|
مشكله بسيطه تجر للطلاق
السلام عليكم
خواتم مباركه على الجميع وكل عام وانتم بخير مشكلتي بدت بشي صغير بس قامت تكبر وب توصل للطلاق بداية رمضان تاريخ 5 كنا جالسين على السفره انا وزوجي وابني الصغير عمره سنتين منتظرين يأذن المغرب ونفطر وابني جالس يلعب بالسفره وانا عقلي مو معه يعني مانتبهت له زوجي اخذ الملعقه وضرب على ايد ابني وابني بكى زعلت عليه قلت وانا زعلانه كسر في ايد اللي يمد على روحي واحسها طلعت من كل قلبي وزوجي زعل ومافطر معنا وقال مابي اولادي يتربوا مثل تربيتك قلت له ليش انا وش سويت عشان تزعل كذا ورجعت اعتذرت اني مو قصدي ادعي عليه بس زعلت على ابني وبعدين قلت له ايشبها تربيتي عشان ماتتشرف ابني يتربى مثلها ومارد علي عديتها له قلت رمضان وصيام مابدنا حقد وضغينه بعدها بكم يوم زوجي عمل حادث سياره وتعورت ايده مانكسرت بس تعورت ايده ورجله وانا جالسه جنبه واخفف عنه قال لي ارتحتي كذا جايه تتشمتين فيني ان دعوتك استجابت قلت له وربي اني ناااسيه وبعدين يدك مانكسرت كلها رضوض ويومين تصير بخير وبلا هالحقد اللي بقلبك قال لي منو اللي حاقد انا والا انتي قلت له ليش على شنو احقد اثاريه يتذكر شي قبل 4 او 5 شهور لما قال لي كسر في ايدك لما مسكت جواله عبااله اني ارد له المهم وفضل زعلان مني 3 ايام ورضى بنفسه بس كل يوم والثاني اذا قلت له احبك يقول كذابه اللي يحب مايدعي على اللي يحبه وانا اسكت المهم قبل اسبوع رحنا السوق واشترينا كسوة العيد لي وللصغار وبعدها بيوم اخوي جاني وجاب لي هديه لبس للعيد بحكم انه يشتغل في محل ملابس نسائيه زوجي زعلان لاني قبلت هديته وزعل اكثر لما قلت له اني بلبس اللي جابه اخوي قام مسك اللبس وسوا فيه شق صغير قلت له كسر في وسكت ماكملت مسكت نفسي ورجعت قلت له الله يسامحك ليه كذا قال كملي دعوتك انا سكت لك في المره الاولى بس هالمره مارح اسكت لك ويلا روحي عند اهلك والبسي اللي جابوه لك وعيدي عندهم رفضت اطلع من البيت مو عشانه بس عشان العيد جاي مشكله اذا رحت عندهم زعلانه او مطروده واليوم المغرب قال لي الفجر مابي اشوفك هنا خلي اخوك يجي يأخذك ساعدوني كيف اتصرف اطلع من البيت ولا اجلس من بداية رمضان الى اليوم والوضع بينا من سيء الى أسوأ |
رد: مشكله بسيطه تجر للطلاق
لاحول ولاقوة الابالله
بصراحه معه حق يزعل ولو ماصرح لك راح تكون بقلبه اولاً ليش معوده لسانك على الدعاء ؟ اي شي يصير اول كلمه تدعلين بالكسر وغيره ليش ماتعودين لسانك على الكلام الزين وبعدين الرجال رايح ومتخسر وشاريلك فستان للعيد على الاقل جامليه والبسيه اول يوم والشي الملاحظ ان صار الطلاق اول الحلول عند الكثير يااختي الطلاق هو اخر الحلول يعني الواحد يقدم كل شي عشان الحياة تستمر واذا مانفع هذيك الساعه يجي وقت الانفصال وترى مافيها شي اذا اعتذرتي وبينتي ندمك له وانك ماتقصدين ترى هذا يكبرك بعين زوجك ماينقصك |
رد: مشكله بسيطه تجر للطلاق
1
