|
زوجي مريض شك تم الطلاق رد15
سبق وتكلمت عن علاقتي بزوجي وشكه المهم اني اروح واجي اخر مره رحت لي شهرين شكاك هو بشكل مرضي مادري وش مرضه وياخذ علاج نفسي سوليان عشان الشك وقبل يأخذ ادويه يقول عشان عضلاته احسه كذاب احس فيه ذهان شك المهم اخر مره راح راقي قال مسحور وصدق تخيل البيت فيه جن ويقوم يقرا ويرش وكان يهدد الي ساحره بيوريه المهم مره قام باليل وقومني قال وش هالماء الي بالطاسه الي بالحمام يحسبني اسحر فيها قلت من زمان فيه عادي حمام وماء قام يقول اعترفي وطلعت من الغرفه بنتي نايمه وجا فوق راسي اعترفي والا اوريك قمت الفت قصه قلت يمكني مسحوره من زوجه ابوي وصدق قلت ودني لاهلي المهم رحت وعليها وانا عندهم قد دق وقال اعترفي والاببلغ الشرطه كم كف وتعترفين قولي بستر عليك قلت وش ااعترف فيه خلني بنوم البنت عارفه انها نوبه وتروج قلت ان استمر وراح للشرطه بعلم اخوي المهم الصبح هدا قال تعرفيني يمكن اخرت العلاج وان القهوه تسبب توتر وتخرب العلاج يالف كانه شي جديد شكه المهم بعد يمكن عشر أيام دق قال ماراح اطلقك وش هالورقه الي فوق الثلاجه فيها رقم قلت وش يدريني انت تكتب ارقام بعدين من بكرى هدا قعدت اتخيل نفسي عنده وش كان بيسوي الحين له أسبوعين هادي ويقول ارجعي وانا مومرتاحه احس فيه فصام ومتضايقه كبرت صار عمري 38 ماعندي الابنت ام اشهر وودي بطفل اخر لانه لوتطلقت من بيتزوجني معي بنت الاشايب وانا حملت متأخر وش رايكم
تم تغيير العنوان ليتناسب مع المضمون تم الطلاق الرد 15 http://66n.com/forums/showpost.php?p...9&postcount=15 |
رد: الشك
يا عمري يا حلم ....عسى ربي يفرج همك ...
بس عشان اكون صريحة وياش ... كله كوم و اخر جملة كوم ثاني ... الكوم الاول هو وصف الابتلاء اما اخر جملة فهي سوء الظن في الله و العياذ بالله و الله يا اختي ، ان الرزق على الله ، يمكن المطلقة يجيها اعزب صالح تقي نقي يسوقه ربي لها عوض طيب ... فلا تجيبين العيد بامور نحسبها هينة بس هي كبيرة عند رب العباد ... عموما مشكلتك تحتاح وقفة ... زوجك وضعه صعب جدا ، و حالته مشكلة بمعنى الكلمة ، و العيش معاه مخيف جدا ... استخيري الله في عن حالتك ، و الله يفتح عليك يا رب |
رد: كيف اتعامل مع زوجي مريض شك
الله يشفيه
مايصلح تستمرين معه ياحلم |
رد: كيف اتعامل مع زوجي مريض شك
اختي الكريمه اذا تعالج واستمر على العلاج راح ترتاحين بحياتك معاه الفصام مرض مزمن كالسكر والضغط لاينتهي لكن مع الدواء والاستمرار عليه يتعايش المريض مع المرض ، محتاج طبيب نفسي والاستمرار على الدواء فقط والله يسهل امرك
|
رد: كيف اتعامل مع زوجي مريض شك
س / هل زوجك يتحاشى حضور المناسبات الاجتماعية ؟ س / هل يحس بأنه مراقب من أشخاص معينين أو جهةٍ ما ؟ س / هل يظن نفسه عظيماً، و يعتقد أن المجتمع لا يقدره ؟ |
