حددنا موعد الزواج ..
 

الحمدلله الذي بنعمته تتم الصالحات ..
اخذت اجازتي اخيرا ،، و حددنا موعد الزواج بشكل نهائي ..
لكن الوالد مارضى انى اخذ اجازه < عنده تقديس كبير للعمل و يعتقد بعد انى بتركه
فقلت له ان هذا راي ابراهيم و هو اللى جاب لى الاجازه ..
طبعا انا اللى جبتها مو هو ، هو فقط ساعدنا بامور بس كل السالفه منى انا ..
عرف الوالد بس مدرى كيف عرف انه انا ..!
راح يسالنى كيف سويت ؟ و ليش كذبت عليه ؟
وجلس يتكلم علي و محاضره طويله و عصب من ردى عليه و من انى رحت للمسول بنفسي
و مع الكلام قلت له انت مالك كلمة علي .. عصب و ضربني < اول مره بحياتى يضربنى !
انا انفعلت و حلفت ماجيه مره ثانيه و لا عاد يشوفنى عمره كله و كم كلمة قلتها ورحت
بعدين ابراهيم راح له و حدد موعد الزواج ..
ومن العادات انه قبل الزواج بفتره تكون فيه ليله مصغره ببيت الاهل < بيت ابوي
انا الغيتها و قلت انى ما ابغاها و تحججت بكدا حجه .
بس ابراهيم مصرين عليها طبعا هو مايعرف شيء عن اللى بيننا ..
مو عارفه كيف الغيها ..! وموعدها قريب بعد اسبوعين تقريبا ..
هل احاول جد اقنعه مع انى عجزت فيه
او ماحضرها انا وهذا صعب و عيب بحقي انا
استسلم مكرهه و ارضى فيها .. و دا صعب علي ..!

رد: حددنا موعد الزواج ..
 

بكره الصباح إن شاء الله

تروحي تسلمي على رأس والدك ويده وتقولي له أنا آسفة وما راح أمشي ألين ترضى علي

إذا سويتي هذا الأمر .. باقي الأشياء إللي في موضوعك راح تتحل تلقائي ومايسير عندك مشكلة


بارك الله فيك

رد: حددنا موعد الزواج ..
 

فيه وحده تقول لابوها مالك كلمه علي ...!؟ وفوق هذا تبين التوفيق بزواجك ...

رد: حددنا موعد الزواج ..
 

الله اكبر اول مره في حياتي اشوف شخص يسوي كذا مع ابوه وبعد تعترفين تقلين لابوك مالك كلمه عليه تمر الايام يجيك عيالك يسون لك كذا بس سؤال لاحظت شي غريب فيك مدري خلال بعض ردودك وكلامك وتصرفاتك مدري انتي صغيره في العمر ولا جهل في الحياه ولا سذاجه فيك ولا ايش اسميها

رد: حددنا موعد الزواج ..
 

مسرع تزوجتي وانكرتي افضال اهلك
اجل مالك سلطة علي !!! << برأيك مين له سلطة عليك غير ابوك
كلامك هذا يندرج تحت عقوق الوالدين
انتبهي انتبهي على تصرفاتك وخاصه والدينك احترميهم
هم من تعبو عليك وربوك ووصلوك لهذه المرحلة

رد: حددنا موعد الزواج ..
 

رد: حددنا موعد الزواج ..
 

سؤال : مين اللي له كلمة عليكي؟

وياريت تسهبي فيها

من ناحية :
الشرع
القانون
العُرف
نفسيتك الداخلية

رد: حددنا موعد الزواج ..
 

كيف تطلبين التوفيق وانتي تقولين كذا لابوك
حتى لو يقطعك
وهو يبغى مصلحتك وكل هواشه لك عشان مصلحتك الشخصية

رد: حددنا موعد الزواج ..
 

تركتم الموضوع الاساسي و علقتم على جزئية !!

