|
احب زوجي و بنفس الوقت اكرهه
ما ادري هذا شي طبيعي او لا
اخاف عليه من المكروه و بنفس الوقت ما اتحمله و لا استحمل عصبيته يعني للاسف اعرف ان حقه عظيم لكن مشكلتي اكره تصرفات قديمة له يعني اعتبرها اخطاء كارثية لا تغتفر ابدا الزواج الثاني ارحم منها وخلاص مستحيل اسامحه عليها للابد اقول لكم وش هي يوم جدتي اللي هي بمثابة امي جاتها جلطة رفض جدا اني اكون برفقتها و المستشفى لازم مرافق خصوصا انها بعد الصحة والنشاط اصيبت بالشلل كنت ابكيها كل يوم ويوم وافق ارافقها صار غضب منه علي بشيء لا يستحق ابدا و حلف علي بالطلاق يرجعني للبيت وجا مشوار ساعه كاملة للمستشفى و اخذني من جدتي بهذا الوضع اللي المفروض يكون واقف معي فيه و جدتي بقيت لحالها ماتقدر ترعى نفسها و المستشفى مايطالع فيها |
رد: احب زوجي و بنفس الوقت اكره
جدتي ماكان لها الا انا و امي
امي كانت متعبة جدا بصراحة مستحيل انسى موقفه السيء مطلقا حتى انسانيا الكافر مايسويها خصوصا انه صحتها كانت طيبة وتحبني جدا وتحب اطفالي كيف ينقلب الى هذا السوء و في هذا الوقت العصيب 😞 طبعا له حسنات كثيرة ومايقصر بس هالموقف لا ينسى وهناك موقف يقاربه ايضا في السوء يعني موقفين تجعلني الان لا ارحمه ابدا الغريب انه بعد كم سنة تعب وبكيت عليه جدا ونسيت مواقفه لكن تحسن الحمد لله ورجعت اذكر مواقفه ،، حاليا ما اشعر بالرحمة عليه مطلقا والسبب ان هذين الموقفين في ذهني كل ساعه |
رد: احب زوجي و بنفس الوقت اكره
بصراحة بعدني عنه تماما بسبب هذين الموقفين، وهو للاسف مش مقدر و مش راضي يفهم ،
اعرف تكفرن العشير تحسن الى احداهن الدهر كله و يحصل تقصير و تقول ما رايت منك خيرا قطً لكن انا اللي حصل افضع من التقصير 😞 |
رد: احب زوجي و بنفس الوقت اكره
جربي تسامحينه و تتصالحي مع نفسك!
هذه تراكمات و ملفات ما قفلت و لازم تقفلينه الشخص يتغير و عسى ربي يسخره لك |
رد: احب زوجي و بنفس الوقت اكره
لا اعرف .. ولكن اجد أن موقفه لما رفض تجلسين عند جدتك عااادي جدا ..
هو جرب نفسه وقال لك طيب رافقيها .. ولكن لم يستطع من حقه .. قلبه ما طاعه قد يكون الرجل يغار جدا ويسمع احاديث عن المستشفيات ما طمنت قلبيه ارى ان ما عندك مشكله وتدورين مشكله واعذريني 💕 |
رد: احب زوجي و بنفس الوقت اكره
اقتباس:
|
رد: احب زوجي و بنفس الوقت اكره
شلون جدتك الحين عساها طيبه
|
رد: احب زوجي و بنفس الوقت اكره
اللي سواه مش عادي اعتبره
المفروض غضبه ما يفسره بهالطريقة لعل بيوم يصير له نفس اللي صار للجده يمكن يحس لكن اكيد ان مضى على هالموقف وقت طويل لكن اثره باقي فيك ان كان اعتذر ولام نفسه فمالك عذر ما تسامحيه وان كان يشوف ان من حقه يرفض فالله يعينك ... |
رد: احب زوجي و بنفس الوقت اكره
اقتباس:
ما قول غير الله لا يقسي قلوبنا .. وانتى اختى كنتى سلبية جداا نعم تطيعينه لكن فيه امور ماتقبل النقاش اطلاقاا .. |
رد: احب زوجي و بنفس الوقت اكره
اقتباس:
اكيد بكون في حالة حزن خصوصا اننا كنا نبحث عن دواء لها او سبب الي حصل لها و هو غيور بس مش مبرر |
رد: احب زوجي و بنفس الوقت اكره
كانك تتحدثين عني حبيبتي وافهم شعورك المفروض يكون معك
لكن حاولي تنسي عشان تعيشي دخل والدي المستشفى وصارله مضاعفات نزيف وكل قال يموت وكنت عروس وشهر حمل ما خبرني وما خلاني اشوفه حتى عملت اضراب عن الاكل وحلفت ما آكل حتى اموت لو ما اشوف والدي وقالي بشرط ما تقربي منه خاف ميكروب على الجنين رحت وارتميت على والدي وقبلت كل شي فيه اقام علي الدنيا لكن لما جاء الدور على ابوه الله يرحمه سكن معه في المستشفى وزاد يوم دخل اخي للعناية من التهاب منعني لازالت تحز في نفسي يوم عرس احد من اخواني ياخذني من القاعة اول وحدة اخاف عليه لكن لا افهم مشاعري الى الآن مرات احبه ومرات لما يجي موقف مشابه ولا اجده جنبي استرجع كل شي |
