|
أرغب بالزواج حتى أنسى طليقي
السلام عليكم ورحمة الله وبركاته
اعتبرو موضوعي هذا مجرد فضفضه لأَنِي أنسانه مااحب ابين ضعفي وانكساري لأحد وبما انكم مجهولين اخذ راحتي بالفضفضه سواء كنت على حق او خطأ انا وبدون مقدمات هالشهرين بدأت افكر ودي اتزوج عشان انسى طليقي للأسف وبعد كل اللي سواه فيني اعشقه عشق ودائما يجي فبالي واعامله بأفضل معامله بخصوص ولده ولو انه مايستاهل بس ارحمه للأسف وأحن عليه وأمنيتي ارجع له ولكن حسبي الله على من كان السبب وانا الان تقريبا بكمل سنه ولا احد جا وخطبني والحمدلله من فضل الله مواصفاتي زينه وموظفه وصغيره ماشاءالله تبارك الله بس استغرب انه معقوله ولا واحد ادري الرزق بيد الله وكل شي قسمه ونصيب ونعم بالله بس ربي قال اعملو بالأسباب بس ماادري وش اسوي انا اتمنى أحط كل مشاعري وأخلاصي اللي وهبتها لأنسان ماقدرها لزوجي المستقبلي ومهما كان انا انثى ولي مشاعر واحاسيس واتمنى واحد يحبني ويهتم فيني ولكن ابيه بالحلال وأحيانا اقول يمكن عشان عندي ولد الله يحفظه ويخليه لي محد يفكر يخطبني مع انه والله لويجيني واحد فيه كل المواصفات الزينه وشرطه انه مايبي ولدي راح ارفضه اكيد لأَنِي مستحيل ومهما كنت محتاجه لرجل بحياتي ماراح أفرط بولدي لو ايش يصير وانا من داخلي اتمنى يجيني مطلق والا أرمل ومعه عياله صغار واربيهم مع ولدي لأَنِي أحس مثل ماراح أعامل عياله بيعامل ولدي مثلهم فأحس بيكون ارحم وأحن من واحد ماتزوج او ماعنده عيال وامي الله يخليها لي ويطول بعمرها دائما اذا فتحت معها موضوع الزواج بالمزح تقول وش تبين بالعرس عندك ولدك ربيه لين يكبر وذيك الساعه لاحقه ماودها ابد اني اتزوج او اجيب هالطاري طيب انا احتاج وخاصه اني انظلمت للأسف بطلاقي واسأل الله العلي العظيم بأن يرزقني انا وكل وحده تبي الستر والعفاف بالزوج الصالح التقي النقي إللي يخاف الله فينا تم تعديل العنوان ليتناسب مع المضمون |
رد: مجرد فضفضه
انتي مثلي تفكرين بالعرس والزواج ومافي خطاب
الله يلطف بحالك وحالي ويرزقنا من حيث لا نحتسب لا تتكلمين مع امك عن الزواج وانتظري نصيبك ايش بيدك تعملي مو بيدك شيء او كلمي خطابه تشوفلك عريس |
رد: مجرد فضفضه
الله يرزقك بالزوج اللي يعوضك عن كل اللي فات
بس اختي ام الغالي ابي اتكلم معك بصراحه ويشهد الله اني اتكلم وكأني اتكلم مع اختي شوفي اولا انتي قبل تفكرين بالزواج يلزمك كم حاجه تشتغلين عليها عشان تعيشين بسعاده اولا لازم انك تتخلصين من عقدة المظلوميه اللي معيشه نفسك فيها انسي الماضي بكل تفاصيله لاني ملاحظ انك معيشه نفسك باطار المظلومه من طلاقك الى الحين اختي كلنا مرينا بظروف يمكن اخس من ظروفك وكلنا عانينا من الظلم والقهر اللي تحسين فيه ولكن الحمدلله قدرنا نتخلص من هالاحساس عشان نقدر نوقف على رجولنا مره ثانيه ونقدر نكمل الحياة بشكل افضل ونعتبر اللي مضى لنا هو درس لنا تعلمنا منه وهذا اللي المفروض تسوينه انتي اما انك تبين تتزوجين بس عشان تنسين طليقك انا اقولك من الحين لو جاك احسن رجال وانتي على وضعك هذا ماراح تنجح حياتك اختي لازم تحطين ببالك ان