|
الزواج من الصغيره
السلام عليكم ورحمة الله وبركاته
حبيت اخذ رأيكم في موضوع محيرني وهو ان بنت اختي لها صديقه معها في الجامعه وكلمتها عني وخطبتها لي والبنت طلبت صوره لي وشافت صورتي والبنت موافقه ومتحمسه طبعاً كل هذا وانا مدري عن الموضوع المهم كلمتني بنت اختي وقالت لي طبعا انا زعلت وقلت لها ليش تتصرفين من راسك بدون رأيي وانااصلا في الوقت الحالي بالي مشغول في ولدي واللي راح اسافر فيه خلال هالاسابيع هذي وماني فاضي لشي في الوقت الحالي المهم قالت انا كلمتها عشان اعرف رأيها وهل توافق تتزوج رجال عنده عيال وتعيش معهم والا لا قبل اقولك ولاني شايفه ان البنت لقطه وماتتفوت المهم طلبت رأيي في الموضوع وانا قلت لها الوقت مو مناسب قالت لي اذا وافقت عادي يتأجل الموضوع الى ماارجع من السفر بس الموضوع واقف على ردي بصراحه انا محتار لاسباب كثيره اولاً اني مشغول مع الولد وماني فاضي ثانياً البنت صغيره عمرها 23سنه وانا قريب الاربعين يعني فرق كبير في العمر وطبعاً في التفكير راح يكون فيه فرق ثالثاً البنت في هذا العمر من حقها انها تكون مع واحد فاضي لها يسفرها ويطلع ويجي معها ويعطيها كل الاهتمام وحتى لو هي موافقه الحين خايف ان موافقتها لانها ماعاشت فعلا الحياه فـ مثل هالعمر الحياه الزوجيه بنظرها هي عباره عن رومانسيه وشكل وخلافه وبصراحه اللي زاد خوفي هو طلبها للصوره مباشره وهذا عطاني مؤشر ان البنت يهمها الشكل وبس وموافقتها على طول هذا يدل انها ماهي ناضجه فـ خايف انها كلامها راح يتغير بعد الزواج وبنفس الوقت بنت اختي تمدحها وتقول عنها عاقله وراكده المهم رديت عليها وقلت انا الحين ماني فاي افكر غير بعلاج ولدي وبعد ماارجع لكل حادث حديث وتركت الموضوع معلق |
رد: الزواج من الصغيره
الله يفرج همك ويشفي ولدك شفاء ا لا يغادرها
اذا مو موافق على الزواج أرفض ولاتعطيها أمل وبعدين ترفضها من اللحين اعطيها الرد الله يرزقك الزوجه الصالحه |
رد: الزواج من الصغيره
بالرغم اني اتمنى انك تتتزوج قريب انت والاخوان اللي مثل وضعك
الا اني لا اويد زواج الصغيرات خصوصا بنات مرحله الجامعيه تتخذين قرار ماهن قده واذا تفاجئين بالواقع ع طول يطلبن طلاقهن اذكر وحده من زميلاتي تزوجت واحد اكبر منها بعشر سنوات بعدين تطلقت والسبب منه هو قالت والله ماعرف ليش تزوجت كنت اظن انه لازم اتزوج مثل كل صديقاتي :) بعدها بفترة انخطبت وكان قريب من عمرها قالت هذا يفهمني وارتحت له كثير تفكيرة مثلي ،الصغيرات حتى لو لهن ميزات لكن برضو عيوبهن كبيرة ومطالبهن اكبر وانت انسان تحتاج وحدة قريبه من عمرك تلم اولادك وبيتك خصوصا انه اهلك متوفين يعني ماعندك ناس كبار يعيش هي معهم وتعقل شوي وتعرف مسوؤليات خذ وحده انت مقتتع فيها 100% وضعك ماعد يسمح لك تتخذ اي قرار سريع مش متاكد منه ،تزوج وحدة تحتويكم انت والعيال مو تربيها مع العيال ^_^ |
رد: الزواج من الصغيره
تحليلك منطقي جدا سرعة موافقتها بعد رؤيتها صورتك يدل ع ان تفكيرها سطحي ولايهمك موافقتها لان مع تجربتها تغير رايها
