|
تخاصمت مع زوجي والسبب رسالة امراة له-مستجد 28
السلام عليكم ورحمة الله وبركاته
في لي موضوع سابق في قسم الاستشارات اللي عليها المختصين بعنوان ماضي زوجي معذبني .. استجد امر بموضوعي وابي المشورة من أهل العقل والمشورة وقلت اطرحه هنا عشان استفيد من افكارك فلعلي أطلع بحل او اغير نظرتي للي اشوفه او يمكن اكون ظلمت زوجي بالامس أول الصباح وانا طالعة مع زوجي العمل فتح الواتس بالسيارة على طول لمحت اسم وحده باسم ام فلان هو لما شاف ان انا شفت المحادثة فتح على محادثة زميل له بالعمل وقام يركز في الرسالة رغم انها عادية بس انا ادري باله شرد وش بيبرر لي قلت له افتح الرسالة الاولى اللي من عند ام فلان قام فتحها وهو متضايق هي راسلة رسالة حق الصباح وبعدها رسالة ثانية فيه فيسات قُبل .. بهدوء سألته من هي قال معنا في العمل وكبيرة ومعها اولاد معاقين وهذا اللي يتزوج من قريب انا الحين مو محتاجة قصة حياتها بعدها قال اصلا هي ماجلست بالعمل ع طول انتقلت طيب كيف عرفت عن حياتها ببالي طبعا ادري قام يقط خيط وخيط بعدها قال تقاعدت وبعدها قال انتقلت هههههه اعرف من دوار البحر اللي صابه الله المستعان قلت طيب خير قال لا تخلي الشك يدخلك قلت لا عادي بس ليش الفيسات قال انا مستغرب ليش رسلت لي بوسات قال مابيني وبينها شي ولا بيني وبينها رسايل قلت له مافي حرمة تتجرأ وترسل إلا اذا احد مسوي لها سبب واكيد انك ماسح الرسايل طبعا هالشي تكمله للي شفته واللي حب يطلع بجيب الرابط عشان تفهموا مشكلتي لان كل مره اكتشف شي ويطلع مرتبط بالماضي الاسود تبعه للعلم ما مقصر معي بشي واحس بمحبته لكن اوفي له ولا احس بلقى وفا منه احس ماضيه متعبني المشكلة ما بطل عن الماضي انا الحين انتظر يفصح لي عن هالحرمة اكيد بتطلع مثل سابقاتها والمشكلة انهن متزوجات بعد ما رحت عملي قمت بحث عن الرقم طلعت اسمها وانها معلمة ومش في عملهم مثل ما قال لي رسلت له مشكور يافلان الحرمة كذا اسمها وهي معلمة وقلت بيصير خير باذن الله قام اتصل قال بترفعي ضغطي انتِ قلت لا تطمن بس استرح ماراح ارفع ضغطك قال هي اللي قالت لك انها معلمة طيب انا اتصلت فيها وسبيتها ومدري شو طيب هو كان يقول هالحرمة زينة لما كان يبرر كيف ممكن يتصل فيها ويسبها والله عجيب ! طبعا سالفة الاتصال بها وسبها استبعدتها قلت طيب خير انا مشغولة وقفلت بعد الدوام رحت معه للبيت وكل واحد منا ما يكلم الثاني وداني اليوم الدوام ولا نكلم بعض اللي فيني قهر مش غيره انا كيف بغيره يقول ولا بحصل وحده مثلك ماحد يسواك انا