|
موقف مع الشغالة مستجد 71
اليوم بعد صلاة العصر ونا راجع من المسجد مريت السوبر ماركت
وجبت معي اغراض للبيت اول ما دخلت قمت انزلها عند الباب جت الشغالة تاخذهم ونا رحت اجيب الباقي جبتهم والشغالة واقفه جنب الباب عشان تاخذهم انا من عادتي ماعطيها شي مناولة من يدي الي يدها احطهم على الارض وهي تاخذهم اول ما بديت انزل الاغراض ونا منزل راسي الاذيك البوسة علي راسي انا توقعتها المدام الاوالله انها الشغالة واقسم لكم بالله ياجماعة الخير الشغالة حبت راسي انا برد كل مافيني وهالموقف صار قدام زوجتي كانت واقفة من بعيد بصراحة انربط الساني مدري مدري وش اقول المدام طارت فيها ليش تسوين كذا والشغالة تبكي الا شعوريا تبسمت والله ماقصدي شي والمدام يزيد غضبها تقول مبسوط علي الموقف اليوم تحب راسك وبكرا تطيح بحضنك قلت انا انسان مبتلا وفق هذا كلة مانتبهت لها ولا ارضاه على نفسي من باب المخافة من الله قالت والله اني واثقة فيك اكثر من نفسي لكن الموقف اثر فيني المهم قالت ماتقعد عندي بالبيت واخذتها عند امي واسئلها بطريق ليش سويتي كذا ماترد على وتبكي المهم وصلنا عند الوالدة والشغالة تبكي قالت وش مشكلتها قلت حابة راس كفيلها امي ماصدقت تحسبني امزح قالت خلاص خلها عندنا رجعت للبيت حصلة المدام طاقة البوز ولاتبي تكلم معي طيب انا وش ذنبي مستجدات الرد 71 http://66n.com/forums/showpost.php?p...8&postcount=71 |
رد: موقف مع الشغالة امام زوجتي
موقف لايحسد عليه أحد
كان الله في عونك راضيها بسفره |
رد: موقف مع الشغالة امام زوجتي
ربما من باب الاحترام او انك كبير في العمر صح ما يجوز لكن هذه ثقافتها
احنا الوالد او ابو زوجي او عمى شيوخ نحب راسهم صح مالك ذنب خليها يومين ويذهب عنها الغضب |
رد: موقف مع الشغالة امام زوجتي
طيب انت ماغلطت زوجتك ليش تزعل على موقف الخدامه !
|
رد: موقف مع الشغالة امام زوجتي
اقتباس:
|
رد: موقف مع الشغالة امام زوجتي
اقتباس:
لانها تقول ماني قادرة انسى تفاصيل الموقف ونا برئ برأة يوسف من دم الذيب |
رد: موقف مع الشغالة امام زوجتي
اقتباس:
|
رد: موقف مع الشغالة امام زوجتي
والله مستفزة الشغاله هاذي
ع اي اساس حبت راسك شكلها تريد تستفز المدام وقاصده ولا من متى شغالات يحبو الكفيل؟؟ صراحه مالوم المدام تزعل وانت تزيد عليها تبتسم؟؟ |
رد: موقف مع الشغالة امام زوجتي
هههههه ضحكت على الموقف
الله يهدي النفوس |
رد: موقف مع الشغالة امام زوجتي
اقتباس:
بدون اجابة ماترد بنسبة لتبسم هذا طبعي غصب عني وهي عارفة طبعي ولا كنت اقصد شي |
رد: موقف مع الشغالة امام زوجتي
اقتباس:
قلت لها قبل شوي جهزي نفسك للعزيمة بعد شوي قالت ماني رايحة ولا لي خلق فاانا مطر اني اروح |
رد: موقف مع الشغالة امام زوجتي
ليش تبتسم ابتسامتك هي سبب المشاكل لو بينت انك منصدم وزعلان كان عدت على خير
|
رد: موقف مع الشغالة امام زوجتي
بالنسبة للشغالة, خلّي الوالدة تسالها ليه فعلت ذلك
الزوجة غضبها تأديبي حتى ما يحلا لك فعل الشغالة الموقف ممكن يُهمل وتنسون الحكاية دام عاقبتها وأبعدتها عن البيت |
رد: موقف مع الشغالة امام زوجتي
اقتباس:
ولكن يوم شفت المدام معصب ولاكشن مع الشغالة ابتسمت وهذا طبعي احيان ابتسم غصب عني في مواقف بايخةوالابتسامة كانت عفوية |
رد: موقف مع الشغالة امام زوجتي
شكل الشغاله مادرت ان زوجتك واقفه،،عشان كذا تهورت،،من رايي استغنو عنها درءا للمفاسد وزوجتك بتزعل كم يوم وتنسى
