|
زوجتي وتعلقها بي
خيرا ...
السلام عليكم ورحمة الله وبركاته ... اسعد الله صباحكم بكل خير ومسرات .. واسال الله العظيم الذي جمعنا في هذا المنتدى ان يجمعنا في جناته النعيم ... واتمنى اكون ضيف خفيف عليكم نحل مشاكل بعض ونساعد بعض من الهموم والمشاكل الدنيوية التي اسال الله العظيم ان يفرج همومنا وهموم المسلمين ويفرج كربتنا ويسعدنا طوال العمر . واشكر القائمين على هذا المنتدى والصرح المميز لحل مشاكل الناس والمتزوجين ان يجعلها في ميزان حسناتهم واثابهم الله جميعا ... .... مممموضوعي .... انا شاب موظف بمدينة الرياض وتزوجت قبل 3 اشهر الحمدلله وزوجتي تسكن بمدينة بريدة واهلي اللي هم والديني من سكان محافظة الدوادمي والحمدلله زوجتي جاء لها تعيين بمستشفى الدوادمي وظيفة رسمية صيدليه وسكنت زوجتي عند والديني بالملحق الاعلى يعني عند اهلي هنا الامور تمام . ولكن زوجتي اذا ذهبت للرياض للدوام تبكي وتتعب وماتبيني اروح مع اني اخذ 6 ايام وما حولها وارجع واجلس عندها اسبوع وعلى هذا الحال مع انها مرتاحة جدا بالدوادمي من ناحية العمل ومرتاحة من تعامل اهلي معها الحمدلله ولكن المشكلة انني اذا ذهبت للرياض للعمل تبكي وتتعب وماتبيني اطول ابد ودي انقلها للرياض بس النقل صعب شوي وغير كذا هي انسانه حساسه للابد ودوام الرياض غير صعب شوي مع ان البيت ملك الحمدلله مع الوالد ومرتاحه بالعمل هي وهي ماتصبر على فراقي حتى لو اطلع طلعة مع الاصحاب تقلق وتسال عني ومتى تجي وهي تعاملها حلو معي ومع البيت ولكن هنا انها حساسة جدا وماتبي فراقي ابد يعني بمجرد اقول بمشي للرياض بكره بداوم حزنت وبكت وتعبت حتى اذا كلمتها وانا بالرياض ماتقدر تكمل المكالمة لدرجة انها متعلقه حيل فيني للابد وانا تعبت صراحة مادري وش الحل ... افيدوني بشي مقنع وحل كويس واراء ايجابيه ولكم دعوة بظهر الغيب ... تم تعديل العنوان ليتناسب مع المضمون |
رد: افيدوني جزاكم الله خيرا ☹
ماعندكم الاطفال ...ان شاءالله اذا رزقها الله اطفال بتنشغل فيهمً
|
رد: افيدوني جزاكم الله خيرا ☹
توك 3 شهور بتبكي حتى لو رحت للعمل اللي بترجع بعد ثمان ساعات
اصبر سنتين .. ولا تنقلها دوام القرو اسهل واجازات وتغيب ما احد درى عنك |
رد: افيدوني جزاكم الله خيرا ☹
ضحكت ...تذكرت الكلام الذي يقال عن تعلق الزوجة بزوجها ...لانه يبدو ان زوجتك تعلقت بك جدا جدا
المفروض الحياة الزوجية الطبيعية يكون الزوجان يعيشان معا وطبعا لظروف العمل يحصل البعاد و تعب الزوجة هنا شىء طبيعي جدا توها عرووسة توها ذاقت حنان الزوج ... الحمد لله كثيرا العلاقة بين زوجتك وعائلتك طيبة ما شاء الله في الوقت الراهن عليها بالصبر ثم الصبر ثم الصبر وان شاء الله تفرج وتجدون حل في امكانية تبديل مقر عملها توها جديدة في العمل تصبر شوي ولو حتى طالت المدة لسنة او سنتين وان شاء الله بعد ما تجيب طفل تنشغل به ربي يسعدكما وييسر لكما امركما |
رد: افيدوني جزاكم الله خيرا ☹
هههههههه زوجتك غريبه
ماشاء الله يمكنها متعلقة فيك مره اذا تقدر تنقلها للرياض خير وبركه اذا ماتقدر مالها الا الصبر |
رد: افيدوني جزاكم الله خيرا ☹
اقتباس:
اقتباس:
اقتباس:
اقتباس:
جزيتم خيرا ووفقكم الله جميعا واسعدكم الله لما يحبه ويرضاه ووفق الجميع .. حلول طيبة وجميلة وفعلا الصبر الصبر هو الحل والفرج من عند الله سبحانه . ولكن انسانه ماعندها صبر مع اني افهمها بالوضع ومصلحة عملها اهم شي ومستقر حال ولكناذا بس طريت لها اني بروح للرياض خلاص هلت الدمعة وبكت وتضايقت قسم بالله تعبت نفسيا واحيان افكر ودي ارفع لها نقل للرياض بس دوام الرياض للصحيين كرف وتعب ويمكن باليوم مانشوف بعض الا 5 ساعات واذا جاء لنا اولاد صعب عليها وعلي . وعسى الله يسر الامور ويسهل احوالنا والحمدلله على كل حال . وننتظر مشاركات الاعضاء بارائاهم واقتراحاتهم جزيتم خير جميعا ... |
رد: افيدوني جزاكم الله خيرا ☹
ما لك الا الصبر
ستشتاق لهذه الايام كل الازواج في البداية يكونو متعلقين ببعض وزاد عندها لانك بعيد لما يرزقكم ربي باولاد ستتمنى زوجتك ان تطول اكثر خارجا كي تكمل شغلها وستنشغل عنك بهم الله يسعكم |
