|
هل ارسل لطليقي رساله مستجدات الرد24--32
بدخل بالموضوع على طول
طبعا انا ماابي اذكر قصة طلاقي ولكن بوضح لكم بعض الامور عشان ابيكم تنصحوني من قلب اولا وبكل صراحه انا مرا احبه وولدي مرا متعلق فيه ومااتخيل نفسي نهائيا اعيش مع غيره وصح انه سبب طلاقنا منه هو غدر فيني ولكن انا بلحظتها ماخليت له فرصه حتى يدافع عن نفسه فوقتها الله يلوم اللي يلومني لاني فعلا انصدمت وكان شي لايصدق يعني اعترف انه ردة فعلي كانت قويه ولكن بطريقه جدا خطىء وغير كذا طول فتره هجره لي كنت اسوي اشياء فعلا لما افكر فيها الحين مااصدق اني سويتها كنت ارسل له مسجات سب وادعي عليه واهدده اني بحرمه من ولده واني بفضحك واني برفع عليك قضايا وانا يعلم الله اني مستحيل اسويها بس من قهري كيف قدر يغدر فيني وعلى كل اللي ارسله له مايرد نهائي علي وكنت اجلس عند اهلي شهر وارجع بيتي وفعلا كان اذا رجعنا البيت يهجره وماادري ايش السبب بس الله حق كان يجيب لنا كل المقاضي ولكن مانشوفه واذا رجع يدخل المجلس ويسكر عليه كان رافض يشوف وجهي ويتصدد عني والى يومكم مو عارفه السبب مرا اقول يمكن مستحي يناظر فيني بعد مااكتشفت غدره وعلما باني كنت قايمه بكل واجباتي اتجاهه ومرا اقول يمكن صدق كرهني ومو طايقني وصراحه كل ماارجع ذيك الايام لبيتي على اساس بصبر واتحمل اجلس تقريبا 3اسابيع شهر بالكثير وانقهر على انه هجرني بدون سبب مني الغلطه منه ارجع واسوي اشياء افضع من اللي قبل كردة فعل يعني مثلا مره جمعت كل اغراضه بشنطه وحطيتها عند باب البيت وارسلت له رساله دامك مو داري عننا ولاحتى تنام فبيتك فهذي اغراضك خذها لانها مالها لزمه ادري تصرفي غلط ولكن كنت بوقتها اموووووت من القهر وربي يعني يجلس باليومين ثلاث ماندري نهائي عنه ولا يرد على مكالماتي ويجي عند الباب عشان ياخذ ولده ويكون لابس لبس جديد وانا بصراحه ماقدرت اتحمل ونفس الشي اصبر واشوف هجره لي وارجع واشيل اغراضي وارجع بيت اهلي واجلس تقريبا شهر عندهم اريح نفسيتي وارجع بيتي من نفسي للأسف المهم اخر مرا جبت نقل وشلت كل اثاث البيت لان تمادى صار بالاسبوع مانشوفه ولاندري حتى وينه فيه مع العلم الاثاث انا اللي شاريته بفلوسي فااتوقع من ابسط حقوقي اشيله من القهر اللي شفته المهم بعد هالمره الاخيره طلبت من اخوي يكلمه ويقول خلاص طلقها ويقول ابشر مالك الا اللي يرضيكم ويتهرب ننتظر اسبوع اسبوعين شهر شهرين لاهو اللي طلق ولاهو اللي جا مثل الرجال ويصالح وجلس فتره طويله ماطلق ألين اصرينه عليه راح له اخوي لين داومه ويقول ان شاءالله ويسحب وبعدها انا قلت لااخوي خلاص دامه ماطلق معناته اكيد انه يبيني لاعد تقوله شي ابصبر وصرت هالايام كل ماانقهر واتذكر اللي سواه فيني ارسل له رسايل طويله عريضه كل انواع الدعاوي والسب فيها وفجأه والله مادريت بعدها بفتره الا انه طلقني وحتى ماعطانا خبر بالطلاق عرفته بالصدفه وارسلت له اول ماعرفت ليش ارسل لي يعلم الله انه ماودي ولكن تجنبا للمشاكل وتراها طلقه وحده بس هنا صراحه انا انقهرت زياده يعني كل اللي ابيه منه بس يبين لي