|
باقي شهرين على زواجي وافكر اطلق زوجتي
السلام عليكم كيف حالكم هاذي اول مشاركة لي بالمنتدى ودي اسرد لكم قصتي بالمختصر انا رجل ابلغ من العمر 35 سنة موظف الحمد لله من بيت طيب متواضع مستور المهم قبل فترة امي وخواتي قالوا لقينا لك بنت كويسه انا كان شرطي انها تكون انسانة واعيه وتكون فوق 25 لاني ابحث عن نضوج العقل وابي انسانة تكون واعيه بالاضافة الى انها تكون بيضاء البشرة حتى لو كانت متوسطة الجمال المهم ربي يسر ورحت وتقابلت مع والدها واخوانها ناس والنعم فيهم مستورين جاء وقت النظرة الشرعيه لما شفتها سبحان الله البنت دخلت قلبي مو عشانها جميله مدري حسيت انها فعلا دخلت قلبي ماادري ليه الزبدة خذت شروطهم وملكنا وكلمتها بالتلفون وهينا بدت القصة نسيت اقولكم اني اسمر البشرة حسيت ان البنت للامانة فيها دلع بزيادة ومركزة على لون بشرتي بكل مكالمة مرة تقولي قاعدة افكر شلون بصير اشكال عيالنا ومرة تقولي هل فكرت في يوم من الايام ان وحدة مثلي بتوافق عليك !!!! ومرة طلبت مني طلب غريب قالت لي يوم العرس ابيك اذا شفتني على الكوشة تبوس يدي !!! لما رفضت سكرت بوجهي !!! مرة لما زودتها معي قلت لها شكلكنا ماراح نكمل المشوار مع بعض تصرفاتك غريبه على ان عمرك كبير بس تصرافاتك مافيها نضوج ردت على قالت اتحداك تسويها والله محد ياخذك تراك ماخذ بنت مثل اللمبة للامانة كرهتني بالعرس خلتني بدال ماافكر اجهز للزواج صرت افكر انفصل عنها [/SIZE]
|
رد: باقي شهرين على زواجي وافكر اطلق زوجتي
بصراحة .. بداية لا تبشر بخير. أرى أن تتريث قليلاً .. ولا تستهِن بمثل هذه التعليقات. |
رد: باقي شهرين على زواجي وافكر اطلق زوجتي
يا رجال توكل ع الله
ولا تهون علشان اختلاف درجة اللون وأنت عارف الرجال مخابر وليس مناظر زوجتك تحتاج فقط ترويض وأنت قدها وقدود شد حيلك والله يوفقك |
رد: باقي شهرين على زواجي وافكر اطلق زوجتي
اترك اللمبه لاتخرب بيدك وبعدها شلون تبي تشوف الدرب ....!
كلامها ليس دلع بل حقائق فتركها اولى الا اذا انت شايف شي ثاني ...! |
رد: باقي شهرين على زواجي وافكر اطلق زوجتي
طبيعي تكون المرأة اجمل من زوجها ربما فقط تفتقد مدحك او شوية غرورتغزل بها واغرقها مدح
لانه لو كان نفورستلمسه من كلماتها وتصرفاتها وان كنت تريد ان تحبك وتراك اجمل الناس خليك واثق من نفسك ولا تهزك كلماتها |
رد: باقي شهرين على زواجي وافكر اطلق زوجتي
سبحان الله..
