة تعاني مما تعاني منه هل كلهم طلبوا الطلاق ؟؟ لا طبعاً لو كل وحده طلبت الطلاق كان صارت كارثة في المجتمع لكنهم صابرين .. أعرف لك ناس متدينين الله يستر عليهم وربي أكرمهم بنعم الزوجات ومع ذلك يعملون مثل ماعمل زوجك صحيح الواحد يستغرب من دينهم وإلتزامهم قدام الناس وهذي سواياهم في الخفاء .. لكن مثل ماذكرت لك الأخت اللي قبلي إن هذا داء العصر .. بخصوص الأفلام الاباحيه صحيح انتي تحسي بإشمئزاز لما تشوفيه مدمن عليها لكن ناصحيه وذكريه بعقوبة النظر للحرام .. كل ليله تكلمي معاه بهدوء وباسلوب حلو وان شاءالله يهتدي على يدك مو بس زوجك يطالع للافلام .. أغلب البشر يتابعون هالشغلات المحرمه والمشكله لما تلاقي اغلبهم في سن الاربعين والخمسين .. الحمدلله الذي عافانا مما ابتلاهم .. التقنيه سهلت كل شي .. الحين للأسف الافلام في متناول الكل .. والأجهزة الذكية ماقصرت في تسهيل الحرام .. وزوجك مثلهم ربي ابتلاه بذا الشي .. من واجبك تناصحيه بقد ماتقدري ولك الأجر ان شاءالله اذا اهتدى .. الحياة الزوجية يبغالها صبر .. تضحيه .. والله ياما صبرنا وتحملنا لغاية ما وصلنا للفراق بس بعد ما استنفذنا كل السبل أنا في خلال مشاركاتي السابقه في مواضيع متعدده كتبت وش صار معاي وكيف تحملت وصبرت .. مع اني مستغنيه استغناء تام عن ذاك الانسان الحمدلله مرتاحه مادياً ولا احتاج شي منه فقط احتاج دينه وصلاحه وانه يكون سند وعون لي في الحياة ونبني أحسن أسرة .. ومع ذلك صبرت وتحملت عيوبه لغاية ما طلق من نفسه .. وعلى فكره كل اللي ذكرتيه في معاناتك انا شفته في حياتي معاه .. لكني حاولت أعالج الوضع باللي اقدر عليه الفرق بيني وبينك انتي معاك ضنا وانا لا صدقيني لو معاي منه عيال كان ممكن عالجت الوضع بشكل اخر طيب خلينا نتخيل انك طلبتي الطلاق وتطلقني لا سمح الله!! هل بترتاحين؟؟ اقسم بالله ماراح ترتاحين نفسياً .. وراح تراجعي نفسك مليون مره وتندمي أشد الندم انتي مو موظفه .. معاك عيال .. وواضح انك تغارين بقوووه طيب تطلقتي وبما ان عندك عيال يمكن تتزوجي معدد هل بترتاحي وقتها ؟؟ طبيعي ماراح ترتاحي من الغيره طيب وولدك او بنتك وين يروحون اذا شفتي حياتك وتزوجتي ؟؟ طالعي قسم المطلقين والمطلقات والمعاناه في الزواج الثاني وخصوصاً لما يكون عندهم اطفال ياحبيبتي الدنيا ذي ما صفيت لأحد ومافيه شي كامل سبحان الله .. ماقدامنا غير الصبر على اللي في يدينا والدعاء ثم الدعاء بالصلاح والهدايه .. |
رد: تكرار خيانة زوجي وارغب بالطلاق
انا استغرب فعلا من اللي زوجها يخونها والناس تقول طنشي و سوي نفسك ماتدرين !! ليه الزوجه قطعه اثاث او جدار مثلا عشان تطنش او ماعندها احساس !
