|
تصرفات ابني ورغبته باخ او اخت
السلام عليكم ورحمة الله وبركاته
انا الظاهر ماعندي مواضيع إلا عن ولدي الله يصلحه ويخليه واحمد الله واشكره على مارزقني إياه والله يبارك لي فيه واسأل الله ان يرزق كل محرومه بالذريه الصالحه عاجلا غير اجل ياكريم يا أرحم الراحمين انا ياطويلين الأعمار مثل ماتعرفون منفصله والله يعوضني ويعوضكم بما فيه الخير لنا ولكن مو هذي مشكلتي لاني الحمدلله راضية بقضاء الله وقدره ولكن مشكلتي ولدي الله يحفظه ويخليه يصبح ويمسي ويقول ابي اخو ابي اخت انا ليش ماعندي اخوان انتي ليش ماتجيبين لي اخت ليه ماعندي اخوان مثل فلان وفلان تصدقون والله أحيانا افكر اتبنى طفل من الملجأ منها اجر عظيم ومنها يكون اخ والا اخت لولدي ولكن لو بتبنى بنت مصيرها بتكبر وتتغطى من ولدي ولو بتبنى ولد مصيره بيكبر واتغطى منه وهو بسم الله عليه ماشاءالله فيه حنان وعطف ويعشق الأخوه والفزعه اشوفه مع عيال اخوي ويقولهم انا اخوكم بس يقولون له لا انت مو اخونا ويجيني يبكي :) وربي ابتلشت فيهم الله يصلحهم ورحت قبل ايام ازور وحده صديقتي والده وجايبه توأم بنات ماشاءالله تبارك الله الله يخليهم لها واخذته معي عاد يوم شافهم قال ماما خلينا ناخذ وحده تصير اختي 😂💔 ومع اني افهمه اقوله ياحبيبي انت بس ولدي الله يخليك لي ان شاءالله ومااقدر الحين اجيب لك اخوان يقول ليه قلت له عشان انا وبابا مو ازواج يقول عادي خليه يصير زوجك وجيبي اخو عاد وشلون ابفهمه مدري !! نرجع لأساس موضوعي ابيكم تنصحوني كيف اخليه مايحس بهالأحساس؟ لأني والله مرا احزن عليه اذا شفته مرا يحن يبي اخوان مع العلم اني ماشاءالله مو مقصره معه بشي واحيانا اقوله انا اختك وامك يابوي بس مايبيني اخت 😂 ومع ان ربي يعلم قاعده احاول اشغله بكل شي مفيد واحاول اخليه يختلط مع اطفال اقاربي عشان ينشغل بس اذا رجعنا البيت رجع الموال واذا شاف اخوان ينشب يقول ابي ليه انا مو زيهم ياليت تنصحوني كيف حليتو هالمشكله طبعا اقصد الامهات اللي ماعندهم غير طفل واحد والله يرزق الجميع بكل اللي يتمناه يااااااااارب تم تعديل العنوان ليتناسب مع المضمون |
رد: لكل مطلقه وعندها طفل واحد فقط
ياعمري الله يخليك لك ويحفظه ويرزقك بره
والله ماعندي شي اقوله بس الأطفال بسم الله أذكياء مايصدقون على طول خاصه في الزمن هذا |
رد: لكل مطلقه وعندها طفل واحد فقط
هل فيه مجال ترجعي لطليقك؟
|
رد: لكل مطلقه وعندها طفل واحد فقط
حبيبتي اقري في تربيه الطفل الوحيد
فيه اطفال عند امهم وابوهم وبرضوا ماعندهم غيرهم يعني مو شرط بس المنفصلات عندهم طفل وحيد الله يخليه لك |
رد: لكل مطلقه وعندها طفل واحد فقط
اقتباس:
لأني مستعده ارضى بكل شي في راحه واستقرار لولدي بس الحمدلله على كل حال قدر الله وماشاء فعل |
رد: لكل مطلقه وعندها طفل واحد فقط
اقتباس:
والله يرزق كل محروم ومحرومه بالذريه الصالحه ياكريم |
رد: لكل مطلقه وعندها طفل واحد فقط
اقتباس:
استخيري الله ثم بادري واسعي وحاولي قولي لطليقك ان طفلنا يسأل عنك ولا يستحمل بعدك عنه وشيئا فشيئا لعلكم تعودان لبعضكم الله يوفقك |
رد: لكل مطلقه وعندها طفل واحد فقط
اقتباس:
ولكن الرجعه له مستحيله من جميع النواحي ولا أستطيع ذكر الأسباب اسأل الله له الهدايه وان يرده للحق ردا جميلا والله يكفينا شر الفتن ماظهر منها ومابطن |
رد: لكل مطلقه وعندها طفل واحد فقط
بيكبر ويتأقلم مع وضعه .