رد: كيف اتعامل مع زوجي مريض شك
اقتباس:
|
رد: كيف اتعامل مع زوجي مريض شك
اقتباس:
|
رد: الشك
اقتباس:
|
رد: الشك
اقتباس:
اللهم امين اختي الحبيبة... مهما كان الحال و كيفما كان الوضع قاسيا احسني الظن في الله رغم انف الوضع القائم ! |
رد: كيف اتعامل مع زوجي مريض شك
مايصلح تستمرين معه يمكن يضرك بالمستقبل،،،ولا تتشائمين تفائلي يمكن حياتك بعدين تكون افضل من الحين بمليون. مرهح
|
رد: كيف اتعامل مع زوجي مريض شك
اختي فيه كثير من الناس يحرصون على الزواج لمجرد الزواج بس
ويضيعون عمرهم وفرصهم اللي ممكن تجيهم لو صبروا ولا رضوا باي واحد لمجرد لقب متزوجه اختي اعتقد من ابسط الامور في الزواج السليم انك تنامين وانتي متطمنه ومانتي خايفه هذا ابسط شي وحتى هذي انتي محرومه منها فـ بصراحه انا مدري وش اللي مخليك متمسكه فيه الا اذا تبين تعدلين الوضع وهالشي يكون تشرطين عليه انه يغير الدكتور اللي يروح له ويبدا العلاج من جديد مع دكتور شاطر ولمستي فيه الجديه في الموضوع ساعتها نقولك اصبري وشوفي الوضع اذا تغير للاحسن زين اذا بقى على حاله لا والله يااختي اتركيه ولاتقولين فلانه وفلانه ماتزوجت والا جاها شايب لا هذا رزق من رب العالمين يمكن يجيك اللي ماكنتي تحلمين فيه اما بقائك على وضعك الحين خطأ |
رد: كيف اتعامل مع زوجي مريض شك
عادي مريض نفسي الله يشفيه وبما انه يتناول ادوية تهدىء مافي مشكلة بس اذا رجعت حالته كلمي احد من اخوانه يوديه للطبيب الخاص فيه قد يكون الطبيب قلل الجرعه ... فيعطيه زيادة وترجع الامور طبيعية باذن الله .... حاولي ماتضغطين عليه هالفتره وارجعي ... انت سند له بهالدنيا
|
رد: كيف اتعامل مع زوجي مريض شك
اقتباس:
|
رد: كيف اتعامل مع زوجي مريض شك
الله يفرج همك ويرزقك من حيث لاتحتسبين
|
رد: كيف اتعامل مع زوجي مريض شك
تخيلو ناقشته بمرضه وش مرضك قلت اخاف ينتقل للاولاد علمني وش مرضك ابيه يصارحني قال خلاص انا مجنون وقولي لبنتك انتي تركت ابوك عشانه مهبول وانتي طالق تعالي خوذي اغراضك انا من اول مو مرتاحه معه ومومرتاحه بالرجعه لانه اتعبني مرضه واخاف يجوني عيال فيهم مثل مرضه بس الشكوى مازعلت من مره بس مصدومه كل ذا باليل ماقلت لاحد الله يعين ويعوضني خيرا منه
|
رد: كيف اتعامل مع زوجي مريض شك
الله يفرج همك ويعوضك باأحسن منه وربي يشفيه ويعافيه
|
رد: زوجي مريض شك تم الطلاق رد1
كسر خاطري مررره ايش السؤال ياحلم مالك من اسمك نصيب .... اجل تيش مرضك . نوعية زوجك الله يشفيه ويعافيه من في مثل حالته او اي مريض يحتاج للاحتواء والتروي مو ضغط حبيبتي ..... الله يهون عليه ويشافيه ويخليبه بنته.
