|
اهانات زوجي و تطاوله المستمر !
بكل خلاف: يسب يلعن يهدد بالطلاق
اتجاهل اسامح انسى مرة مرتين ثلاث اربع خمس.. عشر بمعدل اسبوعي على مدى 7 شهور هي مدة رجعتي له من بيت اهلي لانه سبق ضربني وهجرته بعدها استسمحني ورجعت له قبل اسبوعين تعبت بشده رحت الدكتور.. قال قولون عصبي من شده الضغوطات انهرت صحيا ساكته ومتحمله فوق طاقتي ولا علمت احد بمعاناتي لان علاقه زوجي واهلي متوتره جدا رحت انام كم يوم عند اهلي انزعجوا من اطفالي وقالوا لي ارجعي بيتك لزوجك اريح تحملت ورجعت له اهلي ماتحملوا شقاوة الصغار توظفت فتره بوظيفة بسيطة صحيح راتبها قليل لكن مشغلتتي تسلط زوجي علي لحد ماتركتها صارت قصة طويله وطعن باخلاقي وحلف يا اتركها والا يطلقني فضحيت فيها وطعته تراكمت الامور هو يفتكر تسامحي وتجاهلي ضعف تمادى اكثر واكثر صار يهين شكلي وخلقي واخلاقي يردد: انتي ولا شي.. ماتسوين شي الخ وانا راقيه ما ارد عليه بحرف اشتكتيت اهله لاول مره.. كلموه رجع هدد بالطلاق.. طلبت الطلاق رفض واعتذر.. لكن ماسامحته نزعته من قلبي.. كرهته.. اتمنى له الموت بس عندي منه بنت وولد يسوون حياتي كلها.. فقررت تجاهله عايشه لاطفالي وبس متحاشيته تماما بعدها بايام طلعنا نلعب الاطفال شريت لولدي حلاوه مصاصه قبل نطلع عصب واتهمني بالغباء والعناد خاف اوسخ سيارته.. اعتذرت مافاد اخذت المصاصة ورميتها بالزباله صاح الولد.. استمر هالذكر بالصراخ قلت له: عيب خلاص احنا بمكان عام قال: عام ولا خاص ماتهميني يا نكره طلعنا ركبنا السياره.. ساق بسرعه جنونيه بنتي كانت تقول ماما بنموت طلبت منه يخفض السياره رفض دخلنا البيت.. نومت الاطفال بالليل رحت اكلمه بهدوء قلت له يكفي اذيه يكفي مرمطه قال ليه تقولي طلقني قبل اسبوع قلت لانك تهدد بالطلاق كل اسبوع قال انا رجال اهدد عادي قلت لا مو عادي.. جرحتني كثير بهالكلمه قال انا اطلقك بمزاجي مو بمزاجك ولو حبيت ارجع مهرك ... وياخذه ابوك ... لانه ... مثلك قلت الزم حدودك يا ... لاتهين ابوي! قال و... في ابوك ما اطيق اشوفه ها .... قمت فصخت .... ورميتها عليه وحده جت بعيد والثانيه بوجهه وصرخت: انت ماتسوى ... ابوي انت ... يا ... يا عديم الرجوله انهرت.. استفزني حسبي الله عليه ورحت ابطلع لقيته يضحك بقهقه ويصفق مبسوط قال: هذا اسعد يوم بحياتي طلعتي على حقيقيتك.. تضربي زوجك! وعامله نفسك راقيه.. وانتي .... قلت له بعصبيه المفروض تاكل ... مو بس تنضرب فيها ما اسمح لك ولا لاشكالك تهين ابوي قال انا غلطت فيه لانك سبيتيني وقلتي عديم رجوله لاحظوا عكس الردود ولخبط الكلام قلت يا كذاب يا منافق مهما صار بينا ماتغلط بالاهل والاب قال بعد فعلتك وضربك لي لا تتكلمي زي اللي فرح مسك علي ممسك يعتقد ان فعلتي اشنع من فعلته وانا ادري اني فقدت اعصابي بس من الالم والتعب وتراكم الاهانات كتبت له عالواتس يطلقني قال روحي اخلعيني وجلس يسبني ويسب اصلي وتربيتي وكيف اني ولا شي بين النساء كلام وضيع يكتبه باستخفاف وضحك شد علي ألم القولون انهرت عالسرير ماقدرت انام منسدحة وجسمي ينتقض ادعي على هاال..... يموت مريض ماضحك الا لما انا انفعلت ويغلط بابوي ببجاحه قليل الادب انا تعبانه يا ناس افكر اخذ اغراضي واطلع بس هال....