|
كيف اقطع صلة زوجي بابنة خالته
السلام عليكم ورحمة الله وبركاته
مشكلتي يمكن تشوفوها بسيطه هي منفصله تماما عن المشكله السابقه لدى زوجي قريبه وهي ابنة خالته يأتي لها خطاب ترفضهم مبنيه آمالها واحلامها على زوجي كل اسبوع مترززه عند ام زوجي واحيانا كل يوم اول ماتعرف ان زوجي عند امه دقايق نشوفها بوجيهنا _ بيتهم قريب دقيقه مشي _ وتسلم عليه من بعيد وتقوله مابغينا نشوفك اشتقنالكم ______ من يوم ماتزوجت وهذه هي ماتغيرت كل اهلنا واهلهم يتغطوا من بعض الا هي ودايما تقول لي زوجك هو لي اذا مو على طلاقك بكون الثانيه والجديده وانتي الباليه القديمه كلامها يحرق قلبي بس ابين لها العكس انها اخر همي _________ قبل أمس زرنا اهله كنت اعلم انها موجوده بس عمتي ام زوجي أصرت نجي على الفطور ورحنا لهم وهي جت تسلم وقالها غريبه هنا بهالوقت قامت تقوله بدلع اساعد خالتي احسن من زوجات عيالها محد نافعها غيري لو مزوجه واحد من عيالها وحده مثلي بترتاح لاني بسكن معها وبعاونها وزوجي التفت علي وسكت ______ لا هي ترضى بالخطاب اللي يتقدموا لها ولا هي راضيه تبعد عن زوجي مخططه انها تتزوجه من اول ماتزوجنا ______ اما في العيد هذا سالفه لوحدها تجي تدلع عنده وتبي عيديه انا قربت اصير رماد من الغيره اللي قاعده تنحرق لها سنين داخل قلبي ماتكلمت ابدا مع زوجي عليها الا مرتين اول زواجنا قلت له ليه ماتتغطى عنك قال لي هي كذا من زمان ماتتغطى لما تطلع الشارع تبينها تتغطى مني ؟ والمره الثانيه بعد كم سنه من زواجنا لما عرفت انها تتمناه زوج لها سألته سؤال عادي مابينت له اني غيرانه عشان مااحط قيمه لها عنده وخاصة انها جميله سألته ليه ماتزوجت بنت خالتك وهي قدامك طول الوقت قال لي ما دخلت مزاجي مع ان امي كانت تبيني اخطبها _____ الحسره تاكل بقلبي اقول ياربي ليه ماتوافق على الخطاب وتتركنا احنا نعيش ______ اريد ايضا ان زوجي يوقفها عند حدها ويقولها يامره تغطي احنا مو محللين لك وبالعيد لا اريده ان يعطيها عيديه _____ او رايكم اصبر مثل ماصبرت كل هالسنين وادعي ربي ان يبعدها عنا |
رد: كيف اقطع صلة زوجي بابنة خا
يازيننك ياارواح عاد حسيتها منحررقه اكثرر منك يكفي انك زوجته وحبيبته وهي 10 سنين تترزز وهي ولاشيء عنده انا اقول بطريقتك ذي ماشاءالله عليك انتي حارقتها احس مثل هالنوعيه لو بينتي انك غيرانه او هاوشتيها بتزيد اكثثر .. الحين انتي عندك زوجك خذي وقطي عليه تلميحات انوو مايعيدها لو تشحذ من هنا لبكررا قولي لو تحبني ماتعطيها انا اغار عليك وكذا .. ولايعطيها وجه .. وانتي لما تكوونو هناك قولي لزوجكك حبيبي وروحي خل تنقههر اكثر لاتنادينو باسموو عندها .. بس تحصنو واستعيذي من شر حقدها دايما..
