|
مشكلتي مع طليقي
.
السلام عليكم ورحمة اللع . كتبت هذا الموضوع لعلي اجد حل لمشكلتي مع طليقي كنت متزوجه من شخص وضعه المادي ضعيف وتحملت معاه اشياء كثيره كنت احسب الديون اكثر منه قدرت وضعه وشلت الهم معاه كل مايجي في نفسي اشي اطلبه منه كان يقول لي اصبري لين تجيني فلوس واصبر والله العظيم وانا عروسه بعض اثاثي مستخدم واخترت ارخص الاثاث لكي اعينه تنازلت عن اشياء كثيره من اجله شهر العسل نصه انا دافعته من عندي ماحسيت اني عروسه انا ادفع وكنت اقول في نفسي "احس انا الرجل "في بعض الاحيان بالمصاريف و كان حافز لما يجيني اساعده وا أجل اشياء مهمه بالنسبه لي لكي اساعده بعت من ذهبي لكي اساعده وبعت جهاز لي لكي اساعده وهو عنده جهاز جوال ديم كنت اقول له بيعه وقت منحتاج ولاكنه يرفض رغم انه لانفع منه والله العظيم ان وصل بس الحال انني اقسم ( سفر الرمي ) النصفين للاستخدام لتوفير ايضاً كنت اوفرر كثير معاه اعيش بالحرر صالتي مافيها مكيف و لم حملت منه كمت اساله كيف سنوفر مصاريف لمستلزمات الولاده والطفل وكان يقول لي وقتها يصير يخير ذهبت اخر شهور حملي الى اهلي كنت اجمع من المال اللذي يعطوني اهلي واخذه وانا عيني مكسوره من الحاجه ولم اخبره انني اجمع ولم وصلت شهري الاخير سالته " كيف نشتري الان مسلتزلمات الطفل والوالده " قالي " مالنا الا نبيع ذهبك " !! قلت لا مستحيل ابيعه انت اتصرف توقعت هذا الرد منه لانه معتمد علي بعدها قال معاي 1000 ريال مصروف لنا و نشتري منه مستلزمات الطفل والولاده سكت ومشيت معاه اشتري ارخص شي لتوفير ولم قلت له اريد مفرش للولاده كسر الدنيا وحلف انه يتزوج علي ااااااااه وقتها بكيت بحرقه اقسم اني احسها بها الا الان قلت هذا وانا طالبه منك شي بسيط كيف لو طلبت شي غالي من بعدها لم احس معاه في الامان كنت اتوقع منه في اي وقت انه سيتخلى عني و اعتذر لي وتناسيت الموضوع اكملت مشترياتي لابني دفعت فيها انا 2000 تقريباً وهو 600 تقريباً وعرفت امس بموضوع المفرش واشترته لي لكي تساعدني وادت ع خير وجبت ولد الله يخليه لي بعد ولادتي جا هو من منطقة شغله وكانت بعيده جداً عن مدينة اهلي وعندما جا وقت سفره لدوام بدل هو مايعطيني مصروف اعطيته انا لكي يصلح كفر سيارته لاني كنت اخاف عليه من الطريق ولم يعطيني حتى ريال واحد ذهب واستودعته الله وكنت اخاف عليه كثيراً واحبه حححب شديد لاكن اهماله لي جعلني اهمله لم اجد المبادره منه في الاهتمام فكنت انا وابنه اخر شي يهتم فيه كنت اقول له بس خلينا من اهتمامتك لاكن ام يسمعني خلصت الاربعين وجاني عند اهلي واخذني واول ماركبنا السياره قال لي ترا مامعاي شي قلت خلاص انا معاي 200 و طول الطريق انا ادفع بنزين اكل كل شي وهذا ليس غبا مني والله انما اريد ان ارضي زوجي وربي وان اساعده لان الزواج معاونه وهذا الشي لايهمني وكنت فقد انتظر منه التقدير لاكنه عندما ازعل منه كان يقولي انتي كلبة فلوسس .. يتبع |