المهم انتي لا تجعلي الموضوع شيء كبير بباله اذا تكلم عنه. طبيعي انه طفل وحيد يكبر وينشئ عائلة جديدة له ان شاء الله |
استشاره سريعه تكفون
اهلا بالجميع
بدخل بالموضوع على طول انصحوني تكفون بشكل مختصر انامنفصله وسبب انفصالي 100٪ الغلط على طليقي وصبرت عليه وعلى كل اللي جاني منه عشان راحة واستقرار ولدي وبالأخير جازا صبري على نسأل الله العافيه بالطلاق وحمدت الله وشكرته على مااختاره وكتبه لي والحمدلله ولدي عندي ومو مقصره عليه بشي ماشاءالله وكل ماطلب انه يبي ابوه اخليه يرسله ڤويس نوت او يدق عليه ويتواصلون اللي قاهرني وذابحني ياعالم انه ولدي كل ماراح مع ابوه يرجع لي شي ثاني يرجع كارهني حاقد علي يغلط علي اخر مرا اليوم رايح مبسوط ومافيه الا العافيه وقبل شويات راجع واستقبلته كالعاده عند الباب قال وخري عني انا اصلا مااحبك قلت وشفيك ليش ياحبيبي قال بس انتي لبستيني -- تعورني وطلعت لي دم واناظر رجوله مافيها شي ولا حتى جرح ---طبيه ولابسها اليوم عندي ومافيه شي ولا تشكى منها قلت ياحبيبي مافيه دم ولا شي قال الا--- اصلا --- تعور تخيلووو --- بعد!!!! وكل هذا وهو يصارخ ويبكي ويقلل ادبه ماتتخيلون قمت سفهته قلت الله يسامحك وانا ماراح اتكلم معك عيب اللي يكلم امه كذا قال احسن وتخيلو نام على الكنبه وسفهني متخيلين؟!!! والله مو اول مرا ولا ثاني دايم ملاحظه وحتى اهلي كم مرا علقو على هالشي يرجع من عندهم طفل ثاني كارهني انا واهلي متمادي قليل ادب لسانه --- يصارخ ويعاند ويجلس لين اليوم الثاني ويعتذر يقول انا اسف ياماما وش اسوي طيب انا؟!!!! اربي واتعب واخرتها بيوم يقلب علي وش اتصرف معقوله الولد من نفسه يقلب علي اذا رجع من عندهم؟!! استغفرالله والله ماودي اسيء النيه بس فعلا هالتصرفات غريبه والا معقوله هذي ردة فعل بس ليش مايسويها الا عندي؟ المفروض يسويها عند ابوه لأن هو اللي يستاهل هالمعامله هو اللي هدم بيتنا على شي تافهه الله يعافيه ولايبتلينا طنشت هالتصرفات مره مرتين ثلاث اربع ولكن كل مرا نفس الشي؟ وش التصرف الصحيح؟ |
رد: لكل مطلقه وعندها طفل واحد فقط
ماشاء الله على ابنك شو حنون وطيوب الله يحفظه ويخليكم لبعض..
