|
بيتنا صالة العاب
مساكم الله بالخير بالخير ماهو مثل مساي اللي منيل بسته وتسعين الف نيله ادري اني بنفك فكه من زمان ما انفكيتها بس قسم بالله ياقلبي مليان باقي تكه وينفجر من وضع اجتياح الجعاري هذا خلاص بموت عيال اخواني ما اقدر اتحملهم اكثر من كذا اصبرو لي يومين بالكثير وبتلاقوني ترند بتويتر أقحوان تعنف الفئه الضالة من بزارين عايلتهم ما اقولكم عن الهدوء اللي رمى نفسه مع الدريشه ولا عن الخصوصية اللي طعنت نفسها وماتت ولا عن الاشياء اللي اتركها بمكان وفي جزء من الثانية تختفي ولا عن الازعاج اللي ما يخلص مع العلم ان كل اللي بقوله غيض من فيض مدري فيض من غيض موب هذا المهم انا ممكن اتحمل هذا كله يوم بالاسبوع لكن كل يوم خير من الساعه 2 الظهر لصباح اليوم الثاني على هالحال المزري هذا غير المخلفات اللي تبقى بعد عملية التطهير الشامله هذا اخذ وضعيت الميت هنا والثاني يصيح يبي ينام بعد واللي منخش ورى الستارة واللي بالخزانة 🤦🏼♀ اطلعهم مع الباب الرئيسي الاقيهم داخلين مع الباب الخلفي اقفل البابين يطلعون لي مع الدرايش نقفل الدرايش يطلعون لي من تحت السيراميك لو افتح الحنفيه نزلو لي منها الجلطه موب هنا الجلطه اللي حاطه رجل على رجل ولا تسأل تطلعهم من هنا وتقفل الباب عليهم من هنا عشان تقطع عليهم خط الرجعه يطقون الباب لين يدوخون ما تفتح وتجي امي تسوي فيها اللي كبروا عقولكم وخلاص مره سفلت فيها تتوقعون طلعت بنتيجه ؟ ابد مسويه نفسه مجنونه ما تفهم ما تركت شي ما دعيت به عليها ابتداءاً من الساحق الماحق وانتهاءاً بالمر المستمر ولا زالت حاطه رجل على رجل 😔 بس كذا ! لااااا بعد فيه جلطه ثانية اكبر من كذا امي لا تكلمونهم ولا تطلعونهم برا ولا تجرحونهم ولا تقولون لهم لا ولا يطولون واقفين ع الباب واكلوهم وشربوهم والخدمات لا يلمسونهم يقالها امينه اللحين اذا امه ما تدري عنه اتعب نفسي انا ليش الزبده نظام يا انتو تراكضون وراهم يا انا وصلت لمرحله اتركها تراكض وراهم واسوي نفسي ما اشوف ابيها تفهم ان الموضوع زاد عن حده لانها هي السبب ما تبي تحط حد ولا تاركتنا نتصرف كذا بس موتي وانتي ساكته قسم بالله صايرة اجيب لنفسي شي ادخله البيت تهريب تقل بدخل بلاطة حشيش وكله كوم والنوم كوم ثاني اقفل الباب بنام يتركون البيت كله وتمسك معهم يلعبون قدام باب غرفتي طيب ليش ! هذولا لو اجيب لهم اسد يفترسهم ما علي لوم ويمكن اخذ اجر بعد الله يصبرني بس قسم بالله دايخه نوم و💔🤕 |
رد: بيتنا صالة العاب
مساك الله بالرضا
موضوعك ممتع بأسلوبه الشيّق والمرح لا أظنّ أن روحا بهذه اللّطافة تُقدم على مناداة الأسود لافتراس الأطفال متّعك الله بالصحّة والرّزانة والعقل الحكيم,, |
رد: بيتنا صالة العاب
ما فهمت وش مشكلتك وايش دخل أمك بالموضوع وليه دعيتي عليها وسفلتي فيها؟
|
رد: بيتنا صالة العاب
فين أمهم وأبوهم عنهم؟!