ترا احساس الخيانه يوووووجع و طعمه مر الله يكفينا و اياكم الخيانه هذه خيانه يعني تدرون وش معنى خيانه ؟ رجل محصن و ربي منعم عليه بالحلال و بزوجة بنت حلال يروح للحرام ليه ؟ مافيه شي اسمه طقطقه او يتسلى ! اليوم خيانه هاتفيه بكرا خيانه جسدية اللي يتساهل بحدود الله هذا ماينفع معاه تطنيش ،، و من أمن العقوبه اساء الأدب اذا ثبتت خيانته بالجرم المشهود و بالأدلة هذا لازم يتوقف عند حده و تاخذين موقف حازم معه اما موضوع انك تطنشين وتسوي نفسك ماتدرين هذا يخليه يتمادى اكثر و اكثر و اليوم يخبي عنك خيانته بالجوال بكرا يكلم قدامك لانه عارف رده فعلك بتكون سلبيه . طيب فرضا قلنا لها اصبري و صابري و طنشي اوكي لمتى ؟ اذا هو ما اعتدل و عرف حدود الله لمتى بقعد اصبر ؟ الصبر هذا له ثمن ! صحتك و سكر و ضغط و سراطانات الله يكفينا الشر لذلك يا ياعزيزتي اتخذي معاه موقف صارم أقلها تأديبنه تجاهليه ولا كأنه موجود لحد مايتعدل مع الدعاء بنص الليل و الاستغفار اما السكوت ماينفع ماينفع ابدا ما انصحك تفتشين من وراه و تحققين معاه .. كلامي اللي فوق في حال ثبتت خيانته بالصدفه . |
رد: تكرار خيانة زوجي وارغب بالطلاق
مرحبا هلا فيكم ماقصرتم
الله يعطيكم العافيه اختي Deem صادقه توجع بس الاطفال؟؟؟؟ لو ماكان عندي كان تركته بس ايش ذنبهم!؟ وعارفه الوضع وفاهمته انا اخر مرا لما كشفته عسى ربي لا يعيدها طلبته يطلقني ورفض وبلغ الوالد قال طفشتني بس تقول طلقني ماكنت شايفه قدامي كبريت شابه نار بعدها حاولو يهدوني هو وابوي يعني انا من كثر شايله بقلبي عليه خلاص ماتحمله يغلط عليه ولو كررها احس ممكن انفعل واتركه!!! اعرف نفسي لاحظي كم مرا رحت لاهلي يعني كل الحلول سويتها حايا بحاول اساعده من غير مايحس هو رضي رضي رضي بامه وابوه ويحب اهلي ويحبونه مرا من جواته طيب ومعايه رغم يماطل عبال ماينفذ بس صراحه ينفذ والضيوف اذا جوني مايقصر يعني فيه اشياء تشفع له اخوي الكبير لما عرف طبعا هو تكلم قال اني اشك! ...مايعترف بغلطه قال له رب يحاسبه انتي عيشي لنفسك وعيالك انسي برا البيت ايش يسوي ولا جاء خليك بنت محترمه معه لاترفعبن صوتك ولاتكسرين كلمته والله راح يتغير ولو اﻵجال سوا شي كبير قصده بالجسد قال ماراح نخليه بنحاسبه وان اعرفه يمكن يقلد هو ماكان كذا الرجال فعلا كان محترم حسبي الله بس وعاد كل اخواني نصحوني وعلاقتهم حلوه وتقريبا مو معاي من هذي الناحيه يقولون حرم شرفه مانتعرضه ماشفنا عليه شي وولد عم اخبر فيه منك علشان كذا انا احاول اتغاضى واحاول اصلاحه من ناحية الافلام بسسس وباذن الله اساعده..الله يصلحه يارب |
رد: تكرار خيانة زوجي وارغب بالطلاق
كلامك عجبني ZOTA
الله يجزاك خير وربي يعوضك ان شاء الله |
رد: تكرار خيانة زوجي وارغب بالطلاق
طيب الصلاة هل هو محافظ عليها والا لا
|
رد: تكرار خيانة زوجي وارغب بالطلاق
كان محافظ علييييها الان لا مسجد
