|
بجاحة الشغاله ورضا زوجي ؟
السلام عليكم
يمكن بعضكم يشوف موضوعي بسيط ومشكلتي تافهه.. لكنها شاغلتني سبق وكتبت موضوع عن خدامه اهل زوجي انسانه مستفزه وتتميلح دائما عند زوجي لكني متجاهلتها تماما غبت شهور عن بيتهم ولما رجعت شفت العجب العجاب لقيتها صارت تمون عليه بالكلام لما دخلنا رحب فيه وانا ماناظرتني كالعاده ولما جينا نطلع راحت تقول له بدلع: لا تتأخرون نشتاق لكم (بالانجليزي) وهو ارتبك وقال ان شاء الله انا هنا ناظرتها بحزم وقلت له هذا مو شغلك ولا تتكلمي مع سير بهالطريقه ضحكت بدلع وراحت وتركتني كلمت ام زوجي ثاني يوم لانها ماكانت موجوده وقت الموقف عملت نفسها متفاجأه وقالت ماتستحي وقالت زين كلمتيها شغاله وقحه وقالت كل ما انزعجتي منها كلميها قلت هذا حلك يا خاله؟ قالت ادري يا بنتي جريئه بس ايش اعمل ماتتغير وانا بحاجتها والا ماكان تحملتها وعالقهوه لمحت لزوجي مافهم جبتها له كاش ورجع ارتبك وجهه وسكت ماكأنه يسمعني حتى كلمه وحده للذم ماقال يعني مو هاين عليه يذمها! قلت له كان الافضل ماترد عليها قال خلاص لاتكبرين السالفه وجلس يخترع لي سوالف ثانيه انا متضايقه ونافره من بيت اهله وصايره ما ازوهم الا بالشهر مره بس زوجي كل يومين عندهم ومايهون عليه يجرحها بكلمه والا يوقفها عند حدها وهذا اللي مقرفني منه! يقول ماتهمني طيب ليه وجهك يتلخلط وصوتها يلعلع وانت تبلم وترتبك ولا عمرك نقدتها رغم وقاحتها وبعدين يعني ايش الحل مع هالبجيحه صغيره وبيضاء وحلوه وفرفوره.. اوكي بس جراءه وتميلح كذا عيني عينك لا كذا اوفر وام زوجي لو هي مو ارمله كنت متأكده ماتخليها ببيتها ليله وحده |
رد: بجاحة الشغاله ورضا زوجي ؟
الشغاله فلبينيه ولا نيباليه؟؟؟
|
رد: بجاحة الشغاله ورضا زوجي ؟
وش فيك اذا انتي مو مقصرة بشي وواثقة من نفسك ما عليك منها.. الا اذا انتي مقصرة بشي
|
رد: بجاحة الشغاله ورضا زوجي ؟
اقتباس:
|
رد: بجاحة الشغاله ورضا زوجي ؟
اقتباس:
وجربت طرق كثيره بدون حل |
رد: بجاحة الشغاله ورضا زوجي ؟
من ناحية أنها مستفزة فهي مستفزة
أنت الآن كلمتيه بشكل مباشر و كلمتي خالتك أيضاً و و رديتي على الشغالة في ساعة الموقف الآن عليك بأن تدعي الله بأن يكفيك و زوجك و أهلك شرها وفقك الله |
رد: بجاحة الشغاله ورضا زوجي ؟
اقتباس:
لحد ماتمادت الشغاله هنا تكلمت بس لو زوجي قال لي صح عليك والا قال انو تفاجأ او انها وقحه كان بردت ناري وطنشتها لكن سكوته وانا اتكلم وارتباكه ومحاولته تصريف الموضوع هالشي نرفزني عليه هو زياده كان بامكانه يأيدني ويسكت مو يقول لاتكبرين السالفه وبس! ما ادري ايش تفسيركم يا الرجال لكن تفسيري كأمراه انها ماتجرأت الا شافت منه ضوء اخضر ويمكن كاسره عينه بشي معين عشان كذا تكلمه بجراءه ووقاحه قدامي يارب تكون مجرد واساوس ابليس لاني متضايقه جدا |
رد: بجاحة الشغاله ورضا زوجي ؟
والله انك مشغله نفسك بشي م يسوى وانتي اش عليك يرد ولام يرد عليها لاتصغري عقلك اهم شيء ماقصر عليك وقايم بواجباته وبس ..
