|
انا تغيرت وزوجي لم يتغير
السلام عليكم اخواني واخواتي
حياتي الزوجية استقرت فتره وكالعادة هبت عاصفه جديدة لكني تغيرت الان من مواقف الحياه والخبرات السابقه ونصايحكم وتعليقاتكم تغيرت شخصيتي كثيرا اشرح لكم مشكلتي ولكم الحكم قبل اسبوعين كلمتني اخت زوجي وطلبت مني احضر مناسبه تخصها كان رافض زوجي حضوري للمناسبه فاخت زوجي قالت لي زني عليه قلت لها ابشري كلمت زوجي بالموضوع قال لا يعني لا قلت اختك طلبتني قال الله ..انتي والزن حقك شتمتي قدام اطفالي وراح وتركني رحت له بعد ساعه قلت له ما اقبل تلعني! وعيب تشتمني خصوصا قدام الاطفال قال: اوووه خلاص اسفين ضربت الباب بقوه ومشيت جاء يلحقني تقفلي الباب بقوة يا ..يا ... يا .... يا... الله ياخذك ويبليك بالسرطان الخ مارديت عليه ابدا ابدا ولا كأني اسمعه وهو ترك البيت ورجع بالليل ونام برا الغرفة استمرينا مانكلم بعض كذا يوم وهو هاجرني ينام بالمجلس لا يسلم ولا يكلم ويصرخ وانا ما ارد نهائي اخر الاسبوع سافر دوره عمل يومين راح ورجع ولا كلمني وانا برضو ماكلمته لاني ماخذه بخاطري بعد 10 ايام نومت الاطفال وجلست معه بهدوء وصفاء قلت له يهون عليك تعاملني كذا؟ جلس يقول انتي فيك وفيك وفيك قلت له انا ماغلطت قال انا ماهمتني اختي ومناسبتها لورجعتي لوراء لما كنت نايم ذاك اليوم رن جوالك وازعجني وكان يوم سبت واجازتي ودوشتيني قلت ماكنت قاصده غصبا عني وماكنت اعرف انك تضايقت اصلا قال لانك جاهله وقليله ذوق الخ قلت طيب مشكور واعذرني ماكنت اقصد ادوشك قال عموما انا اسف لو جرحتك بكلامي قلت الاسف اللي يجي الان ماله قيمه ورحت تركته ونمت وجا بالليل ينام بالسرير عطيته ظهري وعطاني ظهره الصبح طيح العطر وصحاني ارسلت له مسج انا فزيت الصبح مرعوبه من صوت العطر ماراح اغلط فيك ولا شي لكن بليز كل واحد ينام بمكان افضل دخل علي العصر من الدوام يصرخ ومعصب قلت له هدوء والسلام عليكم قال لا سلام ولا كلام الله يسد نفسك عالرساله رساله وقحه وبجيحه وانتي مستفزه الخ قلت له انا ماغلطت ولا شي زي مازعلت على نومك انا بشر واقل حق انام بهدوء مو انت تقول هذا حقنا الاساسي؟ قال انا غلطان نمت بغرفتك قلت خلاص لاتنام (وابتسمت) قال انام ببيت ثاني ومع زوجه ثانيه احسن وطلع وتركني تركته يرتاح من دوامه وبعد العشاء دخل الغرفة سألته انت ايش تبغى؟ قال والله كنت ناوي اراضيك اليوم بس رسالتك سدت نفسي قلت مشكور بس تراك زودتها لعن وسب واهانه وهجر وتهديد عيب عيب قال انتي اصلا نكديه فكيني من شرك وراح وتركني بعد شوي لبس وتشيك وتعطر تجهز يطلع لاصحابه قال توصي شي؟ قلت سلامتك وراح وتركني انا مخنوقه مره بالعه غيظي وساكته وهو كل فتره نستقر يطلع بمشكله جديده مدمره مجزره في حق العلاقه الزوجيه انا زمان كنت اثور واكلم اهلي او اخذ شنطتي واترك البيت بس ياجماعه تعبت مو حاله والله كلمت مستشار قال هدي الامور اكثر من كذا؟!! تفسير المستشار غريب انو الزوج غير المشبع جنسيا يتصيد الاخطاء طيب هذا بالله مو زوج منفر احنا بشر مو .....