|
استشارة بخصوص الراتب المناسب للزواج
السلام عليكم ورحمة الله وبركاته ..
أسعد الله أوقاتكم بكل خير الموضوع باين من عنوانه :d سلمكم الله أنا موظف والحمد لله أموري تمام وراتبي كويس ، استلم 7500 عملي بمدينة الرياض ولكن أنا من خارج الرياض . معاي سيارة جديدة مهديني إياها الوالد الله يطول بعمره dff والحمد لله ماعندي أي قروض راتبي ينزل كامل الحمد لله :cool: الزبدة : لي فترة وانا افكر إني ادور لي بنت الحلال اللي تكمل نصف ديني وتسعدن :ocgg لكن اللي مشغل بالي ومقلقن هو المصاريف واحس ان راتبي مو مكفيني لو تزوجت rfegr الوالد سبق وناقشته بالموضوع وقال لك من عندي 100 الف للمهر وكل التكاليف الباقية فرضاً قلنا المهر 50 الف بيبقى 50 الف مأدري أشتري بها اثاث ولا هدايا للعروس وأهلها ولا تكاليف شهر العسل من سفر وهدايا ولا إيجار للشقة fgfg ( حالياً ساكن بشقه عبارة عن غرفة وحدة ومطبخ ودورة مياة بحكم إني عزوبي وإيجارها 12000 سنوي ) خلونا من التكاليف اللي تدفع مرة وحدة .. أنا كل همي وقلقي بهالراتب يكفيننا ولو جانا طفل مثلاً بعد سنه سنتين بتزود المصاريف :eek::16: اللي يمر على الموضوع أبوس راسه يرد علي ويعطين رأيه .. لكن أبغى كلام واقعي ماأبي كلام عاطفي وإذا جاء الصدق توهقت nhg وربي يرزق كل عزوبي الزوجة اللي تسعد حياته .. fgnfffsg |
رد: استشارة بخصوص الراتب المناسب للزواج
وعليكم السلام ورحمة الله وبركاته
ماشاء الله تبارك الله اسأل أن يرزقك ببنت الحلال اللي تسعدك ... أخوي الزواج بحد ذاته باب رزق يفتحه الله لك .. وترددك وتفكيرك في مدى كفاية الراتب للإلتزامات في الحياة الزوجية رائع ويوضح رجاحة عقلك وأنك رجل غير عشوائي .. عزيزي بما أن والدك أطال الله في عمره وحفظه لكم من كل مكروه قدم هذا الدعم السخي والمبلغ يغطي كامل تكاليف الزواج من مهر وتأثيث وخلافه وراتبك ينزل لك صافي بدون قروض .. فراتبك يكفي إن شاء الله ويزود بعد ... الأسعار في كل شئ في نزول ... وأما بخصوص الابناء مستقبلا وزيادة المصاريف أكيد راتبك لن يبقى مثل ماهو هناك تعديلات وزيادة سنويه ... أعقلها وتوكل ... الله يكتب لك الخير ويوفقك في اختيار الزوجه الصالحه .. |
رد: استشارة بخصوص الراتب المناسب للزواج
وعليكم السلام ورحمة الله وبركآته
الله يسعدك ويرزقك زوجة صالحة هينة لينة ودود ولود وجهها حسن ومنطوقها حسن وعشرتها طيبه fffsg < حب راس ابوك الله يبيض وجهه ويعز شانه ونعم الأب ماقصر وانت توكل ع الله والرزق يتوسع من فضل ربي بس اختار زين البنت والبيت اللي تاخذ منه لايكونون طماعين او متطلبين او او والمهم تكون شهادة البنت جامعية عشان لو مستقبلاً حبيتو تزيدون الدخل يكون فيه مجال انها تتوظف وبالتوفيق |
رد: استشارة بخصوص الراتب المناسب للزواج
و عليكم السلام و رحمة الله
ماشاء الله، ربي يخلي لك الوالد و يطول بعمره المبلغ مفروض يغطي تكاليف الزواج اذا اهل البنت ما طالبوك بمهر غالي و عندنا مو شرط تاثيث الشقة يكون كامل يكفي غرفة النوم و الصالة و الزوجة تساعد بشغلات المطبخ. راتبك اكيد ما رح يبقى ثابت و انت كمان لازم تكون وسط في مصاريفك اكل المطاعم كل يوم و المولات كلها تاثر و يعتمد اذا تخطب موظفة او لا اهم شي الاعتدال، لا تصرف اكثر من مدخولك و لا تقتر على اهلك و اسال الله البركة كم مال كثير قليل بركة و كم من مال قليل كثير البركة و الله يرزقك الزوجة الصالحة اللي تقر عينك و تقر عينها |