ولا جمعه ولا حتى يشوف هو اذن ولا لا يصلي الفروض بالبيت بس استغفرالله بعد مايتقهوى ويروق ولا يجلس يدخن هذيك الساعه يفكر يقوم يصلي وقالي بالحرف الواحد لاتصحيني انا من كيفي اصحى تعبت معاه من الاخر شي يملل طيب الجمعه ليييييييه لييييييييييه فجأه تركها؟؟؟ مرا يروح وعشرا لا اليوم ولا كلف على نفسه يروح ثوب نظيف مبخر معطر لبس نظيف كل شي جاهز مسجد قريب من امس منحرقه من اهماله للصلواتقلت بعاقبه سويت حركات ماعمري سويتها يكلمني على قدالسؤال اجاوب ضحك ماضحك معاه يحاول بس ماعطيته وجه كل لاني يوم شفت الاشياء الي شايفه قرف صراحه قلت لو سألني ليه منطشه بقول الي عندي يمممكن يحس اشوي على نفسه وضعه من سيئ للاسوء |
رد: تكرار خيانة زوجي وارغب بالطلاق
اقتباس:
سبحان الله كأنك تتكلمي عن طليقي .. نفس الحركات خصوصاً الجمعه .. تدرين دايماً اسال نفسي .. أقول ليش التهاون في الصلاة منتشر بين غالبية الأزواج ما أصادف وحده الا وتشكي لي ان زوجها مايصلي .. |
رد: تكرار خيانة زوجي وارغب بالطلاق
كنت أكوي الشماغ والثوب
وأبخرها وأعطرها .. يوم الجمعه أقوم من الساعه 10 الصبح أجهز الملابس وأعيد تعطيرها وأحاول أصحيه .. وأشغل التلفزيون على خطبة الجمعه .. وأسوي جو في البيت وكل شوي أرجع وأحاول أصحيه .. أشغل اللمبه .. أرش وجهه بمويا إذا عجزت منه أنادي يا آدمي الصلاة الصلاة الصلاة ولا على باله مكمل النوووووم .. فالح بس يصحى على الساعه 2 ونص ويقول وين الغدا .. ووش طبختي ؟؟! أصعب شي انك تنصحي شخص وتحثيه على طاعة ربه وقلبه ميت .. يارب تهدي وتصلح جميع شباب المسلمين انتي حاولي ولا تيأسي خصوصاً ان عندك عيال والله يهديه .. |
رد: تكرار خيانة زوجي وارغب بالطلاق
الله يعين يارب اللهم امين
ان شاء الله الله يصلحه |
رد: تكرار خيانة زوجي وارغب بالطلاق
اقتباس:
كلمة بقولها لك الصلاة عماد الدين اذا صلحت صلح سائر العمل كيف بتربين أطفالك اللي انتي متحمله خيانه زوجك عشانهم كيف تربينهم واذا الاب قدوتهم مايصلي ؟؟ امر الصلاة مهم لا تتهاونين فيه حتى البركه تنزع من بيتك اذا فرد من أفراد البيت متهاون بالصلاة اذا استقام زوجك بالصلاة استقامت حياتك . |
رد: تكرار خيانة زوجي وارغب بالطلاق
الله يعين فعلا الخيانه شيء يعور القلب ويجرح الخيانه بصمة راح تظل طول عمرها بحياتك انا جربت الخيانه كان حساب له بتويتر
وصلت للكلام الاباحي والمعاشره الكتابيه تعبت ي اختي من وجدت هالحساب ومانمت يومين ولا حطيت لقمه بفمي لين واجهته وأنكر وسوى مشكله ليه تفتشين جوالي واصريت ينزلني ببيت أهلي ولي الآن أربع شهور وعندي بنت الناس تحاول تصلح بس داخلي مكسووووور وش يفيد البوح والواقع أصم لا تلوموني ولا تلومونها ترى الخيانه طعنه بالظهر من أقرب الناس لك |
رد: تكرار خيانة زوجي وارغب بالطلاق
هو يصلي الفروض كلها بس بالبيت