اعذروني ولا في تبرير لتصرفات زوجي والقاتل بالموضوع انه مو حاس بغلطته جربت اطنشه ومروا 10 ايام عالفاضي جربت اكلمه بهدوء قام قلب الطاولة بعدها ارسلت له مسج حازم وجاء يلعن ويشتم من جديد ويهدد ويتوعد بزواج وطلاق وخرابيط لسانه صاير زفر جدا كان يتهمني اني ارادد والمفروض اسكت صرت ما ارد عليه يقول اصلا سكوتك استفزاز ولعانه كل شي ممكن يعدي الا عدم الاحترام في العلاقه الزوجيه هذا شخص غير محترم نهائي ومع العشره اكتشف هالشي اكثر صحيح فيه مزايا لكن قله الاحترام عيب فظيع ما ادري ايش اعمل معه تعبنا فضايح واهلي ملوا وانا مليت |
رد: انا تغيرت وزوجي لم يتغير
انت تغيرتي شوي
و هو بعد تغير شوي زيدي التغير و لا ترسلي له رسايل زوجك ((سكوتك. يجعله يفكر و يندم)). فهو بعد ما يجي و يعتذر. لا تقولين ما ينفع الاعتذار!! الاعتذار المنأخر خير من الحقران خليك هادية و إن شاء الله تتراضون قريب |
رد: انا تغيرت وزوجي لم يتغير
اقتباس:
الا اذا شحذت منه الاعتذار يعني يهبب الدنيا بعدين يجيب لي عصير ابو 10 ريال والا يبوس راسي وخلصنا كأن الموضوع سهل وتافه مع ذلك ماعمل هالاشياء بعدين اذا بكل مشكله بيهدد بالزواج عيب وجارح جدا هالشي بس ما ابي ابين له غيظي انا مقهوره من قل الاحترام اذا انفقد الاحترام انفقدت الحياة الزوجيه وراح كل طعمها وسعادتها وراحتها حزينه ان بيتي ينهار بسبب لسانه المفلوت |
رد: انا تغيرت وزوجي لم يتغير
ماشالله وين كنتوا ووين صرتوا
تصرفاتج هذي تدل على احتوائج للموقف بس لوما كلمة اعتذارك جا متاخر جان شفتيه شلون بيتغير اكثر وأكثر كلمته لما قالج توصي شي هذي اكبر اعتذار الحين اذا جا بس خلج ثقيلة شوي واي اعتذار مباشر والا غير مباشر سامحيه المسامح كريم |
رد: انا تغيرت وزوجي لم يتغير
اقتباس:
واني بنت ناس مو مهانه ولا ذليله الخ بس بعد رد مسز داني مسحته انا منزعجه منه لامور كثيره غير السب واللعن والتجريح ليه ماعلمني انه زعل وقت ماصحيته ليه يسكت ساعات وايام وايام ويلف ويدور ويتربص وينتقم مو حياه والله اذا عشان خطأ غير مقصود مسح فيني البلاط متضايقه منه مره مره بس متماسكه عشان ماينهار هالبيت ولا يتشتتون الاطفال |
رد: انا تغيرت وزوجي لم يتغير
لم تتغيري بالكامل ..تختاجين وقت اكثر
لما اعتذر لك المفترض انك ماتزيدين الطين بله وش فيها اذا راضاك بعصير وبوسه بالعكس المفترض ماتكوني ماديه وتتطلبين الكثير سواء اعتذار مادي او اعتذار مبالغ بالكلام |
رد: انا تغيرت وزوجي لم يتغير
اقتباس:
انا بعد 10 ايام رحت كلمته بعد ماحقرني وطنشني قلت له بعتب: اهون عليك؟ انا تقول لي كيت وكيت؟ قال صح انا غلطت خلاص اسف عرفتي ريماس يعني كأني اشحذ الاعتذار وحاولت اتدلل شوي حتى احفظ ماء وجهي وبعدها رجع بخطأ اعظم وكلام اشنع من السابق لكن بحاول اهدي الامور والله يفرجها من عنده |
