|
اكتشفت ان زوجي يخوني مستجد48
السلام عليكم
مو عارفه من وين ابتدي بقصتي الحزينة مقدمة قصتي باختصار ضليت اكتم واكتم واكتم واستر على زوجي لحد وصل الحال ويضربني لان نفسيتي تعبانه موجوعه موجوعه متضايقه ياناس حاسه اني رح اموت -------------------------------------------------------------------------------- من سنة ونص لما تقدملي زوجي وملج علي وصرت زوجته كنت مو مصدقه شلون كنت طايرة من الفرحة شلون حبيته وعشقته ووهبته كل روحي وتفكيري وهو اول حب بحياتي واول رجل يلمسني بالحلال شلون صبرت طول هالسنين والله يرزقني بالزوج اللي كنت اظن انه صالح كانت ايام حلوة لما تزوجنا ورحنا شهر العسل كان يضحك مع بنات قدامي ويتصور معاهن ويصورهن مفاصيخ وتحملت قلت مابي اخرب شهر العسل يمكن انا قاعده ابالغ رجعنا من بعد شهر العسل كنت كل مرة اسمعه يتكلم مع وحدة ع التلفون وانا مشغولة في المطبخ والتنظيف اول مرة سمعته فتحت الباب عليه .. وماقدرت اصدق انه يخونني مو مستوعبه اني سمعت صح ولا غلط انهارت اعصابي اطلع عيونه وانا قاعده ابكي مصدومه قلتله وقلبي يدق بسرعه من هاي حبيبتي اللي تقوللها على التلفون؟ خش التلفون عني وصار يطالع ويضحك ويقوللي لا هاي رفيجي الغبي كله اكلمه جنه حرمه ورحت لحضنه ابكي مقهورة و اقوله رفيجك اذا جذي واحد غبي وحرمه ليش تكلمه ؟ لا تكلمه خلاص .. احذف رقمه وصار يضحك ويقوللي عيب ما يقولون جذي هاي رفيجي شفيج وانا مثل الغبيه صدقته مر شهر ومرة قاللي يبي يرتاح في الغرفه وانا تركته بروحه عشان يرتاح وينام طلعت برا الغرفه وقاللي سكي الباب بجوفي اليوتيوب عقب برقد وبنام انا كنت قاعده برا اشوف تلفزيون بس فجأة سمعته علا صوت اليوتيوب صوت عالي واسمع صوت همس وكلام وسمعت يتكلم مع وحدة وضليت انتظر قلت يمكن انا سامعه غلط لاني ما بي انصدم ويطلع يخونني بس طول بالكلام رحت فتحت عليه الباب وخش التلفون تحت البرنوس وقلتله انت تتكلم تلفون؟ يقول لي لا خلصت من زمان قلته يعني كنت تتكلم تلفون يقول اي قلتله من هاي قاللي انا تكلم ساعات مع خواتي عادي شفيها قلتله انزين شنو كنت تتكلم قاللي هموم شوي ومتضايق واشيا لازم ما تنقال اسرار عايله يعني انا شكيت وعرفت انه كذاب وصرت ابكي قلتله مو انا زوجتك تشكيلي همومك واحزن اذا اذا انت حزنت وافرح اذا انت فرحت ليش ما تكلمني مرت 3 شهور من زواجنا وكان كله طالع برا عاد انا كنت حزينه ليش كله يخليني في البيت وهو طالع مع ربعه طرشتله على السناب شات قلتله حبيبي اشتقتلك وينك عني قال لي .. طالع مع ربعي قلتله خلينا نطلع متملله خاطري استانس وياك رد علي .. مرة ثانية ان شاء الله ومرت ساعه وانا ابكي وحزينه ورجعت طرشت له على السناب شات انت كله طالع مع ربعك :'( ورد علي وياريته ما رد علي كتب هلاك صورج كل ساعه طرشي صور احبج احبج *اسم فلانة* فديتها *اسمها* كل ساعه طرشي صور وسيفي الصور وطرشيهم على الواتس اوكي حبي انا انصدمت من رده وقلت من هاذي *فلانه* !! انقهرت وضليت ابكي ومقهورة اتصلت عليه وقلتله من هاذي *فلانة*!!؟؟؟ يقوللي شفيج قلتله من هاذي *فلانة*؟؟؟؟؟؟ عصب وقاللي لا ترفعين صوتج ياللي ماتفهمين وصك التلفون بوجهي وضليت ابكي واعصابي منهارة وهو اجا ع البيت فتح الباب علي بقوة وصرخ علي وهددني يقص لساني اذا رفعت صوتي عليه وبهدلني وانا مو قادره اتكلم شي من الخوف والصدمه حسيت روحي ان انا غلطانه وغبية يمكن صج كلمة دلع وضليت اتأسفله عشان يسامحني ويسامحني ومرت الايام و4 شهور من زواجنا كان دايما يسهر في الليل على تلفونه ومايخليني اشوف تلفونه ويخشه اذا ييت يمه مرة في الليل وانا نايمه حسيت عليه ياخذ كلينكس ويمسح في روحه وكان سهران على تلفونه وانا مستغربة ليش شفيه شيسوي وبعدين نام ثاني يوم لما سألته عن ليله مبارح قاللي لا مافي شي وتفاجأت مرة لما رجعت من الدوام لقيت كلينكس مبلول ومخشوش تحت السرير وهو يكون راجع من الدوام قبلي بساعتين وقبل ما انا ارجع البيت هو يكون طالع وكل يوم على هالحاله صار يخش كلينكس مبلول في الكومدينه اخ يالقهر والله العظيم اني حزينه وقلبي يوجعني ومن شهرين اكتشفت رقم البنت اللي يكلمها ومسجل اسمها باسم رفيجه