|
محتار بين الاقدام على الخطبة او التريث قليلا
السلام عليكم ورحمة الله وبركاته
حبيت اخذ رأيكم لاني متردد بصراحه انا خطبت ثنتين وشفتهم شوفه شرعيه وماارتحت لهم وماصار نصيب المهم انا اموري ضبطت ولله الحمد واللي اول كنت ابي اتزوج عشانه واللي هم العيال الحمدلله الموضوع انحل جبت شغاله ولله الحمد ريحتني من كل شي بخصوص الاولاد وجبت لهم مدرس خصوصي يجي يعطيهم دروس ويذاكر لهم والوضع ممتاز ولله الحمد وتقريبا انا مرتاح حاليا وحاس اني حر ولا ناقصني اي شي ومرتاح جداً جداً وحتى عملي تغيرت للافضل واسلوب حياتي تغير للافضل ونفسيتي فرق شاسع عن لما كنت متزوج المهم ان الوضع بهذا الشكل عاجبني حيل المهم اللي استجد ان فيه عروس جديده عن طريق اخوي وهي من قبائل نجد المعروفه ولكن جنسيتها سوريه البنت واخوي كلمهم وموافقين وابد كل شي اوك طبعا فيه اجراءات طويله ولكن موضوعها هين ان شاءالله طبعا انا ماطلبت من اخوي ولكن هو شايل همي هو واخواني وخواتي الباقين وقالي تعال شوفها يمكن تعجبك وانا متردد وماني متحمس على الزواج بصراحه مثل اول ولي يومين وانا افكر بالموضوع انا مرتاح كذا وبنفس الوقت ساعات اقول يمكن هذا العوض اللي الله كاتبه لي بعد طول صبري مدري وش اسوي تم تعديل العنوان ليتناسب مع المضمون |
رد: ابي رأيكم
،
مادام ضبطت امور اولادك ومرتاح ونفسيتك تمام ليشش مستعجل ؟! ليش متاخذ فترة تصفي ذهنك من المشاكل اللي فاتت ؟ علشان بعدها تقدر تفكر وتاخذ القرار الصحيح ؟ فكر قبل القدوم على اي خطوه علشان ماتغلط نفس غلطاتك الاولى .. . ارجوك ثم ارجوك انته لاولادك لاتعتمد على الشغاله فانت تعرف الان الشغالات لانثق بهم استودعهم الله في كل وقت .. الله يحفظهم ويكون في عونهم . |
رد: ابي رأيكم
كيف من قبايل نجد وسوريه ومو انت تقول العمل مايرضى تاخذ اجنبيه
الله يرزقك الزوجه الصالحه |
رد: ابي رأيكم
ماتجي نجديه وجنسيتها سوريه
مانصحك تتزوج الان حتى تضبط امورك هيئ نفسك لزواج وبعد عنك ترسبات زواجك الاول لاتولي عيالك الشغاله بدون مراقبه وانتبه انت النفسك منها ترا يتمسكنون حتى يتمكنون خاصه اذا البيت مافيه حرمه تضبطه واذا نويت الزواج خذها من بلدك حلات الثوب رقعته منه وفيه ماراح يفهمك ولايصبر على عيالك وبعرف طبايعك الا بنت بلدك واهم شي لاتكون صغيره واظفر بذات الدين قول رسولنا صل الله عليه وسلم |
رد: ابي رأيكم
رجع زوجتك الأولى وعفى الله عما سلف
|
رد: ابي رأيكم
اقتباس:
|
رد: ابي رأيكم
1- جميع الرجال يحتاجون إلى انثى حتى من وصلوا السبعين والثمانين
2- من سيأنسك في وحدتك بعد 15 سنة 3- اظن انك معتكف عن الزواج بسبب زواجك السابق واثر فيك نفسيا وفي عقلك الباطن الزواج يأتي بالصداع |
رد: ابي رأيكم
من ناحية دنيوية صرفة
بعض الجنسيات ستكون لهم صعوبات في السفر خارج الدولة والاقامة، وتريد تارة ان تذهب إلى اهلها في اماكن بعيدة عليك حساب السلبيات والايجابيات لهذه الفتاة |
رد: ابي رأيكم
اقتباس:
والنساء ايضا تحتاج زوج و لو بالسبعين او الثمانين وحدته يونسها الابناء والاحفاد .. وربما زوجه قريبه من عمره .. لن تكون الخادمه كالام و لا يدرى ماتفعل بهم في غيابه ولن تعوضهم عنها و مهما فعلت الزوجه تبقي ام .. وعفى الله عما سلف كم من زوجه صبرت على زوجها الخائن او سكير او مدمن او سيء خلق لاجل ابنائها .. فالاولى ان نفكر بمصلحة الابناء قبل رغبات انفسنا .. |
رد: ابي رأيكم
أخي الوحيد كثير من النصائب الي تصير بخياتنا هي بسببنا.. أخي لا تستعجل انت مرتاح حاليا خلاص خليك مرتاح وخذ وقتك الكااافي لتنسى كل هالدوانة الي توك طلعت منها إنت والأولاد..