إنتِ مو مسؤولة عن أطفال أحد، لا مسؤولة عن تربيتهم ولا عن تعليمهم الادب والسلوك الجيد ، ولا مسؤولة عن توجهيههم و منعهم من المخاطر. لو كانت امهم اختك او ابوهم اخوكِ ،أمهم و أبوهم المسؤولين عنهم فقط ، وإن أردتي تحمل جزء من المسؤولية فبإرادتك ورضاكِ وليس رغما عنكِ فأنتِ غير مجبرة على تحمل الازعاجو الفوضى بسبب أطفال أي أحد . |
رد: بيتنا صالة العاب
اقتباس:
التي هي أم الاطفال المزعجين |
رد: بيتنا صالة العاب
اقتباس:
يبي يجي يوم واسويها اذا مو عشان تاكلهم عشان تخوفهم وما يجون 🙁 |
رد: بيتنا صالة العاب
اقتباس:
بالمختصر زوجة اخوي انسانه تبي عيال ما تبي تتعب وتربي وكذالك اخوي فاللي صاير من يصحون لين ينامون الصغار وهم جالسين عندنا نطلعهم ما تفتح لهم الباب عشان يرجعون مره ثانيه لنا ويزيد الوضع سوء اذا كانوا خواتي عندنا مع بزارينهم وامي بتموت على اولادها وعيالهم وحريمهم لحد يزعلهم وكانت النتيجة بيتنا ازعاج وبيتهم هدووء تام ورواقه فهمت ليش ادعي عليها لان متحملين شي فوق طاقتنا وغصب بعد 😤😤😤 |
رد: بيتنا صالة العاب
اقتباس:
ابوهم يشوف الوضع عادي بحجة يحبونكم طيب يمكن انا ما احبهم استشيروني ياخي وامهم تبي الفكه منهم مع شوية حركات منا ومنا انا ادري اني موب مسؤولة عنهم وهذا اللي يغيض لما تسوين شي مجبره وانتي تدرين انو مو من مسؤلياتك في الحياة لكن عشان ميمتي ما تزعل نظطر نسكت وحتى لو اتحلطم عندها تعطيني نظرة يالك من فتاة سيئة بعذري والله السوء موب جاي من قليل عاد اصبر بس مو غصب ولو بكمل بتجيك صدمه انو في ناس كذا !! |
رد: بيتنا صالة العاب
الله يكون بعونك , اذكر صديق لي عنده خوات خمس متزوجات واخوانه اربعه متزوجين ويتجمعون كل خميس عند بيت ابوهم الشايب الكبير وطبعاً كل وحده جايبه 3 اولاد اقل تقدير والبيت بيت حكومي مايتجاوز 300 متر مربع وازعاج ولجه ويتهاوشون مع بعض وصراخ والثلاجه اذا جو فاضيه ، بسبب الوراعين ، المهم ابوهم الكبير الشايب جمعهم وقال كل وحده احدد لها يوم تجي زيارتنا موكلكم تزورونا بالخميس وحدد لهم الوقت الساعه 10 مساء الكل مغادر لبيته والي ماينفذ كلامي قسماً بالله العصايه الي بإيدي لكسرها على ظهوركم نعنبوكم شايب عمري بالتسعين زوجتكم ابي منفعتكم وماهي حاصله الا المضره والازعاج بعدها اصبح البيت هدوء ونظام وموكلهم يجون بيوم واحد ...