اكتشفت ان الرقم اللي دايما يرن على تلفونه طلعت بنت شلون عرفت عرفت لاني ضفت رقمها على تلفوني قلت خلني اتأكد من صورة الواتساب يوم يومين ثلاث الصور صور حق وحدة بنت طلعت اسمها بالبرنامج طلع اسمها *فلانة* نفس اسم *الفلانه* اللي مرة غلط قبل 3 شهور وطرشلي بدل مايطرشلها ع السناب شات انصدمت انهارت اعصابي غصه في حلقي وضليت افكر شلون ابي اوجهه في الموضوع انا كنت مو بس زوجته انا حبيبته وصديقته وكل شي واعرف انه ممكن يغلط وانا اقدر اسامحه اذا فهمت منه الموضوع وليش جذي يسوي وانصحه بغلطه انا متفاهمه لابعد الحدود معاه لكن هو العكس عصبي ومايحب يقول له احد انت غلطان فكرت في طريقة اني اتفاهم معاه بالكلام الحلو ونتناقش بهدوء ويا بعض لكن هو ما قبل وعصب علي وقاللي مايخصج واللي اسويه شي مابضرج وزعل وما يبي يكلمني وطول الوقت معصب قسما بالله حسسني ان انا الغلطانه وضليت حزينه وابكي قال لي طلعي انقلعي مابي اجوفج انا تنهار اعصابي وماقدر اقوم من مكاني ويقول للي مرة ثانية.. انجلعي ماتسمعين؟؟! وضليت اتأسف منه واسمحه يمكن انا غلطانه وشكيت فيه حسيت روحي غبية ليش انا جذي بعدها انا ضليت تعبانه ونفسيتي تعبانه في نفس اليوم رحت لعنده في الليل بسرعه خش التلفون عني وكان نفس الاسم على شاشه التلفون .. آخ وسويت روحي ماشفت وكتمت في قلبي وقلت حق روحي تحملي تحملي تميت 4 ايام في الليل اختنق من الوجع وابكي وصارخ ليش يسوي فيني جذي انا بشنو مقصره انا حلوه واحلا من كل البنات اللي هو يعرفهن ليش جذي يسوي لدرجه انه من كثر ما بكيت اتعب وانام واقوم مرة ثانية ابكي واتعب وانام لي الصبح وفتح علي الباب وشافني على هالحاله حزن علي وقاللي تعالي ابيج قلتله تعبانه يقوللي من شنو قلتله مادري احس جسمي وبلاعيمي بس ما قلتله ليش وشنو يصير في الليل رحت لحضنه وانا ميته تعبانه ومو قادره اتكلم واقول اللي في قلبي وداني المستشفى وبعدها اخذلي فطور وراح اشترالي ورد وقعد معاي في البيت ويشتريلي غدا وعشا يمكن اسبوع وانا حالتي تعبانه وهو عارف شنو السبب بس يسوي روحه ما يعرف لان هو الغلطان بس مايبي يعترف انا اتحملته لاني احبه ومابي اخسره قاعده اتحمل وما اقول لاي احد شفيني وليش انا تعبانه وليش حالتلي صايره جذي ورابع يوم من المشكله قاللي ابي اغير رقم تلفوني لان فيه سخافات (يقصد عن البنات) وقلته اي غيره احسن وانا فرحت انه راح يتغير مرت ثلاث اسابيع على السالفه واحنا مستانسين وانا كله احاول انسى الموضوع عشان مااضايقه وهالشي صار من اسبوع تقريبا كنت راجعه من الدوام تعبانه لكن مع ذلك تزينت ولبست احلا لبس كالعاده وقعدت معاه يقوللي شكلج تعبانه روحي رقدي قلتله لا انا صج تعبانه بس قاعده عشانك وضليت قاعده معاه ونضحك ونسولف ونصور وانا نمت وهو نام لكن انا ماعرفت انام قعدت فتحت الواتساب اشوف فيديو اللي طرشلي ياه وقلتله بعدين بشوفه بس استغربت ان هو متصل شلون متصل في الواتساب وهو نايم؟!!! استغربت قلت عشان جذي كل متصل طلع تلفونه خراب يمكن يشير عنده الواتس قمت رحت صوبه اشوف التلفون تحت ايده وهو نايم والتلفون شاشته مفتوحه على رسايل نفس البنت اللي كل مرة يخونني معاها انا انصدمت من الكلام المكتوب تلعثمت حطيت يدي ع فمي ودموعي تنزل انهارت اعصابي جسمي يرجف هزيت شوي كتفه ما قام هزيت بعد فتح عيونه قلتله .. للحين تكلمها؟؟؟! سوى روحه نعسان مو قادره يفتح عيونه وصك تلفونه وقال اوووهو تعبان خليني ارقد قلتله .. من هاذي؟؟؟!!! ليش للحين تكلمها عصب وقام وصرخ علي قال لي اذا مب عاجبتج حياتي روحي انجلعي ومابي اشوف رقعه ويهج يالغبيه انا قلتله ليش تخونني مع هاذي ؟؟؟! وانا ابكي مقهورة قام وصفعني كف قوي لدرجه فك اسناني عورني راسي افتر علي شفت النجوم ويدي على خدي من الالم واصيح وابكي ومصدومه انه ضربني قلتله تضربني علشان هاذي الخنزيره!!!! حسبي الله ونعم الوكيل تركته ورحت الغرفه الثانية وسكرت على روحي الغرفة وقعدت ابكي من الالم واتوجع واصارخ ابي اموت خلاص مو قادره اتحمل والله مو قادره اتحمل اجا وصار يخبط في باب الغرفة ومعصب حده .. فتحي الباب .. فتحي الباب لاكسره عليج فتحي فتحي وانا ولا فتحت قاللي والله ان