له شهرين كذا حاله اهمل تماما شي اسمه جمعه نساه اسأله يقول راحت عليه اصحابه الجدد لاعبين بحسبته لعب والله مغيرينه تماما حسبي الله ونعم الوكيل كان يجي من دوامه كل استلام ست ساعات ويرجع عندي كم ساعه سته ساعات فاضي ينام بمكانه ويرجع يكمل ست ساعات المسافه بينا خمسين ك قال واحد منهم ليه رايح جاي خلاص نام معانا بالعمل عليك يا فلان مشوار هذا الكلام قبل شهرين والله ماابلغ ولا انا ظالمته تغييير 180 درجه قبل بدايت زواجي كذا طاح بناس حقين بنات ومكالمات وكل واحد يقول مغامراته كان واحد بس معاه زوجة صاحب زوجي حذرتني منه هو زوجها ملتزم ومع زوجي كان قال يا فلان ابتعد عنه هذا خربان وزوجي انقلب عليه نقد سب شتم يقول اصلا انا عندي صحبات !!!! من الصدمه مو مستوعبه هذا وين عقله؟؟؟ ويجلس عليها خمس سنوات يكلم.من وحده لوحده ماكملت سنه معاه سكت عنه اربعه سنوات اخر سنه انفجرت مرا وحده ولان بدا يرجع نفس قبل الاسلوب يبان الرجال اذا وراه شي حالته حاله مايسال عنا والله يقول خمسين ك تعب رايح جاي عملي اربعه وعشرين!!!!! وانا من جواتي ببعده عن اصحابه امس راسلين عليه صوره قذره جدا صعب وصفها اقسم بالله تقشعر جسمي منه وقبل اشوي عصبت عليه وزعل عصب وسبني مقهووره مافيه خوف من الله هو من حلف على المصحف كذب وانا غاسله يدي منه وامابي اتطلق بس من امس احاول انرفزه وفعلا انقهر وعصب عليه ماخلى ولا بقى مو ناسيه خيانته ولا الافلام واهمال بالصلاه والفاظ وصوره اعوذ بالله يارب لاتغضب علينا ولا تسخطنا صاحبه يوصف له الصورة وصف وهو يضحك عاجبه ولا نصحته كان مع ولده الجوال بالاستديو ولما شفتها شفت الواتس طلعت من صاحبه طنشت مو شي غريب عليه خصلتين فيه سيئة الخيانه والكذب والله اتمنى بس يتوب ليا سنتين تركت فكرة الهدايا والشموع والحفلات الزوجيه مايستاهل مرا كشفة رقم البنت عنده قال هذا رجال ويوم تهاوشت قال ايوا بنت مالك دخل! الي هي زعلتي الاخيره قهري على الاطفال وعلى استمراره بنفس الوضع حاليا ماشفت مكالمات بس تجيني افكار قول اكيد يكلم دام اهمل يمكن عنده جوال بالسياره صراحه مرا مرا مرا خربوخايف اني اتركه الاحظ عليه هذا الشي نفس بحل والله شي يقرف ويزهق الواحد يارب تكتب له الهدايه |
رد: تكرار خيانة زوجي وارغب بالطلاق
مرحباً أختي
تحيني وقت مناسب تكون نفسيتك ونفسيته مرتاحة وأجلسي أمامه وتكلمي بهدوء وقولي له .. بقول لك كلام مهم فركز معي لأني ما راح أعيد الجلسة هذه ثاني مرة ثم أبدئي بمدحه أنه رجال والنعم فيه وأنه إبن عائلة محترمة ومتربي وأنتِ تعلمي أن بداخله خوف من الله ودين .. وأنه زوج والنعم فيه وماقصر معك ولا مع أطفاله .. ومع هذا كله منتِ مصدقه إنه يصدر منه أي غلط سواء بالواتس أو غيره .. وأنك متأكده أن هذا ليس طبعه ولا سلوكه .. ولكن ربما هناك من يتساهل معه بذي الأمور ويزينها له وأنه ينحرج منهم ومايرددهم .. وأنك واثقة فيه .. وعارفه إن الخوف إللي بقلبه من الله راح يمنعه من الغلط لسببين : لأن الله مطلع عليه وشايفه وممكن في أي لحظة أن الإنسان يموت .. فماهو حلو أن يموت على عمل سيئ .. وثانياً لأنك أنت وأطفالك أمانة برقبته وورد في الأثر أنه كما تدين تدان .. فلا يكون سبب في أذيتكم وفي النهاية .. قولي له إنك الآن معطيته الثقة كاملة وما راح تدوري وراه .. ولكن لو حصل منه شئ وغلط وأصابكم الضرر منه .. فلن تسامحيه طول العمر وراح تتعلقي برقبته يوم القيامة وتطالبي بحقك وبعد هذه الجلسة حاولي أن تغيري تعاملك معاه .. فلا عاد تصارخي عليه أو تستفزيه أو تتكلمي في هذا الموضوع .. بل إذا كان موجود في البيت تعاملي معه بكل هدوء وراحة وأعطيه قدره وحقه .. وإذا خرج وراح العمل لا تدوري ورا أو تتصلي أو ترسلي إلا للحاجة .. حاولى أن تستمري على هذه الطريقة لفترة أسبوعين مثلاً وأنظري هل حصل تغير أم لا أعانك الله |