طيب بسألك هي تجي كاشفه وبعبايه ولابدون عبايه وكيف لبسها عندو وشعرهاا؟؟ |
رد: كيف اقطع صلة زوجي بابنة خا
اختي عليج بالدعاء
و خبري زوجج كل ما يت هو يطلع يعني ماله داعي تشوفه ويشوفها هالشي مايصير خاصة لو هي الله يهديها عليها حركات ف الافضل يتجنب لقاءها تماماً ولو صدف وخل ريلج هو يتصرف انتي لا تسوين شي ،، خل يكلم امه عشان تكلمها وتوقفها عند حدها وتبين لها لا تحلم وايد وتتفائل لانه ماله رغبه فيها وخل توافق على الخطاطيب وتشوف نصيبها اما انتي موقفج صحيح استمري بالتطنيش وعدم الاهتمام والصمت هذا اللي بيقهرها اكثر |
رد: كيف اقطع صلة زوجي بابنة خا
شيء غريب
هي كيف ترضى على نفسها انها ترمي حالها على زوجك و تقولها بالصريح قدام الجميع لو مزوجة عياالك وحدة مثلي واهلها ليه مخلينها تكشف ! و ايش نظرة زوجك واهله لها ؟ الشيء الاغرب كيف تقول على طلاقك كذا تصرح بالشر |
رد: كيف اقطع صلة زوجي بابنة خا
اقتباس:
لان اذا نكون انا وهي لوحدنا تتكلم معي وكأنها بركان هايج ولما زوجي او امي معنا تصير كلها انوثه ودلع مشكلتي استحي قدام اهله وماتكلم كثير ____ كاشفه وجهها ونص شعرها برا والعبايه مفتوحه يعني كانها بدون ععباية |
رد: كيف اقطع صلة زوجي بابنة خا
اقتباس:
بيفتح عيونه عليها وبيقول ليه غيرانه اكيد بوه شي فيها ملفت واذا مو شايفها الحين بيصير يشوفها بعد كلامي هذا تفكيري فلا اعلم اذا صائب ام لا |
رد: كيف اقطع صلة زوجي بابنة خا
اقتباس:
ودلعوها من صغرها لما كبرت ماقدروا عليها لانها درست بالخارج 3سنوات وتعلمت الحريه هناك وقطعت دراستها لسبب لا اعلمه ولم اسأل زوجي مايتكلم عنها واذا تكلم يقول الله يهديها ويصلح حالها واهله تعودوا وصاروا شايفين هذا الشي طبيعي ____ هي ماصرحت قدام الكل هي صرحت بيني وبينها كنت احاول اصادقها بس القى منها الرفض والعداوه |
رد: كيف اقطع صلة زوجي بابنة خا
وانا اقرأ ارتفع ضغطي مليار
ما هذه المرأة المستفزة في وقاحتها لكن اطمني زوجك لن يفكر فيها لانه لو يفعل كان من زمان اهم شي لا تبينين انك مقهورة ولا تعبرينها ولما تروحو هناك خليك مع زوجك ولما تقول ما تقول اجبيها طب ليش ما خذاك بكل برود زوجي يعتبرك مثل اخته ومن هذا الكلام منك اليها حتى تكره |
رد: كيف اقطع صلة زوجي بابنة خا
ماشاء الله عليك عندك طوله بال وصبر غريب !!
ارتفع ضغطي والله ggf اظن ان زوجك ما تعجبه ولا يهتم فيها بس مفروض ما يعطيها وجهه واذا طلبت عيديه لا يعطيها عيب والله |
رد: كيف اقطع صلة زوجي بابنة خا
الحمد لله على تمام صحتك ورجوعك لزوجك
اسال الله ان يجعلك قرة عين له وهو قرة عين لك بنت عم زوجي كانت نفس كذا وكانو يقولو من زمان انهم لبعض بس زوجي مومقتنع فيها هي كانت متحجبه وتراقبه اذا دخل تدخل عليه كانها غلطانه كنت اغار بس مستحيل ابين لزوجي او لاحد مره كنا بالعيد كنت متحجبه وواقفه بصاله انتضر زوجي بنطلع لعيد عمه دخل اخو زوجي الكبير كان رايح للمطبخ قال اعتذر منك ياام فلان ماشفتك ومشا للمطبخ هي كانت طالعه من الغرف والله قدامي راحت للمطبخ لما شافت