|
زواج طليقتي
السلام عليكم ورحمة الله وبركاته
انا هاليومين جالس اجهز للسفر للخارج عشان اجراء عمليه لولدي في الخارج بعد تواصل مع اطباء معروفين وارسال التقارير لهم وبالتنسيق مع ابن عمي الله يجزاه خير وطبعا امه عندها خبر ان ولدها راح يسافر لعمليه خطيره في النخاع الشوكي نسأل الله له الشفاء المهم البارح جاني اتصال من اختي تقولي ان فلانه تزوجت قبل يومين واللي هي ام اولادي الحقيقه اني انصدمت بصراحه قلت الله يوفقها ويستر عليها وانا من داخلي بصراحه مستغرب وش هالام !!! وخصوصاً اني كنت ناوي اودي الولد لها اول عشان اجهزه نفسيا يعني لما يشوف ابوه مهتم فيه من جهه وامه من جهه تفرق مع الطفل طبعاً وطبعا سافروا شهر عسل هههه شر البلية مايضحك وهذا يعني ماراح يشوفها ولدها قبل السفر طبعاً انا ماني ضد زواجها والله اني فرحان وان شاءالله تتوفق بس مستغرب من التوقيت وكيف لها نفس تفرح وولدها عنده عمليه خطيره!! |
رد: زواج طليقتي
الله يشفي ابنك و يعافيه ، امين
هداها الله |
رد: زواج طليقتي
الله يشفيه يارب وتفر ح بسلامته وعقبالك يارب بالزوجه الصالحه
|
رد: زواج طليقتي
سبحان الله
طيب هل تاكدتكم من التشخيص قبل تسوون له العملية ؟ |
رد: زواج طليقتي
الله يسهّل لها ويهنّيها ويقدّرك على ما بلاك ويعوّضك, خفّف لومك عليها, تاريخ الزواج ممكن مبرمج من قبل أخذك الموعد لعملية الطفل الله يشفيه والأمر لا يخصّها لوحدها فلعلّ زوجها لا يقبل التأجيل أيضا الفرحة تنسي الكثير وتلغي حسن التفكير ثمّ هي أكيد مطمئنّة على ولدها بين أيديك وفي رعايتك فأنت قد اثبتّ للكلّ قوّة مسؤوليتك وشدّة اهتمامك فمن هذا الباب رأت أنّ دورها لا يزيد ولا ينقص على الطفل الكثير. أسأل الله أن يشفيه ويعافيه ويرفع عنه الضرّ , هذا هو الأهمّ فلا تشتّت تفكيرك,,, |
رد: زواج طليقتي
الله يشفيه ي رب
ويخليلك عيالك ويحفظهم ويعينك ع تربيتهم ويمتعك ربي ف برهم ان شاالله ويرزقك بالزوجه الصالحه الي تعينك ع دينك ودنياك قول امينfgf |
رد: زواج طليقتي
الله يشفي ولدك وعافيه .. واستودعه الله دائما
عادي الوحيد .. القلوب الامهات مثل قلوب الاباء مو سوا .. او ممكن تكون حزنانه عليه وتفكر لكن بعد تبي (تنجح ) بزواجها الجديد فقّوه قلبها وتبي تثبت للزوج الجديد أنه حياتها معه ماراح ينغصها عيال من زوج سابق وغير انها مدرسه فهذي الاجازه فرصه للزواج مهما كانت الظروف وممكن لانها واثقه انك ماراح باذن الله تهملهم بردت هالقلب اخيراا اعتبرها شخص مو موجود .. ولا تدخلها بنفسيه الاطفال وجود امهم او عدمه ومستقبلا لو عرفوا عيالك انها تزوجت فهونها على نفسيتهم لو كانت صعبه عليهم يا اما ما تعلق نهائيا ع الموضوع او تعلق بايجابيه والله يرزقك ببنت الحلال اللي تعوضك وعيالك خير ويجبر كسر قلوبهم , |
رد: زواج طليقتي
الله يقومه بالسلامه ان ساء البه ويشفيه.