مافتحتي اكسر الباب عليج خفت ورحت فتحت الباب وضربني على راسي طيحني على السرير وماتذكر شنو صار وقتها من الالم ما قدرت احس شيصير غير انه يسحبني من يدي بالقوة يقوللي قومي قومي وانا اصيح موجوعه وراسي يدور ويفتر علي ويألمني وصار يسحب في يدي بالقوة قاللي تعالي بفهمج هناك يالغبيه سحبني وانا مو قادره امشي تركني وطحت على درجة الغرفة رجلي عورتني وتورمت مسكت راسي يعورني وايد جسمي كله يعورني يدي حمرا وتعورني قمت بعد 3 دقايق امشي شوي شوي رحت لعنده الغرفه وانا تعبانه ومو شايفه عدل وراسي يفتر ويعورني رحت لعنده وانا للحين يعورني وماسكه راسي يعورني وقلتله يللا قول يللا تكلم !!! يقول للي ما بتكلم الا اذا هديتي !! روحي غسلي ويهج قلتله يعورني وايد يقوللي ترا انتي ما تهميني اذا تسوين جذي يعلج الشلل والموت انتي ماتهميني انا من القهر صارخت وقلتله ليش تخونني مع هالرخيصه اللي ماتستحي عصب وضربني اعترف لي زوجي بالخيانه وندم انه ضربني وقعد يترجى فيني اني اسامحه لكن انا ما قدرت اسمحه من قلب وللحين اتألم واثار الضرب على جسمي ساعدوني الله يجزيكم الخير مستجدات الرد48 http://66n.com/forums/showpost.php?p...8&postcount=48 |
رد: اكتشفت ان زوجي يخوني وصفعه
مكانه الانسب
|
رد: اكتشفت ان زوجي يخوني وصفعه
شوفي حبيبتي أساس الزواج الاحترام واذا انتي ماحطيتي لنفسك قدر قدّامه هو ماراح يقدرك
اذا سكتي وتنازلتي من البدايه عشان انج تحبينه فتأكدي انه راح يتمادى لازم تواجهينه وتأخذين موقف حازم وقوي ! هو انسان متزوج ومثل ما انتي صيانته وصاينه بيته هو بعد لازم يحترم وجودج في حياته ..وعلي فكره اذا ماعندج عيال عيدي النظر في علاقتكم مدام انج للحين عالبر واضح انه مراهق ومب محترمج. خذي موقف !! |
رد: اكتشفت ان زوجي يخوني وصفعه
ايش منتظرة منه ,يعتذر ويتعدل ؟
قهرتيني الصراحه وماعرفت ايش اقول لك؟؟ggf بس مثل ماقالو مايفل الحديد الا الحديد |
رد: اكتشفت ان زوجي يخوني وصفعه
الله يفرج همك ويصلح زوجك
|
رد: اكتشفت ان زوجي يخوني وصفعه
اختي الكريمة لا اريد ان احطمك
لكن لا تاملي كثيرا انه سيوقف علاقاته من اجلك لذلك حاولي ان لا تحملي اكلمك عن تجربة اختي تورطت معه ببنتين هو مثل زوجك يكلم ويمارس وحده وكلما تكتشف شي يكذب ويلف ويدور قربت على الجنون والان معلقة في بيت اهلي من سنة ونصف لذلك اختي فكري جيدافي كل حياتك معه قبل البحث عن حل مشكلتك |
رد: اكتشفت ان زوجي يخوني وصفعه
عقب ما اعترف انه يخونني
قال لي انه مديون منها وهي تهدده يا اما تكلمني او اوديك السجن !! واعترفلي انه راح الشرطة ثلاث مرات تشتكي عليه خلال الاشهر الماضيه وانصدمت وعطيته مبلغ يسدد دينه معاها وكان هاذا قبل يومين وصارله يومين ينام برا البيت وامس غايب طول النهار لنص الليل قاعده احاول اقتنع انه اتغير بس مو قادره هو مو قاعده يثبتلي انه تغير وتركها حتى تلفونه ما غير رقمه ولا اثبتلي انه كنسل رقمها وبعيد عني هاليومين تعرفون الشيطان يلعب وانا نفسيتي تعبت قسما بالله تعبت وامس في الليل ضليت ابكي وافكر اجهز اغراضي واترك البيت بأي لحظة بس وين اروح متضايقه وين اروح ابي مكان بروحي بعيد عن الناس ابي افكر بروحي ومابي احد يكلمني تعبت والله تعبت |
رد: اكتشفت ان زوجي يخوني وصفعه
يكذب عليك مو مديون ولاشي...اذا بتستمرين معاه لاتبينين له انك ضعيفه ولاترضين بالضرب !! ليش مابلغتي اهلك بموضوع الضرب ،، خلي موقفك قوي من اللي يصير لك ،،اذا رضيتي على نفسك بالاهانه ماراح تلقين من يعزك الكل بيهينك،،
|
رد: اكتشفت ان زوجي يخوني وصفعه
اقتباس:
|
رد: اكتشفت ان زوجي يخوني وصفعه
اقتباس:
معقول فيه احد بهذي السذاجه هذا كذاب وش اللي مديون وقالت لازم تكلمني هذي ماتدخل راس طفل يابنت الحلال احمدي ربك ان الله كشفه لك بدري اللي عليك الحين اتركي عنك السلبيه اللي عايشه فيها ودخلي ابوك او اخوك في الموضوع الموضوع ماينسكت عليه خيانه وضرب وش هذا |
رد: اكتشفت ان زوجي يخوني وصفعه
قصتك مؤلمة
ولكن لازم يكون لك موقف من زوجك لأنه طايش بشكل غير مقبول |
رد: اكتشفت ان زوجي يخوني وصفعه
اعانك الله ، فعلا انت تحتاجين الى صحوة كبيرة صارمة يا اختي ...