الحين بالثلث الاخير من الحمل ولما بولد ابروح بيت اهلي احس اشك فيه بعد بيجلس يلعب بذيله يعلم الله ان حاولت اغيره وفعلا تغير حتى اخواته يقولوا اهله يحترموني ولا يعرفوا عنه شي بس هالشي يتعبني هالشرار تاليه بيحرقنا وبيدمر اللي بيننا عايشة طول عمري معتمدة على نفسي ولا احتاج لاحد هل بوصل معه لطريق مسدود كل مره بكتشف شي ما اتحمل اعيد تفاصيل كلامه عن ماضيه ان عمل الفاحشة اخاف يزين له الشيطان مره ويرجع في غيابي لهالشي انتظر الردود بارك الله فيكم المستجدات 28 http://www.66n.com/forums/showpost.p...9&postcount=28 |
رد: تخاصمت مع زوجي والسبب رسالة وحده له
|
رد: تخاصمت مع زوجي والسبب رسالة وحده له
مرحباً أختي
قرأت موضوعك السابق وللأسف ما أراه حسب وجهة نظري أن فيك سلبية كبيرة وعدم تقدير للتصريحات منذ بدايتها عندما كنتِ مملكة إنتهاءً إلى الآن .. وردات فعلك باردة جداً لذلك أرى أنك تتحملي جزء من التعب النفسي الذي تشعرين به مع زوجك بسماحك لأن يروي لكِ زوجك قصصه الغرامية إبتداءً من حبيبته القديمة والتي كان من المفترض أن تستخيري كثيراً وقتها وأنتِ على البر قبل الزواج .. إنتهاءً بالإعترافات المتوالية والتي أصبح زوجك يشعر بأنها مجرد رواية يرويها لك وليست مصيبة وكارثة يبلغك بها وستكون لكِ ردة فعل عنيفة تؤدبه على الأقل أن يعمل علاقات جديدة الحل : تكلمي معه بكل جدية وصرامة وهدديه بأنها إخر مرة وفرصة ستعطينها أياه .. فإن خاف الله وأعتدل وأبتعد عن كل سئ في حياته فبها ونعمت وإلا فلن سيرى وجهك مرة أخرى أعانك الله |
رد: تخاصمت مع زوجي والسبب رسالة وحده له
يااختي الله يهديك انتي بأسلوبك ذا تدفعين زوجك يكلم ..
انتي زوجته مو ابوه ولا امه مشان تراقبين وتحققين معاه ... كويس منو انو يضرب لزعلك حساب وسامح لك تحققين .. لاتوصلين لمرحله معاه يقولك مو شغلك اذا بتحسي بحبه ومو مقصر معاك حاولي تعالجي هالمشكله بطريقة صحيحه بعيد عن التحقيق .. |
رد: تخاصمت مع زوجي والسبب رسالة وحده له
ابغي اضيف نقطه لموضوعك اختي عشان ما تظلمين زوجك قبل لا تتأكدي ..
أنا من يومين تقريبا وحده في العمل مرسله لي رساله على الواتس اب تدعوني فيها لحفلة عيد ميلادها البنت عمري ما تكلمت معها ولا ادري من وين جابت رقمي .. في بنات عليهم حركات غريبه عجيبه .. !! اضفت هالنقطه عشان تتاكدين قبل تظلمين زوجك .. وللامانه ما اطلعت على موضوعك السابق .. |
رد: تخاصمت مع زوجي والسبب رسالة وحده له
كلام الرسمي صحيح يختي شلون هالبرود وردات الفعل السلبية !
