كرهت زوجي بسبب تصرفاته ووعوده الكاذبة
 

السلام عليكم
ما اطول عليكم
ياناس زوجي احس انه صار يكرهني في تصرفاته
والمفروض مني الصبر المفرط وعدم التسرع في اي تصرف او ردة فعل

قبل يومين وعلى امل انه يرجع في هاليومين وعلى اساس
اتفاقنا إن هذا العيد يكون لي ولبنتي
صرعني بخبر انه بيأجل الجيه لين بعد العيد
بسبوعين!!!!!!!!!
انا هنا سكت ولا نطقت بولا كللللمه وقال واوعدك اعوضك
يافلانه عن كل هالمده
ولا رديت عليه..
والله العظيم انغبنت وحسيت قلبي انفطر
وغصه بقلبي.. كنا على اتفاق ان هالعيد بنسافر حنا واهلي
ومرتبين على هالاساس وقلت له من قبل
بنسافر انا وانا مع رحلة اهلي وباقي خواتي صح!!
قال اكيد وبدون شك
تاليتها كذا يجرحني ويحرجني قدامهم
ومن يوم ماقال لي بالخبر صار لي اسبوع ما ارسلت له ولا حرف..

مشاعري طول هالاسبوع.:
كارهته وماني طايقه حتى اسمع اسمه.. من اشوفه متصل واتساب والله العظيم جد جد احس بمشاعر اول مره احسها اتجاهه.. ودي اقول له اكررررهك ياكذاب ياخاين العهد
بس مابيه يطلعني غلطانه ويقلب الطاوله علي
ساكته وماسكه نفسي..
كذاب لا بيعوضني ولا طل بس كلام فاضي واذا جاء الجد كل هالكلام يتغير
وتخيلو ولا حتى كلف على عمره وقال لي اسباب تأجيله لجية العيد وانا ماسألته ولا ابي اسأله لانه قهرني وبس

الله لا يسامح كل انسان يوعد بشي ثم يخلف ويجرح قلب وراه وهو ولا همه " الله لا يسامحهم هالنوع"

ابقى على صمتي ولا اكلمه خير شر ولا شسوي

تم تعديل العنوان ليتناسب مع المضمون

رد: صـدمنـي 💔
 

الله يعينك

صراحة موقف محرج ويزعّل الواحد

خاصة اذا اتفق مع عدة اطراف

لكن الله يهديك انتي تنازلتي بسهولة شديدة

لأنه وبكل بساطة معروف انه

"السكوت علامة الرضا"

كان من المفترض (استفيدي بها في المستقبل) تقولي له : صعب اغير مواعيدي الان وخاصة اني اتفقت معهم، ولكن ابشر بأحاول معهم مادام ظرفك طارئ وهام جداً.

هنا انتي اعطيتيه عدة رسائل : انك مش موافقه ضمنياً ولكن متعاطفه معاه + يوجد اطراف اخرى بيوصلهم انك تلعب بالمواعيد مالم يكن ظرفك طارئاً + بيظطر يفصح لكي عن السبب او بيتنازل عنه

طيب الان ماذا تفعلين ؟

هذه اقوله لكي بعدين بعد ماافهم وضعكم اكثر بعد ماتردي على مشاركات الاعضاء ان شاء الله

رد: صـدمنـي 💔
 

.
الله يعينك ي اختي لعل فالامر خيره لك

طيب تقدرين تروحين مع اهلك بدونه ؟!
اذا تقدرين روحي وانبسطي انتي وبنتك ولا يهمك شي ..

وانا انصحك انك تسالينه ليش مايقدر يجي ماتدرين لعل عنذه ظروف اقوى منه وتعذرينه ..

رد: صـدمنـي 💔
 

أختي مو انتي الي غاب عنك بعيد الفطر لحجج مبهمة؟؟؟ كمان بيغيب هلا؟

كان الله في عونك الله يهدي هالرجال ما افهم كيف مرتاحين وبكره فيه حساب..

رد: كرهت زوجي بسبب تصرفاته ووعوده الكاذبة
 

يمكن عندة ظروف خاصة وماحب يقولها لك
وعتذر ..الناس ظروف ماتدرين

واذا رجعتي لبيتك تقدرين تستفسرين منة
بهدوء وان شاء الله راح يعوضكم
الهون ابرك مايكون

رد: كرهت زوجي بسبب تصرفاته ووعوده الكاذبة
 

روحي مع اهلك بدونه

رد: كرهت زوجي بسبب تصرفاته ووعوده الكاذبة
 

انت امرأة تحبين السلام وما تحبين المشاكل وهذه ميزة رائعه بس يا حبيبتي اذا تميتي ساكته ايش عرف زوجك انك متضايقه من هل وضع .... الرجال مو مثل النساء يعني سوالف ما بعثتله مسج او ما كلمته او اي نوع من انوع التلميحات ما يفهموها الرجال يفهم لغة الصراحة ما اقلك هاوشيه لا بس قوليله يا ابو فلان انت تركتنا من 8 رمضان الى الان ووووو اكتبي كل الي بقلبك بدون غلط بدون زعل بدون عصبيه بس خلي يكون عنده معلوم انك تتضايقي من هل وضع

