|
كم نفقة الولد ؟
السلام عليكم ورحمة الله
انا انتهت عدتي لكن طليقي ماخلص صك الطلاق كلمت اخوي يتصل فيه ويطلب منه يخلصه اتصل فيه وقال الاسبوع الجاي اخلصه انا بصراحة نيتي ابي الصك عشان ارفع عليه قضية نفقه انا عندي طفل لسى عمره 6 شهور فترة العدة ابوه يحول له 500 ريال شهريا بصراحة انا اشوفها ماتكفيه يعني البامبرز والحليب تقريبا 350 شهريا هذا غير متطلبات كثيرة احيانا اضطر أودية مستشفى خاص او اغراض من الصيدلية تعرفون الأطفال ومستلزماتهم غير الملابس اللي ما عمري شريت من 500 شي لانها ماتغطي .. جاء الشتاء والبيبي اصلا ناقصه اشياء كثيرة ( اهلي مايقصرون بس استححي مرره والله ماودي اخذ منهم له يكفي انا ومصروفي ) المهم امي تقول لا ترفعين قضية ولا شي انتي ماتستحين 500 تكفي ولدك والقاضي ماراح يحكم لك ب اكثر بالعكس يمكن تنقص رحت ابحث بالنت قريت ان النفقة ع حسب وضع الاب المادي أبوه راتبه بحدود 10 الاف بيته ملك ماعنده اجار بس عليه اقساط وعنده حلال أبل يشتغل فيها هو مره راتبه يروح ع الابل ف انا اشوف ولده احق من --- عموما اللي يقدر يفيدني كم نفقة الولد ؟ ارفع قضية ولا اسمع كلام امي ؟ |
رد: كم نفقة الولد ؟
اول شي يكلم ابو الولد مره ومرتين واذا مانفع هذيك الساعه روحي اشتكي
اما عن مبلغ النفقه فـ يختلف على حسب الراتب والدخل والمصاريف والديون ولكن بصراحه 500 اشوفها مناسبه |
رد: كم نفقة الولد ؟
انا طليقتي احول لها مصرف العيال 5 الاف ريال وموفر لها سكن وسياره وفوق هذا رافعه علي 4 قضايا الله يهديها ويكفيني شر من فيه شر...!
|
رد: كم نفقة الولد ؟
اقتباس:
والقضية انا ابي المصروف ينزل دايركت ويكون اكثر من هالمبلغ لان ابوه مايرسله ع طول وايضاً المبلغ مايسوي شي وهو ملزوم يصرف على ولده |
رد: كم نفقة الولد ؟
المفروض الاب يتكفل بالحليب وحفظات الولد بحيث يشتري لولده مايكفيه حق شهر شهرين ، ويمشي ال 500 ريال كما هي شهرياً عبر استقطاع او اونلاين بالهاتف النقال هذا المفروض الي يحصل ، اشوف انك تكلمونه يزيد المبلغ ل 700 ريال او يتكفل بحليب الولد
|
رد: كم نفقة الولد ؟
كان الله في عونك ....
ارى ان تجتهدي في هذه الحياة و تبحثي عن عمل ...! لم و لن تكتمل الحياة لاحد ! |
رد: كم نفقة الولد ؟
بدل ما انتي تسعين للمحاكم والشكاوي وطلايب
خلي اخوك يكلمة لصلح فصلح خير لك ولة وللولد ودائما في قضايا الطلاق المراة هي الخاسر الاكبر والضحايا هم الابناء طبعا اذا استثنينا صاحب المخدارات والخيانات والضرب المتكرر وتارك الصلاة والاصرار على ذلك مع المناصحة هنا انا مع المرأة بطلاق لانها اسباب قوية لاتجعل الحياة الزوجية مستقرة غير ذلك كلها خرابيط وكرامة حريم على غير سنع |
رد: كم نفقة الولد ؟
اقتباس:
|
رد: كم نفقة الولد ؟
اقتباس:
|
رد: كم نفقة الولد ؟
اقتباس:
بس ماادري تتصل الحين ولا بعد مايرسل صك الطلاق؟ امممم وفية مشكلة ثانية اخواني اثنين الكبير مره مشغول وبارد نوعا ما يعني لما اقول كلمة يرسل اغراضي يجلس اسبوعين مااتصل ينسى ويقول ماعليك اجيب لك غيرهم او يتصل ويتكلم عادي جدا اخوي الثاني يقول مستحيل اكلمه لاني لو كلمته بتهاوش معاه خلي فلان يكلمة يقصد اخوي الكبير البارد .. افكر امي هي اللي تكلمة امي افضل منهم كلهم واحد حار بزيادة والثاني بارد .. فيها شي لو امي هي اللي تكلمة عن المصروف؟ |
رد: كم نفقة الولد ؟
اقتباس:
|
رد: كم نفقة الولد ؟
اقتباس:
اسأل الله لك الوفيق اقتباس:
معك حق ! و لكن ابحثي عن حل سلمي كمحاولة اولية ، هذا هو رأي الاعضاء قبلي ! |
رد: كم نفقة الولد ؟
اقتباس:
عموما خلاص ناوية اخلي اهلي يكلمونه بالبداية لكن مادري اخلي اخوي ولا امي ؟ شايفة ان امي افضل من اخوي |
رد: كم نفقة الولد ؟
شوفي اختي.. لاتتوقعي تطلعي نفقة تريحك في المعيشة.. والا كان شفتي كثير من النسوان مطلقات.. ايش الي يخلي كثير من النسوان تتحمل الذل والهوان في بيت الزوج غير الصعوبات المادية مابعد الطلاق؟ فلا تتوقعي نفقة كبيرة هذا هو الواقع.. الرجل يطلق ويبدى من جديد وماعليه شي والمرأة تشيل هم الاولاد وكأنها ولدتهم لحالها.. الله المستعان.
