|
هل عيب الشخص ينزل كرسي الطياره
السلام عليكم ورحمه الله وبركاته
والله يبارك لهم بالعشر يارب يمكن موضوعي غريب بس فعلا مستغربه دائما اسافر وغالب رحلاتي طويله فانزل كرسي الطياره وضع الميلان اذا فهمتوني ولا كان عندي مشكله ابدا المهم في رحله قصيره من اقل من سنه كنا في طياره محليه 😂اعجبتني محليه والطياره صغيره مره الشخص الي قدامي نزل كرسيه ميله يعني فصار الوضع صعب صرت محشوره كراسي الطيارهرجدا ضيقه فقمت انا نزلت كرسي بدوري ....المهم فجاه لقيت الي ورى كرسي اخويا تقول لو سمحتي كرسيك نازل مره علي او على زوجها مدري ناسيه قلت مو مشكله كانوا الكرسيين الي جنبي فاضين فقمت من كرسي الى الكرسي الثاني ونزلته لان بعض الشعب الي قدامي منزلين كراسيهم فجاه ماتوا ضحك الي وراي ويتغامزوا زي الي يقولوا يوه خلصنا منها وطاح فيها فلان التفت قلت الشرهه علي انا الي قايمه من كرسيي الناس الي قدامي منزلين كراسيهم شسوي يعني انصدموا لفيت عليهم ورديت عليهم بعصبيه قالت المره اسف ورجعت كرسي الاساسي ونزلته وسحبت عليهم اختي تشوف الموقف من بعيد قالت اشوفهم نادوا المضيف يشتكوا عليك وقالهم مااقدر اقول لها شي الموقف الثاني كان باخر سفره عاد ااسفره سبع ساعات يعني سفره طويله بنص السفره وبوقت النوم وظلمت الطياره قالت بنت اختي ببنام بحضنك قلت نامي ونزلت الكرسي شويه الي وراي لو سمحتي كرسيك نازل علي قلت ادري انتي بعد نزليه اذا مضايقك قالت مابغى انزله على الي وراي وسحبت علي ياناس ليه اجل شركات الطيران تحط وضع bend your seat دام مومسموح فيه اكيد حطوه يستخدموه الناس المهم كلمت المضيفه جت المضيفه طلت علي وشافت البنت بحضني وقالت لها مااقدر اقول لها شي وطول الرحله ...وهي ترفس الكرسي علي لدرجه بنت اختي فزت تحسبها مطبات هوائيه والكرسي رايح جاي تضغط عليه برجلها الظاهر قله العقل عاد ...عناد فيها مارجعت الكرسي لوضعه الا في حاله الهبوط وحنا نازلين كانت تناظرني بشرر زي مااكون سارقه فلوسها طول عمري اسافر ماصار لي هالمواقف ابدا سواء سفرات قصيره او رحلات توصل 32 ساعه لكن صار لي هالموقفين في اقل من سنه دخلت اقرى عن بروتكلات السفر لقيت اجانب كاتبين اذا السفره قصيره قلة ادب تنزل الكرسي اذا طويله طبعا مسموح ومدري انتم شرايكم عقب هالمواقف سافرت بعد لكن للامانه ماعاد نزلت الكرسي مالي خلق وجع راس ولان الطيارات الي بعدها صادفت كبار سن فماحبيت ازعجهم ومره كنت منزله الكرسي وضربني الي ورى فقلت اشاره ان ارجع الكرسي فطلع لي عجوز اجنبي وتعذر وقال مو قصده ونزلي كرسيك يابنيتي عادي 😂ياحليله |
رد: هل عيب الشخص ينزل كرسي الط
وعذرا للاخطاء الاملائيه جوالي يعاني من كسر في الشاشه
|
رد: هل عيب الشخص ينزل كرسي الط
اقتباس:
الله يتقبل منا ومنك الطاعات انت جاوبتي على نفسك لما الشخص الي امامك نزل كرسيه صرتي محشورة ومتضايقة من الوضع هالشيء بيصير مع الي جالسين وراكي بتحشريهم وبتضايقيهم وهم جالسين سافرت كتير ما عمري فكرت ارجع الكرسي لورا لاني عارفة اني راح اضايقهم واذا صارت معي بصراحة بصير ادعي على الي جالس امامي طول الرحلة الا اذا كانوا اطفال يعني فوق جلستنا الغير مريحة يجي الي امامي ياخذ راحته على حساب راحتي المفروض تكوني منتبهة لهالنقطة وانك بتضايقي الي جالسين وراكي |
رد: هل عيب الشخص ينزل كرسي الط
اقتباس:
صحيح صرت محشوره بس مافكرت اشتكي عليهم او اطلب منهم لانه حقهم ينزلوا كراسيهم خلاص رجع كرسبه ورى انا بعد ارجع كرسيي ورى والي وراي يرجعوا كراسيهم ورى ماهي معقده السالفه ولا اضحي انا واصير المحشوره بينهم |
رد: هل عيب الشخص ينزل كرسي الط
وليه تدعي عليهم 😳
الطيران هو الي صنع هالخاصيه في الكراسي عشان ترجع ويستخدمونها المستفرين وبصراحه الي مايعجبه يبحبح فلوسه ويحجز درجه اولى هذا وضع الايكونمي |
رد: هل عيب الشخص ينزل كرسي الط
النظام بالطيارة أنه يحق لك تنزل كرسي، ولايحق لمن خلفك الاعتراض. وإن اعترض أو قال أرفع كرسيك قولي كلم المضيفة وتفاهم معها، المضيفة سترد عليه بأن هذا نظام الطيارة، وأنه من حق الراكب أن ينزل كرسيه. في وقت واحد يجب ترفع كرسيك أثناء الوجبات، فضلاً عن أنه من البديهي أثناء الإقلاع أو الهبوط.