انه ندمان على اللي سواه فيني ومستعده والله اعطيه روحي ان بغاها المهم رضيت بقضاء الله واحمده على كل حال وبعد ماخلصت عده نهائي ماعد نتراسل الا عن ولده فقط لان الان مايربطني فيه الا كأب لولدي والله حق مايقصر نهائي كل ماطلبته شي قال ابشري ماشاءالله الله يخليه لولده ان شاءالله والمصروف اول باول يرسله وكل ماارسلت له تعال خذ ولدك اليوم الفلاني جا وبصراحه انا الان مرا ندمانه على اشياء كنت اسويها معه مرا كانت غلط اسلوبي كان زفت وتوني استوعب هالغلط للأسف وماكان احد ينصحني والله على الغدر اللي جاني منه بس كان حبيب وطيب ومايقصر بشي قبل مااكتشف وساخته تمنيتني ساكته ولا واجهته عاد هالأيام مدري وش يطري علي احس ودي ارسل له ولاحد يقول لي مايجوز لان ربي عالم انه نيتي من الرساله اننا نرجع لبعض واتعدل واغير من نفسي ولا ااقدر اقول لاهلي لاني متأكده ميه بالميه بيقولون وش تبين فيه ومن هالكلام بس لو هو فعلا يبيني انا ابقدر اقنعهم وقتها واحيانا اقول لا لا ارسل احس كرامتي بتروح وكيف بستمر معه وانا اللي راسله له وهو اللي غلطان بحقي ومع العلم اهله في العدة الله واعلم اذا هم سعو بالاصلاح وانا ماادري ولكن لا مكالمه ولا رساله جتني منهم وكانت علاقتي فيهم ممتازه ففعلا استغربت ردة فعلهم وانا من يوم تطلقت وانا صايره اشوف وش يحط بتويتر طبعا اتابعه من غير مايدري وماادري ليه احسه يتابعني مدري اتوهم والا صدق والا احلم وينزل تغريدات انه ندم وانه مشتاق حتى مدري والله ان كانه يقصدني فيها بس هو بطبعه من اول كتوم ولا يتكلم ولو يشوف الموت مايعتذر للأنسان اللي اسلوبه وسخ وانا طبعا رسايلي اللي كنت ارسلها حدث ولاحرج من الاخر انا ندمانه مرا كان انسان خيالي معه احس انا اللي خليته يوصل لغدره فيني احس اني تماديت باسلوبي معه وكنت واثقه لدرجه انه كان يمزح معه يقول تخيلي اتزوج مسيار اقول اتحداك متخيلين !!! لهالدرجه كنت واثقه فيه وانه مستحيل بيقدر يجرحني والحين اقول ليتها جت ع المسيار بس الحمدلله على كل حال والله يهدي الجميع وش تنصحوني انا مرا تغيرت واحس الطلاق فعلا كسرني وغير فيني اشياء كثيره ارسل له او لا؟ احس انا وولدي في حاجه له بعد الله والله احس يكفيني يكون موجود بحياتي حتى لو يبي يهجرني لاني فعلا احبه للأسف يكفيني بس اشوفه بخير حتى لو يبي ينام بالمجلس ولا اتخيل نفسي نهائي مع رجل غيره¨ مستجدات الرد24 http://66n.com/forums/showpost.php?p...9&postcount=24 مستجدات الرد 32 http://66n.com/forums/showpost.php?p...6&postcount=32 |
رد: هل ارسل لطليقي رساله
جلد للذات وبحث عن أعذار لخيانته
إذا بيترك الخيانة ارسلي له إذا راضيه يخونك ويهجرك ويغيب بالايام وينام بالمجلس وقبلتي بالواقع مقابل حسناته اللي ذكرتيها ارسلي له لكن شيلي من بالك تغيرينه ماراح تقدرين مثل هذا مايتوب إلى مايكتشف أهل بيته يحصل لهم مافعل مع بنات الناس والأمر لك |
رد: هل ارسل لطليقي رساله
ياأختي انتِ مو كاتبه الموضوع لأرسال رساله لطليقك انتِ كاتبه الموضوع للفضفضه وواضح من سرد كلامك ...!
