|
عاطفتي تكاد تغلبني اتجاه طليقي
السلام عليكم
يا اخوان و يا اخوات انا تطلقت من زوجي مرتين لاسباب من يذكر منكم مواضيعي يعرفها اسباب قوية جدا ماحد يلومني عليها مشكلتي اني احبه والله من قلب و مو هاينه علي الشهور اللي عشتها معه بتفاصيلها كانت فيه لحظات حلوة مافيه شي يخليني اتمسك فيه هالقد الا انه فعلا يحبني انا متاكدة من مشاعره اتجاهي لكن فيه تصرفات صدرت منه خلتنا ننفصل انا لما اجي اعدد عيوبه كثيرة تطلع و ما تنطاق لما اعدد محاسنه ماذكر شي غير اني كنت ارتاح نفسيا لما يلمني مادري وش اسوي انا عاطفية جدا جدا كأي انثى و اكثر تصرفاته اللي كرهتها فيه ما كرهتني فيه ك شخص مادري وش اسوي بعمري ارجع له و اشترط عليه النقل حتى اضمن حياة افضل او ايش بالضبط مشاعري مو مخليتني اسوي شي افكر فيه ليل و نهار وهو كذلك لاني تواصلت معه و قال ابغى ارجعك و رفضت من المهزلة اللي صارت قبل هل هالشي يحصل مع كل الناس و الا قلة قليلة بسبب الحب |
رد: عاطفتي تكاد تغلبني اتجاه طليقي
والله ما يمر ليلي الا و انا ميتة من الصياح
و امي تجي و تهديني و تقول ما يستاهلك ما يستاهل تبكين وش يعرف قلبي هالكلام |
رد: عاطفتي تكاد تغلبني اتجاه طليقي
انا ما اعرف تفاصيل قصتك ، لاكن هل عندك اطفال منه
وهو متزوج غيرك وانتي الثانيه ولا بس انتي ع ذمته وكم لك مطلقه |
رد: عاطفتي تكاد تغلبني اتجاه طليقي
ماعندي اطفال ما مضى على زواجنا غير 6 شهور
انا زوجته الوحيدة و فارق العمر بيني و بينه سنتين تطلقت مرتين بين الطلقة الاولى و الثانية اسبوعين الاولى بسبب تعاطيه للمخدرات و مشاهدة الاباحيات رجعت له بموجب شروط تنفذ نفذ شرط وهو مباغ مالي و الثاني طلبت منه ينقل لانه البيئة اللي هو فيها تساعده على التعاطي و هالشي لا يستنكر عندهم كثير او بالاصح اقاربه تتوفر عندهم المخدرات بكثرة و يسهل حصوله عليه كنت ابغاه ينقل عشان يبطل يحتك فيهم و يقدر يسيطر على نفسه يتركها وافق و بعد ما رجعت له اكتشفت عن طريق الواتس انه يكذب مراح ينقل بس ختى يضمن رجعتي مع تفاصيل اخرى بعدها انا طلبت الطلاق وطلق زوجي رجل كاذب ثقتي فيه معدومة بالعربي |
رد: عاطفتي تكاد تغلبني اتجاه طليقي
انتي نبصره رجعتي له ل المره الثانيه لاكن هو ، ماوفى ب شروطك معاك ياحبيبة قلبي الحياه مع مدمن ما تنطاق
الحين تتالمي ولا بعدين الحين تتعبي ولا بعدين ، معليش اصبري دامه طلق ولا حاول يغير من نفسه ماراح تضامني تعيشي مرتاحه معاه |
رد: عاطفتي تكاد تغلبني اتجاه طليقي
ارى انك طبيعيه جدااا .. فانا احس بما تحسين ..
لان اي امرأه .. شريفه عفيفه ما عرفت غير زوجها رجل غريب .. اكيد تحبه .. لانه هو اللي رأت منه العاطفه والمشاعر .. والمعامله .. لكن طنشي شعوورك .. اسباابك قويه .. احمدي ربك كثثثثثير تطلقتي بدون اطفال .. وربي من تتزوجين غيره تنسينه وتنسين اسمه .. |
رد: عاطفتي تكاد تغلبني اتجاه طليقي
حبيبة قلبي تذكرت قصتك
شعورك اللي تمرين فيه طبيعي وصدقيني راح يخف مع الوقت ضعي عيوب زوجك والأسباب اللي أدت إلى الطلاق نصب عينيك عشان لا تضعفي وتلومي نفسك وأنا عندي احساس ان الله عزوجل راح يعوضك باللي يستاهلك واللي يعزك ويقدرك تجربتك مؤلمة والحمدلله انك طلعتي من زواجك الفاشل بأقل الخسائر كوني إيجابية وقوية ولا تستسلمي للأفكار السلبية ركزي على ماذا كسبت من الطلاق ( كرامتك راحة بالك وفرصة الحصول على زوج أفضل وحياة أفضل ) وليس على ماذا خسرت |
رد: عاطفتي تكاد تغلبني اتجاه طليقي
تعلقك فيه لأنك ماقضيتي معه فترة كافية عشان تلحقي تكرهيه وتكرهي الحياة معه..
