|
زوجي وعقيقة ابنتي دون اخباري
السلام عليكم ورحمة الله
زوجي اليوم فاجئني انه قرر يسوي عشا عقيقة بنتي الكبيرة ! أول يوم العيد وأنا بكون يا نفاس بالطفل الثاني طبعا يا منومة بالمستشفى هو عارف وضعي الصحي وعارف من 9 شهور أن أول يوم بالعيد ما اقدر أحضر لكن ما هميته يقول تقدرين تحضرين أحضري ما تقدرين مو لازم طيب ليه يا زوجي أجله لين أقوم بالسلامة ليه ما فكرت فيني ليه تترك للناس مجال تتكلم فيني لأنه بالعيد اللي فات رفض اروح عشا اهله بحجة أنه بينام بالاستراحة مو فاضي يأخذني ويرجعني و اهله والسلايف يحسبون انا اللي ما أحب أجي ووحدة قالتها بوجهي انت شكلك ما تحبين تخرجين المهم قام يصرخ لا تكبرين الموضوع انا اعطيت اخواني كلمة وانا رجال البيت وانا وانا انا وين وهو وين ! ادور ع احترام ع تقدير ب تصرفاته ماني لاقيه جالسة أبكي حظي هو طبيعي اللي أحس فيه ولا انا مكبرة الموضوع ؟! تم تعديل العنوان ليتناسب مع المضمون |
رد: هل لي حق ازعل!
طبعا هو ب يعق عن البنت
و يأجل عقيقة المولود الثاني ! |
رد: هل لي حق ازعل!
حمدالله عالسلامة ومبارك ما جاك
طبعا يحقلك تاخذي علا خاطرك عشان التعب والنفاس وخلافو ولكن انتي في وضعية حرجة مادام زوجك اعطى كلمة لا تصغريه وخليها تفوت حتى لو لم تحضري ولا ادري ان كان ياخذ بنتك الرضيعة في غيابك او لا علا كل مرريها وبعدها تفاهمو ما ياخذ خطوة جماعية الا باتفاقكو انتو الاثنين الزواج شراكة مو انا الرجل يعني خلص هونيها حبيبتي وصحتك النفسية اولى قدرتي تحضري ماشي ما قدرتي بلاها وانشالله تحضري عرسهاghgjgf |
رد: هل لي حق ازعل!
اقتباس:
|
رد: هل لي حق ازعل!
اقتباس:
انا لسى ما ولدت بس خلصت التاسع ودخلت الشهر العاشر و مديني مهلة يا أولد هذي الأيام يا يكتبولي تنويم ويولدوني نفسيتي سيئة وزادها عليا |
رد: هل لي حق ازعل!
اقتباس:
لكن امي عندها ظروف و اعرف انها ما حتحضر وأختي مسافرة ، |
رد: هل لي حق ازعل!
تعرفين أن في بعض الناس يعملون العقيقة لأصحابهم فقط
|
رد: هل لي حق ازعل!
وليه ماانتظر ولادتك وسوى العقيقه على البنتين
كل وحده يعني ذبيحه وليه متاخرين بعقيقه البنت |
رد: هل لي حق ازعل!
عقيقة بنتج الاولى ما سواها الا مع ولادتج الثانية
صح؟؟؟ هذا اللي فهمته |
رد: هل لي حق ازعل!
كلهم عارفين انك نفاس مااحس فيها احراج ولو مكانك مااهتم
|
رد: هل لي حق ازعل!
اختي انتي مكبره الموضوع
صح كلامج ريلج دام قدرتي اتيين زين ولو ماقدرتي مب لازم عالعموم عشا العقيقه مرات يكون بين الرياييل ومرات يكون عشا بسيط بين الاهل يعني على حسب المهم انه يسوي العقيقه تطبيقاً للسنه مب مهم انج تحضرينها ولا لاء حسب ظروج يعني ولاتهتمين لكلام الناس ابدااااا اهم شي علاقتج ويا ريلج ماتتأثر عشان هالموضوع لانه مايستاهل ركزي على نفسج ويا الحمل ويارب تولدين بالسلامه وتكونين موجوده بعقيقة الياهل الثاني |
رد: هل لي حق ازعل!
