يقولي طحت من عينج
 

السلام عليكم

اللي يعرف سالفتي ومشاكلي مع زوجي والحمدلله على كل حال

المهم ابغي رايكم في موضوع

اللي عرفته من ريلي انه هو على باله ( انه طايح من عيني )
ومع مشاكلنا ونقاشاتنا مره قالي ما ابغي اطيح من عينج اكثر
و في تصرفات اتصرفها بشكل عفوي يقولي انا مب ريال عندج !

عشان جي جزاكم الله خير خبروني

متى الريال يقول حق مرته انه هو طايح من عينها
مع اني انكرت كلامه وبينت هالشي غير صحيح
بس هو في باله هذه الفكره

انا احترمه و لا اغلط عليه واعامله معامله حسنه
وقاعده اراجع نفسي وافكر شو المواقف اللي ممكن تخلي الريال يظن انه مب رجل في نظر زوجته
او انه يطيح من عينها

واذا قلتوا اسأليه
ريلي غامض وصامت من الدرجه الاولى في مثل هذه النقاشات ومايعطيني جواب
الحمدلله على كل حال
نحن علاقتنا متوتره
لكن بجرب اني اغير منظوره اتجاهي
واحسسه انه بالعكس مب طايح من عيني و رجال بمعنى الكلمه بالرغم من تقصيره
اتمنى الفائده

رد: يقولي طحت من عينج
 

قولي له ايش انت دخلت عقلي عشان تعرف طحت من عيني ولا؟؟

ممكن هو تقيمه لنفسه كذا .. وصعب تقنعين الشخص بتقيم ثاني

رد: يقولي طحت من عينج
 

هو ممكن يظن أنه طاح من عينك بسبب ما فعله معك فهو استصغر نفسه

لكن ممكن تكتبين أمثله حول التصرفات العفوية الي تخليه يقول أنك ما تعتبرينه رجال !!

غالبا الحل يكون بالتقدير الي تظهرينه له

لكنه بشرينا إن شاء الله أموركم تحسنت ؟

رد: يقولي طحت من عينج
 

الله المستعان
يمكن يحتاج زيادة ثقة بالنفس
بس انا سألت لاني حبيت استفيد من خبرات اللي مروا بنفس حالتي

رد: يقولي طحت من عينج
 

الحمدلله .. لا جديد يا اخوي

شفت موضوعي السابق اللي حطيته
يوم تواصلت ويا حبيبته اني بخطبها له
قال انا مب ريال عندج ( اني تصرفت بدون ما اخبره )
لكني قلت لا والله ما كنت اقصد

وحتى مره رحنا بوفيه كان مزدحم بالرجال انا استحيت بغيت اطلع
قال انا مب ريال جدامج ، قلت يعني المكان كله رياييل ما اقصد جي ، قال انا موجود ومحد بيسوي شي ! ومتضايق من ردة فعلي ،،

وغيره من المواقف

هل المشكله مني ولا منه
ماعرف

رد: يقولي طحت من عينج
 

الله يفرج همك و يصلح حالك

اللي فهمته أنه هو يشوف انك تتصرفين في أمور المفروض ترجعين له فيها أو تثقين في تصرفه اللي بيعمله لأنه هو الرجال و أنت لازم تثقين فيه و لا تتصرفين من راسك لأنك كذا شككتي في قدراته كرجل يستطيع تدبر أمور بيته أو حماية زوجته و المحافظة عليها

الموضوع بسيط بإذن الله إن استطعتي و تجلسين معه في جلسة صفاء و تقولين له وش نظرتك للمرأة كيف تقدر زوجها و تحترمه و تحسسه بأنه سي السيد طبعا الأسلوب ما يكون تحقيق يكون أسلوب دافئ و جميل

و إن كان صعب عليك ذلك فحاولي تتجنبي التصرف في أي أمر يخصة الا بعد طلب رأيه و كذلك موقف المطعم قيسي عليه بقية خرجاتك معه ما تتصرفي في شيء الا معه و خليك معه و يحس أنه سيد الرجاله

وفقك الله
أسأل الله أن يوقر في قلبه و حبك و أن يجعله يرى السعادة و الراحة معك

رد: يقولي طحت من عينج
 

امين يارب العالمين

بخصوص جلسة صفاء واني اسأله ف هذا الشي مستحيل يصير
لاني جربت مليون مره هالشي واسحب الكلمه منه سحب مافي فايده
يلا الحمدلله


ان شاء الله بطبق كلامك ويزاك الله خير اخوي

رد: يقولي طحت من عينج
 

الثقه والتقدير من حاجات الرجل الأساسيه فهل أشبعتِ هاتين الحاجتين عنده؟؟أظنه يفتقد ثقتكِ به كرجل يستطيع إدارة منزله وحياته وحياتكِ معه

رد: يقولي طحت من عينج
 

التقدير نعم

ولكن الثقه ( سابقاً اول ماتزوجته "نعم" ) ولكن فيما بعد لاء للاسف انعدمت بسبب ما حدث من مواقف فيها تلاعب بالمشاعر وخيانه

رد: يقولي طحت من عينج
 

لااقصد بالثقه المعنى الذي ذهبتِ اليه...وإنما الثقه برجولته وقدرته على إدارة حياتكم اعطيكِ مثال زوج يقود سياره زوجته لا تثق بقيادته لذلك هي متوتره طوال المشواروعلى العكس زوجه تثق بقيادة زوجها ومرتاحه في مشوارها أوصلها فشكرته ومدحته اقصد هذا النوع من الثقه

رد: يقولي طحت من عينج
 

هذا المثال بالذات ينطبق علينا
لاني احيانا اتوتر من سواقته وابين هذا الشي
لانه شخص يكون ماسك تلفونه ويسوق ويغلط مرات شي طبيعي بخاف

وصحيح .. يمكن احتاج اني ابين له ثقتي فيه بشكل اكبر في بعض المواقف

رد: يقولي طحت من عينج
 

قيسي ع المثال حياتج معاه

رد: يقولي طحت من عينج
 

كرري عليه جملة إنت تحبني بس مو راضي تعترف لنفسك بهالشي كرريها علطول خليها ترسخ بمخه غصب عنه..

رد: يقولي طحت من عينج
 

المشكله كرامتي ماتسمح لي .. احيانا افقد الامل
بس بحاول الله كريم

وشكرا جزيلاً اخ ولا اخت اسينات

رد: يقولي طحت من عينج
 

اخت..وقد يكون فعلاً ماأقول يحبكِ ولايعترف لنفسه

رد: يقولي طحت من عينج
 

يزاج الله خير اختي أسينات ماقصرتي

وان شاء الله يكون كلامج صحيح
احيانا احس جي واحيانا لاء

الحمدلله على كل شي