أفكر جديا بالانفصال ..لكن طفلي
 

السلام عليكم

تعبت من تجريح زوجي لي .. وتعبت اتحمل وأصبر ..

حتى زوجي قالها لي لولا هذين الطفلين لتركتك ..

ماذا علي أن افعل؟؟؟

رد: أفكر جديا بالانفصال ..لكن
 

هلا والله بهالطلة
ماتقدرين تشغلين نفسك و تطنشين تجربحه

رد: أفكر جديا بالانفصال ..لكن
 

عندك اطفال ماشاء الله العبي معهم و اسمتعتي فيهم
عندك فلوس اصرفيها على نفسك بكشختك باثاثك بثيابكم بمجوهراتك جزم و شنط عيشي انوثتك
والاهم لاتنسين الصدقة
جيبي لك شغالة
واستمتعي بكل لحظة تمر
وتجريح زوجك اعتبريه المنغص الوحيد لك
لان مافيه حياة كاملة
طبعا الجانب الديني صدقيني لو تهتمين فيه كان اغلب المشاكل انحلت

رد: أفكر جديا بالانفصال ..لكن
 

هلا فيك

إلى متى؟

والمشكلة إنه لو طنشت مرة وثنتين وثلاث يظن نفسه انه الصح ويتمادى ..

المرة اللي قبل هذي قالي يبي للسانك قص مع ان كنا نتكلم عادي ومافي شي يستدعي هالشي .. سكت وظليت كم يوم ماأتكلم معه وإذا طلبت شي رديت بهدوء .. تدرين وش يقول اليوم .. يقول لما كنت مطنشك الايام اللي راحت كنتي ماشية مثل الالف وحتى صوتك ماأسمعه .. يعني يعتقد انه هو الصح وأنا الغلط ولا عمره بيحس بغلطه

رد: أفكر جديا بالانفصال ..لكن
 

يوووه مانعني اجيب شغالة مع ان عندي توأم واعمارهم٦شهور وتعب فوق الدوام وتعبه
وفوق هذا يقولي انتي مثل قلتك ماتدرين عن اولادك بس كمالة عدد..

طلبت منه يسحب لي فلوس من رصيدي .. قال لي وش تبغين فيها .. قلت أبغاها .. قال مابسحب لك الا اذا عرفت وش تبغين فيها .. وقالي حريم الناس مايتصرفون بفلوسهم الا بإذن ازواجهم .. هههه ضحكت من قلب على اساس اني قاعدة استمتع بفلوسي كلها رايحة قروض للسيارة وللبيت اللي قاعدة أبنيه

رد: أفكر جديا بالانفصال ..لكن
 

كلمته عاديه لا تكترثين لها
اسعدي نفسك بنفسك

رد: أفكر جديا بالانفصال ..لكن
 

معقولة ما تقدرين تتصرفين بفلوسك ابدا؟
لا تقصرين على نفسك وازني
عيشي انوووثتك لان من كلامك مقصرة جدا ، اشتري اشياء فخمةً شوفي بنات الحين كيف لبسهم .
و الشغالة حاولي فيه واعرفي سبب الرفض، تقدرين تديرين امورك بدونها
والتوأم اذاا كانوا بكريين ترى ما يتعبون هذا باعتراف اللي حولي
وبصراحة اشوف كثير موظفات رافضين ازواجهم الشغالة وماشية امورهم بالنظام و الترتيب صايرين تمام التمام

رد: أفكر جديا بالانفصال ..لكن
 

لاتفكري كذا الله يهديك وفكري بايجابيات زوجك مو سيء وانتي واضح انك طيبه بس حساسه وتعملي من الحبه قبه..
تذكري تعبه معاك بحملك وولادتك وخوفه عليك من مواضيعك السابقه ..بس هو مليان قلبه من مواقفك سابقه وماعاد تشوفي الا السيء منو انتي احتويه وامحي الذكريات اللي مو كويسه وحتشوفي كيف يتغير للافضل الله ييسر لك الخير.

رد: أفكر جديا بالانفصال ..لكن
 

تبنيه لمين؟؟ باسمك مين البيت؟؟

رد: أفكر جديا بالانفصال ..لكن
 

البيت بأسمي .. بس راح يرتاح من الاجار طبعا وهذا مهم عنده

رد: أفكر جديا بالانفصال ..لكن
 

رد: أفكر جديا بالانفصال ..لكن
 

مشاكل عادية لا تخلي الشيطان يكبرها بعينك

رد: أفكر جديا بالانفصال ..لكن
 

ليه تطلبين منه يسحب من رصيدك ليه انتي ماتسحبين
والاولاد لما تروحي الدوام وين تحطينهم

رد: أفكر جديا بالانفصال ..لكن
 

بطاقتك عنده😔😔
ليه ماعندك أهلية!