نعم أنت أخطأت في الدعاء في المرة الأولى والمرة الثانية مما يعني أنك تحملين شيئاً داخلك عليه أو أنك تعودت على ذلك ومثل هذا القول لا يليق بالزوجة الصالحة ولا يليق بالتعامل الأنثوي مع الزوج فانتبهي لألفاظك واكتمي غضبك واستعيذي كثيراً 2 نعم أنت أخطأت في تقديم هدية أخيك على هديته وكسوته إلا إذا كنت ترين في داخلك أن ذوق أخيك أفضل مما اشتريتم أنتم 3 عاجلاً أرسلي رسالة لطيفة جميلة رقيقة لينة إلى زوجك فيها اعتذار ومحبة وتذكير بهذه الليلة المباركة وفضلها وقرب العيد والتئام الأسرة ثم بعدها بساعة اذهبي إليه بنفسك معتذرة 4 لا تخرجي من بيتك |
رد: مشكله بسيطه تجر للطلاق
اقتباس:
اعتذرت له بس هو ماعتذر لي والطلاق هو اللي حكى روحي بيت اهلك بس انا جلست ماخرجت |
رد: مشكله بسيطه تجر للطلاق
اقتباس:
2 اللي اختاره لي زوجي احلى بكثير بس اذا مالبست اللي جابه لي اخي بيزعل اما زوجي قلت يمكن بيفهمني 3 ارسلت اعتذار بس حاقد علي 4 ان شاء لله |
رد: مشكله بسيطه تجر للطلاق
كلكم ما قصرتوا ببعض والاحترام بينكم مفقود
|
رد: مشكله بسيطه تجر للطلاق
^
^ صحيح كلامك |
رد: مشكله بسيطه تجر للطلاق
الله يهديج اختي الا الدعاااء
ديري بالج دايما ادعي بالخير واذا عصبتي عليه تكلمي عبري بس لاتدعين !! اكيد هالشي بيزعله خاصة يوم سوى حادث بيحس انه دعوتج استجابت يعني اذكر مره ريلي دعا علي كان شوي منفعل والله اني زعلت زعل لانه الدعوه غير ف اتركي هذا الطبع وبعدين ريلج وداكم السوق ودفع فلوس وشرى لج للعيد يمكن حاب يشوف اللي خذاه عليج اخر شي تكسرين بخاطره وتلبسين اللي اخوج يابه انتي تعرفين انه زوجج زعلان ومعارض ماكان لازم تصرين وتعاندين وزين انه ماخرب اللبس كامل وشق بسيط يمكن واحد ثاني بيسوي شي اكبر اختي المشكله بينكم ماتستاهل الطلاق لكن انتي احترمي ريلج قدريه واصبري عليه يمكن هو شوي عصبي ويحتاج منج تقدرين دعوه حلوه وحكمه واكيد انصحج انج ماتطلعين من البيت تمي في بيتج وتأسفي من زوجج وخبريه ان اللي يابه اخوج راح تلبسينه ثاني يوم واللي شريتوه هو الاهم وانج ماتقصدين شي قلبج صافي اتجاهه وتحبينه لكن للاسف زلة لسان وتعودتي على الدعاوي فهذه واوعديه انج تتركين هالطبع |
رد: مشكله بسيطه تجر للطلاق
اقتباس:
|
رد: مشكله بسيطه تجر للطلاق
الحب هو .. الدعاء
واكيد عكس هالجمله هو الصحيح .. مهما بررتي .. بمجرد أن يدعي علي زوجي بكررررهه .. عشان كذا ما الومه.. تاكلين من اكله وتلبسين من كسوته وتسكنين بيته وتدعيم عليه!!! الحل ... انا لا احب الاعتذار الصريح اللي ما يجبر اللي قدامك يقبل عذرك .. يعني كلمه السفه مع تبرير انا حافظه قبل لا تقولينه ما يطيح اللي براسي الان بما أنه العيد ... اطلبي كيكه وهديه بسيطه .. من محل او باتفاق مع اخوك .. وجهزيها اول ما يصحى وانتي لابسه ملابسه ... لو انتي في بيت اهلك .. عودي لقيتك وسوي اللي قلت لك عليه ... |
رد: مشكله بسيطه تجر للطلاق
قبلي راسة وايديه واعتذري من قلبك وحاولي اكثر من مره .... زوجك رائع وكريم لا تفرطين فيه ... خوذي جوله على المنتدى وشوفي بعض الازواج كيف .... استغلي العيد بمصالحته ... واحذري ابدا تقيل احترام زوجك وقدميه على الجميع وخصوصا اهلك ... والله يصلح حالكم .