حاولي بطريقة ودية يزيد النفقة.. ومادام راح تتخرجي قريب فاصبري وقريبا ان شاء الله تتوظفي وتعتمدي على نفسك. |
رد: كم نفقة الولد ؟
اقتباس:
ولكن قصدي الموضوع يكون بالتدريج يعني كلموا ابوه مره ومرتين وثلاث واذا رفض او ماطل هذيك االساعه ارفعي قضيه وخوذي حق الولد في المحاكم ولكن ان توك مخلصه العده وجالسه تنتظرين الصك عشان على طول تشتكين !! اختي الله يهديك لاتدخلين العناد بينكم دام ان فيه مجال لحل الموضوع ودي |
رد: كم نفقة الولد ؟
اقتباس:
فكرت بالمحكمة لان كنت اشوف انه اعدل من اننا نناقش ونساوم على نفقه الولد سالفة زيادة المصروف مابي فلوس انا لو ارتاح من الحليب والبامبرز انا بخير |
رد: كم نفقة الولد ؟
اقتباس:
|
رد: كم نفقة الولد ؟
مشاعر
كيف علاقتك مع امه او اخواته اذا لك علاقة طيبة معهن اتصلي على واحدة منهن و خبريها ان المصروف لا يكفي و الولد يكبر و تزيد مصاريفه معه و لو ابوه يشيل الحليب و الحفاظات رح يكفي المبلغ خلي الدعوة اخر حل اذا ما استجاب ذيك الساعه اشتكي عليه |
رد: كم نفقة الولد ؟
اقتباس:
خلاص انا شلت موضوع المحكمة من راسي بنكلمة ودي لكن متى الوقت المناسب ؟ بعد الصك ولا الآن بصراحة حاليا الولد عنده حليب ل ثلاث ايام بالكثير والصرافة فاضية اخذ من اهلي وامشي الشهر هذا او نتصل فيه ؟ |
رد: كم نفقة الولد ؟
اقتباس:
ترى من حق الولد عليك انك ترضعينه |
رد: كم نفقة الولد ؟
اقتباس:
ما اعرف عن عاداتكم بس وش فيها ذا انتي ارسلتي له رسالة و خبرتيه ان مصروفه لا يكفي احتياجات ولده و انتي ما فيك تطلبي من امك الارملة و لا انتي موظفة حتى يشيل يده على مصروف ابنه . ارسلي رسالة رسمية و اذا سالك جاوبي جواب مختصر هذا ابنك و انتي اعلم باحتياجاته و هو الشئ اللي يجمعك بابوه لاخر يوم بعمرك |
رد: كم نفقة الولد ؟
اقتباس:
ليش الانفعال بجد مدري وين استخفيت بسؤالك او اتهمتك بشي. قلتي يبعث 500 شهريا وودك تروحي للمحكمة قلتلك لاتستني المحكمة تعطيك اكثر للأسف هذا حال المطلقات (وانا منهم). |
رد: كم نفقة الولد ؟
اقتباس:
|
رد: كم نفقة الولد ؟
اقتباس:
اقول لك وش دخل الصك في حال اني كلمته قبل الصك اخاف يتفسر انه رغبة مني بالرجوع او اي تكهنات انا في غناء عنها لان باقي كم يوم وتنتهي العدة ف انتظرها تنتهي ويخلص الصك ترى هالكلام مني انا لا عادات ولا شي لكن هذا تفكيري ماادري صح او غلط |
رد: كم نفقة الولد ؟
اقتباس:
|
رد: كم نفقة الولد ؟
اقتباس:
|
رد: كم نفقة الولد ؟
اقتباس:
اكرر كلامي انتي ما رح تكلميه عن غرض من اغراضك او شئ يخصك انتي و بس رح تكلميه عن ابنه و الكلام رح يكون رسمي و يتمحور حول ابنه حتى لو فسر كلامك رغبة بالرجوع ما فيها شئ و انتي بعدك بالعدة يعني زوجته الى ان تنتهي العدة و يصير غريب عليك . |
