منتدى عالم الأسرة والمجتمع - قصة طلاقي .. رجعني ليكسرني!!

منتدى عالم الأسرة والمجتمع (http://www.66n.com/forums/index.php)

- المطلقات والأرامل والمتأخرات (http://www.66n.com/forums/forumdisplay.php?f=36)

- - قصة طلاقي .. رجعني ليكسرني!! (http://www.66n.com/forums/showthread.php?t=269306)

قصة طلاقي .. رجعني ليكسرني!!

السلام عليكم ورحمة الله ..

هذي اول مشاركة لي بالمنتدى وكنت متردده كثير في كتابة قصتي لكن بتوكل ع الله راجيه منكم الدعاء والنصح

انا تزوجت من سنتين بداية زواجي ابدا ما تقبلت زوجي لان بيننا فرق اجتماعي بصراحة كان الفرق بالطبقة الاجتماعية هم مب ناس ع قدهم لا ناس بعقلية متحجرة شوي اعطيكم مثال ان حياتهم كلها مشتركة السيارة وحدة مع اخوة مثلا معزومين اروح انا وزوجة اخوة وخالتي كلنا مع بعض وانا عروس اوك أوضح لكم الصورة اكثر يمكن تشوفون هذا شي عادي بس مثلا مره فيه زواج وسيارة زوجي مرتبه وحدة وانا لسى ماصار لي سنة زواج لما جيت اركب ركبوني بالنص وخالته ع الباب وولد اخوة بحضني !!!! واهله من اول يوم يتدخلون ويسألون عن كل شي ادق التفاصيل حتى اخته بعد الشهر الاول سألتني اسئلة محرجة في جلسة كانو الموجودين زوجة اخوة وخواته من ابوه يمكن خمس الى ست بنات انا مرره استحيت مدري ماتوقعت وسويت نفسي مافهمت سؤالها وكانو اهله داخلين بقوة يعني يبون حياتنا بدون حدود انا عكس كذا كنت مثلا غرفة نومي خط احمر كانو يطقون علي الباب العصر يقولون عندنا حريم وعزيمة يله بسرعة انزلي مايعطوني خبر من بدري اجهز نفسي واجهز معي شي وانا استحي انزل أيدي فاضية ف اجلس البس ويصيرون بس يرسلون بزارينهم يله وينك تأخرتي وانا والله لسى عروس ف انزل بسرعة وانا لسى ماضبطت عمري يقولون عادي مايحتاج تتزينين بالنسبة لزوجي كان اول زواجنا ينعزم بمناسبة زواجه ويطلع يتعشى ومايعطيني خبر يرجع متاخر متعشي وانا انتظر ويسولف معي يقول تعشيتي اقول له ايه المهم هو عنده شغل ودوامه بعد مب نفس المدينة اللي احنا فيها ف يغيب عني ب الأيام وانا بعيدة عن اهلي المهم هذي البداية اشرح لكم بداية زواجي بالنسبة لي بينت له وعصبت عشان السيارة قلت له ودي اكون بالحالي وبينت اني اطفش من الجلسة بالحالي ل ايام وكان يقول انزلي عند اهلي صرت اشتكي ل اختي واني مابي احمل وخلاص مابي اكمل بهالزواج اخوي شجعني واختي بعد ورسمو لي عالم وردي طبعا شكيت لهم بعد مره تهاوشت معاه ع سالفة تافهه وزعلت منه وغصبته يوديني اهلي ورحت لهم الين بدت اختباراتي اتصلت عليه يجي ياخذني لان عندي اختبارات ورفض يجي قال مشغول واخوي وصلني لبيتي قال خلصي اختباراتك وبعدها تعالي وقررت خلاص اتركه واطلب الطلاق دخلت البيت وماكان موجود وحطيت كتبي بغرفه وفراش