خوفي وحيرتي في مسؤولية أولادي ودراستي
 

السلام عليكم و رحمة الله و بركاته

أخواني و أخواتي ..

حابة استفسر و استشيركم .. بخصوص مسؤولية تربية أولادي
و بين الغربة و اكمال الدكتوراة بتخصص صعب و نادر .. في القريب العاجل بإذن الله ؟

خايفة ..
و مالي غير الله ..
و مالي أي حل بديل .. و لاأقدر أتأخر في دراستي أكثر من كذا ..
و أولادي مالهم أحد بعد الله غيري .. و حتى دراستي و غربتي هذه من أجل مستقبلهم بإذن الله

لكن خايفة من المجهول ..
و حاسة حالي بأدخل وسط اعصار من المسؤوليات و تجارب الحياة ..

.
.

طبعاً هما ( كوم ) و أبوهم ( كوم تاني ) ..


لكن المهم الآن ( أولادي ) و ( دراستي ) ..

تم تعديل العنوان ليتناسب مع المضمون

رد: هل راح أقدر على ...؟؟؟
 

افتكر مرة كنت أكلم موظفة كبيرة ، تعليمها ثانوي و سعودية ..
و عاشت منفصلة و ربت أبنائها بنفسها .. الله يعطيها العافية ..

قالت لي ( ما تقدري تكملي دراستك و معاكي أولادك و بدون شغالة )

.
.

و بنفس اليوم قابلت دكتورة أو بروفيسورة صينية الأصل ..
سألتها ، أقدر اكمل و معايا أولادي ؟

قالت لي ..
أنا كملت و معايا أولادي بدون مساعدة من أحد ..
و كنت اطبخ أكلات ، و أبيعها للناس عشان أدفع رسوم الجامعة ..
( هي متخرجة من جامعة بريطانية و بتخصص صعب جداً ) ..

.
.

الآن بدأت فعلاً أفكر بحجم المسؤولية القادمة و الي راح أواجهها فعلاً ..

رد: هل راح أقدر على ...؟؟؟
 

الله يوفقك ويفتح عليك فتوح العارفين وتعينك على تربيتهم

رد: هل راح أقدر على ...؟؟؟
 

امين يارب ..

الله يجزاك خير ..

عندي اسئلة و استفسارات كثيرة ، عشان الغربة و الدراسة و المسؤوليات الي راح تواجهني ..
و غير احساس ( اللا مسؤولية و العشوائية ) عند زوجي ..

حاسة راسي و قلبي تعبوا من كثر التفكير ..
مافي غير ادعي و استخير كل شوي ..

رد: هل راح أقدر على ...؟؟؟
 

اعانك الله..

كم اعمار أطفالك؟ وماهو تصورك لمسار يومك انتي والاطفال في الغربة..

رد: خوفي وحيرتي في مسؤولية أولادي ودراستي
 

3 سنوات
5 سنوات
9 و نص

.
.

مسك انا عشت في الخارج لكن كان معايا طفلي الكبير فقط ..
يعني ان شاء الله ما اتعب ابدا لو رحت لوحدي و اقدر اتصرف بنفسي وعندي لغة ..
و اعرف أنظمة الدول الغربية ..

لكن ما اقدر اترك اولادي هنا و اروح ..
و نفس الوقت ماني قادرة أتصور كيف بيكون وضعي و وضعهم برة ؟
و اخاف اقصر معاهم او اقصر مع دراستي لا سمح الله

مخططة اني اتعلَّم السواقة
عشان صعب التنقل بالباصات و القطارات معاهم
و خاصة ايام الشتاء و البرد .. لكن لسى ما اعرف اسوق
عندي كتاب تعلم السواقة من بريطانيا و قديم من 5 سنوات
بس ما فتحته لسى و موجود وسط الكتب ..