|
رد: اكتشفت ان زوجي يخوني وصفعه
للاسف انتي عارفه ان زوجك خاين وسيىء لكن تتجاهلين
الامر ماينسكت عليه لاتقولين احبه وبخسره اذا تعذبتي معه راح الحب وصحيتي على نفسك بس بعد مافات الفوت صدقيني ماراح تصحين الا اذا رزقتي باطفال وشفتي وضعك وقلتي ليتني لحقت نفسي قبل ماتورط باطفال زوجك لو شاف منك موقف قوي راح يتعدل لازم يكون للوالد او اخوانك وقفه قويه معك الموضوع اكبر من انك تحلينه بنفسك ضرب وخيانه وزادها اخذ مالك وشلون تصدقين كذبته انه مديون لها ولله ولدي 7 سنوات لو اقوله ماصدق وشلون تصدقينه خليه يرجع لك فلوسك الرجال ماتهمينه ولا يشوفك قدامه ونايم برا البيت بعد اللي صار ولله انك في قمة السذاجه وكلي امرك لله ثم لاهلك وقفيه عند حده اما امساك بمعروف او تسريح باحسان |
رد: اكتشفت ان زوجي يخوني وصفعه
اخاف تصحي على نفسك بعد ماتكوني خلفتي وتحملتي مسؤولية اطفال انت الأن وحده قرري لو حابة وجود ضحايا آخرين فاصبري وتحملي
والا ضعي حد للامور انا لا اخبب على زوجك لكن لاتسكتي للظلم ولاةعلى خطا ولا حرام ...الله كشفه لك من البداية ولازلتي تعطينه الاعذار لو عندك اطفال اقول تضحي لاجل ابناءك لكن لو ماعندك فالحب سيتحول يوما ما الى كره عندما تزيد الجروح وتصابين بامراض ....خذي فترة واذهبي للراحه في بيت اهلك حتى تستطيعي التفكير اكثر ...إن الله لايحب الجهر بالسوء من القول الا من ظلم ....الله امر الرجل بالإحسان للمراة وحافظ على حقوقها وكرامتها لكن اذا انتي ارخصتي نفسك وتهاونتي فانتي ستضرين نفسك .....زوجك محتاج وقفة جادة لاجل احترامك انا علاقاته بالبنات ذنب ابتلاه الله به ولن يتركه اللا ذا هداه الله لن نظمن لك صلاح حاله لكن اذا اذا حزمتي معه الامر ستحصلين على الإحترام .... |
رد: اكتشفت ان زوجي يخوني وصفعه
ارجوك استيقظي من سباتك
زوجك خاين وكذاب وعاشق للعلاقات المحرمة وفري اعصابك وشبابك وصحتك لنفسك وابلغي ابوك واخوانك فورا بالضرب المبرح والخيانه والنصب الاحتيال ليش بات برة بعد ما اخذ المصاري اخذ فندق مثلا وبات فيه؟؟ ومع مين؟؟ كوني فطنه وكلما زدتي طيبة مع سذاجه كلما كرهك ونفر منك كيف بتعتذري منه لانه عصب لانك اكتشفت خيانته ما هذا الهراء اياك ان تعتذري مرة اخرى فورا اخبري محارمك ليتصرفوا ويوقفوه عن اذاه وليقرروا وانت للاسف تكادين تموتي من البكاء استيقظي فلا يستحق دمعه واحمدي الله ان عرفتي حقيقته قبل ان ترزقي بالابناء وقبل ان تضيع سنوات عمرك استخيري الله كثيرا في امر بقائك معه واعرفي ان الله اذا احب عبدا ابتلاه ولكن الله يحب المؤمن القوي فلا تكوني ضعيفه تتسولين منه الحب والحنان فمثله لايستحق مشاعرك رزقك الله الرأي السديد وفرج همك |
رد: اكتشفت ان زوجي يخوني وصفعه
http://www.66n.com/forums/showthread.php?t=272431
إقراء ردرجل الرجال الله يفرج همك وهمها ويصلح ازواجكم |
رد: اكتشفت ان زوجي يخوني وصفعه
اخوي انا كل مشاكلي معاه بسبب * فلانة* طول 9 شهور حسبي الله عليها .. وكل مرة اكشفه ويفلت واطلع انا الغلطانة💔
لكن المرة الاخيرة قبل اسبوع الله فضحه كان نايم وايده على التلفون ومفتوح على رسايلها ويتواعدون على 7 ونص المسا لكنه عقب الضرب وانا خلاص بيغمى علي قلت خلاص راح اموت وراح يقتلني من كثر ما هو معصب ضليت اصيح من الالم وراسي تورم عقب انكسر خاطره علي وقعد يراصي فيني لكن انا عصبت وقلتله يعترفلي من هاذي وقال لي انها طلعت عنده الشقه حق مشروع تجاري قبل زواجنا بسنتين ونص واقترحوا يسوون مشروع ويا بعض واعترف القرض اللي في البنك طلع مو حق لما بنى شقتنا طلع القرض ساحبه حق يسدد دينه معاها ولكن باقي مبلغ ولما تزوج ماقدر يسدد دينه لما اعترفلي بكل شي قاللي انا منحرج منج سامحيني حتى لما اشوفج تصرفين على البيت وانا فلوسي رايحه حق الكلبة .. احس اني متفشل منج ومتضايق من روحي سامحيني وضل يومين يطلب مني اسامحه ويراضي فيني واشترالي هدية وقاللي قوليلي شنو اللي في خاطرج قوليلي صار يشتري اغراض حق البيت صرت صج اجس اني متزوجه ريال .. عقب ما انا خليته يسدد دينه معاها من فلوسي .. وارتاح من ديونه بس مادري هل انا غبية اني كنت كريمة معه لهالدرجة مو عارفه ليش انا جذي غبية وللحين مو قادره اصدق ولا قادره اوثق فيه |
رد: اكتشفت ان زوجي يخوني وصفعه
انا صورت كل اثار الضرب على جسمي في تلفوني حتى يكون دليل
بس انا خلاص تعببت من هالمشكلة والله اذا اكتشفت انه خدعني وكذب علي اقسم بالله اتركله البيت وامشي لان قلبي مجروح ومنكسر منه وزعلانه منه |