أختي أنا عندي 3 أولاد.. بصراحة.. سببهم وسبب صبري على أبوهم اني كنت أخاف بنتي تكبر وحيدة.. يعني فكرة الطلاق اجت ببالي وبقوة يوم كان بنتي الأولى عندها سنة.. بس كنت اتصور انو بعد الطلاق بنتي بتكون وحيدة.. وما كان بدي ارجع اتزوج، وكمان ما بدي أولادي من آباء مختلفين.. بدي ولدين أشقاء يحنو على بعض وبنتي ما تنحرم من الأب والإخوة كمان... والله العظيم فقط مشان هالشي وقفت المانع مع اني كنت عازمة على الطلاق.. وحملت بابني الحمد لله.. والثالث اجا من الله ولاكان بالحسبان .. الله يحفظهم.. الخلاصة انو مهما سويتي،، الطفل الوحيد صعب تشيلي من نفسه الإحساس بالوحدة والحاجة للأخ.. فأنا شطبت هالاحتمال من أساسه وضيعت سنين من عمري وصرت مطلقة بأولاد بدل ولد واحد.. مع انو لو كان ولد واحد حياتي بعد الطلاق بتكون اسهل والزواج بيكون أفضل بس كلو كوم واحساس بنتي بالوحدة كوم ثاني.. ضحيت بنفسي مشان هي ماتعيش الي بيعيشو ابنك.. بس لو كان عندي تفكير اليوم يمكن ماكنت اعمل هيك.. فمافي حل سحري باعتقادي لكن املئي حياتو ولاتنشغلي عنو كثير.. واذا فيه اولاد اخوانك قراب خليه دائما يجتمع معاهم.. اذا عندو صديق أهله طيبين خليه يجي ينام معاه وهيئي جو حلو لهم مشان صديقو يتعلق فيه.. ويحب يقضي وقت معو.. وحاليا اذا صار يحكيلك جيبي بيبي وبدي اخي قوليلو الله الي بيعطي.. ومابعرف اذا بيجي بيبي ولا لا.. بس كذه سكتيه شوية واصرفي تفكيرهولاتصدميه انو ماراح يكون عندك اخ.. الين يكبر شوية.. يتعود على الوضع الجديد.. وفعلا كلشي بيد الله يمكن تتزوجي ويمكن تتصالحوا انتي وابوه الله كريم.. جيبيلو قطة صغيرة يحن عليها وتحن عليه صدقيني الحيوانات الأليفة بتعوض الأطفال وبتساعدهم.. راح تملي حياتو وينشغل عن البيبي.. ماعندي تجربة بس انا لو مكانك كنت الجأ لهذه الحلول.. وطبعا زي ماوصوك قبلي اقرئي عن الموضوع.. وانصحك تاخذي ابنك عند استشارية أطفال راح تساعد ابنك كثير وتقدر تفهم منو أمور انتي مو قادرة تفهميها، ويمكن تساعدك في علاج سلوك ابنك وكمان تنقذو من عقد نفسية لا سمح الله.. قلبي معكfffsg |
رد: تصرفات ابني ورغبته باخ او اخت
كأنك تلمحين للزواج بموضوعك ...!
تزوجي لاتنتظري ...! |
رد: تصرفات ابني ورغبته باخ او اخت
اقتباس:
انا وضعت موضوعي عشان الأمهات اللي مرو بنفس وضعي ينصحوني وأستفيد من تجاربهم وللتوضيح موضوع الزواج حاليا شايلته من راسي نهائيا |
رد: تصرفات ابني ورغبته باخ او اخت
اقتباس:
|
رد: تصرفات ابني ورغبته باخ او اخت
اقتباس:
اسأل الله أن يهديه ويرده للحق ردا جميلا والزواج حاليا و3سنوات قدام ماافكر ولا راح افكر فيه وكل شي اكيد بيد الله ولكن عندي أساسيات الان في حياتي اهم بكثير من الزواج وإني ارتبط بشخص من النادر جدا بيكون كويس لأن اكثروا أشباه الرجال بزماننا هذا للأسف |
رد: تصرفات ابني ورغبته باخ او اخت
الزين والشين موجود بالرجال والنساء من الظلم التعميم
|
رد: تصرفات ابني ورغبته باخ او اخت
اقتباس:
انا قلت أكثروا يعني الأغلبيه إلا مارحم ربي وهذا واقع ولا نستطيع إنكاره نسأل الله العافيه والثبات |
رد: تصرفات ابني ورغبته باخ او اخت
الأخت أم الغالي تحتاج حلول تربويه تطبقها على ابنها، فليس الحل أن ترجع لطليقها لتنجب له أخ أو أخت
