|
صغيرة مطلقة..
السلام عليكم ورحمة الله وبركاته
اعزائي ببدأ بقول انه سبب كتابتي لموضوعي هو للفضفضة بحكم اني لااحب ان اتكلم بشيء يخص مشاعري لاحد سواء الله سبحانه وتعالى ثم بالكتابه لعل كلمة جميلة او نصيحة من احدكم تخفف عني في البداية انا فتاة عمري 22 سنه ملكت من عمر 19 سنه وجلست سنه كاملة مملكة وفي هذي الفترة زوجي ماكان كثير يكلمني الا نادراً جدا عموماً مرت السنة وتزوجت وفي ليلة زواجي حصلت مشكلة تافهة وسبب المشكلة اخت زوجي حسبي الله ونعم الوكيل فيها ، تنازلت عن حقي وقلت زوجي ماله ذنب في اخته وكبري عقلك وعديها علماً بأنه اخته عمرها 35 سنه يعني كبيره لكن الله يهديها اذتني بدون سبب بعدها دخلت الى الحياة الزوجية وفي بداية زواجي بدأ زوجي بالشك فيني او بالاصح يدور علي الزلة لدرجة يرسل علي رسايل من ارقام غريبة عشان يختبرني مع انه وقتها ماكنت فاهمه بس بعدين تأكدت انه هو تركت كل حساباتي في السوشل ميديا عشان ارضيه وعشان اثبت له انه ماعندي شي اخبيه عنه واترك له جوالي بدون باسوورد مع اني غير ملزمة بفعل هذا الشي بس سويته حفاظاً على بيتي ومع ذلك برضه جنني بشكه الزايد لدرجة لما اطلع معاه لمكان نرجع متخاصمين ويتهمني اني طالعت في رجل غيره ودائماً يلاحقني بنظراته عشان بيتأكد اني مااطالع بأحد في الشارع ، شايفين لاي درجة وصل شكه وحماقتة وظلمة ومع ذلك سكت بس اخر مشكلة هي اللي خلتني اتخذ قرار الطلاق نهائياً وهي انه كان بيمنعني عن دراستي ومايبغاني اكون انسانه ناجحه ومتفوقه واكون احسن منه في شي لذلك اهلي شجعوني على الطلاق والان انا عند اهلي من 9 شهور بعد زواج دام لمدة سنتين والان لازلت اتخذ اجراءات الطلاق في المحكة ,, فيه نقاط كثير ماذكرتها ومن ضمنها انه هوا انسان طيب لو اهله يتركوه في حاله لكنه انسان ضعيف شخصية ويسمع كلام اهله في كل شي لدرجة لما رحت عند اهلي لم يتصل ولم يسأل ولم يحاول الاصلاح بتاتاً وماحسسني بأهتمامة وانا مرره مجروحة على صغر سني بس واجهت مشاكل ماكنت اتوقع اني بواجهها في حياتي والان حتى بعد اتخاذي قرار الطلاق ألسنة اهله تلاحقني ويتكلمون عني عند الناس بأسوء الكلام وبأكذب الكلام لكن مااقول غير حسبي الله ونعم الوكيل ،، سؤال لو اعطيته فرصة وسامحتة تتوقعون يتعدل ولا ماراح يتغير علماً بأنه ماطلب مني السماح بس في المحكمة طلب الصلح ، اشيروني جزاكم الله خير واعطوني ارائكم ونقطة اخيرة ماعندي اطفال منه،، |
رد: صغيرة مطلقة..
وعليكم السلام ورحمه الله وبركاته ,
( وان يريدا اصلاحا يوفق الله بينهما ) ( والصلح خير ) كل الامور الي ذكرتيها بزوجك اشوفها عادي وكل البيوت تعاني منها وقصت الغيرة قولي الحمدالله الانه ما دام فيه غيرة معنته فيه حب , بس عاد انتي حاولي انه ما يتمادى نصيحه لا تسمعين كلام اهلك الانك انتي الي ح تعانين عشتي معه سنتين تري صعب انك تنسينه لا تقولين الي 9 شهور وانا بعيده عنه وضعي عادي لا بعد الطلاق الوضع مره صعب كنه مات بس جالسه تسمعين اخبارة , و تري حرام عمرك 19 وتاخذين لقب مطلقه ولا تقولين صغيرة والعمرقدامي طيب ليش ما تكونين صغيرة والحمدالله ناجحه في حياتك الزوجيه . ادعي الله قولي يارب انا ابغي الصلح واسالك انك توفق بينا ,,, |
رد: صغيرة مطلقة..