رد: اكتشفت ان زوجي يخوني وصفعه
للعلم بعد ماضربني وقعد يراضي فيني طلب مني اخذ حفي واضربه
قلتله .. لا .. انا احسن منك انا على الاقل اتفاهم مع مشاكلك بالتفاهم والكلام ، مو بالطق والضرب وفوقها انت غلطان انا احسن منك بوايد الحمدلله محافظة على نفسي لين تزوجتك احمد ربك ان زوجتك عاقلة ولو وحدة ثانية فضحتك انا ما احب اشوه صورتك قدام اهلي وقدام الناس حتى لدرجة ان امي وابوي يحبونك ويدلعونك اكثر مني شوف شلون زوجتك تستر عليك حس في هالشي هالكلام قلتله عشان يحس انه متفشل ومنحرج ويشوف شلون انا متحملته علشان لو صار وتركت البيت اخليه يندم انه خسرني وشلون كنت متحملته ومتحمله وصاخته وخيانته حسبي الله ونعم الوكيل والله ما تخيلت ان اتزوج واحد احبه وانصدم ان زواجي كذب واوهام انا مخلصة ووفية له وهو راكض ورا شهواته وعلاقاته المحرمة انا محافظة على بيته وصاينته وهو يبي يدمر هالبيت ويسبب خراب هالبيت انا قاعده اساعده بمصروف البيت وكل سفرة بنسبة 80% وهو شوفوا شيسوي فيني هاذي جزاتي !! الله المستعان 😢😢😢 |
رد: اكتشفت ان زوجي يخوني وصفعه
وللعلم انا اعرف اسم البنت واعرف رقمها وحسابها على الانستغرام والسناب
وعندي صورها وفيديو اللي مطرشته حق زوجي وهي شبه عارية لو انا ما اخاف الله فضحتها لكنني ما احب اكون ما عندي اخلاق علشان وحدة تافهه رخيصة |
رد: اكتشفت ان زوجي يخوني وصفعه
وعندي دليل انه يخونني لما مرة غلط وطرشلي الكلام واسمها
انا قاعده اجمع الادلة بالصور والفيديوات وحافظتهم بفولدر على تلفوني لان اي لحظة راح احتاجهم |
رد: اكتشفت ان زوجي يخوني وصفعه
اقتباس:
واضح الولد يستغلك انتي اللي تصرفين على البيت والسفر وفي بداية زواجك وخابن بعد الله ييسر امورك واضح انك طيبه وعلى نياتك |
رد: اكتشفت ان زوجي يخوني وصفعه
لاعاد تدفعين ريال
حتى لاتكوني غبية قالك ماعندي فلوس طنشي كأنك ما سمعت ان شاء الله ماعاد فيه شي بالثلاجه مالك دخل فلوسه رايحه لوناسته ونزواته لاتدفعي ولا ريال وشوفي اخرتها معاه اللهم انا نعوذ بك من قهر الرجال ومن قهر اشباه الرجال |
رد: اكتشفت ان زوجي يخوني وصفعه
الحين عرف نقطة ضعفك وبيسحب فلوسك لين تصيرين عالحديده
يا اختي فوقي زوجك ........ |
رد: اكتشفت ان زوجي يخوني وصفعه
أنا كنت اساعده لان ما كنت ادري انه يخونني وما كان عندي دليل قوي
لكن عقب اللي شفته شلت يدي عن كل شي صرت اذا احتجت شي او اكل اشتري اغراضي حقي وبس انا صحيت من غبائي .. مافي حب ولا وفاء ولا اخلاص .. كله كذب في كذب اللي يوفي واللي يخلص ما له مكان في الحياة انا لازم اتخذ قرار اذا اكتشفت المرة الجايه انه يخونني بشيل اغراضي واترك البيت اخليه يحس بالندم انه خسرني |
رد: اكتشفت ان زوجي يخوني وصفعه
الله يعين اتمنى. تكوني على كلمتك الأخيره ولاتكوني ساذجة وطيبه. وتتراجعين الطيبه حلوه لكن بمحله ولشخص يستحق فرج الله همك ويسر امرك |
رد: اكتشفت ان زوجي يخوني وصفعه
ممكن الايام القادمه يمارس الكثير من المشاهد التمثيلية امامك فحذري
مرة يتبكبك ويقولك انه مديون وراح ينسجن ومرة يمثل اجراء مكالمه وان يطلب من الطرف الاخر يعطيه مهلة حتى يدبر المبلغ ومرة يعتذر منك بشده على اخطائه ويطلب منك توقفي جنبه وغيرها من حركات الخديعه والكذب والنصب حذاري كوني فطنه ويكفي للتتخذي قرار قبل ان يضيع عمرك |
رد: اكتشفت ان زوجي يخوني وصفعه
انـــتـــبـــهـــي لا تـــحـــمـــلــــي
|
رد: اكتشفت ان زوجي يخوني وصفعه
زوجك كذاب... ولا هو مديون ولا شيء.. قاعد يأخذ منك فلوس ويعطيها اللي يكلمها... وسالفة انه اعتذر لك بعد ضربه لك بس عشان ما تعلمين اهلك... انصحك تأخذين موقف من الحين وتتركين قلبك على جنب وتعلمين اهلك على سالفة الضرب لأنه بيكررها اكثر من مره روحي بيت اهلك
خليهم يوقفونه عند حده هذا ما يحبك لو يحبك كان اكتفى فيك... اصحي على نفسك قلبك مارح ينفعك ولا تمثلين قدامه دور الضحية خلك قوية عشان يحسب لك ألف حساب.... واذا رحتي بيت اهلك لا ترجعين بسهولة....هذا كله وهو ماصار لكم سنة مع بعض اجل لو عشتي معه اكثر من سنة... غلطتك بينتي حبك له وخوفك من فقدانه وهو مطنشك ولا حسب لك حساب وعرف نقطة ضعفك عشان كذا تمادى عليك يدري انك بترجعين له حتى لو اهانك... |
رد: اكتشفت ان زوجي يخوني وصفعه
يسعد مسائك ياقمر انا علشانك سجلت كيفك اليوم ان شاء الله تمام؟؟
