|
حماتي وكلامها عن زوجي
السلام ..
مشكلتي هالمره مختلفه و اببببيي حللللللللللللللللللللللل .. .. هذي مشكله زوجيه وبتهدم بيتي لان لو صار وطلعت حضرتها مع زوجي انا راح اتطلقققققققق .. . .. حماتي < مرت اخوه > طبعا اخوه متزوج 2 وهي الثانيه .. مختلفه 180 درجه عن الاولى .. كل شي عكس .. هذي ذربه وتسولف مع الكل وتطيح الميانه مع الكل ومن تزوجت احسها حطتني براسها .. لان يمكن تغار على زوجي مدري .. مع ان تحب زوجها بجنون .. من اول يوووم دخلت بيتهم وانا عروس لي اسبوع او اقل .. عزموني ع عشا و اول مادخلت راحت اخته الصغيره تبشرهم فلانه جت فلانه جت تعالوا تعالوا فلانه جت .. فجأه طقت ب اذني ايييي شسوي لها ارقص لها ؟ وقتها كأن انكب علي ماي بارد وتجمدت مكاني حتى ماجت تستقبلني عند الباب . ثاني موقف .. بعد العشا جلست تتكلم معي وتسولف وبس تحاول تبين لي انها تعرف زوجي اكثر مني وتعلمني ع طبعه وش يحب وش يكره وفجأة وانها بس تجيب اسم وحده انا وفلانه كبر بعض وانا لما حضرت عرس فلانه وانا وانا وفلانه وفلانه .. بقلبي اقول شكلها صديقة عمرها او وحده من حريم اخوه الكبير او شريكتها .. سئلتها عن اسمائهم وعددت لي وان مافي هالاسم .. لما رجعت لبيتي قلت لزوجي بسئلك وش اسم زوجتك الاولى ؟ قال فلانه < هي نفسها اللي تسولف عنها . قلت ماشاء الله و مرت اخوك صديقتها مبين قام يضحححك قال اخوي كان مملك عليها وهي بس حضرت العرس و على ماتزوجها اخوي انا كنت مطلق < زوجته الاولى جلست اقل من شهر > المهم لما جت لبيتي جلست تسئلني بكم شريتوا هذا و من وين جبتوا هذا ومن اختار هذا والخ .. وانا اقولها مدري بكم لان جد مادري ماتهمني هالسوالف اللي يهمني ان بيتي اثاث جديد .. ولما اقولها مدري تقول ايييي صح لانك جيتي بعدين < تقصد بعد الاولى وان الاثاث للاولى > وبالليل فاتحت زوجي وحلف لي ان كل شي جديد و ان شقة اخوه الثاني هي كانت شقته الاولى والاثاث حقهم الاول و اللي ببيتي كله جديد .. المهم صارت مشكله بينها وبين زوجها وراحت لاهلها بمدينة ثانيه وجلست هناكك 7 شهور وجت هنا اسبوع لما جت عزمناها ع عشا وبعد العشا قعدت تقول لي انها كانت ماتتواصل مع احد هناك لازوجها ولا حد الا مع زوجي وتقول ياقلبي يافلان وقف معي و ياحياتي فلان كان بيننا تواصل والخ .. انا فار دمي وقلت ادري كان يسئلك عن البنات قالت اي قلت لان ابوهم يقوله < وانا اكذب مادري عن شي بس لان اعرف اسلوب زوجي .. والله لما جت عندي ان زوجي يستحي وهي تسولف