رد: حددنا موعد الزواج ..
 

اسلم على راسه ويده وهو ضاربني !!

رد: حددنا موعد الزواج ..
 

ومسرع حكمتى انى تزوجت و انكرت فضلهم !
من قبل اتزوج مقاطعتهم للمعلومية بس ..

رد: حددنا موعد الزواج ..
 

حبيبتي داامك من زمان مقاطعتهم .. خلي هالمناسبه هي بدايه قربك لهم

ممكن اهلك ما يفهمونك ولا ما يحاولون يتفاعمون معك او تحسين انهم ما قدموا لك ومن الاشياء

لكن انتي عيشي على مبدأ بسمع منهم وبأتقبل بدون ما اناقش لان النقاش يولد معهم مشاكل وعقب اسوي اللي براسي

يعني بالعربي جاااااري والدينك واهلك ولا تصيرين مرايه لهم تواجههم بأخطاءهم وتنتقدهم وكذااا

يختي تقبلي كل احد مثل ماهو وبتزين الدنيا

الحين صيري ملاك جميل وودي لابوك هديه من زوااجك وسوي المناسبه. في بيت ابوك .. سخري كل شيء لك بذكاء

اهم شيء لا تقتلين فرحتك وكل لحظه بعنادك ولساانك

رد: حددنا موعد الزواج ..
 

انا اجيب حقي بنفسي ..
ايوا متزوج ابوي قبل ما انولد انا و له ابناء و بنات اكبر مني ..
ايوا اسكن وحدي و من زمااان ...
اخوانى واخواتى اللى متزوج منهم و اللى ساكن مع الوالد < اخوان لاب لي
والبنات نفس الشيء اللى متزوجة و فيه اللى ساكنين معه ..
امى نعم منفصله عنه من كان عمرى 7 سنوات او اقل .. وسافرت
ماتت بعد ذلك و عمرى 17 وطلبتنى بعد ذلك لكن رفضت .

رد: حددنا موعد الزواج ..
 

مين اللي ماتت ؟؟ وطلبتك بعد ذلك

رد: حددنا موعد الزواج ..
 

الشرع : زوجي
القانون : زوجى
العرف : كل الناس لهم كلمه علي ..!
نفسيتى الداخليه : ما احد له كلمة علي ..

رد: حددنا موعد الزواج ..
 

..... أمي ...

رد: حددنا موعد الزواج ..
 

انا لاحظت من اكثر من واحد ووحدة انه لما يهزأهم او يضربهم احد يقول : انا ابوي (امي) عمره ماضربني تقوم يجي فلانة (او فلانة) يمد يده علي!

وبالتالي استشفيت ان الانسان بطبعه الرباني (باي ديفولت) معطي الحق ان الاب او الام هو اقصى واحد ممكن يعاقبه.

هذه بالفطرة

ملاحظة بسيطة حبيت اقولها

رد: حددنا موعد الزواج ..
 

وانا بطبعى لا الاب ولا الام لهم حق بمعاقبتى ..
خااصة انا ..
بطبعى اتمنى اعاقبهم اناا ..

حبيت هذي الملاحظة شكرا ..

رد: حددنا موعد الزواج ..
 

طيب حل مشكلتك الان ... لانه فشله ما تسوين هالليله او الحفله في بيت ابوك .. لاااااازم لااااازم تاخذين هديه لابوك تقولين هذي لك وشوي وقولي له بسوي حفله وكذا ..
لو غلط عليك طنشي عشان موضوعك

اذا تطور الوضع معه بتضطرين اما تكنسلين هالحفله او سويها بقااعه صغيره جداااا



نجي للشيء الثاني يااحبيبتي ياافيلكا

ترى الدنيا مو مجازى يعني سويت لي خير بسوي لك او شر برده لك .. الدنيا .. دنياااا. وسخه وما تسوى

شلون عاد مع والدينا .. مهما بدر منهم احنا اللي محتاجينهم مو هم .. نبي الجنه من وراهم

رد: حددنا موعد الزواج ..
 