|
رد: هل ارسل لطليقي رساله
ليه انتي ضعيفه كذا ، يعني خاين عارفه وش يعني خاين وعادي عندك حتى لو رجعتي ماراح ترتاحي بتبعبي وبتطلقين منه
اتعبي الحين احسن لك والطلاق مصير الكسر ينجبر ولا تتعللين ف ولدك ، يكفي انتي عنده ترا ياما اطفال عاشت من دون اب وصاروا ماشاءالله ب اعلى المراتب يعتبرك انتي والولد مثل الكنبه عنده ف البيت اذا انخطبتي وافقي احب انسان كسرني وخاني سلامات ب العكس لما يكون بعيد تربين ولدك لحالك الحين مو زي قبل اقدر اقولك عادي جدا الام الحين تقوم ف كلشيء واسم ان الزوج موجود ف كيف لو حصل طلاق اتركي الرهان كلها من الشيطان ذي |
رد: هل ارسل لطليقي رساله
ارسلي له ، كم لكم على طلاقكم ؟
|
رد: هل ارسل لطليقي رساله
مرحباً أختي
رجعت لمواضيعك ولازلت لا أعلم ماهو الغدر الذي حصل لكِ ومن خلال كلامك في ردودك المختلفة واضح حبك له وتعلقك به ومسامحتك له لذلك ... جربي أختي وأرسلي بإستعدادك للوجوع له من أجله ومن أجل إبنكم .. وأنتِ لست خسرانة فإما سيوافق وإما سيرفض .. والفائدة أنك بعدها على وضوح من أمرك بعدم إنتظار أمل رجوعه في حالة عدم موافقته .. وإن شاء الله أن إرسالك للرسالة لن يمس كرامتك بشئ والله أعلم |
رد: هل ارسل لطليقي رساله
كيف ننصح من قلب ونحن مانعرف قصة طلاقك ؟
|
رد: هل ارسل لطليقي رساله
استخيري قبل إرسال الرساله الله يفرج همك ويصلح زوجك
|
رد: هل ارسل لطليقي رساله
ليش ماتتواصلين مع ام زوجك وجدة ولدك وتسألين عن أحوالها وعن عماته يمكن أمه تخليه يرجعك
قال تعالى( " ولا تنسوا الفضل بينكم ") |
رد: هل ارسل لطليقي رساله
لا يا أختي لاترسلين له ..
أذكر حاولتي الإصلاح وركبتي السيارة لما أخذ ابنك وقالك انزلي .. ومافيه أي بادرة ندم أو محاولة رجوع صدرت منه.. معليش صبر شهور وتنسينه ولا صبر العمر كله بهالإهانة والهجران والله يعوضك يارب بالقريب العاجل باللي يصونك وبهتم بك وبولدك |
رد: هل ارسل لطليقي رساله
قال تعالى : (( الصلح خير ))
|
رد: هل ارسل لطليقي رساله
استخيري
لكن انتي واجهتيه وركبتي سيارته ورش الي صار هل تتوقعين رساله وحده بتاثر عليه |
رد: هل ارسل لطليقي رساله
اختي الكريمه
لازم تعرفين شي ان درجة القبول والتسامح مختلفه من انسان عن انسان اخر يعني ممكن انتي تقدرين تسامحين وتعيشين سعيده وتنسين اللي حصل بعد تعديل اخطاءك وطليقك يعدل من نفسه ويتوب والاخوان والاخوات اللي نصحوك انك ماترجعين برضو معهم حق لانهم يشوفون ان الخيانه ماتغتفر يعني لاتحددين رجوعك من عدمه بكلام احد انتي شوفي نفسك اذا عندك استعداد تنسين وهذا شرط مهم وتبدين صفحه جديده معه جميل اقولك ارسلي له وتوكلي على الله واذا انتي تشوفين انك ماتقدرين تنسين اللي حصل فـ ريحي نفسك وريحي طليقك وولدك من المشاكل ومصير الايام تنسيك حبه بس انا من وجهة نظري انك تعطين نفسك الفرصه الكافيه عشان تقررين بشكل صحيح وبدون اي تأثير من اي احد |