اذا قلبك مو مطمن فخلاص لا تتزوج ايش بيصير يعني.. خليك من الافكار الي تضغط بيها على نفسك عشان تقتنع انو لازمك زوجة.. ما اختلفنا لازم زوجة بس في وقتها ولما انت تقبل عليها بكل مافيك وتختارها عن قناعها مو لشي ثاني.. الي اعرفه انو النساء الي يقبلون بسرعة بس عشان ما يعنسون او عشان كلام الناس اما انت رجل بكل ما يلزم الىجال ماشاء الله وعندك اولادك ليه العجلة بس.. انا مطلقة و معي ثلاثة وضليت اقنع نفسي اتزوج بس قلبي مو مرتاح اذا فات القطار خليه يفوت دام مافيه الي يملي العين والقلب بلاش أحسن.. اخي اعط اولادك من وقتك وصب اهتمامك عليهم في هالفترة الى ان تشعر انك مستعد لبدء حياة زوجية باذن الله.. ارجع لطريقة اختيارك وحياتك مع زوجتك الاولى والثانية وراجع نفسك هل كنت لين زيادة هل كنت تغمض عيونك عن الهفوات هل كنت تزعل نفسك عشان ترضيهم اذا هذا اسلوبك فاعمل على تغييره.. ابتدي بتغيير نفسك حتى تقدر تعيش مع زوجة جديدة في توازن وتتفادى خيبات الأمل من جديد.. هذي نصيحة عامة.. اذا ولابد روح شوف البنت بس بنظري الأحسن ماتخطو اي خطوة حاليا باتجاه الزواج وعلم اهلك بهذا الشي قلهم خلوني اصفي ذهني واعرف اعيش في استقرار بلاش مل نرة تشغلون بالي بفلانة وعلانة.. لانك كذا بثراحة عايش في قلق وتوتر.. مو قادر تستانس 100% بأيامك لانهم كل مرة يجيبو طاري الزواج ويبدا مخك يشتغل و يضرب حسابات.. اتزوج او اصبر اخذ فلانة او فلانة اخي عبش ايامك وصفي ذهنك سكرو هالموضوع.. |
رد: ابي رأيكم
أخوي الوحيد
أولادك في سن خطرة ، و بيدخلوا سن المراهقة .. و مهما كانت الشغالة طيبة ( لكن نحن بشر ) .. و أبغى أحكي لك حكايه ، عشان تنتبه برضو لأولادك .. و لو تركب كاميرات بيكون أفضل : - هناك شغالة كبير بالعمر .. أغوت طفل عمره 14 سنة ، حتى حملت منه و تزوجته زواج عرفي بدون علم أهله .. و أهله لما عرفوا .. غطوا عالموضوع و سفروها و أعطوها فلوس و خلوا ولدهم يطلقها .. - هو كمل دراسته و تخرج و تزوج .. و رجعت الشغالة و معاها ولدها و كل الأوراق الي تثبت إنه هذا ولد فلان .. طبعاً الجد ( أبو الولد الي كان عمره 14 سنة ) .. دخل المستشفى .. - هي جات و عاشت جنب بيتهم عشان تحطهم أمام الأمر الواقع ، بإنه هذا حفيدكم و لقبه و اسم أبوه يثبت الشي هذا #. الفكرة .. إنك لا تتطمن حتى لو الشغالة معاهم .. إنت كنت حريص انك تتزوج وحدة من بنت البلد ، و تخاف على أولادك مثل أولادها .. فكيف بوحدة جاية من بيئة فقيرة و تعليم متدني و ما تعرف ايش عندها من أفكار و معتقدات .. . . و بخصوص المدرس الخصوصي .. برضو هناك قصص كثيرة ، تحرش فيها المعلم الخصوصي على الأولاد بغياب أهاليهم .. . . لا تتطمن على اولادك و هما مع الشغالة ، أو المدرس الخصوصي .. راحتهم ، أهم من راحتك .. و بخصوص الزواج .. انت ناقصك وجع راس و تمشي خلف اجراءات الموافقة على الزواج و مستعد يكون عندك أطفال و جدهم غير سعودي ؟ |
رد: ابي رأيكم
اقتباس:
صح راقب الشغاله واولادك الشغالات مصايبهم كثير واستودعتك الله |
رد: محتار بين الاقدام على الخطبة او التريث قل
شوفها وبعدين استخير
|
رد: محتار بين الاقدام على الخطبة او التريث قل
ما رديت على الاعضاء كيف من قبايل نجد وسورية!!!!!!!!