|
رد: مشكله بسيطه تجر للطلاق
اقتباس:
ماعاندته وربي اني قلت له انت زوجي وبتفهمني بس اخوي اخاف يزعل قام زعل وشقه لو قال لي لا البسي اللي جبته لك حاب اشوفه عليك كنت قلت له حاضر وامرك بس هو كبريت ان شاء لله بترك هالطبع وانا هذا مو طبعي الفجر جاني وشافني قال لي انتي بعدك هنا قلت له اسفه ووعد ماكررها قال تحملي اللي يجيكي سفر بالعيد مافي تمشيات طلعات مافي بس تروحين تزورين اهلك وترجعين ظلم وربي |
رد: مشكله بسيطه تجر للطلاق
اقتباس:
|
رد: مشكله بسيطه تجر للطلاق
اقتباس:
لساتني في بيتي ماطلعت وافكر اسوي له حفل بسيط يمكن يطيح اللي براسه ويرضى ولا يلغي السفر |
رد: مشكله بسيطه تجر للطلاق
اقتباس:
|
رد: مشكله بسيطه تجر للطلاق
اقتباس:
هذه عاصفة وسوف تهدأ وتقربي منه بلطف بدون طلبات أو عتاب |
رد: مشكله بسيطه تجر للطلاق
اقتباس:
لكن الأولى تقديم كسوة زوجك ثم هدية أخيك فيما بعد |
رد: مشكله بسيطه تجر للطلاق
اقتباس:
هو فهمها هكذا لهذا لا بد أن توضحي له أنه هو الأحسن والأول ولا أحد أفضل منه مع مدحه ومدح أفعاله كلها حتى يهدأ |
رد: مشكله بسيطه تجر للطلاق
اقتباس:
اعتذرت حبيت راسه واقوله خلاص اسفه ماقصدت انا احبك يقول لي لا ماتحبيني مصمم اني ماحبه وهو شدراه اللي بقلبي بصبر 5 ايام للعيد مارح اطلع بس سفرتنا مابغى يكنسلها وهو خامس يوم العيد الحجز اذا كنسله جد مارح اقدر اسامحه |
رد: مشكله بسيطه تجر للطلاق
اقتباس:
اقتباس:
ان شاء لله ربي يعطيك العافيه اخوي |
رد: مشكله بسيطه تجر للطلاق
اصبري
حتى لو كنسل السفرة السفرة تتعوض حافظي على بيتك قلبك متحمل ضربة الأب لابنه كيف بيتحمل ضربات شوفته مشتت |
رد: مشكله بسيطه تجر للطلاق
اقتباس:
يعطيك العافيه |
رد: مشكله بسيطه تجر للطلاق
اسمحيلي اختي انتي مِو حاسة بعظم عملتج
يعني أغلاط ورا بعض وكل غلطة اعظم من اختها الحين انتي لا تناجرينه خليه يقول وانتي بس نفذي اذا قالج ماكو سفرة ردي عليه حاضر المهم رضاك علينا اذا قالج ماكو طلعات وتمشيات ردي عليه اللي تامر فيه طاطاي شوي للعاصفة |
رد: مشكله بسيطه تجر للطلاق
اقتباس:
|
رد: مشكله بسيطه تجر للطلاق
للحين ساكته اقول يمكن يلين وانا هاديه ماكلمته بشي ولا بينت اني زعلانه بس وربي السفر مابيه يتكنسل
|
رد: مشكله بسيطه تجر للطلاق
شلون اخليه ينسى اللي صار ويعدي هالعيد على خير ويترك هالنكد اللي هو مسويه
|
رد: مشكله بسيطه تجر للطلاق
مدري شقولك
اكثري استغفار |
رد: مشكله بسيطه تجر للطلاق
ممكن يكون عارف تعلقك بالخرجات و بالسفر
وهو الآن يريد أن يرى هل انت تحبيه لشخصه حتى لو حرمك من بعض ما تحبين أم أنك تحبينه حب مصلحه إن عمل رضينا و ان ماعمل هجينا نصيحتي لا تحصرين تفكيرك في زاوية الطلعات و السفرة حاليا و هدي أعصابك واكثري من الاستغفار و الدعاء انت حاليا في تأسيس فكرة الحب بينكم فلا تهدميه لسفرة أو خرجة |