اقتباس:
يسويها رجال وحريم و أم البنت ما تقدر تحضر ! ترى أنا مو فارقة معايا يسويها عشا أو يوزعها اللي يريحه لكن أقلها يحط لي قدر واحترام ويختار وقت اقدر احضره ! لكن مو فارقه معاه أهم شيء أمه وإخوانه |
رد: هل لي حق ازعل!
اقتباس:
أو لا فقرر يعق احتياطا. وليه ما استنى لين أولد هذا اللي انا اقوله له لكن انا جاني خبر أن اهله مستأجرين استراحة بالعيد غير استراحة العايلة و شكل زوجي قال العشا علي لكن ما تأكد لسى وهو اصلا ما كلمني لأن عارف ما اقدر أحضر ! ولا يقول ترى أنا كنت ب وزعها بدون ما اقولك ويقولها بطريقة مستفزة زي اللي ترى مو حاطلك حساب ! طيب انا قبل فترة اقوله سوي اللي يريحك حبيبي اذا طبخها مكلف عليك وزعها لو أن طبخها حلو نتجمع بالاستراحة و ونحتفل ايش اللي انا مسويتله عشان يقول كذا ويتكلم بالأسلوب هذا؟ حتى لو جاني وقال ترى عقيت عن البنت ووزعتها ب اشكره وادعيله |
رد: هل لي حق ازعل!
انتي عطيتيه قرار الاستراحه
ليه تزعلين الحين هي صارت عفويه اهله بيتخذون استراحه وتذكر كلامك عن الاستراحه واللمه قال اجل ذبيحتكم علي وبالمره بيحطها عقيقه ليه ماقدر وضعك الرجال تفكيرهم مختلف عنا نهائي هو يشوفك يمكن تقدري ويمكن ماتقدري لكن ترك لك القرار بصراحه صعب يرجع بكلامه عقب ماعزم اما لي يرد عليك بجفاء لانك قلبتيها بعصبيه وزعلتي هو بشد كرده فعل خليه يسويها واذا تعبانه قولي لاهله واعتذري اذا ولاده ولا نفاس ميه بالميه بيعذرونك وعقيقه بنتك الثانيه تفاهموا عليها |
رد: هل لي حق ازعل!
خليه يشيل الحمل على راسه
يتحمل العقيقه من وإلى ... وانت مريحه نفسك .. اهم شي انه طبق السنه .. |
رد: هل لي حق ازعل!
سبحان الله حنا يالنساء نشقي انفسنا بتفاصيل مالها داعي ..وحنا اللي نتعب وتتعب نفسيتنا 😥
هو ماقرر من راسه انه يعزم رجال وحريم ويحط استراحة وسالفة .. الموضوع انه اهله مجتمعين كلهم بيجيبون عشاء فجاه فكر بفكرة ( اللي هي فكرتك من قبل) انه يحط العقيقة ويفتك من ايجار الاستراحة مرة ثانية .. اخذها بهالبساطة انها قايمة قايمة العزيمة خليني احط العقيقة وارتاح . وانتي عادي لاتحضرين بتكونين بالمستشفى او ولدتي محد بيشره عليك صدقيني ، وحتى لو احد نقدوا وش بيصير؟ وخير ياطير لو نقدوا ؟! هو عمرهم الناس تركونا بحالنا ؟!! من رأيي روقي وارتاحي واسترخي وراك ولادة واكشن جديد اتركي الناس وقلقهم برا راسك .. هو اللي قال ببسوي عقيقة انتي اطلعي من الموضوع خله يعابل فيها ويقابلها . والعيد ارسلي بنتك مع سلة تشوكلت او هدية بسيطة لجدتها واكتبي انها منك .. واتصلي ع ام واب زوجك عايديهم وباركيلهم وماقصرتي والعقيقة لاتجيبين لها طاااري نهائي لا لهم ولا له اطلعي من الموضوع ولو فتحوا الموضوع قولي والله انا منومة بالمستشفى وما ادري عن فلان وش ترتيبه كل شيء صار فجاة مسكين :) ونادي اهل زوجك بنفاسك ونادي سلفاتك وخليهم يشوفون شخصيتك الحلوة وذوقك الحلو .. خذي الامور ببساااطة وهونيها وتهون .. الله ييسر لك ولادتك ماتدرين يمكن تولدين قبل العيد ويحط زوجك ذبيحتين عن المولودين وترتاحين من الهم :) اهم شيء تقومين بالسلامة ❤ |
رد: هل لي حق ازعل!