رد: استشارة بخصوص الراتب المناسب للزواج
الله يوفقك مع بنت الحلال اللي تسعدك
بخصوص سؤالك يكفي والا لا اعتقد يكفي ان شاء الله حاليا انا وزوجي و3اطفال دخلنا الشهري من غير القروض والاقساط فوق دخلك حبتين والحمدلله مستوانا المعيشي طيب بفضل الله اما ال100الف بتكفي وزيادة الحين العوائل اتجهوا للزواجات البسيطة مع سفرة الاهالي تفهموا انه موضوع السفر مرتبط بمدى تكاليف الزواج واعتقد مع الوضع الاقتصادي الحالي الكل راح يتجه للترشيد.. وبخصوص الاطفال مااتوقع راتبك ثابت مدى الحياة وبيكفيك لحد الطفل الثالث بعد الثالث راح تحتاج زيادة ع ال8الف في ظل الاسعار الحالية.. حصن نفسك وتوكل على الله |
رد: استشارة بخصوص الراتب المناسب للزواج
مايهم كم راتبك لو 3000 ريال لو حسبتها صح بتمشي امورك
المهر عادة 25 الف لا تسوي الفرح في قاعة خليه عائلي بسيط في البيت بيكلفك حدود عشرة الاف ريال شهر العسل خليه داخل مدينتك ولا تبالغ فيه بيكلفك 5000 ريال اذا ما كان عندك او عند اهلك سكن ملك استأجر شقة من غرفتين ايجار كل ستة شهور حدود 10000 ريال نقول تأثيت البيت خمسة الاف اذا الزواج ما راح تزيد تكلفته عن 50 الف ريال بالتوفيق |
رد: استشارة بخصوص الراتب المناسب للزواج
اقتباس:
اقتباس:
اقتباس:
اقتباس:
اقتباس:
|
رد: استشارة بخصوص الراتب المناسب للزواج
انا اشوف الراتب تمام للزواج وحاول التوفير وتمشي الامور
فيه متزوجين ورواتبهم أقل تمشي الحياه لا تعقدها راتبك حلو جدااااااااا |
رد: استشارة بخصوص الراتب المناسب للزواج
اذا زواجك في الرياض
الزواح المتوسط (يعني لا تبذير ولا بخل) يكلفك ١٥٠,٠٠٠ ريال تقريبا شامل كل شيء من الشوفه الى الشهر الثاني (بعد العسل) تفصيلها: ٥٠,٠٠٠ مهر بالذهب ٥٠,٠٠٠ تأثيث واجار شقه ٥,٠٠٠ هدايا ومتفرقات ٥,٠٠٠ شبكه ٢٠,٠٠٠ زواج عائلي ٢٠,٠٠٠ شهر عسل في ماليزيا عشر ايام ١٠,٠٠٠ تختفي ماتدري وين ""::: بعد الزواج راتبك مناسب جدا ماشاء الله واذا ماعليك قروض راح تقدر تجمع وممكن تقسمه مبدئيا: ٢٠٠٠ الى ٣٠٠٠ اجار شقه حسب الحي ١٠٠٠ مصروفك (بنزين حلاقه ملابس ...) ١٠٠٠ مصروف زوجتك (سواء تعطيها او تخليه ععندك كميزانيه) ١٥٠٠ مقاضي وتمشيات ٥٠٠ طوارئ (مستشفى - صيانة سياره - عانية زواج - ...) واحرص على الصدقه عشان تنظم مصاريفك وتعرف وين تروح الفلوس حمل برنامج (مصاريف) وسجل كل يوم مصاريفك البرنامج ممتاز وسهل وفيه دوره ممتاز اسمها (ريالي : الوعي المالي) ممكن تشوفها على اليوتيوب واهم شي اهم شي اهم شي اختيار البنت الصالحه الطيبه المتفهمه لو اخطأت الاختيار بتجيك وحده تحوسك ماديا ونفسيا وصحيا لو تاخذ عشرين دوره ولو راتبك عشرين الف بتحوسك يعني بتحوسك yjy مع تمنياتي لك بالتوفيق والسعاده |
رد: استشارة بخصوص الراتب المناسب للزواج
اقتباس:
|
رد: استشارة بخصوص الراتب المناسب للزواج
كيف 150 الف مرة كثير
الحرمة تشتري مهرة من ذهبها ليش تدفع 50000 وليش تأثيت وايجار شقة انت بتجيب حرمة بعيالها انت نفرين فقط شقة من غرفتين تكيفكم وما يحتاج تأثيت كبير احتياجات بسيطة والهدايا ليش 5000 ريال جبلها ورد وزهور وساعة ومن الامور ابو عشرة ريال او 15 ريال انا الا اعرف الشبكة دائما على اهل البنت الرجال مو مسؤول عنها بس يمكن عندكم في الرياض الامر مختلف الحفل العائلي خلي مقتصر على اهل البنت واهلك ذبيحة ذبيحتين مايكلفك 5000 او من 5000 الى 10000 كأقصى حد وكمان خلي السياحة داخلية ادعم بلدك بدل ما فلوسك تروح للخارج |
