|
ابغا أفكار لمشروع صغير
السلام عليكم
الله يسعد أوقاتكم ويسعدكم يا رب انا من فترة اقرا عن بنات صاروا تاجرااات ما شاء الله و هم بدايتهم كانت مشروع صغير و حبة حبة أبدعوا في مجالاتهم .. ف دخلت في راسي فكرة العمل الحر لكن المشكلة ما لقيت فكرة أطبقها حاولت افكر و ابحث لكن ما ادري ما لقيت شيء محفز لدرجة صرت أتأمل كل شيء قدامي و افكر اقلب هالشي يمين يسار الفه اقلبه اطلع شيء منا والا منا لكن ما تزبط معاي انا ادرس بالجامعة و المشكلة مكروفة بالدراسة كرف لكن لاحظت اني أتهرب من واجباتي يعني ما اذاكر اول بأول مع ان الحمدلله مستواي ممتاز بس احب أتهرب احب اكون بدون قيود و انضباط فقلت بدال ما وقتي اللي أتهرب منه يروح ع النت و برامج التواصل خل اشتغل في عمل خاص فيني احتاج مساعدتكم بافكار و نصائح والله احس اني من قوة الفراغ اللي أعيّش نفسي فيه اني بأنجن |
رد: ابغا أفكار لمشروع صغير
وعليكم السلام ورحمة الله وبركاته
أولا اسأل الله لك التوفيق في دراستك وفي كل حياتك أي مشروع تفكري فيه لازم يكون ضمن ميولك سواء حسب تخصصك الدراسي أو حسب هواياتك وإمكانياتك ثم لا بد أن يترك لك مساحة لتهتمي بدراستك وإن خشيت أن يلهيك ويشغلك فالأفضل تركه ويكفيك توسيع ثقافتك في كلّ مجالات الحياة الدينية والدنيوية النافعة بالمطالعة والإطلاع والقراءة والمشاهدة جميل جدّا أن تكوني طموحة ولا يرضيك تضييع الوقت بارك الله فيك ولك |
رد: ابغا أفكار لمشروع صغير
اهلًا بك اختي العقل نعمة
ما اتوقع انه راح يؤثر ع مستواي لأن وقتي غير طبيعي لو أقولك اني كل اسبوع اذاكر بمعدل ساعتين الى ثلاث ساعات طبعا باستثناء ايام الاختبارات .. انا من طفولتي وانا اقرأ احس خلاص ابي شيء جديد .. حتى الان قبل اكتب الموضوع كنت اقرا كتاب ما اهوى المشاهدة لا برامج تلفزيون ولا أفلام لأَنِّي ما ألقى فيها شيء جديد او ممتع ثقافتي الدينية احسبها جيدة .. بالنسبة لتخصصي ماله مجال في المشاريع والتجارة ابدا ابدا .. اما ميولي صراحة ما اعرف لكن انا من النوع اللي اذا اهتميت بالشيء أديته ع اكمل وجه عموما انا ابي شيء ورآه مكسب مادي يعني اذا هالشيء باحصل من ورآه مادية ف راح ابدع فيه ان شاء الله << الفلوس دواء 😅 |
رد: ابغا أفكار لمشروع صغير
أنا لم أقصذ بالمشاهدة, التلفزيون بالخصوص ولكن بصفة عامة الفيديو التثقيفي في كل المجالات دينية واجتماعية وعلمية ... بالنسبة للمشرع فحسب قدراتك ومعرفتك إذا كنت تحسنين اللغات, بإمكانك الإنطلاق في ترجمة البحوث مثلا أو الكتب مثل قصص الأطفال وإذا تتقنين اللغة تستطيعين تصحيح البحوث مثلا أو العمل في الطباعة أو برامج الكمبيوتر أو ممكن تكوني مصممة فتبحثي