|
مين الصح انا ولا زوجي ؟
يسعد اوقاتكم ..
اليوم جايتكم بموضوع جديد .. هو مو مشكله بيننا لكنه مجرد اختلاف .. بداية زواجي كنت لما بروح مكان معه و يكون احد من صغار معنا اطرده و اطول لساني و اقول ماني راكبه انزل روح ورى و والخ .. لحد ما زوجي تعلم وصار من يشوفني اجي يطرد الصغير ورى .. و لما انا اكون قدام يقول اختي جايه روحي ورى و انزل واروح لانها اكبر مني .. المهم هالفتره اخوانه يدرسون معهد معه و اضطر اركب معهم عشان موعد مستشفى او عشان اهلي .. ولما اجي وافتح الباب القدام واشوف احد استحي اقول انزل روح ورى لان يكون عمره فوق 12 .. ومره اخته 18 فتحت شفتها وتبي تنزل قلت لا خليك .. المهم كلمته بهالموضوع و ان مايصلح اخوك صغير قدام وانا وش كبري ورى قال لان انتي ننزلك ونتعدا بعدين عادي لاتركزين و من هالكلام .. قلت اوك بكبر عقلي و اتغاضى عشان زوجي بس ذيك المره شافتنا بنت اختي < صف اولى ولما شافتني نزلت قالت خااااله ليش انتي ورى و هالبزر قدام .. نرفزتني و اليوم بما انه خميس و اليوم المنتظر عندي ههههههههه قلت له ودني قبل تروحون للدوام لان مابي اركب ورى اخوانك مايحترموني و والخ قال لاحوول رجعنا ع نفس الموضوع ؟ انتي اهلك خطوتين و احنا طريقنا ساعه و مدري ايش و ترى عادي و بعدين اخوي مايعتبر صغير و و والخ وبعدها قال اجل مافي روحه لهلك انتظري لما ارجع الساعه 10 .. تعوذت من الشيطان وقلت له خلص بكبر عقلي واسكت عشانك قال مو عشاني عشان تروحين لاهلك بدري قلت لا والله عشانك بعد .. انا لان مابي اسوي مشاكل من مواضيع تافهه كذا وبنفس الوقت فيه ناس يقولوا لي هالموضوع مهم و مو تافه و انتي كيف ترضين .. مع العلم ان انا ماتفرق معي كثير بس احس ب استنقاص و احس اهانه لي هالموقف حتى لو انا بشوفه عادي بس من وجهة نظر غيري صرت احس ب اهانه انتوا وش رايكم ؟ |
رد: مين الصح انا ولا زوجي ؟
مرحباً أختي
أنا مابناقش موضوعك الآن .. لكن بجيك من النهاية من هم هؤلاء الناس إللي أثروا عليك وأشعروك بالنقص والإهانة . وحده منهم عرفناهم الطفلة إللي بالصف أولى إبتدائي وعمرها بحدود 7 سنوات من غيرها ..؟؟ |
رد: مين الصح انا ولا زوجي ؟
,, مُؤلمٌ جِداً ,, ذلك العيشُ في أبصارِ الآخرين و آذانهم ,, ,, |
رد: مين الصح انا ولا زوجي ؟
اسمحيلي يا صاحبة المشكلة ...وانا اقرا اقول في نفسي خلصت المشاكل ومابقى الا منو يركب على النقعد الامامي...ههههه
كبري مخك لا الامامي ولا الخلفي اللي بيغيرون مكانتك عند زوجك.. بالعكس الحين بيقول زوجتي عقلها صغير... الاطفال لازم يركبون ورا عشان سلامتهم... غير كذا اللي يجي اول يركب اول |
رد: مين الصح انا ولا زوجي ؟
هو ترا الموقف يقهر شوي بس يفشل انك تسببين مشكله عشان كذا
هي فتره وتعدي ، وزوجك قلبه صافي ونظيف خلي بالك مرتاح وانبسطي الله يهنيكم واي زوجه بتنقهر مثلك واي زوجه ذكيه اكيييد ماراح تتكلم وراح تسلك .. |
رد: مين الصح انا ولا زوجي ؟
اي هو مره قال كذا قال اللي يجي اول يركب اول << وانا استحي عشان كذا حتى لما افتح الباب و اشوف احد جالس حتى لو عمره 9 اقول خلك ..