رد: خوفي وحيرتي في مسؤولية أولادي ودراستي
 

ما أتوقع تقدري لوحدك وخاصة أطفالك صغار

لكن اذا زوجك معك فلوضع راح يكون مختلف

الله يوفقكي و يسعدكي في حياتك و دراستك و اولادك

رد: خوفي وحيرتي في مسؤولية أولادي ودراستي
 

وعليكم السلام ورحمة الله وبركاته
بصراحة يا أختي ما أحد يقدر يجزم إنك بتقدرين أو لا
وكلام زميلاتك لك يختلف لأن كل وحده
لها ظروف وقدرات غير عن الثانية
لكن توكلي على الله وإذا أنتِ تبين الشهادة
وتسعين لها بإذن الله بتقدرين توصلين لهدفك
وبالنسبة لتربية الأبناء والعناية فيهم
أهم شيء احرصي إنهم يكونوا بمجتمع سوي ومايتعرضون لأفكار الانفتاح الغير مقبول وشوفي لو يحتكوا بأبناء أُسر مسلمة ويدخلوا حلقات تحفيظ قرآن أو نوادي
وبوقت انشغالك ممكن تستعيني بمربية بالساعة وهالشيء منتشر كثير برا ومارح تلاقي صعوبة إن شاء الله بإيجادها
ورتبي كل نهاية أسبوع تطلعي معاهم مشوار حلو يتسلوا
والله يوفقنا وإياك

رد: خوفي وحيرتي في مسؤولية أولادي ودراستي
 

أخوي أنا تقريباً 99% متحملة مسؤولية تربية الأولاد هنا بالسعودية ..
من تسجيل بالمدارس و تفاهم مع المدرسين و الوكيل ، و توصيل و توفير سواقين و التفاهم معهم ..
و أخذهم للسوق و الملاهي ..

أولادي صحيح اشقياء ماشاء الله تبارك الله ..
لكن ( منظمين ) و يسمعوا كلامي ..
هذا الوضع هنا .. لكن متخوفة من اللي قادم ..

زوجي ( عشوائي و يحب يقربع كل شي و غير منظم أبداً ) ..
و أخاف بدل ما يكون وجوده ( عون ليا ) يكون ( عبئ علينا ) ..
و يعتمد الشي هذا عليه هو ..

رد: خوفي وحيرتي في مسؤولية أولادي ودراستي
 

هذا أهم شي .. الله يجزاك خير .. ::PPP

رد: خوفي وحيرتي في مسؤولية أولادي ودراستي
 

هل سيكون معك محرم في سفرك؟

رد: خوفي وحيرتي في مسؤولية أولادي ودراستي
 

اختي روح الطير..

بجاوبك كاني انا مكانك.. بحكم ان اولادي نفس عمر اولادك بالضبط.

تحسين بعقارب الساعة تدور.. ومضغوطة تخلصي الدكتوراه الحين..

لو انتظرتي سنتين.. ماراح تخسري الكثير فيما يخص مشوارك المهني والدراسي، بما انك ماشاء الله حاصلة على الماجستير فالدكتوراه إضافة جميلة في أي وقت..

بالمقابل خلال هالسنتين بتشبعي اولادك بالحب والحنان والاهتمام.. ابن 3 سنوات يفرق عن 5 او ست سنوات كثير....

بس لو فعلتي العكس.. يعني الحين تسجلي بالدكتوراه في اوروبا.. هالسنتين راح يكون تأثيرها سلبي على أولادك.. وعليك انتي كمان.. لانك راح تحسي نفسك مقصره معاهم وتفوتك احلى سنين معاهم..

سنتين بتفرق فرق كبير على الابناء بس ما بتفرق كثير في دراستك ومهنتك ان شاء الله.

خلي الصغير يصير عمرو 5 او 6 وتوكلي على الله..