اذا خلت المرأة من الأدب والخُلق الحسن والاحترام... تُظلِم لو كانت ثريّا.. لازلت في بر الأمان.. خذ وقتك.. |
رد: باقي شهرين على زواجي وافكر اطلق زوجتي
فكر مضبوط و استخير
|
رد: باقي شهرين على زواجي وافكر اطلق زوجتي
مرحباً أخي
كلامها له إحتمالين : إما أنها صريحة في كلامها وتتكلم بكل عفوية وبما يخطر في بالها وهي لا تقصد التجريح أو لها أبعاد أخرى في الكلام وإما أنها تقصد الكلام وتتكلم بأنها متفضلة عليك بأنها بيضاء رضيت تتزوج أسمر لذلك .. لابد من المواجهة والصراحة التامة معها وأن تكلمها بجدية وتسألها : هل أنتِ مقتنعة بي ..؟؟ هل عندك مشكلة في لوني أو لون أبنائنا ..؟؟ هل تشعري بخجل أو نقص بأنك متزوجة أسمر ..؟؟ هل ترغبين الإستمرار معي والزواج أم لديك رأي آخر ..؟؟ وبعد كل هذه الأسئلة حدد مصير علاقتكم .. ولو أرادت الإستمرار .. أخبرها أن لا تعيد مسألة اللون مرة أخرى وإلا ستكون طامة عليها أعانك الله |
رد: باقي شهرين على زواجي وافكر اطلق زوجتي
استخير في استمرار زواج او الانفصال
|
رد: باقي شهرين على زواجي وافكر اطلق زوجتي
اقتباس:
خاصة حكاية تبوس يدي شخصيا لو انا مكانك لن اتردد واستخير واتركها هذا وقت الغزل والحب واحلى ما عند الطرف الاخر تقول هذا الكلام اجل بعد الزواج والتعود والمشاكل ماذا سيكون كلامها خاصة وقت الغضب!! |
رد: باقي شهرين على زواجي وافكر اطلق زوجتي
يبدو انك انت ساهمت و لعبت دور في ترسيخ هالشي، اجل تتحداك ولأنها لمبة انك تنفصل عنها لو قالت تعشقنى أرحم! بس ما يردك الا اللون . ردات فعلك معها خلاها تتمادى معك لهاللحظه ، واذا الاسلوب قبل الدخول كذا ، كيف لو جاها ولد اسمر بلونك وش بتسوي ؟ ارجع فكر وشوف حجم الخساير قبل وبعد . |
رد: باقي شهرين على زواجي وافكر اطلق زوجتي
فعلا بدايه لاتبشر بالخير
كلنا خلق لله سبحانه واذا صارت بيضاء مو هي اللي خالقه نفسها اتوقع والله اعلم انها عارفه ان بدك بيضاء علشان كذا تتفضل عليك والخطاء منك جان رديت عليها وانا مع الاخ الرسمي اسئلها وشوف ردها هل فعلا تبغاك وراضيه فيك او لا ؟؟ |
رد: باقي شهرين على زواجي وافكر اطلق زوجتي
خلك حازم مع هاللمبه
لازم تكون صريح معها قلها كل الي في خاطرك وان هالشي مزعجك منها واحتمال كبير يؤدي للانفصال وانه الحب لها بدا يتحول الى نفور ان لم تتعدل معك تغيرت كان بها والا تركها أولى استغفر الله الأخلاق والاسلوب اهم شيء وهذي مافيها من الذوق ذره ليتها جمره بس خلوقه الله يعينك بس 😖 |
رد: باقي شهرين على زواجي وافكر اطلق زوجتي
اسألها وناقشها بتعليقاتها
ممكن تكون متنرفزه من شغله عملتها فتذكرك بأنها من تكون ؟ وهذا غرور مفترض ماتجيب شيء ربي خلقه او انها فعلا تفتقد منك المدح بمظهرها والدلال فتذكرك انها بيضاء وجميله تبيك تمدح !! وانت تاخذها بحساسيه وترجع هي تزود الجرعه عليك وهكذا ؟؟ اما بوسه اليد فترى بنات كثير يطلبو زي كذا بعضهم تطلب يبوس بالراس بعضهم اليد حتى تكتمل المسرحيه امام الجميع يعني يشوفو مو معقول يمشون مع بعض من دون حركات لازم اكشن وكيك واكلني واكلك ودلع وتصوير تقدر ترفض تدخل معها اذا مستصعبها باسلوب حلو بس بعد تسكيرتها بوجهك غلط:( لكن ترى ممكن انصدمت من ردك وقعدت تبكي كان المفترض وضحت ليه هي تبي كذا وانه كلنا البنات يسووها هذه الكلمه يمكن تغير وجهه نظرك لان رجال كثير مايعرفو حركات البنات بالزفه احس اسلوبكم الاثنين شوي دفش على بعض انت قلت لا طوالي من دون ماتشرح وجهه نظرك او تقنعها وهي انفعلت وقفلت في وجهك اللي ملاحظته انها انفعاليه وعفويه يمكن تكون وجهه نظري خطأ وغالب هذا النوع زواجهم فاشل حتى لو ماحصل طلاق ،الرجل يبي له كيد ومسايس خاصه من يجهل في تركيبه المرأه ايضا الزواج لابد يكون في مرونه واخذ وعطاء واذا طرف شد الاخر يلين حتى تفهمون بعض اكثر |
رد: باقي شهرين على زواجي وافكر اطلق زوجتي
سكر الله يرضى عليج! كثير بنات يطلبون إن المعرس يبوس إيدهن؟!! المعذرة بس هذه قلة ذوق ونرجسية وتصنع مقيت!! حتى بوسة الراس مب حلوة البنت تطلبها .. واللي أعرفه إن المعرس يسويها من نفسه أو خواته يقولون له يسويها. لكن العروس هي اللي تطلب؟!!!!!! .... صراحة وع! بعدين يا جماعة .. هو فعلاً تكلم معاها ولمّح لها بالانفصال .. ومع ذلك كابرت وقالت: أتحداك ومحد بياخذك!!! شخصياً زوجي أسمر .. وأنا لمبة على قولة الأخت .. وأبداً ما عمري خطر على بالي أقول أي كلمة بهذا الخصوص لا تصريحاً ولا تلميحاً .. لأنه عيب ومب من الأخلاق ولا الأدب .. وخلاص ما دام وافقت على الريال فالمفروض راضية ومقتنعة وقابلته بكل ما فيه. مب أقبل عيب - من وجهة نظري - وأتمنن عليه. وبخصوص الأخت اللمبة فبصراحة المسألة واضحة. |
رد: باقي شهرين على زواجي وافكر اطلق زوجتي
اقتباس:
بصراحه شي غريب .. ولازم تتريث قليلا وتفكر الف مره قبل يتم الزواج .. انت كيف مكالماتكم مع بعض .. يعني هل تبين لها انه مسالة لون البشره شي اساسي بالنسبه لك .. ؟؟ هل بينت لها انك مو حاب انه بشرتك سمره وخايف خلفتك يكونون سمر .. ؟؟ أما مسالة انها تطلبك تبوس ايدها .. هذه جريئه جدا جدا .. وبصراحه ما اتخيل وحده تطلب هذا الطلب من خطيبها وقت الملكه .. !! |
رد: باقي شهرين على زواجي وافكر اطلق زوجتي
ياخي (نصيحة (1)) تزوج كراميل اخلاق واحترام وذوق ولون.. نسبه العنوسه كبيرة ..قاعدات مسكينات بلاذنب ولاخطيئة ..كل هذا عشنهم مولمبات :/ .. طيب اكيد ام لمبه بيضاء عندها ادراك مسبق انك ماتبغى تخطبها الا عشنها بيضاء .. وبرضوا مش محصل اخلاق حلووه ..بوس يدي قدام الخلق ! نصيحة (2) رويس لوراء وراجع حساباتك من جديد .. ! لي تسمعه دحين راح تسمعه مرار ومرار وكانها متفضله عليك بلون ..
|
رد: باقي شهرين على زواجي وافكر اطلق زوجتي
اقتباس:
احنا بعد عايلتنا لمبات لكن شبابنا ونسايبنا سمر وفي منهم الاسمر جداً وفخورين فيهم والنعم منهم ،، |
رد: باقي شهرين على زواجي وافكر اطلق زوجتي
اقتباس:
انا ذكرت بكلامي انه البنت ربما تكون عفويه وانفعاليه= ترمي كلام وبعدها اكيد بتندم عليه هذا معناه كلامها انا لمبه وغيرها ذكرت الاسباب بالرد الاول احنا مانعرف ايش اللي وصلها تقول كذا بعدين هو بعد جرحها وقال عمرك كبير وغير ناضجه ( الشخصيه الانفعاليه غالبا غير ناضجه حتى لو عمرها خمسين ) متسرعه واندفاعيه وهي ردت مابتلقى زيي ، مااعرف هل هو يسب لونه عندها او اذا مدح ركز بلونها ؟ احنا دايم نقول للرجل اشبع زوجتك وامدحها لكن لايركز بصفات معينه يعني مثلا طالعه حلوه اليوم ، شكلك حلو ، افضل من قولته انا اخذتك عشانك لمبه !! او اللي عاجبني بياضك مثلا ،، لان الشخصيه هذي مندفعه وتخرب كل شيء وقت الزعل . كل كلامي احتمالات مانعرف حواراتهم كيف بالضبط ومن ناحيه البوس لو طلبت يبوسها ، كان رد عليها بكلمتين حلوين اننا خايفين من العين وكذا او حاول يتفهم ليه تبي البوس مع انه اللي اشوفهم يبوسون زي ماقلت مسرحيه ممكن المجتمعات تختلف وهي مجتمعها كذا بالاعراس او صديقاتها تبي تقلدهم وحده من صديقات اختي تو ملكت وسوت حفله كبيره عقدت قبل الحفله باسبوع وكلمته بالجوال وعلمته اش بيسون ، وفعلا باسها ورقصو كأن لهم سنه يعرفون بعض ، الله يهنيهم اي نعم البنت كانت جرئيه ، بس اعرفها لما تجي عند اختي جدا طيبه وعفويه اما كذا نقول قليله ادب وانفصل مرا صعب ؟؟ على الاقل كلمها اتفاهم معها ، خلها تشرح لك وبعدها ضع حدود ماتتخطاها من ناحيه لمبه الصدق بحياتي ماسمعت احد يقول انا بيضاء وانت اسمر rfegr بس ارجع لحواراتكم متأكده فيه خلل .. فتحتي باب وان كان من غير قصد .. الحين كل وحده بتدخل تقول لونها اللهم صلي على محمد ناقشو بالموضوع واتركو لونكم وانت يامهره عاقله وراكده مو الكل زيك .. sdd |
رد: باقي شهرين على زواجي وافكر اطلق زوجتي
اقتباس:
اذا هي اخلاقها وهي توها متملكه فالقادم ادهى واقوى لا حياء ولا ادب ولا خلق اعوذ بالله |
رد: باقي شهرين على زواجي وافكر اطلق زوجتي
اقتباس:
مو القصد ي اختي سكر ان كل وحدة بتدخل بتذكر لون بشرتها لكن انا سابقا تملكت على شاب ابيضاني وانا مااقل منه لكن انفصلنا يعني البنت تكبر عقلها وماتجعل حاجة ربي خلقها سبب في انفصالها.. انا اتمنى انا يتفاهم معها بخصوص بهذا الامر ويمر على خيرر.. وإن شاء الله مايحصل الا الخير وكل وحدة تدخل ماتوصف لنا لونها😏 |
رد: باقي شهرين على زواجي وافكر اطلق زوجتي
ممكن انك تتحدث عن بشرتك كثير لمن عطيتها مجال.
في نوعيه من البشر ماينعطو مجال ولاحجم اكبر من حجمهم وعادة هم مايقصدون شي بكلامهم بس نوعيه ثرثارة واذا عرفت لهم قلوبهم طيبه صارحها وش ردت فعلها |
رد: باقي شهرين على زواجي وافكر اطلق زوجتي
مع مهرة
وإذا قررت الاستمرار بهذا الزواج لاتتوقع القادم أفضل أو أنها ستتغير ، لا أحد يتغير والذي يتزوج ليغير شريك حياته مخطئ وواهم ،ضع هذا حساباتك. |
رد: باقي شهرين على زواجي وافكر اطلق زوجتي
اقتباس:
|
رد: باقي شهرين على زواجي وافكر اطلق زوجتي
اللمبه بدالها لمبه ولكن كرامتك ما لها بديل
|
رد: باقي شهرين على زواجي وافكر اطلق زوجتي
لا أرى لتصرفاتها أي مخرج ، إلا أنها تفكيرها سطحي ، وربما مغرورة ، ومصدقة عمرها..
