|
طليقتي تزوجت ولازالت تزعجني
السلام عليكم
بعد 4 سنوات من الطلاق تقريبا تم خلالها استلام حقوقها الزوجيه بالكامل رمت اولادها و تزوجت زواج عرفي ( بعد سنه ونص من الطلاق ) وباعت حتى اَهلها الي تبروا منها وهي مقيمه في بلد آخر. اكتشفت مؤخرا ان طليقتي رافعه عليي قضيه تطالب بحقوقها الي انا أصلا دافعها من انا الطلاق حتى الان. غلطتي اني ما كنت ادفع الحقوق عن طريق المحكمه لأني قلت عيب ام عيالي تدخل محكمه واتبهدل كل شهر هذا غير نظرة الناس السيئه الي بالمحكمة لكن للأسف ما ذكرت هالشي للقاضي والادهى والامر انها تبي الفلوس حتى بعد رميها الأولاد وسفيرها خارج البلاد وزواجها بعد. الموضوع قانونيا واضح لكن اب ياخذ وقت طبعا سؤالي اهي طلبت الطلاق وبقوه ودخلتني محاكم واكتشفت بعد سنه ونص انها مرتبه مع واحد علشان اطلق من اهنيه و يتزوجها من اهنيه يعني خيانه بعد تزوجت وخذت كل حقوقها. طيب شتبي اهي الحين؟ الزوج اليديد مو تارس عينها ولا شنو؟ انا اول مره اشوف زوج يخلي زوجته تشاغل طليقها ملاحظه،، قبل كم شهر بعثت 4 وسطاء علشان اتشوف عيالها لكن عيالها رافضين حتى يكلمونها. وسيطين منهم قالوا للاهل انها ندمانه وان ما لقت احد ينصحها ومن هالكلام الفاضي. انا بفهم وين زوجها عن كل هذا؟ |
رد: طليقتي تزوجت ولازالت تزعجن
الله يعوضك خير اخ عبد الله
لا تنشغل بها ربما هي تعاني من ازمة مادية حتى لجات لهذا لانه لو كان زوجها كافيها لما فعلت لكن مهما كان خطؤها لا تحرمها من شوفة اولادها |
رد: طليقتي تزوجت ولازالت تزعجن
اقتباس:
انا ما حرمتها والأولاد فعلا ما يبونها وانا مع رغبتهم. حتى الي عمره 5 سنوات ما يبيها. اساءت لهم بشكل كبير وعرفت بعدين ان عشيقها كان يأمرهم وينهرهم وحتى يعاقبهم وكانت تحاول إقناعهم يهاجرون معاها بس الحمدلله الله ستر وبلغوني العيال |
رد: طليقتي تزوجت ولازالت تزعجن
صدقوا اخواننا المصريين لما قالوا اللي اختشوا ماتوا
فعلا قمة قلة الحيا والوقاحه المفرو مالها وجه ولكن وش تسوي بهالعالم الغريب على العموم اذا كنت تحول لها المبلغ حواله سهله تقدر تسحب برنت من البنك كـ اثبات وبعدين كيف تطلب نفقه والعيال عندك!! |
رد: طليقتي تزوجت ولازالت تزعجن
وكل امرك لله ومن ثم وكل محامي يحضر الجلسات وتعطيه مايفيد انك دفعت لها حقوقها واذا ماعندك مستند على الاقل المحامي كفيل بإخراجك بأقل الخساير ، والله يهديها ويكفيك شرها ، وعندي لك رأي اذا اولادك ماطلبوا رؤية امهم ولاهي كذلك طلبت لاتكلف نفسك ولاتجيب وساطه عشان تشوف عيالها لست ملزم بهذا طالما ماطلبت اتركها ...