لكم الحق تنزعجون لان الصغار الله يصلحهم طاقات وحيويه ومايقعدون من مكان لمكان وهذا جزء من نموهم هم ماينلامون يحتاجون بديل اما استراحه يطلعون فيها او ملعب او صالة ترفيه اما اذا قعدوا بالبيت ابشروا بالازعاج وخاصه وقت الاجازه والصيف... |
رد: بيتنا صالة العاب
تعالي يختي تعالي بالاحضان ماحدش حيفهمك غيري jytt
والله قبل يومين نمت وحسيت اني اول مره انام بشكل كافي ورحت سالتهم ايش صار اول مره اشبع نوم ؟؟حسبت وضع مو طبيعي في شي غلط؟؟ طلعو حد راح نزهه وحد راح سوق افتقدنا الخصوصيه حتى كوب شاي ما تقدري تحطيه اي مكان لا امسكيه في ايدش حتى تخلصيه ولا بتحصليهم صبغو لك البيت بالشاي مو متعودين يكونو معانا اطفال والحين فجاءه صار معانا عيال خوات تطردي اختك من نزهه ولا تتحمليها وتاخذيها معم وتقضي يومك كله تربي وتبدلي وتاكلي ومطاليب وتتنازلي عشان الاطفال لايمرضو والله صارت بعض تفاصيل الحياه مملة منهن jyf اففف كدرتي لي مزاجي انا كان نسيت مشوار امس الملي بالازعاج لا وياريت بعد الازعاج والروتين اللي قضيناه سمحو لنا ننام مثل الخلق والله صرت اشحتهم مكان عشان ننام بس وماشي يفقد عصابي وخلا كل اطفال العائله وحده يدخلو غرف وشخبطو ع كتب وشطرو دفاتر !!! لا والامهات ولا عبالهن يجابين لي اوراق ممزقه هاذا لك؟؟ لا سلامات مو لي لجيران كله كوم واسلوبهن معهم وقت الاكل ينرفزز عادي يفسد الاكل اهم هز ياكل ويمد ايده ع اللي يريده وهم يسو اللعاب الناريه وانتي بعدين نظفي معهم ب ختصر للك السالفه حريم اليوم مو حق تربيه وعيال ف مفروض يطبق عليهن قانون الصين انه كل وحده تجيب طفل ولا اثنين nhg اما الي مسويه نفسها الولود الودود وترمي عيالها عند الناس تتقصر ghgjgf |
رد: بيتنا صالة العاب
مسويات فيها الولود الودود واخر شي يرمينهم عندنا jh
سبحان الله حتى الاباء ما تحملو عيالهم زمان والدي كان غير عن ازواج خواتي انسان عنده طوله بال ويتحمل اطفال بشكل كبير رغم انه ع مشاريف الستين الا انه عنده سعه صدر ويتحملهم الاحفاد كلهم بنات الا واحد ولد واذا اجتمعو كلهم يدخلو عنده في مجلس وياخذن الريموت ويشغلين قنواتهن ويجلسن عنده اللي تمسكه من شعر واللي تصرخ عليه واللي تشغل اناشيد اخر صوت واللي يلعب بالاضواء تقولي دي جي واذا رحت افزع له يقول لي خليهن مو اول اشوف اطفال نحن قد ربينا كثير ^^ لما شفته كذا متكيف رحت وخليهم اسمعه يقول لهن عادي العبو وصرخن باعلى صوتكن عادي وهن يعني ماصدقين .. مشكله اذا فكرتي تحلي المشكله بطريقتك الوالدين يقفو في وجهك وهما اللي معطين تصريح لعيالهم يسببو فوضى اذا قلتي ارتحنا كم ساعه ولا يوم واحد يتصلو عليهم ليش ماجيتو؟؟؟؟jyf |
رد: بيتنا صالة العاب
عيال الولد اللي ساكنين في بيت ابوهم