رد: هل ارسل لطليقي رساله
اقتباس:
|
رد: هل ارسل لطليقي رساله
اذا عندك استعداد وقبول انك تتعايشين وتشوفيه انك يخونك
ارسلي له... |
رد: هل ارسل لطليقي رساله
ام الغالي الله يخليه لك يارب
كنت مثلك اقول والله مستحيل اعيش مع غيره ماتعرفي وشلون كنت اعشق هالانسان والى اي درجه وصلت من حبي له كان يرجع اول سنوات زواجي من عشيقته قبل مايتزوج الثانيه كان يرجع من عند عشيقته ويتحمم عندي وعليه علامات برقبته وصدره كان هالشي اشوفة قدامي وكنت ساكته اقول يمكن يتعدل بيوم ولا اخسره وش صار بعدها تزوج وسكت وظلم عيالي وسكت تزوج الثالثه وحاولت اتعايش وبالنهايه صار يهددني اخذ قرض يسدد ديونه اللي ع طليقته.. قمة الاستهتار فيني لانو انا رضيت ع نفسي فشي طبيعي هو بيعمل فيني كذا... وشو استفدت من حبي الا ضياع شبابي واثنين انا اللحين الام والاب لهم.... ليه بترجعي لحياه باهته شو بيحدك؟؟ لاتقولي عشان ولدك ولدك حيعيش ان شالله وبيجي يوم ينساه مو اكثر من اولادي اللي كانوا يبكوا ويسألوا عنه وهلكوني اسأله ليه وليه؟؟ ... مع الايام نسيوه والله ماصاروا حتى يذكروه واذا جاء واخذهم.يروحواا ويرجعوا عادي جدا الحمدلله عايشين... ولد واحد والحياه قدامك... تفائلي بالخير بيعوضك ربي .. لاتهيني حالك وارضي بمكتوبك واذا ربي اراد رجوعك وكان رجوعك فيه خير حيجيك بإذن لله من نفسو وكله ندم وشوق لك... الصبر يااختي والدعاء وبإذن لله ربي ماراح يخيبك... |
رد: هل ارسل لطليقي رساله
اقتباس:
رد في الصميم ............ |
رد: هل ارسل لطليقي رساله
ام الغالي وجهه نظرها واضحه من زمان
تريد الصلح والعوده ومتعايشه مع الوضع لكن هو هل يرغب باصلاح الامور كذا مره يردها هل نفستها ستتحمل صده من جديد الله يكتب لك الخيره |
رد: هل ارسل لطليقي رساله
ياليت كان سبب انفصالي خيانة و فقط
لكن اللي اقدر انصحك فيه استخيري قبل كل شي و خذي وقتك وانتِ ادرى بمقدرتك على العفو |
رد: هل ارسل لطليقي رساله
اول شي استخيري
وبعدين اتصلي لاتدزين رساله الصوت افضل مليون مره من الرساله المكتوبه اذا رد معناته عنده قبول وتدربي على ماترغبين بقوله اذا ما رد على الاتصال ، ممكن تعتذرين بعدين (برساله) ان الاطفال يلعبون بالهاتف والاتصال خطأ، وحفظتي كرامتكِ |
رد: هل ارسل لطليقي رساله
برد عليك وانا ما اجامل في ردودي
كثير من رجال يغلطون ويندمون ليش الفضايح وتلقينك علمتي اهلك وفضحتي فيه قدام الكل غير السب الي ارسلتيه له طبيعي يهجرك ويكرهك الحرمه العاقله تمسك لسانها وتستر على زوجها وتحاول تأدبه بطريقتها وفي نفس الشي تنصحه وتحتويه عشان مايرجع لغلطه تعرفين بنات ---- كثير مايتركون الرجال في حاله ويخربون البيوت احتمال وحده لفت عقله في ذيك الفتره وصار يروح لها وفي المقابل انتي ماقصرتي حطيتي هدومه