|
حياة المنفصلين !
السلام عليكم ورحمة الله
انا عندي مشاكل كثيره و ما أعرف اكتبها يبغالي مجلدات مشاكلي اول شي مع نفسي ومع اللي حولي الحمدلله انا تجاوزت نظرة المجتمع للمطلقه ومايهمني نظرتهم لي بس وقفت قدام الناس اللي احبهم امي ابويه اخواني اخواتي صاحباتي ماني قادرة اطنشهم واطنش نظرتهم للمطلقه الصاحبات اسولف معاهم بنفس اسلوبي زمان ويشهد الله اني احبهم بس هم خايفين ع حياتهم مني اللي خايفه ع زوجها واللي خايفه اني احسدها !! مُتعب هذا الشئ مممتعب ! لمن الأهل يبغون يزوجونك اي احد حتى لو مو مناسب بس خلاص اهم شي نفتك منك ومن همك ..! الاخوان لمن يعاملونك ع اساس انك بنك متنقل وشغاله ! مايحق لك تقولين طفشانه طلعوني مايحق لك تطلبين من خدمات بسيطه وانا المتكفله بالدفع ! لمن اطلب منهم حاجه والجواب بالرفض ! ولمن يكون نفس الطلب من زوجته يكون مُجاب ! لمن اقول اي كلمه يُساء الضن فيني ولمن تكون من احد ثاني تنحط بعين الاعتبار ! تعبت تعبت هذي حياتي !! ماذا عنكم ؟! هل نفس المشاكل تواجهكم كيف تواجهونها كيف تتعاملون مع القريبين ! |
رد: حياة المنفصلين !
فية امكانية ترجعون لبعض
|
رد: حياة المنفصلين !
حياة المطلقين حياة عدوك ...!
|
رد: حياة المنفصلين !
الحمدلله لا امر بأي من ذلك
وبصراحة انا في اي غلط علي ما اسكت اوصل لوالدي ان هذا الشيء ما يرضيني ولكن يا اختي قد تكون اسباب الطلاق سبي لتحامل الأهل على بنتهم اما من حيث اخوانك يلبون لزوجاتهم طلباتهم طبيعي اما كونك خادمه بصراحة مادري عن نظام بيتكم الا بوجد خادمه؟ لكن اذا كان يوجد خادمه او لديك اخوات اصغر منك او لديك زوجات اخوان معك في نفس البيت ولا يؤمرون أو من يأمرك اصغر منك فصحصي على عمرك :) قلتي ايضا ان اي كلمه يساء الظن فيها مثل ايش؟ بالنسبة لي مو هامني احد صديقتي اخوي عمي اهم شي انا راضيه عن نفسي وحابتها ورضا والديني محل اعتبار عندي الله يوفقني لتحقيقه |
رد: حياة المنفصلين !
كم عمرك؟ عندك أطفال؟ عندك وظيفة؟ لماذا تدفعين طلباتهم؟
|
رد: حياة المنفصلين !
لا الحمدلله
مانمر بذلك حبيبتي ترى الي بيعيش بدور الضحيه ماراح يتحرك من مكانه طالبي بحقوقك ونظره مانظره احيانا المطلقات يتحسسون اكثر من اللازم ثقي بنفسك ونظره الناس بتنعكس حسب ققتك بنفسك وماعاد احد ينظر لامطلقه كذا |
رد: حياة المنفصلين !
حبيبتي حالتك الاجتماعية مالها دخل بمعاملة اهلك لك ،، الا اذا انتي نظرتك لنفسك دونية
طبيعي اني اخدم امي واخواتي متى م احتاجوني ويخذموني متى م احتجتهم ،، م يهم منو يخدم الثاني اكثر ،، ذيلا اهلي حبايبي وطبيعي انو اخوي المتزو حيودي زوجته مشاويرها ،،لانها هي اللي حتجهز له متطلباته الغير واجبة عليها ،،، بما انك موظفة فالمفروض لك حياتك وعالمك وظيفة وتخصص وزميلات انصحك تاخذين شهادة اعلى من المرتبة الا انتي فيها لحتى تحسي انك سويتي شي محرز بعد الانفصال ،، |
رد: حياة المنفصلين !