لي وجلست اذاكر و اروح اختبر ولا اكلمه ولا شي ولا حتى اطبخ له ولا كأنه موجود مره وانا نايمة حصَّلته نايم بجنبي صحيت وجلست اصيح عليه وطردته ومره ثانيه كنت نايمه لقيته حاضني ونفس الشي سويت معاه ومره الثالثه دخل البيت وكنت بغرفة النوم اخذ لي اغراض ولما شفته دخل طلعت منها بسرعة بروح للغرفة الثانيه مسكني ودخلني غرفة النوم بالغصب وقفل علينا وقال بتنامين هنا عندي وانتي شفيك علي وش مزعلك وش اللي بيرضيك ولا سمعت له ولا عبرته ماتحملت الين تنتهي اختباراتي باقي لي اختبار ناديته قلت ب أزور اهلي وهو شك فيني دخل فتش الغرفه قال وين اغراضك كنت مجمعه كل اغراضي وحاطتهم بغرفه ومقفله عليهم عشان اهلي بعدين يجون ياخذونهم ع طول قلت مرتبه التسريحة هو بس شاف التسريحة ماعليها شي وفتح اول درجين قال انا معزوم بكرة اوديك وطلع وخلاني جاء متأخر ونام الصباح لما صحى لَبْس بسرعة وانا نايمه يبي يطّلع صحيت قلت لاتروح ابيك توديني اهلي رفض وقفت ع الباب قلت ماراح تروح الا بعد ماتوديني ولا اتصلت ع اخوي يجي ياخذني قال اتصلي فيه وهو مرره معصب وتلفظت عليه وفعلا اتصلت ب اخوي وجاء أخذني كنت لي ستة شهور من زواجي وانا مقرره خلاص الطلاق ومبسوطة من هالقرار لما رحت بيت اهلي صار يرسل لي ويتصل فيني ولا ارد عليه ولا معبرته مره يرسل حب ومره هواش ومره تهديد مب عارف شلون يتعامل معي اتصل ب امي ورفضت اكلمه قالت له امي البنت ماتبيك خلاص اخواني كلم اخوي اللي اخذني قاله كلم اخونا الكبير اخوي الكبير ماكان عارف بالموضوع المهم قال بشوف و ارد لك مع ذلك زوجي مستمر بالرسائل حتى كان يصور بغرفة النوم يقول اشتقت لك وكلام كثير وكنت اضحك واترريق عليه طبعا اخوي الكبير عَصّب لما عرف الموضوع وهاوشنا انا واخوي واختي وقال مب كذا تنحل الامور وهذا زواج وشي كبير ومشكلتك ماتستاهل اذا مضايقك شي كلميني واجي أتفاهم معكم ف بيتكم وأساعدكم انتم ب اول سنة زواج وطبيعي تكون صعبة ولا احد فاهم ع الثاني وانتي بعد طلاقك اخوك وأختك كل واحد بيروح لبيته ويعيش حياته محد بداري عنك واتهم اخواني بالتخبيب وانتي زوجك واضح انه متعلق فيك (جلست أربعة شهور عند اهلي) المهم اقنعني او اجبرني بس صدق انا خلال الأربعة شهور مليت من البيت ومن كلام الناس واخوي كلم زوجي وجاء وتكلم معاه ووصاه فيني وكنت ابي اطلب رضوه ورفض اخوي قال انتي اللي غلطانه ولو تبين شي اطلبي منه بعد ماترجعين المهم رجعت ماكان مصدق اني معه وقال لي كلام كثير من ضمنها انه يحلم فيني من كثر مايفكر فيني انا خلاص قررت اكمل مع هذا الانسان واتعايش وفعلا خلال اول شهر بعد الرجعه صرت احبه وتقربت منه المهم الصدمة انه طالع خاطب قبل رجعتي ب ايام لانه استبعد رجعتي اهله كرهوني المهم كان غايب عن البيت له يومين عرفت اني حامل قلت ماراح اقوله الا الين يرجع اتصلت امي فيني تسألني قالت زوجك وينه قلت بالدوام قالت زوجك تزوج !!!💔💔💔