انا كنت اتمنى اتزوج برجل يغير علي بس مو يشك فيني هذا اسمه شك مو غيره وانا في حيرة من امري صراحة وابوي يبغاني اتطلق لانه قل ادبه عليه وكان غير محترم معاه لا هو ولا اهله وماسعوا للصلح ابداً عشان كذا محتاره اخاف ارجع واندم واخاف اتطلق واندم ..
|
رد: صغيرة مطلقة..
الشك انه يتهمكي اتهام , وانا ما اشوف انه اتهمكي
ما سعوا للصلح انا اشوفه انتي لي وصلتيها محاكم وهو صبر ولا طلق وطلب الصلح عند القاضي وصراحه طلبك لطلاق مرره غير مقنع يعني كان يميدكي تقنعيه بسلوبك ليش مانعكي تكملين شوفي اغلبت الشباب لي ما يبغو حريمهم تكمل او تتوظف هو اولا يشوف انه قادر يغطي مسوليات البيت , اجار , مواد غذاية , ... وهذا ينقال له رجل عصامي , او رجل اسرة , وشي الثاني يخاف ان مرته تتركه او تستغني عنه مع مر السنين يعني من زاوية ثانيه الرجال يبي تكونين له العمر كله , انا الي اشوف انه المفروض كان انك تجلسي معه وتقنعيه يعني ايش السبب الي يخلك تمنعني , من ايش خايف , انا لو ملكت الدنيا كلها ماراح استغني عنك , ..... , ما اقصت انه ما احترم ابوكي ليتك توضحين كيف ما احترمه . |
رد: صغيرة مطلقة..
احس من داخلك لا تريدين الطلاق
|
رد: صغيرة مطلقة..
السلام عليكم
اقتباس:
يعني لو مافي اهل عادي ترجعي وتصير حياتك 10/10؟ |
رد: صغيرة مطلقة..
اقتباس:
انا ماوصلتها للمحاكم في يوم وليلة انا جلست عند اهلي 6 اشهر بدون لايرسل ولايسأل ولايتصل وبالنسبة انه انسان شايف نفسه قد المسؤولية ومايبغى زوجته تدرس ليش يتزوج انسانه متعلمة ويوافق على شروطها ، هذا اسمه ظلم وتحكم وتسلط مااشوفه مسؤولية نهائياً ، وبالنسبة لموضوع الشك، اتهمني لانه بس جالي اتصال من رقم غريب على قولته وفوق هذا واجهته وقلتله طيب اتصل على الرقم طيب ليش مارديت ومااعطاني اجوبه بس يلف ويدور لانه كذاااب ، ومااحترم ابوي قله كلام كله قلة ادب ومافيه اي احترام هذا اللي اقدر اقوله.. |
رد: صغيرة مطلقة..
اقتباس:
ممكن مااكون اتمنى الطلاق بس كل مااتذكر حياتي معاه اؤيد الطلاق 100٪ |
رد: صغيرة مطلقة..
اقتباس:
|
رد: صغيرة مطلقة..
لن اخوض معك في موضوع الطلاق ..
لكنني اود تنويهك و تنبيهك الى نقطة مهمة ... وهي ان لا تسمي نفسك " مطلقة " و كأنه استنقاص من نفسك ! الطلاق امر يحدث حين الشقاق وهو واجب في هذه الاخيرة ... فان قدر الله لك ان تكوني مطلقة ، فلتعلمي انه خير لك ... وان الله اراد لك من هذا الابلاء ، ما لا يمكنك تحقيقه من دونه ... انا مطلقة بخلع ... و لله الحمد اشعر بسعادة غامرة اشعر و كأنني اعود الى حياة العزوبية الجميلة ، حياة الفرج و السعادة ... سعيدة بنفسي و بكل شي حولي .. و لا ارى في نفسي استنقاصا قط بل اني ارى ان الله فتح لي بابا و فرصا للعيش السعيد .. و لولا هذا الطلاق لما قدمت لي فرص الحياة ... لا ينظر الله الى حالنا و لا اشكالنا و لا الواننا حينما يرزقنا ....ابدا لا يفعل هذا ... انما يرزق بتدبير من عنده ، لا لجمال و لا لشكل و لا لعلم و لا لعرق و لا لقبيلة و غيرها ! و بهذا فاني اعيش على آمال ، و اني على يقين بتحققها ...! لذا ، لا تستنقصي نفسك ... فانت هي انت ، لم ينقص منك شيء بالانفصال ... هو فقط انفصال عن شريك ، لا غير سيفرج الله علي و عليك يقينا ... لانه قانون الله في الحياة |
رد: صغيرة مطلقة..