اخوي الوحيد. انت رحال عاقل وتعرف تحلل وتوزن الامور وحنون. صفات جميله وكويسه الحمدلله. لا تعتقد ان اغلب الناس تفكر بمنطقيه مثلك. |
رد: زواج طليقتي
اشعر انها لن تسمر فقط تزوجت لكى يمكن لها الرجوع لك اذا تطلقت اشعر لازال لديه امل وخصوصاً انك لم تتزوج الى الان اما الولد فله الله ثم انتى اسأل الله ان يعافيه ويتمم له الشفاء انه سبحانه الشافى المعافى |
رد: زواج طليقتي
انا بس طرحت الموضوع لاني مستغرب بس
يعني المفروض ان الام مافيه شي يوازي حنانها وخوفها على اولادها هذا المفروض والمعروف حتى ان الحديث الشريف ووصفه رحمة الله عزوجل ذكر ان الله ارحم بعباده من الام لدرجة رحمة الام لـ اولادها اما ان الزواج مرتبط بدعواة وخلافه مثل ماتفضل احد الاخوات فـ لا الزواج تم في البيت ذبيحه ومع السلامه لانه رجال كبير وهي الزوجه الرابعه فـ مافيه شي مترتب واصلا موضوع الولد له ثلاث شهور تقريبا يعني مو بيوم وليله انا والله ماعندي اي اعتراض على زواجها والله يوفقها ويستر عليها ولكن مستغرب بس وهذا اللي خلاني اطرح الموضوع اما كلامك اخوي ابو مريم نفس كلام اختي لي البارح وتوقعها نفس توقعك ولكن بالنسبه لي انتهت للابد وحرمت علي طول عمري |
رد: زواج طليقتي
يعني معقولة للحين ماعرفت طينتها ومعدنها؟!!!!
|
رد: زواج طليقتي
اقتباس:
بس مدري يااخي احس ان قلب الام وفطرتها مو كذا وعلى فكره انا بقدر استغرابي الا اني مبسوط على زواجها عشان تنشغل بنفسها وتبطل التحريض اللي تمارسه على العيال ابوكم وابوكم لدرجة البارح طلبوا مني العيال اني اغير جوالاتهم مع ان جوالاتهم جديده فـ قلت لا جوالاتكم جديده قالوا ايه بس انت عندك فلوس كثيره وعندك عماره 6ادوار وعندك محلات بيع جوالات قلت من قالكم هالكلام قالوا امي وخالي فلان !!! وطبعا انا ماعندي شي من اللي قالوه بس تحريض مبطن |
رد: زواج طليقتي
قلبي يوجعني على ولدك الله يشفيه ويخليك لهم
هم سندك و عزوتك اذا كبرت وانت اكيد تحاول تعوضهم عن فقدان الام والتشتت اما بالنسبه لطليقتك فما راح توقف تحريض اذا انشغالها بوظيفتها ما منعها من التحريض الشيء الاخر هي الزوجه الرابعه يعني حيكون عندها وقت بس عنددي سؤال هي كم عمرها تتوقع انو رراح تخلف طفل وتنسى عيالك طليقتك معلمه المفروض تكون مربية أجيال |
رد: زواج طليقتي
الاحساس عندها صفر. الله يعين ابنائها
والله يشافي ابنك و يتم عليه صحته |
رد: زواج طليقتي
يا الوحيد ..