رد: خوفي وحيرتي في مسؤولية أولادي ودراستي
 

ايوة ، من شروط الإبتعاث وجود مرافق ..
فيا راح يكون زوجي ( و احتمال يجي كل شهرين ) عشان وظيفته هنا .. أو يجي معايا هناك ..
* راح يبان خلال الأسبوعين القادمين *

أو في اسوأ الأحوال ..
راح يكون أخويا مرافق .. و برضو ينزل شهرين و يرجع هنا عشان عيلته ..

.
.

أخوي محب السنة ..

بداخل السعودية أنا أمشي أموري و أمور أولادي بنفسي .. و أخواني و زوجي تاركين لي الحرية ..
و ما جات على برة .. و الحياة في الخارج أسهل من هنا بكثييير ..
كنت أرجع من الجامعة بفترة الماجستير الساعة 10 الليل بنفسي و برجولي و وسط بارات و غابات و ظلمة ..
و الحمد لله قدرت اجتازها ..

بالعكس ، مرات المحرم ( هو اللي محتاج لولي أمر )
و أبشرك .. أهل زوجي يكونوا متطمنين على ولدهم .. لما أنا أكون معاه ..

و ان شاء الله أشوف أولادي رجال ، ارتكز عليهم بيوم من الأيام ..

رد: خوفي وحيرتي في مسؤولية أولادي ودراستي
 

مسك حبيبتي ، فاهمة عليك ..

لكن بعد سنتين ولدي الكبير بيبدأ سن المراهقة ، و لازم اجلس اذاكر للثلاثة ..
و أنا أخرت دراستي ( 3 سنوات ) عشان خاطر ولدي الصغير يتشبع مني كل الإهتمام و الحنان و المحبة ..

ما قررت أبدأ أدرس إلا و ( وظيفتي بدأت تدخل لمرحلة الخطر و خلاص مافي مجال للتأخير ) ..
ما أقدر اتاخر أكثر من كذا .. و الماجستير ( ما يساوي أي شي هنا ) ..

و أولادي أحس لحد كذا و الحمد لله تشبعوا بما فيه الكفاية ..
و أعطيتهم كل لحظة من وقتي من يوم رجعت من الغربة ..

رد: خوفي وحيرتي في مسؤولية أولادي ودراستي
 

طيب نجي للشق العملي في حال قررتي تبتعثي..

الحضانات متوفرة، نظامها التربوي ممتاز،، المدارس كذلك.. يعني تخلي ابنك وانتي مطمئنة لا من المعاملة ولا من الأكل ولا من التعليم..

يعني عندك وقت كافي طول النهار.. للدراسة والمشاوير المهمة.. يلزمك تكوني صداقات.. أو اذا عندك امكانيات تخصصي مربية كم ساعة في الأيام الي ممكن تتأخري فيها عن البيت.. تجيبهم من المدارس للبيت لبين ماترجعي.. ممكن بيوم تتأخري بسبب ظرف طارئ وماتلحقي تجيبيهم، فلازم يكون عندك حل للمفاجآت.. يعني شخص يجيب الاولاد لبين ما ترجعي.. اذا حليتي هالنقطة الباقي كلو مقدور عليه.. واذا تعلمتي السياقة بيكون احسن.

رد: خوفي وحيرتي في مسؤولية أولادي ودراستي
 

انا اتحفظ فقط على النقط الي ذكرتها في ردي الأول.. بس مادام انك مطمئنة من هذي الناحية.. توكلي على الله.

رد: خوفي وحيرتي في مسؤولية أولادي ودراستي
 

مسك ..

لقيت اعتراضات كثيرة و انتقادات كثيرة لإني أخرت دراستي ..
لحد ما اضمن وصول ولدي الصغير لعمر 3 سنوات على الأقل ..
لكن ما استمعت لها ، لإني كنت مقتنعة بقراري .. و كنت استغل كل لحظة و اقضيها مع أولادي ..