وتضحك وصوتها عالي .. المهم اخذتنا السوالف وقلت لها انا زعلانه منك رحتي وانا حامل وماقلتي اتصل ع هالمخلوقه اشوف ولدت ولا ماتت واشوف وش جابت و ابارك لها وانا من ولدتي اتصلت عليك باركت لك والخ .. شهقت هي قالت لااااا والله من شفتك حطيتي عرض بالواتس انك ولدتي ع طوووووووووووول رحت ابارك لفلان واسئليه .. انا هنا فارررررر دمي وقلت منوووو اللي ولد انا ولا هوووووووو ؟؟؟؟؟؟؟؟؟؟؟؟ المهم هي جلست كم يوم وانقلعت لاهلها مره ثانيه .. وضلت شهووور و امس شفت بسناب ان اخوه رايح لمدينتها ورحت اكلمها ها بشري بترجعين قالت اييي بعد يومينننننن ومن اجي بطلع والخ وبعدها قالت اصلا زوجك مواعدني يعشيني و يمشيني وناخذ فره بسيارته الجديدة و و و و الخ .. المهم هي كانت تحلفني من اول ماتواصلنا ان لاحد يدري ومدري ايش .. وكنت اكلمها بالسر بس لما فار دمي رحت واجهت زوجي وهو صار يضحك ويقوللي ماني مطلعها صاحيه انتي لو بطلعها كان طلعتها من جت هذيك المره وقعدت اسبوع كانت ناشبه لي وهي اللي تقول طلعني طلعني بس ماني غبي وما احلاني قدام اخوي طالع مع مرته وحلف لي وللخ .. بس انا في شك بداخلي اخاف يطلعووووون من وراي لان زوجي يستحي من اللي يلح عليييه .. وهي ماتستحيي .قاللي تبي عشان تصور سناب والخ .. قلت طيب خل اخوك ياخذ سيارتك ويطلع زووووووجته اصلا يكونوا مشتاقين لبعض خلها تطلع عشان يصورون ويمسكون ايدين بعض والخ و زوجي قاللي تطمني وحلف لي وكل شي .. بس ماني واثقه .. شي واحد اللي يبرد قلبي . ان اكلم اخوه واعلمه كل شي واخليه يمنع زوجته .. بس اخاف يعلم زوجي وتكبر المشكله . ودي اتواصل معاه واحلفه مايقول شي لحد واقوله ان زوجتك قالت بتطلع مع زوجي وانا هالشي ما ارضاه انت طلعها والخ . وش رايكم ؟؟؟؟ تم تعديل العنوان ليتناسب مع المضمون |
رد: تبي تطلع مع زوجي !!! دمي ف
سويلها حظر من جوال زوجك واعطيها اكبر طناااش لا تهدمي بيتك وخلي علاقتك معاها رسمييه جدا انا انقهرت وش هالكلام خيير وين احنا عايشين ويمكن غيرانه منك لان مافحياتك شريكه
|
رد: تبي تطلع مع زوجي !!! دمي ف
وتعلمي لم تغثك تعطيها كلمتين مختصرة تسكتها واللي مايستحي منا ما نستحي منه
|
رد: تبي تطلع مع زوجي !!! دمي ف
مستحيل امسك جوال زوجي واسوي حظر لو غريبه نقول ممكن .. بس راح اجيب مصيبه ع راسي .. ومعك حق ممكن الشريكه لها دور لان مره تقول لي انتي ضامنه مايتزوج عليك ؟ قلت حتى لو مرتاحين ومافي مشاكل ونحب بعض بس ما اضمن بكره وش يصير ...