راي بعيد عن الخطوبه قريت عن الحجامه امرا عجبا ناس مشلوله مشت وناس مجنونه افاقت وغير الامراض الكثيره الي عجز عنها الطب وحلها بالحجامه فأنصحك بشده تحجم ابنك اذا مانفع من اول مره لاتستعجل النتيجه اعد الكره يكفي ان الرسول قال امثل ماتداويتم به الحجامه وابحث عنها اكثر ولعل الله يكفيك عناء السفر لأن كثير لاحظو اثرها من اول مره |
رد: الزواج من الصغيره
هلا الشيخ وحيد
خطير من يومك هههههههه عط نفسك فرصه وقرر بعد أتخلص مشاعل الصغير شوفه رؤيه شرعيه انا معاك انها صغيره بس مافي خساره ان شفتها انا احتمال قريب انزل موضوع لان ك أني لقيت توأم الروح لوول الله يوفقك |
رد: الزواج من الصغيره
ردت فعلها في طلب صورتك ووو .. طبيعيه .. مالها علاقه بالعمر لاني ممكن اسوي زيها😁
لكن ممكن تكون فعلا موافقه وتبيك.. اذا حست ووصلت لها بنت اختك انك فعلا تكون مستقر ماديا وناضج فكريا فرأت انك كامل مكمل لكن مدري كيف تجاهلت أن عندك اطفال الفكره الثانيه التي جاءت ببالي هو أنها ربما تريد خاطب يطرق الباب.. او خاطب تستفز فيه رجل في بالها خذتك خذتك .. واذا ما وافقوا اهلها فالعذر من بنت اختك واضح أن انا ودي بس اهلي شافوا أنه ما يناسب انا معك مثلا لو كانت مطلقه وبنفس عمرها قلت اقدم بقوه .. لانها راح تحاول تبني معك حياه .. لكن بنت وعمرها .. ما لوعتها الدنيا فهي ماهي مضطره تضغط على نفسها من التجربه الاولى الا اذا اهلها ضااااغطينها اذا ماعندك مشكله في أي فكره من هالافكار اقدم وهذي مجرد أفكار جاءت ببالي من خلال مشاركتي لتجارب الناس وربي يوفقك لكن نصيحتي اذا كان ودك ببنت خذها بعمر ٢٧ الي ٢٩ |
رد: الزواج من الصغيره
اقصد لأهلها ضاغطينها يعني حياتها عند اهلها عسسسسره وتبي الخلاص
وانا ما اقصد ابدا ان تنقص من حقك بالعكس فيك الزود |
رد: الزواج من الصغيره
اقتباس:
|
رد: الزواج من الصغيره
اقتباس:
تراها آدميه الله يصلحك, مهيب بضاعه معروضه بمحل . الوحيد .. هذه ما تصلح لك . |
رد: الزواج من الصغيره
اقتباس:
لا تروح اب ذاك الراي الله يهديك |
رد: الزواج من الصغيره
اقتباس:
|
رد: الزواج من الصغيره
اقتباس:
الغريب إنك تركت الموضوع معلق بعد هذا الكلام! |
رد: الزواج من الصغيره
وهل ضامن اهلها يوافقون
|
رد: الزواج من الصغيره
لا اوافقك الزواج من الصغيرة ، لاحتمالية عدم النضج بنسبة كبيرة جدا ...
|
رد: الزواج من الصغيره
تبغى الصراحه بالنسبه لوضعك انت الربحان وهي الخسرانه
|
رد: الزواج من الصغيره
اقتباس:
اخ وحيد ماانصحك توافق عليها اغلب البنات ف هذا العمر تكون متحمسه لزواج وهمها بس تتزوج مافي توافق بالعمر ويمكن حتى الفكر وغير كذا العيال هي عارفه كيف بتتصرف معهم اذا احنا ي الامهات اول ولد لنا مانعرف نربيه ونتعب نفسيا ف تربيته عاد كيف هي ماقد جربت هالشي وغير كذا عيالك كبار بيكون صعب تعرف كيف تتعامل معهم وتكسبهم يمكن هي ف البدايه تنبسط بزواجها لكن بعدين تندم وتقول ياريت عزابي مثلي ويمكن حتى تغير من عيالك ههههه لاتستبعد هالشي 😂 |
رد: الزواج من الصغيره
لا اعتقد انه يمكننا إطلاق الأحكام على الفتاة بأنها غير ناضجة أو تهتم بالشكل