اقتباس:
كلامي زمان عن الاستراحة بعد ما خلصت وحام قبل 5 شهور لأن كان نفسي بلمه وتغيير جو وهو اصلا كان يميل انه يطبخها ويعزم عليها اخوانه فأنا كنت مأيدته وليه زعلت لأن ما فكر فيا ولا جاب خبري ! ومن ناحية اتصل ليه اتصل اعتذر هو انا غلطت ؟ هم مرتبين للسالفة بدون اعتبار لي ومسوينها بوقت ما يناسبني أو بالأصح ولدهم ف محد له حق عندي . |
رد: هل لي حق ازعل!
اقتباس:
حيسوي الأولى بس |
رد: هل لي حق ازعل!
اقتباس:
الشق الثاني ليه زوجي مو حاط لي اعتبار حضرت ولا ما حضرت ! ليه مو بنتي ؟ مالي حق يعني افرح ! وقيسي على باقي حياتنا ما جات على عقيقة |
رد: هل لي حق ازعل!
على فكرة لاحظت
بعض الردود يقول افتكيتي؟ الشغلة ترى عندنا بسيطة ومافيها تعب الاستراحة وفيه استراحة للعائلة والعشا والضيافة من برى وحتى المعازيم بالغالب مختصرين على الإخوان والخوات والاحفاد أم البنت تجي زي العروسة بكامل اناقتها واذا بتسوي لنفسها زفة صغيرة مع المولود أو إذا كان اللي ب يعق عنه كبير تزفه بشكل بسيط وعفوي الشغلة مفرحة على بساطتها |
رد: هل لي حق ازعل!
اما بخصوص انهم استأجروا
استراحة بالعيد هذي اصلا عادة فيهم من زمان لازم أول يوم يكون فيه عشا بالاستراحة سواء يستاجرون استراحة افخم وجوة البلد أو يجتمعون باستراحتهم |
رد: هل لي حق ازعل!
اقتباس:
العقيقة التانية ولا ح اسأل عنها كرهني اصلا سيرتها لأن لما كان يتكلم زمان وانو حيسوي العقيقة مرة يقول بالبيت ومرة يقول لا باستراحة اهلي أكبر لأن ماشاء الله هما كثير كنت فبالي جالسة أخطط كيف أزف بنتي بسوي حركة صغنونه واصورها للذكرى عشت جو يعني لكن فركش كل حاجة وكأن السالفة ما تعنيني |
رد: هل لي حق ازعل!
هي من حقك تزعلين لكن ليس في صالحك من اجل صحتك
اختي الكريمة انت على وجه ولادة اهتمي بنفسك ولا يضيق خاطرك المهم انك تطلعين بالسلامة ويكون مولودك في اتم الصحة والخلقة ومصيرك تنسي انا لما كنت نفاس ببنتي في بيت اهلي زوجي عق على البنت ولا عرفت ولا حضر اهلي لما غضبت قال وليش سنة وطبقتها وانت خليتك مرتاحة بعدين نسيت المهم انه طبق وخلاص الرجال مو نفس تفكيرنا عمليين ولا يهتمون كثيرا للتفاصيل |
رد: هل لي حق ازعل!
