|
هل اساعد زوجي ماديا ؟؟
حابه استشيركم فموضوع لاني محتاره وحاسه بتأنيب ضمير
زوجي طلبني سلف 2000 لبعد زواج اخوه في شهر عشره وقلت له ماعندي قلت اطلع نفسي من الموضوع حتى لو مزنوق يدبر نفسه لان مو معقول تونا من يومين استلمنا الرواتب وخلص راتبه يعني لو نص الشهر ممكن وراتبه اكثر من راتبي صحيح عنده التزامات بس مو معقوله خلص كل الراتب انا مو ماعندي وقلت فنفسي يمكن من جد محتاج بس انا مجربته قبل استلفت له مره مع اخويه وماطل واضطريت انا اسددها وغيرها مواقف انا مرره ما احب هالاسلوب احسه استغلال غير مواقف ثانيه باقي بنفسي يعني انا متكفله بنفسي من الى عمري ما كلفت عليه بشيء اشاركه اذا سافرنا اذا سدد عني شيء وطلبه اعطيه ما احب الممااطل ابدا فهل معايه حق وابعد نفسي هو حيدبر نفسه والا انا فعلا حساسه وشديده فالامور الماليه لاني ما ابغاها تكون سبب لنفور ومشاكل بيننا هذي روابط لموضوعين قبل http://www.66n.com/forums/showthread...=270098http://http://www.66n.com/forums/showthread...=269896http:// |
رد: هل اساعد زوجي ماديا ؟؟
عزيزتي انت ادرى بزوجك وبنفسك ..أنا عن نفسي لما زوجي كان فقير كنت أعطيه كل ما معي واحيانا آخذ من اهلي ﻷني ما اتحمل اشوفه محتاج...بس لما اغتنى صار يبخل جدا علي ﻷنه تعود اني اصرف ..فحزت في خاطري جدا وصرت ما ادفع الا الي انا مقتنعة فيه ومتأكدة اني ما راح اندم عليه..بعبارة اوضح احتسب لله الي اقتنع انه مهم..يعني تراكمت عليه ديون شاركت في سدادها كمساعدة وكان بإمكاني اسدد اكثر بس حسب ما طلع من نفسي...يظل ابو العيال وهو السند..فلا إفراط ولا تفريط ..وازني امورك وفكري هل تعطين بطيب نفس ولا اذا عطيتيه بتذلينه وتمنين عليه وتجننيه اذا تأخر في السداد..ساعتها لا تعطينه احسن..الله يصلح بينكم
|
رد: هل اساعد زوجي ماديا ؟؟
هو التعاون بين الزوجين في كل شي شي جيد ..
وانتي ادرى بحالة زوجك هل هو فعلا محتاج ام انه يعتبر دخلك هو مدخول اضافي للعايله .. يعني اذا كان فعلاا محتاج اعطيه ... اما اذا كان من باب الاستغلال فما انصح .. بعدها يتعود ياخذ منك ويلعب براتبه شرق و غرب .. انا اختي تشتغل وزوجها ما زال يعطيها مبلغ من راتبه اللي تعود يعطيها اياه قبل لا تتوظف ... من الناحيه الاخرى اخت زوجتي لما اشتغلت اغدقت على زوجها العطاء الى ان تعود .. فصار يلعب براتبه وما تعدي عشرة ايام من الشهر الا هو مفلس ويغطي باقي الشهر من راتبها .. الوسطيه مطلوبه في كل شي .. |
رد: هل اساعد زوجي ماديا ؟؟
مبلغ بسيط حتى لو ماسدد هذا شريك حياتك مو اي شخص
|
رد: هل اساعد زوجي ماديا ؟؟
اقتباس:
|
رد: هل اساعد زوجي ماديا ؟؟
اقتباس:
فلوس الشغاله رفض برجعها اخذت جزء بيدي وباقي الف يقول تنسى عارف اني حأعطيها |
رد: هل اساعد زوجي ماديا ؟؟