رد: تكرار خيانة زوجي وارغب بالطلاق
الله الله يوفقك اخوي الرسمي ويرزقك هذي النصائح الي ابيها
انا مشتته صراحه علشان كذا طلبت احد يعلمني كيف اتصرف ماقصرت ان شاء الله بقوله الي قلت لي جزاك الله خير واطبق الي قلت لي الان غصب استسمح منه علشان ابدا بنصايحك الله يهديه |
رد: تكرار خيانة زوجي وارغب بالطلاق
اليزا بيث حبيبتي اذا ندمان ارجعي له
لو علشان بنتك لاتفكرين بالحمل مباشره اعطيه فرصه الطلاق مو حل ومادري انتي اول مرا تزعلين لو قبل زعلتي ؟؟ فيه فرق علشان خاطر البنوته واذأ ايجابيته كثيره راجعي نفسك بس لاتتساهلين بالانفصال |
رد: تكرار خيانة زوجي وارغب بالطلاق
مبدعه بالاخطاء الاملائيه علشان بالجوال ان شاء الله واضح الكلام
|
رد: تكرار خيانة زوجي وارغب بالطلاق
ماحاله مع الصلاة
وهل يخاف الله ويعلم ان مايفعله حرام وآثم او لايبالي ــ |
رد: تكرار خيانة زوجي وارغب بالطلاق
موجود اختي ردي شوفيه بالصفحات
|
رد: تكرار خيانة زوجي وارغب بالطلاق
اقتباس:
وكذا مره اقول ابي السوق يقول دولابك مليان ملابس وانا وراي سفر أجي عشان ارتاح قلت طيب اروح مع امي السوق وخواتي قال لا وانطره السبت اللي وراه ويفتش جوالي ويسوي مشاكل احذفي انستغرام احذفي تويتر وسناب واذا جوالي طافي شحن يقول ليه طافي شنو كنتي جالسه عليه ومره اتصل وجوالي مشغول يقول صوري المكالمه أنها مع اختك اذا جيت اشوفها جنني حسبي الله ونعم الوكيل وكذا مره القى غرفه مسكره واذا فتحتها القاه ماسك جوالي ويقرأ فيه عصبي واذا ناقشته بشيء مة عاجبني يقول انتي تحاسبيني ؟!!!ويقلب الطاولة علي كذا مره يصرخ اقول ما أحب الطريقه اللي تكلمني فيها يقول عنك ما حبيتيها ورفض انه يأخذنا انا وبنته معاه لمدينة جده يقول فاسده واكتشفت انه اذا سافر يقعد طول الأيام على حسابه ضروري اسمع ردك أخت داليا انا قلت اذا زوجك مو نفس زوجي اصبري |
رد: تكرار خيانة زوجي وارغب بالطلاق
الله يعينك تشكي ابكيلك زوجي نفس الشي خيانات بجميع البرامج وبعد ازيدك في مقابلات وازيدك مطوع وقدام الناس ملاك سبحان الله ولا صلاه ولا صوم بس بالمقابل يصرف اشتكيت قالوا اهلي دام يأجر بيت خلاص ويصرف مافي احد ذي الايام يأجر وكمان معدد يعني عينه ضييقه الصبر اختي والدعاء انا حطيت مشاعري على جمب خلاص متزوجه بالاسم بس ان كان بتتحملي الطلاق واهلك بيساعدونك نفسيا على هالشي ويقفوا جمبك اوك ولا اصبري للاسف انا جبت ولد وخلاص وقفت وتكييفت
|
رد: تكرار خيانة زوجي وارغب بالطلاق
ياحبيبتي اليزا بيث الله يفرجها عليك وعلينا لي عوده معاك...بس الانفصال مانصح فيه اي احد بعض المشاكل لها حل....
