|
موقف مع المشرفة مستجد الرد 22
السلام عليكم
حصل لي موقف مع المشرفة وحابةأسمع آرائكم اللي حصل إنها جاتني الفصل الأسبوع ونادتني من عند الباب و أول ماجيت قالت لي : بلوزتك مرة عاجبتني أنا : جزاكِ الله خير هذا من ذوقك وكلمتني بخصوص العمل و أعادت بصراحة بلوزتك عاجبتني ألبسيها الأسبوع الجاي. أنا : إن شاء الله بس يعني بتحضري عندي الاسبوع الجاي؟! ماردت علي و رجعت كلمتني بخصوص العمل و أستأذنت مني ومن بعيد رجعت تذكرني وقالت : لاتنسي تلبسيها الاسبوع الجاي . أنا هزيت راسي وودعتها مبتسمة. حقيقة موقفها أثار استغرابي وقتها لكن مو لدرجة كبيرة إلا بعد ما رجعت البيت وكلمت أخواتي ووحدة منهم قالت لي : كلامها جدا غريب و موقفها يخوف. و الثانية قالت لي : أنا لو منك ماراح ألبس البلوزة . مع العلم هذي المشرفة أكبر مني بكثير ممكن عمرها في الاربعين أو بداية الخمسين. و مو أول مرة تشوفني و حضرت لي مرتين ، و أنا قليل أشوفها في الدوام، يمكن في الشهر كله أشوفها مرتين أو مرة . والعلاقة بيننا رسمية في حدود العمل بحكم عمرها ومنصبها و أصلا ما نتقابل كثير . كنت أشوف الموضوع تافه ومايستاهل تفكير أو تحليل لكن كلام أخواتي فعلا خلاني أفكر أيش تبي مني؟. وليش تبي ألبس البلوزة الاسبوع الجاي؟! رأيكم .. وشكرا مقدما مستجدات الرد 22 http://66n.com/forums/showpost.php?p...8&postcount=22 |
رد: موقف مع المشرفة
لاتلبسيها وانتهى يعني بتحاسبك ليه مالبستي وانتي ليه ماسألتيها ليش البسها وابديتي استغرابك !! موقفها غريب مي صاحيه هذي
|
رد: موقف مع المشرفة
اقتباس:
فعلا موقفها غريب ومو لاقيه له تفسير |
رد: موقف مع المشرفة
يمكن بترسل لكي ناس يشوفوكي من بعيد لبعيد والامارية البلوزة
|
رد: موقف مع المشرفة
موقف غريب !! ..
...... |
رد: موقف مع المشرفة
طنشيها ولاتلتفتين لكلامها مدحت بلوزتك وشكرتيها المفروض ينتهي لهذا الحد ..!
اما تحدد لك لبسها بالاسبوع القادم فليس لها الحق تتدخل فيما تلبسين ، الرجاء خالفي كلامها واذا ردت تسأل قولي انا حره فيما البس ومتى البس عندك شي واضح تصارحيني فيه او الرجاء لاتتدخلين بخصوصياتي ... |
رد: موقف مع المشرفة
اقتباس:
|
رد: موقف مع المشرفة
لقيتها والله اعلم
طبعاً الموضوع فيه احتمالات كثيرة ولكن جاء احتمال كبير في بالي الا وهو انه تريد هذه البلوزة ولكن بشكل غير مباشر تريد منك شراء بلوزة جديدة لها وسوف تأتي تاخذها الاسبوع القادم والسيناريو المتوقع كالتالي : تسلم عليكي المشرفة وتمدح البلوزة او تشكرك على الاستمرار بلبسها وبعدها تقولين انتي : عندي وحدة مثلها زيادة اذا حبيتي تهديها لأحد يعز عليكي المشرفة : (سوف تلف وتدور وتبين ان عندها عزة وكرامة ولازم انتي تحلفي عليها، ويمكن تحلف عليكي انها لازم تعطيكي قيمتها ) او ( يمكن تاخذها منك على طول)او ( تعمل اي شيء قريب من هذا القبيل) او (مايكون على بالها وراح تعتبرها في داخلها شي جميل منك) المهم انتي انزلي السوق واشتري واحدة بسرعة بمقاس قريب من مقاسها، واعطيها الكيس بالفاتورة عشان تستبدلها بالمقاس اللي يناسبها ولاتعطيها هي مباشرة الا اذا فتحت الموضوع وقولي لها القصة واذا شفتي منها موافقة هذاك الوقت شوفي كيف تسلميها هي عشان لاتعتبر رشوة، وممكن تاخذي القيمة عشان لاتعتبر رشوة |
رد: موقف مع المشرفة
اقتباس:
لكن أستبعد هذا الاحتمال اقتباس:
اقتباس:
صعب أرد عليها بهذي الطريقة |
رد: موقف مع المشرفة
اقتباس:
ما أظن تبى مثل بلوزتي ذوقها مو مثل ذوقي من لبسها هي حرمة كبيرة أيش تبى ببلوزتي؟! لا تقول لي : كل احتمال تقولي بعيد طيب أيش في بالك احتمال ؟! لأنه مافي بالي شي ولا أقدر أخمن ! وللان مستغربة من تصرفها وكأنه خيال وكأنه ماصار لأني أبدا أبدا ما توقعت منها هذا التصرف و التباسط الشديد معي وتطيح الميانة لهذي الدرجة! أنا ماعندي صديقة تقولي ألبسي هذا اللبس مرة ثانية ولا تحدد لي أيش ألبس!!! صحيح ممكن صديقتي يعجبها لبسي وتمدح لكن خلاص يتوقف الكلام لهنا وماتتجاوز أكثر و تحدد لي متى ألبسه و تأكد علي !!! هذا بالنسبة لصديقة مابيننا أي رسميات والعلاقة بيننا عادية. |
رد: موقف مع المشرفة
لو مكانك البس وش خاسرة
واشوف احتمال اخر ربما جايبتلك عريس |
رد: موقف مع المشرفة
اقتباس:
لكن بصراحة أحس نفسي لو لبستها حمقاء أو غبية .. شعوري اتجاه نفسي مو حلو مافهمت أيش علاقة العريس بالبلوزة؟! :/ يعني بتجيب العريس للدوام يشوفني بالبلوزة؟! jyf |
رد: موقف مع المشرفة
اقتباس:
هي طلبت ومن باب الفضول واما العريس اشوف البعض يقدم احتمالات قلت احاول 😊 ما اعرف من اي بلد انت لكن في مثلا واحدة تكون معجبة ببنت فتجيب اخوها يشوفها من بعيد او قريبة لانه ما في احتمال اخر الصراحة |
رد: موقف مع المشرفة
حطي نفسك مكانها
اعتبري نفسك مشرفة ورأيتي معلمة بمثل سماتك الشخصية متى سوف تطلبين منها (اللي هي المعلمة) انها تلبس نفس البلوزة؟ الاحتمالات اللي في بالي: 1- اعجبتها (اما لشكلها المميز او لأن الوانها تضيف لها التفاؤل - او ان فيها شيء يذكرها بذكرى جميلة في حياتها ) لدرجة جعلتها تنزل من منصبها العالي وتطلب من موظفة مثل هذا الطلب. 2- شكل البلوزة يضحك وقالت خليني اجيب وحدة معي الاسبوع الجاي نضحك عليها . 3- تبي ترسل احد يقابلك او يشوفك من بعيد وماينفع المرسولة انها تسأل عنك بالاسم وانما سوف تبحث عن وصف بلوزتك وسوف تجدك لابستها وتكلمك من بعيد او تشاهدك من بعيد. 4- احتمال اخر فانا انصحك البسيها ولاحظي ايش يصير في اليوم الموعود. |
رد: موقف مع المشرفة
تبغي نصيحتي البسها مثل ماطلبت منك
منتي خسرانه شيء . وان جت قولى لها بمزحه كذا هاا لبستها زي ماطلبتى ! وقتها هي بتقول لك ليش طلبت منك تلبسيها .. |
رد: موقف مع المشرفة
البسيها يختي ذبحنا الفضول ههههه
لا تنسي تعلمينا وش صار بس كلامها عام ماقالت يوم محدد البسيها الاسبوع الجاي يعني بتلبسينها اسبوع كامل |
رد: موقف مع المشرفة
اقتباس:
صح هي ماحددت يوم لكن معروف عندنا زيارتها بتكون كل أربعاء لكن ماندري أي فصل بتدخل يعني لو بلبسها بيكون يوم الاربعاء أو يوم الخميس لأن عندنا اجتماع معها |
رد: موقف مع المشرفة
اقتباس:
لأني محجبة و مكان عملي غير مختلط شكرا لتواجدك مرة أخرى |
رد: موقف مع المشرفة
اقتباس:
وبشوف أيش راح يصير اقتباس:
لكن مرة صعبة أمزح مع وحدة بعمرها كذا خصوصا انه العلاقة بيننا رسمية هي شكلها مطيحة الميانة معي لكن أنا مازال فيني خجل أمزح بهذا الشكل لأن احتكاكي معها قليل وماتعودت عليها. لكن بحاول لو ماتكلمت ولا علقت بنفسها. |
رد: موقف مع المشرفة
عايزة احد من جهتها يشوفك بدون اتحكاك او تواصل مباشر
|
رد: موقف مع المشرفة
اش صار مع المشرفه خيال
|
رد: موقف مع المشرفة
اقتباس:
ماحضرت عندي لكن شفتها صدفة و أنا خارجة من الادارة سلمت عليها وتكلمنا شوية و تذكرت كلام فليكا و قلت لها: شوفي لبست البلوزة مانسيت فضحكت و قالت الله يسعدك وبس ! طبعا ماعرفت أيش قصتها مع البلوزة حسيتها انسانة تافهه ولا عندها سالفة المشكلة إنه شخصيتها قوية وانسانة جادة ولها هيبتها واحترامها وما توقعتها كذا ، أيش ألبسي بلوزتك الاسبوع الماضي!! ولمن ألبسها ماتوضح لي السبب!! ولاتقول شي!! ولا شي!!! |
| الساعة الآن 10:18 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©