|
رد: باقي شهرين على زواجي وافكر اطلق زوجتي
اقتباس:
زوجة هذي بدايتها خاف منها والحمد الله انها كشفت عن معدنها وان شاء الله بتحصل افضل قبل تشربك عمرك بعيال وهي ماتسوى اجل حب يدي في الكوشة وانا متفضلة عليك اقول اشتر كرامتك قبل هدرها |
رد: باقي شهرين على زواجي وافكر اطلق زوجتي
هذي من المؤشرات اللي تعبر عن فشل و كثير من اللي فشلوا في حياتهم تجاهلوها
لهذا خلك اذكى من غيرك و اسحب نفسك من هالزواج اللي ما يبشر بخير طلبها لبوسة اليد مو بس غرور فيها الا استهانة فيك ووقاحة اسحب نفسك و راح تلقى اللي تجمع الاخلاق و الجمال |
رد: باقي شهرين على زواجي وافكر اطلق زوجتي
الانفصال افضل من الاستمرار
الزوج له هيبته واحترامه وهذي من قبل الزواج وهي اهانتك |
رد: باقي شهرين على زواجي وافكر اطلق زوجتي
اقتباس:
اختلف معك أخوي كلامها له ما هو سبب قوي للبحث عن لمبه ثانيه:D |
رد: باقي شهرين على زواجي وافكر اطلق زوجتي
اعيد التفكير بالزواج من هذه الفتاة
سواء هي تقول ذلك لا إراديا من العقل الباطن فالموضوع اسوء من التكبر |
رد: باقي شهرين على زواجي وافكر اطلق زوجتي
مادري بس شكل عقلها مرره صغير وتفكيرها سطحي،،لو مكانك اهون عن هالزواج بدون تردد
|
رد: باقي شهرين على زواجي وافكر اطلق زوجتي
ماذا قررت يا عمر..؟
|
رد: باقي شهرين على زواجي وافكر اطلق زوجتي
شخصيات بعض الازواج تجبر الحرمه تستخف فيه وتتكبر عليه وتشوف نفسها عليه لنه يوضح لها رومنسي مره ومتعلق فيها مره بعض الحريم مثل خطيبتك ماتمشي الى بالعين الحمرا
|
وعليكم السلام ورحمة الله وبركاته
اخي الكريم، الكلام اللي كتبته عن تجربتك مع عروستك .. هو اقرب لان .. ما يترك لنا مجال غير ان نتفق مع ما تضمره في نفسك الراي الاهم منا هنا .. هو راي اللي دلوك على هالعروس، .. والدتك واخواتك هل طرحت عليهن الموضوع؟ هل ناقشته معهن؟ .. واستشرتهن؟ .. ، ارجع اليهن، .. هن اقرب لفهم الموضوع والوضع، .. ولافادتك . . على الهامش، .. ان سمحت لي، ارى ان لله سبحانه وتعالى عبرة .. ورسالة موجهة لك .. في الحادثة اللي تمر فيها وهي .. ان تراجع نفسك .. فيما يلمس من تحسسك من لون بشرتك .. ، وان المكارم في الجوهر .. وليست في المظهر استخره سبحانه وتعالى .. ، ودعواتنا لك .. وبالتوفيق |
رد: باقي شهرين على زواجي وافكر اطلق زوجتي
اشكركم جميعا اخواني على الردود
|
رد: باقي شهرين على زواجي وافكر اطلق زوجتي
اقتباس:
اتكلمت معها في هالموضوع وسئلتها نفس الاسئله بالضبط وكانت الاجابه منها انها ماعندها اي مشكله وانها مقعتنعة ولم تجبر على هذا الزواج وبينت لها سالفة اللون وتكرارها للموضوع وردت انها كانت تمزح ولا تقصد اي شىء !!!!!!!!!!! صراحة بديت احس انها بنت جرئيه تفتح معاي مواضيع غريبه جدا |
رد: باقي شهرين على زواجي وافكر اطلق زوجتي
طيب مثل ايش المواضيع الجريئه
وكم عمرها بالضبط وهل اهلها ناس متفتحه او ناس عاديين او محافظيين |
رد: باقي شهرين على زواجي وافكر اطلق زوجتي
تبون الصراحة اتوقع اني راح انفصل عنها البنت جرئيه جدا ووقحة بشكل غير طبيعي بعض الردود يقولون اني بينت لها اني اريد فتاه بيضاء بلعكس ابدا اصلا مااتطرق حق هالمواضيع كلامي طبيعي زي اي رجل توة يتكلم مع زوجتة بعد الملكة البنت فيها غرور غير طبيعي لدرجة انو صرنا نتهاوش كثير اففف حظي بالزواج ابدا مش زين المشكله ابوها واخوانها محترمين معي بس ربي ابتلاني في بنتهم وللحين ماسكة على سالفة اللون وانا ماابي ابين لها اني متضايق من هالسالفة عشان لاتمسكها علي اليوم الظهر كاتبه لي بالوتس اب اشوفك متصل ياقبيح البشرة !!!!!!!!!!!!!!!!!!!!!!!!!!!!!!!!!!!!
|
رد: باقي شهرين على زواجي وافكر اطلق زوجتي
اقتباس:
|
| الساعة الآن 06:56 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©