عند باب الشارع غير السب والعامله السيئه والصد والحين جايه--- ابي ارجع له صدقيني كل مافكر يرجع لك تذكر سبك والفضايح الي سويتيها له الرجال ماينقهر ويموت حسره الا لما يخسر زوجه كانت محبه وخدموه وكاتمه الاسراره ويدور رجعتها ورضاها ادري كلامي صادم افضل ما ازين لك العبارات بدون فائده ما انكر هو غلط وانتي طينتيها وخسرتي بيتك وزوجك وطلعتي بفضايح اذا مازلتي تبينه وحاسه بتأنيب الضمير جربي ارسلي رسايل جس نبض كلمات حانيه بدون مبالغه مع السلام والسؤال عن الاحوال ...حتى لو مارد دوري اي حجه مثل تحججي بولدك اذا رد عليك راح تفهمين من رده اذا مازال في قلبه غلا وود لك او لا وخلي ولدك ينقل له رغبتك في الرجوع بدون ماتلقنين الولد وش يقول خليها بطرقت العفويه وقبل اي شي استخير الله قبل الاقدام على اي شي ...موفقه |
رد: هل ارسل لطليقي رساله
مهو عيب ولا حرام انك ترغبين في الرجوع الي طليقك وتسعين لهذا الامر وانسي موضوع الكرامه انتي تسعين في الستر والحلال والشيطان يردك ويوسوس لك وين كرامتك
ولو انه امر حرام كان زينه الشيطان في عقلك وسهل كل السبل له . ..موفقه |
رد: هل ارسل لطليقي رساله
ارسلي من كلامك تحبيه وعندك رغبة للروجوع وكذلك لاتنسي بينكم ولد يستحق التضحية حتى يعيش بينكم
الله يوفقكم يارب . |
رد: هل ارسل لطليقي رساله
على كلام الأغلبيه
وعلى رغبتي وإحساسي أرسلت له رساله وللأسف ما رد وادري انه من أبسط حقوقه عدم الرد لاني طليقته وماطلقني الا اكيد انه بايع وعايف والحمدلله على كل حال وقدر الله وماشاء فعل واسأل الله أن ينزع حبه من قلبي ويرزقني حبه وحب من يحبه وردا على الأخت نواره بالعكس انا احب اللي ينصح بصراحه وحتى لو كانت جارحه وكلامك عين العقل ولكن انا واجهته بغدره لي وكانت ردة فعله الصمت بوقتها ماقدرت اتماسك أعصابي وقهري وجرحي وصدمتي فيه وخاصه انه ردة فعله كانت غير مناسبه لكبر جرمه بحقي اقل شي كنت اتمناه منه انه يعتذر او يمسكني او اقل شي يبرر لي لو حتى بالكذب وانا صراحه من غير تفكير فضحته فقط عند امه واخته على اساس انهم ستره وغطاه وعلى اساس يوقفون بصفي وينصحونه ويوجهونه وادري غلطت ولكن انا اعترفت وندمت وحاولت نصلح ونبدأ وحاولت مره ومرتين وثلاث وأربع والاخيرة الحين ومع اني علمت اهله هالشي مايساوي ولاشي قدام فعلته فيني ولكن سبحان الله إرادة الله فوق كل شي والحمدلله على كل حال |
رد: هل ارسل لطليقي رساله مستجدات الرد24
على العموم انتي حاولتي وان شاء الله لك الاجر لأنك بهذه المحاولة كنتي لهدف مصلحة الابناء
|
رد: هل ارسل لطليقي رساله مستجدات الرد24
نحنو لانعلم عن نوع طعنتة لك ونوع
الفضيحة الي فضحتية عند امة وختة على قولتك وايضا نص الرسالة الموجهة له ولكن محاولتك وعدم ردة تحسم الامور موفقة يارب |
رد: هل ارسل لطليقي رساله مستجدات الرد24
اختي ام الغالي..
