|
صراحتي افشلت خطبة زميلي
السلام عليكم
اليوم الصباح كلمنى واحد على هاتف المكتب وقالى تعرف فلان الفلانى وقام يسال عنه انه هذا الرجال جاى يخطب عندهم المهم انا قلت له الرجال ماتهمه الصلاه كثير وراعي دخان وفلوسه يضيعها في شغلات تافهه ولو انه جاى يخطب بنتى ماوافقت المهم الرجال وعدنى انه مايطلع الكلام لاحد جاء زميلى بعد العصر سالنى احد اتصل علي المكتب قلت له فيه واحد سال عنك وقلت له مداوم وقلت هذا تلفون عمل مااقدر اكلمك المهم الرجال صدق ولكن يهدد يقول هذا الشخص الي قال عنى الكلام راح اعذبه فى حياته وللعلم ان الكلام الى قلته انا صحيح 100% والكل يتفق معى من الزملاء ايش رايكم لو قابلت هذا الزميل وش اقوله هل اقوله ايه انا الي قلت له او اني انكر هذا الشيء؟ انا مابى المشاكل ولكن هذي امانة وذمة تم تعديل العنوان ليتناسب مع المضمون |
رد: كلمنى واحد يسال عن واحد بي
لا لاتقوله انت الي تكلمت عنه ابداً احفظ ودّ زميلك ولاتكّون عداواة بعملك ، ومن المفترض الي دق عليك يسأل عن زميلك مايخبره انك قلت له المفروض يقول للخاطب مافيه نصيب الله وياك مايربط عصاعص بين الزملاء وتحصل مشاكل..!
وبعدين اشوف زميلك مو سيئ للدرجه الي وصفتها فيه ...! |
رد: كلمنى واحد يسال عن واحد بي
اقتباس:
الرجال عليه حركات مو مضبوطه واحيانا تفوح منه رائحه اشبه بالشراب عافانا الله |
رد: كلمنى واحد يسال عن واحد بي
زميلك لا تخبره,
واللي سألك عنه شدّد عليه أيضا بأن لا يخبره تقول ان الكل يتفق معك على ما قلته عنه لكن هل فعلتم شيئا لتوجيهه؟ هل تحاولون إصلاحه؟ وهذه فرصة لتنصحوه بالصلاح |
رد: كلمنى واحد يسال عن واحد بي
اقتباس:
|
رد: كلمنى واحد يسال عن واحد بي
اقتباس:
بالنسبة للتوجيه ارجال اكبر منى ب 5 سنوات شويه ويوصل 40 سنه |
رد: صراحتي افشلت خطبة صديقي
مكانه الانسب
|
رد: صراحتي افشلت خطبة صديقي
بيّض الله وجهك قلت الصراحة و انقذت مستقبل بنت
اما بالنسبة لك أنكر إنكار تام انك رديت ع احد تجنبًا لمشاكل انت في غنى عنها |
رد: صراحتي افشلت خطبة صديقي
الله يكفيك شره
لو يبغى يورطك ربي يتولاه وانتا م افتريت عنو بالكلام ان شاء الله ودي زواجه لو كان صادق بسؤالو بكرا لو تم وانتا م قلت الصدق وانظلمت اللي بتتجوزو ممكن تكسبلك دعوه مو طيبه لا تقلو حاجه الله يهدينا وإياه ويستر عليه |
رد: صراحتي افشلت خطبة صديقي
الي سويته صح ربنا يحميك انقذت البنت من هالزواجه
المفروض انه الأب رفض بدون ذكر الأسباب عموماً اخوي نصيحه لا تعترف أبداً مو خوفاً منه حتى الناس للأسف رح تنظر لك بأنك خربت خطبة المسكين حصل مع زوجي نفس الحادثه والي خطب سكران وانكر تماماً وعدت ع خير |
رد: صراحتي افشلت خطبة صديقي
اقتباس:
جزيت خيرا وما قصرت ولم تفشل الخطبة لأنها لم تبدأ بدليل أهل البنت يسألون عن الخاطب وأنت نعم الرجل لا تندم بما فعلته ابتعادا عن المشاكل لا تعترف بانك الناصح |
رد: صراحتي افشلت خطبة زميلي
اللي فعلته هو الصواب .. وماعتقد انه يعتبر من الغيبه والعلم عند الله .. " ما افتيك"
ولكن كان من المفترض من الشخص اللي سالك عنه ما يقول له باللي قلت عليه يكتفي بالرفض دون الافصاح عن الاسباب وان شاء الله يكون كفوا وما يخبر الرجال عنك .. وحاولوا نكم تنصحون زميلكم في العمل .. ولو كان اكبر عنكم .. منها تكسب الاجر .. ومنها ينصلح حال الرجال باذن الله .. |
رد: صراحتي افشلت خطبة زميلي