شوفي يا الغاليه :انتي طلعتي من بيت اهلك معززه مكرمة وانتي اكيد عندك كرامة وانتي بنت تستحقين حياة افضل بكثير من هذا الوضع الي انتي فيه مافيه انسانه عاقله ترضى فيه!لا راح اقولك تطلقي ولا روحي بيت اهلك لانه مو من حقي اقولك، خاصه انك قلتي راح اعطيه فرصة اخيرة وعلى اساس كلامك بنصحك نصيحة،،، انت انسانة محتاجة لحاجتين وخليك معايه 1.الافكار ،،عارفة ايش يعني الافكار ربي سبحانه ايش يقول انا عند حسن ظن عبدي بي ،،هل احسنتي الظن بربي سبحانه وتعالى؟ وعلى نياتكم ترزقون ،،فكرتي بجانب واحد وهو خيانة زوجك لك!؟ طيب انسي انه خاين اعطينا ايجابياته ولنفرض انه مو خاين خليك انسانه متفائلة طلع من عندك احسني الظن بالله لا اراديا اموره تتعكر عارفه ليه؟؟؟لانك احسنتي الظن بربنا ،انا عند حسن ظن عبدي بي وعلى نياتكم ترزقون،انتي قلتي ابي اعطيه فرصة صح،؟ابدي بنفسك انتي قبله طبقي الكلام 2,الثقة، اي ثقة الثقة بالنفسسسس خليك واثقة من نفسك ياقلبي انا متأكدة انك قمر على اسمك لاتهزين ثقتك لاي كأن على وجه الكرة الارضية مو بس زوجك!!طيب انتي استفدتي شي لما جلستي تبكين وتترجينه وتروحين بحظنه ؟!ولا شي اتركك وخلى لك البيت ومشى؟انتي لو ماواجهتي كان سرعة رجوعه لك اكثر من انك واجهتيه المشكلة انك رحتي لحدة تعتذرين؟؟؟؟وهذي غلطة بحقك كبيييره؟!انتبهي انتبهي تكونين مكسورة قدامة انسي شي اسمة بكي نكد كثرة تحقيق وين رحت وين جيت مين كلمت لا لا لاتحققققين ي حبيبتي معاة ،،هذا مو حب ي قلبي انتي جالسة تخربين بيتك بطريقتك الغلط لو احد فتح عليك الباب وانتي بغرفة وجلس يهززززاء فيك وقلتي له علشانك محترم اتفضل ادخل؟!!!تتوقعين بيرجع يتلفظ؟؟؟طبعا لا ليه؟ لانك احترمتي نفسك قبل تحترمينه راح يحترمك ويخجل من نفسه مو لازم من اول مره ولا ثاني مرا بس مع التكرار لا شعوريا يخجل منك على فكرة الصمت قووووووووة مو اني انرفزه وارفع صوتي واتهاوش معاه اكيد راح بلحظه يمد يده ويرفع صوته ويهيني ليش اوصلة لكذا؟ شي ثاني ربي اعطك نعم حرام الي تسوينة بنفسك الحياة ماانتي مخلوقه علشان الرجال! لا عددي النعم الي ربي اعطاك اياها ابيك تكتبينها بكيفك هنا او ورقه بينك وبين نفسك ؟ايش الصفات الي فيك نفسك تغيرينها؟؟؟ايش الصفات الايجابيه بغيرك نفسك تكون فيك؟؟؟ ايش الانجازات لهذي السنة قدمتيها ونجحتي فيها؟؟؟ ايش هواياتك؟؟؟ جاوبي بين وبين نفسك امدحي نفسك ان شاء الله الحالك بصوت عالي ؟؟عززي الثقه بالنفس،، ان شاء الله تنزلين السوق علشان كحل وروج روحي انزلي للسوق ،،لا تجلسين مخدده وحاطه يدك وتبكين لمتى؟اطلعي روحي مع اهلك صحباتك لو مرا بالاسبوع اهم شي لا يجي اسبوع وانتي جالسه ما خرجتي اي شي تحبينه من الهوايات سويه اي هوايه ان شاء الله طيور كناري عندك حلو زي فترة الصباح تحطين لها الاكل والمويه تهتمين فيها ادخلي نادي حتى لو كنتي رشيقه طلع من عندك ماااااااايشوووووووف شر لاتلاحقينه حتى انتي انشغلي بنفسك مو فيه والله جالسه تخنقينه احنى نبيه يرجع مو ينفر منك انتي بكللللل تصرفاتك جالسه تنفرينه منك؟؟؟!!!! صحتك الزم ماعليك ي قلبي افهميني انا عارفه انك مقهورة ومحروقه وهو تسعين بالمية عنده الغلط وراكبه من راسه لساسه بس باين انك تبين وشاريه بيتك،،، اتبعي هذي الخطوات ،اعزمي فبيتك حركي الجو غيري نفسك تمام خليه يشوف انسانة ثانيه بالليل مو انتي الي بالنهار ابدددا خليك على ااااااااخر شياكة فاهمه جسمك وسكلك لازم ولا غلطه البخور خلي ريحته توصل لاخر الشارع قهوتك جهزيها والحلى روقي جاء مو تسولفين اثقلي اثقليييي ي حبيبتي وروقي وخليك على التلفزيون اهم شي كوني عارفه ايش انتي لابسه فهمتيني مو تلبسين جنزات ولا تي شيرت لا لا لا اكيد واضح كلامك الشعر خليه ناعم استشوريه خليك كلك مسك وعطور ومتبخره الروج ولا ثانيه تتركينة وخليك مبتسمه راح يقول هي ايش فيها متغيره اقطعي سيرة الي ماتتسمى من بيتك للا بد ماهي مستاهلة؟؟؟؟ جاك انبسطي وتبسطي تكلم ردي عليه بأحترام لو لو بيتكلم عنها قولي انت لا تنرفزني علشان مازعل منك تكلمي زييين مو وانتي مكسوره ارفعي نفسك كتفك لا يكون نازل وراسك بالارض لااااااا اسندي نفسك وتكلمي بعقل وبثقل وبكلام اشوي فيه حده قولي وتنقطع السيرة من بيتي مابي اسمعها وانتي خلاص لاتلاحقينه لاتركضين وراه اذا عنده عمل ودخل البيت انشغلي اشوي عنه خليه هو الي يدورك ولا تحققين معاه لا اسكتي تبي شاهي مثلا بس او احط لك العشاء بس مو اكثر ادري كلامي كثير بس لمصلحتك واذا هاوشك رفع صوته ياااااااااااااااااااااااقلبي ولا حرف يطلع منك فاهمه ولا كلمة الصمت قوووووة اجلسي استغففففففري ورا بعض لا تردين عليه سالك مثلا وهو معصب عن شي ردي بذوق وادب عوديه على الاحترام بكي الله يخليك ي قمر مانبي جربي نفسك لو شهر ولا نقنقه وتحقيقات مرا خليه يشوف التغييييير صح عيشي حياتك اهم شي مثل ماقلت اطلعي مع اي صديقه او اهلك المهم انبسطي تماااما راح يشتاق لك اتمنى تطبقين كلامي......لاني ماقدر ادخل خاص اتوقع مشاركات ماعندي |