ترى مو هذه الحكمة ،، عطيتيه ضوء أخضر وخليتيه على عينك ياتاجر ؟! كيف يتجرأ يسولفلك عن حب سابق وعلاقه قديمه !؟ كيف يتجرأ يسجل علاقاته بأسمائهن النسائيه وعادي حتى مافيه رادع خوف من انك تشوفين ؟! لا والأدهى كل علاقاته متزوجات بعد ؟! سوي فرمته لحياتك وردات فعلك وخذي موقف قوي وحازم لأن نوعيته ماراح يوقف اذا ماوقفتيه واصلا ليه يوقف وهو ماحس بالخوف والحرص وترى مو مراجل يجلس يسولفلك عن ماضيه المشرف الإنسان لازم يكون حشيم سواء رجل ولا إمرأه ! |
رد: تخاصمت مع زوجي والسبب رسالة وحده له
اقتباس:
نعم اتحمل جزء كبير من التعب النفسي لكن جلست معه اخر مرة وقلت له اخر فرصة لك وهالمرة ماراح اعديها له لكن اخي الكريم الرسمي عندما اعترف لي في الملكة قال هذه احببتها والسلام وهي من تتواصل معي بلا اعترف بوقوع الفاحشة من اي امرأة اخري لم اكلمه لمدة اسبوع وترجاني ان انسى كل شي ولم يعد يتواصل معها فقلت لربما غلطة لكن صدمت بعد الزواج بالقصص التي كان يرويها بعد ما اكتشف تواصل بالرسايل الله يعين |
رد: تخاصمت مع زوجي والسبب رسالة وحده له
اقتباس:
لكن يصادف اشوف الشي منه وبعدها على الزعل يعترف ويندم سؤالي ليه كذا تسوي ويرد ويفصل |
رد: تخاصمت مع زوجي والسبب رسالة وحده له
اقتباس:
انت ماتعرفها وهذي يعرف عنها من خلال كلامه يعني معقوله يعرف عن حياتها وهو يقول جلست شوي بالعمل وبعدها انتقلت شي غريب مواقفه ماتخليني اعديها |
رد: تخاصمت مع زوجي والسبب رسالة وحده له
اقتباس:
في اخر تهديدي له المرة الماضية قلت له راح اعلم امك واحطها بالصورة انا مو ماخذتك عشان اربيك واعلمك الصح من الغلط ضاق قلبي منك ولا هي مرجلة يحكي لي عن حياته السابقة ولا فتشت وراه قلت ماضيه اسود خلاص اقفل عليه حتى لما صار يحكي لي مواقف عادية في السنوات الماضية انا اتضايق اعرف ان هالسنوات صارت فيها بلاوي لا وبعد زعلان والله ما كلمته احس مع الايام بيروح قدره من قلبي |
رد: تخاصمت مع زوجي والسبب رسالة وحده له
ماينفع خصام فقط
زوجك يحتاج صدمة تخليه يفوق من غفلته كيف عاد هذا تحتاج تفكير جربي اسلوب المقاطعة والزعل معليش عندي كم سؤال هل زوجك وسيم ؟ هل يوجد اختلاط في عمله ؟ |
رد: تخاصمت مع زوجي والسبب رسالة وحده له
اقتباس:
ياليت القى طريقه تفوقه مشكلتي ما ابي احد يشوف زعلي منه خاصة اهلي او اهله وهو هالشي مريح باله لان ماودي يطلعوا على اي موضوع لكن بيوم بنفجر ناوية هالمرة ما اعديها بخير له مشكور اخوي |
رد: تخاصمت مع زوجي والسبب رسالة وحده له
مش وسيم عادي بالنسبة لي ويهتم بهندامه كثير ويحب يستشيرني في كل ملابسه وألوانهن وحتى بالعطور
عمله فيه نساء لكن منفصل لكن مايقدروا يعملوا الغلط لان في مكان حساس جدا يروح فيها لو سوا شي مخل قسم النساء منفصل عنهم الرجال لحال وهن لحال |
