أرغب في سكن أبي معنا وخائفة من رفض زوجي
 

انا امبارح روحت انا وزوجي للمستشفي عند بابا نكشف علي ابني بابا طلع معانا وقعد معانا وقلنا نوصله واحنا مروحين طبعا هو عايش لوحده حاليا وبيشتغل طول اليوم وانا نفسي اعيش معاه واوفر ايجار شقتنا بالمره بس زوجي مأجلها المهم واحنا بنوصله زوجي قعد يتحايل عليه يجي يقعد معانا والدي رفض بس زوجي ماسك فيه جامد وقلننا ليه فكر وهناخدك كمان كام يوم علي متظبط نفسك وحاجتك وقال ربنا يسهل طبعا انا عارفة والدي حزين من وحدته ونفسه يبقي معانا بس مش عايز يبقي تقيل علي حد انا بعدها سالت زوجي ازاي عزمت بقلب جامد وانت مش عايز ده قالي الاصول وكده كده احنا كمان شهرين هنروح نعيش معاه انا بقي بفكر ازن علي بابا واخلي ماما تقنعه لان مريض وممكن يتعب في اي وقت واجيبه عندي بس خايفه زوجي يتضايق وهو اما يجي هيقنعنا نروح معاه ونوفر وكمان هو بيصحي يفطر ينزل يرجع يتعشي ينام مش بيقعد نهائي في البيت بس يحس ان حد معاه وعارفة لو حاولت مع زوجي هيقوللي متقنعيهوش هو جه عادي مجاش احسن احاول اقنع ابويا من وراه ولا هتبقي حركة وحشة مع زوجي

تم تعديل العنوان ليتناسب مع المضمون

رد: عايزه استشارتكم ضروري
 

جوزك حاول يقنع باباك يجي عندكو
وباباك رافض
ومافيهاش حاجه لو حاولتي انتي كمان
مع باباك حتعملي خير وبر في والدك
ازا وافق كان بها ماوافئش سيبوه براحته
وشئروا عليه كل فتره واخدميه وغسلي هدومه واعمليله اكل وكدا !

رد: عايزه استشارتكم ضروري
 

الله يكسبنا رضاهم ويشفي والدك يارب انا احس قلبي مايطاوعني اتركه
انا الا الوالدين عندي لو بس سخنه معاهم قلبي يتقطع عليهم لما اشوفهم بصحتهم ارتاح..ربك ييسرها لك ان شاء الله تلاقي حل.بالتوفيق

رد: عايزه استشارتكم ضروري
 

انا مش اقصد كده انا طبعا هموت وبابا يعيش معايا وخاصة انه كبير ومريض جدا وشكله متدمر من قعدته لوحده بيقطع قلبي والله انا اقصد ان زوجي كان بيقوله مجرد كلام لكن هو مش عايزه فانا بفكر اقنع بابا واخلي امي تكلمه وتقنعه انه يجي واحط زوجي امام الأمر الواقع واقوله انت اللي قلت انا اعمل ايه اقوله ميجيش انا عارفة ان زوجي قال كده مجرد كلام وهو مش عايزه فخايفه لو عملت كده واقنعت بابا ابقي غلطت مع جوزي لاني هموت وابقي مع بابا واخدمه فعايزة رايكم

رد: عايزه استشارتكم ضروري
 

يااارب شكرا لدعائك ولك بالمثل والله انا هموت عشان والدي بس مش عارفة اعمل ايه مع جوزي اللي مش متقبل اي حد ابدا

رد: عايزه استشارتكم ضروري
 

هذه ضرورة يا اختي زوجك سيوافق صدقيني ..لو والدك اقتنع وجاء ليعيش عندك زوجك سيتأقلم ..عشت هذه التجربة لفترة محدودة وان كان والدي يتضايق من ازعاج الصغار..لكن اعملي الذي يرضيه ضميرك..حتى لا تندمي فيما بعد خاصة لو هو صاحب مرض ممكن يتعب ويحتاج احد يناوله حبة دوا ولا يجد...ورأيت ذلك في أقاربي...استخيري واسعي لبر والدك ..وفقك الله

رد: عايزه استشارتكم ضروري
 

حبيبني هل اذا عاش ايوك عندكم زوجك بيعامله كويس
ولا ابوكي هيحس ان فيه حاجه

رد: عايزه استشارتكم ضروري
 

هتوكل علي الله واحاول مع والدي وشكرا لكلامك الجميل اللس بجد شجعني لاني بتألم بجد من وحدة والدي وعارفة انه حزين وحساس جدا وفعلا هو ممكن يقع في ثانية مايلاقيش حد جمبه جزاكي الله كل خير في الدارين