الرجال دخل فيه تحسبه زوجي لما دخلت عليه صرخت وطلعة كانت تحسبه زوجي لانها كل ماشافت زوجي تطلع قدامه او تدخل عليه وتسوي نفسها غلطانه حتى زوجي ملاحظ حركاتها بعدين رجعة للغرفه وجاء زوجي وقلتله بصوت عالي عشان تسمعني حرام فلانه تحزني كل ماشافت رجال تعرض نفسها عليه قال زوجي هذي العن حركه اشوفها والانسانه هذي شكلها مريضه هو ماكان يدري انها بغرفة خواته وتسمعه والله العظيم من بعدها ماقد شفتها ببيت عمتي ولاتجي عندهم فاللي بيوقفها هو زوجك |
رد: كيف اقطع صلة زوجي بابنة خا
هل التعدد شائع في مجتمعكم؟
بخصوص العيديه اذا تحسين زوجك مرده بينحرج وبيعطيها ،،، قوليله هالمره العيديات يخليها عندك واذا مره انحرج يقولها خذيها من ارواح من هالسنه العيديه محطوطه عندها وخليها تيجي تاخذها منك ،،، واذا رفضت واصرت يقولها ما عندي غير اللي حطيته عند ارواح ،،، او قبل ما تيجي تطلبها جمعي العيديات كلها ووزعيها عليهم عشان تحس انه العيديه اصلا تطلع برضاكي |
رد: كيف اقطع صلة زوجي بابنة خا
مدام زوجك من اول ماتزوجها على الرغم هي قريبته وفضلك عليها يدل عارف أخلاقها سيئه عشان كذا فضلك عليها ولاكن المشكله و الغلط الاول زوجك لو وقفها عند حدها واعطاها العين الحمرا ماراح تتصرف كذا بعض الناس لو سكت عنهم يزيدون وقاحه وقلة ادب لو تعطيهم العين الحمرا يهجدون ويحسبون لك الف حساب يفكرون كل الناس مثل اهلها يدلعونها ويستكون عنها
كم عمرها هي وكم عمر زوجك |
رد: كيف اقطع صلة زوجي بابنة خا
ما دامت جميلة وعليها الخطاب لماذا تنتظر زوجك لتكون زوجة ثانية والفرص امامها مفتوحة غريبة على كل ادعو الله ان يصرفها عن زوجك ويريح بالك ويرزقها الزوج الصالح الذي يسعدها وينسيها زوجك
|
رد: كيف اقطع صلة زوجي بابنة خا
اقتباس:
ولا كنت انا وهي بخبر كان _____ ماتعطيني فرصه اتكلم تهاجمني هجوم قوي وتتكلم كثير ماتسكت وتحرجني قدام اهلو يا اختي طبعها شين محد يقدر عليها قالت لي مره ولد خالتي كان معمي لما تزوج ولا وش شايف فيك لا كذا ولا كذا ولا كذا قلت لها الغيره تعمل عمايل بهذلتني ماخلت كلمه ماقالتها لسانها سليط من يومها صرت اخاف منها 😅 واول ماشوفها اتجنبها وحطيت اعصابي بثلاجه |
رد: كيف اقطع صلة زوجي بابنة خا
اقتباس:
بس مافي راحه هالشي ننجبر عليه عشان نتعايش ونعيش االمشكله بزوجي نفسي اقوله لا تعطيها لا تكلمها اذا جات اطلع بس اخاف افتح عيونه عليها |
رد: كيف اقطع صلة زوجي بابنة خا
اقتباس:
اللهم امين الله يسعدك عزيزتي توتي 💙 الله يخليكم مع بعض ويرزقكم الراحه ويبعد عنكم الاذى بس كيف يوقفها ؟ مماعمري سمعته ينتقدها واذا هي كلمته يرد عليها عادي كأنه متعود عليها مو حاس بغيرتي والنار اللي بصدري |
رد: كيف اقطع صلة زوجي بابنة خا
اقتباس:
لكن العائله مافي احد معدد لا اهلي ولا اهله وهذا معطيني نسبة من الراحه _____ هو ماينحرج ماحسوه ينحرج صحيح انو مايعطيها الا اذا طلبت بس اذا طلبت يعطيها وهو يضحك بسبب اسلوبها فكرة جميله بعمل على دراستها واجربها :) |
رد: كيف اقطع صلة زوجي بابنة خا
اقتباس:
عمرها 30 على ماعتقد عمر زوجي الان 32 ياليت يعطيها العين الحمرا ويوقفها |
رد: كيف اقطع صلة زوجي بابنة خا
اقتباس:
لا ادري بعض الاحيان اشعر انها تريد فقط الانتقام مني او تريد ان تنتصر علي لا افهمها اللهك امين الله يسعدك عزيزتي |
رد: كيف اقطع صلة زوجي بابنة خا
يعني لاتبغين زوجك يكلمها ولا انتي تبغين تكلميها خايفه منها اجل خلاص خليك مثل انتي وتحملي الامر الواقع ليه جايه تشكين هنا انتي خايفه من كل شي
|
رد: كيف اقطع صلة زوجي بابنة خا
اقتباس:
متى قلت اني مابغى زوجي يكلمها انا قصدت اني انا اللي مابغى اكلم زوجي بالعكس انا اريده هو يتكلم من نفسه اريده ان يضع حد هو وأهله يكلموها ليست قصة خوف منها انا فقط اتقي شرها وأيضا لا اريد ان اعطيها حجم اكبر ولا اريدها ان تشعر انني غيرانه منها _____ اريد طريقه تجعلني اوصل لزوجي الكلام الذي اريده من غير ان يكون لي يد فيها |
رد: كيف اقطع صلة زوجي بابنة خا
طنشيه ولا تهمك لو يبيها كان تزوجها وقالها لك بصريح العباره ما خشت مزاجه
علي فكره انتي اللي قاهرتها وذابحتها من القهر اصلا انصحك تضحكين قدامها ولا يهمك كلامها ودلعها ولا تسولفين معاها أبدا خلك رسميه ولا تلفتين نظر زوجك لها خليها مسيره يجي يوم وترضى تتزوج ووقتها الله بيعطيها واحد ورآه وحده تنكد عليها كما تدين تدان الدنيا دواره |
رد: كيف اقطع صلة زوجي بابنة خا
دام مجتمعك مايكشف
لاتخلين زوجك يقابلها او يجلس معها قولي ليش تجلس مع فلانه وهي مومن محارمك انا ماارضاها انا ماارضى انك تجلس مع غير محارمك خليك حازمه من هناحيه |
رد: كيف اقطع صلة زوجي بابنة خا
ماشاء الله عليكي
ماادري جاني احساس ان زوجك عاقل ماشاء الله جدا وصدقيني لو حاططها في باله كان خطبها قبلك ولا تقولي جميله بما انها مو متغطيه عليه معناته متعود على شكلها ومو شايفها جميله انتي صح استمري واهم شي اكتمي على اسرارك وحياتك ولا تبيني لها ولا شي بخصوص حياتك مع زوجك طنشيها طناش كامل وخللي كلامك معها في حدود المعقول والرسميات يعني اتقاء شر عارفه والحمد لله زوجك مو ملتفت لها وصدقيني طول ماهيا غيرانة وتتدلع وتجري وراه هذا شي منفر بالنسبة للرجل الرجل مايحب اللي تلحقه ايش ماكان اصلا ترخص في عينه وماشاء الله عليكي عجبتني شخصيتك انك مااعطيتيها اكبر من حجمها ولا ذكرتيها لزوجك بقي اقول لك شي اخير انتبهي من الغيرة بينك وبين نفسك ترا لها اثار واعراض صحية سيئة بسم الله عليكي انتبهي وكوني واثقة من الداخل والخارج مستقرة ومتزنه |
رد: كيف اقطع صلة زوجي بابنة خا
الحين زوجك ما يدري عن اي شي ؟؟؟
مثلا ما يعرف انها تضايقك وتتعمد انها تاذيك؟؟ اقترح انك تصارحيه لكن باسلوب هادي ولا تتعمقي في الكلام مثلا قولي فلانه لا يعجبني تصرفها الفلاني واتمنى لو انك تتجنبها لانها تحاول ان تضايقني وتتعمد انها تحرجني امام اهلك |
رد: كيف اقطع صلة زوجي بابنة خا
حطي ايدينك في ماي بارده الرجال يستهينو بهاذي الاشكال
خصوصا لما يوصل الوضع للاستغلال وطلب الماديات |
رد: كيف اقطع صلة زوجي بابنة خا
طنشي .....