رد: تخاصمت مع زوجي والسبب رسالة وحده له
اقتباس:
ودي اقولك استمري عامليه ببرود, لكن ماظن تنفع مع شاكليته! لانه للاسف ممكن يلجأ للمحادثات! وانا مراح ادخل في النوايا, لكن هذا فقط تخمين! اظهري له كل مافيك ولا تستنين اي حدث جديد, فقط واجهيه حالا! ولا تسامحينه بسهوله, لانه سابقا اجزم واقسم, وهو الى الان على ماهو عليه! . |
رد: تخاصمت مع زوجي والسبب رسالة وحده له
اقتباس:
سؤالي له طيب وش تبي من ورا تواصلك مع هالحريم ؟ هل لهالدرجة فاضي ما معك شغل كان دايم يقولي ترا انا ما اطلع كله اجلس بالبيت طيب يابن الحلال مانت عندك ابو التواصل بجوالك يعني جالس معي كذا وروحك بعيد وكل مره جوالي يشوف رسم الفتح تبعه مامعي شي اخبيه هو قام اخذ جوال بالبصمة يعني ماراح تقدر للبصمة زوجتي بس يمسح مرات احس يتعمد يخليني اشوف الرسايل ان مامعه احد يرسل ومفي معه بنات يتواصل معهن نسيت نقطة لما قالي لو بيني وبينها كان سجلت اسمها باسم رجال ياسلام على المخ الله يسامحه بس جد ما قادرة اناقشه إلا من بعد اسبوع وانا ادري هو اللي راح يبدا ولا ودي اسمع له وودي اهدده احسه من تصرفاته يبي يضغط علي عشان اناقشه مثلا يرفض ياكل يروح يصلي بالمسجد ويرجع بسرعه كان دايما يقولي انقهر لما مابتسولفي معي احس بوحشه ماللبيت طعم انا اتغدا واتعشى بروحي بس مرتاحه ماعلي منه |
رد: تخاصمت مع زوجي والسبب رسالة وحده له
خيانته هو خيانه لربه وهو محاسب عليها
ليش تحرقين قلبك علي تصرفاته ومافي انسان مضمون اي واحد ممن يخطىء انصحك تدخلين له من جانب الدين اذا بغيتي تكلمينه وتأكدي ان الله لا يغير مابقوم حتي يغيرو مابأنفسهم اذا هو ما منع نفسه انتي وامواجتهك له ماراح تمنعه لان اللي مفروض يوقفه هو خوفه من رب العالمين مو انتي حتي لو تطلقتي وقلبتي عليه الدنيا |
رد: تخاصمت مع زوجي والسبب رسالة وحده له
تصرفاته تصرفات طفل
هذا اللي حسيته فريحي راسك ان كنتي منتي قد الطلاق |
رد: تخاصمت مع زوجي والسبب رسالة وحده له
أسلوب معالجتك للمشكلة من الأساس خطأ
مفروض من اول مرة كشفتيه كبرتي السالفه أما أسلوب مشاكلي ببيتي مش مع هالنوع من المشاكل هذي من أركان استقرار الحياة الزوجية ركن أساسي للزواج |
رد: تخاصمت مع زوجي والسبب رسالة وحده له
تصرفاته تصرفات طفل ويبي يرمي العتب علي المشكلة يقول لي مبررات غبية
اليوم جاء الدوام بآخر الدوام قال ما اتصلت بك فلانه اسمها مارديت عليه قال اصلا هي كانت متواصلة امس تبي تجيب لنا لحم جمل ااااااااه القهر قلت ما شاء الله وفعلا لما ركبت السيارة لقيت لحم ودي افهم هي بمنطقة تبعد عنا 300 كيلو حسب كلامه واليوم جايبه لحم يضحك على من لا يكون تشتغل بملحمه في السيارة يقول ليش ما اتصلتي بها الحين احد يفهمني وش فيه قام مايقول كلام