رد: انا تغيرت وزوجي لم يتغير
زوجي نام برا الغرفه
رجع للاستفزاز والتصعيد كأنو ما كفاه التجريح هذا كله ماني عارفه هو يبغى يوصل لايش لكني ماراح اكلمه ولا شي الكلام معه مايجيب الا الاهانه والغلط |
رد: انا تغيرت وزوجي لم يتغير
لا تكلمينه
بس لما يروح ينام انتي روحي معاه بدون ولا كلمة واذا كلمج لا تردين بس التسمي ونامي |
رد: انا تغيرت وزوجي لم يتغير
اقتباس:
لما جيت اطلع لقيته نايم بالمجلس قلت له: تراك تاخرت عن دوامك غطى راسه وكمل نوم ولا كأنه يسمعني شكله كان مواصل طول الليل هو ينام بالارض ونومه الارض تكسر الظهر هو نفسه يتألم منها لما كان ينام برا الغرفه هربا من ازعاج الاطفال هو متعب نفسه ومغيب نفسه ومنكد على نفسه ولا يبي احد يكلمه |
رد: انا تغيرت وزوجي لم يتغير
ام روان
اهنئك على تغييرك. واعتقد سويتي الي عليك. كأني لاحظت من كلامك انك مقصره نوعا ما بالجماع. حاولي تغيرين شوي بهالنقطه اذا تحسين انك مقصره. اذا مانفع، حاولي تستعطفينه |
رد: انا تغيرت وزوجي لم يتغير
اقتباس:
بطلت احرق اعصابي زي زمان جايني برود تجاه انفعالاته زوجي غاب عن عمله اليوم احسه تعبان من خلافنا طلب العلاقه وبعدها رجع طبيعي صار يتودد ويسولف هالكلام خلال ساعه انا ساكته ومحتاره مدري اعاتبه والا امشيها وخلاص |
رد: انا تغيرت وزوجي لم يتغير
تغيرتي نعم ولكن ما زال بعض الملاحظات
1. نعم الزوج الغير مشبع يصير نكدي لذا الاسلام امر المراة بعدم رفض الزوج اذا طلبها لان الرفض يسبب مشاكل مالها داعي 2. اذا كان الكلام من فضة فالسكوت من ذهب ،، في فترة التغيير هذه يحتاج زوجك وقت طووويل حتى يتعود على ام روان الجديدة ،، وانت لازم يكون تغيرك ملحوظ تماما وفي كل الظروف ،، كثير من مسجاتك وكلمات كانت فقط للتعبير عن مشاعرك او الرد بالمثل ولكن فعليا ما استفدتي شيء منه ،، قبل ما ترسلين اي كلمة وقبل ما تقولين اي شيء ،، فكري في ردة فعل زوجك ،، بيزعل ويثور والا بتاخذين اللي تبين ،، 3. مثلا لما اعتذر منك وردتي بردك معليش بيقول في نفسه هذه نهاية اللي يعتذر منها ،، هو اساسا مو متعود يعتذر وانت يحتاج تدربيه ،، فلما اعتذر كان المفروض تشكرينه وبكلمة لطيفة تقولين لو جت ابدر من كذا كانت الذ بس تظل حلوة منك 4. لما طيح العطر وارسلتي المسج ،، رسالتك معناها انا ما نسيت اخطاءك وجالسة انتقم ،، مع انه توكم طلعتوا من مشكلة ،، هو كبير وعاقل واكيد جاءفي باله هذا الشيء ،، رسالة صراحة مستفزة جداااا ولا الوم زوجك على انفعاله 5. بصراحة كلمة (كل واحد ينام بمكان افضل) وكلامك خلاص لا تنام (بغرفتي) وسوالك ايش تبغى لما دخل عليك الغرفة مرة كبير مهما كانت المشاكل ومهما فعل المفروض ما تقولين هذا الشيء ،، اذا انت تشتكي من عدم الاحترام منه فانت برضو غير محترمة معه ،، العقاب على افعاله ما تجيء بتقليل الاحترام له ،، وتوقعي زوجك راح يتذكر