|
تغيّرت شخصيته في غمضة عين!
صباح الخير اخواني واخواتي عساكم طيبين 💖💖؟
كالعادة ماستغني عن نصايحكم ومشورتكم والله السالفة كالتالي: من بعد عملية زوجي وشفاءه وهو انسان ثاني خالص هادي وبارد بشكل مستفز ، كلامه صار قليل وعازل نفسه حتى النوم صار عادي ينام بدون ماكون جمبه !! اموت واعرف وش صاير والله مو زوجي ابد انا شكيت فالدكتورات معه فالمستشفى (شغلته طبيب) وقبل يومين جته رسالة من رقم وعلى الاشعارات الخارجية المهم وتقوله معك فلانه دكتور .... فينك ماتداوم ان شاء الله انك بخير بس؟ سويت كأني ماشفت الرسالة رحت الغرفه عادي وبنام وهو لحقني وشفته فتح الرسالة ومارد عليها ونام نمت مرتاحة جداً متراجعة عن فكرة الشك بس وش هالتغير تكفون علموني يعني فجاه الرجال يصير كذا وش السبب؟ زوجي هذر بثر فرفوش صار ثلججججة وهادي اذا عالفترة اللي راحت ترا ماصار شي بيننا كنت قايمه فيه بعد العملية واسهر عليه واسحب عالجامعه وعيالي ، وكل التركيز عليه قبل لما يشوفني الم الصغار وابوسهم يجي علطول يعني بوسيني وسوي لي زيهم الحين لما اسوي هالحركات ابيه يجي يلف وجهه او يفك جواله صديقتي تقول يمكن كاره عياله لانك رجعتي اهتميتي فيهم بعد ماكان ثلاث ارباع وقتك له 😢 وبروده قاعد يزيد هي دخلت الفكرة ذي براسي بس مو احسه كارهم ، لا احسه متنرفز منهم لان من فتره ماشالهم ولا باسهم؟ اذا احد يقدر يفسر هالتصرفات علموني تكفون |
رد: تغيّرت شخصيته في غمضة عين!
مكانه الأنسب
|
رد: تغيّرت شخصيته في غمضة عين!
يمكن مرهق او تعبان او متضايق بعد العمليه
الانسان تجيه فترات ينغلق على نفسه ويرجع لوضعه الطبيعي ان شاءالله |
رد: تغيّرت شخصيته في غمضة عين!
يمكن زوجك يعاني من بداية إكتئاب وهو مايدري ... واضح مشكلة زوجك نفسيه انتي مالك دخل فيها
|
رد: تغيّرت شخصيته في غمضة عين!
اقتباس:
ولو ان صار مضاعفات بس مايستدعي هالتصرفات |
رد: تغيّرت شخصيته في غمضة عين!
اقتباس:
نفس كلام ماما |
رد: تغيّرت شخصيته في غمضة عين!
إقرأي عن كهف الرجل
يمكن يمر بمشكله مع أهله وإلا عمله وإلا صديق وهو خلاص منغلق الان يفكر مع نفسه وبيرجع لكم كثير رجال فيهم هالطبع يقفلون مدة ويرجعون لا تضغطين عليه ولا تخنقينه بالأسئله والاستفسار ادعي له بس |
رد: تغيّرت شخصيته في غمضة عين!
اقتباس:
هو مايخلي خافية ولا بادية مايعلمني قسم بالله يهرج وانا فالمطبخ اطبخ ويقرب عند اذني لين ادفه برا 😂😂😭😭😭 الحين هجده موب صاحية |
رد: تغيّرت شخصيته في غمضة عين!
طيب جربتي تسأليه عن سبب التغير ؟؟
بدل ماتجلسي محتاره وتفكري ؟؟ |
رد: تغيّرت شخصيته في غمضة عين!
اقتباس:
وانا ماودي اضغط عليه |
رد: تغيّرت شخصيته في غمضة عين!