|
رد: طليقتي تزوجت ولازالت تزعجن
لا حرام خليها تشرف اولادها وهم برضوا يشوفونها 💔💔
وبالنسبه لسالفة خيانه حرام لاتظلمها دام ماشفت شي واضح واخر شي بيت طليقي حتى بعض اغراضي ماخذيتهم حسيت نفسي عايفتهن وشي خلاص مو لي فعلا الناس مو واحد ! |
رد: طليقتي تزوجت ولازالت تزعجن
اقتباس:
بس ماني فاهم اهي شتبي بالضبط طلاق وعطيناها و حقوق وعطيناها و رمت الأولاد و عايشه حياتها حسب ما كانت تبي شتبي الحين |
رد: طليقتي تزوجت ولازالت تزعجن
اقتباس:
اشرف لها تنساهم لان قربها الحين راح يؤلمهم |
رد: طليقتي تزوجت ولازالت تزعجن
اقتباس:
الأولاد رافضين يشوفونها وحتى يكلمونها نهائيا الخيانه شهد عليها الأولاد يا اختي وطلعوا خياسها كله انا كنت شاك بس كنت أتعوذ من ابليس لان الشك دمار لكن الحمدلله والله ستر و انكشفت |
رد: طليقتي تزوجت ولازالت تزعجن
الحمدلله اللي خلصك منها ياعبدالله
وبالنسبة لها اعتبرها غير موجودة ولا ترد على اتصالات أو رسائل أوساطات تجي عن طريقها واستعجل بالزواج. والله يوفقك |
رد: طليقتي تزوجت ولازالت تزعجن
عبدالله هي ع اي اساس تطلب فلوس والاولاد ؟؟؟؟
شوف لك اقرب محامي يفكك منها بعض الناس اذا حشمتهم واستحيت انك توريهم عينه الحمره تندم ،ادري انك منحرج انك ترفع قضيه عليها احترام للعشره وانها ام عيالك بس ما بتعرف حدود الا اذا خافت |
رد: طليقتي تزوجت ولازالت تزعجن
اقتباس:
انا اشوف انك تحبب الأولاد بأمهم عشان يكلموها. هذولا عيالها حملت عليهم وتعبت. يمكن هي تسوي كذا عشان تشوف العيال. كن انت أحسن منها ولا تحرمها شوفتهم واحتسبها لوجه الله. بارك الله فيك .. |
رد: طليقتي تزوجت ولازالت تزعجن
اقتباس:
الفلوس طلبتهم ع اي اساس!!!! |
رد: طليقتي تزوجت ولازالت تزعجن
وانت ليه مشغول تعرف اذا زوجها تارس عينها او لا
اتوقع ماتبغى تشاغلك تبغى يمكن عيالها او ماديا والله اعلم |
رد: طليقتي تزوجت ولازالت تزعجن
اقتباس:
كلامه بصيغة الاستغراب كيف زوجها سامح لها بهالتصرفات مع طليقها واما حاجتها الماديه هذا الموضوع مايعني للاخ عبدالله بشي لانه مو مسؤل عنها وعن حاجتها واما عيالها مايقدر يجبرهم على التواصل معها لانهم رافضين وشافوا بعينهم اللي سوته وبعدين لو الموضوع موضوع العيال كان رفعت قضيه زياره للعيال كان فهمنا ولكن قضية نفقه والعيال عنده !!! |
رد: طليقتي تزوجت ولازالت تزعجن
اقتباس:
لانها باعت اَهلها وهذا شي كبير وخطير |
رد: طليقتي تزوجت ولازالت تزعجن
اقتباس:
قلنا عيب بس هالاشكال ما يفيد معاها الا شرشحة المحاكم تخيلي يا اختي حتى الحضانه تنازلت عنها والأولاد صارلهم سنه ونص ما راحوا مدارس صارت عبدة فلوس حتى لو حرام والعياذ بالله |
رد: طليقتي تزوجت ولازالت تزعجن
اقتباس:
من اول يوم وانا أقول هالكلام واحث الأولاد على التواصل مع امهم لكن الخسيسه طلعت مضبطه مع عشيقها و سنه ونص الأولاد معاها ولا درت عَنِهم. لاهيه معاه بالتلفون وراميه الأولاد على الخدم. إهمال نفسي و صحي وحتى بالدراسه. استغلت الشرع وخذت الأولاد علشان تحرمني منهم مو علشان اهي تحبهم وتبيهم وهذا كله اكشفوه الأولاد |
رد: طليقتي تزوجت ولازالت تزعجن
اقتباس:
انا سمعت من ناس ان أهو مستغلها ماديا لان فعليا اهي باعت الكل واولهم اَهلها الي تبروا منها ف اهي مالها مفر او مخرج الحين خلاص الا هالشخص ف مهما بيسوي فيها ما تقدر أتقوله لا فوق هذا أهو مو خليجي وماديا تعبان وفهموها. بالعربي ..اهي بالعه موس اعتقد هذا عقاب من رب العالمين على الي سوته اب اَهلها و عيالها |
رد: طليقتي تزوجت ولازالت تزعجن
الشيء واضح اَهلها تبرؤا منها يعني البنت خلاص منتهيه لاكن العجيب يجيك احد الاعضاء يقلك خلي العيال يشوفون امها كيف بالله ام مثل هذه تخون امام عيالها وترميهم حتى بدون دراسه تكون ام وش الفايده تحمل وتجيب عيال وتكون ام مثل هذه انا اشوف حتى لو العيال لو يبون يشوفونها لاتخليهم عشان لايطلعون مثلها ويتربون على يدها اكبر غلط راح ترتكبه في حق نفسك وعيالك
|
رد: طليقتي تزوجت ولازالت تزعجن
اقتباس:
كثير من الأخوات المطلقات تنفصل لكن يظل احترامها لنفسها ولأهلها ولاولادها و حتى ل طليقها موجود وهذا الصح والطبيعي. وفعلا من كلام أولادي عنها غير تصرفاتها واشغالها لي طول الوقت احس انها مو طبيعيه مو مختله اللهم لا شماته ولا حول ولا قوة الا بالله مادري شبتهبب اذا تزوجت الحمدلله والشكر |
| الساعة الآن 02:35 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©