يتمنى يمسك علي ممسك وبيفضح فيني اني طلعت زي الحراميه ولو بطلع وين اروح اهلي مايبون اطفالي ولو تركت الاطفال عنده بيجرم هو فيهم لانه عصبي بذيء اللسان ياناس ايش اعمل تعببببببببببت لا سكوت فاد لا صبر فاد لا هجر فاد لا رد فاد لا انفعال فاد صحتي تتأكل مع هذا المجرم وجهي جته تجاعيد بدري منكد عيشتي الله ينكد عيشته وانا كارهته كره العالمين حتى وقت النوم تجيني كوابيس منه حادثه ال..زز صارت قبل ساعات ماقدرت انام طول الليل حسبي الله ونعم الوكيل تم تغيير العنوان ليتناسب مع المضمون |
رد: تعباااااااااااااانه
الله يعينك
في بيت اهلك ادبي صغارك تدرين حالتك صعبة صحيح احسن حل ما تتواجهين مع زوجك ابدا واذا غلط عليك و على ابوك طنشي و لا كأنك تسمعين شي (واذا مروا بالجاهلين قالوا سلاما ) ايش مستفيدة بجدالك معه غير حرق اعصابك ؟ (وقد قيل ما جادلت جاهلا الا غلبني) اذا بتعيشين لعيالك ارحميهم من هذا الجو المشحون . ماتبين تمرضين خلاص اعتبريه سفيه و عيب تتجادلين معه والله يصلح حالك معه و لاتهملين قيام الليل و الصدقة و انشغلي باصلاح اخرتك و الجنة تجيك الدنيا بمثل ما تحبين 😊 |
رد: تعباااااااااااااانه
صحيح ان اعصابك فلتت
حاولي تربي عيالك على الهدوء يعني وين بتروحي لا اهل يتحملوا ولا زوج مثل الناس انقهرت عليك |
رد: تعباااااااااااااانه
سبحان ربي ...
اسمعي اقولك كلام ... انتي انسانة رائعة غصبا عن كل واحد يشكك في اخلاقك او تربيتك او سمعتك سواء كل زوجك او غيره من الناس ... هذا انا ، وصلت لمرحلة الاشباع مثلك ، و سويت ردة فعل و انا في قمة القناعة بقراري الى يومك هذا ... بس لازم تعرفي اني لحد الان اعاني من بعض الشوائب الصحية و المخلفات اللي تسبب لي فيهم ، و مصايبه الى يومك هذا مستمرة ، اولادك ربيهم باي شكل ، اصبري على محنة التربية ، ترى الطلاق بالاطفال مو سهل ابدا ، |
رد: تعباااااااااااااانه
اذكر انك تساعدين زوجك ماديا في السابق
انتي باقي موظفه ؟؟؟ |
رد: تعباااااااااااااانه
اقتباس:
وامس كلمته بهدوء لانه فقد اعصابه بمكان عام واسرع بالسياره بشكل مخيف راح رجعني لخلافات قديمه شافني هادئة.. قام تطاول على الوالد وضيع قال كلام ما ينقال حسبي الله ونعم الوكيل حسبي الله ونعم الوكيل انا محتاجة صحتي لوصاو فيني شي بيرميني بالشارع |
رد: تعباااااااااااااانه
اقتباس:
وتصرفي امس كان غلط بس ماعرفت ارد عليه ضعطني لابعد حد والله جسمي تعبانه الى الان مقهورة من نفسي مقهوره على عيالي قلت له امس روح تزوج فك عني اطلع تزوج قال ناشب بحلقك الى الموت |
رد: تعباااااااااااااانه
اقتباس:
مشكوره حبييتي كلامك ريحني العيش مع مجرم شي مدمر انا متأكده لو يفجصون نفسيتي وصحتي بيلقون تدهور كبير هالسنه عن العام الماضي |
رد: تعباااااااااااااانه
اقتباس:
بس كنت شايله مصاريفي لان راتبي ضعييييف هو راتبه عاااالي الان انا غير موظفة زن زن حتى تركت الوظيفة وقال بجيب لك غيرها هالكلام قبل 6 شهور ولا جاب ولا شي |
رد: اهانات زوجي و تطاوله المست
لاحول ولاقوة إلا بالله.