كفو
كثر الله من امثالك و بيض الله وجهك ،و جعلك الفردوس الأعلى ... اللهم امين اللي سويته صح ، و الله ينقذ ذريك مثل ما انقذت بنت الناس ! بس الغريب ان اللي كلمك يقوله عن سبب الرفض ! لا و بالتفصيل بعد ؟! و الله انه عجيب ! |
رد: صراحتي افشلت خطبة زميلي
جزاك الله خير على صدقك وصراحتك، وهذا الصح استأمنوك فسألوك فأعطيتهم الحقيقة
|
رد: صراحتي افشلت خطبة زميلي
جزاك الله خير..والي قلته ترى واجب عليك ..لا بد من الصدق..وكفاك الله شر اﻷشرار
|
رد: صراحتي افشلت خطبة زميلي
اقتباس:
حتى يعرف أن سيرته غير محمودة وسمعته غير طيّبة وقد يكون له هنا منعطفا لمراجعة نفسه .. |
رد: صراحتي افشلت خطبة زميلي
الله يعطيكم العافيه الموضوع مشى بسلام
|
رد: صراحتي افشلت خطبة زميلي
جزاك الله خير ولكن كان بامكانك ترد على سؤالهم بطريقة لبقه بحيث انك ماتشوه سمعة الرجال
لو قلت مثلا اعذروني ما اقد اجاوب او اكتفيت اب لو جانب مازوجاه كان هون لك وله ولكن تجيب فضايحه كلها مالها داعي. ابسطها قلت انه يدخن، والي يدخن طلع كافر؟ ممكن المدخن هذا مبتلي ولكنه محافظ على دينه اكثر من الي مايدخن. |
رد: صراحتي افشلت خطبة زميلي
افضل الان الاب ذكر للخاطب الاسباب
عشان لما يجي يخطب بنت ناس غيرها يبطل الي بيعملو ويفهم انه بطريق خطأ ويصلح من نفسو لو كان مهتم للزواج .. \وانت الي عملتو شي طييييب وجزاك الله خير |
رد: صراحتي افشلت خطبة زميلي
اقتباس:
يقولو سألنا عنه قبل الزواج والناس ماقالو عيوبه وتورطنا بعد الزواج .. الصراحه شي طييب وجدا جدا احب الصراحه في دي الامور ffb |
رد: صراحتي افشلت خطبة زميلي
اقتباس:
وبعدين اذا اهل البنت ماعرفو يفهمو "اعذرني على الاجابه" فهذي مشكلتهم. يا اختي تخيلي لا سمح الله احد اخوانك مبتلي بشي وراح واحد وفضحه. وش بيكون موقفك انتي؟ |
رد: صراحتي افشلت خطبة زميلي
اقتباس:
افترض انك بتزوج بنتك وسألت عن خاطب لها انت كأب تبغى رجل صالح مناسب لها اكيد بتسأل عن الرجال وتتمنى الشخص الي يجاوبك يكون صريح معاك عشان تقدر تتخذ قرار .. كلمة اعذرني على الاجابه غير واضحه ( ما اعرف هل هو مايبغى يتكلم لانه يكره الرجال هل بينهم عداوه او الرجال سيء ؟؟ ).. لو انت كنت انسان سيء كان نشرت خبر الرجال وطلعت فضايحه للكل بعد السؤال عنه .. هذا اسمه فضيحه وتشويه سمعه لكن لما يقوللك الرجال عن عيوبه وانه سيء وانت تسكت وتنهي الموضوع بدون ماتفضح الرجال هنا الصح ف الاخير مجرد وجهات نظر dfg |
رد: صراحتي افشلت خطبة زميلي
فضحت الرجال و شوهت سمعته و تريده ما ينتقم منك!
كان ممكن تجيبه باسلوب آخر بدون ان تسيء لزميلك |
رد: صراحتي افشلت خطبة زميلي
اللي سويته انت صح و هذا اللي نحتاجه ف زمن التلميع على حساب المثير من البنات ..
|
رد: صراحتي افشلت خطبة زميلي
هناك حلات يجوز فيها ذكر العيوب (الغيبة)
ومنها الإستشارة للزواج فيجوز فيها ذكر العيوب و لا حرج حتى لا تتورط بنات الناس مع من لا يستحقهن جزاك الله خير على فعلك و أسأل الله أن يحفظك لك أهلك و يرزقهن الصالحين |
رد: صراحتي افشلت خطبة زميلي
اقتباس:
هذا زواج ارتباط مو صداقه او زماله وفعلاً نادر والقله اللي يقولون الحق الا من رحم الله وبعدين وشو الاسلوب الاخر بنظرك؟؟ يمدحه يخليه ملاك على هيئه بشر .. الا جزاه الله خير وكثر من امثاله |
| الساعة الآن 03:00 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©