|
رد: هل عيب الشخص ينزل كرسي الط
صح كنت بذكر نقطه الوجبات هي الي فعلا لازم ترفع فيها كرسيك
|
رد: هل عيب الشخص ينزل كرسي الط
يفضل انك تستاذني اللي وراك في حاله
انه كان محشور يكون برضاه يعني 😂 انا ان اللي امامي ياخذ راحته ع حسابي شي مزعج |
رد: هل عيب الشخص ينزل كرسي الط
اقتباس:
او اطلب من الي قدامي انا هذا مبدايي تضايقت وحسيت انك محشور وش الي حادك نزل بعد كرسيك |
رد: هل عيب الشخص ينزل كرسي الط
لو كنت مكان اللي وراك فعلا يتضايق كثير و يمكن ارفس الكرسي رفسة ههههه
وإذا مسموح وفيه هالوضعية الكرسي يعني خلاص انسى اني اللي وراي محشور و متضايق. من باب المراعاة. هذه نقطة والنقطة الثانية. عادي ممكن اقول للي قدامي نازل علي كثير إذا ممكن ترفعه شوي. خصوصا في الطائرات الصغيرة. الضيقة. |
رد: هل عيب الشخص ينزل كرسي الط
عجبتيني يوم هزأتيها بعض الناس لازم تدخلين بعينهم عشان يتأدبون
بالنسبة لي انزل الكرسي دايما بعد الاقلاع لأن لو مو مسموح ماكان حطوها الطيارة عجبهم اهلا وسهلا ماعجبهم ذكرتيني بموقف مرة كنت مسافرة لوحدي ومعي بنتي كان عمرها سنتين ونص المهم الرحلة كانت اول الصبح وكنت جالسة بجهة 3 مقاعد وكلهم فاضياات قمت رفعت المساند ومددت بنتي ع كرسيها وحطيت راسها بحضني وغطيتها بالبطانية ونامت نومة هنية - او انا كذا ظنيت - .. جاء اللي وراي وحرك رجله بقوه وضربت رجله المسند اللي رافعته وطاح المسند الحديدي بكل قوه على وجه بنتي وهي نايمة !!!! متخيله ! طبعا انهارت وماتت من الصياح بس المضحك بالموضوع انه ماكلف نفسه ولا اعتذر ..طيب لو اعتذار عابر البنت الحديده ضربت خشمها بسببك 😅😅 |
رد: هل عيب الشخص ينزل كرسي الط
ماعمري مريت بهذا الموقف يمكن لأن كل الرحلات اللي ركبت فيها الطيارة قصيرة..