شغل في هذا المجال للمؤسسات التربوية والمدارس أو تصميم البروشورات وبطاقات الحفلات مع طباعتها أو تنظيم حفلات التخرّج وتغليف الهدايا يمكنك عمل دورات خاصة وأنت في الجامعة من غير مجالات التجارة والطبخ يمكن لا تهمّك والإمكانيات كثيرة ما عليك إلا البحث عما يناسبك ومن كانت همّته عالية وإرادته قوية يتوكل على الله وينطلق ويتعدى الصعوبات |
رد: ابغا أفكار لمشروع صغير
الأخت الكريمة ,, كم رأس المال الذي معك ( تقريباً ) ؟؟ |
رد: ابغا أفكار لمشروع صغير
بعطيك نصائح عامه
أهم شي يكون المنتج من المشروع مطلوب في السوق المستهدف يكون شي تستطيعين أتقانه يكون المواد الخام متوفرة لديك باستمرار التركيز في المشروع المحدد و عدم التشتت عدم اليأس قبل كل هذا الإستخارة ثم التوكل على الله وفقك الله |
رد: ابغا أفكار لمشروع صغير
اقتباس:
وانا معتمدة في راس المال ع ابوي يعني هو الداعم في حال احتجت اكثر |
رد: ابغا أفكار لمشروع صغير
اقتباس:
نصائحك قيمة و في عين الاعتبار |
رد: ابغا أفكار لمشروع صغير
ممكن تبيعين قهوة وشاي وكيك على الاسنتجرام
او عربية صغيرة تبيع الشاي والقهوة الربح السنوي للقهاوي يكون 20% تقريبا |
رد: ابغا أفكار لمشروع صغير
اممممممممم شوفي يا أختي ,, بإمكانك شراء كيلو أو 2 كيلو من بخور اندنوسي ( صناعي ) وبيع بالأوقية ,, الكيلو فيه تقريبا 33 أوقيه ,, أنتي خلي 4 أوقيات للتجربة العملاء ,, ( بالحبة أو بالحبتين ) يصفى لك 30 أوقية بإمكانك يبع الأوقية ,, لو افترضنا أنك اشتريتي الكيلو بــ 1500 ( شيء طيب وممتاز ) وبعتي 30 أوقية بـــ الأوقية الواحدة بـــ 75 ريال * 30 = 2175 يعني صافي الربح 675 ريال ,, للكيلو الواحد ,, لو افترضنا بعتي كيلوين 675 * 2 = 1350 ريال يعني 3000 ريال تصير 4350 ريال ,, يعني حتى لو جاتك 10 آلاف ريال ,, لا تحطينها كلها في مشروع ,, لازم تدرسين السوق اللي حولك أول شيء ,, وتبدأين بشيء بسيط ,, وأنا شخصيا أفضل الاستيراد للمنتجات الاندونيسية ,, يعني يبغالك تفتحين مؤسسة استيراد وتصدير ( ما راح يكلفك الكثير ) ,, خذي لك لفة على الانستقرام وشوفي الناس اللي تبيع هالمنتجات ,, ابحثي بالنت عن أماكن صنعها في اندونيسيا ,, حاولي تتواصلي معهم من هنا أول شيء ,, وتفاهمي معهم ع السعر ,, وابدأي بتجارتك ,, لازم تتعبين ,, مافيه تجارة تجيب لك دخل وأنتي مرتاحة ,, أخيراً ,, أحد الزملاء كل سنة يسافر مجانا :) يروح يتمشى ولما يرجع يشتري ,, شنط ,, اكسسوارات ,, أي شيء يشوف إنه راح يمشي ,, ويجي يصرفه بأسبوع إلى أسبوعين ,, ويطلع قيمة سفرته :) ,, وفقك الله , |
رد: ابغا أفكار لمشروع صغير
وعليكم السلام ورحمة الله وبركاته ..