أختي الفاضله الله يعينك على تربية ابنك لأن بتكونين له الأم والأب فأخلاق الشخص الحقيقية تظهر بعد الطلاق بشكل أوضح فلو كان سبب تغير ابنك عليك هو حشو رأس صغيرك وقلبه عليك فاعلمي أن والده لا يهتم لنفسية طفله فلا يمكن حينها اعتباره مربي صالح له وطلاقك منه خير بإذن الله لا أملك لكِ سوى الدعاء إذ لا يمكنني تقديم نصائح تربويه لكِ |
رد: تصرفات ابني ورغبته باخ او اخت
اقتباس:
وكيف تجاوزوها وانا بصراحه مستبعده ان ممكن ابوه يحشي راسه لأن الطلاق تم بأرادته هو وبكامل قناعته وبأختياره فأتوقع اللي بيحشي راس اطفاله وبيسوي هالحركات هو اللي يبي ينتقم من طليقته بس فعلا تصرفات ولدي بعد مايجي من عند ابوه غير عن تصرفاته بالأيام العاديه يرجع لي عدواني وكارهه ولا يبي يسمع مني كلمه واجهل السبب صراحه فما عرفت وشلون اتصرف معه واللهم امين يارب الله يعينني على تربيه ويجعله من الصالحين ويعين كل أم على تربية أطفالها |
رد: تصرفات ابني ورغبته باخ او اخت
مرحباً أختي
ماشاء الله تبارك الله كم عمرك وعمر ولدك الله يحفظكم بارك الله فيك |
رد: تصرفات ابني ورغبته باخ او اخت
اقتباس:
وولدي عمره تحت ال 6سنوات الله يحفظه ويبارك لي فيه والله يحفظ لك كل غالي يارب ويبارك فيك |
رد: تصرفات ابني ورغبته باخ او اخت
حالة طفلك طبيعيه بالنسبة لوضعه حبيبتي ،،
لما يطلع مع ابوه بدون امه وممكن يشوف اطفال مع امهاتهم وابائهم فيلتفت انو حياته غير طبيعيه ،، وممكن يزيد وضعه لو كان عنده اخوان من ابوه ويشوفهم بين امهم وابوهم ،، وما شابه الله يخليه لك وتمر عليكم هالسنين بردا وسلام |
رد: تصرفات ابني ورغبته باخ او اخت
حاولي تكسبين طفلك والطفل يتقبل ويفهم ويستوعب
لازم يفهم انك مالك يد في الانفصال وأنك انتي تبين تجيبين له إخوان بس أبوه اللي مايبي الولد يدخل عقله انك انتي السبب وانتي اللي فرقتي بينه وبين ابوه مما يزيده كره وحقد عليك ويكبر معه لازم تشوفين سبب نفوره منك أسئليه لين يجاوبك بكره اذا بلغ السبع سنوات وطالب فيه بالمحكمة الولد يختار الأب الحنون وانتي تشبعه كره عليك لأنك سبب حرمانه من ابوه ومن إخوان لازم تنتبهين للنقطة هذي وانتي الاتندبين حظك وأنك تطلقتي انتي ماتدرين يمكن ربي يبغى لك خير خاصه انك ما بغيتي الطلاق وجت منه |
رد: تصرفات ابني ورغبته باخ او اخت
اقتباس:
من جد انا مرا خايفه من هالنقطه ان ممكن اذا خُير بالمحكمه يختار ابوه عاد وقتها الله واعلم وش بيصير فيني الله لايجيب إن شاءالله هاليوم ولا ودي افكر بشيء سيء وان شاءالله أن ابوه مايطلع لهالدرجه ماعنده احساس ويخير ولدي فيني ومسأله اني ابين له انا مابي اطيح ابوه من عينه جالسه احاول قد مااقدر اخلي صورة ابوه كويسه قدامه وإن شاءالله هالشي اللي قاعده اسويه بلقاه عند رب العالمين وان كان فعلا قلبت ولدي ان في احد يعبيه واستغفرالله ماودي اسيء الظن بس ماراح اسامحه ليوم الدين ومسألة الاخوان صراحه كل مافتحها اقول ادعي ربي يجيبلك اخوان لان هو الرازق واسأل الله ان يعيني على تربيته ويخليه لي ويهدي ابوه ويسخره له ويجعله قدوه صالحه لولده |
رد: تصرفات ابني ورغبته باخ او اخت
اقتباس:
وصراحه لفتني توقيعك اسأل الله أن يرزقك الذريه الصالحه عاجلا غير اجل أنه على كُل شيء قدير sdd |
| الساعة الآن 02:06 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©