رد: أفكر جديا بالانفصال ..لكن
 

دام كذا خلي بطاقتك معك..واصرفي بنفسك..من دون لخد يخقق معك ..في الاسلام للمرأة كامل الحرية في التصرف بمالها..وطاعة الزوج لاتشمل مال الزوجة واستئذانه في مالك يدخل ضمن اي حق من حقوقه ليتني اعرف بس ؟عموما لزوجك محاسن اذا وسوس لك الشيطان بالطلاق ترى في اخت لنا في المنتدى طرحت مشكلتها وكيف زوجها تجريحه فعلا لايطاق يسبها ويسب اهلها. ويستنقصها لكن متحملة عشان اولادها الله يعطيها ويعوضها خير و ادخلي شوفي مشكلتها هل وصلتي لنفس وضعها؟ اطفالك بحاجة أبوهم..بتجيك ايام بيمرضو ايام تضطري تطلعي بالليل عشانهم..هونيها وتهون ياغالية علشان عين تكرم ألف عين

رد: أفكر جديا بالانفصال ..لكن
 

لا مو دايم .. إذا عصب او كنا متزاعلين يجرح بالكلام ..

رد: أفكر جديا بالانفصال ..لكن
 

لأن البطاقة معه بحكم إني قاعدة ابني البيت وهو اللي يجيب اغراض البناء ويشرف على العمال .. فالبطاقة معه إذا احتاج شي من الحساب يسحب يشتري حديد اسمنت بلك ومن هالأمور.. وغير كذا الشهادة لله البطاقة دايم معي ومايطلبها وماقد سواها أبد..

الاولاد احطهم بحضانة ..

رد: أفكر جديا بالانفصال ..لكن
 

الرد في ردي لاختنا مبتعثة .. البطاقة معه حاليا بحكم البناء..

رد: أفكر جديا بالانفصال ..لكن
 

يقول حاسبتك ليش طالبة الفلوس لانك ماتعرفي تطلبي وكأني خادم عندك .. مع العلم قلت له إذا ماعليك أمر .. بس هو الظاهر يبي علة عشان يحقق

رد: أفكر جديا بالانفصال ..لكن
 

البطاقه معك
واذا احتاج سوي له تحويل على حسابه
وفكي نفسك من الحساسيات
لان من زمان الامور الماديه مسببه مشكله وحاجز بينكم

رد: أفكر جديا بالانفصال ..لكن
 

بالنسبة لي ماعاد تسبب الامور المادية اي مشكلة .. ريحت راسي من هالموضوع لاني قلت له بالحرف انا ومالي امانة عندك وربي هو اللي بيحاسبك .. والشهادة لله ماياخذ شي من فلوسي لنفسه ابد .. بس اللي قهرني ليش يحاسبني على فلوسي اسحبها إن شاءالله احرقها مايعنيه..

بعدين إن طلبت البطاقة الحين بتتعقد المشكلة اكثر .. وهو بيحتاج الفلوس في البناء .. هي فيها المبلغ اللي يكفي البناء .. إذا خلصت على بيتي خلي البطاقة معه ماعاد تهم

رد: أفكر جديا بالانفصال ..لكن
 

ومتى يخلص البناء

رد: أفكر جديا بالانفصال ..لكن
 

مبدئيا بعد شهر

رد: أفكر جديا بالانفصال ..لكن
 

اول شي شو سبب الخلاف بينكم..
هل انتوا على هالوضع قبل حملك وانجابك للاولاد..
لازم تعرفي سبب غضب زوجك لانه مافيه شي بدون سبب...
هل انتي من الناس اللي يعاير زوجه ..يمكن عنده احساس بالنقص..لانه انتي اللي بنيتي البيت وهو راح يسكن ويكون زوج الست..فقاعد يراويك انه لسه هو رجال البيت...
لاتمسين كرامة زوجك باي كلمة...اول شي اكيد هو مو كله سلبيات بعدين وجود الاطفال يستدعي منكم انتوا الاثنين انكم تبذلون جهد في اصلاح الزواج..
واهم نقطه اعرفي وين السبب في غضبه

رد: أفكر جديا بالانفصال ..لكن
 

فعلا احس انه يشعر بالنقص لذلك يبي يحسسني برجولته عن طريق كلامه والتنقيص مني وتحطيمي .. هو اسطوانته اللي دايم صدعني فيها إني مااحترمه كزوج .. وانا يعلم الله ماأسوي شي الا بشوره ..