قبل شوي جيتي ببالي دخلت ولقيت هالموضوع مادري وش الواحد يقدر يقول أكثر من الكلام اللي قاله قبل، والوضع مازال على ماهو عليه. مادري عن حالة أبوك المادية، وهل يقدر يساعدك لو استقليتي بسكن، بحيث تكوني مع أولادك، وبنفس الوقت بعيدة عنه، وأطفالك مايسببوا أزعاج لأهلك. وأنتي بنفس الوقت بحاجة إلى وظيفة. |
رد: اهانات زوجي و تطاوله المست
معك شهادة ؟
|
رد: اهانات زوجي و تطاوله المست
اقتباس:
وبكيت عنده وضميته قال وانا بعد عندي مشاكل ورفض يسمعني وقال ركزي بييتك وزوجك والدي حاسس بمعامله زوجي المهينه وسبق قال زوجك مايحشم احد وانه يكره اهلي وحاقد علينا الحين استوعبت معنى كلامه زين المشكله محد متحمل مسؤوليه احد والوالد عنده مشاكل ماديه هالفتره وينزعج جدا من اطفالي انا ندمت اني رجعت لزوجي بعد ماضربني كانوا اهلي وقتها واقفين بصفي وانا تراجعت وعطيته فرصة ثانيه مادريت انه خسيس مايستاهل الحين محد راضي يتدخل ابدا تعبانه يا ناس حتى المستشار اللي اتواصل معه قال لي التعديل مستحيل خلاص طفش وصار يحببني فكره الطلاق طيب واطفالي!!! يقول ماعليهم خوف مع ابوهم والولد وضعه افضل من البنت وكلام اهبل والله وبالله لو عندي فلوس ووظيفة اخذت لي شقه لي ولعيالي احسن من الحياة المهينة هذي |
رد: اهانات زوجي و تطاوله المست
اقتباس:
وقريت تعليقك قبل التحرير ادري الطلاق افضل لكن عندي اطفال اطفاااال لو هم اكبر شوي تطلقت بس واحد منهم رضيع صعب ارميهم وامشي ماعندي فلوس اخذ لهم شقه ومحد راضي اعيش لحالي مع اطفال واهلي مايبون اطفالي ولو انتظرتهم يكبرون شخت انا وكبرت بيضيع شبابي عالفاضي ومحد بيفكر يرتبط بوحدة كبيرة ومريضة |
رد: اهانات زوجي و تطاوله المست
اقتباس:
وهو التجاااااااااااااااااااااهل عيشي لعيالك في بيته وعليك بالوتر والدعاء مافيه احلى من الحياة مع ربنا |
رد: اهانات زوجي و تطاوله المست
اقتباس:
الله يكون بعونك شوفي حبيبتي، نحن النساء قويات نتحمل كثير من اجل صغارنا. انت قوية وهو ضعيف يثبت نفسه بارهاب امرأة.. تذكري هالشي دائما الظروف تجبرك تتحمل الذل والاهانة لعيون صغارك ولكن في نفس الوقت لازم تشتغلي بحكمة لتغيير هذي الظروف -وضعك المادي واستقلاليتك- ادعسي على قلبك واصبري هالفترة وخططي لان الاولاد مايضلون صغار طول العمر، ماتدرين لعل ربي يهديه ويتحسن الوضع بعد كم سنة، واذا ماصار بتكوني وفرتي لنفسك حل بديل بعيد عن ازعاج الاهل...... |