شوفي حبيبتي انا استلم الضمان الف ريال
اللهم لك الحمد اعزم اخواني وزوجة اخوي للمطعم او الكوفي مع انهم موظفين اشتري لامي هدايا او اي شي احس انها نفسها فيه رغم ان أبوي الله يحفظه موجود ومايقصر معها اروح السوبر ماركات اقضي للبيت عادي أقوم ببنتي وأقوم في بيت اهلي تصدقين اني مافتكر لنفسي اقضي لها النتيجة هي ان ربي مبارك لي في رزقي لاني احتسب الأجر اذا اشتريت لامي اقول في نفسي انا فرحتها اكيد بيجي يوم ربي يفرحني فيه تصدقين حتى اخوي وزوجتة اخدمهم بنسبة للأقارب وكلامهم أهل أبوي يسبوني في ظهري ويوصلني كلامهم وأتضايق بس اقول يلا عندهم بنات أهل امي واقفين معاي ويوصوني دايم على بنتي تصدقين صاحبتي كانت تقول حياتك في بيت اهلك مو مثل في بيت زوجك تقصد انك مو مرتاحة في بيت اهلك ذلحين صارت لما تشوف سنابي تقول ياحظك ماشاء الله الحمدلله اهلي بلعكس رفضو اثنين متقدمين لي والسبب انه مو مناسب صح يبغون يفرحون فيني لأكن مو يرموني على اي خاطب ويقولون موافقين بنسبة ان اخوك يوافق على زوجتة شي طبيعي حبيبتي والله اذا طلبت زوجة اخوي شي من اخوي ورفض اقوله حرام عليك صلح لها الي تبغى والنتيجة ماشاء الله اخوي وزوجتة زي العسل معاي ومتى بنتي انتي طولي بالك واكسبيهم بطيب |
رد: حياة المنفصلين !
اقتباس:
لا طبعا انا منفصله من خمس سنين وهو تزوج وخلف الله يستر عليه |
رد: حياة المنفصلين !
اقتباس:
بس أنا ماعرف أشتكي لأبوي ولا أحب يجيني إحساس إني ضعيفه مافهمت قصدك .. يعني انو سبب طلاقي هو اللي مخلي أهلي يعاملويني كذا !! هو طلقني مرتين المره الأولى من بلاهتي جلست عنده لاني كشفته انه خاين وقلب الطاوله علي إني ظلمته وطلقني وماطلعت من بيته المره الثانيه كشفته وصارت هوشه كبيره وطلقني وجابني بيت أهلي وش اسوي امسك فيه بالقوه! |
رد: حياة المنفصلين !
اقتباس:
لا ماعندي اطفال الحمدلله متوظفه ادفع لاني احب اعطي اهلي .. |
رد: حياة المنفصلين !
اقتباس:
ماني لاعبه دور الضحيه ولا أحب الضعف ولا احب أتشكى بس الوضع زاد سوء واحتجت افضفض هنا وترى اللي يشوفني من يرا يقول هذي فيها قوة وثقه زايده بس خلاص تعبت ماعاد اقدر |
رد: حياة المنفصلين !
اقتباس:
انا ابداً مو متضايقه من انو اخواني يلبون رغبات زوجاتهم الله يوفقهم ويسخرهم لبعض ماني حاسدتهم .. بس تحز ف نفسي اذا طلبت شغله بسيططه محتاجتها وكسر بخاطري واهلي والله ماقصرت معهم ولاني متضايقه لاني اخدمهم بالعكس افرح بالشي هذا .. بس اتنمنى يحسوا فيني اذا تعبت |
رد: حياة المنفصلين !