هي حاطه شرط تطلع ببيت بعيد عن اهله وشريكتها وكانت تقول لي بس اسكن تجيني ووووالخ قلت اذا قريب اي بس اذا بعيد مستحيل لان فلان مايرضى > وانا اصلا انا ماني حابه اروح .. قالت لا ياحبيبتي انا فلاااانه ماراح يرفض لي طلب وبقوله يجيبك .. والله مواقف وسوالف كثيرررره .. انا ابي شي يوقفها نهائي عن زوجي مابي حل مؤقت ابي شي يأدبها .. ودي اكلم زوجها والله لان همي مو بس الطلعه همي كل شي لان كل ماهذا تطلع بشي .. بس انا اخاف اقول لزوجها ويوصل لزوجي .. لو حلفته اول الكلام وكذا تتوقعون يوصل لاخوه ولا لا .. |
رد: حماتي وكلامها عن زوجي
ياشيخه اسفهيها ولا تجيبي طاري زوجك عندها ابدا وانتي ادرى بزوجك يمكن تبغى تسوي بينكم مشاكل
|
رد: حماتي وكلامها عن زوجي
انا ما اجيب طااااريه يا وردة .. هي تجيبه .. ولو تبين بصورلك محادثات قديمة وجديدة وتشوفين كيف هي تجيب الطاري
|
رد: حماتي وكلامها عن زوجي
انتي معطتها قدر
تكلمينها بالسر و تعاتبينها وهي مو معطتك اي قدر تغثك وتسحب عليك احسك كانك خايفه منها |
رد: حماتي وكلامها عن زوجي
مو خوف والله .. بس لان وعدتها ولان ابي ابعدها عن تواصلها مع زوجي بالسر بس الحين طفح الكييييييل ... ومثل ماغثتني اخر مره ع الطلعه غثيتها وخبرتها ان زوجها و زوجته كانوا يطلعون و و الخ وهي انقهرت .. انا تعبت منها ومن اسلوبها شكلي اكلم زوجها واللي يصير يصير لانها صارت تتمااااااادى وانا ابي احط حددد .. مستحيل احطه من جهة زوجي لان ماني شايفه منه غلط وانها هي اللي تبدأ بالكلام معه وهي اللي تمزح وهي وهي ...
|
رد: حماتي وكلامها عن زوجي
انا مابي اتصرف بتهور وبدل حل الموضوع اسوي مشكله .. لأول مره امسك اعصابي يعني لما هي قالت كذا زوجي كان نايم وعلى طول كلمت اختي وخبرتها وطلعت حرتي فيها وقالت لي صارحي زوجك لاتخبي بقلبك اسئليه وشوفي .. انتظرته ولما صحى لقاني عاقدة الناظر وماكلمته لان داخلي بركاااااان سئلني شفيك قلت مافيني شي < لو كنت على طبعي قبل .. كان من صحى علمته وناقشته وعصبت عليه وهو راح يرد بعصبية وراح يقول مافيها شي ومثل اختي وعناد فيك راح اطلعها وووالخ > انتظرته لما صحى و اخذ دش و افطر و جلس يذاكر وبعد ما خلص كنت متجهزه عشان ازور اهلي قال يلا مشينا قلت قبل نمشي ابيك بموضوع .. وفتحت هالسيره وتكلم بضحك وجلس يحلف لي وكذا والمشكله انه جلس يدور تصريفه عشان مايجرحها هذا اللي جلطني يقول بحط سيارتي بالوكاله او بقولها عندي اختبارات و ووالخ .. بس هذا طبعه طيب ومايحب يقول لحد لا ف يجلس يصرف .. الشي الثاني لو كنت ع طبعي قبل كان رحت وكلمتها بعصبية والخ بس خفت انها تعرف نقطة ضعفي وتستغلها .. الشي الثالث كنت بكلم زوجها وتراجعت لما اسئلكم ...