|
رد: موقف مع الشغالة امام زوجتي
السلام عليكم ,, أخي الكريم ,, أعتقد أني قد قرأتُ لك عن مشروع فتحته وتعمل فيه بدوام جزئي ( محل ورود ) إذا لم تخني الذاكرة ,, وهو باب رزق قد يزوره النساء أكثر من الرجال ,, وطلبات النساء الخارجية أيضا أكثر من الرجال ,, وزوجتك تعلم ذلك ,, وأنك تباشر العملاء من الجنسين ,, وقد تكونُ هناك مشكلة لك حصلت مع إحدى النساء ,, وعلمت عنها زوجتك ,, ربما ,, لا أذكرٌ جيداً ,, ردة فعلك ,, لم ترضي زوجتك ,, والابتسامة أيضا منك زادت في الموقف الإشكالي ,, ما أراه وقد يكون خاطئاً أنك تتحمل جزءاً من الخطأ ,, و هو جزءُ أساس ,, إذا كانت الزوجة تعلم يقيناً أن عمل زوجها يتطلب الحديث مع الجنسين وربما يدخل الشيطان بشكل رئيسي في إيهام الزوجة بأفكار تؤثر في العلاقة الزوجية من باب أن الزوج يجب عليه أن يكسب عملاءه بحسن الحديث والابتسامة وغيرها , فكان لِزَاماً على الزوجِ أن يضعَ النقاطَ على الحروف من أول موقفٍ إشكالي ,, فتكونُ ردةَ فعلهِ قاسيةً على الزوجَةِ بأنه بعيدٌ عن كل الشكوكِ و أنه لن يسمح لها بفتح الموضوع مرةً أخرى وإلا ستجد ما لا يسرها ,, اذهب إلى العشاء لوحدك ,, ولا تفتح الموضوع معها مرةً أخرى ,, وإذا هي ناقشتك فيهِ أغلقه وكن صارما ,, واجلب خادمة أخرى ,, اهـ |
رد: موقف مع الشغالة امام زوجتي
اقتباس:
او انها تحترمك وقصدها تعبر عن احترامها لاني لاحظتك لطيف مع خدمك وترحمهم والله اعلم |
رد: موقف مع الشغالة امام زوجتي
فرحة الاغراض الي جبتها فيه اشياء تحبها الخادمه وتاكل منها اكثر شي من شافتها باست راسك ...!
لانه مالها تفسير غيرها |
رد: موقف مع الشغالة امام زوجتي
كان المفروض انت تعصب على الخادمة وتهاوشها .. تبسمك ماله داعي واذا هذا طبعك فطبعك مب حلو اسعى لتغييره..
|
رد: موقف مع الشغالة امام زوجتي
اللي انت سويتها اكبر من اللي سوته الشغالة...
ما له داعي تبتسم أبداً احمد ربك إن ما صار لك سالفة اكبر من ورا ابتسامتك آنه من ورا الشاشة استفزتني.. فما بالك زوجتك ! |
رد: موقف مع الشغالة امام زوجتي
كلام الاعضاء صحيح.
اعلم علم اليقين انك صادق لكن كل المسألة في كفة ، و ابتسامتك في كفة اخرى محلها من الاعراب استفزاز و تغذية شكوك ! كان الله في عونك . |
رد: موقف مع الشغالة امام زوجتي
انت كبرت الموضوع بابتسامتك اللي مالها داعي
و الا كان انتهى الموضوع بمجرد خروج الشغالة |
رد: موقف مع الشغالة امام زوجتي
اقتباس:
khhkhhkhhkhh |
رد: موقف مع الشغالة امام زوجتي
ههههه
الله يعينك |
رد: موقف مع الشغالة امام زوجتي
وش جنسيتها الشغاله ؟
|
رد: موقف مع الشغالة امام زوجتي
اليست انثى؟؟؟
واين الشيطان منهما؟؟؟ اعطى الاخ ابتسامه في غير وقتها وزاد الغضب لزوجته الحل تسفيييييييير فورا |
رد: موقف مع الشغالة امام زوجتي
كثير من الحريم الا مارحم الله منهم تعتمد على الشغالة في كل شي في الطبخ و تربية الاطفال
وحتى ثياب الزوج و اذا حصل شي من اي طرف تحمل الزوج المسوؤلية و تقول خاين و ماله أمان متى نعلم اننا بشر لسنا ملائكة نفتن و نفتتن و الشغالة في النهاية مرأءة و ربما تكون فاتنة جدا خاصة لو كانت من شرق أسيا و أما أبتسامتك طبيعية كل واحد فينا يحلم في الاهتمام و الاحتواء الفتن من حول الازواج تكثر و الاهمال بين الزوجين لبعضها البعض يكثر مشهد تناقضي بمتياز |
رد: موقف مع الشغالة امام زوجتي
اقتباس:
لبيت ماما افلانة ويسئلونها ليش سويتي كذا ماترد |