دودي طمنينا عنك وعن زوجك عساه بخير ؟؟
كيف دراستك اختبرتي امتحانات اللي فاتتك فتره مرض زوجك؟ |
رد: تغيّرت شخصيته في غمضة عين!
اقتباس:
زي ماهو واخس مايهرح ولايداوم ولاشي والله مرة ضغطوني ، صرت اختبر فاينل بس مدبل عشان الكويزات راحت علي |
رد: تغيّرت شخصيته في غمضة عين!
اكثرى من الاستغفار ابنتى واتركى القرآن يقرأ وخصوصاً البقرة وقناة الرقية تصدقى واكثرى من الصلاة على الحبيب المصطفى انسى كل شىء فقط اطفالك واختباراتك وبعدها لكى مقام مقال |
رد: تغيّرت شخصيته في غمضة عين!
اقتباس:
وهو حمدلله فيه خير يكفل ايتام وكذا بس مدري وش ذا |
رد: تغيّرت شخصيته في غمضة عين!
اتبعدي عنه شوي وركزي ع اختباراتك الله يساعدك
امكن لو ضليتي وراه يتضايق، الله يكون بعونك |
رد: تغيّرت شخصيته في غمضة عين!
اقتباس:
بالعكس مخليته على راحته تصدقين من امس راح بيت الشعر ورقد فيه ومن غير فراش خذت عفشه وشواحنه وحطيت له كل شي وطلعت 😂😂😂😂😂 نفسيتي ضاربه ونفسيته ضاربه والله المستعان |
رد: تغيّرت شخصيته في غمضة عين!
اقتباس:
|
رد: تغيّرت شخصيته في غمضة عين!
اقتباس:
تعرفين الخيمة ؟ زيها بس هذي ثابته ويجيك لونها اسود يعني زي غرفه شعبيه تنحط بالحوش وكذا للعزايم الكبيرة ولا جاه رجال يحطهم فيه |
رد: تغيّرت شخصيته في غمضة عين!
اقتباس:
|
رد: تغيّرت شخصيته في غمضة عين!
ربما غيّرت العملية نفسيته؟ لا أدري ما نوعها لكن بعض العمليات تغيير كبير في حياة الشخص، تؤثر على نفسيته وتفكيره.
|
رد: تغيّرت شخصيته في غمضة عين!
اقتباس:
نزلة برد جت قوية فيه وتضخمت اللوز وانسد حلقه وكنت معه فالمستشفى كل شوي يقول (ابي انام بس خايف اموت) واول مايغفى يصحى خايف لين جو الدكاترة بعدها يومين قالو لازم تتسوى العلميه لان اللوزتين تتضخم اكثر واكثر ويمكن تسد حلقه وينقطع النفس وقال لنا الجراح انهم زوداو البنج بالغلط وصار شوية مضاعفات والحين رجع طيب بس نفسيته ضاربه |
رد: تغيّرت شخصيته في غمضة عين!
اقتباس:
|
رد: تغيّرت شخصيته في غمضة عين!
اكيد اذا شعر الانسان بالموت يتغير حاله ويشعر ان الدنيا فانية وهل انا مستعد للقاء الله عز وجل وكيف سيكون حال اهلى واطفالى وزوجتى وهل انا مستعد للقاء الله فتجدى الانسان يشرد ويتغير حاله وتتحول نفسيته ولكن ممكن تذكرى ما هى المضاعافات التى اصابت زوجك من زيادة جرعة البنج |
رد: تغيّرت شخصيته في غمضة عين!
اقتباس:
|
رد: تغيّرت شخصيته في غمضة عين!
اقتباس:
والسكر حقه ماينزل وبس يستفرغ الله يكرمك والسامعين ، وفيه الام قوية تجي بجسمه قعد سبوع ونص كذا حتى عذرت فيه |
رد: تغيّرت شخصيته في غمضة عين!
الله يشفيه يارب ،ويعينك يا دودي
ماشاء الله عليك |
رد: تغيّرت شخصيته في غمضة عين!