استحي انزل احد عشان اركب وانا عارفه الموضوع مووو مستاهل و ادري اللي يجلس قدام ماراح يوصل اول هههههه وانا قليييل بل نادر اروح ومعه احد ومالي خلق مشاكل لان الحمدلله والله حياتي هاديه معه ماعدا موضوع الزياره وحتى لو تشوفون التواريخ لمشاكلي بين شهور وشهور .. يعني الحمدلله و احاول اتغاضى بس هالموضوع حيرني .. يعني اول مره تنازلت عن مكاني كان معه اصغر اخوانه صف ثاني و هالولد يحب يسوي نفسه كبير وانا كنت بروح لهلي < ثواني الطريق > وهم بيروحون للسوق .. لما شفته قدام قلت خلك خلك ورحت ورى و زوجي ضحححك وفرح وقال لاخوه احححلىىى يارجال و من هالكلام .. والمره الثانيه كانت اخته وكمان فتحت بالغلط لان مايبين اذا فيه احد معه وهو مايقول معي احد ولما شفت اخته قلت خليك ورحت ورى وكذا يعني كان عادي عندي بس خواتي قالوا مايصلح وانتي غلطانه و خاصه اختي ام البنت اللي شافتني لما عرفت قالت انا حتى خواته الكبار يركبون ورى وانتي ترضين ببزران ؟؟ زوجك ماله كلمه ماله شخصيه و من هالكلام .. منها صرت افكر اكثر و صار هالموضوع ببالي واقول كيييف سمحت لنفسي كذا .. وتناقشت مع زوجي كذا مره وكل مره يقول اللي يجي اول ومرات يقول لان انتي ننزلك اول و الخ |
رد: مين الصح انا ولا زوجي ؟
هذا ثاني موضوع أقراه لك وماألقى مشكلة !
تعوذي من إبليس وإستمتعي بحياتك |
رد: مين الصح انا ولا زوجي ؟
احاول اسوي مشكله ههههههههه
امزح .. اعوذبالله من ابليس |
رد: مين الصح انا ولا زوجي ؟
انتوا وش رايكم ؟ مين الصح أنت أو زوجك؟ رأيي: اثنينكم صحّ زوجك صحّ لما يقول لك: لان انتي ننزلك ونتعدا بعدين عادي لاتركزين و من هالكلام وأنت صحّ لما قلتِ: اوك بكبر عقلي و اتغاضى والباقي كلّه كلام فارغ وتعقيد أمور بسيطة |
رد: مين الصح انا ولا زوجي ؟
الكبير قدام والصغير ورا .. هذه الاصول
وإذا مشوارك قريب, عادي اركبي قدام ولوصلتي مشوارك يجي الصغير قدام وإذا بتعديها ولا تدققي هذا من كرم خلقك . |
رد: مين الصح انا ولا زوجي ؟
اي انا ابي كذا لانزلت يجي قدام و صار هالشي مرتين << لان انا ركبت اول ..
بس والله قبل اول زواجي كان ينزلهم لان ماكنت ارضى و نتعاند انا و اخوه .. انا بس ابي احترام .. مافيها شي لو ركبت ولانزلت جا هذاك .. هذا المفروض لكن اذا هالشي جايز لزوجي وش اسوي انا كيف اقنعه وهذا تفكيره ؟ والاكيد انه يستحي منهم او يخاف من اهله مدري |
رد: مين الصح انا ولا زوجي ؟
الموضوع بسيط جداً