السنة الماضية سجلت أولادي الصغار في حضانة خاصة و كانت أبلتهم تكلمني عنهم و كيف بيتعلموا
يعتمدوا على نفسهم .. و استغنيت وقتها عن الشغالة عشان كنت بأهيئ نفسي للمرحلة هذه ..

لكن تعرفي ( رهبة الدكتوراة ) ..
مهما كان ..

و حاليا لازم أحصل على درجة اللغة المطلوبة ..
و أرتب أموري هنا .. و هناك ..

رد: خوفي وحيرتي في مسؤولية أولادي ودراستي
 

بإذن الله أتعلم السواقة عن قريب ..

الدراسة لوحدها ( يبغالها مجهود ) ..
الله يكون بالعون ..

حالياً بأحاول أوفر كل قرش قادرة اجمعه هنا ..
احتياط لو تورطت هناك لا سمح الله و احتجت أي مساعدة ..

رد: خوفي وحيرتي في مسؤولية أولادي ودراستي
 

مجبرة يا مسك .. من ناحية الوظيفة ..
و وضعي الحالي بالوظيفة ( غير مرضي لي أبداً ) ..

و موضوع البحث صعب أغيره ، أو أأجله ..

و ثانياً ، هذا حلمي و طموحي و اللي أدعي ربي من أكثر من سنتين إنه يحققه لي ..
و دراسة الأولاد في الخارج أفضل ..

رد: خوفي وحيرتي في مسؤولية أولادي ودراستي
 

روح

اختاري مدارس دوامها طويل لهم

نوع المدارس اللي فيها وقت لحل الواجبات والمذاكرة والانشطة الاضافية

ماما كانت كذا لما كانت تدرس ماجستير وكنا صغار قد اولادك تقريبا وكان نافع النظام وكلنا متفوقين ماشاء الله مع ان الوالد بهذيك الفترة برضو كان يدرس ماجستير غير عمله 👍

وكان دايما في وقت تطلع ماما معانا وتونسنا

هالشي بيخلي الوقت اللي انتي معاهم فيه وتفرغينه لهم فاضي ورايق لك ولهم

اهم شي الكواليتي مو المدة 👍

كلها اربع او بالكثير خمس سنين.. والمسؤولية هي نفسها مافي جديد عليك وحتى الغربة مش جديدة عليك!

بالعكس بيكون التنظيم مع اولادك اسهل عليك هناك! لا مرتبطة باجتماعيات ولا تدخلات ولا التزامات ولا ولا ولا!

اذا ماتبين تحسين بغيابك واشياء من هذا القبيل.. خلي في اوقات ثابتة غير اوقات الفراغ والساعات الفاضية

مثلا الفطور قبل المدارس تجلسين معاهم وتكون وقت تلتزمون فيه كلكم.. او وقت العشاء مثلا

والحضانات هناك لو لاقدر الله حصل اي شي فهي اامن من عندنا بمراحل!

في احد تقدرين تطالبينه بحقك وحق ولدك.. الخ

ياشيخة توكلي على الله ومافي الا العافية.. في بدائل هناك وحلول لين الليل وبتحصلينها باذن الله 💜

ومبروك الشهادة مقدما 💜

رد: خوفي وحيرتي في مسؤولية أولادي ودراستي
 

مثال :

ولدي لو أبغى أتواصل مع الأساتذة هنا .. راح ألاقي صعوبات .. و يستغربوا ليش أمه و فين أبوه ؟
و مو مثل برة .. بسهولة تروحي و تجي .. و لك حقوق محفوظة هناك ..

السواقين هنا ، صعوبة بالحصول على سواق و استغلال في طلب الراتب ,,
لكن في الخارج المواصلات سهلة جدا .. و تقدري تسافري هناك بالقطار و بدون ما أحد يزعجك ..

خايفة على دراستي أيضاً .. ما أبغاها تتأثر ..
فترة الماجستير تأثر مستوايا بسبب الظروف الي ماكنت حاسبة لها حساب من بدري
و ما أبغى أكرر نفس الشي الآن ..