|
رد: كيف اقطع صلة زوجي بابنة خا
مو من جدها!!!سلامات خير ايش تبي هذي الله لا يبلانا ويبعد شرها عنك
|
رد: كيف اقطع صلة زوجي بابنة خا
أشوف إنك تكلمي زوجك وتكوني حازمة شوي في ذا الموضوع يا أرواح مو معقولة وصلت قلة الحيا إنها تدلع عليه وتتغنج عنده وتطلبه عيديةخير وش تحس فيه!!! اطلبي منه ما يعطيها وجه ولا عيدية ويكون رسمي في التعامل معها لأنه اللي قاعد يسير ما يرضي ربنا ويكون الحوار بأسلوب طيب وصراحة أهنيك على أسلوبك في التطنيش قدامها قاعد يحرقهاااااا وعلى طول قدامها بيني إنها ولا كأنك شايفتها شيء أخصريها
وردودك عليها لو احتجتي تردي أعطي كلمة في الصميم وبثقة وخليها تزبد وترعد وتحرق في عمرها. رفعت ضغطي أجل أساعد خالتي أحسن من حريم عيالها!!! لو جلست عند أمها وساعدتها من البر فيها خير لها من تجي ترز وجهها عند خالتهاyjy أعرف وحده تزوجت واحد عندهم عادي بنات العم يجلسوا مع أولاد العم وطبعا على طبيعتهم بالبناطيل بمختلف موديلاتها الماسك والواسع والملابس القصيرة وغيرها،وكمان فيهم جمال تبارك الله ...الاولاد أغلبهم ما تزوجوا من بنات عمهم تزوجوا من برا مع إنهم جميلات . هي ما عجبها اللي تشوفه و ثارت على الوضع وصارت لما تشوفوهم يبغوا يقوموا يسلموا على زوجها وهما متكشخات تتمشكل معاهم ما يسلموا إلا ويلبسوا العبايات ولا يجلسوا من غير سلام وشوي شوي قدرت تقنع زوجها يتغطى عنهم بعدها صح صاروا كارهينها بس هي ولا حسبت حساب لهم ما شاء الله. |
رد: كيف اقطع صلة زوجي بابنة خا
أهلين أرواح .. الحمدلله على رجعتك لبيتك والله يبعد عنكم كل شر ..
اول شي اسمحيلي يا ارواح بهالكلام .. كيف مو من اول مادخلتي عليهم وشفتي الوضع كذا بنت خالتة كاشفة وتدخل عليه وتسلم بعد واذا تجلس بعد مصيبة هذي .. وساكتة كل هالسنين ..!؟ المفترض على طول كلمتي أم زوجك وقلتي ياخاله ترا مايجوز تجي وتسلم على واحد مو محرم لها وتضحك كذا .. واحنا ماعندنا كذا ولا أرضى بهالشي !! لو سمحتِ اذا صرنا بنجي لاتدري ولاتقولين لها .. الشي الثاني كيف تقولين مارح اقوله شي .. غريبة عليك ياارواح يعني فيه رجال واعي مايدري ان زوجتة راح تغار علية ولاترضى وحدة تجي تكلمة وتمون علية .. كيف تفتحين عيونة وهو يشوف هالشي قدامة.. وبعدين ممكن توصلين له الرساله بطريقة غير اسلوب الغيرة الجنونية والتحجير بالعكس هو بيفرح من غيرتك وبيشوفها شي طبيعي جداً جداً .. انتي خلاص اثبتي ثقتك بنفسك كل هالسنين بسكوتك جاء الوقت اللي تحطين لها الشي حد .. تقدرين تفهمينة انو مايتكلم معها ولا يعطيها وجهه لأن هالشي اصلاً مايرضي ربي قبل مايكون مايرضيك .. وافضل شيء تتفقون لما تجون وتكون موجودة تقعدون ربع ساعة وتمشون ، تقولون بنروح مشوار وعادي ممكن تحددون المشوار ( بحر .. كوفي .. معرض ...الخ) وتطلعون .. وعشان حتى انتي تنفكين من شرها وكلامها الله يهديها وبعدين على اساس اذا قلتي هالكلام بيقول آآه شكل الإنسانة فيها شي مختلف عشان كذا زوجتي غارت منها اجل بروح اتزوجهاا !!! لا ارواح هذا من ابليس عشان تظلون على نفس الوضع .. مافي شي اسمه بفتح عينه عليها لو يبيها خذها من زمان ماينتظرك تغارين وتنبهينة بس سبحان الله اللي كذا ماتجذب الرجل العاقل تنفرة اكثر .. الله يستر عليها ويزوجها |