لكن بشكل عام بحاول في الأماكن العامة ما أرتاح على حساب أحد مضايق، أو منزعج و يدعي علي مع إني ما أخاف من الدعاء علي بغير وجه حق، لكن اشوف الموضوع مايستاهل كل هذا الاحتقان، ناس أمر بهم في محطات قصيرة حلو تكون بيننا ذكريات حلوة لو كانت قصيرة. |
رد: هل عيب الشخص ينزل كرسي الط
اقتباس:
الحديده ضربت بنتك بسببك انتي لأنه ممنوع رفع المسند المسند انتي اللي رفعتيه مهوب هو |
رد: هل عيب الشخص ينزل كرسي الط
اقتباس:
اول كنت اظن ان الموضوع دلع مؤخرا صرت احسه ضروره سلامه الحلوه الحمدلله ماانكسر انفها مثلا هذي وعثاء السفر الله المستعان يمكن هو ماانتبه انه ضربها |
رد: هل عيب الشخص ينزل كرسي الط
اقتباس:
بقعد اراعي هالاوادم كلهم اذا مااخطات عليهم لا اخلاقيا ولا قانونيا مافي شي يخليني ابدي مصلحتهم علي والي يدعي دعوه بغير وجه حق ترجع له حلوه هذي سوو الي ببالي ولا بدعي عليكم |
رد: هل عيب الشخص ينزل كرسي الط
اقتباس:
الخاصيه موجوده بعد بكرسيه ليه ماينزله وخلصنا هل واقعي اطلب من الي قدامي يرفعه والي قدامي يطلب من الي قدامه سفره تالي لي طبيعي بينزلون الناس كراسيهم وينامون وش يحطه حق لي امنعهم يتمددون عشان انا مابي اتمدد تمددي يختي وفكي العالم من عوار الراس حتى لو مافيك نومه |
رد: هل عيب الشخص ينزل كرسي الط
انت هكذا تجبري اللي وراك ينزل كرسيه و وضعية نزول الكرسي ما تعجب الكل. يمكن مو مريحة ما ابغى انسدح. طيب. انا بالنسبة لي ما احبها خصوصا لو كنت في الطرف. احسني منسدحة و استحي لو مر رجال في الممر. عموما الوضع العادي للكرسي يكون عادي. فما اقدر اقول انه جبرك ما تنسدحي أو تجلسي. يمكن راحت ميزة. و التجاوز عن هذه الميزة في رحلة قصيرة ة و خصووووصا طيارة صغيرة و ضيقة . لا بأس فيه من باب عدم ازعاج الآخرين. و من الأدب صراحة. و لا يعتبر تركها تضحية أو ظلم للنفس!!! ذكرتيني لما سافرنا المدينة من شهر و شوي تقريبا. الطيارة ضيقة و أمامي رجل والله احس شعر راسه من ورا قريب من وجهي. تخيلي لو نزل الكرسي!!!
|
رد: هل عيب الشخص ينزل كرسي الط
الرحلات القصيره مااتكلم عنها
والموقف الي صار ان فعلا لما الي قدامي نزل كرسيه اضطريت انزل كرسي لان الطياره مره ضيقه حسيته طايح بحضني لكن مااشتكيت مالي حق الي سويته بسهوله نزلت الكرسي عشان اضمن مساحه اكثر لكن الي وراي سوو مشكله مع ان بسهوله يقدر ينزلوا كرسيهم وخلاص الرحلات الطويله تحتاج تمدد وسالفه يمكن احد يمر من الرجال بالطياره ويشوفني طيب احجزي درجه اولى وكبينه لحالك دام عندك معايير معينه والي يسمعك يقول الكرسي ينزل لوضعيه سرير الله يهداك ماتبغين تنسدحين حره لكن ماتجبري الي قدامك ماينسدح 😂 المغزى الطياره ماهي طياره ابونا والي يبي مساحه اكير ويبعد عن الي قدامه ياايحجز بزنس او كراسي الايكموني الاوسع او يسكت ويتحمل الدرجه الاقتصاديه ومن قال من الادب ماتنزل كرسيك عطوني بروتوكول او قانون منين جبتو هالعرف ان الي ينزل كرسيه قليل ادب تخيلو اسافر 14 ساعه بالسما ولا يحق لي انزل كرسي عشان اصير مؤدبه وبعد عشاني مؤدبه ازعل اذا الشخص الي قدامي نزل كرسيه لازم الطياره كلها مؤدبين ومرتزين |
رد: هل عيب الشخص ينزل كرسي الط
قلت لش استأذني و تجنبي الرفسات khh
|
رد: هل عيب الشخص ينزل كرسي الط
خلاص الرحلات الطويلة عادي و القصيرة وصلى الله و بارك على سيدنا محمد 😂البروتوكول دا خاص للسفرات المحلية
|
رد: هل عيب الشخص ينزل كرسي الط
موقف الرفس حصل في سفره طويله
اسعد فتاة مااتخيل نفسي استاذن واذا استاذنت وارفضت |
رد: هل عيب الشخص ينزل كرسي الط
خلاص إنتِ كمان لو جاية الطيارة عشان تتمددي وتنسدحي وتمدي رجلك كان حجزتي درجة أولى ولا درجة البزنس ..