يدخل العقل ياخي اعترف بلا أعذار مريضة صرت ما ارد عليه أبدا ساكته من وصلنا حطت العاملة الأكل وهو طلع بالغرفة وتأخر قلت للعاملة روحي له اذا يبي يتغدا قالت مايبي اكل تغديت وجلست مع بنتي تحت هو طلع العصر ورجع المغرب راح يصل العشاء ولما رجع حطينا العشاء قال ما ابي تعشيت وقلت للعاملة نزلي فراش في الغرفة اللي تحت من شافني انيم بنتي قال عفتي غرفتك قلت بنام تحت انا ناوية من قبل انقل لتحت بسبب وضعي الصحي وملازمتي للراحة وممنوعة من طلوع السلم وهو مايعرف لان من بدت المشكلة انا كنت ع موعد مع الدكتورة المهم قال ماله داعي تتركي بيتك انا طالع منه انا بدور لي مكان أنام فيه اخذ ملابسه وطلع |
رد: تخاصمت مع زوجي والسبب رسالة وحده له
نصيحة لك ،، لا تواجهينة الا وانت مجهزة ردة فعل قوية جدا ومرتبة امورك او لا تواجهينه من الاساس ،،
عرفتي انه يتواصل معها وعرفت اسم المراة ورحتي قلتي له انا كشفت كذبك ،، طيب وين ردك الفعل القوية ؟ ما فيه !! يعني تعطين زوجك الضوء الاخضر انه يستمر في علاقاته علاقاته يبدو انها ادمان او تعود من قبل الزواج ،، ماله علاقة حبه لك ،، كان فيه حيل كثيرة تستخدمينها لابعاد المراة عنه وبدون ما يعرف انك عرفتي ،، طالما ما تقدرين تتخذين موقف قوي ضده ،، فتغابي قدامه وسوي نفسك ما تعرفين عن شيء ،، |
رد: تخاصمت مع زوجي والسبب رسالة وحده له
اقتباس:
كيف كنت ببعد هالمرأة لان مستحيل افكر ان اتصل فيها احس اني تافهه بكل بساطة بتقول مابيني وبينه شي عادي انا ما افكر فيهن اهم شي هو يتغير ومن نفسه يبعد ويتغير للاحسن ولما علمته ان عرف هنا فعلا اتضح لي انه على علاقة بها والا ما كان بيثور وبيتضايق وبيقلبها علي وبيعطيني حجج واهية انا فاهمة شخصيته هو اهم شي معه ان لا ازعل وان يتظاهر ان ظلمته ويبي يغير فكرتي عنه بس بطريقة غلط خايف من ان اتخذ اي موقف ضده ويروح فيها هالمرة اختلف وضعي كنت اخذ واعطي حتى وان كنت زعلانه هو فكر ان مثل قبل هالمرة لا ارد على مسج ولا اكلمه ولا ابالي به هالشي يخليه يتعب ويغلي من داخله وبالنسبة لكتمان حياته السابقة ما اقدر اخلي احد يطلع عليها من باب الستر عليه لكن ان زاد الامر مافيني حيل لكن بيئتنا تقول الرجال شايل عيبه لاحد يلومه هو حر بنفسه وبعائلته اذكر زوجة اخوه تقول لي كل مازعلت على زوجي امي ترجعني تقول استري نفسك واجلسي ببيت زوجك لك اكل وشرب وخل الرجال يسوي اللي يبي هو حر في تصرفاته ردة الفعل هذي تقهرني امس بعد ما طلع من البيت رجع بعد ساعة ونصف فتحت الباب ودخلت عنه قال طيب يافلانه بيصير خير مارديت عليه |
رد: تخاصمت مع زوجي والسبب رسالة وحده له
ضيقي عليه الخناق حبيبتي ومابيرجع للعلاقات ان شاءالله..بكل مره تعرفي عن علاقه ازعلي وواجهيه واقرصي اذنه وخوفيه انك بتتركينه ...