و عشان كذا بأرتب وضع الأولاد من الآن قدر المستطاع ..

رد: خوفي وحيرتي في مسؤولية أولادي ودراستي
 

سألت عن المحرم لأسباب
أهمها أن يكون وضعك في إطار الحلال

و أسأل الله لك التوفيق

رد: خوفي وحيرتي في مسؤولية أولادي ودراستي
 

روح صدقيني كله يتسير ..

انتي بس توكلي على الله وتلاقيها تساهيل ان شاء الله

وما يخفى عليك وعلى الكل إن بداية كل مرحلة محتاجه عزيمه واصرار .. ومتى ما وجدت العزيمة والإصرار خلاص ماعندك مشكلة ان شاء الله .. دام هناك رغبة داخليه لكن في اعتقادك ان العائق كله الأولاد فلا تخافي ..

صادفت بنات كثير في الغربة متزوجات وبعيالهم وماشين الحمدلله .. اللي دكتوراه واللي ماجستير

انتي لو عضو هيئة تدريس مثلنا .. يعتبر الماجستير للأسف ولا شيء

مو بس كذا .. الجامعة ماتسمح لك تظلي على رتبة محاضر .. لابد من اكمال الدكتوراة بأي شكل

وعلى فرض لو تأخرتي بتحسي بضيق وعدم استقرار في وظيفتك لأنك بتلاحظي اللي حولك يتميزون وانتي مكانك سر ..

انتي توكلي على الله وربك المسهل .. لكن امسكي طريق البداية ..

وعن اللغة هي هاجس الكل سواء داخل السعودية أو خارجها .. والسكور المطلوب للدكتوراة عالي جداً هذا غير الاختبارات الأخرى مثل GMAT و GRE

أنا ما عقدني وجاب لي النفسية غير اختبار الـ GRE

والحمدلله ربي بيسهل كل شي دام العزيمة موجوده .. بالتوفيق

رد: خوفي وحيرتي في مسؤولية أولادي ودراستي
 

مفهوم حبيبتي ومادام انتي مرتاحة من ناحية اطفالك راح تقدري تنطلقي في رحلة الدكتوراه..

انا ماني دكتوره ولاعندي تجربة فقط جاوبتك من ناحية التوفيق بين المهام، بحكم اني اربي اولادي لحالي واحاول اوفق بين الدراسة والدوام..

وحدة من معارفي ماشاء الله ابتدت في التحضير للدكتوراه وهي حامل بابنها الثالث، واولادها كانو صغار جدا، واستمرت بعد ماولدت الثالث.. احتاجت ثلاث سنوات وهي تدرس على مهل.. وجابت الشهادة.. بس امها كانت تساعدها.. وماكان عندها دوام كثير بالجامعة.. بس كانت تستغل كل لحظة فراغ في البحث..


عموما لازم تجلسي مع نفسك وتحطي كل مخاوفك أمام عينيك، وحدة وحدة،.. وعالجي كل نقطة لحالها وواجهيها مشان يخف القلق والتوتر من المجهول الي عايشتيه حاليا.. طرح منظم للمخاوف+العقبات،، ووضع خطة للتصدي لها.

رد: خوفي وحيرتي في مسؤولية أولادي ودراستي
 

سبحان الله دائماً أقولها لنفسي وزميلاتي ..

تمر علينا ظروف في الماجستير أو الدكتوراة .. ظروف صعبه سواء أسريه أو مادية
كأن ربي يختبر صبرنا هل نكمل وإلا نتراجع .. كأنه اختبار لعزيمتنا ..

بالنسبة لي فترة الماجستير كانت كلها مشاكل وتعب نفسي أثر على دراستي
بس الحمدلله نجحت بمعدل 3.75 من 4
أنا ما أدري كيف جاء هذا المعدل ؟؟

لكن كل اللي يحصل لنا من ظروف صعبه هذا اختبار لصبرنا .. ومأجورين عليه ان شاء الله
دامنا خرجنا في طلب العلم ..