الشهور الاولى بتكون العواطف قوية ولسه معميين بالحب.. مع الوقت بتهدأ المشاعر وتخمد نار الشوق.. انتي لساتك في البداية في مرحلة العواطف الجياشة.. فالطلاق جاء في فترة صعبة.. صعب تشطبيه من قلبك .. بس بتمر فترة ان شاء الله راح تهدي وتنسييييه خاصة اذا تقدم لك ابن الحلال.. زوجك ماينفع. ممكن تتخيلي خياتك معاه بعد 5 سنوات كيف بتكون في حال رجعتو؟ |
رد: عاطفتي تكاد تغلبني اتجاه طليقي
اقتباس:
يسلم قلبك دانة بالضبط هالنقطة ما غابت عن بالي ابد واني اتحمل هالعذاب العاطفي و لا اني اتورط اكثر معه خصوصا لو انجبت له ساعدتيني بردك شكراً لك حبيبتي |
رد: عاطفتي تكاد تغلبني اتجاه طليقي
اقتباس:
الله يجبر بخاطرك على هالكلمات ساعدتيني بردك شُكرا لك حبيبتي |
رد: عاطفتي تكاد تغلبني اتجاه طليقي
اقتباس:
يارب قريب اتخلص من هالشعور المؤلم ويعوضني بالأفضل ساعدتيني بردك شكراً لك |
رد: عاطفتي تكاد تغلبني اتجاه طليقي
ياأختي اتركِ العاطفه على جنب ...!
1- رجل مدمن مخدرات وهذا بلاء عظيم صعب تركه وصعب تعيشين مع واحد مدمن راح يجر عليك مصائب..! 2- طلقك مرتين واحتمال الثالثه بالطريق اذا رديتي له وهي بينونه كبرى ...! 3- مابينكم اولاد وهذا بحد ذاته نعمه ان الله مارزقك منه والا الامر كارثي وسيبقى في ذاكرتك وسوف ترتبطين معه بحكم بينكم اطفال ...! 4- امسحيه من تلفونك ومن بيتك ومن خيالك ومن فكرك ومن كل شي يذكرك فيه اذا ماطبقتِ البند الاخير سوف تتعبين كثير ...! 5- تأملِ خير بالله سيعوضك بإذن الله والفرج قريب جداً جداً لاتنسين تقرأين سورة الانشراح مع تأملها وتفسيرها ...! فيه اضافه مهمه جداً وهي تطليقك مرتين خلال اسبوعين ومدة زواجك كله 6 شهور فقط...! هذا انسان مستهتر شنو ترك لبقية العمر اذا طلق مرتين لم يبقى له الا طلقه واحده وبعدها تحرمين عليه ، نصيحه اتركيه والله يعوضك خير |
رد: عاطفتي تكاد تغلبني اتجاه طليقي
شواقه
انصحك نصيحه من كل قلبي ابعدي عنه نهائيا ولا عاد تفكري فيه احمدي ربك مااخلفتي منه شو تبين فيه... شوفي انا ماضيعني الا حبي لابو عيالي لو يرجع فيني الزمن كان تطلقت ببداية حياتي وبعز شبابي وطويت صفحته... تحمدي لله انك خرجتي بأقل الخساير ماعندك اطفال وتو عشرتكم مالها الا كم شهر... اطوي صفحته واقطعي اي تفكير فيه وربي يعوضك بخير منه... |
رد: عاطفتي تكاد تغلبني اتجاه طليقي
انا امامك حبيبتي وبضبط نفس طليقي لكن اطلقت طلقه
مع ان حرمونيه منه مرتين وفي كل مره يتعهد ويخيب وبعد م طلق استمر فتره في هذا الدرب ، بضبط ي حبيبتي الي تحسين فيه احس فيه وتقريبا نفس مده زواجي وزواجك (مع الملكه ) يوم اعدد محاسنه ما فيه غير حنيته وطيبته و الي ابغاه يعطيني ياه لكن بجد لو رجعنا للماضي وقارنناه بحياتنا الحاليه شو من السلبيات وشو من عوار القلب و الهمموم الي كنا فيها تعالي نتخيل يوم واحد فقط اذا كان متعاطي مش تارك الصبح ما يقوم تحاولي فيه لين م تلوع كبدك وهو على نفس الحاله انتي تخافي وتفكري بمستقبلكم واهو لا همه ! في هذه اللحظه لو حصل حادث لنا لا سمح الله طحنا وانشق جزء من جسدنا لو قومناه من النوم حيقوم ؟ والله لو يحترق البيت ما حس الدوام يرسلون له تنبيهات بعديها شو يقضي يومه ؟ افلام اباحيه ، تدخين ، اخلاق زباله مع الي حوله صحيح مش معاي لكن معا الي يحوله مثال في السوق يسب العمال او غيره ما تنحرجي ؟ يطلع بشكل قذر ما تستحي احد يشوفه من اهلك والله كنت استحي ع اني انظف واكوي لكن يصر على نفس الكندوره الي مبقعه و مخبقه ! ! فليل ايش ؟ ياخذ الي يبغاه منك واعز الله مثل الحيوانات !! للاسف وحياتك كلها خوف لو احد مسكه يعني سجن وانتي تنرمين معلقه لا مطلقه ولا متزوجه ممكن بدون شعور يخنقك او يعتدي عليك مثل الي حصل معاي ويوم قتله ثاني يوم بكا وسكت !! لان بدون شعور ! طلعاتك محسوبه وياله ياله تقضين الي تبغينه نص ساعه وكلها مكالمات و يبغونه نص ساعه او ساعه وترجعي البيت وهو يرجع يطلع بروحه تخافين ان وينه تحاتينه موجود صاحي اعتدى على حد او احد اعتدى عليه طلعاتك تحسينها مراقبه من احد ! ان رجع كانه بيبي تغسلين وتمشينه واهو ولا حاس والله معاناه في حال تاب (ويارب تهدي شباب المسلمين وتجعل كيد الخونه في نحورهم وتهديهم هدايه نصوحه وتقوي رجال الامن يارب ) حياتك كلها شك من بدايتها الصبح تفكري هل بيداوم او لا ؟ هل صادق فكلامه خرجاته تحسبينه وتترقبين مكالماته و عودته ! صح او لا و الله هذا الي كنت احس فيه خايفه عليه خايفه ان يغونه خايفه ان يعتدون عليه ! ملابسه تتشمينها جواله تتبعينه ادورين على خيط يريحك ! لكن حاليا واقولك ياها ابكي كل يوم والله مكسوره داخليا ، لكن من ناحيه الهموم الحمدلله صحيح احاتيه وافكر فيه هل صاحي او لا هل بعده يتعاطي او لا لكن فرق شاسع بين حياتي معاه وبدونه ! وانا نفسك ووربي بكل دقيقه احنه واتوقع اهو كذلك بكل دقيقه يحن لي لكن ! اهو الي خرب علينا نحنا نستحق رجال يحطونا على روسهم رجال يعفون نفسهم ! رجال يتحملون المسووليه ! تتخيلين طالبه جامعيه ترد البيت تسوي كل شي ! وفوق هذا يلومنونها اهل الزوج ؟ ان م صبرت اخر شي وخبرت ابوها ! انا اسهر وادرس واطبخ واحاتي واسال عنه وانتظره قسم بالله اجلس بجانب الشباك انتظر سيارته عشان ارتاح و بالاخير هذا الرد الله يسامحهم بس ! حبيبتي لازم نقوي قلبنا ولو فيه خير ربي ح يكتب لنا ! وصدقنيني لو يبغونا ل يسو الغالي والنفيس عشانا ليتعالجو ونحنا موجودين فبيت اهلينا ! يدلون الدرب اما ان يكلمك فالتلفون (لو ما اقولك تعمليها ) ارفضي رفض قاطع يدل بابا البيت ويطلب ايدك من ابوك ، وعشان تريحي ضميرك اعطيه سنه وانتظريه هل يرجعك ! ؟ وبعديها خلاص انسيه منها تنسين الماضي و تبدين صفحه جديده وما تحسين بالذنب في هذا الطلاق و انا بصراحه متبعه هالاسلوب ويارب يقويني سنه كامله من بعد العده و الحين مر تقريبا 3 شهور و لا حاول في ابوي الا مره وحده معقوله ! ان يحبني ! مجرد حنين وذكرريات وتعود ! دخل يتعالج ! مثل م سمح وقضا وقته يتعلم يتعاطي بعد لازم يقضي وقته مع مرشد يعالجه ! ونفسي مع اهلي يوم ابكي يقولون لي ليش تبيكين ما يستاهل دمعه من عينك و اهم رافضين رجوعي ابوي يقولي الحين القبول والرفض بيدي مستحيل ارجعك له ! ويارب انك تهون علينا مصابنا و تعوضنا وتكتب لنا الخير وين ما كان وترضينا |
رد: عاطفتي تكاد تغلبني اتجاه طليقي
