|
مماطلة طليقي ف نفقة بنتي انصحوني وش اسوي
السلام عليكم ,
انا مطلقه وعندي بنت وقد كتبت قصتي الحمدلله راضيه ف قضاء ربي اللي صار طليقي الله يهديه ويسامحه مو كفايه اهماله حق بنتي لا يسال عليها ولا يدري عنها حتى ايام يكون عندها تطعيم اتعب وانا أدور احد يوديني ل مواعيدها والأخ مو مهتم ف شيء ولا يعرف شكلها اصلن كلهذا مو مهم عندي لاكن موضوع تأخيره ف النفقه كلشهر يتاخر ف اليوم المحدد المفروض تنزل كل تاريخ واخد من كلشهر والأخ يماطل فيها يرسل بعد كم اسبوع واحيانا اكثر وانا عندي التزامات ل بنتي انزل ف تاريخ محدد اجيب أغراضها لاكن تأخيره هذا مو عارفه ليه حتى لو نقول عنده ظرف او مشغول مره مو مرات كثيره اخوي كل مره يقول له بلاش تاخير ارسل النفقه ف يومها المعين بس لا حياة لمن تنادي متى ماهو حب ارسل وف الوقت اللي هو يبي اخوي يقول هذا يبي يطفشك حتى م غاد تسألين عن النفقه عشان ما يرسل انا تعبت منه ما يبي يرسل يتكلم ويقول بلاش قلق كذا وساعات اقول حق اخوي انو خلاص لا عاد يرسل م ابي منه شيء مستعده اربي بنتي بعيد عنه لاكن اقول حرام هذا حقها شرعا والزمن مو مضمون وف المستقبل مو عارفه وش راح يصير فعشان كذا ابيه يرسل حقها لها ولما يتاخر قلت حق اهلي اروح المحكمه يلتزم فيها وف تاريخ معين تنزل بس اهلي رافضين وطبعا الاخ عارف انه العيد قرب والبنت تحتاج أعراض ولين لحظه هاذي ما ارسل وش رأيكم انتم ؟! وش اسوي |
رد: مماطلة طليقي ف نفقة بنتي انصحوني وش اسوي
اهم شي انة يعطي بنتة النفقة ويعتبر افضل من غيرة تاخر سبوع قدم سبوع عادي
وبنسبة للعيد تو الناس باقي 8 يام وان شاء الله بيدفعها ولا اتوقع انة بيترك بنتة بدون ملابس عيد يمكن مشغول حبتين وسعي صدرك ولا تاكلين بعمرك |
رد: مماطلة طليقي ف نفقة بنتي انصحوني وش اسوي
الحين النفقه مو تنخصم دايركت من حسابه؟
اللي سمعت المفروض تتحول لك مباشره اول ماينزل راتبه تنخصم وتتحول زي القسط الشهري مثلا ينزل المبلغ بحسابك شهريا بيوم معين بدون ماتطلبينه كل شهر هذا النظام الجديد |
رد: مماطلة طليقي ف نفقة بنتي انصحوني وش اسوي
اقتباس:
لاكن لو كانت ف المحكمه كان يعملوا استقطاع وتنزل من نفسها لاكن هذا متى ما تذكر بنتي ارسل لها وطبعا حاسه مارآح يرسل |
رد: مماطلة طليقي ف نفقة بنتي انصحوني وش اسوي
شوفي حبيبتي اذا انتي مستغنيه وعندك دخل من الضمان اتوقع يكفيك لاتجلسين تطاردين ورآه لو فيه خير ماطلقك وتركك انتي والبنات الله لايرده لا هو ولافلوسه ربي يعوضك خير منه اذا جات جات واذا ماارسل مع السلامة
|
رد: مماطلة طليقي ف نفقة بنتي انصحوني وش اسوي
حق بنتك لا تخلينه
وما فيه شي يوجع الرجال كثر فلوسه إذا ماطل القاضي يحكم باستقطاعها من راتبه كل شهر. |
رد: مماطلة طليقي ف نفقة بنتي انصحوني وش اسوي
اقتباس:
بعدين افكر مستقبل لو الله كتب لي نصيب واتزوجت بنتي معاي لاكن من وين بصرف عليها واهلي ع قد حالهم يالله نفسهم مو مقصرين لاكن هو ؟ وش وضعه يخلف وينساها كذا م يرسل لها حسبي الله عليه انا عني ما ابي منه شيء مستعده أتكفل فكل شيء لاكن هو يطّلع من كلشيء وهذا حق من حقوقها ظلم لها ولا اسم أب ع الفاضي |
رد: مماطلة طليقي ف نفقة بنتي انصحوني وش اسوي
قوانين المنتدى تمنع التطاول على الأعضاء والتعرض لهم بالتجريح
|
رد: مماطلة طليقي ف نفقة بنتي انصحوني وش اسوي
الله يهداه ويصلحه ان شاء الله ..