|
رد: بجاحة الشغاله ورضا زوجي ؟
اقتباس:
بس عيونه تلاقط اذا مرت ويرتبك اذا كلمته وهي تنبسط وتزيد الدلع الماسخ اوكي حلو اذا شايفين هالشي عادي طنشت لاني اشوفه غير عادي ابدا |
رد: بجاحة الشغاله ورضا زوجي ؟
اقتباس:
|
رد: بجاحة الشغاله ورضا زوجي ؟
اقتباس:
والله يصرف هالجنيه عن زوجي |
رد: بجاحة الشغاله ورضا زوجي ؟
اقتباس:
|
رد: بجاحة الشغاله ورضا زوجي ؟
هالجنسيه قمه في القذاره وإذا حطت براسها شي توصله خلي عيونك مفتحه وإدعي الله يصرفها عنكم
|
رد: بجاحة الشغاله ورضا زوجي ؟
الغلط على زوجك المفروض من زوجك يوقفها عند حدها لو لقت رادع من زوجك راح توقف لاكنها شايفته مبسوط ويرتبك هي تفكر انه مبسوط بهذا الشي وتشوفك مقهوره ومعصبه راح تزيد لاكن لو زوجك وقفها عند حدها راح تبطل
|
رد: بجاحة الشغاله ورضا زوجي ؟
الرجال في الغالب لا يرون وزن للشغالات (والله أعلم)
من الأدله ما حصل قبل أيام لأحد الأعضاء هنا عندما وضع موضوع وهو تقبيل خادمتهم لرأسه وهو ابتسم و لم يكن له ردت فعل قوية أتمنى من كل زوج أن يصارح شريك حياته بكل شيء يكدر نفسه (لا يزن على رأسه و لكن يضع النقاط على الحروف) قد يكون زوجك من الرجال الذين لا يستطيعون غض البصر (هذا خطأ) وهي لاحظت هذا الشيء (الخدامة) و تستمتع باختلاس زوجك بالنظر لها و تستمتع أكثر بنظراته في وجودك فتشعر بأنوثتها و تستمتع بإثارة غيرتك فالكثير من الرجال لا يجيدون التصرف في مثل هذه المواقف خاصة مع الخدامة و خاصة مع الخدامة الغريبة التي لا يكون هو كفيلهاو تكون تحت كفالة أحد من أهله على سبيل المثال أخي عنده خدامة من الفلبين نصحته بموضوع لينبهها عليه قال لي : لا دخل لك بخدامتي !!! عذرته لصعوبة الحصول على الخدامة المناسبة في الوقت الحالي و كذلك لكثرة تكاليف إستجلابهن و كذلك لا أعلم ممكن يكون في سبب آخر لا أعلمه الصراحة و أظن أنك قمتي بما عليك الا إذا كنت تظنين أن ضغطك عليه بحزم قد يأتي بنتائج أفضل فأنت في قلب الحدث أما نحن من خلف الشاشات ولكن لا تتجسسي و لا أحسن الظن الا إذا رأيت شيء صريح وواضح وضوح الشمس وفقك الله |
رد: بجاحة الشغاله ورضا زوجي ؟
اتوقع خدامتك قاطة الميانة بزيادة من وقت لماكنتي عند اهلك...وبرأيي لازم تحطي لها حد والبداية لازم تكون من عند زوجك ..اتكلمي معاه بهدوء انه مايعطيها وجه ومايرد عليها لانك وقتها راح تمسحي فيها الارض قدام البيت كله ..مثل ماهو يمنعك من اشياء لاته يغار عليك انتي بعد من حقك ترفضين وحدة اجنبية عنه تتدلع له وتتكلم معاه قوليلو خليك رسمي معاها انا هذا شي مايعجبني
|
رد: بجاحة الشغاله ورضا زوجي ؟
لا و الله مو عادي ابدا
الله يعينك |
رد: بجاحة الشغاله ورضا زوجي ؟
اهلا آختى الكريمة كثير منا يخجل ان يصد انسان بطريقة جافة وخصوصا اذا كان كلام المرآة عادى هذا بالنسبة الى عدم صد زوجك لها اما عن البنت هل هى مسيحية ومن يعيش مع حماتك ويقيم اقامة دائمة |
رد: بجاحة الشغاله ورضا زوجي ؟
ماهو وضعها الاجتماعي؟ متزوجة - مطلقة - ارملة - بكر
|
رد: بجاحة الشغاله ورضا زوجي ؟
اقتباس:
الوم زوجي للاسف فجأه يصير خجوووول ووديع كنها طفل بالروضه وهي تهزهز كتفها وتدلع |