رد: اهانات زوجي و تطاوله المست
اقتباس:
ابوك تحديدا و قلناها لك لما ضربك و رجعتي له رغم اعتراض والدك لا انتي و لا زوجك كنتوا حابين الطلاق و تركتي ابوك يتمرمط بينكم الان ابوك فهم الوضع و رفع يده منك لا انتي كسبتي ابوك و ضمنتي حمايته لك و لا زوجك تغير وضعه و زانت اخلاقه معك الا اشوف الوضع يتفاقم اكثر انك تصبري و تبردي قلبك اتجاه زوجك و اهاناته لك |
رد: اهانات زوجي و تطاوله المست
واستعينوا بالصبر والصلاه
اذا بدأ يلطلط .. سوي عزل لصووته وعيشي جو ثاني .. تروشي عالسريع وصلي ركعتين قدامه اذا كنتوا بره .. مو كل كلمه منه لها رده فعل منك .. خلي كأنه يكلم جدااااار عيشي مع عيالك ولي صار اادمي .. كوني له مثل ما يحب وبسس انتهى |
رد: اهانات زوجي و تطاوله المست
اذا قررت الاستمرار معه.لعدم وجود حل بديل للخلاص من هذا الوضع من اجل اطفالك وهم فعلا يستحقون التضحية فهم قطعة من فؤادك ضعيهم في اعتبارك في اي قرار تتخذينه ..هذا الادمي ليس له سوى حل . الحقران يقطع المصران ..وحطي السماعات وشغلي القران ع الجوال لما يقعد يزعجك اربح لنفسيتك ولصحتك كلامه لايستحق ان تضيعي وقتك بسماعه واقتربي من الله اكثري من الحوقلة والذكر والصلاة على النبي ...ربك وحده قادر يغير حال هذا الادمي
|
رد: اهانات زوجي و تطاوله المست
ليتك ماتركتي وظيفتك
على الاقل تطلعي تغيري نفسيتك ردك عليك لا تلامي عليه بس اللوم الاسلوب الي خلاك تستخدمينه استفزك وانتي تجاوبتي مع استفزازه ونزلتي بمستواك غلط على ابوك كان بحزم قلتي ابوي احسن من اي انسان بالدنيا وكلامك فيه ماينقصه ابدا الا يزيده وبردتي اعصابك وخليتيه يموت ومايمسك عليك شي مدري وش العلاج مع زوجك وانتي انسانه حساسه سهل يستفزك زوجك يبغى له زوجه قلبها من حديد تتغافل وتسحب عليه يسب خليه يسب لين يطيح الي براسه وساعتها بيحس شكله غبي محد رد له بال |
رد: اهانات زوجي و تطاوله المست
ابوك طلعي من مشاكلكم
ماقصر معك المره الماضيه وبهذلتوه معكم وبالنهايه ما سمعتي كلامه |
رد: اهانات زوجي و تطاوله المست