حسّيت الارض تدور فيني ولا عاد ادري شسوي قررت اني اسوي نفسي مب عارفه عن الموضوع ارسلته بالواتساب اني حامل وأحسه ماصدق (زوجي يعشق الاطفاااال) لما جاء قلت له وهو مب فرحان ماادري مب مصدق شعوره عادي كان عندي تحليل اليوم الثاني اصريت يروح معي ويدخل معي ومن بعد ماسمع من الدكتور فرح وصار يحسب متى ولادتي وقبل نوصل البيت قالي عن زواجه 💔مابكيت ولا كان لي ردة فعل يمكن عشان عارفه قبل سألني اذا كنت سامعه شي قلت له لا قال غريبه هالبرود وحلف انه لسى ما ملك عليها بختصر ي بنات حاولت فيه كثثير انه مايكمل بس كان يتهرب عشان اهله ومستحي من اهل البنت هي يتيمة وثلاثينيه وعايشة مع اخوها تربي عياله لانه مطلق المهم (زوجي حالته المادية اقرب ماتكون سيئة وبعد رجعتي صارت سيئة جدا بسبب زواجه ) ماكان يقدر يتزوج بسرعة خلال هالفترة حبيته اكثر وتقربنا من بعض وماكان محسسني بشي ابدا فيه تفاصيل كثيرة حسّيت بحبه لي مره كنّا طالعين وجالسين ع ضوء القمر ماكان فيه نور حولنا زي الشاليه بعيد عن الناس جلسة حلوة وكان متربع وانا راسي بحضنه كنت حامل وتعبانه وهو ع جواله والجو بارد ونزلت رشت مطر ع طول صار يكشف ع وجهي بالجوال ع باله اني ابكي كنت احيانا ابكي اطلب انه مايكمل هالزواج وشلون بنعيش واحنا مانلحق اخر الشهر كان يمسح دموعي بيده ويحطني ع صدره وكنت اقول بعد زواجك بتنساني انا وولدك ويحلف انه ماراح يتركنا اخ لما اتذكر المهم قرب موعد ولادتي طبعا شرطت شروط اذا بيتزوج اني مااعرفها ولا تعرفني ولا نتقابل ابدا ومبلغ ويغير غرفة النوم ويضبط لي المجلس قال لي ابشري بس اصبر علي شوي المهم قرب موعد ولادتي وقرب موعد عرسه وانا ماكنت عارفه كان ناوي ياخذ فيلا ل ابوه ويسكن وحدة فوق وحدة تحت فلة ابوه مسكره رافض يأجرها واخوه ساكن تحت مع اهله جاء زوجي قال لي اخوي يبي يطّلع فوق ف بيتنا واحنا بنسكن ب الفيلا وانتي بتروحين تولدين عند اهلك خذي كل ملابسك وأغراضك وجلس يقولي كيف بيرتب البيت قال لي المقلط أثاثه مب حلو برميه ودولاب المطبخ قلت لا الدواليب غالية خل دولابنا بعدين افصل صدقته وأَخذت ملابسي كلها بس باقي لي اغراض كثيرة ف بيبتي رحت ل اهلي وعطاني مبلغ محترم للمولود وكان يحضني واحنا ف بيت اهلي بعد اسبوع وانا انتظر مولودي وهو تزوج طبعا ماكنت عارفه اهله من النوع اللي يوثقون كل شي بالواتساب الا زواجه ماكتبو عنه وكان الامر مخفيه عني الصباح بيوم زواجه كلمني وكان حنون بكلامه بالليل الساعة وحدة كلمني ماكنت عارفه انه عريس : ) الصباح الساعة تسع كنت نايمة وصحيت ع اتصاله وكان صوته شييين قلت شفيك قال