الشغلة مو كذا ، هذي طيارة مجرد وسيلة مو غاية مو مكان للراحة و مشاكل مع ناس أول مرة و آخر مرة تشوفيهم في حياتك. مو معقولة الواحد يستنزف طاقته و أعصابه كل مرة في أشياء ممكن تمشيها، والدنيا ماراح تقوم عليها! نصيحة أتعلمي تحتفظي بطاقتك وتهدي أعصابك في مواقف هي أقل من إنها تاخذ من وقتك وجهدك. |
رد: هل عيب الشخص ينزل كرسي الط
اقتباس:
هالميزه موجوده بكل كراسي الايكموني ولو موموجوده وابغى انزل الكرسي اكيد بحجز درجه تسمح لي انزل الكرسي مثل ماابغى لكن دام موجوده بالايكموني بستخدمها العله بلي مايبي الناس يستخدمونها هذا نقول له رح للدرجه الالولى اضمن محد بينزل كرسبه عليك غريب منطقكم صراحه ههههه شفتيني بكيت ولا صرخت بالطياره ولميت المظيفين والمظيفات واستنفذت طاقتي الواحد يطرح موضوع مو معناته ان هالموضوع مسوي دراما بحياته وشغله الاول ليه كل المواضيع الي اجل تتحاورون فيها تكون مسببه ازمه بحياتكم |
رد: هل عيب الشخص ينزل كرسي الط
وبعدين مو انا الي اثرت مشاكل ولا انا الي رفست ولا انا الي اشتكيت للمظيفات
ليت الي وراي تاخذ فعلا بنصيحتك |
رد: هل عيب الشخص ينزل كرسي الط
مدري أسلوبك بالكلام حسسني إنه الموضوع مسبب لكِ أزمة مو بحياتك عشان أكون منطقية، مسبب لكِ أزمة في سفرك ، فنصحتك إنه مو كل شي يستحق تعطيه جهدك ووقتك، إذا كان هذا تفكير أغلب الناس اللي جلسوا وراكِ إنك مضايقتهم فإنتِ ماتقدري تغيري تفكيرهم ولا تقدري تخليهم ناس محترمين مايتصرفوا تصرفات رعناء، سواء بالقول ولا بالفعل، فالحل يبدأ عندك إنك تحطي ببالك إنها طيارة ووسيلة ومو مكان للراحة، فمو لازم تنسدحي وتتمددي مدامت هذي السدحة بتكون بداية مشاكل دائما مع الناس.
( على فكرة أنا مو من النوع اللي يسكت عن حقه، لكن انا من النوع اللي يشتري راحة باله دائما ويبعد نفسه عن وجع الراس والخلافات اللي تاخذ من طاقة الانسان ووقته) |
رد: هل عيب الشخص ينزل كرسي الط
مرات ماتقدير غير تصبري وتتنازلي..
موضوعك ذكرني بموقف مريت فيه عام الماضي نفس هذا الشهر امي سوت عملية وانا رافقتها وطولنا هناك كل غرفه فيها 4 اسره يعني 4 مرضى ومرافقهم وهما..امي..طفل ..وعجوزة نصبح بصوت الدسيس بأعلي صوت س 5 الفجر ونمسي بصوت طيور الجنه وحده تسكر مكيف والثانيه تشغله مره وانا وامي مالنا رب مره نموت حر ومره نموت برد والله ما اشتكينا ولا اعترضنا مالنا الا الصبر بس كان ارهاق شديد لانه ما انام ساعتين متواصله والله اني اقارن تجربي بمعتقلات تتعرضي لبروده وتموتي نعاس وماتقدري تسوي شي khh |
رد: هل عيب الشخص ينزل كرسي الط
طبعا عمليات الكبيره ما يسوها في مستشفيات خاصه
الحكومي اكثر ثقه في العمليات لان الخاص مرات تتعسر لهم العمليات ويرجعو يحولو المريض للحكومي |
رد: هل عيب الشخص ينزل كرسي الط
اقتباس:
تدرين عاد ان هذي هي الذكريات الي تبقى وكل مانتذكرها نضحك موقف الرفس انا وبنت اختي متنا ضحك عليه ومتاكده بعد مستقبليا اذا تذكرناه بنضحك اذكر لما نزلنا من الطياره قالت وش قصه هالمطبات الهوائيه قلت لا وانتي الصادقه الا رفسات هوائيه غشت ضحك المسكينه الله يعافي امك |
رد: هل عيب الشخص ينزل كرسي الط
اقتباس:
|
رد: هل عيب الشخص ينزل كرسي الط
اقتباس:
من جدك بتازم عشان هالموقف تخيلي هذا اكبر همنا الدنيا مليانه بلاوي ومصايب وامراض اذا بنزعل على مواضيع عابره ونتازم على حياتنا السلام شرايك ان الموقف الي فعلا كان لازم يازمني خداع شركة طيران ولولا فضل ربي كان تبهذلت بهذله الله العالم فيها وراحت علي الطياره وانا في دولة غريبه ولاسبق زرتها لكن الحمدلله ربي يسرها هذا الي فعلا الموقف الي يزعل ونويت اكتب لهم شكوى ...ذكرتيني اكتبها اول مااوصل وكنت اقول بسوي واسوي وشفت اهلي ونسيتهم هم وشكواهم من دون بتازم عشان كرسي طياره 😂😭 ويوميا يمر علينا مواقف وناس اشكال والوان ووظيفتي اصلا اشوف انماط من البشر والحمدلله متعوده على التعامل معاهم ومو وظيفتنا نعلم الناس الذوق ولا اصلا نزعل اذا ماعندهم ذوق |
رد: هل عيب الشخص ينزل كرسي الط
اقتباس:
فعلا احنا فوضويين بس هما يشوفوها ميانه وسعه صدر كنت اذا بنام اتحجب كاني بصلي بعدين اتغطي كامل بفرشي كاني مكفونه واذا ضيوف جو ماغير اعمل نفسي ميته حتى يروحو ;) لان اذا قمت ع طول يروحو والبعض منهم يكونو جايين من بعيد وطبعا من حق اي واحد يتطمن ع امه بس هدي اعصابك مو س 7 صباح وطبعا بيننا ستاره بس كانهم عندي اسمع سوالفهم كلها mhm |
رد: هل عيب الشخص ينزل كرسي الط
هذى انانيه وعدم احترام
انزل كرسي عشان راحتى لو كنتى مريضه صح معك حق و هم بيراعونك .. لكن تسوينها عشان الطياره سامح بكذا ..! |
رد: هل عيب الشخص ينزل كرسي الط
مستغرب جداً من الناس اللي تقول أنه هذي قلة أدب أو عدم احترام أنك تنزل المقعد!! هذا ماله علاقة بقلة الادب او الاحترام، هذا نظام ومفهوم متعارف عليه بعالم الطياران، وليس من حق اللي جالس خلف الكرسي الاعتراض، شخصياً كثير قدامي ينزلون كراسيهم كأمر طبيعي، ويخرب علي أم الفيلم اللي اشوفه أو يضايقني كثير، لكن عيب وليس من حقي أن أتأذى أو أعترض، معقولة فيه نسبة كبيرة مو عارفين أن هذا نظام معروف للركاب وحقهم!!
|
رد: هل عيب الشخص ينزل كرسي الط
واذا كان نظام. نلغي مراعاة الآخرين. وكأن الأمر إلزامي. هو اختيار. أحيانا قد ينتج منه مضايقة للآخرين فمن باب الذوق التنازل
عنه إذا كان الأمر لن يسبب لي ضرر. انا اصلا اللي مستغربة لهذا الدرجة ما نراعي الناس |
رد: هل عيب الشخص ينزل كرسي الط
لأننا الان نتكلم من باب أن نحن في موقع هذا الاختيار. يعني لوكنت الشخص اللي تنزل عليه الكرسي سأتقبل نصيحة أن اصمت لأنه من خياراته أو اخبره بهدوء أن الأمر يضايق إذا (((تكرم)) ورفع كرسيه
اما لو كنت انا الذي سأنزل الكرسي. فسأتقبل نصيحة الأعضاء بعدم مضايقة الآخرين والتنازل عن هذا إلا إذا كان الأمر سيضرني كثيرا لمرض أو تعب |
رد: هل عيب الشخص ينزل كرسي الط
اقتباس:
وحسيته موضوع حساس جدا هههههه وياخذونه بشخصانيه شديده |
رد: هل عيب الشخص ينزل كرسي الط
اقتباس:
ماتقدرين تفرضين شي على الاخرين ولا يعتبر ابدا قلة ادب وعدم مراعاة من الطرف الاخر |
رد: هل عيب الشخص ينزل كرسي الط
اقتباس:
|
رد: هل عيب الشخص ينزل كرسي الط
شكر لكل الي ردو جزاكم الله خير
شكر خاص لنيت مان ومسز داني وصلت الى ان الرحلات القصيره ماتحتاج ، وان الرحلات الطويله لابد فيها من الراحه قريت في مواقع اجنبيه وكان فيه عده نصائح حميله وقواعد للموضوع مادريت ان الموضوع مهم ضنتيه شي عابر اتمنى للجميع سفرات امنه لطيفه ويمدحون الدرجه الاولى بعد 😂 |
رد: هل عيب الشخص ينزل كرسي الط
اتمنى اغلاق الموضوع
|
| الساعة الآن 07:57 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©