يعني مابي اتصرف من راسي ابي اتصرف بحكمة وابي حل سلييييم و اطلع من هالموضوع بدون خسارة |
رد: حماتي وكلامها عن زوجي
والله انها سخيفه ;)
قالت ايش قالت زوجش بيطلعني !! قولي لها خلي زوج بحاله وروحي استرجعي حقوقش من زوجش ,hmt زوجها ساحب عليها ولاصقه بزوجش يعني خلصو رجال العالم كله .. وهذاك عنتر بن شداد حشريه ع زاويه واخنقيه خنق يلزم حدوده من متى الرجال يكلمو حريم خوانهم ؟؟ عصبت وانا مالي دخل قسم بالله قله ادب ggfggf |
رد: حماتي وكلامها عن زوجي
صدقيني وريها عين الحمرا وسوي لها حظر اشكال هاذي ماحد يصادقها
|
رد: حماتي وكلامها عن زوجي
سؤال ليش تكلم زوجك هل حريم اخوانه كلهم يكلمون زوجك
وبعدين الأخت طاقه الميانه لا هو محرم له عشان تكلمه لازم تحطين له حد |
رد: حماتي وكلامها عن زوجي
اقتباس:
|
رد: حماتي وكلامها عن زوجي
مالومكم تعصبون هههههههه
اجل انا وش اقوووووووول وقسم بالله مانمت الليل من التفكير والشياطين تلعب ببالي .. انا لما اغار اصير عدوانييييه الله يكفيني شر نفسي .. لدرجة امس فكرت امشي بطلاقها والله بس تعوذت من الشيطان .. انا ابي حلللللللل .. الشي الثاني حريم اخوانه الباقي محترمات ويستحن واذا تكلموا معه كلمه و رد غطاها .. والكبيره ياحبي لها اذا تبي شي من زوجي يعني زوجها مسافر وخلص حليب ولدها وزوجها يكون موصيها اللي ينقصها تقول لزوجي .. هي تتصل علي خلص حليب ولدي قولي لفلان يجيب لي اذا يقدر والخ .. واذا راحت معه لمستشفى او صيدلية تقول لي يعني ماتخبي ولا تكذب .. وكل شي تطلبه مني انا واذا انا جوالي مقفل او مارديت وتسكر كل شي بوجهها ذيك الساعه تكلمه وتجي تكتب لي انها كلمته لان مارديت والخ .. يعني اسلوبها مثل اسلوبي انا ما اتواصل مباشر معاهم اتواصل مع حريمهم اذا ابي شي الا هذي تتواصل مباشره مع زوجي وماتعلمني الا بعد فترة وتبهر الموضوع و تزود وتسوي كأن مخبيه جزء منه ولما اتفاجئ تقول ايي ماقال لك ؟ يعني اسلوبها مستفزززززززززززز ماشفت مثلها بحياتي .. والله الحمااااااة تحرق القلب اكثر من الجاااارة .. عالاقل هذيك تكون زوجته ع سنة الله ويكون لها حق مثل مالك بس هذي خيرررررررررررررررررررررر .. انتوا وش رايكم اكلمها و اوقفها عند حدها ؟ ولا اكلم زوجها ؟ اخاف اكلمها وتروح تقول لزوجي كذا وكذا .. محتاره والله |
رد: حماتي وكلامها عن زوجي
انتي كلمي زوجك بالاول يطنشها و يقول له اذا تبي شي تكلمك ولا تطلع معه الا انتي معه لازم زوجك ما يعطيها وجه ولا تضغطين على زوجك عشان مايسوي شي من وراك وتنقهرين زياده
اسلوب الحرمه اسلوب حيه بتزيد عليك لو كلمتيها لا تبينين له بشي ابد حاولي ما تجلسين معها ولا تحتكين فيها الله يعينك ادعي دايم الله يكفيك شرها |
رد: حماتي وكلامها عن زوجي
والله يا توق قلتلك زوجي اذا ماكلمته مايكلمها .. كيف امنعها هي
|
رد: حماتي وكلامها عن زوجي