رد: موقف مع الشغالة امام زوجتي
اقتباس:
صعبة زوجتي موظفة وعزايمنا كثيرة |
رد: موقف مع الشغالة امام زوجتي
اقتباس:
كثير .بخصوص الابتسامة انا طبعي كذا وهي عارفتة غصب مو بكبفي حاولت كثير لكن تطلع الابتسامة في مواقف مالها داعي..بخصوص دخول الشيطان براسها انا الا استبعد ذلك رغم ثقتها العميا بشاطي الراحة رحت أمس للعشاء وستانست ولا رجعت للبيت الا الساعة 12 دخلت البيت والهدوء يعم المكان |
رد: موقف مع الشغالة امام زوجتي
اقتباس:
المدام ماتخلي الشغالة تنظف الصالة او غيرة ونا موجود تقولها اذا بابا موجود خليك بالمطبخ ولا تكلمين معة اذا بغيتي شي كلميني طبعا انا مرتاح جدا، فممكن هالامور اثرت سلبا على الشغالة بخصوص اني ارحم الخدم يا اختي ديننا دين الرحمة وفعلا والله اني ارحمهم يوم اتذكر انها تاركة بيتها وطفالها وزوجها عشان لقمة العيش ولكن رحمتي لها عن طريق زوجتي وليس مني مباشرة مثلا اقول لزوجتي لاتخلينها تشيل اشياء ثقيلة فوق طاقتها لاترهقينها بالعمل ماجيب الفلاش للبيت عشان مايثر على صحتها و واكد على زوجتي انها تناديها بسمها مو تقولها يا شغالة من باب احترامها وتقديرها، لها غرفة خاصة و تلفزيون وانتر نت فما توقع انها تدري اني ارحمها ووصي زوجتي عليها لانة امر بينا دون علمها |
رد: موقف مع الشغالة امام زوجتي
مرحباً أخي
بغض النظر عن سبب تقبيل الخادمة لك أو نيتها الآن أصبحت مثل القنبلة الموقتة في بيتك وممكن تؤثر على علاقتك بزوجتك .. لأن زوجتك دخلها الغيرة منها وربما تشك في أي حركة تصدرها أنت حتى لو كانت عفوية منك لذلك .. من الأفضل أن تتفاهم مع زوجتك على تسفيرها والأتيان بغيرها ولكن بدون أن تعلم .. فقط قوم بإجراءت سفرها وأخبرها في نفس اليوم لتستعد للسفر ثم آتي بغيرها إذا أردت أعانك الله |
رد: موقف مع الشغالة امام زوجتي
انا شغالتي في البداية معطيتها حدود معينة كلها خمس شهور الا قامت اذا شافت زوجي بيجي راحت فتحت الشعر المنفوش الجاف وقامت ترزز قدامه ع بالها بتجيب أجله وهو اساسا مو طايقها من اول وانا عاد مسكت عليها غلطة ثانية لاتغتقر الي هي السرقة وع طول سفرتها ماقعدت عندي وانا موظفة صار لي 11 شهر اهم شي راحة البال بعد هذا اللي ناقص اجيب لي وحدة حق الشغل تقوم تحط عينها ع الزوج🌚..انا مقدرة شعور زوجتك حط نفسك مكانها لو اللي صار العكس السواق اللي تحمس وحب راس زوجتك وابتسمت بدون قصد نفسك كيف بتحس !! عشان كذا معليه راضها حقها عقب ذا الموقف اللي ينرفز
|
رد: موقف مع الشغالة امام زوجتي
اقتباس:
|
رد: موقف مع الشغالة امام زوجتي
اقتباس:
لين وصلت عندها ونا برد كل مافيني بمعنى لحظة ذهول من الموقف واستغراب انا ابتسمت الا شعوريا يوم شفتها معصبة وتهاوش وعيونها طايرة ..حاولت اغير هالطبع ولكن اتذكر لروحي بعد الابتسامة.. ونا اكتب هالرد قاعد ابتسم |
رد: موقف مع الشغالة امام زوجتي
اقتباس:
|
رد: موقف مع الشغالة امام زوجتي
اقتباس:
|
رد: موقف مع الشغالة امام زوجتي
اقتباس:
طيب وانا وش ذنبي هي عصبت قبل الابتسامة |
رد: موقف مع الشغالة امام زوجتي
اقتباس:
|
رد: موقف مع الشغالة امام زوجتي
الموقف نفسه غريب وليس له هدف واضح من قبل الشغالة
يعني لو كانت القبلة على الخد بنقول تحرش لكن قبلة احترام على الراس ؟! هل سبق وان حاولت الاقتراب منك او لمحت تصرفات غير مقبولة منها تجاهك |
| الساعة الآن 06:41 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©