ما اؤيد زواجك منها ارتاح لمدة سنه ثم تز ج من بنات بلدك اريح لك من جميع النواحي |
رد: محتار بين الاقدام على الخطبة او التريث قل
الحمدلله على صلاح احوالك اخي الكريم الوحيد والله يديم نعمه عليك وعلى اولادك
برأيي متل ما اشار الاخ ابو البنات انك تروح تشوفها ومش رح تخسر شي ما دام في نظرة شرعية ممكن يحصل متل اللي صار مع قبلها وما ترتاح وممكن العكس الحكي شي والنظرة شي تاني اسأل الله ان يرزقك الزوجة الصالحة لك ولاولادك احترامي |
رد: ابي رأيكم
اقتباس:
قد تكون على نفس الشاكلة |
رد: ابي رأيكم
اقتباس:
لان تركيزي صار بس على اولادي وعملي ونفسي فقط مافيه مشاكل ولا وجع راس |
رد: ابي رأيكم
اقتباس:
صحيح العمل ممنوع الزواج من غير سعوديه ولكن فيه استثناءات والشروط المطلوبه تنطبق علي |
رد: ابي رأيكم
اقتباس:
وبعض القبائل شيوخها موجودين خارج السعوديه |
رد: ابي رأيكم
اقتباس:
هذا اللي لايمكن يصير ابدا ان شاءالله |
رد: ابي رأيكم
اقتباس:
انا كذا مرتاح بدون وجع راس اما عن موضوع السفر اللي تفضلت فيه هي مقيمه في الرياض هي واهلها |
رد: ابي رأيكم
اقتباس:
امهم بالنسبه لي ماتت والخادمه ممكن ماتقدر تعوضهم عن امهم ولكن بالنسبه لي هي افضل من امهم بمراحل على الاقل انها انسانه |
رد: ابي رأيكم
اقتباس:
انا حاليا امر باجمل فتره بحياتي من زمان ماحسيت بهالراحه اللي انا فيها اللهم لك الحمد والشكر ولكن مثل ماقلت لكم في الموضوع ساعات اقول يمكن الله مرسلها لي عشان تعوضني عن كل اللي شفته |
رد: محتار بين الاقدام على الخطبة او التريث قل
ملاحظه بامرر الزواج غيرك يحركونك
اخوي هذا يخصك ليه مره اخوك يخطب لك ومره اختك ومره صديقك يعرض اخته عليك ليمتى تجامل بامور الزواج الي يقولون رجع طليقتك اعتقد طلاقهم بائن |
رد: ابي رأيكم
اقتباس:
واما العيال اختي انا معلمهم وحريص من اللي تفضلتي فيه من صغرهم علمتهم ان فيه اماكن بالجسم ممنوع احد يلمسها ويقولون لي كل شي يصير معهم والشغاله محدد لها اللي تسويه يعني انا اللي اروشهم بنفسي واللبسهم ومااتركهم الا اذا رحت للعمل بس واتصل عليهم كل شوي اتطمن عليهم ويتصلون ويقولون لي كل شي بالتفصيل يصير معهم والمدرس انسان متدين جدا وبرضو يجي وانا موجود واجلس عندهم احيانا وكل شوي ادخل اشوفهم واتطمن عليهم وش اسوي يااختي مافيه بديل عنهم |
رد: محتار بين الاقدام على الخطبة او التريث قل
اقتباس:
|
رد: محتار بين الاقدام على الخطبة او التريث قل
اقتباس:
طبعا ماعم ولكن هذا السائد هاليومين حتى فيه وحده خطبتها وقال ابوها تجيب شغاله بنتي ماراح تكون مكان الشغاله ولاهي مكلفه ان عيالك يجون من المدارس ويحصلون غداهم جاهز انا وقتها فعلا عندي شغاله بس هو مايدري ولكن لما سمعت كلمته قمت على طول وقلت اجل مالنا نصيب عندك |
رد: محتار بين الاقدام على الخطبة او التريث قل
اقتباس:
قلت اشوفها وبعدها لكل حادث حديث |
رد: ابي رأيكم
اقتباس:
ملك المغرب نفسه من الحجاز |
رد: محتار بين الاقدام على الخطبة او التريث قل
النظرة الشرعية هي من تحدد يمكن ترتاح او تنسحب
الله يعوض صبرك خير |
رد: محتار بين الاقدام على الخطبة او التريث قل
لاحظت ان ماعندك دافع قوي للعرس بس على قولة اجرب واشوفها !
