|
اشعر بالقهر بعد استلامي صك طلاقي
مقهوره فيني قهر مايعلم فيه إلا الله
اليوم أستلمت صك طلاقي الأصل وانا مطلقه من 5شهور احس يوم شفته كأني توني متطلقه قهر وربي قهر خاصه انه ماجاه مني ولاشي طلقني ظلم أهاني وغدر فيني واخرتها طلقني من غير ماادري على حبي وعشقي وصبري عليه وعلى دنائته طلقني معقوله في رجل ينسى العشره والحب والأخلاص بهالسهوله وعشان شي حقير معقوله يبيع زوجته وطفله برخيص يعني ماجاه مننا ولا شي كل هذا بس عشاني واجهته بحقيقته واللي قاهرني اكثر احس ماخذيت حقي منه وحتى الدعاء والله اني اخاف ادعي عليه با اخر الليل اخاف ربي يحوسه على اللي شفته منه المشكله انا مرا متعلقه بطفلي الله يحفظه ويخليه لي والا ودي ارميه على ابوه عشان يحس بالقهر والظلم اللي سببه لي و له اقول يمكن يطّلع له قلب بعد مايشوف طفله يبيه ويبيني مايمر يوم الا يسأل عن ابوه وحتى يوم قلت له ياحبيبي ترا انا وبابا الحين مو ازواج وعلى براءته وبرأه قلبه مايبي يصدق ولأنه على صغره ذكي ماشاءالله تبارك الله يقول لا بابا زوجك ليه انت ماتحبين بابا عشان كذا احنا ساكنين هنا يعني مادري وش اقول والله ماصدقت انسى شوي الايام اللي راحت بس يوم شفت الصك اليوم احس كأني توني الحين متطلقه حسبي الله ونعم الوكيل اللهم اجرني في مصيبتي وأخلف لي خيرا منها اللهم ارزقني الصبر والرضاء على مااخترته لي تم تعديل العنوان ليتناسب مع المضمون |
رد: يارب انت حسبي ونعم الوكيل
الله يعوضك اصبري اختي
|
رد: يارب انت حسبي ونعم الوكيل
الانسان مبتلي يااختي
اللهم اجرها بمصيبتها وخلفها خيرا منها اقتباس:
|
رد: يارب انت حسبي ونعم الوكيل
حبيبتي لا يستحق حزنك عليه
قصتك من القصص التي اصرت فيني وانتي امراه نادره و كفو بس هو مو كفو ادعي دعاء ام سلمه اللهم اجرني في مصيبتي واخلف لي خير منها |
رد: يارب انت حسبي ونعم الوكيل
حبيبتي...
الله يخلف عليك ويعوضك خير خلي على لسانك طول الوقت لا إله إلا أنت سبحانك إني كنت من الظالمين وبإذن الله بتشوفي نتائجها وأثرها العجيب على نفسيتيك وهدوئك وفرج الله عليك وكمان أذكرك بقول الرسول عليه الصلاة والسلام: "مَا مِنْ عَبْدٍ تُصِيبُهُ مُصِيبَةٌ فَيَقُولُ : إِنَّا لِلَّهِ وَإِنَّا إِلَيْهِ رَاجِعُونَ ، اللَّهُمَّ أَجِرْنِي فِي مُصِيبَتِي ، وَأَخْلِفْ لِي خَيْرًا مِنْهَا ، إِلَّا أَجَرَهُ اللَّهُ فِي مُصِيبَتِهِ ، وَأَخْلَفَ لَهُ خَيْرًا مِنْهَا " استعيني بالله وثقي تمام الثقة أنه وحده القادر أن يبدل حزنك فرحا هذه أيام فضيلة استغليها في الدعاء والإستغفار بنية الفرج خليك قوية لأجل نفسك ثم ابنك.. حزنك ما راح يدوم.. أزمة وبإذن الله تعديها بسلام وتخرجي أقوى وأنضج بكثير بس حطي في بالك كل قدر بحكمة خفية من رب العالمين ما نعلمها وبيجي يوم قريب وبتفخري بنفسك ومدى تماسكك وعدم إستسلامك فتحي عينك حولك وحتلاقي نعم الله محاطة بك من كل صوب.. الله يخلي لك أهلك وولدك ويبلغك فيه |
رد: يارب انت حسبي ونعم الوكيل
الله يعوضك خير ويربط على قلبك
وثقي بالله اختي كما فيه ازواج يبيعوا زوجاتهم كذلك يوجد زوجات يبيعن ازواجهن ....! |
رد: يارب انت حسبي ونعم الوكيل
ليه طلقك ؟
|
رد: يارب انت حسبي ونعم الوكيل