رد: مشكلتي مع طليقي
اكملي انغبنت وربي
|
رد: مشكلتي مع طليقي
'
معليش ع بعض الاملاء اكتب وانا مقهوره و مندفعه ابغا اطلع كل اللي بداخلي هنا .. . بعدها لم صار ولدي عمره 4 شهور جيت لاهلي وقتها كان فيه زواج احد اقاربه في قريه جنب مدينة اهل وكان يقولي انا بنشغل مع فلان بزواجه قلت طيب وانا ؟!! من يوديني اشتري فستان او االكوفيره علشان احضر الزواج يقول شوفي اخوانك !!!!! اخواني واحد كبير متزوج يادوب اهله وعياله والثاني متوضف بمدينه بعيده وماعنده احساس المسوليه ابداً الثالث جالس في البيت لاكن كان يوديني بفلوس وانت الفلوس كنتا احسبها بالقطاره جا طليقي وقالي انا بطلع للقريه لان ومعاي زوجة اخوي وخواتي ؟!! انا ماتوديني ومنت فاضيلي بس بتودي زوجة اخوك ؟ اما خواته فاكيد لهم حق عليه بس والله ماشاءالله طالباتهم كثيره له حتى المتزوجه وانا يادوب اخلص اشغالي و وخوصاً لم كنت اجهز لولادتي اخر شي احزن عليه بالمشاوير الكثيره ويكسر خاطري .. بعدها زعلت منه لانه ودى زوجة اخوه وانا ماعنده وقت لي ذهب للقريه وانا جلست عند اهلي وقبل ذالك كله تعذرت منه بعدم حضور زواج قريبه لاني تعبانه وانا والله فقط لاني لاريد ان ازود عليه مصاريف الفستان واالمشغل بعد الزواج كان لي موعد اسنان كنت جمعت فلوسه من حافز ولم ارسلت له رساله يجي علشان يوديني موعدي لم يجبني وتاخر علي وذهب للموعد مع سواق وزعلت منه وقتها وجا هو عند امي وسلم عليها وسافر لمنطقة دوامه قبل ذالك كله قبل زواج قريبه اعطاني 700 مصروف لي وللولد الرضيع وقال هذا اللي معاي وكانت ال700 مصروف لي و للولد من حليب وبابمرز و مشتريات العيد تخيلوو بعدها مرر تقريباً شهر ولم يتصل ولا انا اتصل لاكني ارسلنا لبعض تهنية للعيد وارسلت له صورة ولده بالعيد و ولم تكن معاي فلوس وكنت ارسله اذا ابنه خلص حليبه يتصل ع امي ويقول لها "اشتري له الحليب بعدين انا اعطيك انا مامعاي شي الان " وامي تشرتي له وتقول مابغا اصلاً فلوسه لاكن هو حول لامي 300 قيمة الحليب وانا لم يفكر فيني ولا يسال عني بعد مرور شهر تقريباً وانا انتظر اتصاله ومشتاقه له وكنت ابكي وحاسه انه راح يتخلى عنا اتصل على امي وقال لها قولي لبنتك اني ملكت ؟!!!!!!!!! ااااه ذاك اليوم كدت اموت من الصدمه والالم و القهرر ابكي بصوت عالي وقلبي يحترق من الداخل بركككان هذا جازتي ؟! هذا اللي انتظر منه يعوضني ؟! واتصل علي وقلت له مبروك وقفل وماتكبمت بعدها واتصلت اخته بعدها وقالت انه طلقني ... يتبع |
رد: مشكلتي مع طليقي
انا لله و انا اليه راجعون
لا حول و لا قوة الا بالله |
رد: مشكلتي مع طليقي
.