اقتباس:
بعدين اش معنى هو يطالب بفلوسه مع ان المبلغ اقل من الف وحولته على طول مو حكاية فلوسي وفلوسك بس ما اطلب وانا عندي وماعليه شهر مزنوق اصرف عقدي مو لازم اتبحبح زي كل شهر |
رد: هل اساعد زوجي ماديا ؟؟
نرجسية
لا تعطيه حتى لو 500 ريال الفكره في المبدأ نفسه .. و انتي جربتي معدنه فخلاص لا تتعبي حالك معاه ألفين هذه ممكن تدفعي بها راتب شغاله و تريحك شهر و لا تدلعي نفسك بها و زوجك مو محتاج و عنده راتب لو خلص راتبه يتدين من اخوانه و يرجع تاني شهر |
رد: هل اساعد زوجي ماديا ؟؟
الرجال اختارك من بين نساء الارض لتكوني زوجتة وقرت عينة
ودفع الغالي ونفيس عشان يشاطرك الحياة بحلوها ومرها ويصرف على البيت وايجار وسفريات ....الخ وجاية تقولين لنا هل اساعد زوجي ماديا؟ والمبلغ جدا بسيط توقعت انة 50 الف فمافوق يا اختي حتى لو ما رجعها بنهاية هذا زوجك جمعتكم عشرة ورفقة طيبة وعيش وملح الماديات زائلة ولا يبقى الا الذكر الطيب عطية 2000 ياختى عطية وحتسبيها تقرب وحسن تبعل سبحان الله الرجل يصرف ويعطي ويهدي ولافكر في الماديات |
رد: هل اساعد زوجي ماديا ؟؟
استفتي قلبك وأنتِ أعرف فيه
اذا مايستاهل لاتعطينه ولاريال وتأنيب الضمير هو اللي ضيّع الحريم هو لابغى يسوي شي بكره ماراح يجيه تأنيب ضمير بيحط عينه في عينتس ويقول هذا شرع الله ! خلاص شرع الله اني ماعطيك فلوس وانا مابي |
رد: هل اساعد زوجي ماديا ؟؟
شوفي حبيبتي , الدنيا مشوارها طويل ف الواحد مو ضامن نفسه ممكن زوجك يتخلى عنك ف خليك حريصه اللي يقول لها ذَا شريكك وزوجك ايه زوجي بس لما يكون معاي ع الحلوه والمره لما أضيق وأطيح اول من اسند راسي عليه هو مو استغلالي ويضيع راتبه وأقوم اعطيه
دلعي نفسك ف فلوسك , وحافظي عليها |
رد: هل اساعد زوجي ماديا ؟؟
شكرا لكم
والله جاني تأنيب ضمير سرت افكر فالموضوع بس سكت عنه ومافتحت الموضوع والحمدلله ماعاد كلمني ع المبلغ |
رد: هل اساعد زوجي ماديا ؟؟
اقتباس:
|
رد: هل اساعد زوجي ماديا ؟؟
اقتباس:
عنده راتب ما شاء الله .. والله يزيده بس فلوسك احفظيها لك انتي بعد اخترتيه ليكون زوجك من بين رجال الأرض الله يوفقك |
رد: هل اساعد زوجي ماديا ؟؟
اقتباس:
مثل وحدة بالمنتدى صار لها موقف مماثل وجلست تدعي على الي نصحها من النساء بحفظ فلوسها وقالت يجعل الفلوس تنحرق بقاز.. |
رد: هل اساعد زوجي ماديا ؟؟
بصراحه الوضع غريب ومفهوم الزواج والشراكه صار اغرب
