اعضاء المنتدى الكرام
سابدا معكم فقره اتمنى ان تحوز رضاكم وهى بعنوان اريد حلا
ساطرح فى كل مره مشكله وصلتنى واريد منكم جوابا عليها
فى حالة تفاعلكم معنا سنوافيكم بمشاكل اخرى تباعا
مشكلة اليوم تقول :
مشكلة اليوم : خمسينيه تزوجت صغيره وانجبنت بنت وانفصلت وعمرها 21 سنه ,,وبعد فتره اتجوزت وبنتها كانت بحضانة الجده وضمها الاب بعد وفاة الجده ,,
,ومرت السنين وانفصلت عن الزوج الثانى ومرت بيها سنين عاشت لاولادها الكل اتجوز وعاشت لوحدها ومرضت ومحتاجه من يخدمها ,,
البنت الكبيره رفضت تخدمها وقالت لها انتى تخليتى عنى فصغرى واتجوزتى وعيشتى حياتك ودلوقت عوزانى اهدم حياتى واخدمك ؟؟
اولادها من الزوج التانى خارج مصر متجوزين وعايشين,,
هى مش عارفه تعمل ايه تبلغهم بمرضها واحتياجها لهم
وممكن يخسروا شغلهم وممكن يحرجوها ويقولوا لها تتحمل المرض والوحده .
ولا تروح تعيش فى دار مسنين ,,
وبتسأل معقول فى ىبنت تكره امها وتحاسبها على نصيب ربنا كتبه ومكانش لها يد في اختياره ,,,,,,
,اراء حضراتكم

شكرا على مداخلتك لكنها وضحت انها مريضه والسفر له تكاليفه عموما رايك يحترم

جازاكى الله كل خير وشكرا على مداخلتك

مشكلة اليوم مؤلمة وصعبه شوى :
زوجه عمرها 32 سنه ام ل 4 اطفال ,,
بتقول اتجوزت صغيره واهلها غصبوها انه تتجوز وانها من اول الجواز جوزها بيضربها ويعذبها لدرجة انه ممكن يطردها بملابس البيت وانها حاولت تحبه وتتحمل الحياه معاه ,,
بتقول فى خناقه لهم كلمت شيخ جارهم عشان يتوسط بينهم والشيخ طمع فيها ,
وبعدين قررت تطلق وتروح تعيش عند امها (وهى بتقول ان امها بتكرهها طول عمرها ) ورفضت تستقبلها فى بيتها ولها اخوتها 8 كمان بعدوا عنها ومحدش ساعدها ووقف جمبها وان جوزها دايما ينشر بين الاهل*والجيران والمعارف انها مجنونه وكل ال حواليها بيقولوا لها يا مجنونه ,,
وهى مش عارفه تعمل ايه وتعيش فين ومش قادره تكمل معاه ( انا سألتها هى عايشه فين وازاى ومنين قالت عايشه فى بيت جوزها هومعزول عنها لوحده فى غرفه وانه بيعطيها مصروف يومى 10 جنيه وان ابنها عمره 12 سنه بيشتغل وهى تشتغل فى حضانه)
اراء حضراتكم تعمل ايه وتتصرف ازااااااى ,,,,,,,,,,,,,,,
ملحوظه عن كلامها الكل بعد عنها ومحدش عاوز يساعدها

شكرا جزيلا على مرورك جازاكى الله كل خير

مشكلة اليوم
انا بكتبلك وانا بترعش انا اصلا معرفكش وصممت انزل عندك لاني شفت الجروب لسه جديد انا ضريت انسانه مالهاش ذنب غير انها كانت كويسه ولسانها حلو مع الكل
انا ليا اربع سلايف اتنين عايشين بره واتنين ف نفس البيت واخت جوز واحده هي اللي وزتني وخلتني اعمل كده عشان بتغير من سلفتي الكويسه عشان الكل بيحبها ويديعيلها مع انها شايله البيت كله ومعاها عيال وجوزها بيموت فيها بس انا كنت بضايق انا واخت جوزي من معامله الكل ليها كله بيحبها كله بيدعيلها واتفقنا انا واخت جوزي بعد ما اعدت تزن عليا انها لازم يجرالها حاجه عشان تتأدب ونتلم فى شقتها ونكسر عينها
عملنا اكونت زي بتاعها بالظبظ وعملنا اكونت راجل وبعتنا لبعض كلام خارج باسمها وصور قذره وفضلنا ع الحال ده شهر يوميا لحد ما عملنا رسايل تودي ف داهيه واحنا طبعا كنا بنضحك انا واخت جوزي
وفي يوم اتفقنا وعملنا نفسنا حد بعت ليناالرسايل ورحنلها وواحهينها فضلت اصوت وتعيط وتحلف والله ما انا هدديناها لو مسمعتش كلامنا هنفضحها.
وسيبناها بكل ارف وخرجنا واحنا بنضحك لبعض وتاتي يوم لقيت صويت انها انتحرت قطعت شرايين ايديها وكل مصدوم مش عارف ليه عملت كده وعيالها هيموتوا عليها والكل حزين وطبعا محدش عارف غيري انا واخت جوزي السبب وانا هموت من ساعتها وزعلانه عليها احنا مقصدناش والله انها تموت نفسها تعمل كده احنا كان قصدنا انها تتلم شويه ومحدش يحبها انا خايفه ومش عارفه اعمل ايه
انا عارفه اني غلطانه والغيره عمتني واخت جوزي بتقولي لو فتحتي بقك انا هقتلك وانكر اللي قولتيه انابالله عليكم محدش يدعي عليا ولا يجي عليا كفايه اللي انا فيه مكنش قصدي والله مكنش قصدي اعمل فيها كده مكنتش عرفه انها هتعمل كده ف نفسها وبسرعه
ادعولها بالرحمه وادعولي ربنا يسامحني وحياه أولادكم متدعوش عليا كفايه الرعب اللي انا فيه

فعلا مافضحوهاش لكنهم اجرمو فى حقها عموما اشكرك على المتابعه

الواقع فى مآسى اكتر من كده