ماقصر ابوك ورايته بيضاء وكان مايبيك ترجعي له المره السابقه وانتي قررتي وتحملي قرارك بصراحه وصل لمرحله خطيره من الحقد الله يشفيه بس يشوفك معصبه يضحك بشكل هستيري لانه استفزك ويااختي دامك عارفه انه كذا وبس يبي يكسر مجاديفك ليش تتركي الوظيفه عشانه الله المستعان
مدري شقولك بس اتمنى يوم اشوف لك موضوع انك سعيده بس مع هالشخص مااظن الا ان يشاء الله ادعي الله واكثري من الاستغفار ولاحول ولاقوة الا بالله وتذكري كل لحضة الم باجر اذا احتسبتيها لله هذا اللي يهون انك مأجوره ان شاءاالله وهو حسبك الله فيه |
رد: اهانات زوجي و تطاوله المست
انا اعترف اني غلطت لما رجعت له
ندمت عدد شعر راسي توقعت بيعوضني وبيعرف قيمتي لقيته مرجعني للانتقام بس حاقد ليه طلبت الطلاق لما ضربني مريض ومضطرب نفسيا رجعتي له فعلا كسرت والدي وصار حتى مايحب يجلس معي ويسولف معي بتحفظ لان الهم ينطق بوجهي قلبي مكسور الله يحرق قلبه وفعلا سعادته لما فلتت اعصابي مخليتني اتعجب !!! هذا اللي يتمناه.. علاقة شوارعية سب ولعن وتهجم وقلة ادب طبعا انا لي 7 شهور متحمله وسااااااااكته حتى انتم مالي عين اكتب لكم شي اقول لنفسي انتي اللي جبتيه لنفسك بس امس فقدت اعصابي لما قال ابوك جزمه رميت بوجهه النعله جلس يصفق وراح نام بالمجلس وعمل لي حظر بكل وسائل التواصل واليوم رجع من الدوام مروق يبوس عياله ويناظرني من فوق لتحت عايش الدور هالتافه لكن بقائي معه مسألة وقت لا اكثر دعواتكم اخواني واخواتي |
رد: اهانات زوجي و تطاوله المست
قلبي معك
وانتي من البدايه حطيتي الطلاق مش حل ولا خيار لك فمافي شي نقدر نقوله ولا ابوك ولا المستشار عليك بالصبر بحث عن وظيفه انشغلي بنفسك واكثري دعاء |
رد: اهانات زوجي و تطاوله المست
العمر يمشي محد بينفعك اذا خسرتي صحتك
ورقة ابوك وخسرتيها.. وظيفتك وخسرتيها.. صحتك بالطريق الله لايجيب الشر تشكين لاهله تتوقعين بيوقفون معاك ضد ولدهم؟؟؟؟!!! ان تركتيه هم اللي بيخطبون له تراه من دمهم وانتي بنت الناس ابوك اذا مانتي راجية منه موقف لاتغثينه وتضيقين صدره وتحكين له عالفاضي ترا يشيل همك حتى لو ماحكى الله يكون بعونك |
رد: اهانات زوجي و تطاوله المست
الله يكون في عوني و عونك ....