رد: خوفي وحيرتي في مسؤولية أولادي ودراستي
 

احييك على طموحك ويبدو انك مرتبة امورك
خلي اولادك معك وكل شئ يهون
الله يوفقك

رد: خوفي وحيرتي في مسؤولية أولادي ودراستي
 

روح
من جد جد فرصه لا تتركيها
اصعب فتره التردد
اعقديها وتوكلي على الله
اعزمي وبادري واتركي التردد وتضييع الفرص و الوقت.
صديقاتي بالغربه
وحده منهم كانت سنقل وومن زوجها انقبل بولايه ثانيه وهي قعدت ببولايتنا
تخيلي مسؤوله عن خمس اطفال
غير دراسه الدكتواره و البيت وغيره
والحمدلله تخرجت بالوقت واصلا كانت ميته ماتبغى ترجع من كثر ما هي حبت الغربه
وكل صديقاتي امهات وعندهم اطفال ويدرسوا ولا شغالات
عيالك بيدخلو احسن مدارس وبالمجان
فرصه فرصه ياروح غلطانه لو ضيعتيها
لو تصرفي دم قلبك هنا ماتلقي مدارس سنعه ابد ماتسوى مدرسه مجانيه برى
وعيالك في سن حرج وتاسيس اسسيهم برى صح
والغربه على صعوبتها بس لذيذه وسهالات مره
لدرجه لما رجعنا حنينا لها
عيالك بيتعلمون النظام و الترتيب
المواصلات سهله
اعقدي واعزمي وروحي
وقبلها استخيري

رد: خوفي وحيرتي في مسؤولية أولادي ودراستي
 

ومع زوتا
ماتتصورين وش كثر مشاكل واجهتني وقت الدراسه
طلاق مشاكل بالجامعه هنا بالبلد وقفولي على بعثي وماكانوا متعاونين
بس الحمدلله بفضل الله وتيسره خلصت بوقت قياسي وبمعدلل منتاز
يارب لك الحمد
سبحان الله ربي يسر و كل طالب علم يكون معه
انتي اخلصي النيه وتوكلي على الله وبتشوفي العجب

رد: خوفي وحيرتي في مسؤولية أولادي ودراستي
 

بازين العيشه برى بس
شكلي برافقك روح هههههه
اذا تبغي اي مساعده انا حاضره

رد: خوفي وحيرتي في مسؤولية أولادي ودراستي
 

ماشاء الله احس حمستيني أكمل دكتوراة ..تخرجت من الماسترز في الصيف والكل يشجعني اني أكمل دكتوراة خاصة ان راح يقبلوني بدون اختبارات لغة لأني قضيت سنوات هنا.. ولكني حسيت اني تعبت من الدراسه خاصة اني درست البكالوريوس والماجستير هنا في امريكا..وعيالي كانو في عمر صغير ولكن انتظموا في دراستهم وسجلتهم بعد في after school بحيث يخلصوا الدوام العادي ولكن يبقوا 3 ساعات تقريبا يلعبوا ويعملوا واجباتهم في نفس المدرسة بحيث يصير لي وقت اكثر اقضيه في المكتبه للبحث والمذاكرة..اعتقد الوضع راح يكون مريح بالنسبة لك خصوصاً اذا بدأو العيال المدارس هناك وانتظموا حتى زوجك شجعيه يدرس في معهد لغة ويحصل على شهادة لغة يستفيد منها في مجال عمله..وبالتوفيق لك..

رد: خوفي وحيرتي في مسؤولية أولادي ودراستي
 

زينب كملي
الماستر صار مايعمل شي
واذا الواحد مقتدر وبعافيته وقادر ليش لا
بتنظيم الوقت كل شي يتسهل بفضل الله