هذه فترة طويلة 6. كطبع في الرجال ،، كثير منهم ما يعتذرون صراحة ،، يعتذرون بالافعال بوسه وايس كريم وحلاوى ،، وكلها لطيفة وجميلة واعتذار فعلي ،، تقبلي طبعه كرجل وتقبلي اعتذاره وافرحي فيه وكافئه عليه حتى يصير عنده ارتباط لما اعتذر القى شيء جميل من زوجتي 7. سبة لك وتجريحك ،، اولا بيكون فيه فرق اذا هو كذا مع الناس كلهم او فقط معك ،، اذا هو طبع فمعناها مو لشخصك انت ،، هذا طبع فيه فمو لازم تددقيين على كل كلمة ،، ولازم تبحثين جديا عن طريقة تقليل من هذه الكلمات منه مو عشانك وعشانه فقط عشان اطفالكم ،، اشرحي له كيف انت مهتمة باطفالكم وما تبغي يتعلموا منكم هذه الاساليب في الحوارات ولازم نضغط على نفسنا ( اذكريها بصيغة الجمع مو انت ) ولازم تشرحون للاطفال بشكل عملي ،، مثلا يعتذر منك باسلوبه امامهم وانت تشرحين لهم انه هذا اعتذار لانه سوا هذا الغلط ،، المهم انه لما يشتمك خلي هدفك اصلاحه مو الرد واخذ بثأرك ،، وعموما نسبه كبيرة من الرجال كذا للاسف ولا ننكر هذا ،، فمو انت الوحيدة اللي كذا ،، |
رد: انا تغيرت وزوجي لم يتغير
مشيها حبيبتي
طلبه للعلاقة اكبر اعتذار لازم تحسين من داخل نفسج ان حاجته عندج عشان جذي مِو قادر يخليج وتبين الصج تغيرج كبير وقوي وملحوظ بس جان زين تفكرين قبل ما ترسلين اي رسالة |
رد: انا تغيرت وزوجي لم يتغير
كيف تغيرتي وانتي اول ماقالتلك اخته روحي زني على راسه قمتي نطيتي وافتعلتي مشكلة من لاشيئ ..
خلاص دام قالك لا يعني لا وانتي ادرى بزوجك.. يعني بشو فادتك المناسبه الحين.. زوجك من النوع اللي ياخذ الموقف ند بند..يعني بتكونين زينه بكون زينه معاك. بطولين لسانك بطول لساني. نصيحتي لك تحتوين زوجك ولا تخلين المحيطين فيك ياثرون عليكم. اخت زوجك بشو فادتك الحين هي ومناسبتها.. |
رد: انا تغيرت وزوجي لم يتغير
اخطأه واخطئك
أخته قالت لك زني عليه ، وانت قلت أبشري ةرغم انك أدرى بزوجك ثانيا لحقتيه وقالك خلاص اسفين يعني هو يحس بس مايبي ينبهك بهالشي عشان ماتكبر براسك على طول دفيتي الباب بقوة وهالحركة مستفزة قام ولحقك انا اشوف زوجك يتضايق من الاصوات العالية ومن كثر الزن وكثرة الكلام ما ابرر له لكن هذا اللي لمسته ، لما طيح العطر عاتبتيه كان ممكن تمري الموضوع بدون عتب وبدوةن ماتقولي الافضل ننام كل واحد بمكان ليشششششششششش يا اختي الحب من غرفة النوم ولو افترقتوا مات كل شي عذرا اشبعي زوجك من هالناحية ، ولا تعطيه مبرر ينام خارج الغرفة ، ولا تعطيه ظهرك زوجك بيتغير للأحسن واستعيني على ذلك بالله وبالصبر وكثرة الاعمال الصالحة الله يسعد قلبك ويعينك |
رد: انا تغيرت وزوجي لم يتغير
اقتباس:
ماشاء الله تبارك الله، واضح أنه فيه تقدم على صعيد الحياة الزوجية، وأنه الجميع مهتم وحريص على استقرار العائلة مسألة زني عليه، خطأ أنك قبلتيها، لأنه رفض انتهى الأمر خصوصاً أن شخصية زوجك لايوافق بعد أن يرفض غالباً، وخصوصاً أنه عنده موقف من أخته، وكان الأولى أن تقولي لها اعتذر، وهي تروح وتتصل على زوجك تقوله بطريقة ماتدري انكم منسقين مع بعض، لعلك تقنع أم روان تجي لنا، قلت لها واعتذرت، وصراحة ماتوقعت انها بتعتذر، وهناك تكوني حققتي أنك رحتي، وبنفس الوقت، وصل لزوجك أنك سمعتي كلامه وعطيتيه جوه. طلبه للعلاقة الزوجية معاك هذا يدل على أنك مثيرة له، وهذا شيء مهم جداً، وأنتي أيضاً محتاجة هذا الجانب كثير، لذلك استمتعي وانبسطي. قدرك أن تكوني زوجة لهذا الرجل، الذي فيه سلبيات، مثل أي زوج بالدنيا، ومثلك انتي ومثلي، وكل واحد فيه عيب شنيع وغير مقبول، صدقيني لايوجد أحد راضي تماماً. فيه نقطة مهمة، وهي اكتشفتها من خلال تجاربي، طريقة الطلب أو نبرة الصوت أو رد الفعل، كثير منا لايشعر بطريقة حدة ردوده، اللي بالتالي يفهمها الطرف الأخر على أنها قلة احترام أو تمرد أو تجاوز، عل ىسبيل المثال عندي أخت عمرها 21 سنة، حادة في رد فعلها وأجوبتها وتبريرها لنفسها، طبعاً ردودها منرفزة، ولكنها هي لاتشعر أنها تعاملت بحدة، إنما فقط جاوبت وصححت الصورة ودافعت عن موقفها، الكثير منا ينفعل ويزيد النار لأنه لم يفهم أن هذا طبعٌ فيها، وكنت أنا واحد من هؤلاء وربما لازال هناك بقية باقية، ولكن أحاول وأسعى أن يكون تجاوبي وانفعالي حتى لو كان فيه اتهام هادئاً ومعقولاً، واكتشفت أن هذه الطريقة تحقق مكاسب ونتائج إيجابية، حقيقة من المهم أن نكتشف ذلك وأن نعيد طريقة تجاوبنا وردود أفعالنا. |
رد: انا تغيرت وزوجي لم يتغير
اختي روان ..
أنا من فترة طويلة ماشاركت لكن في موضوعك حبيت اقولك رأيي لإني متابعة اغلب مواضيعك ونوعا ما عرفت شخصية زوجك من كلامك عنة وشخصيتك انت كذلك .. وسبق في احد مواضيعك بينت لك هو ايش يحتاج ونوعية احتياجة .. لكن الآن اقولك من اللي لاحظتة ان زوجك حساااس جداً .. ليس للمواقف فقط وانما للمقاصد ايضاً .. يعي ذكي من هالناحية ويفهم مقصدك من لغة الجسد ونبرة الصوت والاسلوب وكذا .. حتى لو كلامك منمق وسليم ومافية اي عيب .! يعني ممكن تجين تقولين له أنا مااهنتك انا ماسبيتك لكن انت قلت وقلت .. صح ممكن مااهنتية كلامياً .. لكن اهنتية برفع صوتك بحركاتك بإيماءات وجهك ووو احياناً العين تتكلم ابلغ بكثير من الكلام فهو يفهم هاللغة تماماً .. ويمكن تقولين انا ماقلت شي وش علية من اللي في قلبي .. صح لكن انتِ قلتي كثير من خلال لغة جسدك وفضحتي اللي في قلبك .. فهمتي علي ! يمكن انتي يهمك كثير العبارات ولا تلتفتين للغة الجسد ولاتعني لك شي ويمكن ماتفهمينها اطلاقاً .. ويكفيك ان اللي قدامك يقولك كلام لطيف بغض النظر عن مقصدة او رأيه فيك .. لكن هو عكسك تماماً يهمه رأيك فيه وانك ماتحتقرينة داخلياً حتى لو كلامك ينقط عسل ..! الله يوفقك ويسعدك على قد ماأنتي مهتمة بإنجاح هالعلاقة .. |
| الساعة الآن 09:03 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©