|
رد: اهانات زوجي و تطاوله المست
الآن روحي افتحي جداره وقدمي على الوظائف الإدارية
|
رد: اهانات زوجي و تطاوله المست
.................ز
ولما تستقلين ماديًا وتحصلين لك وظيفة تعزك بتتخلصين من الضعف ، وبتنفتح امامك جميع الحلول واولهم عيالك بيمديك تسجلينهم بمدارس وقت طويل الان الفرصة قدامك ، اغلب الاماكن فاتحين التسجيل ع وظائف .. سجلي بكل مكان بالمملكة لا تتركين اي وظيفة ماتقدمين عليها حتى لو بسجون .. الجامعات برضو فاتحين التسجيل ع وظائف .. ابحثي وراسلي الشركات اما بخصوص زوجك اسفهيه وحطي هدفك امامك ( استقلالك المادي ) وخليه هو يحوس بمعاركه نصيحه لاتدخلين معاه .. وابوك قد يكون ضايق صدره عليك وما بيده حيله ، فرجاء خلك قوية وتظاهري بالقوة امام اهلك . |
رد: اهانات زوجي و تطاوله المست
اقتباس:
|
رد: اهانات زوجي و تطاوله المست
اقتباس:
ما شاء الله لا قوة الا بالله ردك يا غادة في صميم الصميم جزاش الله خير .. امين |
رد: اهانات زوجي و تطاوله المست
بعض الردود ابكتني
لانها صادقة جدا صديقاتي ماشاء الله اكثر استقرار مني وكلهم موظفات وترقوا وتطوروا وانا ضاع عمري اصد هجمات هالمريض ما ادري اذا يمديني اعوض قدمت الصبح بجداره رغم اني مالقيت الا 3 وظائف متاحه وكلها خارج منطقتي.. لكن قدمت انا اخطط جديا لاخراج هالرجل من حياتي جالسه اقدم بكذا جهة الان رضى والا مارضى هذا كان شرطي من بدايه زواجنا انا من تنازلت له.. انا غلطانه وبصحح غلطي الاطفال مضيقين صدري حاسه بيضيعون.. معي او معه لكن ابوهم السبب مو انا بحاول اعطيهم كل اللي اقدر عليه اهلي مالي عين افتح فمي عندهم واصلا حاسين وساكتين غلطه عمري رجعت لهالمريض لكن يارب عوضني خير يا رب يا رب |
رد: اهانات زوجي و تطاوله المست
اسمعي يا روان
بالنسبة للاطفال اللي في مثل حالتي و حالتك بيضيعون اكثر في حضانة اب .... لا تنظرين للامور بهذي الطريقة ! اقسم لك برب الكعبة انني للحين غارقة في مصايب يشيب لها الرأس بسببه حسبي الله و نعم الوكيل فيه ... هذا و انا بعيدة ! اما لو اني كنت قريبة ، كان جاكم خبري ، يا جنون يا قبر ! بس اللي ابشرك فيه ، ان الاطفال بيصيرون تحت تربيتك ، يعني شبعيهم افكار اخلاقية ودين و حسن تصرف ، و اتركيهم للحياة ، فمن خلال اخلاقهم العالية راح يشوفون زين ابوهم اللي هربت منه امهم ! ، الله يصرف عننا اشباه الرجال و من عندي اعيد و اكرر لك مليون مرة ، انتي رااااائعة جدااااا و طيبة جدا و بيعوضك رب العالمين ! ، اما الغلط فراكبه من ساسه لراسه مو منك ابدااااا ، لا تشيلين هم ، ربك موجود حتى لو ضاقت علينا الدنيا و هلكتنا المصايب ، بيفرجها رب العالمين ... اسأل الله ان ينفس عني و عنك و يفرج كربنا جميعا |
رد: اهانات زوجي و تطاوله المست
اقتباس:
ممتنة لكلامك الطيب الله يسعدك ويفرجها بوجهك ياكريم انتي وكل اعضاء هذا المنتدى |
رد: اهانات زوجي و تطاوله المست
احس فيه حلقة ناقصه بالموضوع !