|
رد: كيف اتعامل مع زوجي مريض شك
اقتباس:
و احمدي ربك كثيرا قد ما تقدري بكل صدق ... بعدين خلي نفسك تخضع لامر الله غصبا عنها ، يعني اجعليها ترضى بقضاء الله و قدره و اياك و السخط ! يعني لا تقولي ليش حظي مزفت و كلام زي كذا و العياذ بالله ... اعلمي اختي ان هذا الطلاق ظاهره شر و تحته كنز عظيم ، يعني يوم تحصل مصيبة فوق طاقة الانسان و من غير ظلم او تعدي ، فتوقعي كل خير يجيك و انتظري العوض و المستقبل الطيب و الجميل من الله .. و احذرك من سوء الظن في الله ، و التوقعات السيئة ، على العكس ، احسني الظن فربك غصبا عن الواقع او المجتمع و كلام الناس و العالم كله ، لا تقيسين نفسك باحد ابدا ، كل انسان يختلف عن الثاني حسب ايمانه ، و حسن ظنه فربه ، و اخلاقه ، و اخلاصه ، و عقيدته ... اعتبري نفسك شخص مختلف عن الكون كله ، و خلي نظرتك للمستقبل كلها سعاده ، و اعملي على شق طريقك في هذه الحياة باجتهادك و اخذك بالاسباب و قبل هذا كله ، خلي علاقتك بربك قوية جدا ، حبيه ، تعلقي به ، اشكيله ، تواصلي معه فكل الوقت بالتسبيح و الاستغفار و التكبير . ترا القوة و الفضل و النعيم من الله و الضعف و الفقر و الحزن من الشيطان ، فلا تضيعين الكنز الاول بمجرد تصديق وسوسة نفس و شيطان ( سوء ظن ) ! كوني قوية ، الطلاق احيانا يعتبر ولادة جديدة و فرج عظيم من الله ،لما يحصل في الحالات الصعبة جدا اللي ما لها حل الا الانفصال . اسأل الله انه يحفظ اسر المسلمين من الشتات و الضياع و الدمار ، و اسأله سبحانه ان يتمتع كل اطفال المسلمين بالعيش وسط والدين طيبين صالحين ! امين |
رد: زوجي مريض شك تم الطلاق رد1
الله يعوضك خير يا حلم
لكنك اخطاتي بسواله و ردة فعله متوقعة اذا تعرفي اسم الطبيب اللي يتعالج عنده ليه ما تروحي له و هو يشرح لك حالته و كيفية التعامل السليم معه قدر الله و ماشاء فعل، اذا لك رغبة بالرجوع له لابد تستشيري و تراجعي الدكتور اللي يشرف على حالته . اما اذا اخترتي الانفصال ما لك الا التسليم بقضاء الله |
رد: زوجي مريض شك تم الطلاق رد1
هو يقول ضغطتي علي وانا بعد مضغوطه احس انه غاشني مايبي يقولي وش فيه يمكن مرضه يورث وتكون حسبتي غير ويقولي انا احبك بس وش اسوي انا ادري انه مسكين وغصب عليه بس الحياه معه صعبه وقلق نفسي وممكن يسوي فيني شي لاتحمد عقباه بسبب مرضه هذا ؟ويقول تبين ترجعين
بكيفك الله يعين |
رد: زوجي مريض شك تم الطلاق رد1
اقتباس:
اقري كلامي يا حلم لا تنتظري منه يعترف بمرضه، روحي انتي و افهمي من الدكتور اللي يتعالج عنده، ناقشيه بحالة زوجك اعرفي كل شي و كيف تتعاملي مع مرضه بعدها قرري اذا بدك تكملي واياه او لا الحياة صعبة لما ما تكوني فاهمة بالضبط ايش مرضه و الله يعينك |
رد: زوجي مريض شك تم الطلاق رد1
اقتباس:
مع هذا الرأي مرجعك هو الدكتور المعالج |
رد: زوجي مريض شك تم الطلاق رد1
مكانه الانسب
|
رد: زوجي مريض شك تم الطلاق رد1
كلام سنديان عين العقل ، بس انصحك يا حلم بالاستخارة قبل كل خطوة .
|
رد: زوجي مريض شك تم الطلاق رد1
الله يعوضك خير ويخلف صبرك بالاجر
|
| الساعة الآن 10:07 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©