وانت الان في سفرة قادمة وامامك حلين يا تروحي وانت منكده وتنكدي الي حواليك يا تطنشي زوجك وتروحي تستانسي و تغيرين نفسيتك .... زوجك ماراح يرجع وانت بتسافري به او بدونه الفرق الوحيد انك ممكن تستانسي او ممكن تتضايقي اختاري انت !!!!

عندي سؤال هو بقية العام كله معك ولا شهر هنا وشهر هناك ؟

رد: صـدمنـي 💔
 

اهلاً اخوي
جداً جداً اثق في رأيك وحلولك وكلامك

بخصوص إنني تنازلت بكل سهوله وإن
سكوتي علامة رضاي.. لا مو علامة رضاي
سكوتي مع زوجي بذات في مواقف من هالنوع
تعني ابعد نفسي من وجع الراس والجدال وتصعيد
الامور.. لانه مايعترف بكلام يافلان
انا متفقه مع اهلي وما اقدر الغي موعدي معاهم
بكذا بكون جد جد نكدت على نفسي
ومع إنني هالفتره قاعده اعيش بسلام داخلي
ما اعرف اذا هو تبلد مشاعر او صح اللي قاعده
اسويه معاه
انا ضايعه ومحتاجه رجاحة عقلك وتوجيهك وتوجيه
الاعضاء لأنني اعتقد ان الانسان
لما يوصل لمرحلة تبلد اتجاه الطرف الثاني
اعتقد انه مؤشر خطر من خبرتي القليله

المختصر المفيد انا مملؤة بالغضب يا لماذا نتزوج 💔

رد: صـدمنـي 💔
 

طبعاً ابروح مع اهلي وبدونه عادي جداً
اي انسان يقدر يعيش بدوني انا بعد اقدر اعيش بدونه
وانبسط كمان..

مابي اعرف عذره.. ولا ابي اعرف ضرفه
متألمه منه جد والله متألمه 💔
لو لي ذرة معزه كان تحدا ضرفه لو يقضي يومين
العيد ويمشي مابي اكثر بس بحيث انه يحفظ
كرامتي عند اهلي

وتقولين اسألي يمكن عنده ضررف..💔
ماعنده عذر ولا ضرف عنده قساوة قلب وكفى

رد: صـدمنـي 💔
 

ا

امييين يارب

رد: كرهت زوجي بسبب تصرفاته ووعوده الكاذبة
 

اتوقع والعلم لله
إن عذره بيكون اقبح من ذنبه..

رد: كرهت زوجي بسبب تصرفاته ووعوده الكاذبة
 

طبعاً بأذن الله رايحه

رد: كرهت زوجي بسبب تصرفاته ووعوده الكاذبة
 

الغالب شهر بشهر او اسبوعين واسبوعين وكذا يعني

رد: كرهت زوجي بسبب تصرفاته ووعوده الكاذبة
 

الفلوجه حبيبتي اجوبتي
داخل ردك
اسفه يمكن ماتوضحً لك

رد: كرهت زوجي بسبب تصرفاته ووعوده الكاذبة
 

يجب علي المراه ان تفهم ان الرجل في الغالب لايفهم صمت زوجته ولا تعتقدين انه يعلم انك متضايقه من فعله بل انتي ارسلتي له رساله مفادها( انا اقدر انشغالك وقبلت عذرك وانشالله تعوضها لي ياحبيبي ) وهو الان يقدر هذا الشئ منك حسب ما استوحاه من ردك فعلك ''

المفروض ان يكون ردك واضح في حينها بالاستفسار عن الاسباب وتعاتبينه عتب لايصل الي مرحله الخلاف وبطريقه لائقه هكذا يفهم الزوج...

يجب عليك التصريح وليس التلميح

رد: كرهت زوجي بسبب تصرفاته ووعوده الكاذبة
 

زوجي هداه الله
النقاش عن بعد مايفيد معاه
لا تلميح ولا تصريح ولا تجريح
كلها تنقلب ضدي
فـ عشان ابعد عن وجع الراس اسكت افضل
لي ولو كنت مُرغمه..