لا بس مادخنت وطول بالمكالمة مع ان مافيه شي نتكلم فيه عرفت من خالتي انه تزوج كلمته قلت مبروك قال الله يبارك فيك وبكيت وقفلت بوجهه مااتصل بس ارسل لي بالواتساب الوو ملاك بعدين يرسل زعلانه الزعل مايجيب نتيجه كانو اهله يبيون يسمون ولدي ع ابوه وانا اخترت اسم اول مره يوقف بوجه اهله وعطاني الاسم وعشان ارد عليه قال ترا غيرت رأيي ف الاسم بنسمي الولد ع ابوي ولا رديت هو عارف اني مجهزة توزيعات واشياء للمولود دخلت المستشفى وتنومت اسبوع كان يتصل بتطمن وانا ارد برسمية وهو يتكلم ولا كأن صاير شي ف التنويم بس ابكي وأتخيل هذا اول مولود وتو بديت حياتي ودخلت وحدة تشاركني بزوجي بعد ابكي مدري شوق له ولا غبنه منه ولا من الالم بس تعرفون المستشفى والتعب النفسي اللي فيه كان يبي يزورني وانا كنت ارفض اقول ماله داعي الين اولد وتعال لانه ف مدينة تبعد عن مدينة اهلي اربع مية كيلو مره كلمني بالليل بالمستشفى وكان يتكلم عادي فجاءه قال لي اشتقت لك نزلت دموعي وبكيت بعدت الجوال عشان مايحس فيني وصار يقول الو الو وانا مب قادرة ارد تماسكت ورديت قال وين رحتي قلت لا بس دخلت علي الممرضة وبعدت الجوال متاكدة انه حس فيني قال تبين شي قلت سلامتك وسكر لما ولدت اتصلت فيه وقلت له اني ولدت قلت انت وينك قال جاي بكيت مدري ليش قلت تعال بسرعة وصل للمستشفى بوقت قياسي لما وصل ماصدقت لان المسافة بعيدة دخل عندي كان يبي يسلم بس مدري ليش تراجع و رد بس السلام انا وقتها بس اتفحصه مدري ليش حسيته متغير ومهتم اكثر بشكله يمكن من الغيرة جلس عندي ويتحمدلي بالسلامة ماكنت ابي اتكلم معاه مدري شعوري غريب ابيه ولا ابيه قلت ابي الولد رح جيبه راح وجابوه لنا وصرنا مشغولين فيه جوالي ما وقف اتصالات وماكنت ارد دخلت علينا ممرضة تطلع الزوار واتصلت امي بنفس الوقت ورديت كنت اكلمها بوسني وانا اكلم كانت من قلب لدرجة ماقدرت اتكلم مع امي وطلع اليوم اللي بعده جاء عشان يطلعني من المستشفى وجايب خواته يسلمون علي وكان مبسوط بالولد طلعني لغرفتي فوق وكان مب محسسني بزواجه يكلمني بكثرة ويتغزل يرسل ويزورني عند اهلي ويستغل اي فرصة نكون بالحالنا كان دايم يقول الله يخليك لي الله لا يفرقنا اممم قال اول ماتطلعين بنسافر ثلاث ايام قلت لا ابي اسبوع قال مايخالف طلعت من نفاسي كنت محتاجة يومين اتجهز فيهم اجيب لي كم غرض كلمته قلت خلصت تعال بكرة قال بجي اسلم عليكم ونهاية الاسبوع آخذك قلت ليش ما تخذنا بكرة قال عندي شغل قلت عادي نزلني في بيتي وبعد ماتخلص شغلك تعال اخذنا شغله يبي يله اسبوع لما كل ماجاب لي عذر سديت عليه الطريق اعترف لي انه مسكّن زوجته في بيتي 💔💔💔💔 فوق اهله تهاوشت معاه قلت وبيت ابوك قال ابوي رفض يعطيني البيت وانا ماعندي إمكانية استأجر عطيني وقت تبين أطلعها طلعتها قلت مابي اسكن ف البيت من بعدها قال خلاص اصبر واخذ بيت ابوي قلت مب انا اللي تطلعها وسكرت بوجهه وكلمت اخوي الكبير قال خلاص لا تردين عليه الين يجي هو يتفاهم معي وانا ماراح اكلمه عشان مابي ابين انك رخيصة عندنا وأننا ندور وراه اخوي قالي كلامه من هنا وطلع لبيته من هنا