لهم حصانة عند الام😅 الله يعين خوات المتزوجين و المتزوجات معذورات والله الحل يا أقحوان. انك تحطي قوانين وتكوني الرئيسة عليهم بما ان امك حفظها الله مداريتهم و تاركتهم يأخذون راحتهم. وأمهم. مطنشة مالك الا تحطي قوانين و عقوبات انا ما اعرف كيف لعبهم او هل هم صبيان ام بنات. بس حددي لهم مكان معين يجلسون فيه عقاب للي يرمي شي على الارض. ينظف المكان كامل او اي عقاب يتناسب معك وفيه فائدة للمنزل و الهدوء. |
رد: بيتنا صالة العاب
اقتباس:
انا راضية لو على الخميس بس لكن تخيل كل يوم كذا البيت كله عوازل وكبير ودورين ومع ذالك تسمع الصراخ والضحك والبكا منتشرين بكل مكان انا خاطري ارفع لكم مقطع صوت تنحاشون كلكم من المنتدى 😂 واذا صحيت هزئتهم وبعد التهديد والوعيد تسكت الحناجر ويبدى الركض تقل سباق هجن يارب يا كريم تتغير افكار امي وتسوي فيهم مثل ما سوا هالشايب بعياله |
رد: بيتنا صالة العاب
اقتباس:
خميني يختي خميني قلبي متكسر مية حته ولا هو بلاقي اللي يلمه 💔 من جد هو النوم لو يتركونا ننام مثل الناس كل شي يهون امس نمت 11 ونص وصحيت 3 ولعلمك بعدهم موجودين 😟 هو يا ادفنهم يا اشوف لي حل و يصير نومي ثقيل كل ما اقول بيملون يزيد الوضع سوء اجلس باكل يجي ثنين ثلاثه يناشبوني طب حرام عليكم هي وجبه وحده اللي اكلها في اليوم وبعد ما تتركوني اطفحها بهدوء خلاص كل ما عاد ابي اكل قهوة شاي كابتشينو لو كلوريكس شاربين معكم شاربين حتى لو الطعم موب عاجبهم بس كذا تعبت وانا اكتب وما خفي كان اعظم وشي طبيعي بتكون ودود ولود فقاسة دام بتجيب وترمي على غيرها مالت الا مالت اصبري علي لين احكم العالم وسأسعى لإنقراض هاذي الشرذمة 😤 |
رد: بيتنا صالة العاب
اقتباس:
بالضبط 💔 بعد هالرد مات الكلام |
رد: بيتنا صالة العاب
اقتباس:
لا لا امي كل عيالها لهم حصانة وعيالهم وعيال عيال عيالهم متحيزه بشكل مستفز خذيلك بيت وخذيهم معك وحبيهم على كيفك لكن تحبينهم تبثرين جد جدي فيهم ليش يا مسز شفتي هذا كله وهم يموتون خوف مني فتخيلي مافيه احد يخافون منه السيطرة بشكل كامل مستحيلة ثانيتين اغيبها يحيبون العيد وبعدني صابرة مابي اجلدهم كل عقاب يخطر ببالك استخدمته وكل مره يطلعون بشي جديد ما ادري من وين جابوه تعبت مابي اكون رئيسة ابي اخلص منهم قبل لا ارتكب جريمة لاني صرت اشوفهم شياطين بقرون 😰 |
رد: بيتنا صالة العاب
لازم يخافون من احد مو معقولة
احنا نروح بيت اهلي ونلتقي ب ـ13حفيد الهم ببارك لكن يموتون من ابي واخواني لما ترتفع اصواتهم او عملو فوضى واحد من الشباب يتوعد بس خلاص لكن رغم ذلك متعبين الموجودين البارحة كانو 8 لو شفتيهم نزلهم ابي للبحر لما طلعو الرمل في كل مكان يتضاربون من يستحم الاول امي من الصبح وهي تطبخ ما كفتهم ولما ما احب ارسلهم رحمة بهم يغضب ابي ويقول ايش دخلك من اشتكالك هم كذا الاجداد على قلوبهم مثل العسل تحسينهم يتحملون اولادنا اكثر منا لكن بما انك مو جدتهم مش مطلوب منك ان تتحمليهم لذلك لو منك اكلمها مباشرة منك لها انكم محتاجين راحة ولا ترسلهم في كل الاوقات باسلوب جميل ومن غير ما تسمع امك |