صار كله عباره عن هذا حقك وهذا حقي ونسوا ان فيه واجبات اخلاقيه صحيح ان الانسان لايأثم على تركها ولكن هي تنم عن حسن التربيه وسماحة النفس ورقي الروح فلو جاني صديق مثلا وطلب مني مبلغ معين كـ سلف وانا متوفر عندي المبلغ ولالي حاجه فيه فلو قلت له مامعي ورفضت اعطيه طبعا ماراح اثم على هالشي ولكن راح اكون عديم المرؤه وعديم الانسانيه ولا استحق اسمى صديق لانه لجأ لي انا بالذات والانسان لما يلجأ لـ احد اكيد انه ينتظر منه المساعده فـ كيف اذا اللي طلب مني المساعده شريك عمري !!! طبعا راح يكون واجبي الاخلاقي اكبر اتجاهه وحتى لو مامعي راح اتسلف له المهم ماراح اخليه يحس بخيبة الامل فيني بصراحه المرحله اللي وصلنا لها خطيره وتعبر عن انحطاط اخلاقي بمعنى الكلمه اصلا مجرد السؤال واخذ الرأي هل اعطيه والا لا وخصوصا انه مبلغ بسيط جدا يعني ماراح يكون فيه تأثير هذا بحد ذاته مشكله فلو كل زوج وزوجه التزموا بالحقوق والواجبات اللي عليهم فقط الحياه تتحول الى جحيم لان كثير من الحاجات اللي نشوفها مهمه هي اساسا ماهي واجبه مثل الهدايا او الفسح ,, الخ الله يعين بس على هالدنيا ولايحيجنا لغير وجهه الكريم |
رد: هل اساعد زوجي ماديا ؟؟
الوحيد و ياسر
ترى زوجته اللي له لها المال ووالخ اذا اخذت منه مبلغ و لو بسيط يطالبها😬 هذا تصرفه الحين لو تعطي زوجتك مبلغ تطالبها فيه؟؟ |
رد: هل اساعد زوجي ماديا ؟؟
غير مواقف ثانيه باقي بنفسي يعني انا متكفله بنفسي من الى عمري ما كلفت عليه بشيء اشاركه اذا سافرنا اذا سدد عني شيء وطلبه اعطيه ما احب الممااطل ابدا
اقرأ رد 7 رد 6 نرجسية متكفلة بتكاليف سفرها كذلك اذا اخذت منه مبلغ. ترجعه. و اذا كان اقل من الف يطالبها. قرأتها هذه الردود و ما رأيكم بها |
رد: هل اساعد زوجي ماديا ؟؟
اقتباس:
اقتباس:
ارجع واقرأ موضوعي مره ثانيه انا ماقلت ان زوجي سيءلانه فعلا مو سيء بس هالموضوع حسيت انه صار في نوع من الاعتماد اللي ما ارضاه |
رد: هل اساعد زوجي ماديا ؟؟
اقتباس:
كل البنات اللي ردوا اجمعوا اني مو غلطانه والحق معي كثير نسمع قصص عن استغلال الموظفات هالقصص كثير تقهرني ليش هو يتقدم يبغاها والا يبغى فلوسها بس طبعا مو كل الرجال سوا وزوجي مو سيء بس هالنقطه مو عاجبتني وفعلا نفسي ان التعاون بيننا يكون ارقى من كذا |
رد: هل اساعد زوجي ماديا ؟؟
ايضا مالك حق:
تشاركيه اذا سافرتو..: السفر مو شيء واجب على الزوج وليس ملزوم فيه بالنفقة. وحتى لو لديه المال ممكن يشوف انها تصرف في وجه اخر غير السفر افضل. ولو طلب الزوجة واصرت عليه تدفع من جيبها الله يحييها هي الي تبي.. ولا لاحد منة انو الزوجة دفعت في السفر.. بالنسبة لحاجياتك الي متكفلة انتي فيها: برضو هو ملزوم بالنفقة الشرعية اما الاشياء الزايدة من كماليات ولبس وشغلات الحريم هذي انتي ملزومة فيها.. والا ليش الشباب ياخذون موظفات؟ لو كل شي ملزومين فيه نحن ناخذ ربات بيوت ينتبهون للبيت والعيال وليش غثا وظيفة الحرمة وسحبتها على العيال والبيت. وايضا اذا سدد عنك شي ياخذه هذا الشي من نفقاته هو؟ او حاجات تبعك انتي؟ |
رد: هل اساعد زوجي ماديا ؟؟
اقتباس:
اقصد انتي تجين هنا وتقولين زوجي طلب سلف ورفضت طبعا الجميع راح يقولك مانتي غلطانه بمنظور ان هذا حقك ومانتي غلطانه تصرفينه باي شي تبينه ولكن الموضوع مايقاس بهذا الشكل تخيلي انتي انك احتجتي فلوس ومتأكده ان زوجك معه وطلبتيه وقالي ماعندي او ماابي اعطيك وش شعورك راح يكون وقتها اختي فيه حاجات صغيره ولكن كبيره على النفس |
رد: هل اساعد زوجي ماديا ؟؟
اقتباس:
|
رد: هل اساعد زوجي ماديا ؟؟
اقتباس:
والله ماهان عليه بس حسيت الموضوع زاد عن حده |
رد: هل اساعد زوجي ماديا ؟؟
مرحباً أختي
أعتقد أن الكثير من الزوجات لا تمانع مساعدة زوجها مهما كان المبلغ ولكنها تخاف من ذلك لعدة أسباب : منها خوفها إعتماد زوجها عليها ومنها شككها بجهة صرف المال مع أنها تعلم أنه يوجد لديه مال ويستيطع تدبر نفسه ومنها حتى لا تقع ضحية إستغلال ويكون هدفه الوحيد فقط مالها وليس لذاتها وأنا أعتقد أن مجمل ما ذكرته سابقاً له وجهة نظر عند الزوجة .. ولكنها تبالغ بعض الأحيان بسبب التحذيرات والتنبيهات المتداولة بين النساء والتي تحذر من الإنسياق بالمال لزوجها ورأيي الشخصي أن كل شئ لابد يقدر بقدره .. فإذا علمت الزوجة من زوجها الصلاح وحسن العشرة وتثق به .. فلا مانع من المساعدة فيما تعلم أنه ضروري أو لابد الوقوف مع زوجها ولو من باب المجاملة بعض الأحيان . والله أعلم |
رد: هل اساعد زوجي ماديا ؟؟
عجيب
توك مؤيد الكلام اللي يقول الزوج دافع دم قلبه و سفريات و الخ و الخ والله محد قله يدفع 😅على نفس وزن. انها ماحد قالها تدفع زوجها مو سيّء. بس تقولك طلب مبلغ بعد يومين من استلام الراتب و عدم اصراره او طلبه مرة ثانية. يدل انه مش مزنوق بس حتى الوحيد شكله ما قرأ الموضوع. و الردود تقولك مو محتاج. تقول مو حلوة يكون. محتاج و ترديه!!! كلام الرسمي 👍👍👍 واغلب النساء تساعد و تحب تساعد زوجها و السؤال ما يأتي من فراغ |
رد: هل اساعد زوجي ماديا ؟؟
لا طبعا
اذا مريض ومحتاج ولا بيسجنونه قلنا |
رد: هل اساعد زوجي ماديا ؟؟
اقتباس:
الله المستعان الاخت شايله نفسها وشغالتها ومصاريفها وسايقها تبونها بعد تصرف عليه واسلفه وفجاه صارت الالفين ولا شي ومباغ صغيرون وبسيط جدا |
رد: هل اساعد زوجي ماديا ؟؟
اقتباس:
يعني كيف مو محتاج فيه احد يطلب سلف وهو مو محتاج؟ ولو ان المبلغ كبير كان قلنا يمكن انه يبي يدخل مشروع او اي شي من هالقبيل ولكن المبلغ بسيط وكون انه لسى مستلم الراتب هذا مايعني ان عنده فلوس وحاطها في البنك يمكن عليه التزامات وسددها على الراتب واحتاج الفين ريال يمشي اموره فيها واما انه ماكرر طلبه هذا شي طبيعي اي واحد مكانه ماراح يكرر الطلب اذا طلب وشاف التجاهل طبعا راح يدور سلف من برى |
| الساعة الآن 10:00 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©