عسل حبيبتي الله يفرجها ياكريم هونيها تهون....الانفصال صعب جدا على الرغم ضروف اهلي تمام |
رد: تكرار خيانة زوجي وارغب بالطلاق
مرحبا ...رجعت علشان اقول الله يجزاك كل خير أخوي الرسمي
بعد النصيحه الي قلتها ليه رحت قلت له نفس كلامك صراحه في البدايه عصب على الرغم كنت هاديه معاه قالي الله لايسامحك اذا انا سويت الي قلتي عنه وبذمتك انتي على العموم انا مشيت من عنده صراحه كان متأثر مرا شكله تغير ماني عارفه ليش هذا الانسان مايعترف بأخطائه ..بعد فتره قام يتكلم كله عن الدين؟ وصار يروح المسجد وكل اشوي يسأل انا أبي شي؟؟ محتاجه شي ماني عارفه هو خايف ولا يحاول يصلح اخطائه صح برا البيت وحاليا مو شايفه عليه شي....بس استغربت ههههه والله يجعلني مانصدم فيه بس. ماشاء الله كلامك جاب نتيجه الله يرزقك كل خير...وصار يحاول يجلس في البيت انا والله مستغربه ويستأذن من عمله علشان يجي عندنا... ارجوكم دعواتكم ان الله يكتب له الهدايه....والله يجزاكم جميع من شارك في موضوعي كل خير وعساني اشوفه ماشي على الصراط المستقيم وان الله يكتب له الهدايه كل خوفي ان هذا الانسان مازال وانا على غير علمي على اخطائه بس اتذكر ان الصلاة تنهى عن الفحشاء والمنكر....والله يوفقك اخوي الرسمي جزاك الله الف خير... |
رد: تكرار خيانة زوجي وارغب بالطلاق
اقرئي يوميا سورة البقرة و انشاألله ينصلح حالو يا اختي.
|
رد: تكرار خيانة زوجي وارغب بالطلاق
مرحباً أختي
الحمدلله الذي بنعمته تتم الصالحات بشرى خير إن شاء الله وحاولي فعلاً بصدق أن تثقي بزوجك وتحسسيه بذلك .. وأنصحك بعدم متابعته أو التفتيش خلفه .. فأنتِ أول من سيستفيد من ذلك وترتاح نفسيتك وتعيشي مطمئنة وسعيدة .. ولو كان هناك أمر سيئ لا قدر الله فسوف ينفضح بطريقة تصلك لحدك من دون تعب منك .. وعندها أنظري كيف ستتعاملين مع الحدث أكثري من الدعاء بالهداية لك ولزوجك وأن يجعل حياتكما في خير وبركة وصلاح وسعادة .. فالدعاء مفعوله عجيب وصادق بارك الله فيك |
| الساعة الآن 12:05 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©