طلقني وباع كل شي !!! بس مكانت صدمة طلاقي مثل صدمة زواجه علي اقسم بالله انني مت وانا حيييه من الصدمه شعور الله لايذوقه مسلم كنت ابكي واقول حرام عليك ولدك عمره 5 شهور محتاج لك " انا يتيمة اب واعرف شعور الطفل اللذي يفقد ابيه " ماكنت ابغا طفلي يعيش من غير اب والله لدرجة اني ارسلت له بعد الطلاق ماعندي مشكله اعيش مع اهلي بس خليني ع ذمتك علشان ولدنا لاكنه يقرا ولا يرد .. يقول طلقتها لانها متسال عني اكلت ولا لا ولم شتموه الناس لسببه التافه قال طلقتها لانها ما تطبخ لي والله العظيم انه كان ياكل من اكلي وكان مايسكت فمه من مدح اكلي و يتامام " امممم " بعد كل لقمه تقريباً ولاكن شهود الله في ارضه شهدو لي بالحق صديقاتي بقروب الواتساب كانت ارسلهم صور طبخي و ياخذون مني الوصفات والكل شهدلي بذالك ولاكني اعرف السبب الحقيقي هو انه مايفدر يفتح بيتين فطلقني انا لتعيش عروسته الجديده في بيتي اللي حطيت كل لمساته بيدي اخترته انا وتعذبت بالاختيار بين شي جميل و سعر مناسب لظروفه واختي ساعدتني في الغاز واختي الثانيه ساعدتني في اغراض المطبخ و انا اشتريت بعضه من عندي والبعض مستعمل .. تتتتتتطول الحاكيه و مازال جرررحي ينزف منه بعد مرور 3 سنوات من الطلاق الان ابني عمره 3 سنين الله يحفظه لايسال عنه ابداً واذا جاا يجي يعطيه مصروفه وهو واقف برا او يجلس معاه 5 دقايق وكانه يسدد فاتوره واخواته واخوانه ولا احد يسال عن ابني ولا كانه من لحمهم ودمهم لاكن انت اذا رأيت الاب لايسال ما اشره على الباقي ... الان مشكلتي انه ياخر المصروف عن ابنه احيناً واذا ارسل المصروف ارسله ناقص !!! يعني ينتظر مني انا اتصرف في باقي المصاريف ؟! ليش ياخر المصروف حتى ان يصرفه ليش مايرسل مصروف ابنه بدري ؟!! احيناً يجيبه كامل للامنه واحيناً ينقص منه واذا كلمت اخته قالت اكيد عنه ظروف ؟!!! يعني يبغوني اقدر ظروفه بعد وانا مو ع ذمته ؟! وانا والله هذا الشخص لو اشوفه يشحت في الشارع ماقول محتاج لانه لو يبغا الفلوس لنفسه طلعهااا من تحت الارض مادري مو قادره اتغاضا عن موضوع مصروف ابني لاني اعرف هالانسان مايستاهل التقدير و ومابغا يتعود ع انه ينقص مصروف ابنه وسمعت ان المحاكم تقدر وضع الطليق المادي والاجتماعي يعني هو وضعه المادي كان ضعيف اخاف اشتكي للمحكمه واسوي استقطاع و يجي ابني اقل من كان يعطيه علماً انه كان يعطي ابنه 500 مصروف وبنقصها 300 و 400 قيمة حليب وبابمرز !!! ارجوكم اعطوني حلول حكيمه ماذا افعل !! لا اريد مشاكل ابداً ابداً ولا حتى محاكم |
رد: مشكلتي مع طليقي
شوفي حبيبتي بأقسى عليك علشان يطلع لك قلب ثاني 💔
انا مثلك كنت اصرف واشري من حسابي وووو بس الله يعوضني ويعوضك وبكون صريحه معك هو ماحبببك ولا تقبلك +انه مو رجال ولاجئ لك بالمصاريف اللي كذا فرقاه خير مايصرف وتبيعين ذهبك وكمان مهمل فيك ولايودي ولايجيب ايش ياهوه تبغين فيه!!!!؟؟؟؟ احمدي ربك انه طلقك والله خييييره الان انتي بعمممممق وعززز الجرح بس والله لاتنسين كل هذا والله وبالله وتالله تدكري بتجيك فرص افضل ووقتها بتضحكين ع نفسك ليش بالاساس بكيتي عليه ؟ وايش فقدتي من هالزواج حياتك هي هي وبالنسبه لاخوك انه مايوديك وانتي متزوجه محد مكفول فيك الا زوجك لكن الان الله يسخر لك خلقه اللي صار لك ولي ولغيرنا درس وبنتعلم منه وراح نتطور وتنجح بمشيئة الله زواجنا الثاني خلاص درس الرجال هو اللي يصرف اشيل همه من كثر المشاوي انسيها مو ميت اطلعي من اللي انتي فيه وانسيه هذا لحظه حسره حرام تضيعينها وتبكين ع الاطلال باهووووه اصحي لنفسك وصدقيني هو الخسران خسر وحده مثلك تراعيه لاخر درجه وولده بتجيه وحده تطلع عيونه ان شاءلله يارب عيشي حيااااك وانبسطي ياعمري والله يبرد ع قلبك وانسي السذاجه والطيبه اللي فيك وفكري بنفسك وبس |
رد: مشكلتي مع طليقي
الجزء الاخير ماوصل الا متاخر
تمنيت تو طلاقك لاجل اقول اخذي كل شي لك بالشقه بس يلا معوضه خييييييير بالنسبه للقضاء عندنا فيه جدا اجحاااف بحق النفقه الله يغنيك انتي وولدك ويكبر ويعوضك عن كل قهر عشتيييه يارب ياكريم حاولي تسالين اهل الخبره وتششوفين وكمان اقطعي التصرف مع اخته وخلي احد اخوانك يتصرف معه اجل اكيد عنده ظروف يوم بغى الزواج طلعت الفلوس من تحت الارض لا إله الا الله وبالنسبه ماتطبخلي ووو ابشرك كل اشباه الرجال كذا😂🤣 |
رد: مشكلتي مع طليقي
الله يعوضنا خير يا رب ...