رد: كرهت زوجي بسبب تصرفاته ووعوده الكاذبة
 

انا عارفه سكوتك عشان تتقي شره
اغلب الزوجات تسكت عشان تتقي شر زوجها ولكن الله حسيبهم
ولا تتصادمي معاه ماراح تستفيدي زي ماقلتي راح يقلب الطاوله عليكي
لكن ثقي بالله راح ياخذ حقك منه
وطبعا بعد كذا لا تثقي في وعوده ولا في كلامه ولا توعدي اهلك لأنك عرفتي واخذتي درس

رد: كرهت زوجي بسبب تصرفاته ووعوده الكاذبة
 

مااقدر اجاوبك
لانك كانك تتكلمين عن زوجي
وعووووود كاذبه دائما دائما
كرهته من جوا
ولكن بكلامي كل المستحيلات اقولها
عشان مايبي الطاوله علي
بس ردة فعلك بارده
وهذا اللي يبيه
مفروض تسألين ليش ومن هالحكي
مع اني ادري مافي فايده
هو حط براسه وخلاص
مثل اللي عندي
اجلس بالاشهر من غيابه انتظار
وبدون اي انسانيه او تقدير

رد: كرهت زوجي بسبب تصرفاته ووعوده الكاذبة
 

اصلاً اغلب الرجال " مو الكل"
وعودهم كاذبه او على الاقل ماتكون بموعدها
واكيد مثل ماقلتي ماراح اثق بوعوده بعد اليوم

رد: كرهت زوجي بسبب تصرفاته ووعوده الكاذبة
 

مثل ماقلتي حتى لو سألته وكانت ردة فعلي
مو بارده مابستفيد شي لانه مقرر وخالص

واضح يا إبتسامة ورد انك فاهمتني عدل
وتمرين فيما امر انا فيه

اسأل الله يصبر قلبي وقلبك وقلب كل صابرة

رد: كرهت زوجي بسبب تصرفاته ووعوده الكاذبة
 

الله يعينكم على ازواجكم وزوجاتكم

رد: كرهت زوجي بسبب تصرفاته ووعوده الكاذبة
 

تكفون لا تخلوني بروحي
خلوكم معاي.. قولولي شسوي
كيف اتصرف.
افكر انه اذا رجع ما ارجع معاه للبيت
اشوف يمكن يتأدب
تشجعونني على الفكره ولا لا !؟

رد: كرهت زوجي بسبب تصرفاته ووعوده الكاذبة
 

لو شجعناك بترجعين لنا بموضوع جديد بعد كم شهر في المنتدي ...

واضح من طريقة حياتكم ان زوجك عايش حياة العزبيه الا الآن بسبب بعدكم عن بعض وتعود علي الوضع ...

فالرجل اذا تعود علي شئ من البدايه يحتاج وقت علي مايتغير

رد: كرهت زوجي بسبب تصرفاته ووعوده الكاذبة
 

عروس حبيبتي... هو رجل بالغ عاقل مميز و راشد
ما ينفع تقولين عنه " خل يتأدب "
هو مو واحد من عيالج...

مع ذلك هو غلطان - إذا ما كان فيه قوة قاهرة تمنعه من الحضور
كان المفروض تسألينه ليش ما بتجي ؟ عسى ما شر ..
واذا كان وعوده دايماً جذي .. عن نفسي ما اثق بالشخص اذا ما ينفذ كلامه...

وبتبقون على هالحال سبق و قلنا لج افضل حل انج تنتقلين لين منطقته...

رد: كرهت زوجي بسبب تصرفاته ووعوده الكاذبة
 

واذا رجعت بموضوع آخر بعد كم شهر !!
المنتدى وضع للحوار والنقاش وطرحت المشكلات واخذ
مايناسب من الحلول يعني مافيها شي احط موضوع او اقنين
او ثلاثه..

رد: كرهت زوجي بسبب تصرفاته ووعوده الكاذبة
 

هالاسلوب ما راح يجيب نتيجه ..
اذا تركتيه الف واحد و وحده راح يعبون راسه بأن يكون جامد وما يرجعك ولا يكلمك ..

رد: كرهت زوجي بسبب تصرفاته ووعوده الكاذبة
 

انا مابي اساله لاني اعرف حتى لو سألته مابطلع
بنتيجه..
مسألة انقل لمنطقته انا مابي مااقدر نفسياً ما اقدر



شاكره لك حبيبتي زين 💕

رد: كرهت زوجي بسبب تصرفاته ووعوده الكاذبة
 

كلامك منطقي وطبعاً باخذ بكلامك بعين الاعتبار

مشكور اخوي خالد نبهتني

رد: كرهت زوجي بسبب تصرفاته ووعوده الكاذبة
 

اذا ارسل لك قولي بصريحة العبارة انا زعلانه وطلعي كل اللي في قلبك كانك تفضفضين لاحد يمكن انك تبغينه يفهمك بدون ماتتكلمين وهو مو فاهم
الله يسخر ازواجنا لنا