اول مشاركة لك في هذا المنتدى كانت عن طليقك ومافعله بك.. طلبتي حذف الموضوع.. وانحذف بطريقة ما.. اتمنى ان ترجعي تنزليه حتى تتضح الصورة. حسب ما اتذكر وقتها لم تلومي نفسك، بل حطيتي كل الحق عليه، قلتي خانك واستمر فيها وماهمه حالتك، وانتي تميتي تراضينه وتددليلنه رغم انه عايفك، وقلتي طلقك فجأة -اذا لم تخني الذاكرة- وتمينيتي يرجعك وخليتي اخر يوم قبل انتهاء العدة وخليتيه يلتقي فيك ، كان بالسيارة، قلتي ماعطاك وجه وكان معك ابنك، وحسب ما اتذكر طاح كرت مكتوب باسم حبيبته او ورد او مدري شنو ما اتذكر التفاصيل كان بدك ترجعو وحاولتي بكل مافيك، وبالاخير طلب منك تنزلي بالغصب وتاخذي ابنك معك.. ونزلتوا وراح.. واتذكر قلتلك "الي يساوي كذا امام ابنه ايش تستني منه".. كنتي تقولي قلبك محروق لانك ماقصرتي معه. ورغم خيانته انتي تتقربي وتحملتي كل شي ولا غلطتي .. وبهذا الموضوع تقولي انا السبب وردات فعلي كان ما تحتمل وسبيت وفضحت ومن هذا القبيل.. يمكن انا غلطانة بس هذا الي اتذكره من موضوعك هنا وبتمنى الاشراف ينزله.. |
رد: هل ارسل لطليقي رساله مستجدات الرد24
اقتباس:
الموضوعين فيهما اختلاف بعض الشيء |
رد: هل ارسل لطليقي رساله مستجدات الرد24
ما كنت اؤيد ارسال الرساله بس ماحبيت ابدي رايي كونك راغبه جدا بهذا الشي ..
اذا كان موقفك وانت معه بالسياره باخر يوم من العده ابلغ واقوى أثر ولا حركت فيه ساكن فهل بتأثر عليه رساله؟!! اعلمي ان طلاقك منه خير وهو اللي اختاره لك رب العالمين وش الخيره في البقاء مع خائن قد يجلب لك المرض لا سمح الله ؟ الله سبحانه ذكر الزانيه للزاني ..الخبيثون للخبيثات ...غيرة على انتهاك محارم الله لاترجعي له غضبا لله وانتصار لانتهاك حرمته لا ترجعي له .. الله يريد لك الخير فلا تحزني لا تغتمي لان الله اختار لك الخيار الافضل فارفعي راسك للخالق وقولي يارب ارزقني السعاده والراحه اسالي الله ان يزيل حبك لهذا الرجل ويبدله تعلقا به سبحانه |
رد: هل ارسل لطليقي رساله مستجدات الرد24
موفقه ياصاحبة الموضوع ولا تتحسفين على شي
لو ما ارسلتي له بتضل الفكره براسك ابي ارسل له لعله خير ويحرك فيه شي مع الايام ويرد عليك اهم شي لا تنتظرين الرد الانتظار قاتل اعتبري كلامك مثل الطعم الي ترمينه للسمك في السناره والرازق الله وانشغلي بولدك ونفسك لهم عليك حق موفقه سيدتي |
رد: هل ارسل لطليقي رساله مستجدات الرد24
مساء الخير على الجميع