رد: بيتنا صالة العاب
😂 قتلتيني وانتي تقولين سباق هجن
طبعا اهنيج يا اقحوان ويا اسعد فتاة على طولت بالكم 😂 يبيلكم درع بعنوان ( زرع المجانين يحفظه رب العالمين ) هم فعلاً بعض الامهات چذي يفكرون تولد من هني وتقطهم من هني .. وعبالها عيالها الظراف اللطاف جدا المؤدبين جداً .. اللي وين ما تخليهم ما يتحركون عبالها تُحف .. عندي صديقة واختها صديقتي عندها ولد واختها بنت تخيلي وقت الوجبة شنو يسوون .. يخلون لعيالهم في صحون كل واحد بصحن ويخلونهم ياكلون بروحهم ويمسحون العيش والروب والذي منو في السيراميك وعلى الطوف وهم يصورونهم سناب ويضحكون انه انقهر وانه ما لي خص! أو يجون بيت ابوي كل اسبوع ، يتركون عيالهم يعيثون في الارض فساد هم من الاهل فيعتبرون الامر ميانة يدخلون المطبخ .. يكسرون البيض و يصيون الماي وسط المطبخ وياكلون فوق سرير اختي وامهاتهم يضحكون ويصورون سناب.. 😂😂😂 طبعاً ما املك طولة بالكم من يطلعون اليهال بره الغرفة عطيتهم نداء مُزلزل تعالووووووو اهنيه .. وعلى قولتج يبدأ سباق الهجن .. هم تقريبا 5 بنات بعيالهم بس وحدة منهم ما تخلي بنتها تقوم من مكانها ما تحب هالحركات ومن اشوفهم بياكلون فوق سرير اختي عطيتهم النظرة اللي يقولون ( اصلا ما نبي ناكل فوق السرير ) ولما صرت اشوفهم ياكلون ويمسحون يدهم بالطوف .. قعدتهم جنبي قلت لهم شفتوا اياديكم الصغيرة الوسخة قالوا ايييي قلت لهم حاليا فيها جراثيم واااايد اذا ما انغسلت بالماي الجراثيم بتاكل اياديكم وبتظلون بدون ايادي 😂😂😂😂 وصار البكاء الجماعي والغسيل الجماعي وصاروا تقريبا تقريبا ماشيين عالعجين اقول حبيبتي استفردي فيهم يوم واحد بدون وجود الوالدة واعطيهم قوانين صارمة اللي يتجاوزها بيحصل شغله أو كلمي الودود الولود بهدوء عل وعسى تتفهم |
رد: بيتنا صالة العاب
تعالي يا اقحوانتي ولا تزعلين ولا تكدرين ، عندي لش الحل :30:روحي وجيبي اكبر شنطه عندش وحطي فيها
كتبش واغراضش ومستلزماتش ودقي الباب عالولود الودود وقولي لها بأبتسامه عريضه :D انا بنتقل عندكم شهرين ثلاث الله اعلم يمكن القعده عندكم تعجبني واطول شويتين ، بما ان بيتكم اهدى ما شاء واريح ومحد يعكر عليكم راح انقل اقامتي عندكم اهم شي روقي المنقى وسوي الي يريحش ghjj |
رد: بيتنا صالة العاب
ضغطي ارتفع الله يمدك بالصبر
كلمي اخوك بصريح العبارة عيالك اتعبونا مانقدر نرتاح فالبيت او شيلي مفتاح البيت واذا دقوا قولي المفتاح ضايع اطلعوا فووق |
رد: بيتنا صالة العاب