أسأل الله العظيم رب العرش العظيم ان يرزقكم بالزواج الصالحين المعاقين ويصلح شباب المسلمين وردهم إليه ردا جميلا
|
رد: عاطفتي تكاد تغلبني اتجاه طليقي
امين يارب
الله يجزاكم خير جميعا |
رد: عاطفتي تكاد تغلبني اتجاه طليقي
اقتباس:
كنت مأملة اعيش حياة سعيدة مثل اي بنت طبيعية لكن للأسف هذا اللي صار معي و فعلا مثل ما تقولين احاتيه مهموم يتعاطى و الا عقل فعلا مثل ما يقول اساسا لما كنت على ذمته و كنت اجيب له طاري الانفصال كان يعايرني اني راح اكون مطلقة و مستحيل احد يفكر يرتبط بي ظناً منه انه راح يثنيني عن هالقرار حسبي الله و نعم الوكيل ف كل شخص سألناه عنه و مدحه وهو على علم بخفاياه حسبي الله و نعم الوكيل |
رد: عاطفتي تكاد تغلبني اتجاه طليقي
اقتباس:
اختي اصبري اصبري اصبري واربطي على قلبك ما يتساهلك وامك صايبه مع الايام راح ينطفي التعب والحزن والشوق والفقد لمثله وربي بيعوضك بأفضل منه لا تنسي كثرة الدعاء والاستغفار |
رد: عاطفتي تكاد تغلبني اتجاه طليقي
شواقه ربي بيعوضك خير منه
ابتعدي عنه دامه سكير انتي عاطفيه ومحتاجه رجل في حياتك وماتتذكري الا طليقك لانخافي شعورك طبيعي وبكره يجيك رزقك وتعيشي أحلى عيشه مع رحل سوي المخدرات دمار فلا تفكري ترجعي له لا ظلمي أبنائك بإختيارك لأبوهم وعلمك إنه سكير وكذاب وووو انتقي أب صالح لأولادك ياشواقه الحب مايوكل عيش |
رد: عاطفتي تكاد تغلبني اتجاه طليقي
ربي اذا احب عبد ابتلاه وهذا ابتلاء من الله .. وربي ماياخذ شي الا عشان يعطيكي شي احسن منه
وصدقيني وكوني متأكده انها ماضاقت الا لتفرج ربي بيفرجها عليكي والله العظيم صدقيني مريت قبلك بدا الاحساس وكنت ادعي ربي اني انساه وان ماتنتهي العده الا وانا مخطوبه من رجل ثاني لان ابغى بيت ليا ابغى ليا اسره واطفال وحب لان بعد طلاقي حسيت اني رجعت للصفر واني حبدأ من اول وجديد تعبت نفسيتي لدرجة سرت اتكلم مع نفسي تتخيلي غير المشاكل والحاجات الثانيه الي مريت فيها .. بس ماكنت اوقف الدعاء ان ربي يرزقني بالزوج المناسب بعد عدتي.. قيام الليل والصدقه والاكثار من قول لاحول ولا قوة الابالله والاستغفار.. وكان عندي يقين بالاجابه ..واصبر نفسي واقول ربي لو احب عبده ابتلاه ... والله العظيم بعد عدتي ب اسبوعين انخطبت والحمد لله جلست اقول بكيت واتعبت نفسيتي لرجل ماكان يستاهل وربي كان مخبيلي الافضل سبحان الله العظيم. |
رد: عاطفتي تكاد تغلبني اتجاه طليقي
اقتباس:
يخرب بيت العاطفة والله بهذلتني تفكيري بالأبناء و حياتي فيما بعد هي اللي مستحيل تخليني ارجع له هي فترة و تعدي واتمنى تعدي بسرعة احس اني متروكة فنص الطريق لحالي شكرا كثير متفائلة الله يفتح لك ابواب السعادة fffsg |
رد: عاطفتي تكاد تغلبني اتجاه طليقي
اقتباس:
آمين يا بياض الديم ، شكرا لحضورك fffsg |
رد: عاطفتي تكاد تغلبني اتجاه طليقي
اقتباس:
لكن متسلطه هالمشاعر ، يارب من واسع فضلك fffsg |
رد: عاطفتي تكاد تغلبني اتجاه طليقي
اقتباس:
وراح تتزوجي وتفتكري الايام وتضحكي وتقولي معقوله انا كنت ابكي على هدا الانسان .bht. مافي شي يدووووم دوام الحال من المحال .. ودي نعمه الحمدلله تفائلي حبيبتي |
| الساعة الآن 08:08 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©