رد: اكتشفت ان زوجي يخوني وصفعه
ههههههه على كثر كلام باقي كلام ماقلته😂😂😂😂😂
المهم اي ناس على وجه الارض عندهم طاقه سلبيه تكفييييييييييييييييييين لا تجلسين معاهم خليك مع ناس متفائله وايجابيه لو وحدة بتشتكي من زوجها غيري السالفه قومي اعتذري المهم لا تسمعين وقبل النوم تفائلي بكرا اجمل مثل ماقلنا على نياتكم ترزقون وانا عند حسن ظن عبدي بي وفلوسك ليه كذا ي قمر هههههه كريمة بزياده عن الزوم لا يدري عنها مو لياااااااااا فلوسك لك وبس انتي تستحقينا وزوجك لاتحشين فيه وتسبين خليك مثل ماانتي😍 👏🏻👏🏻دام انك بتعطينه فرص ،، بس اكسري اي سور بينك وبينه والله راح يندم على الي سواه ميه بالمية الانسان المحترم مااحد يقرب ولا يدوس على طرفه ابتعدي عن اي شخصيه ضعيفه مهزوزه ماينفع الكل راح يحترمك مو بس زوجك فلوسك لك مو له فاهمه ولا ريال ياخذه منك طلبك ماعندي بالحرف الواحد ان شاء الله تخبينها وين ،الاكل مرا وحده قوليله جهزته جاء حياه تاخر مدي يدك وتعشي وتغدي وافطري🙂👏🏻😅 من اليوم انتي وبس اهم شي بالدنيا حتى ولا قال لك اي كلمة فيها بنت قولي انا ومن بعدي الطوفان ههههههههه لاتتجيبن سيرة اي حرمة بالعالم على السانك عنده الاوذانين مفتوحه فانتبهي انا ابيه يشوفك انسانه ثانيه خليك على طول مبتسمممممه🤔😂😀 بس مو وانتي نايمه 😛عاد ادعيلي مو تنسين محتاجه دعوات😌لاتسين تقرين كتب اتثقفي اكثر والنت ماخلى شي ي كثر كلامي😭🤦🏻♀هههههههه |
رد: اكتشفت ان زوجي يخوني وصفعه
اكثر شيء لفتني فموضوعك بكيت نمت وانا الكي وصحيت وانا ابكي ورحت لحضنه اعتذرت منه
لييه ياقلبي كل هذا المرأة الضعيفة الرجال ما يحترمها وحطي تحتها مليون خط انتي مو محتاجة شفقة منه قوي ثقتك بنفسك وعزيها وراح يرجعلك ان شاءالله انتي اعطيتيه فرصه انتظري وشوفي وان جاء يعتذر منك قولي له بحزم انا كنت عايشه بيت ابويه معززه مكرمه وتوقعت الاقي حياة مثلها وانا قررت اعطيك فرصة ثانية وقوليله الضرب خط احمر اياك تمد ايدك عليه وفلوسك اياك تعطيه قرش مديون مزنوق بكيفه يدبر نفسه اغراض البيت ناقصة اطلبيها منه او ارسليه له جوال محتاجه كذا وكذا وكذا واقري كلام اختي عنودة اكثر من مره وارجع واقولك الرجال مايحب ولا يحترم المرأة الضعيفة ان شاءالله الايام الجايه تبشرينا |
رد: اكتشفت ان زوجي يخوني وصفعه
كيف علاقتك باهلك ؟؟
ابوك امك اخواتك اخوانك وينهم؟؟؟؟ |
رد: اكتشفت ان زوجي يخوني وصفعه
احتريت وبسسسس .. مو ضوعك يقهههر
|
رد: اكتشفت ان زوجي يخوني وصفعه
اقتباس:
كلامج وايد حلو انا يالعنود خليته على راحته لين انصدمت بخيانته والله ان كل يوم ارجع من الدوام اتسبح والبس واتعطر واحط روج وكحل ومكياج ما احتاج لان بشرتي بيضه الحمدلله جميله وانا واثقة من نفسي بس هو اللي لفت انتباهي على غلطته وسبحان الله .. الله فضحه لما اول مرة طرشلي الكلام باسمها !! وهذا كان اول الخيط مع الايام كل مرة ينفضح اكثر لين عرفت رقمها وقعدت ادور عنها وبياناتها احين اعرف شكلها ورقمها ورقم سيارتها واخواتها واعرف وين تداوم بس باقي اعرف وين تسكن ماتصدقين يالعنود اني من القهر كل يوم افتر في المنطقة ادور نفس رقم السيارة ابي اعرف وين ساكنه حق اكلم اهلها عنها ويبعدونها عني وعن بيتي انا طبعي وايد حلو انا اللي علمته على الرومانسيه والحنان وهو اصلا ولا يعرف شي ما تتخيلين صار شلون يعتذر لي ويستحي مني عقب ما اعترفلي بخيانته وانا سددت دينه انا ساعات اجبر نفسي اسوي اشياء تكسره باخلاقي ومواقفي وشلون اكون زوجه عاقله علشان يتذكر يوم بالايام ان انا الزوجه اللي سترته وبيضت وجهه قدام اهلها والناس انا الزوجه الهادئة الحنونة وكلامي الحلو اللي مايفارق لساني كل يوم والله ولا مر يوم من سنة ونص الا وقلتله احبك واطلب حضنه قبل ما ينام بس تعبت ما قمت اسوي هالاشياء يأست انا تزوجت عشان زوجي يحن علي مو انا اللي احن علي بس طبعه قاسي عصبي عنيد اناني متسلط مايحب يكون الغلطان الله المستعان 💔 |
رد: اكتشفت ان زوجي يخوني وصفعه
هو ما استحى منك من بدايه يستحي الحين!!