رد: افيدوني جزاكم الله خيرا ☹
من اللي قال ما عندها صبر
الا عندها و ألا أسرعت ركضا لك نعم هي حزينة وتفتقدك لكن هي لا تريد حل وانت تظن أنها في ورطة و تضع الأمر بإطار المشكلة التي تنتظر حلا قاصما فوريا والموضوع ابسط من كذا هي تعيش حالة حب وتريد منك أن تبادلها المشاعر و تزيد جرعة الكلام عن الشوق و الحب مثلها فقط يعني لو قلنا عن "الحل" هو أن تعبر لها عن حزنك لما تروح و خلال جلوسك هنا ترسل لها رسائل شوق ومع الوقت الوضع يهدأ و تكون انت اشبعت عاطفة فيها |
رد: افيدوني جزاكم الله خيرا ☹
اقتباس:
التعاطف يا صديقي مهم ,, المرأة لا تريد منك وضع حلول ,, تريدك أن تقف معها عاطفيا وتشاركها ما تحس به ,, أظهر لها تضايقك وانزعاجك ,, وإذا ذهبت للعمل ,, أرسل لها يوميا أو كلمها واسألها عن يومها وأحوالها وأنك تشتاق لها ,, |
رد: افيدوني جزاكم الله خيرا ☹
اسال الله العظيم ان يهديها ... ويسعدكم ويسر اموركم لما يحبه ويرضاه ... حلول قيمة وجيدة جدا لعلها ان تصبر ويهديها الله
ونتمنى من الاعضاء الاخرين المشاركة بارائهم واقتراحاتهم لعل زياده الخير خيران جزيتم جميعا خيرا ووفقكم الله لما يحبه ويرضاه ... |
رد: افيدوني جزاكم الله خيرا ☹
كالعادة انتم يالرجال لما الزوجه تفضفض بمشكلتها وتعبر عما في داخلها طوالي تبحثون عن حل
نحن لانريد الحل من ازواجنا نحن نريد الطبطبة والحنية فقط لاغير لازم تفهم تفكير المرأه المكان هناك مريح وبجانب والديك ونفس البيئة مريحه لها هي تحتاج حنيه وتفاعل منك وانت اخذ الموضوع بشكل جدي ومتأزم نفسيا خليك ريلاكس وعطها كلمتين وبترتاح |
رد: افيدوني جزاكم الله خيرا ☹
انا بصراحة مستغرب منك انت.
ليه تتزوج دامك ماتقدر تسكن زوجتك عندك؟ وكيف صابر وانت بعيد عنها بالذات انك توك معرس. بتقول لي دوامها وما دوامها. هل هي فعلا تحتاج انها تداوم؟ انت المسؤول عن البيت ومو هي. الحل برأيي تنقلها عندك بالرياض سواء بعملها او بدونه |
رد: زوجتي وتعلقها بي
تواصل معاها صوت وصوره مباشره باليوم ثلاث اربع مرات صوت وصوره عبر البرامج المتاحه ، خلها تنزل عند اهلك توسع صدرها عندهم وتندمج معاهم وصي امك وخواتك عليها بدون لاتشعر يزرونها بشقتها واذا طلعوا ياخذونها معاهم للسوق للحديقه لاي شي ، وانت خلك قريب منها ولو بالهاتف وشجعها وتتعدل ان شاءالله، والله يهنيك بالزوجه ...
|
رد: زوجتي وتعلقها بي
ههها تقدر تنقلها لمستشفى قريب للرياض مو لازم الرياض نفسها . تقدر تنقلها مستشفى المزاحمية او ضرما او مركز صحي باطراف الرياض . هذي افضل شي الدوام اقل كرف لكن عليها تتحمل المشاوير كل يوم بالزحمة والخط الطويل.
|
رد: زوجتي وتعلقها بي
الله يعين ويكتب لنا الخيره ... واسال الله العظيم ان يفرج همومكم ويسعدكم جميعا وويوفقكم لما يحبه ويرضاه ...
|
رد: زوجتي وتعلقها بي
مسكينه مالحقت تشبع من حنان الزوج
فعلا كيف تصبر عن زوجتك كل هذي الايام وانت لساتك عريس ليش ماتنقل عملك لدوادمي عندها وعند اهلك |
رد: زوجتي وتعلقها بي
اخوي ليس مطلوب منك حل للمشكله ... فلا يوجد مشكله من الاساس
زوجتك تريد منك ان تبادلها الشوق والمشاعر وتشعرها في كل لحظه وانت في الرياض عن مدى شوقك لها ولهفتك لرؤيتها |
رد: زوجتي وتعلقها بي
هل التعدد مقبول في عائلتك؟
اتصل عليها اكثر من مرة في اليوم اذا رديت قلها بس اشتقت لك وحبيت اسمع صوتك! هل هي حامل؟ |
رد: زوجتي وتعلقها بي
اقتباس:
المشكلة بمجرد اكلمها تبكي وحتى هي تقول لاتكلمني ابكي خلها واتس وصعب المكالمة عليها اذا صرت بعيد عنها لانها تنجرح منها 😔 |
رد: زوجتي وتعلقها بي
بتضيع ايام من عمرك و سعادتك و عشان امور ما تحتاج
وظيفة دوام الخ ماهي حجة حتى تكون زوجتك بعيدة عنك و معاها حق تشعر بالوحدة و الحزن |
رد: زوجتي وتعلقها بي
هي تبكي لانها في بدابة الزواج ومتعوده عليك وما تبي تفارقك. صبرها وواسيها لانم لو نقلتها وجابت اولاد بيكون صعب تعيش في الرياض. وعلى فكرة كل المتزوجين في البداية كذا
|
| الساعة الآن 01:56 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©