لاحول ولاقوة الا بالله
الله يصبرج ويربط على قلبج والله لايجعل احد يكسر قلوبنا الله يعين على هالدنيا كرري حسبي الله ونعم الوكيل بدون ماتدعين عليه وكرري الصلاة على النبي والاستغفار واحتسبي هالشيء على الله فرج الله همنا وهمج وهم كل مسلم ومسلمه |
رد: يارب انت حسبي ونعم الوكيل
اقتباس:
انا امنيتي اعرف السبب لأن هذا احد الأسباب اللي زادت القهر فيني ماجاه مني ولا شيء كل اللي سويته اكتشفت غدره لي وواجهته فيه وألتزم الصمت ولا عمل حساب لا لي ولا للعشره ولا بمحبتي ولا لجرحي وقهري وصدمتي في الأنسان اللي وثقت فيه بالعكس بدال مايعتذر ويستسمح مني ويبين لي ندمه باللي سواه هجرني وبالأخير جازا صبري بخبر الطلاق إلى يومك اتمنى بس اعرف ليه سوى كل اللي سواه فيني وش الشي اللي جاه مني ولكن الحمدلله على كل حال والله يسعده ويوفقه وين ماكان بيبقى وبيظل أبو ولدي والله يسامحه على كل شي |
رد: يارب انت حسبي ونعم الوكيل
الله يجبرك ويعوضك بخيرا منه ويحفظ لك طفلك ويرزقك بره يارب استغلي باقي الأيام الفضيله بالدعاء والتقرب إلى الله لكي ترتاحي
|
رد: يارب انت حسبي ونعم الوكيل
لا حول ولا قوة الا بالله , الصك خلاص احتفظي فيه ولا عاد تشوفينه
وهو ما ادري ايش اقول عنه , بعدين يا ام الغالي ف هالدنيا لا تستبعدي شيء عادي الحين يطلقون ع اي شيء الازواج الحين مو نفس قبل ما عاد يوكل عيش مجرد سكان ف بيت واحد ولا واحد فيهم دراي عن الثاني اصبري ع اللي ما صار وصدقيني بيجي اليوم اللي بتكوني فيه احسن من مليون مره اول كم شهر بعدين خلاص ربي ولدك وعوضيه عنه كوني له الام والأب والأخت والصديقه دامو ما يسال عنه ولا يدري بكره هو مارآح يدوره فتره وتعدي اكثري من الدعاء |
رد: يارب انت حسبي ونعم الوكيل
اقتباس:
|
رد: يارب انت حسبي ونعم الوكيل
اقتباس:
عشان ماابي اقرا ردود مسيئه له ولكن انا مو مشكلتي ولا اللي قاهرني اللي سواه لأن بشر ومن الطبيعي بيغلط انا اللي ذبحني ردة فعله وسكوته واعرف انه فعلته مالها تبرير بس اقلها يعتذر يبين لي انه ندمان ولكن للأسف ألتزم الصمت وهجرني وبعد ماواجهته لدرجه والله العظيم اذا شافني في البيت بالصدفه يصد عني وكأني غريبه عنه!! فعلا شي غريب اللي صار لي وللأسف مو لاقيه أجوبه على تساؤلاتي احس اقل شي لو قال اكرهك ماابيك عايفك والله اهون عالأقل اعرف انه طلقني عشانه كارهه تمنيت اني سمعت منه سبب للطلاق مع العلم اول ماعرفت بخبر طلاقي ارسلت له رساله ليه وش اللي جاك مني عشان تجازيني بالطلاق؟ ارسل يعلم الله اني ماكنت ابي اطلق ولكن تجنبا للمشاكل ارسلت له اي مشاكل؟ هي مشكله وحده وبيدك انت حلها وانا مستعده اسامحك وانسى اللي صار ونفتح صفحه جديده عشانا وعشان ولدنا وكالعاده يتجاهل كلام الحق ولا يرد وفعلا انا الان مطلقه ولا اعرف سبب لطلاقي ومع العلم أيضا انه بالبدايه كان رافض يطلق وبنفس الوقت مو جالس يسوي شي يحسسني بندمه بالعكس الا مايرد على مكالماتي فقط يرد على رسايلي اذا نبي مقاضي للبيت او ابي شي لولدي ويجيب الاغراض ويحطها عند باب بيتي ويتصدد وكأني أمراءه اجنبيه عليه وانا بذيك الفتره كنت زوجته وتصرفات غريبه اصدرت منه لدرجه لم اعد احتمل جلستي فبيتي ورجعت بيت اهلي وجلست فتره قلت يمكن يحس يشتاق يندم والله لاحس ولاخبر وصار يتجاهل مكالمات اخوي عشان قاله يا تمسكها بالمعروف او تسرحها بأحسان علقني فتره تقريبا 7شهور تقريبا وبعدها عرفت عن طريق اخته وبالصدفه انه مطلقني من شهر وللتوضيح عمر الزواج من الثانيه مايسمى غدر لأن حق للزوج ومحلله رب العالمين ولكن بشرط اذا كان بأستطاعته العدل صح انه قهر للزوجه وخاصه المخلصه ولكن هذي الحقيقه شئنا أم أبينا |