اقتباس:
كلامك جميل اختي جزاك الله خير ،، وانا بالعكس تماماً مااستنقص نفسي وفخوره في نفسي جداً وعارفه انه زواجي هذا وان تطلقت بكون تعلمت اشياء كثيرة وخضت تجربة حتى وان كانت فاشلة الا اني فخورة بنفسي لاني ماقصرت معاه بشي ابداً وكنت الزوجة المثالية والحمد لله وعلى قولهم اكون مظلومة ولا ظالمة ، بس تفكير المجتمع ونظرته سيئة جداً ، انتي صغيرة وراح تكونين مطلقة حتى شيخ الصلح قلي نفس الكلام بس مابيفهموا انه من رأيي اتطلق وانا صغيرة ولا انه اصبر واعيش في تعاسة واتطلق بعمر الخمسين !!! والحمد لله على كل حال |
رد: صغيرة مطلقة..
اقتباس:
اسمعي اختي ... رأي الناس ان كان ينتقد البشر بما ليس لهم حق فيه ، فهو عندي الى سلة المهملات مباشرة.. هل تصدقين انني اعجبت بشخصيتك ... و الله لا اجاملك .! لكنك فعلا انسانة لك موقف و قرار ، انت قوية في اتخاذ القرارات الصائبة عند المحنة ، و هذا يحسب لك ... اما ان تكوني مطلقة ، و ماذا بعد ! و ليكن ! اين المشكلة ؟ احرام حل بنا ، ام انه اختراق لحدود الله ، ام انه الوقوع في غضب الله ؟ هذا ابتلاء ، يصيب الله به من يشاء من عباده ... فيكونوا على شطرين ... قسم : طلقن تهورا و طغيانا و طيشا .... و هذا هو الكارثة و قسم : تطلقن بعد بذل جهد و عناء اصلاح .... و هذه هي زمرة السعادة ... الله لا يدبر الامر الا لخير ، فان طلقت في سن صغيرة هو خير لك و ان طلقت في سن كبيرة هو خير ايضا و ان انفصلت من غير اطفال هي نعمة من الله و ان كان باطفال هو خير كثير ايضا .... فكل قدر اختاره الله لك هو خير كبير هل تصدقي انني حينما اقدم نفسي للناس اذكر انني مطلقة باطفال حتى لا يظن البعض اني متزوجة فيحسب ذلك الانسان علي ! الطلاق نعمة ان كان بتريث و بعد صبر و محنة ، هو الفرج و الله ، و لا يعقبه الا ما يجبر به الله خواطر امته او عبده ... فلا تلتفتي لتفاهات البشر ، فلتفخري بها قبل ان تستعمل تلك الكلمة ضدك ..😊 و قولي بقلب راضي انا بفضل الله و نعمة منه "مطلقة" 😊 |
رد: صغيرة مطلقة..
ياختي اتقي الله البنت عندها فرصه اصلاح وانتي تشجعينها على الطلاق , لا تتصفي بصفات الشياطين ( فايتعلمون ما يفرقون بين المرء وزوجه...)
اين نحن من حديث الرسول الله - صلى الله عليه وسلم- ( لا يَدْخُلُ الْجَنَّةَ خِبٌّ وَلاَ بِخَيْلٌ وَلاَ مَنَّانٌ وَلاَ سَيِّئُ الْمَلَكَةِ وَأَوَّلُ مَنْ يَدْخُلُ الْجَنَّةَ الْمَمْلُوكُ إِذَا أَطَاعَ اللَّهَ وَأَطَاعَ سَيِّدَهُ ). قال الرسول صلى الله عليه وسلم (إِنَّ الْمُؤْمِنَ غِرٌّ كَرِيمٌ وَإِنَّ الْفَاجِرَ خَبٌّ لَئِيمٌ ). ونعم هو حرام اذا لم يكن هناك سبب حقيقي قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( أَيُّمَا امْرَأَةٍ سَأَلَتْ زَوْجَهَا طَلاقًا فِي غَيْرِ مَا بَأْسٍ فَحَرَامٌ عَلَيْهَا رَائِحَةُ الْجَنَّة ) سامحيني على شدة عباراتي ولكن ارى ان مشاركتكي في غير محلها |
رد: صغيرة مطلقة..