|
رد: تخاصمت مع زوجي والسبب رسالة وحده له
اقتباس:
للاسف انتي معطيته كامل الاريحيه.... وش يعترف وش تنتظرين يقول؟؟ هو باقي شي عشان يعترف فيه؟ . |
رد: تخاصمت مع زوجي والسبب رسالة وحده له
اقتباس:
طيب اخوي انا ماعاد اكلمه وامس طلع من البيت ع اساس بينام برا بباله بنقهر ورجع من نفسه بعد ساعة ونصف قفلت ابواب البيت ودق الباب فتحت له ودخلت عنه ماقلت له شي وش الحل برايك ؟ هو كذا شخصيته مايعرف يكون ذكي فكل شي يقوله او بمعنى اصح اللي بقلبه يقوله في احيانا كثيرة ويعترف بصراحة مايخبي مدري اذا يعتبر الموضوع عادي هو يرسل من اول الصباح طبعا راح الدوام قبلي وصار يرسل لي مسجات وان ماراح يفرط فيني وانا مارديت بعدها قال بتغدا في الدوام عندهم وليمة قلت براحتك |
رد: تخاصمت مع زوجي والسبب رسالة وحده له
اقتباس:
|
رد: تخاصمت مع زوجي والسبب رسالة وحده له
اقتباس:
هو عايش الجو ولا كأنه صار شي, لانه مستمر يبلغك بأدق تفاصيل حياته وهذا مايدل انه على زعل او ضيق منك! او هو بالاخص مو عارف حدوده عشان كذا هو مو شايف مشكله صايره بينكم! اقترح تبلغينه بالاتي 1. لا يجيب طاري اي وحده على لسانه قدامك. وان حصل العكس العقاب انتي اعرَف, حدديه بنفسك! 2. خبريه انك الى الان زعلانه منه وراح تظلين زعلانه على كل افعاله السيئة واذا يريد يسترد الثقه اللي بينكم, يلغي البصمه او الرمز على جواله وتكوني على اطلاع في اي وقت, وانصح يكون حاظر ف كل مره تشوفين جواله, وليس من وراه. وايضا يفعل لك امور اخرى هو يقترحها عشان استرداد الثقه اللي بينكم, وفي حال قال اكلم احداهن وتسمعين الحوار او شي من هذا القبيل, قولي هذا الكلام مايمشي معي, وتواصلك مع اي وحده ممنوع منعاً باتاً, ولا راح اتصرف تصرف ثاني معك. 3. خبريه ان وجدتي اي دليل ملموس وصحيح على وجود تواصله مع اي امرأه, هنا انتي توقفين وقفه, ولا يهمك نظرة اللي حولك! . |
رد: تخاصمت مع زوجي والسبب رسالة وحده له
اقتباس:
بالنسبة للوقفة ناوية انهج نهج ثاني معه ولا بيهمني احد أشكرك من قلبي على الاضاءات اللي اثريتني فيهم بوركت |
رد: تخاصمت مع زوجي والسبب رسالة وحده له
المستجد في موضوعي
بعد مارجعت من العمل لقيته سابقني للبيت ظنيت راح يتغدا بس هون عن غدا العمل ورجع للبيت انتظرني من رجعت سلمت ودخلت الغرفة ولحقني قال شو فيك يافلانه مارديت عليه قلت تعبانة مالي خلق اتكلم قال لا انا ابيك تتكلمي المهم قلت الكلام معك ضايع قال جايب لك هدية قلت الهدية ما اطمع فيها هديتك لي انك تحافظ على استقرار مو محتاجة هدايا قال طيب اجلسي بنتفاهم قلت اسمع يافلان عديت لك كم مرة ولا تبت قال ظلمتيني واقسم بالله وبالمصحف ان مابينها وبينه علاقة وانها ارسلت له الفيسات بالخطأ وقال انا وعدتك سابقا ان ماراسل اي وحده او اقدمها عليك انت الاساس بحياتي ومستحيل افرط فيك وازعزع ثقتك فيني قلت لا تظن نسيت سواياك ولو اني ادري بسواياك قبل ماكنت وافقت اتزوجك سكت وشوف يافلان لا تظن ان ممكن اصبر على اي اهانة او ذل وانك تتواصل مع حريم من وراي وتظن ان ماراح اعرف ترا بعرف وبطين العيشة مو مستعدة اعيش التعب والحزن عشان نزواتك قال انا حافظنك في قلبي وما احد يسواك قلت اعطني جوالك وريني وش دارك بينك وبينها المهم مالقيت الا رسالته والفيسات ورسالة دينية ولقيت ان متصل فيها الصباح وعصب عليها وقال ليش ترسلي لي فيسات قالت بالغلط رجعت لسجل المكالمات مالقيت بينهم شي كلها مكالمات رجال وامه وخواته رحت للواتس فتحت كل المحادثات ما لقيت شي قلت له من بعد اليوم تشيل البصمة وخلاص قال ابشري قلت هالمرة ماراح تعدي بعد ببحث ورا هالحرمة ولو اكتشفت ان في شي ماراح يصير خير قال لو اكتشفتي اي شي من بعد اليوم سوي اللي يرضي قلبك فيني قال ندمت ان طلعت من البيت وتركتكم بس كنت متضايق ودي تكلميني بأي طريقة وندمان على الماضي كله وعلى اي وحده عرفتها وربي رزقني فيك قال اروح العمرة اضيع عمرتي عشان بنات ليش ؟! هذا اللي صار بينا امس الله يجعله قرة عين لي ويجعله قرة عين له |
رد: تخاصمت مع زوجي والسبب رسالة وحده له-مستجد
.