اقتباس:
ماشاء الله.. ربي يديمها عليك .. انا موظفه من بعد التخرج ع طول ولله الحمد وطلعت لاهلي قرض و سافر اخوي ع حسابي يدرس واشياء اشياء ماحب اقولها ولا اقول عطيتهم وسويت لهم لاني دافعتها لهم من طيب خاطر وربي يشهد .. بس انا اخواني ماكأني سويت شي .. انا موظفه و احتاج اطلع من البيت اخلص لي اغراض .. مايطلعوني الا بعد مايدمون قلبي ويكرهوني ف المشوار وفوق هذا مبلغ .. ماتتحسن معاملتهم لي الا اذا بغوا شئ .. هذا الشي يوجعني !يوجعني حييل اما اخواني المتزوجين يجون بحريمهم وعيالهم عندنا ويجلسون بالايام والاسابيع .. من يخدمهم !من يرتب وينظف !من يطبخ ويغسل غيري حريمهم ضيوف ولا احد فكر يقول لزوجته سوي براد شاهي كل شي فيني .. هذا مو تعب! العشر الاواخر برمضان تمنيت اصوم واصلي وادعي زي باقي الناس .. بس للاسف راح اغلب وقتي بالشغل والططبخ والترتيب وغسيل المواعين ..! امي بذات تشوف اني طولت خمس سنوات ماتزوجت بعد انفصالي صارت تحسب اني بجلس عندهم ع طول وتقولي كلام يجرح استححي والله اقوله! انا عصبيه مانكر .. بس ككله ردت فعل للي اشوفه خطبني واحد مفصول من وظيفته وتقول وافقي !! |
رد: حياة المنفصلين !
اقتباس:
|
رد: حياة المنفصلين !
اقتباس:
قصدك اذا كنتي مريضة مايهتمون فيك |
رد: حياة المنفصلين !
لا منتي ملزومه تطبخين لناس جايين ايام طويله
سوي الي تقدرين واعتذري عن الباقي مااعتقد احد بيقول لاتصلين تعالي اغسلي لنا |
رد: حياة المنفصلين !
اقتباس:
الله يعوضك عن كل ريال صرفتيه على اخوك بنسبة لحريم اخوانك زوجة اخوي تقريبا نفس الشي بس أكتم مابين لاحد اني تضايقت امشيها لان مابتجلس عندنا كل الايام كلها كم يوم وتروح بيتها انا لاني جربت اخوات طليقي اعوذ بلله منهم ولا أتمنى ان زوجة اخوي تشوف مني الي شفته من اخوات طليقي الله يعوضك بزوج يسعدك ويعوضني ويعوّض كل البنات |
رد: حياة المنفصلين !
حريمهم ضيوف ولا احد فكر يقول لزوجته سوي براد شاهي كل شي فيني .. هذا مو تعب! العشر الاواخر برمضان تمنيت اصوم واصلي وادعي زي باقي الناس .. بس للاسف راح اغلب وقتي بالشغل والططبخ والترتيب وغسيل المواعين ..!
،، يالله شي يقهر 😤هم ماراح يقومون زوجاتهم لشغل بس انتي تكلمي قولي قومن ساعدني انتن مو ضيفات ولا عرايس بيديكن الحنا والي ماتقوم كلمي زوجها قولي مو عيب زوجتك تقعد مثل الضيفه ماتقوم تساعد امك وتساعدني ،، بس انا اخواني ماكأني سويت شي .. انا موظفه و احتاج اطلع من البيت اخلص لي اغراض .. مايطلعوني الا بعد مايدمون قلبي ويكرهوني ف المشوار وفوق هذا مبلغ .. ماتتحسن معاملتهم لي الا اذا بغوا شئ .. هذا الشي يوجعني !يوجعني حييل ،، لاتخلي اخوانك يستغلوك يشوفو انك طيبه وتسكتي يعطوكي مثل ماتعطيهم وفهميهم هالشي اذا طلب شي اول يوديك مشوارك وتعطيه وقولي انتو اخواني وملزومين تقضو لي مشاويري ولا😕 |
رد: حياة المنفصلين !
حبيبتي انتي موظفه ومستقله
بامكانك تجيبين لك سواق خاص عشان مشاويرك ولاتتمنين احد يوديك ويجيبك الناس الحين نفسي نفسي الا من رحم الله امك وابوك اخدميهم من باب البر واحتساب الاجر اخوانك لاتحملين نفسك فوق طاقتها معهم احساسك السلبي تجاه نفسك هو اللي مكبر مشكلتك لاتهتمين بشعور احد تجاهك سوي اللي عليك فقط وثقي بنفسك , ماصار منك شيء سيء ولاعيب ولاحرام الطلاق نصيب وقدر ومن الله العوض اسأل الله ان يعوضك خيرا مما فقدتي |
| الساعة الآن 12:00 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©