رد: عايزه استشارتكم ضروري
 

لا زوجي هيعامله كويس واساسا قليل اختلاطه بيه لان والدي طول اليوم برة البيت في عمله بس زوجي هيبقي متضايق جدا وهو قالي لو باباكي وافق كنت هبقي مخنوق قلتله ربنا يسامحك وشكرا علي احترامك لاهلي بس برغم كده هيعامله كويس جدا وهو عنده استعداد يروح يعيش مع والدي لتوفير الايجار بس مكسل الفترة دي وبعدين انا مش هحسس والدي بأي حاجة بلعكس هخليه دايما مبسوط ومرتاح وفي نفس الوقت هستحمل كلام زوجي بس خايفة زوجي تبقي ردة فعله غير توقعاتي ويعامله وحش رغم اني استبعد ده بس خايفة لانه مش طايق يتعامل مع اي حد الفترة دي ومن النوعية اللي مبتحبش تخدم حد الا نادرا

رد: عايزه استشارتكم ضروري
 

انا اشوف بما إنكم بتروحو تعيشو معاه حتى لو بعد سنه تحملي شوي
ووالدك اطلبي زوجك يقنعه يجلس معاكم ولو يومين في الأسبوع
وتحايلي ع زوجك قولي خليه يتعود علينا عشان لو عشنا معاه مايتضايق
لا تحسسي زوجك انه هو رح يتضايق من والدك حسسيه انه والدك ممكن يتضايق منكم

لما قال (لو وافق كنت مخنوق ) كان قلتي بالعكس والدي الي بيكون مخنوق لانه تعود ع الوحده

رد: عايزه استشارتكم ضروري
 

ماشاء الله اشكرك على برك بوالدك وماتفعلينه طيب
اين والدتك وهل لديك اخوه

رد: عايزه استشارتكم ضروري
 

لو مش هبر والدي ووالدتي هبر مين بعدهم ده هما كل حياتي ربنا اللي يعلم كل اللي بتمني اعمله عشانهم ووالدتي واخويا سافرو لاختي خارج البلاد وليا اخت هنا متزوجة وعايشه مع زوجها بس بالنسبالها مبتفكرش انها تقعد مع بابا لان هيا ساكنة جمب اهل زوجها وهو ابن وحيد ولازم يبقي جمب اهله خاصة ان والده مريض ومحتاجله لكن انا زوجي مش في دماغه اي حاجة ولا اي حد بيقوللي عشان نروح نعيش معاه علي الاقل كمان شهر ووالدي رفض انه يجي عندنا حتي بعد ما حاولت مع امي تقنعه رفض للاسف وحتي لو وافق زوجي برده رافض رغم انه هو قاله تعالي بيقولي كنت بقول كده وخلاص ودي الاصول اني اعزم عليه وساعات يحسسني ان بابا صعبان عليه وللاسف ان بابا حساس جدااااا وانا متاكدة انه بيتالم من وحدته وان اولاده سايبينه وكل واحد همه حياته ربنا يسعده ويصبره هو وكل ام واب بيعانو من اولادهم وانا برده هفضل احاول واعمل كل حاجة تسعده

رد: عايزه استشارتكم ضروري
 

بعد ردك ده خدت بالي من النقطه دي وفعلا وصلتها ليه وخاصة بعد رفض والدي يعيش معانا جزاك الله كل خير علي لفت انتبهاهي للنقطة دي

رد: عايزه استشارتكم ضروري
 

تخيلو حتي الاكل اللي عايزة اعمله لبابا مرتين في الاسبوع زوجي يقولي ادفعي حسابه وكفاية مرة اتصرف ازاي معاه اقنعه ازاي ان تفكيره ده غلط وان ده والدي يعني حياتي يعني لو انا مش هاكل عشان هو ياكل لو انا هتعب عشان هو يرتاح مهما اقوله يقوللي امك سايباه مش مسؤليتك بجد كرهني فيه وخلاني احسد اختي علي جوزها واهله اللي دايما يقولولها اعزمي باباكي اكتر من كده واعمليله ووديله لكن ده عايزني اشيل نفسي من الموضوع كله شويه شوية يقولي اتبري منهم حسبي الله ونعم الوكيل