ماشاء الله تبارك الله, خبر جميل وحوار هادف, باين انه يبيك وهذي امسكيها في يدك بتكون سندك وهوا بيخاف انه يخسرك في كل شي يعمله لكن اهم شي تحذيرك يكون حاظر! والله يسخره لك ولا يبعد نظره عنك :d . |
رد: تخاصمت مع زوجي والسبب رسالة امراة له-مستج
السلام عليكم ,, اطلعت على موضوعك السابق والحالي ,, أسأل الله أن يربط على قلبك ,, ما زالَ قلبك لا يتوقّف عن الإصغاء لصوت ما تهشّمَ داخلك من أشياء سيصعبُ عليكَ ’’ ترميمها ’’ ,, ما زِلتُ أُحِسُّ أنَّكِ تُجامِلينَ نفسكِ ,, أعرِفُ أنَّهُ شُعورٌ مؤلَمٌ ,, خاصَّةً إذا لامسَ اليأسَ بعدّ عدةَ صدماتٍ أجبرت مشاعِرُكِ على التمُرُّغِ في ساحةِ التبُلّدِ ,, رِفقاً بِكِ ,, |
رد: تخاصمت مع زوجي والسبب رسالة وحده له-مستجد
اقتباس:
الله يسخره يا رب واستودع الله قلبه وسمعه وبصره وسائر وجوارحه |
رد: تخاصمت مع زوجي والسبب رسالة امراة له-مستج
اقتباس:
لعلها تهون بإذن الله عند حواري الأخير له أشعرته بحجم حزني وماسببه لي وأشعرته بأني لم انسى ما ذكره لي سابقا وعندما رآني أخنق عبراتي طأطأ رأسه ربما لأول مرة أرى منه شعوره بالندم على ماسببه لي وبأني لن أنسى ذلك اسأل الله أن يكن عند حسن ظني وان لا يخذلني ويكن أفضل مما أظن فيه شكرا لك |
رد: تخاصمت مع زوجي والسبب رسالة امراة له-مستج
أظن ان الموضوع إلى هنا أنتهى
يرجى اغلاقه وجزاكم الله خير الدنيا والآخرة على مشورتكم وعلى ما وضحتموه ما يعجبني في هذا المنتدى ولم اجده في غيره - حقيقة - هو الصراحة بلا مجاملة فيبينوا لك ما قد تجهله |
رد: تخاصمت مع زوجي والسبب رسالة امراة له-مستج
الحمدلله رب العالمين وان شاء الله يجمع بينكم بخير اتوقع انك من الامارات الله يعين قلوبكم يانساء الامارات ويصبركم انا الان ساكنه فيها لي كم شهر وشفت العجب الله يصلح الحال ....
|
رد: تخاصمت مع زوجي والسبب رسالة امراة له-مستج
اقتباس:
حسب ماتصفين أشوف أن زوجك يحبك كثير ومهتم فيك، لكن تحتاجي أن تصيري صارمة معه قليلاً، وخصوصاً أنه حريص عليك ومايبي يفقدك. الله يهديه ويبعده عن هالطريق. |
رد: تخاصمت مع زوجي والسبب رسالة امراة له-مستج
اقتباس:
|
| الساعة الآن 07:56 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©