الموضوع يعتمد على الشخص وذكاؤه ونفسيته وطريقته في التفكير مع اتفاق في بعض النقاط مثال : هناك دراسة علمية تثبتت انجذاب بعض الفتيات للرجال الكبار لأسباب كثيرة ومنها شعورهم بالامن والاستقلال المادي لأن الرجل عادة في هذا السن يكون قد كوّن نفسه ماديا واستقر من ناحية السكن أو الوظيفة. ويكون أيضا متزن وعاقل اكثر ....الخ. من ناحية سرعة اتخاذ القرار ، هل اَهلها موافقين أيضا ؟؟ أم هو قرار من ناحيتها فقط ؟ كم أخذت مدة في التكفير والرد على بنت اختك؟ هل هيا من ذوي الاحتياجات الخاصة ؟ او بها عيب خلقي ؟ لا اسأل هذه الأسئلة من اجل اجابة ، فقط أود ان تفكر في هذه النقاط. اخي الوحيد ، هي لا ترى حياتك وما مررت به. هي فقط ترى انك رجل منفصل ولديه أطفال. عادة نحن الفتيات عندما نوافق على امر نرى ظاهره فقط حتى يتبين لنا كل جوانب الموضوع حينها تستطيعون انت وهيا اتخاذ القرار .. قبولها وترحيبها بالموضوع لا يعني قبولها بشكل نهائي. نسمع الان كثير من القصص من فتيات تزوجن رجال اكبرهن سنا بشكل كبير - وهي أكيد تسمع هذه القصص- لذا ربما هيا لا تعلم نتيجة قرارها حتى تكون في الصورة. اخيراً لا انصح بهذا الزواج لاختلاف الفارق العمري الكبير.. استخير الله رغم كل شيء. أيضا انصحك بقراءة موضوع "طايح حظها" لرجل الرجال ابحث عنه في خانة البحث وستجده ان شاءالله . |
رد: الزواج من الصغيره
تري كلمه صغيره مو ميزه
الرجال يبغون صغيره يحسبونها ميزه حلوه احنا لو نترك الاعمار على جمب كان مشيت الدنيا بس نصيحه لا تستعجل وحماس البن يدل على امو كثيره شوفلك وحده بالثلاثين افضل لك والله افضل |
رد: الزواج من الصغيره
1) انتبه لنفسك وأبنائك وما ينفعك وما ينفعهم يا عزيزي.
2) انصرف عن هذه الفتاة؛ لعلَّ الله سبحانه يرزقها بمن يناسبها؛ لأن ظروفك لا تصلح لها ولمتطلباتها واحتياجاتها، إضافة إلى أنها لا تصلح لك ولا تصلح لظروفك. 3) اطلب من بنت أختك أن تغلق الموضوع هذا مع زميلتها. 4) لا تسمح لأحد أن يخطب لك أو أن يتصرف من تلقاء نفسه بدون معرفتك. 5) إن أردت الزواج فحاول الارتباط بامرأة تكون في الثلاثينات من العمر ومن بيت عاقل متزن حيث ترتاح نفسك لعقلها ونضجها. 6) وفقك الله. |
رد: الزواج من الصغيره
الله يجزاكم خير يارب
فيه شبه اجماع انها ماتنفع لي واليوم كلمت بنت اختي وقلت لها ماتنفع لي وقالت ليش وماليش والبنت طايره من الفرح glhوحتى انها قالت لـ امها وتقول انها عشان ماترفض الام قالت لها ان عمري 30!! fgfg قلت خلاص سكري الموضوع ومثل ماورطتيني طلعيني وقفلت على هالاساس |
رد: الزواج من الصغيره
كذبت على امها بالعمر وطايره طيران لا يا اخي ما تنفع لك
|
رد: الزواج من الصغيره
الله يرزقك أخي الكريم الزوجة الصالحة التي تقر عينك
بالنهاية هالشي بيرجع لمدى تقبلك اذا متردد ما تقدم على هالخطوة وخاصة اذا عندك خوف من فشل التجربة او نجاحها وبالنهاية رب العالمين اعلم وبالنسبة للعمر ما بعرف اذا هالزمن بيختلف عن زمن قبل لانو انا وقت كان عمري ١٧ اول مرة اخطبت لشاب اكبر مني ب١٤ سنة واستمرينا مخطوبين سنتين مع بعض وانفصلنا وتاني مرة اتعرفت على زوجي الحالي وكان عمري ١٩ وعمره ٣٤ واخذته عن قناعة تامة وعمري حاليا ٣٥ وعمره ٥٠ ولو بيرجع الزمن برجع بختاره نفس الشخص وكنت ما انجذب للشاب الصغير او اللي اصغر مني ب٧ سنوات واقل كنت فضل يكون اكبر من ١٠ ل١٥ سنة واختي بعكسي اختارت زوجها بنفس عمرها وصديقتي اتزوجت بعمر ١٦ سنة وزوجها اكبر منها ب١٧ سنة ولحد الآن بعد زواج ١٥ سنة بعدها هايمة بحبه ربي يهنيهن بالنهاية الزواج توفيق من الله وحسن الاختيار ويكون الشاب او الفتاة واعيين للقرار اللي عم ياخدوه دعواتي احترامي |
