كراهية الزواج
 

السلام عليكم ورحمة الله

عندي سؤال : هل من الطبيعي اذا اي وحده مرت بتجربة الطلاق بعدها تكره الزواج ؟
هذا الاحساس موجود عندي وبس ابغى اعرف اذا هذا الشي طبيعي بحكم انه مامرت فتره مرره طويله على طلاقي تقريباً لي 7 اشهر بس افكر انه ماابغى اتزوج ابغى اعيش بدون زواج !
حتى انخطبت قريب ورفضت بدون سبب وبدون لا اسأل او استفسر عن الخاطب ..

رد: كراهية الزواج
 

هذي مشاعر احباط والله اعلم
الله يرزقك الزوج الصالح الذي تقر به عينك

رد: كراهية الزواج
 

أنا مثل حالتك بصراحة وما عندي اقبال على الفكرة
فأتوقع إنه شيء طبيعي

رد: كراهية الزواج
 

عادي بعد سنه او اكثر تتغير مشاعرك وتتقبلي الفكره
سبعه شهور فتره قصيره

رد: كراهية الزواج
 

على الجرح انا لي 5 شهور متطلقه ومده زواجي5 شهور 💔
ماحسيت ابدا فيها اني متزوجه وانا نفسك متخوفه والله من تجربه ثانيه والشيطان يوسوس لك
لكن لاترفضين الخطاب اذا كان رجال وصالح لاترفضينه وانا انصحك وانا نفسك لكن من تجارب الي حوليوالي قريت عنها ماراح تنسين التجربه السيئه الا اذا تعوضت بتجربه ناجحه والله يرزقك ويرزقني ويعوضنا بالي يسعدنا وننسى الي صار

رد: كراهية الزواج
 

بعضهم ماشاءالله اول ماتطلق تزوج بعد العده مااعرف كيف يجددون المشاعر احس صعب
لكن اذا جا رجال صالح ومناسب ليش لا وانا ضد الي ترفض الي يخطبونا الله بيعوضها خير لاترفض لان ماراح تنسى التجربه الي مرت فيها الا اذا تعوضت بتجربه ناجحه والله يعوضها ويعوضني وبنات المسلمين

رد: كراهية الزواج
 

وانا بعد مع مرام لا ترفضي الخاطب الكويس
لان صدقيني مع الوقت بتنسين وتصيرين ايجابيه اكثر للموضوع

رد: كراهية الزواج
 

جزاك الله خير ♥

رد: كراهية الزواج
 

انا مو متخوفه نهائياً بس مااحس اني جاهزه لفكرة الارتباط
بس يمكن زي ماقالوا الاخوات عشان مامرت فتره طويلة..
الله يعوضنا ويكتب لنا الخير ♥

رد: كراهية الزواج
 

فاهمه قصدك كانك تتكلمين عني احس مو جاهزه احس طاقتي وجهدي والضغط النفسي كان في زواجي الاول احس توني طالعه من تجربه ومعاناه صعبه وكنت اقول كل الرجال كذا عانيت كثير في زواجي من ثاني يوم تعب طليقي يقولون عين او مس مااعرف صادق او كذاب الله اعلم ، وطلاقي رجعت وجهازي جديد وفوقها شعور غبنه وظلم 😭💔لكن اذا انخطبت وكان مناسب ماراح ارفض ليش الرجال يتزوج اول مايطلق والحرمه تجلس فتره لاترفضين المناسب ابدا ، واذا على النسيان الي مريت فيه ماراح انساه الين اموت لاني عارفه ماراح انسا العمر كله ليش اذبح نفسي من الهم والرجال طلق بقلب بارد ، صحيح الايام كفيله وراح تبرد الي صار لكن صدقيني ومن تجارب قريتها كثير وحده 8 سنوات مانست زوجها واهي بس ملكه وتوفى ورافضه تتزوج ، اعرف كثرت كلام لكن ماودي تضيعين فرصه تجيك وبعدين تندمين كثري استغفار وصلاه الوتر والدعاء والاستخاره واذا جاك الرجال الصالح المناسب توكلي على الله واذا انتي مطلقه بدون اطفال وصغيره ممكن فرصه يجيك اعزب او مطلق بدون اطفال نفسك ، واذا الله كتب وتزوجتي اطوي صفحه طليقك بخيره وشره عند زوجك الجديد😂👌🏻 والله يرزقنا بالي يعوضنا ويسعدنا وينسينا الي شفناااه دعواتك الدعاء بظهر الغيب مستجاب💓

رد: كراهية الزواج
 

ادري كثرت كلام لكن في خاطري وطلعته😭💔
واناانصحك وانا مثلك 💔ونفس شعوورك لكن الله يفرجها ويعوضنا
ويرزقنا النسيان ،

رد: كراهية الزواج
 

الله يسعدك حبيبتي ♥♥
لاتقولي ماراح انساه ولا تربطين الشي اللي مريتي فيه بالشي اللي مر فيه غيرك
انتي المفروض تنبسطين انه ربي كتب لك الطلاق بدل لاتتعبين معاه لانه العيشه مع انسان مريض صعبه .. واكيد اذا جاء الشخص المناسب مااراح ارفض لكن برضه الوقت لازم يكون مناسب
حتى لو جاني شخص مناسب بس اذا الوقت مو مناسب لي وماني مستعده لفكرة الزواج اكيد ماراح اوافق والله يكتب لنا مافيه خير لنا ..
اسأل الله ان يعوضك عوضاً جميل ويرزقك ماتتمنين ♥

رد: كراهية الزواج
 

من يقول ماراح تنسين
مريت بفتره طلاق صعبه جدا
الان والحمدلله نسيتها ونسيت كل شي
ولكانها مرت علي بحياتي
المراه تنسى

رد: كراهية الزواج
 

نصيحه اقري كل يوم سورة البقره
يمتص الحزن والحمدالله الزواج والطلاق بيد الله
لا بيدك ولا بيد زوجك بس الله يسخر لنا الاسباب
الحمدالله كل شيء من الله ❤❤ وانا مثلك والحمدالله نسيت واستنى نصيبي وببدء من جديد
ليش لا لو فيه مناسب لي الله يعوضنا

رد: كراهية الزواج
 

حسب التجربه الساابقه .. ردت فعلك

لكن عم نفسي لي سنتين خاطري اتزوج .. بس اذا جا الجد اهون ودي انام واقوم براحتي وحريييييه جميله