جلست اسبوعين لايتصل ولا يسأل وانا انقهرت منه فجاءه ارسل لي مقطع غزلي انه اشتاق والظروف واشياء تحكي حاله هو فعلا ع قده وظروفه مرره سيئة مدري ماصدقت انه ذكرنا ارسلي يطلب صور للولد قلت زين انك للحين متذكر ان عندك ولد ارسلت له الصور
فكرت انتقم قلت انا جالسة انتظر انه يأمن لي بيت وهي اخذه بيتي وزوجي
كان عندي موعد في مدينة زوجي اتصلت فيه قلت تعال بروح لموعدي وبعدين رجعني ل اهلي قال ابشري جاء كشخت وكشخت ولدي ورحت لموعدي قال بنمر اهلي نسلم عليهم عشان يشوفون الولد وهذا اللي كنت ابيه رحنا بيت اهله طبعا فوق بيتي اللي حط زوجته فيه المهم لما دخلت بيت اهله كان مافيه الا خواته كنت انتظر زوجته تجي ناويه اتهاوش معاه ومعاها واطردها من البيت واقول هذا بيتي وخلي زوجك يحط لك بيت انتظرت ماشفت احد قال لي يله نمشي قلت دقايق بغير ل البيبي رحت وارسلت له يلحقني لما جاء قلت انا ماراح اتحرك وروح طلع زوجتك من بيتي ابي اروح لبيتي ارتبك قال انا قلت لك بيتك فيه حرمه وانتي اصبري علي قلت علمتك هو مره صار وجهه اسود طلعت وخليته رحت اتقهوى وهو مرره تعب وجهه تغير جلس يتقهوى وهو مب معانا طلع راح يدخن المهم اخذت ولدي وطلعت فوق طقيت الباب محد يفتح طلعت مب ف البيت ماكان يبينا نتقابل لحقني قلت افتح لي بيتي ورفض المهم صار دراما هناك والولد يصيح وهو يهدي فيني ويعطيني من هالوعود حضني قال بقول لك شي تراها عقيم !!! قلت انا وش دخلني وكملت هواش قرب قال لي شوفي اوعدك وعد اسبوع بالكثير واطلقها واضبط البيت مدري كان صب علي موية بارده قلت له وعد قال وعد وحضني نسيت اقول لكم بالسيارة قال لي انا ندمت ع الزواج والله اني غلطت عليك واني اكره زولها اذا مرت قدامي وحتى اتصالاتها مااحب اشوف رقمها كان يحلف لي وبدون ما اسأله عنها والله واقول له لا تجيب لي سيرتها (زوجته كسبت اهله تطبخ لهم ومرره تنظف بيتهم نفس مايبون عكسي انا ومرره حبوها واصلا قبل ماكانو ع وفاق معي) المهم نزلت ورحت ف المجلس عند امه وهو انسدح ومسك راسه كان مره تعبان بعدين قال بنروح نسلم ع عماتي قلت ابي اخذ معي حلا قال ابشري بس كان ساكت ويفكر اخذنا الحلا ورحنا ل عماته بعدها رجعنا لمدينة اهلي كان ساكت وسرحان اخذنا فندق طلع يجيب اغراض مادريت الا امه تتصل رديت عليها الا هي تهاوش وتتكلم علي وليش اطلع فوق لبيت الحرمة ويشهد علي الله مارفعت صوتي عليها ولا غلطت مابي اذكر المكالمه البايخة لما دخل قلت تعال كلم امك وسكرت هي بوجهي وراح ينام ع طول ماحاول يلمسني لما قلت له ع مكالمة امه قال طنشي ماعليك من احد راح بينام لحقته ونمت وعطيته ظهري حضني ونام كان مره شارد الصباح رجعني بيت اهلي قال نهاية الاسبوع بجي ازورك قلت خلاص نزلت اتصل فيني قال انتي وش قلتي ل امي ؟ قلت قلت لك كل شي قال لا غيره قلت بس هذا مافي شي ثاني قال انتي قلتي ل امي وقال كلام وربي ماقلته ابداا قال امي ماسلمت علي ويوم شفت دمعتها كرهت الدنيا وصغرت بعيني حلفت له اني ماقلته اااه الله لايذوقكم طعم الظلم ماصدق احس انه ماصدق قلت ب اكلمها مكالمه جماعية وتبي اوجهها واجهتها يشهد علي الله حتى صوتي مارفعته قال لا لا تكلمينها ولا شي بعدين بنحل الامور انا حاليا تعبان وكان فعلا فعلا صوته شين بعدين يومين كلمته افضفض اني مليت وانه جرحني وشلون هان عليه انه يدخل احد بيتي وكلام كثير قال خلاص بنحل الموضوع قلت له انا مستعدة اعتذر من امك وأبوس راسها عشانك وعشان أطيب خاطرك مع اني يشهد علي الله ماقلت من كل الكلام اللي ذكرته شي قال خلاص ي امي سكري ع الموضوع وبتنحل الامور ي بنات احس اني تنازلت له كثير واهنت نفسي اخوي يقول انتي اللي ارخصتي نفسك ليش رحتي معاه كان جلستي الين هو يجي من نفسه ولا كلمتيه قبل لما كنت مااعطيه وجهه ولا هو هامني كان يلاحق وراي ويطلب رضاي

فيه تفاصيل كثيرة بس حاليا بقول لكم شغله
زوجي اغلب احلامه تتحقق ودايم اذا حلم بشي يصير
وهو يؤمن بالهشي ومن عرفته وهو كذا لما كنّا بالفندق قال انا وانتي بيننا حسد كم مره احلم بشخصين واحد من اهلك يقول ي حظك ب ملاك واحد من جماعتنا وحرمة بعد وانا من تزوجتك وانا أتخبط ماكنت مهتمه بهالنقطة
لما كلمته افضفض له قال انا تجيني كوابيس مرره تعبتني عيت تزين بيني وبينك ي بِنَت الحلال قلت وش قصدك قال انا بجيك ونتكلم
اليوم الثاني اتصل قلت الوو
قال ملاك تراك طالق 💔💔
قلت ليش وش السبب وسكر رجعت اتصلت فيه ولا رد وبعدين قررت ماعاد اتصل خلاص هذا قدري

انا مانزلت من عيني دمعة مدري ليشش مرات اتضايق ومرات اقول يمكن خيره لما اشوف ولدي واقول ي حرام بيكبر ولا يعرف ابوه ولا ادري وين بتوديني الأيام
اليوم صار لي اسبوع من طلاقه لي اخوي قال بعد شهر بتصل فيه يرسل ورقتك وأغراضك
انا قررت ما اكلمه
الحين لما اتذكر انها ف بيتي ومع زوجي يالله شعور شين سرقت حياتي
وامه مدري اذا هي السبب او لا
وهو ماادري عن مشاعره
اخر مره يحلف اني مااغيب عن باله اخر مكالمه قبل مكالمة الطلاق قالي انا خلاص زهقت من هالدنيا
ليتني رحت مع جدي (جده مربية وعايش طول عمره مع جده ومتعلق فيه مره عشان كذا ابوه شوي قاسي معاه )

ادعولي ي بنات و لولدي مااستغني عن مواساتكم ودعاكم ورأيكم