يا روح انت اعطيت للمرأة حجما لا تستحقه واضح عنها قلّة الحياء والأدب وواضح أنّها ماكرة فكيف تحادثيها وتعزميها وتزوريها بعد ما عرفتيه من طباعها! ما عليك منها دام زوجك ما يفكّر بنفس تفكيرها هو فقط مثل ما قلت لا يحب التجريح وهذا طبع في كثير من الرجال , لكن انت اقطعي علاقتك بها وسفّهيها وأظهري لها راحتك مع زوجك وسعادتك به وراقبي من بعيد تطوّرات تصرفاتها لو فهمت نفسها وتأدبت, ترتاحي من شرّها ولو تمادت ووصل الأمر لأن تخرج معه أو تلحّ على ذلك, عندها أخبري زوجها, هو أولى بأن يضع لها حدّا .. |
رد: حماتي وكلامها عن زوجي
انا فوق غيرتي عندي شك .. يعني لو هي جت راح اضل ع اعصابي و لو شفت انها طالعه وزوجي طالع راح اشك انهم سوا تلح عليه ويطلعها وانه يوصيهاا لاتعلمي زوجتي لان تزعل .. هي لو نيتها سليمه اوووك لو وحده من حريم اخوانه عادي لو طلعت معه لان اعرفها ماتبالغ بس هذي لو بس ياخذها فره بالحاره راح تجي وتقول رحنا لمكان روووووعه فااااااااتكككككككككككككك و اكلنا ذاك العشا و زوجك قال انه ماعمره جابك هنا و و الخ راح تكذب وتبالغ عشان كذا انا اكرررررهها وبعدين ليش انتظرها تجي وتخرج معه وبعدها اكلم زوجي ! وقتها راح اروح لهلي ومارجع
|
رد: حماتي وكلامها عن زوجي
قبل ساعتين كذا من صحى زوجي لاشعوريا فاتحته بالموضوع وقلت له عطهم المفتاح والخ قال ياللييييييييييل وش بلاك انتي قلتلك امس وخلاص سكري ع الموضوع مو باقي الا تعلميني كيف اتصرف و اذا فتحتي هالموضوع بعد هاللحظه والله راح يصير عكس اللي تبينه وراح اطلعها عناد فيك .. انا سككت وغيرت الموضوع وجلسنا نسولف ونضحك لما روق ..
|
رد: حماتي وكلامها عن زوجي
أنتو جلساتكم مختلطة والحريم يقابلون الرجال بدون حجاب !!
في حياتي مامرت علي إنه وحدة تطلب من اخو زوجها تتمشى معاه لحالهم ويطلعون مطعم سوى لوحدهم حتى في المجتمعات المنفتحة !! ايش الدمار اللي عايشين فيه انتو ماني مستوعبة قلة الحيا اللي في الموضوع !! |
رد: حماتي وكلامها عن زوجي
بنت طيبة ولا انا مستوعبه ..
انا هنا عندهم شفت العجب .. زوجي ولد عمي مو غريب بس عاداتنا وعاداتهم تختلف .. احنا الحمى خط احمر تتحجب قدامه بس ماتطلع بروحها معه حتى لو ضروري لازم ياخذ زوجته محرم لهم .. لكن هنا لقيت الحمى مثل الاخ ويقولوا لي مثل اخوانك وعادي و والخ مرات يجي حماي ياخذني من المستشفى ومرات اروح لهلي معه والخ بس شي ضروري و زوجي يكون عنده ظرف يمنعه .. والله انا الى الان ماعمري فتحت سالفه مع واحد من اخوانه واذا كلمني عيني بالارض بسسس هذي هذذذي هي الغريبه تصرفاتها هي تفتح مواضيع ووالخ |
رد: حماتي وكلامها عن زوجي
والله اني ادعي ليل نهار ان تصير مشكله بينها وبين زوجها ويرجع بدونها .. شايله هم رجعتها واخاف زوجي يقول اعزميها والخ .. واذا رفضت راح يزعل اكيد بس راح ارفض بحجة تعب الحمل ..