رد: الزواج من الصغيره
طبعاً أهلها بيرفضون رفض تام
يعني مرة مستحيل يوافقون السبب الأول والآخير البنت في بداية العشرين وتوها متخرجة ولا قد حصل لها الزواج. إلا إذا كانت لك مزايا تجذبهم: عملك، شخصيتك، ماديتك، أسباب الطلاق. ممكن تتغير نظرتهم. |
رد: الزواج من الصغيره
اقتباس:
|
رد: الزواج من الصغيره
اقتباس:
وعلى فكره ابوها رجل اعمال كبير وفاتح لها كذا محل باسمها واللي فهمته ان القرار بيد البنت وانها كذبت على امها عشان ماتعارض الام والا القرار لها هي وعن اسباب الطلاق تقول بنت اختي انها سألت سبب الطلاق وقالت لها نصيب وماكان مرتاح وردت اني اوعده اني اسعده |
رد: الزواج من الصغيره
23 مو صغيره أنا اقول قررو بعد النظره الشرعيه أنت وهي ويمكن الله يكتب لكم نصيب .
|
رد: الزواج من الصغيره
اقتباس:
وعندي تجربه مماثله لها تقريباً.. من لما كنت مراهقة ، لما اتخيل فارس احلامي اتخيله اكبر مني ب 10 سنوات الى 15 سنة يجذبني فرق العمر هذا.. يشعرني بنوع من الأمان .. ووو الخ برأيي شوفها نظرة شرعية و بعدين قرر لربما تكون مناسبة |
رد: الزواج من الصغيره
اقتباس:
|
رد: الزواج من الصغيره
قبل شوي اتصلت اختي الكبيره بنتها قالت لها اقنعي خالي البنت ماتتفوت من كل النواحي
وقالت لي اختي فكر واستخير والبنت قالت لـ اهلها واهلها وافقوا كلهم وان ابوها يعرف ابوي الله يرحمه وعلى طول وافق لما عرف اني ولد هذاك الرجال قلت انا بصراحه مالي خلق على الصغار ودلعهم ابي وحده راكده تعيني على هالدنيا المهم قالت ان البنت تقول انا اوعده اني اسعده واسعد عياله واني اكون ام لهم وصديقه ومتأكده اني راح اخليهم يحبوني المهم جلست تزن علي حتى قلت لها خلاص انا الحين مسافر هالاسبوع وكل تركيزي على الولد الحين لما ارجع يصير خير |
رد: الزواج من الصغيره
استخر وشوفها وتكلم معها من جلسة واحدة تقدر تميز شخصيتها
ويظهر والله اعلم انها عفوية ولسا على نياتها ان حبتك ستسعدك والله يكتب لك الخير وين كان |
رد: الزواج من الصغيره
بعد ما ترجع من السفر روح شوفها نظرة شرعيه
ممكن تغير رايك اذا عرفتها واذا عجبتك طول فتره الخطبة شوي حتى تتاكد من قرارك |
رد: الزواج من الصغيره
إجلس مع بنت أختك و شوفها هل هي خبرت هذي البنت بكل ظروفك ؟؟
و إذا كانت تعرف كل ظروفك و تريدك ساعتها من وجهة نظري أطلب نظرة شرعية لأن ممكن تكون هذي البنت اللي تناسبك و ممكن تكون هي الزوجة اللي راح تسعدك لا تضيع اللي يتمناك بسهوله و خاصة و ضعك صعب تحصل و حدة بهذي المواصفات و طالبتك بهذه القوة بس نقطة العمر لازم تحلها عشان ما يقولون فلان ضحك على بنتنا وفقك الله |
رد: الزواج من الصغيره
الله يوفقك ..ويوفقها ..ياربّ
لكن صراحة اصرارها وسرعة موافقة أهلها عجيب .. بنت صغيرة توها بالجامعة .. بالعادة الأهل يتحرون ويسألون ويترددون ويستشيرون حتى لو من قرايبهم خصوصا إذا كان مطلق.. ليه كل هالإنجذاب والوعود لك وهي ماشافت إلا صورتك ! أخشى أن تكون هذه اندفاعية الصغيرات والله أعلم.. |
رد: الزواج من الصغيره
اقتباس:
يمكن اخ وحيد وسيم عشان كذا هي مصره ووافقت بدون تردد او تفكير وازعجت اهلها وابوها عادي وافق عشان يعرف اخلاقه بس مافكر اذا بعدين هي بتنسجم معه اولا ومثل ماقلت انا اغلب البنات بهالعمر يركزون ع الشكل ومايفكرون بالاشياء الثانيه يعني مثلا اذكر صديقه اختي كانت بعمر 20 تحب جارهم لانه عاجبها شكله وتتمنى تتزوجه وكانت تحاول بهالشي مع انه كان كبير ومتزوج ثنتين 😂😂😂😂💔 |
رد: الزواج من الصغيره
اقتباس:
بس هو يقول أنه أبوه طلع يعرف أبوي .. معقولة!! وش معجلكم كذا .. وبنتكم صغيرة .. وماتنتفوت على كلام بنت أخته.. وش حادكم ماتزوجونها شاب بعمرها وأول فرحته .. أنا أشوف أهلي وقرايبي دقيقين جدا في تزويج بناتهم لأنها حياة وعمر مو يوم ولايومين .. وعموما الله يسعد الوحيد ويسعدها ويكتب لهم الخير |
رد: الزواج من الصغيره
اولا ٢٣ماتعتبر صغير غير ناضجة بالعكس
ثانيا بموضوع الوحيد بالذات فيه اصرار عجيب انه حالته عويصة وصعبة ولازم مواصفات بالملي انا مع ان ربما الكبيرة افضل لعياله بس برضو مو اكيد.. انا من رأيي تستخير اولادك كبروا فموضوع رعايتهم الان اسهل لأنهم عيال فراح يكونون بصحبتك بشكل اكثر.. الشيء الثاني من حقك تفرح وتعوض ايامك الصعبة..مو لأن معك اولاد تحكم على نفسك انك ماتستحق.. فيه حالات بينهم فارق وسعيدين.. وانت انسان مسؤول ومعطاء ماراح تقصر وهي عندها كامل الاستعداد برضو تعطيك ولاتقولون اندفاع.. الزوجة اذا شافت لعطائها صدى تبذل أكثر استخير قبل وطول الخطبة كم شهر تتأكد من جديتها وربي يكتب الخير لكما جميعا |
رد: الزواج من الصغيره
يمكن تشوف ماهي مناسبه .. ويمكن هي من نصيبك ماتدري. رغمها صغيره أهم شي تفكيرها وعقلها تستطيع بعد شوفه. ان اراد الله. يكون فتره الملكه فتره اطول لتفهم شخصيتها ومن البدايه تعرف كل ظروفك وتكون صريح معها وواضح وهي كذالك اهم شي (التوافق الفكري) اخي الوحيد. قلبك. يريد. بس انت تكابر مجرد احساس 😁 |
رد: الزواج من الصغيره
شي لايصدق ، ماأقول الا لعل الله ساق لك الخير لانك تستحقه وهذه طعمه لك من الله ، الله يكتب لك الخير والتوفيق ...
|
رد: الزواج من الصغيره
لا أنصحك
بالتوفيق |
رد: الزواج من الصغيره
للتوضيح عن السؤال ليش وافق ابوها بسرعه وبدون مايسأل
معكم حق ولكن انا من عائله معروفه وابوي الله يرحمه شيخ فخذنا ومجرد ماينذكر اسم عائلتنا معروفين مايحتاج سؤال وسمعتنا ولله الحمد ذهب اما عن ليش متردد للاسباب اللي ذكرتها باول الموضوع وزاد عليها بع الحاجات اللي استجدت مثل كذبها على اهلها بعمري وانا مااقدر اجاريها بكذبها عشان مايجون مثل ماتفضل اخي محب السنه ويقولون فلان كذب علينا او ضحك علينا ثانياً انهم من طبقه مادياً اعلى مني فـ مااقدر اجاريهم ثالثاً انا اخشى ان اللي تحس فيه مجرد اندفاع للشكل فقط وبعد العشره وبعد ماتعيش الواقع وتشوف انها ماهي حره في بيتها لابلبس ولا بطلعه وكل شي محسوب عليها لان يشاركها في البيت اطفال يفهمون ولازم تكون محتشمه طول الوقت .. يتغير حماسها وهذا المتوقع يمكن اكون متشائم ولكن تفكيري يوديني لهالنتيجه كل مافكرت بهالموضوع وبصراحه صرت اخاف من الفشل وادقق على كل شي |
| الساعة الآن 05:41 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©