ظنيت الجرح جديد ، و صدمت ان القصة لها 3 سنوات ... اسمعي يا اختي ، علمتني الحياة اني ارضى باي شيء يختاره لي رب العالمين ، خصوصا الامور اللي ما لنا يد فيها ... فاحمدي الله و ارضي بقضاءه ، و باذن الواحد الاحد بتعيشين حياة افضل و احسن من الحياة التي ما اراد الله لك ان تستمري فيها و اراد لك ان تتقلبي في نعمة افضل منها بكثير . |
رد: مشكلتي مع طليقي
شي يوجع القلب الله المستعان ، الله يعوضك خير ان شاءالله تتزوجين من ترضين خلقه ودينه لاتفوتين على نفسك الزواج ان حصل واختاري صح ووكلي امرك الى الله
|
رد: مشكلتي مع طليقي
حسبي الله ونعم الوكيل
أنتي لو رفعتي طلب حضانة من أول ما طلقك كان دفع نفقتك ونفقة ولدك وبإمكانك ترفعينها الحين، أتمنى من كل قلبي إنك ما ترحمينه ولا تتعاطفين مع حالته المادية لأن عنده فلوس. الله يعوضك خير |
رد: مشكلتي مع طليقي
الله يعوضك خير اختي.. لكن درس واستفدتي منه ، وان شاءالله بزواجك القادم تستفيدين من هذا الدرس. لا تخافي الله يمهل ولا يهمل. وحقك بتاخذينه في الدنيا ولا في الآخرة. أنسيه واعرفي ان حنا نتعلم من تجاربنا.
ونصيحتي لك روحي عند القاضي وخل يخصص مبلغ شهري بمتطلبات الولد كاملة حتى لو طلعت أنقص من المبلغ اللي تاخذينه الحين عالأقل راسك مرتاح تعرفين كم ياخذ ولدك كل شهر بدون وجع راس ومنّه منه. لا تمشين معه الا بالنظاام والقانون والشرع وخليك دائما بتحديث كل ما يكبر الولد واش يحتاج واعتقد القضاة يعرفون هذا الشيء .... خلي بينك وبينه العدل والقضاء مو يدخل وانتي على قلبك ما تدرين كم بيعطي!! بدعيلك في صلاتي الله يرزقك بالأفضل يارررب وتكوني استفدتي من هالتجربة ان شاءالله |
رد: مشكلتي مع طليقي
اقتباس:
للامانه انا رحت بيتي رغم بعده عن مدينة اهلي لكي اخذ بعض الاغراض اللي اعطيته وولامانه ماخذتها كلها تركت اشياء كثيره له وغاليه والسبب الحقيقي مو اني اخذ اغراضي كنت ابغا اشوف بيتي لاخر لحظه واشوفه هو واساله ليش سوا كذا كنت في عز الصدمه ومو مصدقه ابغا اصدق ... فعلاً انا بعد اخر محادثه مع اخته فكرت اقطع تواصلي معاها واخلي اخوي يكلمه لاكن اخاف من المشاكل مابغا مشاكل .. انا في حيره من امري . والبنسبه لردك اللي فوق الحمدلله اللذي ثبت علي عقلي وقلبي من هذه الصدمه و امسك على قلبي بلايمان الحمدلله والله راضيه بكل شي واعلم ان الله مختار لي الا الخير في البدايه كانت تصرافتي تحت تاثير الصدمه ولاكن لم اندم عليها لاني اشتريت لاخر لحظه " من اجل ابني " وهو باع لان بككره لو كبر الولد راح يعرف اني علشانه صبرت لاخر لحظظه بس .. الله يجزاك خير ويعوضك بالعوض الجميل فالله عوضه جميل ويعوض كل وحده في نفس خالتنا خير من اللي فاتها |
رد: مشكلتي مع طليقي
اقتباس:
للامانه مازلت احس بجرحه لي خصوصاً ان هناك ابن بيننا فما بالك مشكله انه مايحس فيه ! . وانا والله راضيه بكل ماكتبه الله لي وسال الله ان يرضى عني لاكن لست قادره على تقدير وضعه بسبب مافعله لي لايستاهل التقدير وعلشان كذا كتبت قصتي الطويله معاه من الجحود قبل مشكلتي مع مصروف ابنه لكي اضعكم بالصوره انه شخص لايستاهل التقدير ولاكن انا لا احب المشاكل ولا اريدها وليس بيدي حيله " لاحول ولاقوة الا بالله " |
رد: مشكلتي مع طليقي
اقتباس:
الله يجزاك خير مشكور |
رد: مشكلتي مع طليقي
اقتباس:
اصلاً انا مو قادره اتعاطف معاه وعلشان كذا كتبت لكم سالفتي الطويله معاه بس شي غصصصب عني سبحان من نزع احساس الابوه من قلوبهم الشكوى لله اقسم بالله اني مابغا اشتكي لاحد وادعي في سجودي ان الله يسخره لابنه ولا اريد حتى الجدال معاه لاكن كتبت هنا اريد حل انا مابغا اتخذ اي قرار غلط ابغا المشوره لعل الله ينفعني فيكم الله يجزاك خير مشكوره اختي ريما |
رد: مشكلتي مع طليقي
اقتباس:
حتى الواحد الحين لو بيسوي خيرر يصير يخاف من الجحود وحنا عملنا باصلنا ماكنا نبغى غير التقدير لاكن الحمدلله على كل شي واثقه من الله مختار لي غير الخير .. والمحاكم ياختي اتمنى ماروح لها او تكون اخر الحلول لمشكلتي مابغا مشاكل وبعدين اكيد راح يستدعونه وانا مابغا اششوفه اتمنى لو بيدي اعيش بكوكب غير الكوكب اللي هو عايش فيه بس مانتلاقا لو صدفه .. وغير كذا الاسباب اللي ذكرتها سابقاً خصوصا ان 500 يادوب تكفي المصاريف وكيف لم ينقصها !! الشكوى لله الله يغنينا بفضله عما سواه . والله يجزاك خير يا اختي ويرزقك اضعاف الخير اللي تدعين لي |
رد: مشكلتي مع طليقي
روحي للقاضي واسالي كم يمكن يخصص لولدك
اذا في اجازه ودي ولدك له وقولي بسافر خليه يعرف كم تكاليف الطفل تبلغ وانك شايله عنه حمل كبير لاتتواصلي مع اخته عندك القانون انسيه وابدي انشغلي بنفسك اخذي دورات تحفيظ توظفي تعلمي اهتمي بنفسك |
رد: مشكلتي مع طليقي
اقتباس:
كلامك عين العقل الا حاجه وحده (اذا في اجازه ودي ولدك له وقولي بسافر) غلط تجبره يمسكه لان هو مايهتم فيه بيرميه عند اهله وهناك مين بيحممه وياكله؟؟ ماعتقد حد يهتم بطفل مثل امه في هذا الزمن ماتحصلي حد فاضي الكل مشغول بنفسه وحرام طفل يستخدم ورقه ضغط ع طرف الاخر fgfg |
رد: مشكلتي مع طليقي
حسبي الله ونعم الوكيل فيه
تعرفين دعاء من تعار من الليل ،،، سويه وادعي الله باللي ودك وتحسبي انا انقهرت شلون انتي الحمدلله جبتي الولد الله يصلحه لك .. احسن من يمشي العمر بدون فائده الحين اطلبي منه .. ويمكن هو وضعه تحسن .. ولو ما كان اصلا زين من قبل كان ما تزوج والله يعووووضك بالرجال اللي يبرد قلبك |
رد: مشكلتي مع طليقي
كان الله في عونك. يوجد نوعيات رديئة من البشر في كل مكان.
|
| الساعة الآن 08:09 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©