اعوذ بالله ان يكون قصدي تشجيعها على طلاق
يشهد الله انها ليست بنيتي ابدا و يعلم الله انني اكره طلاق الازواج كره العمى ان كان عن كفر نعمة و تمرد و طيش .. كان هدفي ان تتقبل ابتلاء الله لها كونه حل بها ، و الا فالطلاق وقع و لست انا من دفعها له .. فهل من العيب ان تواسي من اصابه كرب و بلاء ؟؟ و هل من الخطأ تعليم الغير تقبل اقدار الله حلوها و مرها ، بأن لا ينقلب الانسان على عقبيه ان اصابته ضراء عموما اشكرك على تعقيبك |
رد: صغيرة مطلقة..
اقتباس:
الله يعوضني ويعوضك خير .. |
رد: صغيرة مطلقة..
اقتباس:
انا ممكن 30٪ مني مايبغى الطلاق بس اهلي رافضين تماماً وحتى نشروا بين الناس اني خلاص بتطلق بس انا ماالومهم صراحة والسبب زوجي الله يهديه راح قلهم كلام واهلي مارضيوها علي لانهم عارفين بنتهم لذلك قرروا بدالي وانا ابين لهم اني ابغى الطلاق بس مااعرف متردده كثير ، الله يكتب لي مافيه خيراً لي ،، ادعولي |
رد: صغيرة مطلقة..
لم نسمع من طليقك حتى نفهم تفاصيل الغيرة المفرطة ،، لكن اقول لك من تجربة الشخص المريض بالشك صعب جدا تغيره بوعود فهو اقرب للمريض يحتاج لعلاج كجلسات وادوية ربما ،، ونعم قد يرغب بالتغيير ويوعد بذلك لكن من الصعب ان يتغير ،، مثل المدمن يرغب بترك المخدرات ولكن يحتاج لمساعدة حتى يتركها بطريق صحيحة
ومثل ما قلتي فيه فرق بين الغيرة والشك والاخ sometging هل ترا انه من الحب ان يرسل لها رسائل من ارقام غريبة حتى يختبرها ؟؟ ايضا نجاح الحياة الزوجية يعتمد على الطرفين وليس مجهودها وحدها هي ،، سواء كانت 19 او 49 ماله دخل العمر بهذا ،، اذا احد الطرفين لم يعمل لانجاح الزواج فسوف يفشل الزواج لو كان الطرف الثاني مثاليا كلام لوفتي جميل ،، فلا يكون رجوعك بناء على نظرة الناس للمطلقة ولا يكون طلاقك بناء على كلام اهلك فقط ،، بل بقناعة تامة منك هل الحياة صالحة معه او لا ؟ فانت من ستعيشين معه وليس الناس الذين يتكلمون عن المطلقة ،، وانت التي سوف تتطلقين وليس اهلك ،، |
رد: صغيرة مطلقة..
اقتباس:
|
رد: صغيرة مطلقة..
قريت تفاصيلك ,,,,,,
دخلتي اهلك في حياتك انتي زوجكي , وتركتيه لحاله في الغربه , واجهضتي طفلة , وصلتيها المحكمه ولسى شايفته انه هو الغلطان ؟؟؟؟؟؟؟؟؟؟؟؟؟؟؟؟؟ ياختي اذا ما عندك استعداد انك تضحين الزوجك لا تتزوجين وتبلشين عيال الناس الزواج مو لعبه شرطي عيله دراسه علي عيني وعلى راسي بس دراسه ببيت زوجك مو بيت اهلك انا اشوف انه غلطان صراحه انه الي الان صابر عليكي انت واهلك ,,, |
رد: صغيرة مطلقة..