|
رد: حماتي وكلامها عن زوجي
الحين انا ودي اضمن انها توقف عند حدها قبل هي تطب الرياض .. طبت بقبرها يارب .. كيف اضممممن مافي حل الا اقوووول لزوجها بس اخاف يقول لزوجي لكن يمكن اذا حلفته بالله ماراح يقول لحد مدري والله عقلي مشووووشششششش
|
رد: حماتي وكلامها عن زوجي
هي تمون على زوجك لانها تمون عليك
انتي اثقلي من طرفك وهي ماعندها سالفه |
رد: حماتي وكلامها عن زوجي
ماتموووون علي والله اني رسميه معهااا وهي من تشوفني تسولف وتسولف وتسولف واقولك من اول يوم لي ببيتها توني عروس قالت ارقص لها ؟ وبعدها بنفس اليوم جلست تتكلم عن طليقة زوجي اللي عمرها ماشافتها الا بالعرس و ماتعرف شي عنها الا اسمها ولما شافتني عندهم و زوجي راح جلست تتكلم عن طليقته تحسبني اعرف اسمها هههههههههههه وانا ماعرفته الا بعدين .. وكنا كل مانتلاقى تحت تتكلم عن طبع زوجي وتقول مثل طبع اخوه وتقول يحب كذا و اعرف فلان يحب كذا والخ .. دايم تحاول تستفزني وانا احاول ما ابين لها لان مابيها تعرف نقطة ضعفي مع ان اتوقع هي عارفتها لان يبين علي .. والله تعبت منها احس كأن جارتي بتجي
|
رد: حماتي وكلامها عن زوجي
طيب أختي مجرد سؤال
أنتِ تقولي أن أخو زوجك يجي يأخذك من المستشفى ويوديك لأهلك بعض الأحيان ( إنتِ شايفة إن هذا صح .. هذا لو على قولك زوجك عنده ظروف .. طيب والمفروض زوجات أخو زوجك ما يزعلو ويغيرو ..!!؟ ) والحين أنتِ زعلانة وغيرانه أنها قالت بكل صراحة وجرائة أنها بتطلع مع زوجك يوديها مطعم ..!!؟ أنا أدري أن الشغلة كلها غلط .. وأنه لا وجه للمقارنة بس أحببت ألفت نظرك .. وبالنهاية عليك أنك تصدقي زوجك طالما قال لكِ ماني مطلعها وتقصري السالفة |
رد: حماتي وكلامها عن زوجي
اول مره اكون ماني عارفه وش اسوي وانتظر رأي حكيييم .. انتظر الاعضاء اللي دايم يساعدوني وحلهم يطلع صحيح .. هذولا كثير نصحوني وعلموني الصح من الغلط جزاهم خير .. وقلت لكم اول مره افتح الموضوع مع زوجي بوقت مناسب وكذا وسمعني كلام ريحني بس مدري ليش قلبي مو متطمن .. ومايهدي بالي الا احط زوجها بالصوره يكفي اني صابره سنه و 8 شهور على تصرفاتها وكنت فرحانه انها راحت وطلعت طول هالفترة تتواصل مع زوجي .. تعبت والله تعبت .. بس مدري هالشي صح ولا غلط ؟ اجيه ب اسلوب واقوله كل ششششي وقبلها اكون محلفته مايطلع واقوله هالمسئلة راح توصل للطلاق اذا مرتك راحت مع زوجي والخ
|
رد: حماتي وكلامها عن زوجي
اقتباس:
|
رد: حماتي وكلامها عن زوجي
الحين انا مابي تاخذون شي من صلب الموضوع وتتطرقون لكذا شي بعيد عن مشكلتي .. انا سؤالي واضح والوقت يمشي ماباقي شي وتجي وانا ابي اضمن انها تجي وهي مرررربطه عن زوجي وماشوف حل الا زوجها .. ف سؤالي هل هذا القرار صحيح ولا لا ؟
|
رد: حماتي وكلامها عن زوجي
مرحباً أختي
عطيتك الحل من وجهة نظري عليك أنك تصدقي زوجك طالما قال لكِ ماني مطلعها وتقصري السالفة أما لو أخبرتي أخيه .. فأخاف أن تحصل مشكلة كبيرة تطولك وتطولها وتطول عائلتكم أما بالنسبة للمرأة فتعاملي معها على أضيق نطاق إذا رأيتيها .. مجرد سلام وكيف الحال وإبتسامة خفيفة ولو فتحت أي موضوع قولي الله يعين والله يسهل أعانك الله |
رد: حماتي وكلامها عن زوجي
انا مصدقته بس قلتلكم زوجي ينحرج كثير لدرجة جلس يقول بقولها عندي اختبارات ولا اودي سيارتي للوكالة واخليها ومدري ايش ويدور تصريفات كل هذا عشان مايقولها مقدر ومدري ايش .. وهي ماتستحي راح تضل تلح عليه .. حتى انا خايفه ادخل اخوه وتصير مشكله كبيره بس يمكن اخوه راح يحفظ السر ويأدب زوجته بدون مايقولها شي
|
رد: حماتي وكلامها عن زوجي
خلاص قررت اكلم زوجها واللي يصير يصير ..