رد: بجاحة الشغاله ورضا زوجي ؟
اقتباس:
بس العتب على زوجي مو عليها لو مره رد عليها بحزم كانت قفلت فمها ولزمت المطبخ |
رد: بجاحة الشغاله ورضا زوجي ؟
اقتباس:
وللعلم زوجي غيور جدا علي ويوم وقفت على شغاله اهله صار فجأه يقول لاتكبري السالفه والا يقول: ما ابغى اشد لانها شغاله امي والاغرب من كذا كل خدامات الناس اللي نعرفهم يقول عنهم شغاله فلان وشغاله فلان الا هذي يقول اسمها الصريح لو جاء موضوع او قصه طرف فيها وهالشي مستفز برضو ولافت انتباهي |
رد: بجاحة الشغاله ورضا زوجي ؟
اقتباس:
فعلا هو يختلس النظر لها طول الوقت وهي تزيد بقله الادب وانا سكت اول ماجت تشتغل قلت فتره وبيمل بس لانها كائن جديد لقيت الامور صارت ملخبطه اكثر ومن يقبل تركض بدلع وتهز كتوفها حتى يتمايل شعرها وتاخذ منه الاغراض بابتسامه والا تعطيه اغراض وهي تغمز: تيك كير وهو وجهه يقلب الواااان وانا اقول كل هذا وانا معه اجل اذا راح زارهم بدوني!! عموما انا سكت سنه كامله عليهم وانفجرت هاليومين واذا تكرر اي شي مو طبيعي بتكلم وانطق احس اذا تكلمت ارتحت اول اسكت وانقهر دعواتكم |
رد: بجاحة الشغاله ورضا زوجي ؟
اقتباس:
ويقول ايش اسوي هي كذا اسلوبها! عامل نفسه بريء وماعطاني فرصه اكمل فجأه نط راح يصلح شي ويلعب مع ولدي ويضغط جواله حركات لما يحب يتهرب بس وصل له المسج اللي قهرني ان زوجي لسانه بذيء يعني اللي تصرفاتهم غلط يقول عنهم: --- الخ وانا ياما جاني نصيب وحتى اخواته واهله الا هالشغاله الكريهه كلمه وحده ذم فيها مايقووول كنها ساحرته |
رد: بجاحة الشغاله ورضا زوجي ؟
اقتباس:
لو من اول مره هبيت فيها كان فاقت على نفسها بس كنت مطنشه وما ابغى اعطيها حجم لانها راحت والا جت شغاله |
رد: بجاحة الشغاله ورضا زوجي ؟
اقتباس:
هو صده بطريقه جافه وثقه ويتهم بياعين المحلات بابشع الامور قبل لا ادخل المحل نفسه ورغم ان علاقتي فيهم عابره لكن بنت ابليس ساكنه ببيت اهله ومطيحه الميانه بوقاحه بالنسبه لسؤالك ام زوجي وبنتها اللي ماتزوجت بس |
رد: بجاحة الشغاله ورضا زوجي ؟
اقتباس:
|
رد: بجاحة الشغاله ورضا زوجي ؟
الرجال يرتبك لانه ما يبي مشاكل ... وساكت لانه بعد ما يبي مشاكل
وامه على قولتك ارمله عادي بتخليها لكن اكيد ماراح ترضى على ولدها بالردى كبري عقلك ووكلي امرك لربك واكفي نفسك شرها لا تسحرك او تتسبب لك في شي بحيااتك شرررررهم واجد |
رد: بجاحة الشغاله ورضا زوجي ؟
اقتباس:
حتى ماتسوي لي مشكله والا تسحرني لا طبعا هي المفروض تبلع العافيه وتسكت جايه من اخر الدنيا تدور لقمه عيشها يا تتأدب وتلزم حدودها والا تنقلع ديرتها حتى لو هي مو شغالتي ماراح اسكت القصه مو فوضى وانا بطبعي اسكت اسكت اسكت اسكت بس اذا نطقت احوس الدنيا والله لو اسفرها على حسابي واجيب لخالتي بدالها ولا تجلس تثير زوجي بالطلعه والدخله |
رد: بجاحة الشغاله ورضا زوجي ؟
اقتباس:
الصحيح أنها في نهاية الأمر أنثى مثل أي أنثى ولكن فقرها أجبرها على العمل ببيوت الناس |
رد: بجاحة الشغاله ورضا زوجي ؟
اقتباس:
والله مو تعالي استغفرالله لكن حتى ابرد ناري قلت هالكلام والا هي بالنهايه فعلا انثى ومستفزه وام زوجي تاركتها براحتهاااا |
رد: بجاحة الشغاله ورضا زوجي ؟