الرجال اللي انتي تفكرين فيه ليل ونهار نساك خلاص ويمكن انتي ماتجين على باله ابدا هو عايش حياته مبسوط وانتي جالسه تاكلين بنفسك على الفاضي ثانيا لازم تعرفين ان الحياة ماهي زوج وبس احس انك رابطه حياتك كلها بزوج واولاد وبس حاولي تطلعين من هالجو غيري نمط حياتك اشتركي بنادي رياضي او اي شي تسلين نفسك فيه اطلعي على المجتمع تمشي اطلعي لاتجلسين حاطه يدك على خدك بانتظار انه يمكن يحن ويرجعك خلاص حطي ببالك انه ماراح يرجع والمفروض تقنعين نفسك انه حتى لو رجع ماراح توافقين عليه انسيه وصدقيني الدنيا مليانه رجال يمعنى الكلمه اللي الواحد يبكي عليه ويجلس على ذكراه هذا الانسان الوفي الطاهر النقي الواضح الحنون السند على العموم اتمنى لك السعاده والتوفيق ولكن احسني الظن بالله وتأكدي ان الله ابعد طليقك عنك لانه فيه خير لك بعده وراح يعوضك ربي الله ينسيك الدنيا كلها عليك الحين تركزين على ولدك الله يصلحه ويخليه والنصيب ان شاءالله جاي ماتدرين يمكن هالايام القريبه توكلي على الله وماخاب من توكل عليه |
رد: مجرد فضفضه
اقتباس:
لي زميل له يمكن اكثر من سنتين وهو يدور على زوجه والى الحين ماحصل مع انه ماشاءالله ماناقصه شي مدري بس احس ان فيه غلط |
رد: مجرد فضفضه
اقتباس:
لأن فعلا هذي الحقيقه اللي انا مو راضيه اصدقها اشكرك على كلامك |
رد: مجرد فضفضه
اقتباس:
بس على الاقل الشاب فرصته اكثر من النت يقدر يتزوج بأي عمر موضوع العمر ما يخوف مثل ما هو مخيف بالنسبه للبنت انا عمري 27 وخايفه البنت توصل الثلاثين راحت عليها الشباب يبحثو عن الصغار اللي اقل من ثلاثين |
رد: أرغب بالزواج حتى أنسى طليقي
انا من رأيي بأن مستحيل في رجل يدور عشان يتزوج
ومو لاقي بنت الحلال طيب اذا صحيح اجل وين هالبنات اللي مالين البيوت؟!! ممكن إللي صعب يحصل تكون مواصفاته فوق حدود المعقول |
رد: أرغب بالزواج حتى أنسى طليقي
الله يوفقك
|
رد: مجرد فضفضه
اقتباس:
انا تركت بنات امهات 23 و24 وخطبت وحده عمرها 37 اختي كل واحد وله نظرته فيه اللي يبي صغار وفيه اللي يبي الكبيره الناضجه واعرف واحد عمره 43 تقريبا واخذ وحده عمرها 45 اتركي عنك اللي يقولك القطار يفوتك وهالكلام نصيبك راح تاخذيه هذا الاكيد |
رد: أرغب بالزواج حتى أنسى طليقي
اقتباس:
وبعدين طريقة الزواج يعني لازم الاهل يكون يعرفونها او بينهم قرابه طيب اذا الرجال مايبي من الاقارب مثلي كيف يعرف البيوت عندهم اللي تناسبه والا لا |
رد: أرغب بالزواج حتى أنسى طليقي
ياختي وشتقولين لو ان الرجال كان علطول تزوجنا لاكن للاسف بنات يعني ننتظر حتى نتزوج وشوفي يجي ولا ما يجي انا نفس حالتك ومحد تقدم الا شايب كبير فوق ال 100 هههه ورفضت
عني انا غسلت يدي من الزواج وش يضمني يطّلع زين معاي يعني عادي ممكن اتزوج ويطلع اخس من الثاني مدري كيف ماشيه الدنيا الحين ياختي ريح بالك وعيشي حياتك لا تنتظرين شي انا عني م اننظر منهالدنيا شي اللي جاءني كفاني |
رد: أرغب بالزواج حتى أنسى طليقي
الزواج افضل حل طبعا ولكن لا تتزوجي علشان تنسين الاول. عطي نفسك فرصه يرجع اتزانك وقوتك والله يسهل امورج.