الله اكبر
لاحول ولاقوة الابالله
بصراحه مصدوم من مدى العقوق والجحود اللي وصلتي له
كنت بصراحه اعتقد انك اعقل من كذا
فيه احد يقول لـ ابوه مالك كلمه علي وهمك الحين كيف تصير الحفله
يعني ماهمك زعل ورضى والديك !!
على العموم شوفي يابنت الحلال دائماً تذكري انتي يالعاقله يالمتعلمه انك كنتي نكره ولاشي
وانك طلعتي من اقذر مكان بجسم ابوك هذي حطيها ببالك زين
وبعدين انتي داخله على زواج وتطلبين الله التوفيق منين يجي التوفيق وبدايتك بهالشكل مع اللي لو تجلسين طول عمرك تخدميهم ماراح تلحقين جزاهم
الله يقول لاتقل لهم اف وانتي بكل جراءه توقفين قدامه وتقولين مالك حكم علي!!!

الحل انك مو تبوسين يده بس الا تنزلين لرجله بعد حتى يرضى عليك
واذا كان ضربك مافيه مشكله هذا ابوك وله الحق بتأديبك

رد: حددنا موعد الزواج ..
 

يقول الله سبحانه :" ولا تقل لهما اف ولا تنهرهما وقل لهما قولا كريما"
ويقول النبي عليه الصلاة والسلام:" بابان معجلان عقوبتهما في الدنيا البغي والعقوق"
اجلسي مع نفسك اختي واستمعي لمحاضرة او درس عن بر الوالدين ومنزلتها فاذا ادركت حجم خطاك تبين لك ما يتوجب عليك فعله الان
واحذري ان تكون ممن قال الله فيهم :" ويحسبونه هينا وهو عند الله عظيم"

رد: حددنا موعد الزواج ..
 

يبدو انك عانيت في صغرك وقد تكوني احتجت اليه ولم تجدينه وقد يكون جعلك تحسين باليتم وهو موجود

نفس كلام ابن عمي كان يكره ابوه ويعقه ويوم دخله ابي لبيتنا كي يعقله انفجر بالبكاء وهو ذلك الشاب المتمرد وقال لم اجده يوما ولم احسس به يوما لانه تربى من بيت لبيت وابوه لاهي يتزوج

لذلك اختي مش شرط تحبينه وتكنين له مشاعر قومي بواجباتك نحوه واقلها الاحترام وانسي الماضي وحاولي التواصل معه وعامليه بما يرضي الله لعله يكون نادم وحب يعوضك

صدقيني هو يحبك ويريد مصلحتك والا وش همه تتوضفين او لا

رد: حددنا موعد الزواج ..
 

هو يجى يعتذر لي و يبوس راسي مو انا ..
نعم عاقله الحمدلله ..

رد: حددنا موعد الزواج ..
 

على ضربه لك يا أختي إلا انك ملزمه شرعاً ببره وطلب رضاه وليس العكس
وطريقتك بالكلام معه خطأ
هو أبوك اللي التأفف حرام ويعتبر عقوق تجين تكلمينه بهالأسلوب القبيح و
تزعلين عليه يوم يأدبك وتبين بعد يبوس راسك!!! وهو ما كان يدور إلا مصلحتك

أختي الله يرضى عليك تسامحي منه
مو عشان الحفله وبرستيجك قدام الناس لا ،،، عشان آخرتك


أختي أبوي مات وأنا طفله
كنت طفله مشاكسه و متسلطه على أخوي الصغير فيجي أبوي يضربني عشانه
تدرين ان أختي تحسدني ان أبوي ضربني وهي لا!!!
تقول عندك ذكريات معه وأنا لا
هي تبي شي من أبوي ولو كان ضرب لأنها فاقدته

نعمه أختي أن أبوك حي فلا تفرطين بساعه يكون زعلان عليك فيها

رد: حددنا موعد الزواج ..
 