اقتباس:
إذا بمقدورك الوصول إلى تطبيق قرار تغييرها فافعلي وجودها مهلك لاستقرار بيتك وعلاقتك بزوجك يكفي انها أثارت فتنة وزعزعت الثقة بتصرفاتها الطائشة وهناك عدة قرائن كافية لجعلك حذرة منها واسألي الله العون في سعيك, فهي فتنة لا يرضاها ,, |
رد: بجاحة الشغاله ورضا زوجي ؟
اقتباس:
بس هم مايشوفون فيه شي يستدعي لازم تصير مصيبه حتى يقتنعون بهالشي خصوصا انها مريحة ام زوجي تخدمها وتعمل لها مساج وتدلعها لكن متأكدة لو أبو زوجي عايش قسما بالله ما تركتها ببيتها |
رد: بجاحة الشغاله ورضا زوجي ؟
وحده قليلة أدب بس اللوم على أهل زوجك انهم ماسكينها وشكلهم عاجبهم الوضع
انصحك لاتنزلين من قيمتك وتكلميها، جربتي هالشي بس شوفي كيف طنشتك فلا تحطي نفسك بهالمواقف. هي وحماتك عارفين ان تصرفاتها تغيضك واكيد هالشغالة تصرفاتها تختلف امام ازواج البنات وتصير محترمة لان الهدف اغاضة الكنّة مو حلوة بحقك تكلمي حماتك بصراحة حاطينك بموقف صعب لان حل المشكلة بيديهم وهم مبسوطين بهالوضع ويمكن اذا سويتي مشكلة ببيتهم راح ينبسطو اكثر.. انا لو مكانك كنت بستعمل كل اسلحتي ونقاط ضعف زوجي واخليه هو يطلب تسفيرها بنفسه... شوفي هم كيف بيضربوا على اوتاره الحساسة.. الي لازم انت تستغليها اعوذ بالله من شياطين الإنس |
رد: بجاحة الشغاله ورضا زوجي ؟
انت أدرى بأم زوجك: هل تسمع منك وتثق لو كلمتيها بشأنها هل ممكن تتفهّم وتساعدك ؟ |
رد: بجاحة الشغاله ورضا زوجي ؟
اقتباس:
صارت ام زوجي تقول لبناتها اني متضايقه من شغالتها وهم يضحكون ويقولون تراها قطعة شغاله لاراحت ولاجت ايش هي اسلحتي ونقاط ضعف زوجي اللي بتخليه يسفرها ترى متنكدة من هالزفته.. الحقيني بالحلول يا مسك |
رد: بجاحة الشغاله ورضا زوجي ؟
اقتباس:
تقول شغالتي جريئة الله يهديها كلميها انتي يابنتي عادي خذي راحتك معها اذا غلطت هاوشيها انتي تصرفي معها انتي هذا ردها !! |
رد: بجاحة الشغاله ورضا زوجي ؟
شكرا لردودكم اخواني واخواتي
انا عقلي يقول المشكلة مو بالشغاله لانها لاقيه ضوء اخضر ولا بام زوجي ولا باهله كلهم المشكلة في زوجي نفسه لو هي اذا قربت شخط فيها: يلا روحي كان تأدبت ولزمت حدودها لو هو عطاها عين حمراء كأي رجل محترم كان ما تجاوزت حدودها معاه الخلل في زوجي وبسسسس لكن انا ماعندي مشكلة لو اتخاصم معه بكل زيارة لاهله حتى يفوق ويستوعب دام الإحساس عنده بإجازة واحقاقا للحق ام زوجي لما درت ان تصرفاتها زاعجتني ماصارت تكلف زوجي ياخذها الطبيب لو مرضت مثلا صارت تكلم وحدة من بناتها تروح معها بس تقول لي وهي تضحك: حتى ما تتضايقي! يعني كنها تسلك لي وهي عارفه ان شغالتها مستفزة بس تقول انها بحاجتها |
رد: بجاحة الشغاله ورضا زوجي ؟
اقتباس:
المدام تقول ما عاد اجيب فلبينية بعد الي حصل لو اقدم استقالتي من العمل قلت خلاص نجيب من وكرانيا😃 الله يعينك ولكن اذا انتزع الوازع الديني هنا تكون الكارثة. |
رد: بجاحة الشغاله ورضا زوجي ؟
اقتباس:
المشكله بالرجال المتساهلين اللي مايوقفونهم عند حدهم انت تتبسم وزوجي يهز راسه ويتبسم الله يعينا عليكم |
| الساعة الآن 06:21 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©