رد: كم نفقة الولد ؟
اقتباس:
|
رد: كم نفقة الولد ؟
اقتباس:
علية ,وانا قدمة الصلح على النفقة لأنه لو صلح الحال صلح كل شي حقيقة لا اعلم ولا اريد ان اعلم عن سبب الطلاق لأنه سبب خاص بك وكان هدفي السعي لصلح اكثر من رفع القضايا بالمحاكم وجعل الجروح تنزف بغزارة لازلت مصر اذا انها مشاكل عادية مستثنى منها المخدرات وترك الصلاة والعلاقات النسائية والضرب فانا انصحك بالمبدرة من طرف اخيك مع وضع شروط ملائمة لك وله وعسى الله يصلح حالكم, ارجو ان الصورة اتضحت |
رد: كم نفقة الولد ؟
اقتباس:
|
رد: كم نفقة الولد ؟
والله ليتني اقدر افيدك
بس مااعرف كم النفقه بالضبط ولكن اتوقع والله اعلم على حسب راتب الأب وراتبه ماشاءالله كثير ومن وجهة نظري اشوف انه 500 مره قليله ولاتكفي شي بهالزمن فأشوف انك ترسلين له مره و مرتين وشوفي وش ردة فعله ممكن ان شاءالله انه يزيدها لولده عالأقل لـ 1000 ريال والله يعينك يارب ويخلي لك ولدك |
رد: كم نفقة الولد ؟
اقتباس:
فعلا المبلغ بسيط وإن شاء الله ينحل الموضوع ودي |
رد: كم نفقة الولد ؟
فعلا ال 500 ما تكفي انا نفسك بنت عندي بس م يصرف عليها الا هال 500 اللي تجي بعد طلعه الروح
خلي امك تتفاهم معاه وشوفي وشبيقول توقع الله يكون متعاون معاكم |
رد: كم نفقة الولد ؟
اقتباس:
|
رد: كم نفقة الولد ؟
اقتباس:
ف انا احاول ازبط اوضاع بنتي مع نفقتها وضماني وماشيه انا هال 500يالله يرسلها وكلشهر يتاخر فما بالك لو قلت زد ههه حسبي الله كلمت محامي وقال تقدري ترفعي قضية زياده نفقه انتي خلي اول شيء الحل كلام واتفاق م بينكم وشوفي وش بيقول |
رد: كم نفقة الولد ؟
فعلا 500 ما تكفي .. نقول لو 1000 ريال بيكون الحال افضل قليلا
هو كم راتبه .. حل حالته الماديه تمام وتسمح انه يزيد مبلغ النفقه .. ؟ |
رد: كم نفقة الولد ؟
اقتباس:
|
رد: كم نفقة الولد ؟
اقتباس:
|
رد: كم نفقة الولد ؟
كلمت اخوي على اساس يكلم طليقي يزيد المصروف
قال لي اخوي انه سأل وقالو له ان اذا جاء يكتب صك الطلاق يسألة الشيخ عن عدد الأطفال و راتبه ويحدد الشيخ النفقة ويتم استقطاعها شهريا وقال لي ان هذا نظام جديد صاير من قريب (يقول خويي مطلق وهذا اللي حصل معاه ) احد عنده خلفية عن هالموضوع وهل هو صحيح ؟؟ من قلبي اتمنى يكون صحيح و نرتاح من الجدال يارب الشيخ يحدد مبلغ مناسب وعادل |
رد: كم نفقة الولد ؟
بنتي عمره سنه انفصلت عنه يوم كان عمرها شهرين ومن يوم طلاقي وهو ع ال 500 رافض يزيدها
شوفي الحلو ف استقطاع تكون نازله ف حسابك ف يوم معين من دون اي تاخير ولا شيء وهالاستقطاع م يتم الا لو صار فيه تاخير منه مو علطول |
| الساعة الآن 08:08 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©