تخيلو وبعد تقريبا 8ايام من ارسالي للرساله وطبعا قراها ولا رد ارسل اليوم وعليكم السلام ياأم فلان الله يكتب اللي فيه الخير لنا إن شاءالله وارسل بعدها على طول اني ابي امر فلان اللي هو ولدي الحين انا مدري وش مقصده من رسالته اولا ونعم بالله وهو اللي بيده سبحانه كل شي بس الواحد المفروض يسعى صح والا لا؟!!! مو يحط رجل على رجل ويقول الله يكتب اللي فيه الخير وهو حتى ماسعى ولا سوى اي شي يعني الغلط وجاني منه والطلاق وهو اللي طلق والرجعه وانا اللي بادرت فيها وش افهم من رده؟!! ماادري يا انه يبي يخليني على امل لان عارف وواثق بحبه بقلبي ولا يبيني اتزوج عشان اربي ولدي او يبي يشوف وضعه اذا نفع واذا مانفع قال فيه اللي جالسه تنتظر خليني ارجعها انا ماادري وش المقصد من رده والله لو مارد عندي افضل الحين احس احترت هو يبيني صدق والا يتلاعب فيني ومره اقول يمكن رد عشان خايف اني امنعه من ولده مع اني مستحيل اسويها انا ماادري ليش مايقولها بصريح العباره افقديً الامل مني دايم فعقلي احط له اعذار ممكن اللي فيه سحر ممكن منجرح من ردة فعلي ممكن و ممكن جد والله تعبت قهرني قهر مايعلم فيه الا الله وفوق هذا كله جالسه احاول اتناسى فعلته او بالأصح افعاله القبيحه عشان نرجع لبعض واجيب لولدي اخوان عالاقل يكونون من نفس الاب حتى لو كان ردي لأن اساسا بزماننا هذا وعلى اللي اشوفه اغلب الرجال مامنهم فود اسم زوج وشكل اب قدام عياله بس يظل وجود الاب للأولاد استقرار داخلي لهم حتى لو مامنه فايده ولاحد يجي ويقولي غير هالكلام انا شايفه هالشي بعيني على ولدي الله يحفظه لي مافي شي بالدنيا الا ووفرته له ماشاءالله ولكن يظل 24ساعه يسأل عن ابوه وليه وليه وليه هذا وهو طفل اجل كيف اذا كبر ومعروف الولد كل مايكبر يحتاج لرجل واخوان الام مهما كانو كويسين بس بيظلون مشغولين بدنياهم محد فاضي لأحد بهالزمن الحين وش افهم من رده تتوقعون يبيني؟ بس لو فعلا يبيني وش راده مايجي يكلم اخواني واذا مايبيني ليش يرد ويخليني على امل حسبي الله ونعم الوكيل على كل انسان يتلاعب بمشاعر انسانه طاهره ونظيفه ومااخذ منها الا كل خير |
رد: هل ارسل لطليقي رساله مستجدات الرد24
عزيزتي ما تلاعب بمشاعرك
رده واضح جداً ، إنه ( شوفي حياتك خلاص ) .. و الله يكتب لك الخير |
رد: هل ارسل لطليقي رساله مستجدات الرد24
اقتباس:
الله يكتب اللي فيه خير لنا معناتها كِذا متأكده |
رد: هل ارسل لطليقي رساله مستجدات الرد24
صحيح انه الصلح خير
وانه ما فيه كرامة بين الزوجين لكن في حالتك اختي ارى انك عملتي الي عليك وزيادة ورغبتك للرجوع والاصلاح واضحة لزوجك وضوح الشمس ولو بدو يرجع ما فيه شيء يمنعه فثقلي نفسك شوي ولا تخليه ينفر منك وادعي الله ان يفرج عليك ويخلفك خيرا ثم ارى والله لعلم انك تمري بحالة اكتءاب لانه كل شوي منزلة موضوع يدور حول نفس المشكلة لا الومك اكيد انه بدك تفضفضي وتخرجي الي بخاطرك ليش ما تزوري طبيبة نفسية يمكن تساعدك على تجاوز هذه الازمة |
رد: هل ارسل لطليقي رساله مستجدات الرد24
يا اختي لااعلم عن قصتك مع هذ الرجل
ربما امر بسيط وعظمتية ولكن قدر الله ماشاء فعل ردة فية تذبذب بين القبول ورفض وشكلة متعمد يخليك في حيرة وانصحك بعدم الرد لا رسالة ولا مكالمة سويتي الي عليك وتوفيق من عند ربي والصغير لة ربآ يحفظة لاتخافين علية وعسى الله يوفقك ويرزقك على قد نيتك للاصلاح ولم الشمل |