اللي رمت عيالها في الشارع ما يصعب عليها تتجاهل مرضهم وتعبهم ولأنها ترى انك أب مثالي لاولادك تشجعت انها ترمي كل الحمل عليك ما أقول انت السبب لانك مثالي بل هذا دورك الطبيعي جزاك الله خير وعسى الله يشفي ولدك ولكن قدرك انها ضعيفة المسؤوليه تدري وين القهر؟ .. القهر لو أخذت مطلق ولا أرمل تربي عياله وهي تاركه عيالها ولكنها تزوجت كزوجه رابعه وبإذن الله تنشغل عنك لان وجودها بحياة عيالها ضرهم أكثر مما نفعهم . يا الوحيد .. اللي تخلت عن شرفها يهون عليها تتخلى عن كل ما سواه وحتى عيالها, وعيالها ليس أهم ولا أغلى من شرفها وانت شفت بعينك بعد الطلاق كيف كان وجودها بحياتهم عامل سلبي عليهم فمن ماذا تتعجب ولماذا تستغرب ؟ |
رد: زواج طليقتي
لا تستغرب فيه امهات مثلها
ولما تصفق بها الدنيا و العيال يكبرون و تشتد ضلعتهم تجي تدورهم لكن هي اعتقد انها تبي تتحلل و ترجع لك الله يشفي ولدك و يعوضك بالزوجة الصالحة اللي تملا حياتك سعادة |
رد: زواج طليقتي
صراحه ماشفت فيها شي
الله يوفقها والله فرحت وانا ما اعرفها ايش شفت مفروض تسوي ..تاجل عرسها ؟ ما اظن الشي هذا بيدها والاولاد مع ابوهم ومو مقصر فيهم مو في شارع ذكرتني باحد قريباتي صادف يوم عرسها ولاده بنتها والكل يعاتب ليش تزوجت بيوم ولاده بنتها 😂😂😂 |
رد: زواج طليقتي
أسأل الله الشافي المعافي أن يشفي ولدك شفاء لا يغادر سقماً ولا تنسى تطمنا علي وهي الله يسعدها ويبعدها ويعينك وعقبال تبشرنا بزواجك زواجها سيعيد لحياتك الاستقرار فلعلها تنشغل عنك وعن تحريض الصغار كما تفضلت
|
رد: زواج طليقتي
فراقها عيد وسعيد يالوحيد ، شي يقهر لما ام عيالك تتزوج وعيالها بحاجتها ....!
متأكد انها ستفشل بزواجها كان الله بعون الجميع ...! |
رد: زواج طليقتي
اقتباس:
وفقك الله أختي الكريمة |
رد: زواج طليقتي
غريزة الامومه تختلف من امرأه لاخرى ..مثلها مثل بقية الغرائز فهي ليس نمط واحد لجميع البشر
فلا تعتب ولا تستغرب .. |
رد: زواج طليقتي
استغفر الله يا رب..
البعض كأنه قاعد بقلب الحرمة ويعرف شاللي يدور فيه! ما تدرون بظروفها اللي اضطرتها ان يكون زواجها بهالتوقيت واللي يتكلم عن غلطتها .. على أساس ان احنا معصومين يعني؟ كلنا دون استثناء معرضين إن نرتكب تفس غلطتها ويمكن أكبر بعد لولا إن رحمة من الله .. أساساً شدراكم إن اهيه عند رب العالمين مو أفضل درجااات منا! عموماً الله يهنيها ويهديها و يهدينا والله يعوضك أخي الوحيد |
رد: زواج طليقتي
اقتباس:
لكن اتفق مع زين ما يصير ندخل في نيتها و لا نتكلم عن شرفها ربي الي يحاسبها و اخدت هي جزاتها و نحن مو معصومين اخوي الوحيد استخير و لا تجازف و تاكد لا يكون مرض ولدك نفسي بسبب الاحداث الي مريتوا بها و امهم مصيرها تلاقي نتيجة رميها لاولادهاً |
رد: زواج طليقتي
اقتباس:
ان شاءالله ربي يوفقها وتنشغل بنفسها وبزوجها |
رد: زواج طليقتي
بالنسبه للي يقول ليش نذكر غلطتها, ذكرت غلطتها لأن الوحيد متعجب من زواجها بهذا الوقت فحبيت أذكره بتصرفاتها الحمقاء في الماضي وبمعدنها لان اللي يصير الحين هو امتداد للماضي فهي ما زالت تتصرف بنفس الحمق والغرابه