انا منفصل من 3 سنوات وعانيت مثلج يا أختي و قريب بخطب وحده عمرها 30 وانا عمري 37. العمر ما عاد له شغل يا اختي. الجيل القديم يدورون الصغار لكن الحين الوضع اختلف رجال الوقت الحالي يبون الي يرتاحون معاها |
رد: أرغب بالزواج حتى أنسى طليقي
الله يوفقك بما يرضيك
|
رد: مجرد فضفضه
اقتباس:
اعجبني هالرد كلام صادق من رجل صادق وله تجارب في الحياة لا تيأسوا يا اخوات هذا اخوكم ويجدد فيكم الامل معقولة اصبحت الثقة بالله ضعيفة رازق الطير رافع السماء بلا عمد أعزيز عليه فك كربتكم ؟؟؟ لا والله الحمد لله على نعمة الدين والصبر واليقين بموعود الله ( وبشر الصابرين ) fdgrg |
رد: مجرد فضفضه
اقتباس:
يعنى ننتظر الى 45 ؟؟ وقتها لو جاء ملك ماله داعي حقيقه . نعم عندنا دين وصبر و لكن هذا مايكفى ولابد نكون واقعيين . |
رد: أرغب بالزواج حتى أنسى طليقي
اقتباس:
هذا تفكيري حاليا : ) |
رد: أرغب بالزواج حتى أنسى طليقي
حبيبتي ادعي ربك كثييييير كثير وصدقيني بيستجيب لكي .. وبتنسين دي الأيام ..
ترا كلنا والله العظيم مرينا نفس الي مريتي فيه .. بالذات موضوع الزواج هو نصييييب من الله سبحانه .. يجي في الوقت المناسب .. انت بس عليكي الان بالدعاء وتنبسطي وعيشي حياتك واخرجي واتعرفي ع ناس ماتدري ممكن بكثرةة المعارف والصديقات يجيك نصيبك ماتدري نصيبك بيجي من اي باب .. روحي دوامك ان كنتي موظفه قوي علاقتك بالناس ولاتجيبي لهم سيرة الماضي خليهم يحسو بقوتك وانك مبسوطه ومش كئيبه عشان ( رجل راح بحال سبيله ). الحياه فيها حاجات كثييييره جميله .. صحيح الزواج برضو جميل بس مو معناته راح مننا جانب واحد تظلم باقي الجوانب مرا غلط .. وكلي امرك لربك وراح يجيكي في الوقت المناسب |
رد: أرغب بالزواج حتى أنسى طليقي
أسأل الله العظيم رب العرش العظيم ان يرزق بنات المسلمين بالازواج الصالحين
|
رد: مجرد فضفضه
اقتباس:
اختي لما رحت اخطب كان معي اخوي وحنا راجعين قالي ياالوحيد بنتي الحين عمرها 26والى الحين ماانخطبت قلت له يافلان اللي رحنا نخطب منهم الحين هل نعرفهم قبل كذا قال لا قلت هل هم من قبيلتنا قال لا قلت طيب وش اللي جابنا لهم وبيوم وليله من انا مانعرفهم صرنا انساب وبيننا رحم النصيب صح قال صح هذا هو اللي المفروض الجميع يعرفه ان صحيح مطلوب منا نعمل ونجتهد ولكن فيه امور ماهي بيدينا ومكتوبه علينا مكتوب هالانسان يتزوج وعمره كذا وياخذ فلانه الفلاني ويجيهم عدد اولاد كذا والعكس صحيح المهم اننا مايدخل اليأس بقلوبنا ولا نقنط من رحمة الله |
رد: مجرد فضفضه
اقتباس:
بارك الله فيك اخي ارجوك غير معرفك لانه ما عاد يليق بك اما كلامك مفروض كل بنت تحطه نصب عينيها شخصيا قرب عمري للثلاثين و ما اجا النصيب و الحمد لله راضية عايشة حياتي و راضية فيها .هذا لا يعني اني لا اشعر لكن اخترت التجاهل المشاعر السلبية لا علاقة للجمال او الدين او التعليم بالنصيب لانه رزق .لا بياض البشرة او العيون الملونة او الشهادة العليا لهم دخل بتاخر النصيب . و مواضيع مثل هذه تتعبني نفسيا لاني متعايشة مع وضعي و اتالم لما اشوف مواضيع مثلل هذه زمان جدتي قالت لي الزواج يا بنتي مثل الموت لا يعرف الكبيرة من الصغيرة و لا الزينة من الشينة ليه اخسر حاضري و احزن على شى مالي فيه لا ناقة و لا جمل فقط نسال الله العوض الصالح و القلب الراضي |
رد: مجرد فضفضه
اقتباس:
بالعكس في هالعمر إنتي بتكونين في أمس الحاجة لسند وزوج يكمل معاك باقي حياتك وبعدين كيف تقولين عندك دين وصبر بس هذا ما يكفي !! أتمنى أكون فهمت غلط ما أظنك ضعيفة لهالدرجة لدرجة ان خوفك من الله ما يكفيك الانسان ما عليه الا انه يسعى بالطرق المشروعة ويدعي الله والأرزاق بيد الله سبحانه ، يعني الله رزقك كل شي و أخر عنك شي واحد خلاص نقنط ونجزع !!!!!! |
رد: مجرد فضفضه
اقتباس:
وكلامك صحيح اختي الزواج رزق ولا لنا يد فيه اللي علينا الدعاء والصبر وان شاءالله ربي يرزقك بالزوج اللي يسعدك يارب |
رد: مجرد فضفضه
اقتباس:
وليش منفعله ؟؟ ومن قال انهم ماعندهم مشاعر ولا احاسيس . في 45 لا ما اكون بحاجة لزوج ولا سند بكون اتعبد ربي فقط كم عمره الزوج اللى بيكون سند لي بهذا الوقت انا 45 بيتزوجنى شاب او واحد كم عمره ؟؟ هو بيكون محتاج لسند . نعم عندنا دين وصبر لكن ما يامن الانسان على نفسه الفتنة . و لا الدين يكون كافي لسد الفطره والغريزه والا لما نهينا عن التبتل . ما قلت لك اقنطى واجزعي . قلت لكل شي فتره وصلاحية و ينتهى . |
رد: أرغب بالزواج حتى أنسى طليقي
بتتزوجين ان شالله بس ماجا رزقك...وهالفتره اشغلي نفسك بحاجات مفيده ..كملي دراستك -توظفي-جيبي بضاعه وبيعي..خلي هدفك انوولدك يدرس باحسن مدرسه وانك تمتلكين بيت لك ولولدك ...ولاتخافين الحين الرجال تغير تفكيرهم ومنهم اللي مايهمه العمر ...
|
رد: أرغب بالزواج حتى أنسى طليقي
للأسف الكل فاهم الزواج غلط الكل يفكر يتزوج بدون تفكير عشان يرضي المجتمع الفاشل اللي همه للأسف التفكير بالعمر و يكون هو اول شروط الزواج في مجتمعنا و بنت ال30 خلاص يعطونها نظرة مافي أمل في الأعزب و عليها اختيار
1-المُعدد و كل يوم خنقة و معركة مع زوجاته 2- المطلق بأطفال و تصبح مسؤوله عن الاطفال غير طلبات الزوج و طبعا شرطهم المراءة بدون اطفال مجتمعنا كرهني في الزواج و السبب كثرة المعددين و المطلقين بأطفال ما ابي ادخل دوامة تربية اطفال لم أنجبهم مرة ثانية بعد طلاق اخوي و طليقته رمت العيال 4 سنوات ما سئلت عنهم و يعد 4 سنوات تبي الحضانه و بعدها رفضت الحضانه و طلبت الزيارة صرت الام و الأب غير الكذب و الكلام الجارح احيانا غير معاناة عياله من و الكساح وفرط الحركه و التوحد يعني وش اترجي من شخص ثاني بعيال دام اقرب الناس كذا |
رد: أرغب بالزواج حتى أنسى طليقي
1- حتى الرجال موضوعهم وله تفاصيل كثيرة فهو لا يرى بعينيه او يحصل على معلومات على المرأة للزواج إلا عن طريق اخواته وامه ويقول المثل ليس كمن سمع كمن رأى
2- لماذا لا تتخذين الوسائل والطرق للزواج، مثلا الذهاب إلى المناسبات الاجتماعية بكثرة (تسويق غير مباشر للزواج) واهتمي بنفسك وصحتك وجسمك و وجهك وبشرتك وهلم جرا وادخلي صالة رياضية واشتركي بتحفيظ القران واكثري من العلاقات الاجتماعية والصداقات وارفعي من مستواك التعليمي عبر الماجستير والدكتوراة وعبر الدورات التخصصية، إذا اتخذتي الوسائل على الاقل ستكونين مرتاحة مع نفسك حتى لو تكن هناك نتيجة 3-ما تشعرين به طبيعي وفطري، لأن الانسان به هرمونات اذا فقد شخص يحس بالحزن ولكن مفعول هذه الهرمونات يقل ويقل مع الزمن وسيذهب هذا الشعور بالحزن تدريجيا فالصبر الصبر 4- انتي لديك فراغ فاشغليه بهوايات وصداقات |
رد: مجرد فضفضه
اقتباس:
والتعبد ليس للاربعينيات فقط حتى انتي بحاجة للتعبد يمكن تموتين وانتي صغيرة وماتوصلي لسن التعبد اللي تذكرينة . اما كلامك عن الفتنة وانه التدين والصبر لايكفيان للنجاة منها فااوافقك فيه تماما . |
| الساعة الآن 08:45 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©