رد: أفكر جديا بالانفصال ..لكن
 

رغم إني أحبه وله مكانة عالية بقلبي بس ماني قادرة اتحمل وانسى تجريحه لي .. لدرجة حتى اخواني ماسلمو منه .. يقول أتاريكك كلكم ياأولاد فلان كذا .. لاحول ولاقوة إلا بالله

رد: أفكر جديا بالانفصال ..لكن
 

ودي اتعامل معه بأسلوب يخليه يتراجع ويعتذر وماعاد يكرر هالشي بس ماني عارفة كيف .. دلوني جزاكم الله خير

رد: أفكر جديا بالانفصال ..لكن
 

بالنسبه للبطاقه إذا بنكك الراجحي طلعي بطاقه إئتمانية من مباشر ويرسلونها لك لباب بيتك
وصيري ادخلي المباشر وحولي لها كل مابغيتي مبلغ إلى ماتخلصون البناء واسترجعي بطاقتك
أو العكس تكون معك بطاقتك الأساسيه ومعه البطاقة الإئتمانية


وأما بقية مشاكلك فهي تصير في كل بيت
وترا الهرمونات بعد ولاده التوأم تلعب لعب ونفسيتك تصير حساسه جدا مع المسؤوليه المضاعفة فإهدأي كل شي سيكون بخير

رد: أفكر جديا بالانفصال ..لكن
 

ليش اخترتي هذا العنوان؟؟
ايش الاسباب خلتك تفكري كذا

رد: أفكر جديا بالانفصال ..لكن
 

انتي ليه حاطة دوبكً دوب كلامه و تتحسسين
خلاص طنشي هو ابو عيالك وتحمليه حسن كلامه ما حسنه بكيفه
انشغلي باطفالك وعيشي احلى ايامهم ما بتتكرر
لا تشتكين من تعبهم ابدا
قومي بعملك معهم وانتي بغاية الاستمتاع
اصرفي نظرك عنه وعطيه حقوقه شكر او ماشكر
الا اذا كان ياخذ فلوسك
ويمنعك عنها
هنا يحق لك تزعلين بصراحة و ما الومك
وقلتها لك كثير احسك مقصره جدا بشأن نفسك هنا اقول لك اذا عرف السبب بطل العجب
لاتحطين كلامه تحت المجهر دامه مو مسبب لك ضرر او مانع حقوقك
الحياة قصيرة و تمتعي بشبابك حتى نفسيتك تنبسط اصلا

رد: أفكر جديا بالانفصال ..لكن
 

ومازال كل منا في جهة .. يحدث أحيان رمي بالكلام وتجريح وأطنش .. ماأدري إلى متى سيظل الموصوع معلق هكذا .. أرغب في تصليح الوضع بس قلبي واجعني من تجريحاته وكلامه لي وانتظر منه ان يعتذر عن ماقال .. ماأعرف كيف أتصرف

رد: أفكر جديا بالانفصال ..لكن
 

كل يوم الأمور تتعقد زيادة .. وزوجي كل يوم يزيد في تجريحه وخصامه .. الوضع ماعاد ينطاق .. قولو لي وش اسوي .. تعبت مرة

رد: أفكر جديا بالانفصال ..لكن
 

قلنا لك انشغلي عنه بعيالك ولا عليك من كلامه
التفتي لنفسك اناقتك هندامك خلي يستحي يخاصمك
الا اذا هو مضيق عليك وسالبك فلوسك هنا يحق لك تضايقين

رد: أفكر جديا بالانفصال ..لكن
 

وانشغلت بأطفالي وبنفسي .. بس النفسية زفت .. يعني تخيلو أي شي على الداخل والخارج يهزأ ويجرح .. حتى على اولادي يخاصم .. ماكأنني أمهم ويهموني .. حسبي الله ونعم الوكيل

رد: أفكر جديا بالانفصال ..لكن
 

اسألي الله دائما ان يكفيك شر لسانه
ويسخره لك ولاطفالك
الله يحب ان يسمع صوتك

رد: أفكر جديا بالانفصال ..لكن
 

طيب ما سالتيه وش السبب؟

رد: أفكر جديا بالانفصال ..لكن
 

مقهور أنه يتعب ويعمر والبيت مو له طنشي وبيرجع أن شاءالله