رد: يارب انت حسبي ونعم الوكيل
اقتباس:
|
رد: اشعر بالقهر بعد استلامي صك طلاقي
اسأل الله أن يهديه وينور بصيرته
ويرده لطريق الحق والصواب واشكر كل من دعاء لي ولكم بالمثل |
رد: اشعر بالقهر بعد استلامي صك طلاقي
لي عوده
في نقاط تحتاح اناقشها معاك اذ حبيتي |
رد: اشعر بالقهر بعد استلامي صك طلاقي
الله يكون بعونك
هكذا هي الحياه .. وهل نتعلم الدروس دون مقابل ؟؟ انا لم اطلق بعد وسمعت جميع انواع الدعاوي انا و والدتي وللان لم اعرف السبب ولكن .. اتمنى أن تؤمني بأنه من كان مع الله يكون الله معه فقط لا غير تأمليها ستشفى جراحك عاجلا" أم أجلا" |
رد: اشعر بالقهر بعد استلامي صك طلاقي
ان مع العسر يسرا ..فان مع العسر يسرا
هالايتين لو قريتيهن وتمعنت بمعناهن لارتحتي .. بتمر عليك ايام فرح وسعادة ان شاء الله وتكون هالايام السوداء مجرد ذكرى عابره .. الله يفرج همك ويرجع لك زوجك ندمان ويهديه ويسخره لك يارب |
رد: يارب انت حسبي ونعم الوكيل
اقتباس:
ما أدري ووش أقول لك .. ياشيخه وصفتي حالة ذاك الانسان (طليقي) قبل مايحصل الطلاق .. مو قادر يواجه أحد .. نفسيته تعبانه .. شوي مايبغى يطلق .. شوي يقول للي حوله البنت ماتستاهل واحد مثلي .. يصد عني .. يصد عن أهله.. يصد عن أهلي .. يصد عن أمه وأبوه خاصة .. مايبغى يتكلم مع أحد عايش مع نفسه يجلد في ذاته .. عاش على هذا الحال بعد الطلاق سنه وعليها .. تعرفي ليش لأنه ندمان ومو عارف كيف يصلح غلطه .. تري قلت مثلك .. اعترف بغلطك ووضح لي انك ندمان واوعدني ماترجع للي انت فيه وببدأ معاك صفحه جديده ..عمل مثل طليقك بالضبط .. راح طلق وقال انا ما استاهلها .. البنت ماقصرت معاي زوجك ندمان بس مو عارف يعتذر منك .. السبب ايش؟؟ الله أعلم بشخصياتهم المتعبه .. ماتعرفي الواحد وش يبغى من الدنيا .. تري طليقي الحين خلوق مع اخواني .. يبان عليه التعب والندم بس مايتعرف لأحد في مناسباتنا العائليه يحضر ويقول اخوي مايقصر .. يصب للرجال القهوة ويضيف وكأن البيت بيته .. أختي أحيان زوجها يسافر .. وزوجها يصير قريب طليقي .. مين اللي يسد غيبة زوجها ماتصدقين طليقي هو اللي يخدم أختي .. وش رايك بالله ؟؟!! من جد شر البليه مايضحك .. وش تركيبة هالرجال .. ماأعرف .. استلامك لصك الطلاق وضيقك بعد ماشفتيه شعور عادي جداً أي مطلقه بتحس نفس اللي تحسيه حتى لو هي من طلب الطلاق .. بس انا حاسه فيك وفي القهر اللي تحسي فيه .. لأنك اعطيتيه مجال وسامحتي لكن قابل هذا الاحسان بالنكران وردة فعله كانت غير متوقعه .. حبيبتي بتمر شهور ويمكن سنه بعدين بتنسي السالفه وبتعيشي حياتك خصوصاً ان معاك ولد ربي يحفظه لك .. |
رد: يارب انت حسبي ونعم الوكيل
اقتباس:
وفعلا والله قد قالها بوجهي يوم ضغطت عليه بالكلام قال انا مااستاهلك قلت بالعكس الا انت تستاهلني ونعم الرجال ومافي شي ناقصك واذا غلطت لا انت اول ولا اخر واحد كلنا بشر ونغلط هات يدك بيدي وننسى اللي راح ونفتح صفحه جديده عشانا وعشان ولدنا قام يتصدد ووالله ان طليقي الان مثل ماذكرتي حتى المعايده يرسلها على جوالاتنا انا واهلي ماشاءالله وان كان على قولتك انه ندمان ومو عارف يعتذر هذي المصيبه والقهر فعلا لاني حتى الأعتذار ماطلبته منه كل اللي طلبته ياتعاشرني بالمعروف او تسرحني بأحسان لأن وعلى غلطه اللي جاني منه هجرني كزوجه وعشت كالمعلقه فبيته حوالي 6 7 شهور وللأسف طول فتره صبري عليه حتى التغيير ماحاول فيه عجزت أحلل تصرفاته وردات فعله السابقه ولكن انا مسامحته ومحللته على كل اللي جاني منه امام الله وبيبقى أبو ولدي اسأل الله ان ينور بصيرته ويرده للحق ردا جميلا |
رد: اشعر بالقهر بعد استلامي صك طلاقي
اقتباس:
وليست من القلب فحاولو تصلحون إللي بينكم وابتعدو عن الطلاق وخاصه لو عندكم اطفال ترا الطلاق صعب جدا |
رد: يارب انت حسبي ونعم الوكيل
اقتباس:
بس لازم تصبرين وتقوين قلبك قد ماتقدري .. المشكله هي ان اهلك لو شافوه خلوق معاهم والرجال مايجي منه إلا كل علم زين معاهم ويظهر بوجه أبيض قدام الجميع .. بتجي أيام بتسمعي من أهلك كلام ما بيعجبك .. بيقولوت شوفي الرجال وش زينه .. انتي اللي خربتي بيتك بيدك .. انتي اللي طفشتيه .. انتي عصبتي عليه .. انتي وصلتيه لهذي المواصيل والا الرجال مافيه منه .. لا تقولي ليش يلوموني وهم عارفين غلطه .. وعارفين القصه كاملة وعارفين اني ماطلبت الطلاق وسامحته وسويت كل شي عشان أنقذ بيتي معليش بيكونون عارفين صح .. بس لابد من الكلام الجارح هذا مجتمعنا الشرقي .. غلطة الرجل مايمر شهر شهرين الا والناس ناسينها واهلك كمان ناسينها لكن الله لا يقدر لو انتي غلطتي .. مستحيل أحد يغفر غلطك طول العمر .. المهم الكلام اللي ذكرته فوق .. لو واجهتي جزء منه قوي قلبك ولا تتعب نفسيتك انتي في مرحله حرجه الحين .. بقوتك ودعائك وصبرك واحتسابك راح تخرجي منها لكن راح تخرجي بشخصيه ثانيه بإذن شخصيه قويه وقلب قوي وانتي بنفسك بستغربي من التغير اللي انتي فيه .. حالياً اشغلي نفسك بأي شي .. دراسه .. وظيفه .. دورات عشان تشتتي فكرك عن طليقك واتركيها للأيام .. ان رجع وندم وطلبك يرجعك سامحيه وارجعي معاه عشان ولدك وان ما رجع فأطلبي العوض من الكريم سبحانه وصدقيني دامك مظلومه ربي بيعوضك بالأجمل .. |
رد: اشعر بالقهر بعد استلامي صك طلاقي
امين يارب اجمعين
|
رد: يارب انت حسبي ونعم الوكيل
من أين أتيت بهذا الكلام بين القوسين:
(غلطة الرجل مايمر شهر شهرين الا والناس ناسينها واهلك كمان ناسينها لكن الله لا يقدر لو انتي غلطتي .. مستحيل أحد يغفر غلطك طول العمر .. ) |
رد: يارب انت حسبي ونعم الوكيل
اقتباس:
مع أني أعارض الكثير من عادات المجتمع .. إلا أنها غالبه والمجتمع عبارة عن أناس ( رجال ونساء ) اعتنقوا هذه العادات وهذه الأفكار وكثرة هؤلاء الناس جعلت رأيهم الغالب والمسيطر .. أخي الكريم أعتذر عن التأخر في الرد .. كان عندي اختبار .. دعواتكم لي بالتوفيق |
| الساعة الآن 03:15 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©