واللي سوت ذاك التصرف الأسود ما نستغرب منها تحريض عيالها على طليقها والتخلي عنهم ومضايقة طليقها . يجب أن نضع الأمور في نصابها ونربط الماضي في الحاضر لانه كل لا يتجزأ وهذا الواضح لي أما مسألة توبتها فهي بعلم الغيب ولم أذكر في كلامي اني أفضل منها ولا اني معصوم ولا لي دخل بما بينها وبين ربها والاخ الوحيد أصلا ما يهمه توبتها من عدمها . |
رد: زواج طليقتي
اقتباس:
المشكله الحين الولد الثاني لازم انقله للمدينه اللي فيها اخواني عشان يجلس عندهم عشان المدارس كنت مخطط اول انه يكون عندها حتى ارجع ولكن الشكوى لله |
رد: زواج طليقتي
اقتباس:
انا ان شاءالله قد المسؤليه وماني مخلي شي عن ولدي بس راحم الثاني توه صغير وصعبه عليه بيوم وليله لا اب ولا ام لده مجهوله لاني اتوقع اني راح اجلس بالشهور بالمستشفى والله اعلم |
رد: زواج طليقتي
اقتباس:
الله يستر عليها ويوفقها ويبعدها |
رد: زواج طليقتي
اخ وحيد كيف عملك اخذت اجازة للعلاج لاني اعرف انك موظف حكومي
وحاليا دراسه ولدك الثاني الصغير يروح مدينه ثانيه ويترك المدرسه ؟؟؟؟؟ |
رد: زواج طليقتي
اقتباس:
فيه شي يجي فجأه وفيه شي يكون عندنا علم فيه من قبل ومرضه له ثلاث شهور مو بيوم وليله وعندها خبر عن العمليه من فتره وثاني شي اصلا مافيه عرس هي ذبيحه في البيت ولافيه معازيم يعني مافيه ارتباط اختي انا كلامي مجرد استغراب ولاني ضد زواجها بالعكس ادعي لها بالتوفيق |
رد: زواج طليقتي
اقتباس:
الله يسعدها ويبعدها ويكفيني شرها |
رد: زواج طليقتي
اقتباس:
|
رد: زواج طليقتي
اقتباس:
|
رد: زواج طليقتي
اقتباس:
ماتقدر تاخذه معك وتحوله منازل او مو لازم يدرس هذي السنة |
رد: زواج طليقتي
الاخ الوحيد اقترحت عليك بالماضي ولازلت اكررها اسكن عند اهلك ببيت ابوك بيت العائله راح تشوف فرق كبير بين وضعك الان ووضعك لما تسكن عندهم راح ماتشيل هم عيالك فترة عملك وطلعتك خارج البيت ، حاول لعل وعسى والله يكون بعونك والقلب داعيلك ...
|
رد: زواج طليقتي
اقتباس:
|
رد: زواج طليقتي
غريبه ياوحيد انك استغربت من تصرفها ،،من سردك لمواضيعك واضحه جدا شخصيتها غير مباليه وماتهتم كثير باللي حولها ويمكن ماتهتم حتى لامر نفسها ..ف ماتوقع ان هالموضوع بالذات بيغير شي فيها او شخصيتها ..الله يوفقها ويرزقك بالزوجه الصالحه ويشفي ولدك ويخليه لك،،
|
رد: زواج طليقتي
اقتباس:
انا ارسلت التقارير الى مستشفيات معروفه في المانيا وفرنسا والتشيك وهم تقريباً اشهر الدول فيما يخص الاعصاب والوضع اختي لازم له قرار والا لا قدر الله راح يبقى الولد على ماهو عليه صحيح القرار صعب ولكن طالما انهم اجمعوا الاطباء فـ ماقدامي الا اني اوافق على العمليه وطبعا لما اروح ان شاءالله راح اخليهم يعيدون الاشعه والتحاليل كلها من جديد حتى نتأكد |
رد: زواج طليقتي
اقتباس:
ولدي الثاني راح اخذ ملفه وارسله لعمامه ويكمل الدراسه هالسنه عندهم حتى ارجع ان شاءالله |
رد: زواج طليقتي
الابتلاء على قدر الايمان
الله يقويك اخي وحيد انت قدها لا تبالي باحد ولا تشتت تفكيرك والصغير ارجو ان تضعه في بيت آمن حتى لو كانت جدته لامه او حتى امه بعد ان ترجع خلي مصلحته. فوق كل شي لانه صغير ويقدر يستغلونه والا خذه معك اسال الله ان يفرج همك ويقر عينك بشفاء ولدك |
| الساعة الآن 10:27 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©