موقف أبوكِ من اشتراطه في العقد انك تستمري في وظيفتك و زعله الان من الاجازة اللي أخذتيها
ماله إلا مدلول واحد : إنه يحبك و يخاف على مصلحتك.
لاتقولي كيف وكيف وفعل وعمل
هو قاعد يحبك بطريقته و يخاف عليكِ بطريقته
وإن كانت مو عاجبتك ولا فهمتيها إلا إنه فعلا يحبك
ويخاف على مصلحتك، وصدقيني حب أبوكِ لك رغم
انه الظاهر غير ويمكن يكون فيه قسوة وجفاوة إلا إنه أنقى و أفضل مليون مرة من حب زوجك لك، لأنه حب مستحيل ينتهي و مستحيل في يوم ينقلب
أبوكِ راح يحبك كيف ماكنتي و أيش ماعملتي، ولا هو حب له رصيد ويزيد بتعاملك الحسن وينقص بتعاملك السيء مثل ماهو الحب بين الازواج، حب أبوكِ لك شيء فطري فيه مستحيل يخرج من قلبه مستحيل.
لذلك قدري هذا الحب ولو كان بطريقة مابتعجبك
لأنك ماراح تلقي قلب يحبك مثل أمك الله يرحمها و أبوكِ الله يطول في عمره.

رد: حددنا موعد الزواج ..
 

مدرى ليش تقارنوا بين ابوي و زوجى !
وكانه لازم احب ابوي واكره زوجي ، و اتزوجه وانا بافكاره دفاعيه ناحيته !
مع ان هذا شيء و هذا شيء ثاني مو شرط مقارنة ..
انا لما قلت ان زوجى له كلمة علي قصدت من الناحية الشرعية .
فعلا انتقلت ولايتي من والدي اليه وطاعته اوجب علي من والدي ..
بغض النظر عن من يحبنى اكثر و من حبه لا يتبدل ..
ولا احتاج منه حب الان و لا يخدمني حبه بشيء ، لا هو و لا امي ..

رد: حددنا موعد الزواج ..
 

عموماً الله يسهل امرك ويهديك
حنا اللي علينا النصيحه فقط
ولا حنا راح ندخل معك بقبرك ولاراح نتحاسب عنك
ولكن شفنا شي يقشعر منه الابدان ويوجع القلب وحبينا ننصحك
وراح تذكرين كلامنا هذا بعدين ولكن ساعتها يكون فات الفوت وماينفع الندم

رد: حددنا موعد الزواج ..
 

ومن الناحية الشرعية عقوق الوالدين من الكبائر
التي عقوبتها ممكن تعجل في الدنيا
انتبهي حتى لو ابوك سيء تحملي كلامه وضربه
وامك ميتة ادعي لها ، ماتعرفين ظروفها قبل
الدنيا فاااااانية
عشان عيالك يبرون فيك
شفتي لو قلتي بصير احسن من امي و ابوي مع عيالي
وتقدمين لهم عيونك
يطلع فيهم هالعقوق فانتبهي بارك الله فيك

رد: حددنا موعد الزواج ..
 

ياجماعة الخير
الاخت فليكا شايلة على والديها كثير الكثير وفوق هذا ضربها!

ماتشوفون انها صعبة انها تروح تعتذر له؟!

اليس في ذلك اهانة لها وهزة قوية لكرامتها؟!

انا مابأتريق ولكني بأحاول اني انظر من منظورها
من اجل ان توجوهونها بشكل ادق وافضل
بارك الله فيكم

رد: حددنا موعد الزواج ..
 