رد: احب زوجي و بنفس الوقت اكره
اقتباس:
،اللهم اجعله طهور |
رد: احب زوجي و بنفس الوقت اكره
اقتباس:
و بعده عادي يعطي اعذار غير منطقية و ان اللي يغضب مرفوع عنه القلم وهو مش متقبل فكرة اني اخذت موقف يقول طالعي حسناتي وهو بالفعل مرض ويارب لك الحمد عدت بسلام و ياخذ مثل ادوية جدتي اسال الله يشفيه و حزنت عليه وبكيته بشده وقت الازمة التي المت به |
رد: احب زوجي و بنفس الوقت اكره
اقتباس:
ياليتني ماطعته للاسف حركتي فيني الندم 😞 |
رد: احب زوجي و بنفس الوقت اكره
اقتباس:
لكن انتي عزيزتي عذره خوفه من العدوى الله يحفظ لك اهلك و احبابك 💕و يرحم اللي مات |
رد: احب زوجي و بنفس الوقت اكره
تخيلي زوجك يقراء موضوعك هذا وش راح يكون ردك عليه ؟
|
رد: احب زوجي و بنفس الوقت اكره
حاسه فيك
دائما اقول الانسان مواقف وش ابي بشخص كلام وافتراض انه يحبني وفي المواقف يبين معدنيه اكره التسلط بعد اكرهه مرت علي زي هالمواقف لما ما يقدر ولي الامر موقفك كانسان واحتياجاتك ويتسلط بحكم الولايه او القوامه هنا الرحمه وينها تدرين يا استنكار هذا من الاشياء الي يخليني اكره كوني امراه حياتنا صعبه بجور البعض اللهم لا تول علينا من لا يخافك ولا يخشاك الي عليك الحين تمشينها ومره ثانيه اذا حصل مثل هالمواقف وقفي مع الحق وقولي رايك بكل صراحه مدري استنكار لكن موضوعك اثار فيني شجون وتذكرت مواقف مشيها يااختي |
رد: احب زوجي و بنفس الوقت اكره
اقتباس:
جدتي اللي ربتني و عشت معها سنين مايقدر شدة حزني عليها 😞وفوق هذا اذاني مع العلم انه ما يقصر و يقدم الخير |
رد: احب زوجي و بنفس الوقت اكره
اقتباس:
|
رد: احب زوجي و بنفس الوقت اكره
اقتباس:
|
رد: احب زوجي و بنفس الوقت اكره
فعلا الانسان مواقف
انا عندي موقف مؤلم جدا لزوجي اذا ذكرته اكرهه واكره كل شي شخصوا فيني مرض خطير ولما عرف انفعل وصرخ علي انو مو مضطر يعيش مع وحده مريضه وسبحان الله طلع التشخيص خاطئ وانا سليمه يارب لك الحمد بس عرفت حقيقته والله العظيم كأن اللي صار امس اتذكر كلامه المؤلم بالحررررف صحيح اعتذر بدل المره ألف وجاب لي هدايا وقتها حتى ينسيني لكن بعد ايش ؟! |
رد: احب زوجي و بنفس الوقت اكره
اقتباس:
ايش تفسير هذي التصرفات😞 و الاهم كيف انسى المواقف اللي مثل كذا بالنسبة لي لو هو كان مكاني او اي احد اخر لقدرت وضعه |
رد: احب زوجي و بنفس الوقت اكره
لا تنسينه استنكار
لكن تعايشي والحمدلله ربي يكشف لنا حقيقه البشر عامليه بما يرضي الله وقوي نفسك في المواقف الصعبه لن نجد الا انفسنا اهتمي بنفسك واعتني فيها لان بلحظه الجد هي الي فعلا بتوقف معك خليك قويه |
رد: احب زوجي و بنفس الوقت اكره
اقتباس:
|
رد: احب زوجي و بنفس الوقت اكره
أقدر موقفك وانقهرت جدا وأنا أقرأ
لكن لعله خير، ربك كان مطّلع وعالم وماكان مكتوب تبقي معها حتى لو مو متزوجه قدرك ماتكوني بجانبها ، وزوجك كان سبب وربما هو خير الموقف انتهى وأجرك بإذن الله أجرين أجر نيّتك الطيبة وأجر صبرك على موقف زوجك يمكن في ميزان حسناتك أكبر من جلوسك معها والحمدلله إنها ماتضررت بسبب عدم مرافقتك هذي هي عندك برّي فيها وعوّضيها وانسي الموقف ، لا يحزنك الشيطان بتكراره وتذكره ولا تركزين على النقطه السودا في الجدار وتنسين جماليات حياتك يمكن بسبب هالتفكير تنشحن نفسك وتطلعين بموقف أبيخ من موقفه معك ولا يعذرك أحد أعانك الله |
رد: احب زوجي و بنفس الوقت اكره
موقفك مؤلم
أعوذ بالله من قهر الرجال |
| الساعة الآن 02:19 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©