كدا من الباب للطاقة يسوى هذى التصرفات ؟! 🤔 |
رد: اهانات زوجي و تطاوله المست
أعتقد أنه حقدٍ عليك
أما بسبب حقيقي (وهذا استبعده) وإما بسبب تافه وضخمه وإما بسبب شيء يتوهمه وإن كان مقتنع فيك حتى ولو لم يقل ذلك، إلى أن غمامة الحقد لديه تحجب ذلك كله، فيبقى يتصرف تلك التصرفات الهمجية. |
رد: اهانات زوجي و تطاوله المست
شكرا لكم
لو بيدي حل تركته اليوم لكن قرار الانسحاب بحد ذاته ريحني صرت متقبله تماما فكرة الفراق هذا يعني اني بوقف تضحيات بوقف فتح صفحات جديدة الحبر خلص والعمر خلص للتوضيح زوجي تعبان له يومين وماداوم اليوم وللحين نايم رغم ان الظهر اذن شكيت انه مات حتى قربت ولقيته نايم ويتنفس انا مو متعاطفة معه نهائي بس حبيت انقل لكم المشهد يكفيني دخله بنتي من المدرسه ضمتني وقالت: احبك يا احلى ام بالعاالم هذا لحاله يكفيني علما بأني اليوم بديت ألملم جراحي واحاول اتعافى من هالجروح لحد مايفرجها رب العالمين من عنده |
رد: اهانات زوجي و تطاوله المست
اقتباس:
هو حاقد علي لانه تركته لما ضربني وجلست عند اهلي فوق 3 شهور وحاقد على ابوي لانه قال طلق بنتي قال لي هالشي مليون مره وام زوجي قالته لي برضو هذي مشكلته وهذا فهمه القاصر اعتبرني فضحته وبعته واهنته مركز على رده فعلي وناسي فعله ناسي الضرب المبرح ناسي اعتذراته ناسي وعوده ناسي تعبه لحد مارجعني باختصار رجعني حتى ينتقم مني مو صاحي والله العظيم |
رد: اهانات زوجي و تطاوله المست
اقتباس:
ربما تكون أحقاد حتى قديمة وكل حقد جديد يتراكم على ماسبقه يجعل تصرفاته أكثر حدة وعنف. |
رد: اهانات زوجي و تطاوله المست
مثل ما اقترحوا الاعضاء لا تطلعي من بيتك و لا تأخدي قرار نهائي حتي تحصلي علي وظيفة تكفيك عن الحاجة لاهلك او لزوجك
الله كريم بيرزقك من واسع فضله و لا تندمي انك اعطيت فرص بالعكس افضل عشان ما ترجعي تلومي نفسك بعدين لو قابلتك عثرات او ظغوط و زوجك عسي الله يهديه و يصلح حاله موفقة حبيبة |
رد: اهانات زوجي و تطاوله المست
ترى رجعتك لزوجك عادي جدا
تبغين الافضل لاطفالك احيانا الله يسلط علينا بذنوبنا 😥 والله اني مؤمنة ان لكل مشكلة لها حل سوي لك برنامج مليء بالعبادات و النوافل وانشغلي بها لاحظت وسمعت انه سبحان الله احيانا عند زيادة الدعاء و اداء العبادات قد تزداد المشكلة تعقيد وهذه علامة على قرب الفرج سبحان الله و المومن القوي هو من يتخطا هذه المرحلة بنجاح حتى ياتيه الفرج فاذا حصل ذلك تحلي بالعزم و التفاؤل و افرحي 😊 |
رد: اهانات زوجي و تطاوله المست
تركتك
شيلي سالفه الطلاق لانك منتي عازمه ولا جاده والدليل من البدايه ذكرتي مااقدر اهلي ما يتقبلوا عيالي الي بايعه مستحيل تشوف اي عقبه قدامها انتي عازفه مزايا زوجك وايجابياته ومتاكده انك تعزينه من الداخل لكنه يوصلك حدك ويستفزك وتنفجري بمواقف وبعدها يهدى وانتي تهدي وتنسي سالفه الطلاق فلاتلوحي بكرت الطلاق كل شوي لان محد ماخذك بجديه ابد مجرد انتي تشوشري على نفسك وتحوسي وتلفي بدون هدف اسمحي لي لكن هذا الي شايفته قدامك رجل غير ناضج زوجه كل يوم براي وشويه تحبي تلعبي دور الضحيه يعني الوظيفه لو مصممه عليها ماتركتيها واحس انك تركتيها بمزاجك تحملي مسئوليه قراراتك وحياتك لا تاخذي استفزاز زوجك وواجهيه بصلاده وبرود اعصاب وش الي يمنع تروحوا لمستشار وكل واحد يطلع الي بقلبه |
| الساعة الآن 04:50 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©