أفضل المشاريع الأن هي التجارة الإلكترونية... بأمكانك شراء بضاعه بمبلغ بسيط ك بدايه وتعملين لك متجر على مواقع التواصل الأجتماعي .. أتكلم عن تجربه شخصية فتحت متجر على الأنستقرام ببضاعه من الصين بمبلغ تقريبا 2000 ريال لا تتخيلين كم الربح القطعه من الأكسسوار تكلفتها لا تتجاوز 3 ريالات والربح أضعاف هذا المبلغ أقل قطعة تباع ب 20 ريال .. لكن الأشكالية في عملية الشحن وأرتفاع أسعارها .. الأن لدي فكرة وهي عمل تطبيق وأنزاله على المتجر الفكرة في مراحلها الأولى لكن أحتاج فكرة مميزه تجذب الناس .. مشروع التطبيق أهم مايحتاج هو التطوير في الفكرة كل مدة زمنيه والتحديث المستمر لتلافي الأخطاء في الاصدارات السابقة وهذا سبب لأستمرار النجاح وأرتفاع المدخول المادي. . إن شاء الله قدرة أفيدك أتمنى لك التوفيق |
رد: ابغا أفكار لمشروع صغير
انا زيك فكرت كثيير اني اعمل مشروع
واتمنى من سنييين اني اعمل حضانه للاطفال من عمر شهر الى 4 سنين .. لكن اجراءتها معقده واتوفع تحتاج واسطه عشان يخلصولي هي .. لكن بديكي فكره .. العشره الاف دي .. ممكن تدخلي فيها معهد معتمد بشهاده معتمده لدراسة التصوير .. وتعلميها من الصفر واحترفيها في الدوره واشتري كل معداتها والتجهيزات .. وابدأي مشروعك كمصوره عرايس ابدأيها من بيتك وحبه حبه الين تفتحي استديو .. ماشاء الله في وحده ماعندها هوايه للتصوير ولا حاجه اصلا ماعندها هوايه لأي شيي .. فجأه طفشانه واشترت كاميرا و حبت الموضوع قامت دخلت دورات وثقفت نفسها اكثر في التصوير .. دحين سعر اقل البوم ب 10 الاف ومايطلبوها الا الناس الهاي كلاس والمشاهير والبنت سعوديييه .. الموضوع هو انك تجربي اكثر من شغله تجربي وتجربي الين تلقي الشي الي ناسبك وحبيتيه وحسيتي نفسك تقدري تبدعي فيه .. بس اننا نفكر بدون مانجرب اي شي يجي على بالنا راح نطول واحنا نتكي ونفكر fgfg .. انا جربت اكثر من شغله والى الان مالقيت الي يناسبني فعلا بس كانت تجارب حلوه وجميله واستفدت منها وغير كدا اشغلت نفسي فيه والان راح افكر بموضوع التصوير ان شاء الله |
رد: ابغا أفكار لمشروع صغير
قبل المشروع
لازم يكون هوايه او موهبه شوفي الانستقرام فيه حسابات ناس تمتلك موهبه وصارت مشهورة زي مثلاً الرسم في ناس محترفين وعندهم حسابات ويكسبو منو رزقهم ابحثي اول عن موهبه او هوايه وقتها سهل عليكي تفتحي مشروع |
رد: ابغا أفكار لمشروع صغير
اقتباس:
احس التجارب اهم من الهوايه من اقوال بابلو بيكاسو ( رسام ) اعمل داائما مالا اتقن عمله , حتى اتعلم اتقانه .. |
رد: ابغا أفكار لمشروع صغير
اعجبتني فكرة البخور و خصوصا اننا ناس نحب البخور و الحريم هنا اي بخور كان يشترونه
راح أطبقها باْذن الله ولو اني قررت مشروع ثاني ولكن حسبتها مربحة اكثر يعطيك العافية اخوي سلم ألحان ، الراسي كيف بدأت التسويق لحسابك و في البداية واجهتك صعوبات ؟ لأني ما اشوف احد يشتري من الامستقرام ، ميمو و بيلسان انا أبدا ما عندي هواية في شيء و لا ادري وش أحب التصوير مو كل العوائل يوافقون لبناتهم واهلي ما يحبون الشغلات اللي كذا ف فيها مشكلة 💔 ،، اخوي جاب لنا فكرة و قلت يللا خل نطبقها خصوصا ان عندنا محل تجاري فاضي ما فيه مستأجر و الكل مرحب بالفكرة و مستعد يدعمنا المشروع هو ألعاب فيديو يقول الشباب المراهقين صاروا يتوجهون لمحلات ألعاب الفيديو و دايم زحمة عليها و عندنا بالحي ما في الا محل واحد باجرب حظي فيه وفِي البخور و الله يرزقنا من فضله |
رد: ابغا أفكار لمشروع صغير
اعتذر عن التأخير في الرد و اشكر كل من شارك
كل الود 🌹 |
| الساعة الآن 05:50 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©