رد: هل ارسل لطليقي رساله مستجدات الرد24
اقتباس:
وبخصوص الثقل انا من اول ماطلعت من عدتي قطعت نفسي عنه نهائيا لاني خرجت من ذمته فقط هالرساله اللي ارسلتها له وكل مراسلتنا فقط تدور حول خصوصيات الولد وبكل رسميه لان الان بالنسبه لي فقط اب لولدي ومستحيل بسوي شي يغضب الله لأن الان يعتبر رجل غريب علي وليس من محارمي وبخصوص الدكتوره النفسيه لاهو عيب ولاحرام بالعكس شي جميل ولكن انا غير مقتنعه فيهم نهائيا لأن عندي رب العالمين هو الوحيد القادر على كل شي وهو اللي بيده سبحانه الراحه والسكينه والعلاج و الدكاتره النفسيين الاغلبيه يمرضون بدال مايعالجون وصح اللي مريت فيه صدمه بالنسبه لي ومستحيل بقدر اتخطاها بسهوله والحمدلله لو ربي مايحبني مابتلاني بهالشي واسأل الله العلي العظيم انه يحتسبني من الصابرين ويعظم اجري على كل اللي جاني منه ومريت فيه والأكتئاب اسأل الله ان يشفي كل مريض مبتلى به بس الحمدلله من فضل ربي انا موظفه ومتفوقه بعملي ماشاءالله تبارك الله وقايمه بكل واجبات ولدي واحاول قد مااقدر اجعله من المتفوقين ماشاءالله والله يقدرني ويساعدني على هالشيء ولكن مايمنع كأنسانه عاشت سنين مع رجل وعشقته وحبته وانصدمت وانجرحت منه ان تمر بأوقات ضعف وحنين وشوق لهذا الرجل اتوقع هذا الطبيعي والشخص المكتئب هو اللي تكون نظرته للحياه سوداء ولافيه اي تطورات بحياته ولا عنده اهداف ولا طموحات وانا الحمدلله من فضل ربي بعيده كل البعد عن هالنظره وراضيه بقضاء الله وقدره واحمده واشكره على كل ماكتبه واختاره لي واكتب بهالمنتدى عشان افرغ الطاقات السلبية اللي فيني وافضفض لغرباء منها ارتاح ومنها شوي شوي يطيب جرحي بأذن الله |
رد: هل ارسل لطليقي رساله مستجدات الرد24
الله يقويك ويزيدك من فضله
وتذكري قوله تعالى وعسى ان تكرهوا شيءا وهو خير لكم وعسى ان تحبوا شيءا وهو شر لكم والله يعلم وانتم لا تعلمون |
رد: هل ارسل لطليقي رساله مستجدات الرد24
اقتباس:
ونِعمَ بالله ❤ هو الأرحم بعباده |
رد: هل ارسل لطليقي رساله مستجدات الرد24
اقتباس:
وفعلا انا مستحيل افكر ارجع ارسل له اي شي خلاص كِل الأشياء اللي بيدي اسويها سويتها فقط بيكون تواصلي معه بخصوص وولده وانا اريد وهو يريد والله يفعل مايُريد ومقصدي من كتابتي لردي السابق كِنت ابي اعرف بس وش مقصده من رده فقط لاغير |
رد: هل ارسل لطليقي رساله مستجدات الرد24
كلامه - في نظري - غامض يحتمل الامرين ..
قد يعني تخبطه ، مفاجأته من رسالتك ، تفكيره في الامر ..... تريثي ، و اسالي الله ان يحقق مبتغاك بما قدمته من اسباب ان كان في الامر خير لكما . |
| الساعة الآن 10:51 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©