خلاص يوم يكون مشواركم قريب مثلا انتي رايحه لبيت ابوج وهو قريب مايضر تقعدين ورى اما اذا مشوار بعيد انتي اولى تقعدين جدام عند زوجج ماعدا في الحالات التاليه لازم تقعدين ورى : الريال يقعد جدام دايماً ولو عمره 12 يعني كبير نوعا ماً بعضهم يفضلون يخلونه جدام ومايستاهل الموضوع تسوون مشكله عشانه وبالحاله الثانيه اذا امج ولا امج ريلج او وحده كبيره بالسن مثلا جدته هي اولى تقعد جدام اما خواته او غيره لا طبعاً انتي اولى لكن بالاخير اختي صدقيني الموضوع ابدا مايستاهل النقاش والزعل ومحد غلطان ومحد صح الموضوع كله يصير على حسب الحاجه والحاله مثل ماشرحت فوق مثل ماقالوا الاعضاء لاتدورين على اي مشكله مع زوجج واستمتعي بحياتج |
رد: مين الصح انا ولا زوجي ؟
احد اخواتي ^^ اذا حملت اتشائم جدا
لدرجه اخر حمل لها لما جاني خبرها شعرت بدوار ومسكت ع راسي من الصدمه والضيق والله لدرجه جلست اهدي نفسي واقول حمل بالحلال مو حرام عشان اتضايق واتشائم !! والسبب انها اذا حملت تعيشنا في جحيم خلال 9 شهور نكدددددد بكل ماتحمله كلمه من معنى ×_× مرات نصبر .. ومرات نرد عليها ونقلبها مصارعه ومرات يجيني برود ^^ مايقهرني الا حاجه صريخ وصياح عشان الريحه !! ..يعني الله يعين الرجال ع حريمهم اللي حملهن كذا يجيب الهم والنكد ومشاكل شبه يوميا ف ياعزيزتي راقبي نفسيتك واعطي الامور حجمها اياك تتهاوني وتتصرفي بسذاجه وتكوني نكديه بنظره ماقلتي مجتمعهم معدد ^^ انتبهي قبل لا يفوت الفوت ولا ينسمع الصوت هههه |
رد: مين الصح انا ولا زوجي ؟
من جد لما يقولك هم يضحك و هم يبكي
هذي مشكلة كبيرة عند الحريم و ممكن تطير فيها رقاب و تتحارب بسببها قبايل فمو اي احد يفهم حجم المعاناة مرة كنت في جمعة حريم و يتناقشون في هالمشكلة و ابشركم لقوا لها حلول جبارة و فتاكة وحدة تقول ليش ما يصنعون سيارات اربعة الى خمسة راكب قدام و تكون بالعرض هنيتهم بصراحة على جهودهم في خدمة المجتمع و مساهمتهم في ازالة كل مسببات التشتت الاسري مررت من هنا و ضحكت .. اضحك الله سنك يا روح هادئة و جعلها اكبر همومك |
رد: مين الصح انا ولا زوجي ؟
هذا الأمر يدخل ضمن العرف السائد .. والعرف أن الكبير في المقعد الأمامي والصغير في الخلف. فكيف إن كان هذا الصغير طفلاً أو على أعتاب المراهقة؟!!! طيب سؤال.. لو كان زوجكِ سيركب مع اثنين من إخوته مثلاً .. والكبير سينزل قبل الصغير .. فكيف يكون توزيع الأماكن؟ هل يطبق عليهما نفس وجهة النظر التي يطبقها عليكِ؟ .. وهل يطبقها على نفسه هو بذاته عندما يكون في نفس الموقف؟! |
رد: مين الصح انا ولا زوجي ؟
اقتباس:
اقتباس:
اقتباس:
اقتباس:
|
رد: مين الصح انا ولا زوجي ؟
من زاوية في بعض المجتمعات يعتبر ركوب المرء في الأمام نوع من الاحترام والتقدير، وأن وجوده في الخلف يعتبر عدم تقدير واحترام، وربما هذه النقطة التي تقصدها الأخت، ولعلها نشأت على ذلك المفهوم، فطبيعي أن يؤثر ذلك بها.