رد: استشارة بخصوص الراتب المناسب للزواج
الله يوفقك ببنت الحلال
انا اشوف انه راتبك بيكفي ان شاء الله خصوصاً ان والدك حفظه الله رح يدعمك وعلى فكرة بنك التسليف يعطي قرض زواج بدون فوائد لمن راتبه أقل من 10 آلاف وانت يا اخي اسأل الله البركة فالبركة اهم من الكثرة وبالنسبة للمهر فالمتوسط 50 ألف +طقم ذهب وانت انظر لمن حولك وطريقة اهلك ولكن لا تكلف نفسك فوق طاقتها وحفل الزواج يكون رجال فقط اذا ارادوا نساء يقيموه أهل العروس طبعا هذا كله يرجع لطبعهم وكثير من أهل الرياض كذا زواج النساء على اهل البنت واحيانا حتى يتكفلون بتكاليف الزواج كاملة ولكن لابد من المشاركة وبالنسبة للتأثيث تحرى وقت الخصومات والتأثيث اعمل حسابك في حدود 50 الف لانه بتأثث مطبخ (والمطابخ بأجهزتها تكلف) وغرفة نوم وجلسه لا تكثر غرف لو احتجتوا اثثوا بعدين والسفر لو ميزانيتك تسمح وانت راغب فيه او اقل شيء عمره واسبوع في دول الخليج والله يوفقك واعقلها وتوكل ولا تنسى الاستخارة |
رد: استشارة بخصوص الراتب المناسب للزواج
الاخ السيد المهندس
على حد علمي أنت لست متزوج فمالك خبرة في مصاريف الزواج وماودي انك تعطي الاخ تصور خاطىء عن الواقع طبعاً بالتأكيد مصاريف الزواج تختلف من منطقة لمنطقة وتحكمها العادات والتقاليد اذكر احدى صديقاتي تقول لي بنات قبيلتنا مهورهم 100 ألف |
رد: استشارة بخصوص الراتب المناسب للزواج
اخوي راتبك قد يكون جيد .. ماعندي علم عن ظروف المعيشه عندكم ..
ولكن تأكد ان البركه بالراتب هي أهم من المبلغ اللي تستلمه سواء كان كثير او قليل .. قبل ان تقبل على الزواج وحتى على الفكره .. كيف كانت امور توفيرك ..يعني كيف كنت توفر ؟ عندك مبلغ في البنك ؟ او انت من النوع اللي يصرف راتبه بالكامل ؟ ضع نصب عينك ان الزوجه تجي ويجي رزقها معاها .. ولكن هذا مو معناته انك تتزوج وتتواكل .. لازم تخطط لكل خطوه تخطوها للامام .. قبل الزواج على اقل قليل المفروض تكون توفر نص راتبك .. وبعد الزواج على اقل قليل وفر 30 بالميه من الراتب هذا المبلغ يكون للازمات وللظروف الطارئه ابدا ما تقرب منه لشراء الكماليات وغيرها اذا مشيت على هذه الخطه التوفيريه امورك راح تكون في السليم باذن الله .. طبعا الجزء الاكبر من مصاريف الزواج شالها عندك الوالد جزاه الله خير واطال في عمره .. وانت مابقى عليك الا القليل .. لذلك .. نقول مبرووك مقدما .. |
رد: استشارة بخصوص الراتب المناسب للزواج
الاخ السيد المهندس
من وين جبت التكاليف الي كتبتها !!! |
رد: استشارة بخصوص الراتب المناسب للزواج
الله يرزقك بالزوجه الصالحه المتفهمه الي تسعدك وتسعدها ..
راتبك مو سيء توكل على الله وتزوج لكن الموضوع يعتمد على طريقة صرفك للراتب + الزوجه الي تقدر زوجها ولو تكون موضفه مرا ممتاز لكن اقولك كثير ماشاء الله تزوجو بنفس راتبك اعرف شخص يقربلي راتو نفس راتبك ومتزوج وعنده ولد وزوجته بتشتغل وماشاء الله عايشين ومبسوطين ولله الحمد وكانت تكاليف الفرح على امه ماشاء الله الف مبروك مقدما 😊 |
رد: استشارة بخصوص الراتب المناسب للزواج
اقتباس:
ليش الزواج لازم يكون يكلف فوق الخمسين علشان يصير زواج والحريم كثير قد حبات الرمل والي مايناسبها نشوف غيرها اكثرهن بركة ايسرهن مؤنة |
رد: استشارة بخصوص الراتب المناسب للزواج
حبيبي
على حسب صرفيتك هل أنت حكيم وعندك تدبير ؟ أو كيفما اتفق ؟ |
| الساعة الآن 11:11 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©