اختي لو خليتوا الموضوع استقطاع احسن لكم .. بداية كل شهر يستقطع البنك من المبلغ وينزل في حسابكم .. هذا اذا كان مقتدر ماديا .. اما اذا حالته الماديه مش ولا بد .. اصبري عليه .. ما دام انه ملتزم كل شهر يعطيها .. تأخير أسبوع اسسبوعين ان شاء الله انه ما يضر .. حاولي توفرين لها من المبلغ شوي كل شهر .. يعني لا تصرفينه بالكامل .. اما اذا كنت صدق محتاجه مالك غير المحكه . شرعا وقانونا |
رد: مماطلة طليقي ف نفقة بنتي انصحوني وش اسوي
عزيزتي طولي بالك و اعملي بأصلك وعطيه فرصه اذا هو ينفع معاه الطيب بيدفع نفقه بنته
اذا مانفع معاه الطيب القانون موجود و بيدفع بالغصب الجئي للقانون وخليه اخر الحلول اهم شي لازم يعرف ان فيه بنت تحمل اسمه متكفل بها . |
رد: مماطلة طليقي ف نفقة بنتي انصحوني وش اسوي
الله يهديه ويسخره لبنته
ارسلوا له يكون استقطاع شهري واذا ما التزم يرفع امره للمحكمة هدانا الله واياه |
رد: مماطلة طليقي ف نفقة بنتي انصحوني وش اسوي
انا معاكم راح اصبر لاكن مسالة التأخير مو زينه بحقنا , كل مره يتاخر ف إرسال حتى لو تكلمنا معاه م ينفع فيه يعاند ع حساب البنت
البنت مالها شغل ف اللي صار لاكن ما يفهم يتاخر مره مرتين مو كل مره المساله كلها صرافه وكبسة رزء وخلاص وقريبه منه الصرافه حتى لو عنده التزامات م يمتع يرسلها ف الوقت المحدد انا أحسه كذا يعاقبني عشاني م سمعت لها ونزلتها يبي يشيل نفسه من كلشيء هالشيء ما يرضيني بنتي تكبر وتعرف اسم انه اب ولا يدري عنها حتى ف فلوسها انا بصبر هالشهر اذا ما نزل لها يا اني ارسل حق اخوي لا عاد يرسل ولا اروح حق المحمه |
رد: مماطلة طليقي ف نفقة بنتي انصحوني وش اسوي
انتظري الى بعد العيد
اذا ما ارسل شي ارفعي قضية نفقه يستقطعونها شهريا من حسابه بدون محد يدق يطلب ويترجاه ويذكره اساسا هو ماله منه.. هذا واجبه ومصاريف بنته محد ملزوم فيها غيره ومافي احلى من القانون والنظام بهالامور |
رد: مماطلة طليقي ف نفقة بنتي انصحوني وش اسوي
اقتباس:
لاكن سوْال هالقضيه تطول ولا علطول تخلص يليت اللي عنده خبر او تصور عن الموضوع يقولي |
رد: مماطلة طليقي ف نفقة بنتي انصحوني وش اسوي
اختي طالما انه ملتزم كل شهر بالدفع مالك طريق عليه
حتى لو رحتي للمحكمه لو كان يتأخر بالشهر يعني شهر مايدفع صحيح ولكن اسبوع واسبوعين مالك طريق عليه وبعدين اختي من اللي حدد يوم النفقه؟ |
رد: مماطلة طليقي ف نفقة بنتي انصحوني وش اسوي
اقتباس:
اقتباس:
بعدين بعد مكالمات من اخوي يحول لي ليته يخول من نفسه من بعد اتصالات انا مو عارفه وش وضعه حسبي الله عليه هو متى ماحب ارسل وف الوقت اللي يبيه وعندي احساس كبير متعمد هالشيء عشان اطفش ولا عاد اطالبه ف شيء لانه مره قالي كيف اطلق وعندي عيال منها وقوم ادفع فلوسي عليهم اخذهم واصرف فلوسي عليهم عشان اعرف وين تروح هالفلوس ياخي انا اشك ان م عنده قلب كان يبي اجهض بنتي عشان خاطره تظن راح يهتم ف نفقتها ناسيها وناسي اسمها اصلا حسبي الله عليه |
رد: مماطلة طليقي ف نفقة بنتي انصحوني وش اسوي
اقتباس:
هذا المهم انه يدفع كل شهر اما يتأخر كم يوم او يسبق كم يوم هذا مو مهم ولا لك طريق عليه حتى لو رحتي المحكمه المحكمه ماتحكم بالاستقطاع الا اذا انه مايدفع خير شر انتي اعملي حسابك ووفري من النفقه عشان يصير الوضع مايهمك لو تاخر كم يوم |
رد: مماطلة طليقي ف نفقة بنتي انصحوني وش اسوي
طليقي خطب توني عرفت وللاسف لسا ما ارسل وش اسوي كلمت محامي قالي ف اليوم المحدد المفروض يرسل وما يتاخر ولا ع كيفه حسبي الله عليه
|
رد: مماطلة طليقي ف نفقة بنتي انصحوني وش اسوي
اقتباس:
وهل الاتفاق بينكم والا عن طريق القاضي؟ |
رد: مماطلة طليقي ف نفقة بنتي انصحوني وش اسوي
اقتباس:
اتفقنا ع خمس مية ريال وكل 26 من كلشهر يرسل اتفقنا بينا انا كلمته وقالي ادفع 500 وثاني من نزول الراتب ارسل طبعا هو ما يلتزم ف شيء ولا يرسل الا بعد اتصالات حسبي الله والحين الآخ خطب مارآح يفكر يرسل لاكن مارآح أخليه حق بنتي بطلعه من عيني |
رد: مماطلة طليقي ف نفقة بنتي انصحوني وش اسوي
اقتباس:
كيف حالته الماديه .. ومن قرر ان المبلغ يكون 500 ؟ المفروض ترجعون للمحكمه وهي اللي تقرر متى وكيف وكم يرسل .. وغالبا يكون استقطاع مباشر من مرتبه .. حاولوا تحلون الموضوع ودي بينكم .. وان ما نفع المحكمه مافي غيرها .. |
رد: مماطلة طليقي ف نفقة بنتي انصحوني وش اسوي
اقتباس:
وليته ملتزم فيها حسبي الله يليت اللي تقدر تفيدني القضيه كم تجلس تقولي الله يرضى عليكم |
رد: مماطلة طليقي ف نفقة بنتي انصحوني وش اسوي
الحل قالوه الي قبلي استقطاع من راتبه
اذا كنت ماتبين محاكم روحي الضمان مع 2شهود اخوك او خواتك ودفتر العائله... وشهادة الميلاد.. حتى لو صوره ورقه من المدرسه اذا كانت تدرس عشان ينزل لها كل ترم قيمة الحقيبه المدرسيه الشهود يوقعون على نموذج في الضمان ان البنت عندك في البيت وانتي مسؤله عنها راح ينزل له شهرا 1000ريال غير المقطوعه السنويه 10 الاف وكل سنه تجددين الاوراق عندهم بنفس الطريقه فائده للجميع ..حتى لو كنتي موظفه وابوها مايصرف عليها ينزل لها من الضمان مبلغ شهري موفقه |
| الساعة الآن 02:52 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©