اقتباس:
اولاً اخي الكريم لازم يكون ردك اهدأ من كذا لانه ردك فيه كمية هجوم ومافهمت قصتي مثل ماسردتها بل فهمتها زي تفكير اي رجل اناني يبغى يستعبد المرأه ويمشيها على كيفه انا اجهضت بقدر من الله سبحانه ومو بكيفي وسبب اجهاضي تعبي النفسي بسبب زوجي والاجهاد البدني بسبب السفر وكان اجهاضي الثالث وكل اجهاضاتي كانت بسببه لانه ماكان يراعي نفسيتي ودائماً يطلع مشاكل تافهه ونكدي لاخر درجه ، ثانياً انا ماتركته هو اول ماخطبنا كان يقول لي على كيفك وزي ماتبغين وانتي حره فين ماتبغين تكونين انا راضي ووضحت له اني ابغى اكمل تعليمي في جامعتي اللي انا فيها الى ان اتخرج وكنت صريحة معاه الى اخر درجة واعطاني الضوء الاخضر ومارفض ، اما هو كان غير صريح وبالعامي كذاب ، كذب في مواضيع كثيييره وكان فيه اتفاقات كثيرة بيني وبينه وماالتزم فيها لانه انسان مو قد كلمته !! انا صرت المذنبه ذحين ؟ لاني مااستغنيت عن مستقبلي ؟ وبالنسبة الى التضحية ليش مو هو اللي يضحي او على الاقل يلتزم بالشروط اللي وافق عليها ليش انا اللي اتنازل عن حقوقي عشان رجل اناني مايفكر الا في نفسه ، هو انسان ظالم واي رجل مثله يعشم بنات الناس بكلام واذا تزوجها يفكر انه خلاص استولى عليها فهو انسان ظالم ولا يخاف الله ،، |
رد: صغيرة مطلقة..
طيب معليش ناخذ الموضوع حبه حبه وابي صدرك يتسع للنقد وطويلي بالك معي
بسم الله نبداء ,,, وضعتي شروطك وهي 1- سكن شرعي 2- اكمال دراستك 3- ما يمنعكي من الوظيفة 4- ما تحملين الا اذا تخرجتي , طيب اكمال دراسه بنفس الجامعه وهو مبتعث بره يعني بالعربي ابي اسكن عندي اهل ولا ابي اكون حمال , اختي تري الزواج مو بس فراش , واذا كنتي باغية تعشين عند اهلك خلاص لا تتزوجين من البداية زوجك يحق له يسايركي بنقطه ذي الانه مو متوقع ان فيه وحده بعد الزواج راح تقول ابي انام عند اهلي ذكرتي انك كنتي ساكنه عند اهلك وهو ما كان ينفق عليكي ما شاء الله عليكي عارفه حقوق الزوج ومنتي عارفه حقوق الزوجه , اختي انتي بيبت اهلك منتي بيت زوجك عشان ينفق عليكي يعني اكله وشاربه ونايمه عند اهلك , نصحوكي اهلك انك ما تروحين معه انا اشوف انك انتي الضعيفة وانتي الي تسمعين كلام اهلك صح انك رحتي لكن ندمتي , كانت كلها ست شهور عاجزة تسحبين ترم ثاني فيه بنات فصول من الجامعه العيون ازواجهم ابوه قال هو حر بزوجته وصح كلامه اذا اهلك يبونك عندهم ليش يزوجونك ؟ والمره تريها مع زوجها وين ما راح فكري فيها وحسبيها صح وضيفتك دراستك كلها اشياء كمليه بس وضيفته هو ودراسته واجبه عليه الانه مطلوب له السكن ومطلوب له النفقه واضن انك عارفه حقوق الزوج زين ولا يحتاج اكمل , اجهضك للطفل ما اقدر اعلق عليه الاني بصراحه اشوفه ذنب ما يغفر من جهتي ولا ادري ايش كان راي اهلك بالموضوع واخيرا كلامك عن استعباد الزوجه ووستغلال الرجل لها وانه يمشيها على كيفه نصيحه لا تسمعين كلام الناس تري ما فيها شي لو المراءة سمعت كلام زوجها اذكركي بقول الرسول صلى الله عليه وسلم ( ذَا صَلَّتِ الْمَرْأَةُ خَمْسَهَا، وَصَامَتْ شَهْرَهَا، وَحَفِظَتْ فَرْجَهَا، وَأَطَاعَتْ زَوْجَهَا، قِيلَ لَهَا: ادْخُلِي الْجَنَّةَ مِنْ أَيِّ أَبْوَابِ الْجَنَّةِ شِئْتِ. ) . اتقي الله الي اشوفه ان زوجك صابر وانتي الي ظالمته ,,,, |
رد: صغيرة مطلقة..