اقحوان ليه اخوكم ماينتقل بيت لوحده
|
رد: بيتنا صالة العاب
يا حبيبتي يا اقحوان اتمنيت كون طفلة 🙆لاوقف ورا بابك 🚪🚪
طيب اذا نحن من ورا الشاشة وحبيناكي وبعدك بتسألي ليش ولاد اخوك بيضلهن عندكن 😊😊😊 يا حبيبتي شوفي شو السحر اللي فيكي اللي جاذبهن ولو ما حبهم الك ما كنت شفتيهن ghjj شفتي كيف كلامي بلسم عالجرح وهلئ بيخليكي ترجعي تعيدي حساباتك وممكن بلحظة تخليهن جالسين بأحضانك 👩❤👩 عم امزح عم امزح عنجد ربي يحميهن بس ما بقدر اتحمل بهنيكي انو بعدك بعقلك وعم تحكينا كلام مفهوم ghtب هلئ مستعجلة كرمال رايحة مشوار بس ارجع بحكيلك عن فصول ابن اختي الوسطانية لدرجة اختي الصغيرة قالت التوبة عالزواج عقدتوني من الاولاد قبل ما اتزوج gfggfg |
رد: بيتنا صالة العاب
اللي ترمي عياليها على الناس
بدون ماتفكر في ظروف الناس او الوقت مش مناسب لوجود اطفالها او انه وقت راحتهم واطفالها ممكن يزعجوهم، هذي وحدة ماتستحي وعندنا مثلها نموذج والحل معها تعطيها في وجهها وتكوني صريحة ولا تستحي . احنا مرة زوجة اخوي رسلت اطفالها عندنا البيت في نفس اليوم اللي كان عندنا عزيمة في الاستراحة، مدري نشوف تجهيزات العزيمة ولا نشوف اطفالها؟! |
رد: بيتنا صالة العاب
اقتباس:
وسام واحد يا زين استحق كل اوسمة الدنيا هم عارفين يا حبيبتي ان عيالهم يجيبون الامراض النفسية والعضوية واخر همهم هالشي بما انهم ماهم متضررين نقدر مسألة ان البعض يحبهم حب استثنائي ويشوف كل شي يسوونه مثل العسل وللأسف غيرهم ما يشوفه بهالشكل اوكي ببيوتكم كيفكم لو يغطس وجهه بالصحن لكن شوية احترام للناس موب كذا الحمد الله ما يسوون كذا ولا كان وجب القتل تعزيراً بس عندنا نظام جديد بيتكم ازين من بيتنا يالله نخرب 😂💔 اعصب من الازعاج لكن بنفس الوقت احزن عليهم وربي ما يدرون عنهم اذا هم عندنا ولا لا ولا حتى رسالة واتس يسألون عنهم مهما تأخروا يفتحون لهم الباب ويدرون ان الباب الرئيسي ينفتح اكثر من مره عشان تدخل السيارات وعااادي طيب يا قليلين الادب على الاقل تاكدو انهم دخلو البيت والله يازين حتى لو عمره سنتين ما يفرق معهم وكم مره كان بيصير حوادث اليمه بسبب الاهمال برود برود موب طبيعي تنحرق اعصابي وهم عادي 🙄 على طاري النداء المزلزل يا شيخه اعطيهم زئير الأسد من كثر ما زأرت تقطعت حبالي الصوتية وكل يوم استفرد فيهم واعاقبهم بس مابهم طب ي عمري اللي عندك كيوت مصدقين الجراثيم بتاكل ايديهم والله لو اقولها للهيلق اللي عندي يقولون وش تبي ذي شياطين ما يمشي عليهم شي ونقطة الودود الولود تكلمو معها خواتي بهدوء وتكلمت معها بغير هدوء لكن مثل ما قلت قبل تسوي نفسها مجنونه ما تفهم |
رد: بيتنا صالة العاب
اقتباس:
ما شاء الله الله يخليهم لكم ويصلحهم ويهديهم ايه سبحان الله عادي عندهم ومحد يتورط الا العمات والخالات لا ابوها لا ابو ابوها من ساعة صرت فيها عمه وكما اشرت سابقاً تكلمنا وتاخذ وضعية من انتو مين انا انا وين ظلام ما اسمع واذا سمعت تقول لامي وامي مستعدة تبيعني عشانهم هم ومشاعرهم 😒 |
رد: بيتنا صالة العاب
اقتباس:
كوكي هههههههههههه فكرة سديدة بس مالي خلق مقابلتها لكن شكلي بنقل غرفة نومي ببيتهم انام وارجع كل ما اتخيل الهدوء اللي عندهم استشيط غضباً 😂 |
رد: بيتنا صالة العاب
اقتباس:
لو علي كان من زمان كلمته لكن 💔 وحتى فكرة ضياع المفتاح ما جابت نتيجة اخرتها اصير كذابة على لا شي يا وردة ما تركت شي ما جربته اكتب عشان اخفف الضغط |
رد: بيتنا صالة العاب
اقتباس:
ببيت مستقل يا مبتعثة بيتهم هنا وبيتنا هنا يفصل جدار الجدار الزفت هذا فيه باب ما ينقفل |
رد: بيتنا صالة العاب
اقتباس:
خلاص روقت لو هم عسل مثلك يا ميمو كان انا رحت جبتهم يعيشون عندي لكن الواقع مر 😂 تراي كاتبة الموضوع مخصوص عشان اختبر قدرتي على التواصل مع الناس حسيت اني ماشية في طريق الضياع قلت اجي اتحلطم عندكم شوي وبالمرة اودعكم قبل يطير عقلي انتظرك حبيبي 🙃 |
رد: بيتنا صالة العاب
اقتباس:
ما تستحي وبس 🤦🏼♀ قلت من قبل ان النسخه اللي عندنا محدثة حتى الصراحة ما تنفع تبيني اسحب بشوشتها بيوم من الايام |
رد: بيتنا صالة العاب
انا جيب 🤗🤗🤗
يا حياتي يا اقحوان والله بتنحبي عالطاير ربي يسعدك دنيا وآخرة dgt ويبعتلك عريس عايش بجزيرة ممنوع اي مخلوق من نوع البشر يزورها لتضلك مروقة ryy المهم بحكي عن حالي اول شي كنت كل صيفية انزل عند اهلي وكان عندي أول ولد وأول حفيد لأهلي بتعرفي ئديش بينجلؤوا فيه بس كنت حط حدود ومع تاني ولد ياما يحكوا اهلي وقت نسهر خليهن يسهروا معنا قلهن وقت النوم نوم وبدنا نرتاح فصاروا يتسلوا بالاولاد وينادولهن ويقولولهن تعوا يجوا يوقفوا عالباب وانا كون بالمطبخ فحدا من اهلي يقلهن رح نقول للماما بلمح البصر يطيروا على غرفتهن للنوم ويقولولي حرام عليكي قلهن ما تفتحوا مجال كتير وميامين كان عمرها بالاشهر ولعمر السنة ونص كنت اتركها عند اهلي وروح اضهر بس شارط اختي الصغيرة ممنوع تنشال من تختها وممنوع حدا يحملها بس اذا اتأخرت اكثر من تلات ساعات تغيرلها وترجع تحطها بتختها وبالفعل كانت تمنع اي حدا يجي يحملها بغيابي ما كنت حب ولادي يتعودوا يزعجوا غيرهن ولا يخربوا بيت اي شخص المهم بنرجع لابن اختي سبحان الله ولد بعشر اولاد الله يحميه كل ما اختي تزور اهلي كل شي بالبيت بدو يمشي لدرجة يدخل التواليت ويفتح ماي الدوش وبس نفتح الباب عليه يخلي الدوش موجه عالباب يعني يحممنا ويخلي التواليت بسبح بالماي ghtبghtب ومرة كنت مسافرة وعم احكي اختي الصغيرة بعتتلي صور بلحظتها كنبايات غرفة القعدة كل شي بمطرح وطاولة التلفزيون بالنص بيخلي البيت