الزواج بالذات اذا مافيه دافع قوي له لاتقرره وخصوصا انك مرتاح اللحين وتمر بأحمل فترات حياتك يعني لنفسك عليك حق ياخي خذ فترة استجم مع نفسك خلها استرخاء وترويق وصفاء ذهني مو لازم تدخل على طول في معمعات ثانيه اما بخصوص الجنسيه مو مهم اجدادها وش يرجعون ! المهم هي نفسها الآن كيف ؟ نفس عاداتنا وتقاليدنا وأعرافنا نفس تكافؤ البيئة و و و وبعدين مو شرط عشانهم مايتشرطون اللحين ويشترون الرجال انها بتصير رائعه معك ومع عيالك بعدين ؟؟؟؟ يمكن بعد العرس تتغير الشخصيات بتحصل في البلد مطلقات وأرامل وبنات من ببيوت محترمة تحطك وتحط عيالك في عينها |
رد: محتار بين الاقدام على الخطبة او التريث قل
اخوي
تمر بأحلى ايام حياتك .. لا تكون لا سمح الله هل متواصل مع الحرمه هذيك ! مجرد فضول و كويس انك مهتم في اولادك و حريص عليهم و مافيها شي لو رحت للنظره الشرعيه يمكن ترتاح لها. ؟ |
رد: محتار بين الاقدام على الخطبة او التريث قل
ما فهمت .. كيف مم قبايل نجد المعروووووفه !! وجنسيتها سوريه ؟؟
أجل الفكره قليلا واستمتع برااحتك .. وشوف ايضااا غيرها |
رد: محتار بين الاقدام على الخطبة او التريث قل
والله انا من رأيي توكل على الله وتزوج
ومن بعض ردودك ومواضيعك أحسك فعلا محتاج تتزوج وأفضل لك ولعيالك الزواج اسأل الله ان يسخر لك الزوجه الصالحه مع تحفظي طبعا بخصوص اختلاف الجنسيه ولكن أفضل لو تتزوج من بلدك ونفس عاداتك وتقاليدك وبخصوص انه بنات هاليومين ماتتحمل تربي عيال زوجها أولا أطفال وتؤجر إن شاءالله إذا أحسنت إليهم وثانيا عيال زوجها لابد بيكونون مثل عيالها فكيف ماتقدر تتحمل مسؤليتهم!! وماشاءالله يعجبني فيك أصرارك على حرصك وأهتمامك بعيالك حتى بأختيار الزوجه والله نادر الرجال اللي كِذا جعل ربي يسخرك لهم وتشوفهم بأعلى المناصب ويسخر لك الزوجه إللي تخاف الله فيك وفي عيالك ودائما وكل أمرك إلى الله هو القادر على أن يسهل جميع أمورك |
رد: محتار بين الاقدام على الخطبة او التريث قل
مازلت اشوفك متسرع وتمشي بخطوات الزواج ودائما هالخطوات ماتكون انت من سعى فيها
يا اخوك يا صديقك هو اللي يحفزك ثم ماينقرص إلا أنت وعيالك والزواج من غير بلدك له اضراره وسبق قلت لك بتلقى من ترفض عيالك ومن ترضى بشروط ومن تقول لك بحطهم بعيوني جبت خدامة هذا شي طيب غسيل الملابس وترتيب البيت وهذا شي طيب مدرس خصوصي ليه ؟ والله ماتحتاجه اتذكر بداية انفصالي عن أم عيالي تعبت مع الاولاد - اروشهم - واطبخ لهم - وادرسهم -وانومهم إلى درجة اني قربت احس بلحظة بنفجر استقرت الأمور ونظمت حياتي وقررت اتزوج ولقيت بنت الحلال مااخفي عليك أمور كثيرة تجهلها عن الاولاد وماتسويها واتضايق بس اتذكر ان مالها ذنب ولا عندها خبرة واعذرها وأمور كثيرة تسويها بعفوية مع عيالي تطلعها بعيني فوق النجوم واشكرها بطريقتي بكل الاحوال اقترح ان تأجل الموضوع إلى أن تقرر انت من نفسك انك تبي تتزوج بدون الفزعات والمجاملات اخوك بوقت ماانت متبهذل بعيالك مابين فجأه همه مصلحتك ولقى لك زوجة اسف لا اقصد الاهانه للعلاقة الأخوية لكن اجعل القرار قرارك وبوقتك انت ولا تسمع لا لمدح اخوك ولا اختك ولا صديقك اسمع منها هي وقت النظرة واطرح الأسئلة الذكية عن حياتكم بعد الزواج وبوجود أبنائك آخر نصيحه للي بيتزوج من زوجة ماعندها اطفال ستغار من اهتمامك الزائد باطفالك وتشتكي الإهمال فاصبر معها فهي لم تجرب الأمومة بعد |
رد: محتار بين الاقدام على الخطبة او التريث قل
الله يكتب لك الي فيه الخير
الله بيعوضك عن كل لحظة قهر وتعب مريت فيها لاكن اصبر والحمدلله ان امورك بدأت تزين ورتبت امورك الله يرزقك الزوجة الي تعيش معها احلا سنين عمرك وتكون حنونه على عيالك وتخاف الله فيهم لاكن عندي سؤال هل اولادك يزورون امهم ولاتنازلت عنهم ؟ |
رد: محتار بين الاقدام على الخطبة او التريث قل
يوم انك مرتاح لهذي الدرجة ليش مستعجل؟!
تريث تريث تريث!!! اخوي مثل ماقالت مبتعثة انت قاعد تعيد غلط زواجك الثاني احد يدفك على عروسة وتقدم على الزواج لمجرد انها متوفرة! اللي تقول لك مالي دخل بعيالك اهون بمليون مرة من اللي تقول بحطهم بعيوني وتفجعك مثل مافجعتك طليقتك! ولاحقا حتى لو ماتم اللي تبيه من ناحية عيالك كرعاية واهتمام لكنها ما اذتهم.. ماتقدر تحاسب لانها مش امهم اولا واخيرا.. اختار لك زوجة تناسبك "خطين تحت تناسبك" خلوقة ومحترمة بالدرجة الاولى.. عشان اذا ما عملت لعيالك اللي انت تتمناه.. بالقليل ماتاذيهم وكثر الله خيرها |
رد: محتار بين الاقدام على الخطبة او التريث قل
اقتباس:
ولكن نظام الزواج هو كذا يعني مافيه مجال ان الواحد هو يختار اللي يبي يتزوجها بنفسه مثل البلدان الثانيه فـ يكون الزواج عن طريق الاهل او احد يذكر لي بنت معينه هو يعرفهم اما المجامله ابدا مااجامل انا شفت كذا وحده ولما مااعجبتني ماجاملت انسحبت |
رد: محتار بين الاقدام على الخطبة او التريث قل
اقتباس:
قلت يمكن اذا شفتها تتغير حساباتي كلها واذا مااعجبتني ماني خسران شي |
رد: محتار بين الاقدام على الخطبة او التريث قل
انت منت خسران لكن البنت تتاثر نفسيتها
كذا وحده شفت وانسحبت ؟؟؟ يعنى ايش الشوفه الشرعية مو كدا ماتشوفها الا ان غلب على ظنك انك بتتزوجها الله يكتب لك الخيره المباركه |
| الساعة الآن 03:47 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©