على قول السوريين < ان ماكبرت مابتصغر .. |
رد: حماتي وكلامها عن زوجي
طيب وش تقولين لزوجها
انتي طنشيها هي بس تبي تقهرك لا تعطينها اكبر من حجمها |
رد: حماتي وكلامها عن زوجي
انا شايف ان ليكى حق فى قلقك على زوجك .. مهما كان التحرر مسمعناش امراه تحكى هيك عن رجل غريب .. هى اما تثير غيرتك عشان شايفاكى بتتوترى ادامها .. او زوجك سامحلها بكده .. احنا عندنا تحرر وممكن اوصل زوجة اخى لكن مسمعناش كلام زى ده .. مش كفايه ان زوجك يريحك بالكلام لازم يتجنبها تماما ويعتذر لانه مشغول بيكى .. ودايما يركز انه حياخدك فى الوقت اللى هى طالباها مشوار اخر .. لكن لا تبلغى زوجها بشيئ الحل فى يد زوجك |
رد: حماتي وكلامها عن زوجي
زوجها اكيد مايدري عن حركاتها هذي .. واذا صار وطلعوا ماراح تقول لزوجها انها هي طلبت بتقول فلان عزمني والخ ..
انا منجلطه والله .. بالنسبه لزوجها ارتب كلامي و اقوله ان تحملت كذا منها وكذا وكذا وكذا . بس انها توصل فيها المواصيل تطلب زوجي يمشيها ويعشيها لا معليش هالشي مايرضيني واذا هي طلعت معه انا راح اتطلق لان ما ارضى احد يشاركني بزوجي .. واقوله دام همها السياره ليش ماقالت لي بطلع مشوار مع زوجي بسيارتكم .. و اقوله كللللل شي واخليه يوقفها عند حدها ويمكن يخليها تحظر زوجي من سناب والواتس |
رد: حماتي وكلامها عن زوجي
اقتباس:
|
رد: حماتي وكلامها عن زوجي
بما اني عرفت انها هي اللي ناشبه لزوجي من زيارتها هذييييك وانهاا هي اللي طلبت .. وش رايكم اروح اقولها ليش تقولين ان زوجي واعدك بطلعه ليش ماقلتي انك انتي ناشبه له وحبيبتي شيلي هالموضوع من راسك لان لو يبي يطلعك كان طلعك من لما جيتي هنا قبل فترة .. اذا كان همك السياره خذيها واطلعي مع زوجك فيها واتركي زوجي بحاله عيب عليك هالحركات
|
رد: حماتي وكلامها عن زوجي
اقتباس:
وش تقولي لزوجها؟ تشتكيله من افتراضات ونوايا ! تكلّميه عن احتمالات لم يحدث منها شيء !! اثقلي شويّ واصبري لا تنقلب المشكلة عليك |
رد: حماتي وكلامها عن زوجي
كيف زوجها ما يدري؟
يعني ما شاء الله ما يسأل ولا يستفسر عن شي يخص أهله؟!! طيب فرضاً طلعت مع زوجج لمطعم .... هل زوجج يكتم الموضوع سواء عن أخوه أو باقي أهله؟ يعني إلا تحصل مناسبة وتنقال بعض التفاصيل .. على الأقل من باب السوالف. |
رد: حماتي وكلامها عن زوجي
اقتباس:
خلاص ياريتاج خليكى ماشيه ورا شيطانك شوفى حيوديكى لفين بس خليكى فاكره عمو رؤوف قالك بلاش جوزها .. الوقت اللى تطلبه فى مشوار اطلبى انتى عكسه وشغلى الكيد شويه |
| الساعة الآن 05:32 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©