|
رد: مين الصح انا ولا زوجي ؟
اقتباس:
|
رد: مين الصح انا ولا زوجي ؟
اشكرك ع فهمك ل ردي ..واتمنى لك التوفيق dg
|
رد: مين الصح انا ولا زوجي ؟
صراحه ماعندكم مشكله الحمدلله ليش تهتمين شنو بتكول الناس؟؟ مافيها اهانة ولا انتقاص عادي اسمعي كلام زوجك ونفدي الي يحبه وكبري عقلك |
رد: مين الصح انا ولا زوجي ؟
كبري عقلك ولا زوجك بيعاملك معاملة طفلة ولن تعجبك هالمعاملة ابدا
|
رد: مين الصح انا ولا زوجي ؟
ذكرتيني بمواقف صارت لي في زواجي الأول
كانت أخته - أكبر مني - لما تجي معانا تقعد في المقعد الأمامي كنت اسكت وما اقول شيء.. كنا كل اثنين نروح السعودية ، حق تسوق انه واخواته و زوجة اخوه.. هم كانت اخته تقعد جدام.. ما كنت احب الحركة لأني زوجته ، وهذا مكان الزوجة بطبيعة الحال بس مره مرت اخوه قالت حق اخته ، إن خلي زوجته تقعد جنبه بردت خاطططري 😆 ومع ذلك لا حياة لمن تنادي بعدين صرت مني و من نفسي افتح الباب الامامي حتى اذا هي موجودة واقول لها اسمحي لي بقعد جنبه وبس بعدين تعودت الموضوع مو موضوع مكانه أو شيء لكن المُتعارف إن هذا مكان الزوجة فقط ! من باب الاحترام إن في وجود الزوجة الكل يقعد في الخلف إلا إذا الام فهذا وضع استثنائي... روح .. عادي كلميه بهدوء اذا الموضوع مضايقج بس اذا تحسين انه باب للمشاكل سديه وانتي على طول نزل من بيتج اول وحدة وقعدي جدام |
رد: مين الصح انا ولا زوجي ؟
فعلا الموضوع مايستاهل
دخلت توقعت مشكله كبيره عاد الشكوى لله قريت وتورطت ولازم ارد هههههه حبيبتي نظره الرجل تختلف عنا يالحريم زوجك لارجعي ولا متخلف ولا شي وقال لك واقنعك لكن نحن المساء نفكرها بطريقه مختلفه اولا معاه المشوار قصير مايسوى يعني منتي ماسكه معاه خط سفر وضحك وسوالف وتاكلون فصفص سوى ثانيا 12 مو صغير في عرف مجتمعنا اذا بنتكلم بالاعراف 12 بيدخل مرحله الرجوله وصعب ينرمى ورى خاصه بعمره شايف حاله فلا تكسري بخاطر الولد خليه يرتز قدام |
رد: مين الصح انا ولا زوجي ؟
وش رايكم المره الجايه افتح الباب و اقول له انزل ارجع ورى بجلس هنا لان معروف الكبير قدام .. ابي اصغر عقلي لان والله هذا الصح يا حلو منظري عمري 25 سنه و معي بنت و حامل بطني لقدامي و اركب ورى ويجي هالبزر يترزز !!!! لا انا رضيت مره ومرتين خلاص يكفي
|
رد: مين الصح انا ولا زوجي ؟
ياليت بنتي تركب قدام وانا ورى
ورى راحه اكثر |
رد: مين الصح انا ولا زوجي ؟
مشوارك ثواني .. يعني ماله داعي توجعي راسك و راس زوجك
تاني شي ، أختك و بنتها المفترض يبطلوا اسلوب الفتنة و التخبيب و لا تسمعي لهم و انت المفترض تعلمي بنت اختك ، مو تسمعي كلامها و تتاثري ؟ مين أعقل و اكبر إنتي و لا الطفلة الي عمرها 7 سنوات ؟ اخر شي .. أنا لما أركب السيارة مع زوجي ، أخواته الكبار يجلسوا وراء .. و أنا استحي الصراحة من داخلي لكن اسكت و ما اتكلم لانهم أصلا قوايا ماشاء الله .. لو يبغوا يجلسوا قدام بيتكلموا فليه افتح على نفسي باب ، و مرة جاملت أخته الكبيرة و قلت لها تجلس قدام .. بس هي معاها اطفالها الصغار و قالت لي لا ، اجلسي انتي .. فالموضوع ما يحوج .. المهم .. افتكر لما أكون مع زوجي و بيوصلني الدوام مثلا و يروح هو دوامه ، و أمه تبغى تروح المستشفى تاخد شي من هناك و بعدين ولدها التاني يرجعها .. كنت لما نوصل باب أهل زوجي ، أنا من حالي انزل و ارجع وراء .. و حماتي تقول لي خليكي قدام تقولها لي مجاملة بس ما أرضى .. و لما هي تنزل للمستشفى .. يا ارجع مكاني أو اجلس وراء عشان ما فيا أقوم من جديد و زوجي يتريق انه سواق .. و امزح معاه إنه وراء أريح لي ^_^ فلا تدققي .. خاصة إنه مشوار ثواني و إنه ماهو موقف متكرر دايما .. قلتي بيدرسوا معاه بالمعهد يعني فترة مؤقتة .. و خاصة انك تنزلي قبلهم ،. |
| الساعة الآن 07:32 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©