بس يمكن عجبتيه لما عطيتيه فلوس شكله فكر يغرقك في دين بعدين يطلق سراحك اصحي يا اختنا وين اهلك و اخوانك؟؟؟ |
رد: اكتشفت ان زوجي يخوني وصفعه
انا علاقتي باهلي قوية وكلهم يحبوني ولو يعرفوا انه لمسني لمس مو بس ضرب والله يزلزلونه
بس لو وحدة ثانية زمان فضحته انا ما تركته وهو غلطان اللي يحب الثاني ما يتركه ينصحهه بس للاسف هو ضربني لانه طبعه عصبي لكن انا كلمته وقلتله احمد ربك ان زوجتك عاقله ومتحملتك انا اعرف ان بني ادم خطاء واذا الله غفور رحيم انا ليش ما اغفرلك بس ليش ضربتني وانا قلبي طيب معاك وما فضحتك وسترت عليك وهو بنفسه احسه متفشل مني ومنحرج حتى هو قال لي انا منجرج منج لانج صبرتي علي طول الشهور وتصرفين ع البيت وانا قاعد اسد ديني ل*فلانة* والقرض اخذته عشان اسد ديني معاها وافتك من هالسالفه وقال ما تشوفيني كنت طول الوقت متضايق وكل ماسألتيني ما اقدر اقولج عشان ما اضايقج بس صدقيني عقب ما قلتلج وفضفضت لج احس صدري ارتاح ماعندي شي ثاني اخشه عنج خلاص ارتاح قلبي عقب ما سامحتيني .. لكن انا بصراحة مو مسامحته من قلبي للحين قاعده اتذكر شلون ضربني بكل وحشيه على وجهي وعلى راسي لين تورم وانتفخ وجهي وطيحني على الارض وجرني من يدي وطحت على عتبة الغرفة ورجلي الساقين تورموا والاسوار اللي بيدي انكسرت وصار مكانها احمر مو قادره انسى والله ان كل تذكرت ابكي وفي الليل ماقدر انام واصارخ من الالم والقهر مو قادره اوثق فيه الحين مثل قبل مهما سوا الثقة انهزت فيه وطاح من عيني على رغم انه صار احسن من قبل صار يطلعني ويشتريلي ويدلعني علشان اسامحه لدرجة انه صار ينتظرني وقت الغدا وساعات يطبخ ويسوي الغدا والعشا ما يطوف يوم الا ويشتريلي عشا او يطلعني مشوار حق نتعشى برا بس والله ما استانس واجامله وبقلبي للحين شايل عليه ومجروحه كبر الدنيا واشترالي هدية تلفون علشان اسامحه للحين قاطته ولا استعمله مو حاسه بطعم الهدية لان تذكرني بذاك اليوم الاسود لما ضربني واكتشفت خيانته حتى هو يسألني كل مرة وين التلفون ما اشوقج تستعملينه وكل مرة اتعذرله وانا اصلا مو مستانسه |
رد: اكتشفت ان زوجي يخوني وصفعه
اقتباس:
انا خلاص ممكن اذا اكتشفته يكذب علي بترك البيت |
رد: اكتشفت ان زوجي يخوني وصفعه
اقتباس:
وين ابوك واخوانك؟؟؟ كيف علاقتك باهلك ؟؟؟ ردي ارجوك لا تستهيني باللي صار معك --------- بلا حركات عاطفيه زائده عن اللزوم بكيت وحنيت وحضنه وانا طيبه طبعي حلو !!! سلامات !! زوجش يزني ------ وانتي غارقه في اوهام وعاطفه ،، انا اعرف اللي زوجها يخونها يجن جنونها اولا لان الموضوع من اكبر الكبائر ومحرم في كل اديان العالم يعني اي انسان يرضى به وثانيا صدمه زوجك سوها وانتي عروس بالله عليك ايش بيسوي عاده اكثر من كذا |
رد: اكتشفت ان زوجي يخوني وصفعه
انتي ما عشتي اللي عشته انا
انا ثلاث مرات يودوني المستشفى ويصيدني انهيار عصبي مافي داعي للتجريح انا قاعده اشكي همي وادور النصيحة مو الفضيحة انتي يا اختي الله يهديج تبيني افضح زوجي بدون اي تجربة حلول اخرى انتي قاعده تقوليلي وين اهلج .. انا مو كل شي يصير لادم اقوله حق هلي لان بيقير طلاق ومشاكل تكبر هو صحيح اذاني وسببللي تعب في نفسيتي بس الحمدلله انا اصبر واصبر وفكر في حلول لكن اذا تكرر الشي وضربني انا قلت راح اترك البيت لان سويت اللي علي علشان هو يندم لانه خسرني اختي اذا ضايقج موضوعي خلاص مافي داعي للتجريح اللي فيني مكفيني 😢😢😢 |
| الساعة الآن 03:25 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©