انا ماقلت بتزوج عشان اعيش عند اهلي بس زوجي ماامن لي سكن في البلد اللي ادرس فيه وين اعيش في الشارع ؟ وبعدين بالنسبة لتوقعه وانا ايش لي دخل في توقعاته انا لي في الاتفاق والشروط اللي بيننا والمؤمنون على شروطهم ، وموضوع ندمي على روحتي لانه كلام اهلي طلع صح وفعلاً ندمانه من كل قلبي لاني وثقت فيه وفكرته انسان قد كلمته وطلع مو كفو والنفقه مجبوور ينفق حتى لو اني ساكنه عند اهلي انا مو بس في حاجة اكل وشرب انا لي احتياجات ثانيه اهلي مو ملزمين يقضونها لي بما اني تزوجت ،وزوجي والله لو بالمجاملة بس ماسأل ولا قال تبغين شي ولا محتاجه شي؟ بعدين اهلي مالهم علاقه بالموضوع هذا رأيي انا وانا اللي رافضه اترك دراستي ، ولو دريت انه بيمنعني والله ماتزوجته ، انا عتبي ليشش الكذب والخداع والتدليس ليش مانكون واضحين ، طالما مايبغاني ادرس ليش ماقلي من البدايه يابنت الناس ماابغاك تدرسين ابغاك تروحين معاي !! ليش يستغل ضعفي ولاني انسانه مغتربه وبعيده عن اهلي يستقوي علي ويفرض رأيه بالقوه وبالخداع وبالتهديد ، كنت ادور على حلوول كثيره عشان ارضيه ومن ضمنها يدرسني هناك واخذ كورس وقلي طيب وخلاني اعتذر ومادرسني !! اسألك بالله هذا عدل هل هذا يرضي الله ،
انا مااقول انه الزوجه تعصي زوجها وماتسمع كلامه انا اتكلم عن وضعي لما الزوج يوعد بشي بعدين ينفذ اللي في راسه من وراها وعن طريق الكذب .. وقال الرسول صلى الله عليه وسلم علامات المنافق ثلاث اذا حدث كذا واذا وعد اخلف واذا اؤتمن خان . وهذا غير تحملي لاتهامته الباطله والشكوك اللي فيه ، الانسان يتزوج عشان يستقر ويكون اسره جميله وناجحه مو يتزوج عشان يصير مريض نفسي ومعقد ، امور كثيره ماذكرتها هو واهله مستقصدين يحطموني ويمنعوني عن دراستي والدليل مرتين حددوا زواجي في وقت اختبارات نهائيه حسبهم الله وفوق هذا ضيعت ترم من دراستي بسببه وياليت ثمر فيه ،، اخيراً بعد نقاشي معاك اتخذت قرار نهائي للطلاق لانه عيوني فتحت على كثير امور كنت ناسيتها ... شكراً لك |
رد: صغيرة مطلقة..
شوفي اختي واضح من كلامك انك ما زلت تحبيه
دامه انسان طيب وبخير فان شاء الله يكون علي خير ويصلح ربي حاله واذا طلب الصلح لا تتردي انك تقبلي ياغالية واذا انتي اختي راح اقولها نفس الكلام ولاسباب كثيرة راح تاخذي لقب مطلقة وتدري نظرة العرب عموما للمطلقة حتي لو مليون انفتاح بالحضارات النظرة واحدة وانتي تفهميني ايش اقصد كيف راح تتصرفين بحياتك القادمة بدون زواج وبدون مشاعر وايش راح تسوي مع شهوة الفطرة ماله داعي اصلا الطلاق وخصوصا اذا صدق بوعده انه راح يلتزم معك وما راح يشك فيكي وراح يبعد علي اهله بدون ما يدخلهم بحياتكم الحين تكلمي ابوكي وتطلبي منه انه يكلمه او يكلم ابوه ويجلسه مجلس رجال ويناقشو الموضوع ان يريدا اصلاحا يوفق الله بينهما والصلح خير ربي يحفظك ويبارك فيكي ويسترك يارب من كل شر |
| الساعة الآن 09:37 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©