لك حق تزعلين طبعا اتصلي بأمه خليها تقنعه يغير الموعد لأن أحس أنك ما راح تقدرين على إقناعه و الله أعلى و أعلم توكلي على الله و تكلمي بهدوء و بدون عصبية و أنت تتحدثين معها ................. هذا بالنسبة لموضوع المشكلة و لكن هناك موضوع آخر أود أن أنبهك له حبيبتي إغرسي نفسك بين أهله غرس و لا تجعلي زوجك هو حلقة الوصل بينكم لأنه شكله غير مدرك للأصول و الواجبات و غرسك لنفسك بين أهله ليس من باب الاستجداء لهم ..... و لكن عندما تكون علاقة الزوجة قوية بأهل زوجها يكون لها سند قوي بعد الله سبحانه و تعالى أحضري مناسباتهم و لا تفوتيها كونك فرد من العائلة لا ينبغي إغفاله ... و ليس كمجرد تابع وفقك الله حبيبتي إلى كل ما يحبه و يرضاه. |
رد: هل لي حق ازعل!
الله يقوّمك بالسلامة ويرزقك المولود البارّ ويفرّحك بما ينسيك في أولوياتك الآن صحّتك وحسن استعدادك حقيقة أنّ الموقف يزعّل ويكدّر, لكن قولي لعلّه خير وبما أنّكم كنتم انت وزوجك تخطّطوا للقعيعة مع بعض ولم يسبق أن قال ما يفهم منه أنّه لا يرغب بحضورك أو مشاورتك فأكيد الموقف هنا كان عفويا ولعلّه نسي حالتك الخاصّة وقد قرّر ووعد وخرجت الكلمة منه ولا رجوع فيها الرّجل أحاديّ التفكير, لما يفكّر في شيء ينسى كثير الأمور الأخرى ويركّز على أمر واحد وطبعا ما راح يعترف أنّه أخطا ولو أنّ هذا نفسه خطأ, فهو طبعا يبحث عمّا يقوّي به موقفه ويشدّ به على قراره انت قلت رأيك وعبّرت عن تضايقك, فخلاص لا عاد تراددي زوجك حتى لا يقول لك شيء يزيد عليك, من باب عدم التراجع, ويكدّرك أكثر .. |
رد: زوجي وعقيقة ابنتي دون اخبا
انتي مبالغه الله يصلحك يعني كانك توك ولدتي البنت ؟ تفرحين بايش اوريدي البنت كبرت ربي يحفظها وانتي والده باذن الله شعليك منهم يحطون ولامايحطون لا ولدتي بالسلامه وسوا للمولود الثاني العقيقه بتكونين موجوده هذي مجرد فرصة حب يقتنصها زوجك ويخلص من هالموضوع
يعني بكل الاحوال هم بيتجمعون ومابتحضرين سواء حط ولا ماحط لانك والده فليش تبالغين ؟ يدرون انك نفاس وتعبانه محد بيشره ! |
رد: زوجي وعقيقة ابنتي دون اخبا
الحمدلله ولدت
واللي عشته من الم طلق وولادة حسسني أن مشكلتي تافهة الحمدلله ربي رزقنيهم تامين الخلقه بصحة وعافية وزوجي وقف معاي وما قصر بتكاليف الحمل والولادة اشكر كل من شارك وخفف عني ودي اكتب ارد عليكم واحد واحد لكن وضعي ما يسمح الله يسعدكم |
رد: زوجي وعقيقة ابنتي دون اخبا
الحمدلله على سلامتك ..
الله يحفظ لك ويخلي لك البيبي |
رد: زوجي وعقيقة ابنتي دون اخبا
حمدلله هلى سلامتك
|
رد: زوجي وعقيقة ابنتي دون اخبا
بارك الله لك في الموهوب لك، وشكرت الواهب، وبلغ أشده، ورزقت بره. ===== والحمد لله على سلامتك |
رد: زوجي وعقيقة ابنتي دون اخبا
طنش .. تعش
شكله قايل لإخوانه عشاء اول ايام العيد علي ... وهي في خاطره تمايم بنته .. شكل محد داري انها تمايم .. فريحي راسك ...وشيلي هم نفسك بس وحتى لو قايل انها تمايم بنتك .. فاكيد الكل بيعرف انك بالمستشفى ... عشان كذا ارتاحي وتقومين بالسلامه |
| الساعة الآن 08:57 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©