اقتباس:
|
رد: تغيّرت شخصيته في غمضة عين!
الحمدلله على سلامة زوجك حبيبتي دودي عليه العافية
ممكن من كل اللي مر فيه ولو عملية بسيطة بس المضاعفات هيي اللي أثرت ان شاءالله سحابة صيف وبتزول دعواتي ⚘⚘⚘⚘⚘ |
رد: تغيّرت شخصيته في غمضة عين!
ميمو انا قعدت معاه اول ماخلصت الاختبار
وعزمته فالكوفي وحاولت اخذه منه كلام بس انه تمنى الموت لين كرهني بالجلسة قلت خل نرجع البيت بس |
رد: تغيّرت شخصيته في غمضة عين!
وصلنا البيت دخلت غرفتي معصبه وجيت بنام
وجا انسدح على يدي ويقول اسف ماستاهل اللي تسوينه عشاني ماعطيته وجه ابيه يتكلم اكثر الا اني قلت ليه سويت العمليه دامك تبي تموت كان مت وريحت نفسك؟ (لا مابي اموت احبس-وفيه قهر انه معترفلي) 😂😂😂😂😂😂😂😂 المهم جتني ضحكة وسكت مابي اخرب الدنيا يضحكني اذا سوا اسلوبه ذا عطيته ظهري لحقني وجا عالطرف الا تعطيني وجه وتقولين رضيت وبرجع المجلس برا (طبعاً سويت نفسي زعلانه ابيه يقعد عندي ويتكلم مابغاه فالمجلس لحاله) اقولكم انقهرت ماشربت قهوتي سد نفسي ههههه استمر كذا ولالا ؟ بس انه رجع ساكت الحين شكله حس ياربي |
رد: تغيّرت شخصيته في غمضة عين!
مرحباً أختي
هل هو في هذه الفترة أصبح يصلي نوافل كثير أو يقرأ القرآن بكثرة أو يبكي أو وجهه حزين أو أطلق لحيته أو غير ذلك مما يوحي أنه يريد الإلتزام ..؟؟ بارك الله فيك |
رد: تغيّرت شخصيته في غمضة عين!
اقتباس:
صلاة الفجر يتعبني لين يصحى يصلي يصلي كل الفروض بالمسجد بس الفجر مو كثير |
رد: تغيّرت شخصيته في غمضة عين!
طيب أختي
هو يحتاج فقط إلى كلمات تحفيزية وتغير جو يعني تكلمي معه وقولي له : أنا أعرفك طول عمري نشيط وفرفوشي ودمك خفيف .. لا تخلي شي يهزمك ويخليك كسول وطفشان .. إنت أقوى من كده وأنا متأكدة من هذا الشئ لأني أثق فيك .. ودائماً أحب أشوفك مبسوط ومافي شي يكدر خاطرك .. لأنك أنت طيب وتستاهل كل خير .. ولا تنكد على نفسك .. خلي كل شي على الله وربنا بيسهلها ويفتحها عليك ويشرح لك صدرك وقولي له .. أقرأ قرآن وأستغفر الله عشان ترتاح ويطمئن قلبك وبعد كده حاولي تخرجي معاه للتنزه أو مطعم أو غير ذلك ولا تنسي أنتِ كذلك أن تدعي له ولك ولأبناءك بالهداية والحياة الطيبة السعيدة والقرب من الله |
رد: تغيّرت شخصيته في غمضة عين!
والله حفزته خاصه الضحى اليوم وتكلمت لين تعبت
لما خلصت نصايح وتحفيز قال طيب الله ياخذني بغيت اعضه ورب البيت وصلت معي |
رد: تغيّرت شخصيته في غمضة عين!
ياربي هون علي
اكتشفت انه يدخن 😢😢😢 شميته وشفته يدخن ولو عرف عمي بياخذ عمره 😰😰😰شقوله |
| الساعة الآن 05:37 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©