يمشي مرات اختي الصغيرة تصير تبكي ويا حرام اختي الوسطانية ما بتقصر بتضل تركض ورا اولادها فصارت ما تنام عند اهلي لاجل ابنها بس هلئ صار بعمر ال٧ سنين والحمدلله حط عقله براسه فأختي الصغيرة تقلي اتعقدت من الاولاد كبرتوني قبل عمري وصرت حس اني ام قبل اواني انا صار عندي تلات اولاد واختي تلات اولاد واخي ولدين مرات بالفعل قلبي بيوجعني على اختي الصغيرة وخاصة بس نكون كلنا مجتمعين مين بدك تسكتي ومين بدك ترضي انا من النوع اللي دايما بنبه اولادي اذا راحوا مع زوجي زيارة لاهله انو يقعدوا عاقلين واي ملاحظة بتجي عليهن رح ينحرموا لاني بالفعل ما بحب الأم تطنش على ازعاج اولادها للغير ممكن الواحد يفرح فيهن ساعة وساعتين وبعدين اكيد رح يضوج ويصير عنده صداع يعني اذا الله كتبلي عمر انا بقول لاولادي بس تتزوجوا انا بزوركن خفيفة نظيفة لوحدي ffhhf بلا ما افتح عندي حضانة 👩👩👧👧👩👩👦👦👩👩👧👦👩👩👧 وبالفعل وقت كنا ساكنين فوق بيت جدي ما كانت ماما تخلينا نقضي وقت كتير عند بيت جدي مع انهم يصروا عليها بس كان في نظام حتى بس تزور حدا كنا نجلس جنبها وما نتحرك وهلئ صرت افهم ليش هيك كانت تتصرف لدرجة ستي بكيت كتير بس نقلنا على بيتنا بمكان تاني وقالت ما حسيت فيكن انتوا وصغار كنا كتير مهذبين وما نزعج حدا لازم ابعتلك ماما تجلس عندكن اسبوع بتخليهن يمشوا وراسهن بالارض ههههههههه |
رد: بيتنا صالة العاب
مرحباً أختي
إستغربت منك هذه الكلمة ( بلاطة حشيش ) ليس من الجميل أن تتكلم الفتيات بهذه الجمل بارك الله فيك |
رد: بيتنا صالة العاب
اقتباس:
شايفة ابنو لأختك عنا منو كتير شو بدي احكي تأحكي خدامتين وصار طالعلون قرون من كتر ما عم يلمو وراهن يخرب بيت امون وبيون اللي ما منن فايدة على هيك خلفه وهيك تربايه يا جمال لهجتكم 😢 المهم انك ام بطله ابي اجلسك مع حريم اخواني تعلمينهم الذرابه ووشلون يربون او على الأقل كفاية لا يخلفون لانهم موب كفو عيال |
رد: بيتنا صالة العاب
اقتباس:
هاللحين كل هالكلام ما شفت منه الا بلاطة الحشيش ياخي احترم الحرب الطاحنة اللي انا فيها وما تعصبنيش اكتر مما انا متعصبة ، وخد بالك اني بهزر شكراً ع التنبيه |
رد: بيتنا صالة العاب
اقتباس:
احسبهم معاكم بالبيت هذا وهم ببيت كامل اجل مالهم عذر تذكرت خالتو عيالها كلهم جنبها وتوهم الوضع جديد عليهم معقوله بزارينهم بيجونها من كل حدب وصوب كان الله بعونها |
رد: بيتنا صالة العاب
اقتباس:
لو لهم عذر ما قلت هذا كله وجدار برلين مستحيل ينبني بدون موافقة امي ولا لو علي رفعته للسما شايفه خالتك لو ما حطت حدود من البداية بتاكلها واحد صفر يبي لها جلسه توعويه باللي ممكن يصير عشان لا تسول لها نفسها تعطيهم وجه |
| الساعة الآن 04:52 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©