رد: كيف اقطع صلة زوجي بابنة خا
يا بخت من جمع راسين بالحلال :D
|
رد: كيف اقطع صلة زوجي بابنة خا
اقتباس:
وترضى فيه ويسعدها ويصلحها ما كتبت هالموضوع الا لاني اريد هذا العيد غير عن كل عيد لان دائما كل عيد يمر علي يكون نكد بسببها وانا اضحك قدامها بس من جوا نار الله يسعدك يا أختي |
رد: كيف اقطع صلة زوجي بابنة خا
اقتباس:
حتى لو هو يعتبرها اخته بإذن الله هاليومين بفتح الموضوع معه الف شكر لك يا اختي |
رد: كيف اقطع صلة زوجي بابنة خا
اقتباس:
ردك اسعدني جداا الله يسعدك ويرضى عليك ويجزاك كل خير انا ماتكلم عن حياتي لا بخير ولا بشر ولا قدام احد الحمدلله وربي يعطينا الصحه والعافيه ويبارك بعمرك الف شكر لك |
رد: كيف اقطع صلة زوجي بابنة خا
اقتباس:
اقتباس:
ماعمري شكيت له هي قدامه البنت الطيبه البريئة حتى قدام امه احيانا تتعمد تحرجني قدامهم بعدين تقول اوه اسفه ماقصدت عشان تبين قدامهم ان هي الطيبه بس من وراهم تضايقني بالكلام الله يكون بالعون الف شكر لك حبيبه |
رد: كيف اقطع صلة زوجي بابنة خا
اقتباس:
اقتباس:
جزاكن الله خير 🌷 |
رد: كيف اقطع صلة زوجي بابنة خا
اقتباس:
بإذن الله هاليومين احاول اتكلم معه وان شاء الله مايغهم اني غيرانه منها 😓 لان هالاحساس قاتل بالنسبه لي الف شكر لك حبيبتي وربي يهدي الجميع |
رد: كيف اقطع صلة زوجي بابنة خا
اقتباس:
اللهم امين الله يجزاك الجنه وبارك الله فيك عزيزتي ويسعدك ويرضى عليك _________ عزيزتي انا غريبه عليهم وماذا بيدي عندما ارى الكل ساكت والدتها خوات زوجي وامه حسيتهم متعودين على هذا الوضع وماكان بيدي الا اسكت والحسرة بقلبي وانا بداية زواجي والى الان خجوله قدام اهله يعني اسولف معهم عادي بس اتدخل بخصوصياتهم واغير عاداتهم هنا كنت اشعر بصعوبة ______ ان شاء الله سأتكلم معه الف شكر لك يا حبيبه امين يارب الله يستر على الجميع بارك الله فيك |
رد: كيف اقطع صلة زوجي بابنة خا
اقتباس:
الله يرزقها بولد الحلال ويسعدها ويحبها وتحبه عاجلا غير اجل بعيدا عن أسرتي الصغيره 😅 |
رد: كيف اقطع صلة زوجي بابنة خا
عباره ( مابغى افتح عينه عليها) ماتدخل المخ
كل حركاتها وتميلحها والتلميحات اللي تقولها يعني هذي مافتحت مخه .. الا ياحبيبتي هو منتبه لها وفاهم تلميحاتها بس هو من الاساس ماقتنع فيها كزوجه ... استخدمي اسلوب الكيد معها .. تميلحي اذا كان زوجك موجود خلي اللهب اللي تشعله فيك ينقلب عليها .. ايش قلة الادب والكلام اللي تقوله لك !!؟؟ وباي صفه زوجك يعطيها عيديه؟ كلميه ووضحي له كل مقدار المضايقه اللي تضايقك فيها ومقدار الاذى اللي توجهه لك ويابو فلان جزاك الله خير ماله داعي تعطي بنت خالك عيديه .. ولازم يكون زوجك يكون صارم معها في التعامل |
| الساعة الآن 11:33 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©