دام انك تعتقدي انه فعلك كان عادي فاين الاشكال من مصارحة زوجك بلي صار و قولي انه لازم ابوك هو يجي يعتذر لك ويبوس راسك
ام انك تكرهين ان يطلع زوجك على الي حصل لانك تعرفين انه اثم والنفوس تنفر من هذا مهما كانت الاسباب
ثم العلمي اختي انه صحيح انك لا تحتاجين حبه ولن يخدمك ولكن انت تحتاجين الى بره وعدم العقوق فهذا الذي تحتاجينه وهذا ما سيخدمك في دنياك وهذا ما نطلبه منك

رد: حددنا موعد الزواج ..
 

بقول لك اجل دامك ما تحبين تخضعين نفسك وتجاهدينها ..

لازم زوجك يكون عارف او تلمحين له انك مو على توافق مع اهلك عشان ترتاحين لان التمثيل يوضح

الشي الثاني والله .. انا شاااايفه ناس كثير ابوهم وامهم اعوذ بالله سئين ولكن هذبوا انفسهم لهم .. ويدعون لوالدينهم ويقولون هذا من البر لوالدينا ووالله ما يستاهلون والدينهم دعوه

اصلا جابوهم وقطووهم خصوصا ابوهم .. لكن ماشالله عليهم هذبوا انفسسهم

فكري مره وثنتين بتصرفك .. امك وابوك بابين من ابواب الجنه

باب امك تقفل الله يرحمها .. الحقي على باب ابوك

وادعي ان ربي يسخره لك

وموووفقه يا اجمل عرووووس

رد: حددنا موعد الزواج ..
 

كلامي مش مقارنة
فعلا والدك شي و زوجك شيء آخر
كلامي مجرد شرح وتبرير لتصرف والدك اللي مو عاجبك ومضايقك.

رد: حددنا موعد الزواج ..
 

ايش يعنى " وليس العكس ""
افهم انه مو ملزم شرعا باي شيء ناحيتى ؟!!
بعدين انا مو بزر و لا قاصر عشان يأدبني ..
انتى واختك ترضونها براحتكم
و لا افرط بساعه زعلان على !! طول عمره زعلان علي ..

رد: حددنا موعد الزواج ..
 

خلافنا مو عشان الاجازه لكن هذا الموضوع جر لمواضيع ثانيه ..

رد: حددنا موعد الزواج ..
 

من المغرب يدق علي بس ماراح ارد ..
عشان لا اغلط ولا هو يغلط ..

رد: حددنا موعد الزواج ..
 

أتكلم أنا عن مين يراضي مين
رداً على كلامك "هو يجى يعتذر لي و يبوس راسي مو انا .."

يعني شرعاً المفروض أنت اللي تدورين رضاه وليس العكس
يعني مو تحطين راسك براسه هو ماهو صديقتك ولا زميلتك بالشغل
فلما تكلمينه تكلمينه بتذلل وخضوع بدون تعالي ولا نديه
وتجينه باللين وما ترفعين صوتك عليه حتى ولو هو على صوته عليك
والأبناء حتى إذا كبروا ما يكبرون على والدينهم

رد: حددنا موعد الزواج ..
 

لا مو لازم يعرف .. علاقتى باهلى شيء يخصنى انا ولا له علاقه فيه

رد: حددنا موعد الزواج ..
 

ياويلي تبين ابوك يعتذر لك << اصغر عيالك هو ؟
بس تذكرت موقفك مع زوجك وقت زعل عليك علشان الصورة
صحيح كنتي غلطانة
بس شوفي كيف سويتي رحتي للبيت تعتذري له وخفتي علشان مشاعرة
<<< ترى ابوك اولا بالاعتذار

رد: حددنا موعد الزواج ..
 

وايش بكم حاطين دوبكم من دوب زوجى !!؟ اكرر للمليون ماله علاقه بالموضوع
و زوجى ياحبيبتى زعل بس ما مد يده .. ولا لى ماضى معه ..

رد: حددنا موعد الزواج ..
 

ولو انك تتريق .. لكن جبتها صح ..
وفهمتها بااختصار ..