رد: مشكله بسيطه تجر للطلاق
اقتباس:
اقتباس:
صحيح كلامك اخوي انا متولعه في الخرجات والتمشيات الله يهدي النفوس ويصلح الاحوال بحاول اكتم غيظي واصبر لين ربي يفرجها |
رد: مشكله بسيطه تجر للطلاق
حبيبتي
العيد كله زيارات اهل اغلبه نادرا ماتقضيها تمشيات اطلعي لاهلك واسهري عندهم بالنسبه للسفر هل هي سفره خارج البلاد ولا سفره للاهل ولا سياحه |
رد: مشكله بسيطه تجر للطلاق
اهلي اول يوم عيد من بعد المغرب يسافروا
السفر خارج البلاد |
رد: مشكله بسيطه تجر للطلاق
زوري اقاربك
احنا بالعيد ما نروح لاي مكان فقط زيارات و عزايم وصلة ارحام و هذا اجمل مافي العيد اما الطلعات ما تحسسنا بالعيد |
رد: مشكله بسيطه تجر للطلاق
^^
كل سنه نزور الاقارب وفي الليل نتمشى وخامس او سادس عيد نسافر |
رد: مشكله بسيطه تجر للطلاق
يا اختي هو مايقدر يسامحك على دعوتك عليه واصابته بالحادث قد تكون فعلا في ساعة استجابه فاجاب الله دعوتك ويحق له يزعل وكرد فعل كنسل السفر الآن جا دورك تسامحينه على ردة فعله
اذا انتي سامحتيه على هالشي وبينتي له انك السباقه بالمسامحه فلن يجد اي عذر ليستمر بالزعل وعدم المسامح لكن تبينه يسامحك لأنك اعتذرتي وهو لما كنسل السفره تقولين والله ما اسامحك كيف تريدين ثقافة التسامح بينك وبين زوجك تكبر وتتفرع وتثمر وان شاء الله انه مايكنسل السفره لانها مبالغ وفلوس والالغاء في اوقات الاجازات تقريبا عليه رسوم وليس مجاني بس اسمعي كلامه وان شاء الله يقول يالله مشينا بس لاتعودينها وتنبسطون |
رد: مشكله بسيطه تجر للطلاق
اقتباس:
لاتكبريها وتروحين عند بيت اهلك والحريم احيانا مايعرفون يتصرفون, الرجال يتأثر كثير اذا تفضلين هدية اهلك على هديته حاولي تبيني له انو هو الاهم وصالحيه اعمليله كيكه مفاجأة اي شي بس لاتكبريها واتركي الدعاء حتى حرام |
رد: مشكله بسيطه تجر للطلاق
الله يعطيكم العافيه جميعا الحمد لله قال لي اليوم اجهز الشنطه بنسافر بكره اشكر الجميع على نصايحهم
|
رد: مشكله بسيطه تجر للطلاق
زوجك عقله صغير
عشان دعوة يزعل! له حق ان يزعل لو كانت عن حقد اما تحققها ما هي الا مصادفة اصعب شيء قلة العقل. |
رد: مشكله بسيطه تجر للطلاق
اقتباس:
زوجك يحبك و الظاهر أنه رجل عاقل و غير متهور و إن شاء الله يكون ثبت في قلبه أنك شارياته و مستحيل تفرطين فيه لهذا شاف أنه يجازيك لصبرك أنصح و أوصيك أن تحافظي على زوجك و بيتك و تعلمي الدرس لا تدعي عليه بل ادعي له و اصبري فنتيجة الصبر دائماً محموده بإذن الله وفقك الله |
رد: مشكله بسيطه تجر للطلاق
^^
^ ان شاء لله يعطيك العافيه ويجزاك الله كل خير |
| الساعة الآن 10:22 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©